طرينا بالأغنية دي أتبرا و ناس أتبرا مالك لا تفتأ تهيج أشجاننا
دمتم
الريس ابو جهينة كيفنك ياخي تعرف في بنية زماااااااان كدة في عطبرة في الحصاية جنب بيوت اهلي ناس ود فحل وود الكرسني كنت بحب القطر يتأخر قبل ما يمشي كريمة عشان الشافعي دي مالك داير تخلينا نفتو
10-19-2010, 01:04 PM
ياسر السر ياسر السر
تاريخ التسجيل: 08-06-2010
مجموع المشاركات: 3204
Quote: يا صالح انت لسة عندك امل في البلد دي يا زول القصة ما اتفرتقت خلاص اقوليك شي انا جايي اشوف حقي وين وابيعو واتخارج
خلينا في النخجي ياخي احسن لينا
نعمل شنو يا جبريلا ما دا محل العقاب ودفن الصرة .. راجيين 9 يناير دا يا بقينا ناس يا صفينا اعمالنا وخبراتنا واتخارجنا بس ورينا مراكو دى فيها استثمار غير الزواج .. قرقر قرقر قرقر
------------
للوكت داك خلينا فى الخنجى دا
10-19-2010, 01:46 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
Quote: نعمل شنو يا جبريلا ما دا محل العقاب ودفن الصرة .. راجيين 9 يناير دا يا بقينا ناس يا صفينا اعمالنا وخبراتنا واتخارجنا بس ورينا مراكو دى فيها استثمار غير الزواج .. قرقر قرقر قرقر
يا حبيب المغرب دي الاستثمار فيها ريدات بس
10-19-2010, 01:06 PM
محمد عبدالرحمن محمد محمد عبدالرحمن محمد
تاريخ التسجيل: 10-13-2010
مجموع المشاركات: 1556
الأخ الحبيب ود جبرين ، كيفنك ان شاء الله تمام، أولا متأسف للخطأ المطبعى الذى غير (حى العرب) الى (حى الحرب) ، طبعا الكبر حصل ، تعرف المرة تتدخل المنبر لتطلع على مداخلاتى ، وشىء زى دا يعجبهابشدة، تعرف ياطارق عندما كانت زوجة أبنى الكبير حامل، وأبدى أعجابى بمذيعة أو ممثلة تنهرنى قائلة (أختشى ياجدو) ، وزهجت مرة قلت ليها يافلانة الجاب لى لقب جدو دا ، ماجبناه سوا مشروع مسترك بينى وبينك، يعنى أنا بكبر وأنتى لا؟والله بنات حواء عندهن جنس محن، ياحبيب أجمل ذكريات شبابى قضيتها بين حى العرب (اهل جدى من ناحية الوالدة) وحى المسالمة ، وكانت لنا شقاوات عديدة لايسعها المكان ، ولكن ياطارق كنت معجبا لدرجة الدهشة بالفنان العبقرى الشاعر والملحن (عبدالرحمن الريح) ، هذا ينبوع فن وجمال متناهى، وكنت أدعيه من أقاربى للآعجاب ومستندا (للشلوخ) التى تثبت أدعائى الشايقى ، هذا انسان جميل يفوق الوصف ، تجلس معه قليل الكلام ، مهذب وخجول ، لايمكن ان تصدق ان هذه الالحان الخرافية تأتى منه ، أضف الى ذلك هناك المبدعون الفنان الذرى ابراهيم عوض ، والمبدع الرائع احمد الجابرى ، ياطارق هذا الجابرى انا معجب بكل أغانيه وولهان بالحانه الخالدة، ومااعتقد أنه غنى غناء غير مبدع وجميل خلده وسيخلده فن الغناء السودانى الراقى، الشقاوة كانت تتمثل فى أعجابى بأحد فاتنات المسالمة (مسيحية) خلطة ياود جبرين بين الخمرة والبياض وعيونها خضراء (عيون كديس) ، جمال لاحدود له وفتنة قاهرة، كنت أحرص للحضور خارج الكنيسة آيام الآحاد لرؤيتها ، وأبدى أعجابى بهدايا رمزية كنت نشتريها من دكان (العدنى) بالمسالمة أيام زمان ، وكان دكان العدنى محط أنظار حسناوات المسالمة وحى العرب وماجاورهما ، لأنه كان فيه ادوات الجميلة وةالزينة التى تثير أعجاب البنات آنذاك، القصة طويلة وهذا شىء يسير ، بصراحة ياطارق نحن جيل عيشنا حياتنا بالطول والعرض تمتعنا، واننى أحس بكثير من الشفقة لأولادنا وبناتنا فى الوقت الحاضر لقد فاتهم الكثير، وكل شىء عندهم صار مستعجلا من غير (نجيض) ، ياأخى هيجت ذكرياتى ، ربنا يجعل كلامى خفيف على المرة ، لأنى بخاف منها كثيرا، خاصة ولقد وهن العظم منى ، وهى لأ (تصور !! ، مودتى ياحبيب .
10-20-2010, 01:35 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طارق جبريل
khaleel
محمد عبدالرحمن محمد
ابو جهينة
ياسر السر
سيف الدولة كامل
معاوية عبيد الصائم
اسماء الجنيد
هاشم محمد الحسن عبدالله
فيس بوك
تويتر
انستقرام
يوتيوب
بنتيريست