|
|
 نفيسي رقدت خل
|
انت يا حبوبتي دحين قبل دة ما سكرتي مع حبوبتنا بت عريبي
- نفيسي: نان يا ولدي هو داك يوم بيتنسي
- باقيلي طشمتن كله كله
- وحاتك يا ولدي رقدنا خل
- اصلكن لقيتنو وين
- مشينا يا ولدي لي عرس بت واحدي سرنا من البركل لي مروي انا وحبوبتك بت عريبي
- اها شن سويتن
- لقينا النصيبة اليقولولا الزينة شادي العرقي للعرس
- اي هي كانت دي شغلتها في الاعراس
- اي يا ولدي عندها عرقي كافر خلاص
- نان انتن اصلكن لقيتن الجر (الزير) أليل العرقي ووقعتن فيهو
- والله يا ولدي انا السويت النصيبي
- كيفن
- قلت لي بت عريبي ونحن طالعات علي نضوق عرقي الخرابة دي قبل نمشي علي بيوتنا
- اها
- اهايا ولدي قعدنا جنبها وبقت تديني كوري وراء كوري ونحن نشرب ونتمطق
- اصلها ما قلتلكن كفاكن
- آآآبتقدر عارفاني لساني علي الحبل أليل البير
- اها
- وحاتك يا طارق يا ولدي وكتين اشوف في بت عريبي تشرب في الكوريي
وتنزل عرقي الجن دة في حلقها وتكرمش وشها علي كروق الدوم وكتين يقدم
- ههههههههههههه الله لا تكسبك كتلتيها وانت شن سويتي
- وحاتك يا ولدي الشي دة علي لبن اللبخ ينزل في الحلق علي حناضل القيزان
- باقيلي مر
- نان يا ولدي هي مرورية نصاح.. لكن الله يعلم يا ولدي بي مروريتو دي اماني ماهو طاعم
- باقيلي جغمتن لامن وقفتن علي السعن المنفوخ
- وحات جدك الصلاي داك انا اصلي بقيت علي البردة (سمكة) ان بقوا ختولم شريط رتيني
في خشمي كان باقيلي يولع من شدة الشي دة ماهو كافر
- يعني عمي الطيب دة طالعلك
- اي نان عمك الطيب كترو انا ياها فرد جغيمي في العرس دة
- اها شن سويتن
- اها يا ولدي هي تجغم وانا اجغم .. وكتين شفنا راسنا سكرنا وبقينا نلغلغ
- شن سويتن
- قلتلا يا بت عريبي قوماك نمشي انا راجلي يصلي بالناس في خلوة القرونة
- راجلك امام وانت تطشمي
- نان يا ولدي هو كان عارفني دايري امشي اطشم في العرس هههههه
- اها
- قلتلك قلت لي بت عريبي نمشي من تالا التمُر لامن نصل قصاد بيوتنا ونطلع جري ننوم
- اها
- يا ولدي بقينا ماشين ماشين لامن رحنا
- الله يقلعكن اها
- قامت بت عريبي قالتلي: انت يا نفيسي نحن وين
وانا قمت قلتلا: انت في نحن وين ولا نحن ذاتنا منن (من نحن)
|
|
 
|
|
|
|
|
|
|
|
Re: نفيسي رقدت خل (Re: مجدي عبدالرحيم فضل)
|
Quote: وحات جدك الصلاي داك انا اصلي بقيت علي البردة (سمكة) ان بقوا ختولم شريط رتيني
في خشمي كان باقيلي يولع من شدة الشي دة ماهو كافر |
احييييييييييييييي انا
عاد الا كان انده الصلاح
يا شول
وياحافظ
وياحيدر الزين
وياطلال جبير
تلحقوني وتنجدوني
من دي السيرة الكدي سمحي
خالص الود
| |
|
|
|
|
|
|
|
|
|
Re: نفيسي رقدت خل (Re: ياسر بيناوي)
|
Quote: احييييييييييييييي انا
عاد الا كان انده الصلاح
يا شول
وياحافظ
وياحيدر الزين
وياطلال جبير
تلحقوني وتنجدوني
من دي السيرة الكدي سمحي
|
وبيناوي كيفنك ابوي
تعرف الصفوري الشايلو دة
يمين فيه جنس عرقي
| |
|
|
|
|
|
|
|
|
|
Re: نفيسي رقدت خل (Re: محمد عمر الفكي)
|
ابداع يا طارق جبريل
كميه من الابداع والكلام الشايقي المحبب للقلب راقي يا طارق كالعادة
مسعوول من الخير قصتك الزمان بتاعت الطلبه وبت العمارات ح تكلملها لينا متين الرسول في قلمك يارب انشف الحير الفيه لو ما كملتها لينا
عارف انا قبل 4 شهور لقيتها في منتدى قعدتا اقرا فها من الساعة تسعة المساء لي تاني يوم الساعة اتنين الظهر بلا توقف
| |
|
|
|
|
|
|
|
|
|
Re: نفيسي رقدت خل (Re: مريم عبد الله)
|
ود جبرين العسل ...
الشغلة دى كانت زمان عادى ..
لما سألتنا عمنا قسم السيد بابكر عن عرس زمان ذكر فيما ذكر عن السكر يوم العرس ان
النساء كن يشربن المريسة ..عبر عن درجة سكرهن بالقول ( و الله الواحدة تجى ترضع
شافعها .. تختا خشمو تخت ليهو الشطر فى أضانو )
| |
|
|
|
|
|
|
|
|
|
Re: نفيسي رقدت خل (Re: انور التكينة)
|
طشمه,,, و ,,, طشه
يا ود جبرين انا طاشي لي 24 سنة من غير طشمه,,
باقيلك كان جقمت لي جقمتين بجي صادي لي اهلي؟
تسلم يا ابو محمد علي السرد الرائع
والله الطيب صالح ما مات
| |
|
|
|
|
|
|
|
|
|
Re: نفيسي رقدت خل (Re: سيف الدولة كامل)
|
Quote: يا ود جبرين انا طاشي لي 24 سنة من غير طشمه,,
باقيلك كان جقمت لي جقمتين بجي صادي لي اهلي؟
تسلم يا ابو محمد علي السرد الرائع
والله الطيب صالح ما مات |
استاذنا وحبيبنا سيف
شايفك مباري الاعراس بهناك ومباري الهجيج
يا حبيب الطيب صالح دة حاجة كدة فوق هامات السحاب
شيتا كدي لا بيتحصل ولا في زول بيصلو
ونحن هني شيتنا دة هضريب وحكاوي نساوين خرفن
| |
|
|
|
|
|
|
|
|
|
Re: نفيسي رقدت خل (Re: انور التكينة)
|
Quote: و الله الواحدة تجى ترضع
شافعها .. تختا خشمو تخت ليهو الشطر فى أضانو |
ود التكينة كيفنك
وحات الله انا عندي عمتي قبل دة شدة ما طشمت
جات ترضع ولدها قلبتو بي صلبو
| |
|
|
|
|
|
|
|
|
|
Re: نفيسي رقدت خل (Re: مريم عبد الله)
|
Quote: مسعوول من الخير قصتك الزمان بتاعت الطلبه وبت العمارات ح تكلملها لينا متين الرسول في قلمك يارب انشف الحير الفيه لو ما كملتها لينا
عارف انا قبل 4 شهور لقيتها في منتدى قعدتا اقرا فها من الساعة تسعة المساء لي تاني يوم الساعة اتنين الظهر بلا توقف
|
والله يا مريم غلبني
زي الساولي منها عمل
كلما اجي اقعد اقول اتمها يغلبني
دحين باقيلك دة من شنو
| |
|
|
|
|
|
|
|
|
|
Re: نفيسي رقدت خل (Re: طارق جبريل)
|
شكراً ليك يا طارق، بالجد انا مغرم سياسة وونستها دي مستعد اصنقر قدام التلفزيون اليوم كله عشانها، بالله شفت ناس طلحة جبريل وحسن منينمة ومحمود شمام لما يتقعد لهم سام منسى الناس دي بتسوي شنو؟
الوشوش الضاحكة دي يا الاخو ناقصات وشين.
يا اخوي خليني اقوم اتابع جوني ديب في قراصنة الكاريبي (عامل سن الدهب دي الذكرتني بالجماعة الطيبين ديلك) الزول دا مبدع عديل لحدي هسي متكيف منه لما شاتله واحد برصاصة في Once Upon a Time in Mexico وهو اعمى.
| |
|
|
|
|
|
|
|
|
 Re: نفيسي رقدت خل (Re: طارق جبريل)
|
Quote: قامت بت عريبي قالتلي: انت يا نفيسي نحن وين
وانا قمت قلتلا: انت في نحن وين ولا نحن ذاتنا منن (من نحن) |
دا حالك انت لما تجي أغاني الدشدشة
| |
|
|
|
|
|
|
|
|
|
Re: نفيسي رقدت خل (Re: انعام عبد الحفيظ)
|
يا ود جبرين والله الاعراس دي هي الفرصة الوحيدة
الممكن الناس تتلاقي فيها وتتونس بي مزاج وبعدين
الهجيج ده نخلي لي منو ما لازم من النخجي الليلكم
لي هجيج الحفلات ,, تطبيق عملي يا دكتور وبعدين
نحن بنهجج عشان نجري الدورة الدموية يا حبيب.
| |
|
|
|
|
|
|
|
|
|
Re: نفيسي رقدت خل (Re: omar arbab)
|
يا دكتور .. بالله .. وعليك الله .. لو عاوز تسويها لينا متل حكاية عــوض بالله وقف الشغلاني دي لحدي هني....... ولا يا زول أرجع تملنا الاولانية .. واللامليلي .. نتنخج ونبكي .. .. وزي ما قالتلك الاخت .. أو الإبنة مريم .. بالله تمها .. ولا بجي اعضيك في اضانك..
خالص الود...
| |
|
|
|
|
|
|
|
|
|
Re: نفيسي رقدت خل (Re: عبدالحليم حامد النعيم)
|
تسلم طارق ...
عندي جبوبة قليصة شغالة كانت في السوق تبيع وتشري زى خلق الله ..
لمن سموها الفاجر .. مخوفة كل رجالة القرير شدة ما قوية وقاهرة ..
مرة كانت في البيت معانا وواحدة اتصلت على وما لقتني وكلمت ناس البيت ..
هي شمشمت الخبر .. ولقيته منتظراني بالصبر شديد زى ما بقول سليمان محمود الفنان ..
واول ما دخلت كوركت لى .. تعال يا جنا .. اخرتا البنات يكوسوك في التلفون ..
مسخرة وقلة ادب يا هو الفضل ..قلت ليها اخير نحن منكم انت كنتو بتعملو شنو لمن تكونو دايرين تلاقو الشباب .. الساعة النهرتني وضحكت .. قالت لى: زمان نتردف ونشلخ وراهن في الحمارة .. الله يعلم يا جنا ...
الا كانت ختمية قاطعة تمشي تزور سيدي الحسن في كسلا كل فترة لكن ما شفتها بتسكر ..
زى سكر حبوبتك دا يا جنا ..
الله يرحمه ويغفر ليها توفيت تاني يوم في عيد الفطر المبارك ...
| |
|
|
|
|
|
|
|
|
|
Re: نفيسي رقدت خل (Re: طارق جبريل)
|
Quote:
- لقينا النصيبة اليقولولا الزينة شادي العرقي للعرس - اي يا ولدي عندها عرقي كافر خلاص
- قلت لي بت عريبي علي نضوق عرقي الخرابة دي - اهايا ولدي قعدنا جنبها وبقت تديني كوري وراء كوري ونحن نشرب ونتمطق - وحاتك يا طارق يا ولدي وكتين اشوف في بت عريبي تشرب في الكوريي
وتنزل عرقي الجن دة في حلقها وتكرمش وشها علي كروق الدوم - وحاتك يا ولدي الشي دة علي لبن اللبخ ينزل في الحلق علي حناضل القيزان لكن الله يعلم يا ولدي بي مروريتو دي اماني ماهو طاعم |
الحبيب ود جبرين..
جيت فايت لقيت ريحة البوست طاقة..
لكن انته وصاف وصف.. بس بلا (حمور) في قصة (ولاء)..
الحق شغّل المرواح ولا ولع ليك كم حبة (ند) قبل ما يجوك ناس (الخدش)..!!
تحياتي وكثير مودتي..
| |
|
|
|
|
|
|
|
|
|
Re: نفيسي رقدت خل (Re: عبدالله كع)
|
رواد صنفور دخلو الخور والهمبريب حق الخلا ولا الرفيق الفسل
واصل يادكتور ونوع لينا في طشم الحبوبات ديل أمانه ما مروتن جامده خلاص.
كع تباري ود جبرين ده بلحقك حبوبتو بت عريبي.
،،،،أبوقصي،،،،
| |
|
|
|
|
|
|
|
|
 Re: نفيسي رقدت خل (Re: فتح الرحمن عثمان)
|
ود جبريل
سلامات ود امى انا
و الله الحبوبات ديل عندها جنس محن
غايتو نحن نسوان حلتنا كلهن كانن بشربن حاجة اسمه بقنية (مسكرة بعض الشئ)
اها هن يفتشن للسكر... لم تسالن ده شنو يقولن ليك دى لولية الحبشية 
يعنى اوامر عليا من شيخ الزار .... وهاك يا سكر
غايتو انا من اسه متضامنة معاك
يا خادش الحياء رقم 2
| |
|
|
|
|
|
|
|
|
|
Re: نفيسي رقدت خل (Re: فادية اليمني)
|
كتلتنا بالضحك آلممسوخ
والله محنك محن
نفيسي خرجت تبحث عن ذاتها المفقودة بعد أن ضلت الطريق..
على ما قتا لينا لما رجعت البيت ما رقدت قش؟
| |
|
|
|
|
|
|
|
|
|
Re: نفيسي رقدت خل (Re: فادية اليمني)
|
| Quote: اها هن يفتشن للسكر... لم تسالن ده شنو يقولن ليك دى لولية الحبشية |
بت اليمني كيفنك
ان بقى كل زول جاء زادلو عبار أليل بقنية ولا مريسي ولا عرقي هني
ياني من المطار القابضني ونقعد نكوس في التضامن
| |
|
|
|
|
|
|
|
|
|
Re: نفيسي رقدت خل (Re: فتح الرحمن عثمان)
|
Quote: الحبيب ود جبرين..
جيت فايت لقيت ريحة البوست طاقة..
لكن انته وصاف وصف.. بس بلا (حمور) في قصة (ولاء)..
الحق شغّل المرواح ولا ولع ليك كم حبة (ند) قبل ما يجوك ناس (الخدش)..!!
تحياتي وكثير مودتي.. |
فتح الرحمن كيفنك ابوي
قلتلي الريحي فاتت الحد
كانن نسوان سمحات يا حبيب
رحمن الله
| |
|
|
|
|
|
|
|
|
|
Re: نفيسي رقدت خل (Re: طارق أحمد خالد)
|
| Quote: والله عجبتني لمن عملتها ستيتسي في الفيسبوك |
تعرف يا طارق قالوا في واحدي من الحبوبات اللذاذ ديل
جات من برة شايلة ليها اربعة قزايز طشمة صاح
في المطار بتاع الجمارك قال ليها: يا حاجة دة شنو دة
قالت ليه: وحاتك يا ولدي دواء للمصران
قام قال ليها: خلاص بنصادر منك اتنين ونخلي ليك اتنين
قامت قالت ليه: هي لكن الاتنين تشيلن جيني ووكر ما تشيل واحدة بلاك ليبل وتخلي لي جيني ووكر
| |
|
|
|
|
|
|
|
|
|
Re: نفيسي رقدت خل (Re: طارق جبريل)
|
| Quote: - اها يا ولدي هي تجغم وانا اجغم .. |
طارق صاحبى المداقرنى ...سلام من حاصف لاقاصف
الشى تايم اوت لى سفه مافى؟؟
عفيت منهن..
اريتا فى راسى يا طارق..
والله ضمه كده ماك طيبه،،،،
| |
|
|
|
|
|
|
|
|
|
Re: نفيسي رقدت خل (Re: حمزه بابكر الكوبي)
|
Quote: طارق جبريل سلامات ياحبيب
غايتوا انت مره بتكتل لك زول في المنبر ده بمحنك البتسوي فيها دي |
ود الكوبي كيفنك
يا حبيب انا حياتي كلها قاعد جنب حبوباتي ديل
اشيل واخزن في نصايبن دي
دحين وكتين ماتن الله يرحمن
قلت النطلع الارث حقهن دة
| |
|
|
|
|
|
|
|
|
|
Re: نفيسي رقدت خل (Re: صديق الموج)
|
Quote: طارق صاحبى المداقرنى ...سلام من حاصف لاقاصف
الشى تايم اوت لى سفه مافى؟؟
عفيت منهن..
اريتا فى راسى يا طارق..
والله ضمه كده ماك طيبه،،،، |
وحاتك قالتلي جغيمي وراء جغيمي
ود الحالة ضواقة ساااااااااااااااااااكت
| |
|
|
|
|
|
|
|
|
|
Re: نفيسي رقدت خل (Re: طارق جبريل)
|
Quote:
مسعوول من الخير قصتك الزمان بتاعت الطلبه وبت العمارات ح تكلملها لينا متين الرسول في قلمك يارب انشف الحير الفيه لو ما كملتها لينا |
نفس الشعور
المقطع مر على قبل كدا انا زول حفاظ
بس وين ويــــــــــــن؟
| |
|
|
|
|
|
|
|
|
|
Re: نفيسي رقدت خل (Re: ابوبكر على)
|
في حبوبة شايقية قالت :
الظريف مسواك الأراك
وين لقيتك لا مِن آباك
راقدِي في صدرك ومشتهاك .
دحين لا قاك متل الشوق دا يا طارق
| |
|
|
|
|
|
|
|
|
|
Re: نفيسي رقدت خل (Re: طارق جبريل)
|
Quote: - وحاتك يا طارق يا ولدي وكتين اشوف في بت عريبي تشرب في الكوريي
وتنزل عرقي الجن دة في حلقها وتكرمش وشها علي كروق الدوم وكتين يقدم
- ههههههههههههه الله لا تكسبك كتلتيها وانت شن سويتي
- وحاتك يا ولدي الشي دة علي لبن اللبخ ينزل في الحلق علي حناضل القيزان
- باقيلي مر
- نان يا ولدي هي مرورية نصاح.. لكن الله يعلم يا ولدي بي مروريتو دي اماني ماهو طاعم
- باقيلي جغمتن لامن وقفتن علي السعن المنفوخ
- وحات جدك الصلاي داك انا اصلي بقيت علي البردة (سمكة) ان بقوا ختولم شريط رتيني
في خشمي كان باقيلي يولع من شدة الشي دة ماهو كافر |
الله يجازي محنك يا المسنوح..
انت عماد عبد الله..
ده ما جاء بي هنا مالو؟؟
و لا شول ..حافظ؟؟؟
من نضميك ده...انا طشمت و طشيت...........!!!
| |
|
|
|
|
|
|
|
|
|
Re: نفيسي رقدت خل (Re: هواري نمر)
|
Quote: الله يجازي محنك يا المسنوح..
انت عماد عبد الله..
ده ما جاء بي هنا مالو؟؟
و لا شول ..حافظ؟؟؟
من نضميك ده...انا طشمت و طشيت...........!!! |
ود نمر وحات الله خليتني اقع علي قفاي من الضحك
قلتلي ونسة السكر دي بس جهجهتك
ياخي باكاتك راكدة رز
اخير منها باكات الهلال
| |
|
|
|
|
|
|
|
|
|
Re: نفيسي رقدت خل (Re: أميرة فاروق عبد العال)
|
الرائع طارق جبريل
دي بتكون عين انك ما قادر تكمل لينا القصه بتاعت الطلبه الناس ساكاك من منتدى لي منتدى
واقول ليك شي انا مشيت ليك لي وداعيه يونانيه اسمها افروديتي ساكنه في عشوائي اثينا ركبتا ليها امجاد ورقشتين عشان اصلها
اها مشيت رميت ليك بياضي باليورو وديل يال قريك كوفي والجاولي برضو اغريقي اها قالت لي لو طارق دا ما قام يكتب القصه دي
بسرعه الكي بورد بتاع الجهاز ح يتشلا ( كووور يا المكاشفي ) لانو العين جات في الكي بورد
و العين دي بتمرقها بس دايراك تقعد وتبدا تكتب في بقيت القصه عشان تقدر تفك العين
يعني ما عندك اي طريقه الا انك تتم لينا يلا كدي استهدى بي الله وكمل لينا القصه
مرة سالتك في بوست الشعبيه لقيت الكتاب لي الامورة بتك ولا لسه
| |
|
|
|
|
|
|
|
|
|
Re: نفيسي رقدت خل (Re: مريم عبد الله)
|
Quote: واقول ليك شي انا مشيت ليك لي وداعيه يونانيه اسمها افروديتي ساكنه في عشوائي اثينا ركبتا ليها امجاد ورقشتين عشان اصلها
اها مشيت رميت ليك بياضي باليورو وديل يال قريك كوفي والجاولي برضو اغريقي اها قالت لي لو طارق دا ما قام يكتب القصه دي
بسرعه الكي بورد بتاع الجهاز ح يتشلا ( كووور يا المكاشفي ) لانو العين جات في الكي بورد |
مريم كيفنك
ياخي وداعيتك دي شكلها دخاخين ساي
والله يا مريم غلبني ضُمة ضُمة
وانا ذاتي القصي دي داير اتفكة منها
| |
|
|
|
|
|
|
|
|
|
Re: نفيسي رقدت خل (Re: أميرة فاروق عبد العال)
|
Quote: والله صحي (طلبة)..
تبدأ لي ده وتعربن داك..
وتزوغ من ديلاك..
تم لينا خبر (عوض) وبطل استهبال..
قال (خل) قال.. ديل رقدن سلطة.. |
بت فاروق كيفنك
ياخي مالهم الطُلب
عيبيهم لي
موش جكسوا بنات العمارات
| |
|
|
|
|
|
|
| |
طارق جبريل
مجدي عبدالرحيم فضل
ياسر بيناوي
محمد عمر الفكي
مريم عبد الله
انور التكينة
سيف الدولة كامل
انعام عبد الحفيظ
omar arbab
فتح الرحمن عثمان
عبدالله كع
فادية اليمني
طارق أحمد خالد
هاشم محمد الحسن عبدالله
صديق الموج
حمزه بابكر الكوبي
سرى بخارى
omer osman
هواري نمر
أميرة فاروق عبد العال
فيس بوك
تويتر
انستقرام
يوتيوب
بنتيريست