Quote: طارق جبرين.. ياخي شعر جلدي كللللب..(مع انو ما عارف كيف)
خليتني امش اتاوق فوق الحيطة لحوش ناس (امي) واغالط نفسي واقول ياربي انا معاها ولا مشييت؟؟؟
ياخي انعل ابو دي .....اي حاجة!!!!
وحات الله يا علاء الدين ماني مشتهيلي شي غير آخدلي غمدي تحت تمرة ورجليني مدلدلات في الجدول علاء لا تفارق امك يا الحبيب انا مشيت جيت لقيتها تحت التراب لا قالدتها لا ختيت راسي في حجرها وبكيت
06-20-2010, 11:40 AM
عفاف الصادق بابكر عفاف الصادق بابكر
تاريخ التسجيل: 08-10-2009
مجموع المشاركات: 4188
حبيبنا وقريبى ود جبرين، تحياتى ومودتى ، ياسلام على الابداع والجمال، والله كلام من صدقه وقوة عاطفته لم أتمالك نفسى وشاركتك الحزن والشجن لأن الحال من بعضه، حفظك الله ياود جبرين فمثل هذا الكلام المرتب القوى يدخل القلب والاحاسيس، لك الحب والمودة وواصل الابداع والالق كتاباتك فيها كثير من العزاء لقلوبنا المرهقة.
06-17-2010, 03:24 PM
اسماء الجنيد اسماء الجنيد
تاريخ التسجيل: 03-31-2010
مجموع المشاركات: 4731
جرعني كاس دردني...اتغربت واتبهدلت يا يمة ... وريني الخلاص .... يا يمه يا نور الصباح وكتين يطل يا يمه يا بدري البشع دايماً يهل يا يمه يا فيض الحنان الما كمل وآشري يا زينوبة ولدك في بحور الشوق كتل محروم من الحب والمحنة وراك همل
.....
كدي شوفها عليك الله يا كوتش ...ماها منطبقة على زولنا ود جبرين ده؟؟
...
06-17-2010, 05:27 PM
سيف الدولة كامل سيف الدولة كامل
تاريخ التسجيل: 03-29-2009
مجموع المشاركات: 4349
جرعني كاس دردني...اتغربت واتبهدلت يا يمة ... وريني الخلاص .... يا يمه يا نور الصباح وكتين يطل يا يمه يا بدري البشع دايماً يهل يا يمه يا فيض الحنان الما كمل وآشري يا زينوبة ولدك في بحور الشوق كتل محروم من الحب والمحنة وراك همل
.....
كدي شوفها عليك الله يا كوتش ...ماها منطبقة على زولنا ود جبرين ده؟؟
الرسول أأأالزول امشي علي اليوتيوب فتش علي اغنية ((يا نسمة)) لي محمد جبارة يمين تشرب ما تروى
06-17-2010, 09:38 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
Quote: حبيبنا وقريبى ود جبرين، تحياتى ومودتى ، ياسلام على الابداع والجمال، والله كلام من صدقه وقوة عاطفته لم أتمالك نفسى وشاركتك الحزن والشجن لأن الحال من بعضه، حفظك الله ياود جبرين فمثل هذا الكلام المرتب القوى يدخل القلب والاحاسيس، لك الحب والمودة وواصل الابداع والالق كتاباتك فيها كثير من العزاء لقلوبنا المرهقة.
هاشم اخوي وحات الله انا فتر غلبني يا الحبيب
06-17-2010, 09:39 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
............ هاك دي ياود جبرين....... المشتهنك السر عثمان الطيب.
يا المشتهنك في غيابك بالنا بيك ضمه انشغل النوم وراك يبقالنا شر فارق عيونا خلاص رحل ضايقين متين ترجع تعود نسأل متين قطرك يصل حارسين شويفعنا البجيب لينا البشاره يجيب امل يجري ويناهد من بعيد شايلو شنطه وبي عجل يفرح يقول خليتو جايي وراي يسالم في الاهل والساعه ديك عاد البلد تنجارا قاصداك يا السمح والناس توسوس لى بعض يي داك وصل والله صح حتى اللى كان محزون وباكي الليلي عاد هش وفرح في يوم رجوعك يا حبيب روحنا تب يبرا الجرح والساقي بعد العنكبوت الفوق حطيبا خلاص بني بعد الكآبه ومسحة الحزن العليها مهيمنه مرقت تلاقيك زى عروس متعطره ومتزينه جدولنا من بعد اليباس الكان موجع تقنتو بعد السنين العاشا فى بعدك بيكتم أنتو بعد العذاب العذاب الفي غيابك كان يزيد لى محنتو بلقاك فرح جاك زي عريس يا دوب جديد بي حنتو والقمري من بعد الألم والحسره والنوح والجراح بعد الدموع السايله دايماً وعمرو ف كفكفيفا راح في يوم رجوعك جفنو من بعد السهر دابو استراح فوق السبيط زوزا ورقص طربان يزغرد للصباح واوتار طنابيرنا الأبت يا حبى فى غيبتك ترن حلفت محال ما تجيب نغم يفرح قلوبنا ويسعدن عادت هى متل ايام زمان تشرح نفوسنا وتبهجن. ..........
06-17-2010, 10:18 PM
elnawrani margan elnawrani margan
تاريخ التسجيل: 06-21-2007
مجموع المشاركات: 762
Quote: __ موش قلته ليك, خليها اخر السنة وانت قلت لالا اها خُم وصُر
والله يا هوارئ سبقتني عليها. أنا من الصباح مع سيف الدولة كآمل بالتلفون، قلتلو، اصلوا ما في زول يهبب لطارق جبرين ده، والله يقولوا عينك في راسك. نعمننا شحدناهو شحدة من قلّت حيلتو وابا يجبر بي خاترنا. يا بركة الآ نام لآ اكل الطعآم يا طارق جبرين يصدقولك الإجازة مع قومتنا، ونلآقيك في البلد كيتناً عليك...
06-18-2010, 10:05 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
Quote: أنا من الصباح مع سيف الدولة كآمل بالتلفون، قلتلو، اصلوا ما في زول يهبب لطارق جبرين ده، والله يقولوا عينك في راسك. نعمننا شحدناهو شحدة من قلّت حيلتو وابا يجبر بي خاترنا. يا بركة الآ نام لآ اكل الطعآم يا طارق جبرين يصدقولك الإجازة مع قومتنا، ونلآقيك في البلد كيتناً عليك...
ود المدير تداعي فيني عامل صلعتك علي البخسة كدي
اها قولي عيد الضحية كيفن معاك
06-18-2010, 10:03 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
Quote: أزيتني يا طارق أزيتني وصدقني والله غلبني أكمل
يا قريبي الرسول لا تزعل مني وحات الله غلبني يا عمران يا عمران ريحة الجروف في نخريني وواقود بت ابو دية في الدونكة يراريلي قدام عيني يا عمران بت ابو دية شالت قلبي معاها وراحت
06-18-2010, 08:45 AM
هواري نمر هواري نمر
تاريخ التسجيل: 04-29-2009
مجموع المشاركات: 1833
Quote: والله يا هوارئ سبقتني عليها. أنا من الصباح مع سيف الدولة كآمل بالتلفون، قلتلو، اصلوا ما في زول يهبب لطارق جبرين ده، والله يقولوا عينك في راسك. نعمننا شحدناهو شحدة من قلّت حيلتو وابا يجبر بي خاترنا. يا بركة الآ نام لآ اكل الطعآم يا طارق جبرين يصدقولك الإجازة مع قومتنا، ونلآقيك في البلد كيتناً عليك...
اها يا الخرابة ود جبرين.. خُم وصُر....تاني الترابة في خشمك يا الفالح...ما عايز تنتظرنا
طارق يا عزيز صباح الخيرات للطيب صالح رحمه الله مقولة في هذا الصدد اعجبتني جدا سمعته مرة يتحدث عن اغاني الحنين ومرارة الغربة ويمة الزمن ساقني بعيد خلاص... وداير ارجع للسواقي... واطلع النخلة واتدردق في الجدول ومش عارف ...الخ قال رحمه الله: مثل هذه الاغاني لا تناسب الشخصية السودانية كما انها تفت في عضد الشباب وتفك جبارهم واشاد بالفتي القائل : إما جبنا مالا فّرح الراجينا... وإما خوجلت فوقنا الصقور ما جينا دحين يا اخوي قوي قلبك ,, ولكم من الود والحب ما تعلمون وأسأل الله ان ينزل شآبيب رحمته على والدتكم ودعاء الابن لوالده ليس رهن بمكان ,,وان تيسر لك فاهبر علينا عمرة هبها للوالده وسوف ترتاح بعدها.
06-19-2010, 12:10 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
Quote: طارق يا عزيز صباح الخيرات للطيب صالح رحمه الله مقولة في هذا الصدد اعجبتني جدا سمعته مرة يتحدث عن اغاني الحنين ومرارة الغربة ويمة الزمن ساقني بعيد خلاص... وداير ارجع للسواقي... واطلع النخلة واتدردق في الجدول ومش عارف ...الخ قال رحمه الله: مثل هذه الاغاني لا تناسب الشخصية السودانية كما انها تفت في عضد الشباب وتفك جبارهم واشاد بالفتي القائل : إما جبنا مالا فّرح الراجينا... وإما خوجلت فوقنا الصقور ما جينا دحين يا اخوي قوي قلبك ,, ولكم من الود والحب ما تعلمون وأسأل الله ان ينزل شآبيب رحمته على والدتكم ودعاء الابن لوالده ليس رهن بمكان ,,وان تيسر لك فاهبر علينا عمرة هبها للوالده وسوف ترتاح بعدها
معاذ كيفنك ياخي شيخ الطيب دة ذاته قبال كدي قالي: وكتين وصلت لندن والبرد ضربني ولقت نفسي في غرفة زي القبر سألت نفسي انا الجابني هني شنو كنت قاعد في الحيشان الكبار وسط اهلي
يا حبيب انا غايتو قصة الغربة دي ماها لافقي معاي
تحياتي لي ((بتنا)) المعاك
06-19-2010, 12:07 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
طبعا الدموع ابت تقيف لي هسع والله كلما اشوف البوست دا ازوق منو لكن المرة دي قويت قليبي ودخلت عليه مالك يا طارق يا ود جبرين علينا... امي زلخا بت محمد الشيخ بعد تلاتة يوم بس تكون تمت سنة في ذمة خالقها آآآآه يا طارق أخوي البارح الضهر كنت ضارب الونسةبالصوت و الصورة مع اخواتي وأخواني مريم ونفيسة و حسن .. على الكمبيوتر من تحت ضل التمرات....... علا ...امي ... ما ها معاهم
اللهم ارحمها اللهم ارحم ام طارق اللهم ارحم كل الأمهات وادخلهن جنات عدن اللهم طول عمر ال على قيد الحياة وادهن العافية آآآآآمييين يارب
06-19-2010, 09:59 AM
عمر المهدى عمر المهدى
تاريخ التسجيل: 11-07-2009
مجموع المشاركات: 403
جبريلا الحبيب أقولك شي وما تزعل مني... أنا بوستيك ده لي كم يوم كده زايغ منو عديل كده... الا الليله قلت الحاي الله و الكاتل الله...و دخلت... و جيت لقيت الكنت عامل حسابي منو... شريط ذكريات كده كررررررررررر كده من عمر ما استحضرت الذاكرة و لحدي اليوم... و بعد داك قعدت متبلم...و الكمبيوتر متبلم...و السرير متبلم...حتى المخدي متبلمة.. أها زي ما دخلتنا في الحالة دي أمرقنا منها...
06-19-2010, 11:20 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: جبريلا الحبيب أقولك شي وما تزعل مني... أنا بوستيك ده لي كم يوم كده زايغ منو عديل كده... الا الليله قلت الحاي الله و الكاتل الله...و دخلت... و جيت لقيت الكنت عامل حسابي منو... شريط ذكريات كده كررررررررررر كده من عمر ما استحضرت الذاكرة و لحدي اليوم... و بعد داك قعدت متبلم...و الكمبيوتر متبلم...و السرير متبلم...حتى المخدي متبلمة.. أها زي ما دخلتنا في الحالة دي أمرقنا منها...
الرشيد هول ناس بابكر كيفنك وكيفنهم وليداتك يا الحبيب يا الرشيد اشتهيت امي عارف نفسي ما حا اشوفها تاني بس وحات خوتك مشتهي نضميها ومشتهي اشوفها تعوس في الفطير مشتهي اشوف فيها تلايق في ملاح اللاااريق بي مفركاتها مشتهي اقعد جنبها في التُكل وهي ((تملح)) للضيوف في الديوان الرشيد غلبني ياخي
06-19-2010, 01:44 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
Quote: طارق سلام كتير ياخي مابقي فينا حيل وقاعدين علي الهبشه ربنا يرحم موتانا جميعا لكن ذكراهم بتجرح وانت تجي علي الجرح وتدعك يديك العافيه والاجازه
عمر كيفنك ياخي يا عمر النصايب منطبقات علي اتنين وتلاتي يا عمر كل ما نقول القصي دايري تنتهي تقوم تطول يا عمر ناس الحيكومي ديل ماهن عارفين بعدين في حساب يا عمر لااامتين يخلونا كدي نزوزي لاااابرة
06-19-2010, 12:19 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
Quote: البارح الضهر كنت ضارب الونسةبالصوت و الصورة مع اخواتي وأخواني مريم ونفيسة و حسن .. على الكمبيوتر من تحت ضل التمرات....... علا ...امي ... ما ها معاهم
ود الشيخ يكفنك يا الحبيب العوجة دي سايقانا كدي لاااامتين عاد ياخي انا غايتو غلبني
الله يرحمن ويديهن الجنة يا رب والله فراقن مانا قادرين عليهو نسأل الله لهن الجنة مع الشهداء والصديقين
06-19-2010, 12:16 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
(جاء للناس وفرحو بالعيد جاني نكد لقاني عايش وحيد على زول مامرق عيدت ) ولما قال( طريت امي البتبكي دوام تقول في الغربة عندي ولد) صوت جعيري يجيب الطاش
كدي حاول نزلها لينا ولا شوف نزل لينا اغنية عثمان اليمني متين نرجع للبلدطولنا من ارض الحنان انا عندي في الكمبيوتر بس مابعرف انزلها ياخي مالك معانا كنا متحملين وصابرين اها نقبل وين هسة
06-19-2010, 01:24 PM
كمال الشادي كمال الشادي
تاريخ التسجيل: 10-15-2002
مجموع المشاركات: 1587
Quote: جبريلا الحبيب أقولك شي وما تزعل مني... أنا بوستيك ده لي كم يوم كده زايغ منو عديل كده... الا الليله قلت الحاي الله و الكاتل الله...و دخلت... و جيت لقيت الكنت عامل حسابي منو... شريط ذكريات كده كررررررررررر كده من عمر ما استحضرت الذاكرة و لحدي اليوم... و بعد داك قعدت متبلم...و الكمبيوتر متبلم...و السرير متبلم...حتى المخدي متبلمة.. أها زي ما دخلتنا في الحالة دي أمرقنا منها...
اقسم بالله العظيم يا الرشيد انا البوست بتاع الغبيان الاسمو طارق جبريل ده قريت منو سطرين بس اقسم بالله العظيم سطرين بس وعلى الطلاق سطرين بس وبعدها أخوك بكاء بي مخاخيتو عدييييييييييييييل قفلت الدين الاسمو الكمبيوتر وطلعت كم إجتماع بره جيت راجع هسي قبل صلاة العصر فتحتو لقيت امة لا اله الا الله كلها تبكي وبرضو غلبني اقرا البوست بتاع الزول السجمعان الاسمو طارق جبريل ده من الاول لقيتك يا أخوي زيي هارش تعاين من بعدين لي بعيد وقلت عشان اتابع اقرا ردود الناس تاني أخوك فكاها بكية من عينة أبو مخاخيت المابتغباك
العزيز طارق جبريل تاني وتالت الله لا كسبك يا أخي عشان حموك الاجازة تقوم في الناس كده اناوعدتك بجيك الاجازة هناك في المغرب بتاعكم داك إنعل ام المغرب بتاعك وكمان أديها ليك كوز أم امير المؤمنين بتاعكم خم وصر
06-19-2010, 01:53 PM
اشرف السر اشرف السر
تاريخ التسجيل: 12-06-2003
مجموع المشاركات: 1563
Quote: العزيز طارق جبريل تاني وتالت الله لا كسبك يا أخي عشان حموك الاجازة تقوم في الناس كده
كيمو يا حبيبنا الرسول ان بقيت زعلت مني يا كيمو وحات الله ماني براي يا كيمو قبل ثلاثة سنين ابوي بقى غالبو المشي وعنده شلل في اليد اليمين جيت من لااابرة والدنيا كانت غبار شديد لقيتو مكندك في الدرابزين أليلنا دخلتو الحمام حميتو ولبستو عراقي وسروال كويتن براي وريحتو وطلعتو قدام الباب مع عمنا عبد الله تعرف وانا بحمي فيهو قالي شنو؟؟ يا طارق يا ولدي انا غايتو كتل فيك لامتين داير تعيش بعيد عني كدي والله يا كيمو دسيت دمعتي منو احمي فيهو وابكي يا كينو الرسول ان زعلت مني غلبني اشيل الحمل براي قلت اجي اخت همي هني معاكم لا تزعل يا الحبيب الله بيلمك في احبابك الله يديك الفي مرادك
06-19-2010, 01:55 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طارق جبريل
osman righeem
ابو جهينة
الزوول
داليا الكباشى
GamarBoBa
عبدالكريم الامين احمد
علاء الدين محمد بابكر
عفاف الصادق بابكر
هاشم محمد الحسن عبدالله
اسماء الجنيد
SHIBKA
سيف الدولة كامل
حبيب نورة
ابراهيم عدلان
معتصم جعفر
أنور عبد الرحمن الشيخ
Al-Shaygi
محمد عبد الماجد الصايم
عمران حسن صالح
كمال عباس
elnawrani margan
هواري نمر
معاوية المدير
كمال الشادي
امير عوض الجمري
معاذ حسن
Yousif A Abusinina
إدريس محمد إبراهيم
الطيب شيقوق
MOHAMMED ELSHEIKH
عمر المهدى
الرشيد بابكر
اشرف السر
عزام حسن فرح
فيس بوك
تويتر
انستقرام
يوتيوب
بنتيريست