دعواتكم لزميلنا المفكر د.الباقر العفيف بالشفاء العاجل
|
|
 نفسي ابقى رئيس ياخ..
|
الحبيبين كيفنكم
وحاتكم فترت من الشغل
ياخي انا ليلي ونهاري في جريدة الجن
لا سوينالنا قريشات
لا كمان ارتحنا
وحات نضري اشتهيت ابقى رئيس
اماني ما قاعدي تعجبني العربيي السودا ديك وبتلمع
والعلم يرفرف قدامها علي الملايي الجديدي مفروشي في عنقريب في حوشا فيهو زيفي وهمبريب
وتكون ماشي وسط الناس وتقول كدي تتفتح من لااااافوق زي غتا البير وكتين تجي تنشل المويي
وتخت النضارات ألات البيرسون ديك وتمرق رويسك ويدينك وتقعد تحي في الجماهير
والهوا يدقشك في اضنيك..
والخرابين البي الجنبات ومغزغزلهم سماعات في اضنيهم يحرسوا فيك
والجماهير دي تسكت توجوج وتهتفلك
وانت لاك عارفو هتاف لاك عارفو نبز
وتقعد تشتح في يديك يمين وشمال لامن اباطاتك يعرقن
وريحة الصماح دي تجي داقشاك
وكله من اجل الجماهير الابية
ووكتين تصل الساحة الداير تخطب فيها يقولوا كدي المواتر
الزي زينة الحفلات ديلك يوجوجوا ويييييو وييييو
ويقولوا كدي يفتحولك الباب..
وتجي نازل كلك تلمع وعصايتك في ايدك
وتقولهم جهزولي ساحة كبيري فشان النقزي
اصلو نحن نقزينا ماهو زي أليل الجعليين فوق ضهور السيارات
ويقوم كدي ود النصري يديها نقرة في الطنبور
وتقوم كدي تديها نقزي نقزتين وتترتر من هني لا هني
وامة الله دي تنقز معاك وهي الجوع كاتلها
ويقوموا يدوك الميكرفون وتقعد تفسي
والناس دي توجوج وانت تزيد في الفسو: حا نسويلكم وحا نبنيلكم
نضمي كله فسو وطرورة كدي
والجماهير دي تقاطعك في الكلام
وانت تزيد في الفسو وتختمها بي كم الله اكبر كدي وتنزل تمشي علي قصرك
وتقعد في الكنبات المنجدات بالجلد ديلك وتضرب في الكنادش
وتستقبل دة وتوصي دة وتدي النصايح
وبعداك تمشي علي الاقامة الرئاسية والتباخين يختولك الغدا الماهو خمج
وتقعد تلوغد في طيبات الله دي وتنسى اللوبي عفن وصحن البوش
وســخــينة الدكوة والعجور بالشطة وعفنة التركين وملاح البطاطس ابو زيتا مطفح
وشويتين يجيبولك التفاح والاناناس وتسرح وتتذكر زمن الدوم والقنقليز
وتكجم في التفاح وتتمطق..
وتقوم تاخدلك غمدي صغووويري
وبعديها تدخل علي الحمام الماهل داك
والمقعد الابيض العلي صابونة اللوكس داك
وتسكت تمرق في الخيرات الضربتهن قبيل ديلك
وتنسى المستراح والضبانة الخدرا التنوني ديك
ورجلينك التنمل من القعدة فوق حفرة الادبخانة
والعجب ان كان عندك امساك تقعد تتعصر وتعوج في وشك
والعرق يخرخر فيك ويتسايل من تالا رقبتك
ووكتين تطلع تلقى رجلينك منملي وواجعاك تقول كنت بتسوي في سويدي
وصماحك يرمي الصقر..
تنسى دة كله وتقعد في المقعد المريح داك اليشهيك الهُرار (اكرمكم الله)
وتقول كدي تديها غتسة في البانيو المرشوش بالكلونيا
وتقوم كدي تدخل علي الجاكوزي والموية دي تفور فيك زي القاعدين يسلقوا فيك
وتقوم تتمشك بالليفي الليها مساكات ديك ماها متل الليفي ام بذر ديك
وتقوم تتنشف بالبشاكير العلي الجلاليب ديك وليها تكي
وتنسى بشاكير الجن ديك لا تعرفها بشكير ولا تعرفها صنفرة
وتلقى الكريمات دي مطنبجة وتسكت تتمسح وتدلك في صلعتك
وتطنبج اباطاتك بالريحي السمحي
موش البخاخ العلي النفتالين داك ويسويلك حرارة في ابطيك
وتقول كدي تنضف اضنينك بالخرابة الفي راسو قطن داك
وتنسى بعبيص اعواد الكبريت في اضانك والحركة ألت حلقك معاها كض كض كض كض
وتمرق علي الاوضي الفسيحي ألتك وتشوف داير تلبس شنو
ومنو الحا يجي يغنيلك وسط الاقامة الرئاسية دي
الرسول فيكم وروني ابقى رئيس كيفن
|
|
 
|
|
|
|
|
|
|
 Re: نفسي ابقى رئيس ياخ.. (Re: طارق جبريل)
|
| Quote: وتنسى بعبيص اعواد الكبريت في اضانك والحركة ألت حلقك معاها كض كض كض كض |
أقسمت بالذي سمك السماء بلا عمد الليله مهبوش وما براك،
لكن قالوا كان سرقت أسرق جمل ، إسأل المولى ليُمكِّنك مما هو أعلى سلطة،
قول أوباما مثلا، على الأقل تقدر تسافر محل ما تريد، ولو واحد غلت عليك
إشارة فقط لأي من الاساطيل وماهي إلا ثوان وعين القاصدو ما تشوفش إلا النور،
نور الكروز توماهوك الماخمج ، وتكون قاعد في مكتبك يا هذا وتجيك الصور حيّه،
صور توريك الحصل شنو وتنقل تصريحات القالوا طيارات جات من مصر ورصدناها في الدبه،
قلت لي كض كض كض؟
ياخ الليله بالغت..
بالغت برتبة مشير..
| |
|
|
|
|
|
|
|
|
|
Re: نفسي ابقى رئيس ياخ.. (Re: منال)
|
يا PRESIDENT انا
غايتو بس عايز منك تصديق لطاحونة
في الامتداد مربع 12 .
هسع يجيبوك رئيس تقوم تعكلت 42 سنة . كرهتونا تصديق الطاحونة زاتو .
| |
|
|
|
|
|
|
|
|
|
Re: نفسي ابقى رئيس ياخ.. (Re: Osman Musa)
|
.Quote: يا PRESIDENT انا
غايتو بس عايز منك تصديق لطاحونة
في الامتداد مربع 12 .
هسع يجيبوك رئيس تقوم تعكلت 42 سنة . كرهتونا تصديق الطاحونة زاتو . |
هو وينو العيش العايز تطحنو
والله احسن ليك تطلب منو يفتح ليك محل سمك
هسى شوف عوضيه دى بقت عالميه ,,,
| |
|
|
|
|
|
|
|
|
|
Re: نفسي ابقى رئيس ياخ.. (Re: معاوية عبيد الصائم)
|
Quote: وتنسى المستراح والضبانة الخدرا التنوني ديك
ورجلينك التنمل من القعدة فوق حفرة الادبخانة
والعجب ان كان عندك امساك تقعد تتعصر وتعوج في وشك
والعرق يخرخر فيك ويتسايل من تالا رقبتك
ووكتين تطلع تلقى رجلينك منملي وواجعاك تقول كنت بتسوي في سويدي
وصماحك يرمي الصقر..
تنسى دة كله وتقعد في المقعد المريح داك اليشهيك الهُرار (اكرمكم الله |
غايتو دي قلبته فيها الهوبه ...والله دي تستاهل تكون فيها ملك ملوك أفريقيا وما يستجد من ممالك
| |
|
|
|
|
|
|
|
|
|
Re: نفسي ابقى رئيس ياخ.. (Re: Dr.Elsadig Abdalla)
|
Quote: غايتو دي قلبته فيها الهوبه ...والله دي تستاهل تكون فيها ملك ملوك أفريقيا وما يستجد من ممالك
|
يا دكتور كيفنك
والعجب ان بقى عندك اسهال
تسمع في المييييييط مييييييييييييط
زي الزول البيشرطلو في دموريي
| |
|
|
|
|
|
|
|
|
|
Re: نفسي ابقى رئيس ياخ.. (Re: معاوية عبيد الصائم)
|
Quote: والجماهير دي تقاطعك في الكلام
وانت تزيد في الفسو وتختمها بي كم الله اكبر كدي وتنزل تمشي علي قصرك
وتقعد في الكنبات المنجدات بالجلد ديلك وتضرب في الكنادش
|
بالطريقة دي نهائي ما عاوزيييين ! تااااااااني جاي تشبكنا تهليل وتكبير . أبييينا ما عاوزييين
وتبقي رئيس وتجي تدُقنا !
شوف لك بلداً تتخارج لها من هسي
قال يبقي رئيس قال
من هسي و للضمان كدي
يسقط يسقط ود جبريل
عاوزيين كيكي ولا خليل
وغيرهم تاني مافي بديل
| |
|
|
|
|
|
|
|
|
|
Re: نفسي ابقى رئيس ياخ.. (Re: مها عبد الله)
|
Quote: بالطريقة دي نهائي ما عاوزيييين ! تااااااااني جاي تشبكنا تهليل وتكبير . أبييينا ما عاوزييين
وتبقي رئيس وتجي تدُقنا !
شوف لك بلداً تتخارج لها من هسي
قال يبقي رئيس قال
من هسي و للضمان كدي
يسقط يسقط ود جبريل
عاوزيين كيكي ولا خليل
وغيرهم تاني مافي بديل |
يا مها ياخي ما تعارضي من هسي
خلينا النتشهد بالرئاسة دي
موش يمكن نلقى ليك وزارة
ان شاد الله حقت كمونية
| |
|
|
|
|
|
|
|
|
|
Re: نفسي ابقى رئيس ياخ.. (Re: معاوية عبيد الصائم)
|
Quote:
الرسول فيكم وروني ابقى رئيس كيفن
|
تسمع الليلي يا الحبيب
الرئاسة دي اختا جيهتا تب اب تدوم
واليومين ديل الشعوب سمها فاير ( ونقد نسمع في : الشعب يريد .... تغيير الطلبي )
والعجن نسوان الرؤسا
الواحدي زمنا كلو باركة ليهو تحت رجلينو
ويمو اليفقد السلطة تمسكو تزلو ديك الزلي قدام الناس
وانت مسوي صلعت دي عارف اب تحمل جنس دا
هههههههههههههههههههههه
خالص الود
| |
|
|
|
|
|
|
|
|
|
Re: نفسي ابقى رئيس ياخ.. (Re: ياسر بيناوي)
|
Quote: تسمع الليلي يا الحبيب
الرئاسة دي اختا جيهتا تب اب تدوم
واليومين ديل الشعوب سمها فاير ( ونقد نسمع في : الشعب يريد .... تغيير الطلبي )
والعجن نسوان الرؤسا
الواحدي زمنا كلو باركة ليهو تحت رجلينو
ويمو اليفقد السلطة تمسكو تزلو ديك الزلي قدام الناس
وانت مسوي صلعت دي عارف اب تحمل جنس دا
هههههههههههههههههههههه
خالص الود
|
لا يا بيناوي ياخي
حرم الرئيس بتكون حنينة ياخي
| |
|
|
|
|
|
|
|
|
|
Re: نفسي ابقى رئيس ياخ.. (Re: Osman Musa)
|
Quote: يا PRESIDENT انا
غايتو بس عايز منك تصديق لطاحونة
في الامتداد مربع 12 .
هسع يجيبوك رئيس تقوم تعكلت 42 سنة . كرهتونا تصديق الطاحونة زاتو .
|
شايفك داخل علي طمع
بكلم ليك صحبك طلحة يفضح سعيك للاغتناء الغير مشروع
| |
|
|
|
|
|
|
|
|
|
Re: نفسي ابقى رئيس ياخ.. (Re: منال)
|
ود جبرين
نسيت النعلات الزي حلاوة قطن البمرقوبن من الحمام
ومكنة الكهربا البحلقوبا بدل الت الموس البتجرح ديك
والبحلقوبا اربعة مرات لمن تموت
هازول وحاة نضري دي انت كان بقيت رئيس
ياهو الامتداد النقدو طير وياكا الما شغال ليك بي جنسي زول
انت المن هسع تفتش في درب العربية ام بيرق
ان شاء الله ما تبقي رئيس
عليك الله ورينا تفاصيل يومك كلو من صباحا لي مطاحا
ودي
| |
|
|
|
|
|
|
|
|
|
Re: نفسي ابقى رئيس ياخ.. (Re: عبدالله ابوشوارب)
|
Quote: وتقوم كدي تديها نقزي نقزتين وتترتر من هني لا هني
وامة الله دي تنقز معاك وهي الجوع كاتلها
ويقوموا يدوك الميكرفون وتقعد تفسي |
اريتك يالمسنوح تتعلي ماتتدلي....!!!!
ات ياجني النضمي المتل ده
قاعد تسويهو كيفن...
جزم كان مسنوحا غيرك كان قتلو
المصيبي البلفوها بي الورقي الخفيفي
ديك قاعد تلقاها وين.....؟
| |
|
|
|
|
|
|
|
|
|
Re: نفسي ابقى رئيس ياخ.. (Re: ابراهيم محمد موسي)
|
Quote: وتقوم كدي تديها نقزي نقزتين وتترتر من هني لا هني
وامة الله دي تنقز معاك وهي الجوع كاتلها
ويقوموا يدوك الميكرفون وتقعد تفسي
والناس دي توجوج وانت تزيد في الفسو: حا نسويلكم وحا نبنيلكم
نضمي كله فسو وطرورة كدي
والجماهير دي تقاطعك في الكلام
وانت تزيد في الفسو وتختمها بي كم الله اكبر كدي وتنزل تمشي علي قصرك |
[إنت تنقز..
نحن ننقز..
وانت بره الداره تنقز..]*..
أها آطارق قول [ حلم زلوط ] ده انحقق؛
الجوعير والنخجي الفليل شن جاي تسوي معا؟
_
* يطراك الله بالخير يا أحمد النضيف..
| |
|
|
|
|
|
|
|
|
|
Re: نفسي ابقى رئيس ياخ.. (Re: khaleel)
|
Quote: بالروح بالدم نفديك
يا جبريل
ادينا وزارة الاسكان دي
كان نلقي بيت في المنشية مع ناس الجبهة ديل |
يا خلي بي شرط ما تشغل معاك كيكي مستشار
يقوم يجيب لينا بتاعين المريسة الفي الكنابي ديلك
ويوزع ليهم الاراضي كلها
والشعب يبقى ليله ونهارو سكران
| |
|
|
|
|
|
|
|
|
|
Re: نفسي ابقى رئيس ياخ.. (Re: محمد عبدالرحمن محمد)
|
Quote: أها آطارق قول [ حلم زلوط ] ده انحقق؛
الجوعير والنخجي الفليل شن جاي تسوي معا؟
|
يا حبيب دي رئاسة تقدمية
لا بدة من يوم في السبوع للنخجي
نجيبلنا ساوند سستم في ابو جنزير ونشغل: (ليه تقول ايامنا راحت وانتهينا)
والشعب دة يسكت يتنخج مع الرئيس
| |
|
|
|
|
|
|
|
|
|
Re: نفسي ابقى رئيس ياخ.. (Re: Yassir Tayfour)
|
Quote: يا ود جبريل
كض كض كض كض
والسبابة جوّة الأضان!
___
بجنس نضميك ده أخير لينا الموجود؛)
|
ابو ((تِفي))
والعجب ان جاتك انكراشي و((صُرتك)) في السهلي وتقعد تحك
بعدين ياخي النضمي دة ما بيجي وزير الخارجية يوضح تصريحات الرئيس
| |
|
|
|
|
|
|
|
|
|
Re: نفسي ابقى رئيس ياخ.. (Re: haroon diyab)
|
Quote: اريتك يالمسنوح تتعلي ماتتدلي....!!!!
ات ياجني النضمي المتل ده
قاعد تسويهو كيفن...
جزم كان مسنوحا غيرك كان قتلو
المصيبي البلفوها بي الورقي الخفيفي
ديك قاعد تلقاها وين.....؟
|
ود دياب شفتلك رئيس بيلفها
| |
|
|
|
|
|
|
|
|
|
Re: نفسي ابقى رئيس ياخ.. (Re: عبدالله ابوشوارب)
|
Quote: ود جبرين
نسيت النعلات الزي حلاوة قطن البمرقوبن من الحمام
ومكنة الكهربا البحلقوبا بدل الت الموس البتجرح ديك
والبحلقوبا اربعة مرات لمن تموت
هازول وحاة نضري دي انت كان بقيت رئيس
ياهو الامتداد النقدو طير وياكا الما شغال ليك بي جنسي زول
انت المن هسع تفتش في درب العربية ام بيرق
ان شاء الله ما تبقي رئيس
عليك الله ورينا تفاصيل يومك كلو من صباحا لي مطاحا
ودي
|
ود ابو شوارب كيفنك
هاااازول كيفن انساها
والعجب موس الحلاقة البي الكهرباد ديك
وزن زن زن في دقيقة تحلقلقك دقنك
والعجب الكريم البيمسحوهو بعد الحلاقي ديك
وجضومك يبقن مُللللللللللللللللللللللللس
| |
|
|
|
|
|
|
|
|
|
Re: نفسي ابقى رئيس ياخ.. (Re: محمد المرتضى حامد)
|
Quote: أقسمت بالذي سمك السماء بلا عمد الليله مهبوش وما براك،
لكن قالوا كان سرقت أسرق جمل ، إسأل المولى ليُمكِّنك مما هو أعلى سلطة،
قول أوباما مثلا، على الأقل تقدر تسافر محل ما تريد، ولو واحد غلت عليك
إشارة فقط لأي من الاساطيل وماهي إلا ثوان وعين القاصدو ما تشوفش إلا النور،
نور الكروز توماهوك الماخمج ، وتكون قاعد في مكتبك يا هذا وتجيك الصور حيّه،
صور توريك الحصل شنو وتنقل تصريحات القالوا طيارات جات من مصر ورصدناها في الدبه،
قلت لي كض كض كض؟
ياخ الليله بالغت..
بالغت برتبة مشير..
|
ود المرتضى يا حبيب كيفنك ياخي
ياخي انا دايرلي رئاسي سمحي ما فيها مشاكل زي اللكسمبورغ كدي
لا مدافع لا مظاهرات
شيتا يكون مريح كدي ياخي
| |
|
|
|
|
|
|
|
|
 Re: نفسي ابقى رئيس ياخ.. (Re: طارق جبريل)
|
Quote: نفسي ابقى رئيس ياخ..
|
مـــا دايرين...ود جبرين
يسقط يسقط دكتور طارق
مـــا دايرين...ود جبرين
يسقط يسقط دكتور طارق
_
كده بس...!
غايتو لو لقيت نفسك مرسوم من غير هدوم إعتبرها ضريبة شُهرة
موش عايز الرئاسة إستحمل..
يبقي عليك قول د\ عوض دكام في النكتة رحمه الله
لوووووووووووووووول.
| |
|
|
|
|
|
|
|
|
|
Re: نفسي ابقى رئيس ياخ.. (Re: محمد مصطفي مجذوب)
|
خلينى امشى معاك لما بعد مرحلة الرئاسة
تحتاج لجوقة مطبلين وتنابلة لتعويج المستقيم
بناء كل الميادين حتى لا يجد من يفكر فى الاعتصام ميدانا
اقامة المتاريس فى كل الشوارع مما يحد من المظاهرات
اما اذا رايت من يهتف فى وجهك ب
( الشعب يقيل - دكتور طارق جبريل )
فاعلم ان تجارة حبوب الهلوسة قد راجت بين شعبك
وفى هذه الحالة عليك الاسراع بتغييره بشعب جديد
حتى لا يفسد عليك اكل التفاح والحمامات الكيف كيف
| |
|
|
|
|
|
|
|
|
|
Re: نفسي ابقى رئيس ياخ.. (Re: osly2)
|
Quote: خلينى امشى معاك لما بعد مرحلة الرئاسة
تحتاج لجوقة مطبلين وتنابلة لتعويج المستقيم
بناء كل الميادين حتى لا يجد من يفكر فى الاعتصام ميدانا
اقامة المتاريس فى كل الشوارع مما يحد من المظاهرات
اما اذا رايت من يهتف فى وجهك ب
( الشعب يقيل - دكتور طارق جبريل )
فاعلم ان تجارة حبوب الهلوسة قد راجت بين شعبك
وفى هذه الحالة عليك الاسراع بتغييره بشعب جديد
حتى لا يفسد عليك اكل التفاح والحمامات الكيف كيف |
يا قريبي كيفنك
ياخي انا دايرلي شعبا هدي ورضي كدي
لا يغرق فيسبوك لا انترنيت
شعبا جنو نخجي وريدي وحب البنوت
| |
|
|
|
|
|
|
|
|
|
Re: نفسي ابقى رئيس ياخ.. (Re: محمد مصطفي مجذوب)
|
Quote: اللهم صلي عليك يا نبي....
يا زول الله يهدينا ويهديك ... ات ما عارف النفس قالو .. أمارة بالسو ..
نحن ساي في شان نقرا كلامك الشين ده.. الزول شال الداهي هولو .. وقفل نفسو في اويضتو ... يقرا سطر ...سطر ..ويتاوق ..زي الزول المطاردنو الديانه ...
وات مره واحده كدي ... تتعري وتقيف بي بره ...وتكورك بواحد راس ... بدور ابقي ريس .. بدور ابقي ريس
هي الحكاي شني
عموما اكان حكاية الرياسه ده تب قاطعه راسك .. انا في رأيي ... اشتريلك مركب .. في شان الناس كلها تقعد تشاور عليك وتقولك يا ريس .. ياريس
واللا امشي اشتغللك في ورشي واللا مصنع .. يا عرس بنية المدير ..واللا اصبرلك كم سنه كدي ..عشان يرقوك ريس
اما ناس نحن ديل
ما بنعرف لينا ريس غير الريس
عاش الامن الوطني
عاش المؤتمر الوطني
عاشت اللجان الثوريه الليبيه
عاش الامن المركزي المصري
سير .. سير يا بشير
الزول الداير يبقي ريس غيرك يطي.............. |
والله يا محمد مصطفي مجذوب
الفيك اتعرفت
ياخي يمكن نلقالك وزارة كدي قول خير
| |
|
|
|
|
|
|
|
|
|
Re: نفسي ابقى رئيس ياخ.. (Re: Hatim Gubara)
|
والله أنا ما عندي أي مانع يا الأخ الرئيس ..
وعليك الله عندي طلب واحد .. لازم تعمل وحدة بين الشعب السوداني والشعب التاني داك ..
وحدة جاذبة وجسور جوية وبحرية وبرية .. لازم يتم تبادل للخبرات وتجي تفتح ليهم مشروع الجزيرة
هم مش كويسين في الزراعة .. خلاص يجو يزرعو ياخ 700 ألف فدان قاعدة ساي
.
.
وللا وديني سفير هناك
| |
|
|
|
|
|
|
|
|
|
Re: نفسي ابقى رئيس ياخ.. (Re: محمد عمر جبريل)
|
Quote: وشويتين يجيبولك التفاح والاناناس وتسرح وتتذكر زمن الدوم والقنقليز
وتكجم في التفاح وتتمطق..
وتقوم تاخدلك غمدي صغووويري
وبعديها تدخل علي الحمام الماهل داك
والمقعد الابيض العلي صابونة اللوكس داك
وتسكت تمرق في الخيرات الضربتهن قبيل ديلك |
أها بعد تتقلب ويظبطوك علي كوع،
الظق يقع، واللآ شنو كلآمي ليك ؟؟؟
| |
|
|
|
|
|
|
|
|
|
Re: نفسي ابقى رئيس ياخ.. (Re: mona altom)
|
Quote: هيا الاخو الفيك ده جن ولا هلوسه
كدي تف ثلاثة مرات على شمالك
وقول بسم الله الرحمن الرحيم واتقلب على يمينك
الله يهديك ياخوي |
هيا الاخت شنو هو ما نحلم
منى كيفنك ياخي
| |
|
|
|
|
|
|
|
|
|
Re: نفسي ابقى رئيس ياخ.. (Re: هواري نمر)
|
Quote: مـــا دايرين...ود جبرين
يسقط يسقط دكتور طارق
مـــا دايرين...ود جبرين
يسقط يسقط دكتور طارق
_
كده بس...!
غايتو لو لقيت نفسك مرسوم من غير هدوم إعتبرها ضريبة شُهرة
موش عايز الرئاسة إستحمل..
يبقي عليك قول د\ عوض دكام في النكتة رحمه الله
لوووووووووووووووول. |
والله يا ود نمر دة ما كان العشم
ان بقيت حاريلك وزاري قولها
| |
|
|
|
|
|
|
|
|
|
Re: نفسي ابقى رئيس ياخ.. (Re: طارق جبريل)
|
Quote:
والله يا ود نمر دة ما كان العشم
ان بقيت حاريلك وزاري قولها |
هي لكن يا سعادة الريس
تهلط في المشهيات والمحمر والمشّمر والمقمر
وتتنعم وتتّمر وتمسح الصعلة الغليدة دي
وإحنا نمــــــوت بالمغسي ولاّ كيفن عاد...!
غاتيتو سوّيني ليك مستسشـــــــار
شان يبقي علينا قولة (هامان وفرعون)
__
إتّا من عملتّ صفحتك بي غادي
بقت أحلامك كبيري....
الله يستر بعد شويي تقول داير تبقي شيتن تــــــــاني
لووووووووووووووول
| |
|
|
|
|
|
|
|
|
|
Re: نفسي ابقى رئيس ياخ.. (Re: هواري نمر)
|
الحبيب ود جبرين ، تحياتى، أسجل حضورى فى هذا البوست الظريف وفيه يتجلى الابداع والجمال، الذى ينساب من يراعك الفخيم ، الرئاسة ماكتيرة عليك ، أنت رئيس متوج فى قلوبنا بما تغرسه من جمال وروعة متناهية خاصة فى هذه الأيام المغبرة، مودتى .
| |
|
|
|
|
|
|
|
|
|
Re: نفسي ابقى رئيس ياخ.. (Re: ود الباوقة)
|
| Quote: نفسي ابقى رئيس ياخ |
ودجبريل شوف لينا طريقة نخارجه بها صابحنا عشان تتوهط للرقيص .
| Quote: تنحي يا سيدي الرئيس ... |
شوف قوة العين دي شايف الفيل يطعن في ضلو ياها الباوقةالذيذ تفاحه .
| |
|
|
|
|
|
|
|
|
|
Re: نفسي ابقى رئيس ياخ.. (Re: ابو جهينة)
|
Quote: ود جبريل
سلام
وتسكت تمرق في الخيرات الضربتهن قبيل ديلك
الخيرات إن شاء الله ما يمرقن ، الرئاسة ما مضمونة اليومين ديل ،
|
الريس ابو جهينة كيفنك ابوي
ياخي حبس البول عرفناهو
لكن حبس الخيرات دة ما دقش اضانا
| |
|
|
|
|
|
|
|
|
|
Re: نفسي ابقى رئيس ياخ.. (Re: يوسف السماني يوسف)
|
السيد الرئيس
* ردم خور جانقى فورا , واعادة ستات الشاى لى محطة سبعة
* اللقيمات وما ادراك ما القيمات , والزيت البيقول طشششششششششش داك , كل ما رميتلك فيهو , طعميايى ولا لقيماتة , مافى اى فرق
* بيت الفنون داك تقلعوا لينا ما طارق جبريل , احمد عجوز يغنى يوم الخميس بدل الأربعاء ,
* مافى اى خيار او فقوس فى قصة الدرابزينات دى , لكن يتم استثناء الدرابزين الليل عمنا جبرين , ويبقى دار فنون لمناطق الأمتداد وما جاورها
* ايقاف اى تسهيلات لى عرس المغربيات , وان شئت حصرها على الشوايقى , بس
* دمج كليات البيطرة مع شقيقاتها كليات الفنون الجميلة , ده مطلب اساسى لن نحيد عنه
* المريخ ده لمن يفوز , يدوهو التلات نقاط عااادى , بس من اول خسارة , يجردوهو من نقاطه الشالها من بداية الموسم لا نهايتو , كيتن كده للسيد الرئيس
* تشغيل مطار البركل الجديد, وتحويل عطاءات مطار الصالحة الجديد ليهو فورا دون ابطاء
* نانسى عجاج دى , تغنى من بداية الأرسال , لين نهايته , والبيمعط منها الميكروفون قبل ما وصلتها تخلص , يعاقب بتهمة الخيانة العظمى
* سودانيز اون لاين , يدوها كامل ميزانية وزارة الأعلام , وبكرى ابو بكر , يترقى لى مرتبة وزير ,ووزارة الأعلام دى , يمسحوها بى استيكة
تقبل البرنامج الأنتخابى ده , ولا يفتح الله ؟؟؟؟؟؟؟؟!!!!!!
| |
|
|
|
|
|
|
|
|
|
Re: نفسي ابقى رئيس ياخ.. (Re: منصور عبد الرازق)
|
Quote: السيد الرئيس
* ردم خور جانقى فورا , واعادة ستات الشاى لى محطة سبعة
* اللقيمات وما ادراك ما القيمات , والزيت البيقول طشششششششششش داك , كل ما رميتلك فيهو , طعميايى ولا لقيماتة , مافى اى فرق
* بيت الفنون داك تقلعوا لينا ما طارق جبريل , احمد عجوز يغنى يوم الخميس بدل الأربعاء ,
* مافى اى خيار او فقوس فى قصة الدرابزينات دى , لكن يتم استثناء الدرابزين الليل عمنا جبرين , ويبقى دار فنون لمناطق الأمتداد وما جاورها
* ايقاف اى تسهيلات لى عرس المغربيات , وان شئت حصرها على الشوايقى , بس
* دمج كليات البيطرة مع شقيقاتها كليات الفنون الجميلة , ده مطلب اساسى لن نحيد عنه
* المريخ ده لمن يفوز , يدوهو التلات نقاط عااادى , بس من اول خسارة , يجردوهو من نقاطه الشالها من بداية الموسم لا نهايتو , كيتن كده للسيد الرئيس
* تشغيل مطار البركل الجديد, وتحويل عطاءات مطار الصالحة الجديد ليهو فورا دون ابطاء
* نانسى عجاج دى , تغنى من بداية الأرسال , لين نهايته , والبيمعط منها الميكروفون قبل ما وصلتها تخلص , يعاقب بتهمة الخيانة العظمى
* سودانيز اون لاين , يدوها كامل ميزانية وزارة الأعلام , وبكرى ابو بكر , يترقى لى مرتبة وزير ,ووزارة الأعلام دى , يمسحوها بى استيكة
تقبل البرنامج الأنتخابى ده , ولا يفتح الله ؟؟؟؟؟؟؟؟!!!!!!
|
يا منص
كلو موافقين عليهو
بس عليك النبي الزولة ام طاقية زي ود الواطة دي ابعدني منها
| |
|
|
|
|
|
|
|
|
|
Re: نفسي ابقى رئيس ياخ.. (Re: ود الباوقة)
|
Quote: وحالف افتح فيك بوست حدادي مدادي
تنحي يا سيدي الرئيس ... |
هييييييييييييييييييع
يا ود الباوقة انت شابكنا صقرية صقرية
لامن كرهتنا العرضة
هسي عاد استحمل النقزي الرئاسي دة
| |
|
|
|
|
|
|
|
|
|
Re: نفسي ابقى رئيس ياخ.. (Re: هاشم محمد الحسن عبدالله)
|
| Quote: الحبيب ود جبرين ، تحياتى، أسجل حضورى فى هذا البوست الظريف وفيه يتجلى الابداع والجمال، الذى ينساب من يراعك الفخيم ، الرئاسة ماكتيرة عليك ، أنت رئيس متوج فى قلوبنا بما تغرسه من جمال وروعة متناهية خاصة فى هذه الأيام المغبرة، مودتى . |
قريبي هاشم كيفنك ابوي
يمين كلامك دة قاعد يدخلني في ضفوري
وحات نضري طيبتك دي تدخلك الجنة مع الصحابة
الله يعدلها عليك شقيش تقبل
| |
|
|
|
|
|
|
|
|
|
Re: نفسي ابقى رئيس ياخ.. (Re: هواري نمر)
|
Quote: هي لكن يا سعادة الريس
تهلط في المشهيات والمحمر والمشّمر والمقمر
وتتنعم وتتّمر وتمسح الصعلة الغليدة دي
وإحنا نمــــــوت بالمغسي ولاّ كيفن عاد...!
غاتيتو سوّيني ليك مستسشـــــــار
شان يبقي علينا قولة (هامان وفرعون)
__
إتّا من عملتّ صفحتك بي غادي
بقت أحلامك كبيري....
الله يستر بعد شويي تقول داير تبقي شيتن تــــــــاني
لووووووووووووووول |
يا حبيب لا تكتر الحجي شي
سفير في المغرب كيف معاك
| |
|
|
|
|
|
|
|
|
|
Re: نفسي ابقى رئيس ياخ.. (Re: طارق جبريل)
|
يازول ده من حقك
وخلى بالك من وليد اخوك ده
بمساعدة عصام عبدالحـفيظ..عـايز أبقى وزير !!!!
من مكونات شخصية أهلى الفضلالاب القلق والتمرد وقلة الصبر..
هذا حديث يعرفه عمى عضو البورد اسماعيل عباس ودالجواد..
اناس يحبون الطلاقة كيفما اتفق وينفرون عن القيود سوى الاحسان..ومن وجد الاحسان قيدا تقيدا ..على حد قول الشاعر الفطحل الفحل..
غالب اهلى لا تروقهم السلطه بوجوهها المختلفة حتى ولو (مديرا) لمؤسسة او مصلحة وفقا للترقى والتدرج الوظيفى مدفوعا بالكفاءة وقدراته الذاتيه ..
الحياة درب شديد الوعورة..كثير الاشواك والمرء يعيش مرة واحده..
صديقى عصام عبدالحفيظ بعدسة كاميرته المدهشة يلتقط صورا لوزير قادم,,, ثم هو=عصام= ينشر صورته فى (اجراس الحرية) وهو يرنو نحو افق بعيد يرقب الوزارة..
الاطفال عندنا عادة ما يراوحون من عند(عليك الله ياالدكتور خلنى النشوف زولى )حتى مدارج العمارة من خلال الهندسة...
عصام يدهشه..اواب عكاشة وهو يخرج من جلده ومن سطوة الوراثة وتطلعات الاطفال الى طلب الوزارة..
اواب ينظر صورته عبر عدسة عصام فى صحيفة اجراس الحريه ويضحك ليقول لى ...
شوف يا اب شنب كلم عمو عصام ده..قول ليهو اواب ده عايز يبقى وزير...
| |
|
|
|
|
|
|
|
|
|
Re: نفسي ابقى رئيس ياخ.. (Re: محمد عكاشة)
|
حبيبنا وريسنا الزين ود جبرين,,, سلامات وان شاء الله حالكم زين.
والله يا طارق مشتهى اشوف الضبانة الخضراء زمن والله يا حليلها.
أهايا طارق من يومين جاني اتصال ,, الو ,,استاذ سيف ,,رديت
مرحب نعم حبابك عشرة,, استاذ سيف بتاع الخرطوم الجديدة ,, نعم
بالحيل,, يا استاذي انا حاتم جبارة ,وكمل باقي الكلام طبعا نصف
الحديث عن طارق جبريل . أها وزير تقانة ,,تعليم عالى,,تربية وتعليم
كله ماشى بس ابعدنى من المالية والداخلية بجيبن الهوا.
مودتى
(عدل بواسطة سيف الدولة كامل on 03-12-2011, 02:19 PM)
| |
|
|
|
|
|
|
|
|
|
Re: نفسي ابقى رئيس ياخ.. (Re: سيف الدولة كامل)
|
| Quote: وتقولهم جهزولي ساحة كبيري فشان النقزي |
يا جبرين
ياخى لكن عذّبت الريس عذاب ، نجااض عديل.
بالله ناس ياسر بيناوي ديل مغروضين لهم فى مستشفى، تشوفوا ليهم فى سراع و تجي تفتتحوا
كاول اٍنجاز من اٍنجازات الثورة الباسلة .... بالمناسبة لازم تسمي لثورتك من هسه
| |
|
|
|
|
|
|
|
|
|
Re: نفسي ابقى رئيس ياخ.. (Re: abubakr salih)
|
Quote: يا جبرين
ياخى لكن عذّبت الريس عذاب ، نجااض عديل.
بالله ناس ياسر بيناوي ديل مغروضين لهم فى مستشفى، تشوفوا ليهم فى سراع و تجي تفتتحوا
كاول اٍنجاز من اٍنجازات الثورة الباسلة .... بالمناسبة لازم تسمي لثورتك من هسه
|
يا ود صالح الثورة شعارها وضح: بهجة بهجة حتي الفجر
| |
|
|
|
|
|
|
|
|
|
Re: نفسي ابقى رئيس ياخ.. (Re: سيف الدولة كامل)
|
Quote: حبيبنا وريسنا الزين ود جبرين,,, سلامات وان شاء الله حالكم زين.
والله يا طارق مشتهى اشوف الضبانة الخضراء زمن والله يا حليلها.
أهايا طارق من يومين جاني اتصال ,, الو ,,استاذ سيف ,,رديت
مرحب نعم حبابك عشرة,, استاذ سيف بتاع الخرطوم الجديدة ,, نعم
بالحيل,, يا استاذي انا حاتم جبارة ,وكمل باقي الكلام طبعا نصف
الحديث عن طارق جبريل . أها وزير تقانة ,,تعليم عالى,,تربية وتعليم
كله ماشى بس ابعدنى من المالية والداخلية بجيبن الهوا.
مودتى |
اووووووووووووه استاذي الفاضل عزيزن سيف
ياخي انا ذاتي جكومة منا فيها انت ماني دايرها
ياخي انت تتوهط وتاخد الرئاسة ذاتها
حاتم جبارة شايقي ماهو نصيح شي
كان شقي في الخرطوم الجديدة
وايام الكلية نجضي نجاض
| |
|
|
|
|
|
|
|
|
|
Re: نفسي ابقى رئيس ياخ.. (Re: محمد عكاشة)
|
Quote: يازول ده من حقك
وخلى بالك من وليد اخوك ده |
يا عكش كيفنك ياخي
يا زول ود اخوي دة من هسي وريث للحكم الجمهوري
وحا يكون امين السياسات العامة لحزب البهجة
| |
|
|
|
|
|
|
|
|
|
Re: نفسي ابقى رئيس ياخ.. (Re: ساميه حامد)
|
..... هاهاهاهاها .....
ياخي والله قطعت مصاريني بالضحك في الفجر ده ....
أها عليك الرسول لمن تبقي ريس بس داير لي قطعة ارض في المنشية 1000 م مربع بث
بعد داك أنقز نقزيك ساااااي ... واوعك من لأهاي ..
| |
|
|
|
|
|
|
|
|
|
Re: نفسي ابقى رئيس ياخ.. (Re: Dr. Ahmed Amin)
|
Quote: ..... هاهاهاهاها .....
ياخي والله قطعت مصاريني بالضحك في الفجر ده ....
أها عليك الرسول لمن تبقي ريس بس داير لي قطعة ارض في المنشية 1000 م مربع بث
بعد داك أنقز نقزيك ساااااي ... واوعك من لأهاي ..
|
بشرط
تسويلنا نقزي للصباح
| |
|
|
|
|
|
|
|
|
|
Re: نفسي ابقى رئيس ياخ.. (Re: طارق جبريل)
|
| Quote: الرسول فيكم وروني ابقى رئيس كيفن |
العزيز طارق جبريل
كلما أرى صورة الوالده على برفايلك أحس بأنك رئيس فعلا
لأن الرضا النفسي هو أول خطوات الرئاسة والكياسة
يكقي أنك رئيس في ناظرينا
لها ولك التحية
وكل الود
..
| |
|
|
|
|
|
|
|
|
|
Re: نفسي ابقى رئيس ياخ.. (Re: صلاح شكوكو)
|
Quote: العزيز طارق جبريل
كلما أرى صورة الوالده على برفايلك أحس بأنك رئيس فعلا
لأن الرضا النفسي هو أول خطوات الرئاسة والكياسة
يكقي أنك رئيس في ناظرينا
لها ولك التحية
وكل الود
..
|
رحمها الله يا شكوكو
الله يجبر بي خاطرك يا حبيب
| |
|
|
|
|
|
|
|
|
|
Re: نفسي ابقى رئيس ياخ.. (Re: طارق جبريل)
|
Quote: رحمها الله يا شكوكو
الله يجبر بي خاطرك يا حبيب |
الف رحمة ونور عليها
جعل الله مستقرها في رضوانه
مع الصديقين والشهداء
وجعل لهامع كل نظرة لصورتها دعوة
من إبناء برره يرفلونها بطيب الدعاء
اللهم أرحمها رحمة واسعة
وأجعلها من أهل اليمين عندك
آمين يارب العالمين
.
| |
|
|
|
|
|
|
|
|
|
Re: نفسي ابقى رئيس ياخ.. (Re: طارق جبريل)
|
طارق والله زولك الجديد البقيت تشتري منة البتاعة ديك كويس ماتفكوا
موافقين تبقي رئيس بس انا حاجز سفير فوق العادة ومفوض لدي جمهورية اثيوبيا - مدي الحياة
وحاتك كنت عاوز بتاعت المغرب لكن شايفها محجوزة فوق
| |
|
|
|
|
|
|
|
|
|
Re: نفسي ابقى رئيس ياخ.. (Re: الزبير صالح الزبير)
|
Quote: طارق والله زولك الجديد البقيت تشتري منة البتاعة ديك كويس ماتفكوا
موافقين تبقي رئيس بس انا حاجز سفير فوق العادة ومفوض لدي جمهورية اثيوبيا - مدي الحياة
وحاتك كنت عاوز بتاعت المغرب لكن شايفها محجوزة فوق
|
يا ود صالح
اديناك ممثل دائم لفخامتنا في اديس ابابا
قصرنا معاك
| |
|
|
|
|
|
|
|
|
|
Re: نفسي ابقى رئيس ياخ.. (Re: طارق جبريل)
|
هلاّ
سعادة الريس
Quote: يا حبيب لا تكتر الحجي شي
سفير في المغرب كيف معاك |
أيوا ده الكلام,,,
وزير مفوّض, المغرب والصحراء الغربية وموريتانيا وعموم بلاد الآمازيق البرابرة
يعيش ود جبريل
__
بس الله يسترنا من جماعة : (دار دار..زنقة زنقة)
يجي واحد ويرقدنا هبوووود
| |
|
|
|
|
|
|
|
|
|
Re: نفسي ابقى رئيس ياخ.. (Re: طارق جبريل)
|
الخميجان
ازيك
مازمان رشحناك للرياسة دي لقيتك جريت المنشية شايل الكوريك والواسوق بقيت صبي بنا سااييي
########ت لي مواهبك مع الزول العاشق القمرا داك
قلنا سمح
تاني لقيتك تتجارى بي غادي تفك في "الشكلي الحاصل في البورض
قلنا سمح
باصووردي طار مني سنة وشهرين ما لقيت لي رييسا يشفع لدي سيدد الحوش
علا الله كريم اتظكطو براي لا ايد لا كراع
قلنا سمح
جاي تبقى رئيس يا المطموس
خليك رئيسنا وارعى مصالحنا بطل الضهبي البتسوي فيهو دا
هرونا ناس السياسة ديل ...
| |
|
|
|
|
|
|
|
|
|
Re: نفسي ابقى رئيس ياخ.. (Re: showgi idriss)
|
لا بديل .. لود جبريل
والله ماشة .. ما بطالة.
إنتو الرئاسة دي ما فيها غير اللوغيد والهُرار والنقزي والترترة؟
عايزين نشوف برنامجك الرئاسي (من عينة: ستكون دارفور آمنة مستقرة .... وكضبات من العينة دي).
يا زول عديلة عليك ... بس أبعد لي من ود الباوقة دة ... يشبكك سيدي الرئيس فعلتو وتركتو لامن يجيب خبرك.
| |
|
|
|
|
|
|
|
|
|
Re: نفسي ابقى رئيس ياخ.. (Re: محمد أبوالعزائم أبوالريش)
|
Quote: لا بديل .. لود جبريل
والله ماشة .. ما بطالة.
إنتو الرئاسة دي ما فيها غير اللوغيد والهُرار والنقزي والترترة؟
عايزين نشوف برنامجك الرئاسي (من عينة: ستكون دارفور آمنة مستقرة .... وكضبات من العينة دي).
يا زول عديلة عليك ... بس أبعد لي من ود الباوقة دة ... يشبكك سيدي الرئيس فعلتو وتركتو لامن يجيب خبرك.
|
يا حبيب اول قرار رئاسي: سجن ود الباوقة إلى الأبد
نحن برنامج مبني على بهجة الشعب
واهم شي الحفلات صباحي
| |
|
|
|
|
|
|
|
|
|
Re: نفسي ابقى رئيس ياخ.. (Re: showgi idriss)
|
Quote: الخميجان
ازيك
مازمان رشحناك للرياسة دي لقيتك جريت المنشية شايل الكوريك والواسوق بقيت صبي بنا سااييي
########ت لي مواهبك مع الزول العاشق القمرا داك
قلنا سمح
تاني لقيتك تتجارى بي غادي تفك في "الشكلي الحاصل في البورض
قلنا سمح
باصووردي طار مني سنة وشهرين ما لقيت لي رييسا يشفع لدي سيدد الحوش
علا الله كريم اتظكطو براي لا ايد لا كراع
قلنا سمح
جاي تبقى رئيس يا المطموس
خليك رئيسنا وارعى مصالحنا بطل الضهبي البتسوي فيهو دا
هرونا ناس السياسة ديل ...
|
اووووووووووه ابو الشوش يا حبيب
يا حبيب انا دايرلي بلدا سمحي ابقى فيها رئيس
السودان دة ماهو نافع معاي
دايرلي حاجة زي جزر البهاماس
فشان اكون حايم بالسروال من غير تكة
ولا حاجة زي جزر المالديف الزول يومه كله ياكل في السمك
تليشة:
ناسكم ناس بربر شكلهم رفدوني
كلما اجي ادخل ما اقدر
حركات الجعليين دي ما بتخلوها
| |
|
|
|
|
|
|
|
|
|
Re: نفسي ابقى رئيس ياخ.. (Re: طارق جبريل)
|
سعادة الرئيس
لازم تكون عندك مؤسسات للرئاسه
----------------------
أحضِر سلة
ضع فيها أربع تسعات
ضع صُحُفاً مُنحلة
ضع بوقاً
ضع مذياعاً
ضع طبلة
ضع سِكيناً
ضع حبلاً
ضع شمعاً أحمر
ضع قُفلاً وتذكر قفله
ضع ######اً يعقِرُ بالجُملة
يسبِقُ ظِله
يلمحُ حتى الاأشياء
ويسمعُ ضحِك النملة
واخلُط هذا كُله
وتأكد من غلق السلة
ثُم اسحب كُرسياً واقعُد
فلقد صارت عِندك دولة
| |
|
|
|
|
|
|
| |
طارق جبريل
محمد المرتضى حامد
Osman Musa
معاوية عبيد الصائم
Abd Alla Elhabib
Dr.Elsadig Abdalla
مها عبد الله
ياسر بيناوي
haroon diyab
Yassir Tayfour
ابراهيم محمد موسي
محمد عبدالرحمن محمد
Ashraf el-Halabi
khaleel
هواري نمر
Hatim Gubara
ياسر عبدالكريم محمد
سيف اليزل برعي البدوي
محمد مصطفي مجذوب
osly2
محمد عمر جبريل
معاوية المدير
mona altom
هاشم محمد الحسن عبدالله
بله محمد الفاضل
يوسف السماني يوسف
ابو جهينة
منصور عبد الرازق
محمد عكاشة
سيف الدولة كامل
abubakr salih
ساميه حامد
صلاح شكوكو
الزبير صالح الزبير
منتصر الامين
showgi idriss
محمد أبوالعزائم أبوالريش
Elmuez Shayeb
فيس بوك
تويتر
انستقرام
يوتيوب
بنتيريست