نفيستي فيها

Quote: طارق تحياتي يمين الحكوة دي تنفع فيلم قصير يجكي يوم من أيام السودان التي لن تعود قمت رفعتلا يدي.. وهي من تحت لااا تحت هزتلي يدها أها شفت اللقطة دي .. يمين كاميرة مراقبة ما تجيبا يديك العافية شهيتنا حلاوة سمسمية إن شاء الله داقيها النمل داك الأحمر ال بيحب السكر

Quote: شويتين ان كان اشوفلك بنية الفريق اللااااقداام مننا لابسالا قميصا سممممممح اعاينلها واضحك وتعاينلي وتضحك.. قمت رفعتلا يدي.. وهي من تحت لااا تحت هزتلي يدها

Quote: انتشرت فى الخرطوم فى الاونة الاخيرة محلات الدليفرى فى معظم الاحياء فعندنا جيرانا كده حناكيش كل يوم بيطلبوا فى الغداء اكل من بره فجارتنا الشايقية متابعة الموضوع باهتمام ، قامت قالت لولدها المغترب الجاى اجازة والله بنوت ناس ..... كل يوم يجيهم واحد راكبلو موتر كدى وشايلو شيتن ريحتو حلوووة ، يناولو ليهم ويمشى والله نفيستى فيهو .....

Quote: يا ولدي شكيتك على الله نان نفسيتك دي ما لقت تتشهى إلا في المنبر دة ما كان تستر نفسك دي شوي .. في داعي تتور علينا نيران الموليد .. والله نحن فايتنك بالصبر بس لكم مودتي ..

Quote: إحترتُ في تدوين تعليق أبدأ ليك من وين يا أخي إنت مليت البوست بغبار وعلاله ودكاكين حلاوه وشقاوه وعساكر وبنابر وستات شاي ونسوان ببيعن في الأكل ومشروبات غازية وأخرى ضرها أكثر من نفعها ومعاكسات ومشاكسات ومسكولات وإستعرض بسماعات وموبايلات وعطاس دون تشميت ورحمة. بهذا الموضوع الجميل وبهذه اللهجة الشايقية البسيطة أنت لم تنقل إلينا ليلة المولد بل نقلتنا توووش لميدان المولد وشتان ما بين من يكتب لينقل لك حدثاً ومن ينقلك إلى الحدث. ود جبريل شكيتك على اللا نام ولا أكل الطعام نشلوا جزلاني

Quote: سلام حاتم جبريل ..... مبالغة طبعا ... انا حياتي ما مشيت المولد لكن والله باكر عليي امشيلوا (علي نجلات ) حكايتك دي ... والله اكان اضمن القا لي زولا ماشي عليكن السمسميي دي (علليي آخدا ليك اكان يبقي اخر الف جنيه في جيبي ) واشريري علي اتاريني مضيع نفسي سااااكت زمان ... هو المولد فيهو جنس الشي القعد تقول فييو دا ... ؟؟؟ عاد اصبر لي فييو باكر امّا شرقت فييو الشمش ...

النبي فيك ان ما مشيت واخدتلك نقزي مع المداحين واتذكرتني

Quote: كل سنه وانت طيب ياود جبرين واشرررررررررررري ندر مني اشتريلك حلاوة مولد ياوليدي وارسلها ليك مع اقرب زول جايكم في المغرب عشان علي الاقل تمرق نفيستك وخلو عدم الشوف ملجوق مودتي

Quote: راس الفضية

(عدل بواسطة ابراهيم الصغير on 02-22-2010, 03:21 PM)

Quote: يا ود جبرين .. غايتو أبقى على حلاوة المولد البترسله ليك عفاف أبوكشوة دي وكان كترت ليك السمسمية تكون ما قصرت والباقي أعصر على روحك شويه أبوي لأننا زيك زماااان ما حضرنا المولد في البلد ولا عارفنه بقى كيف ..

Quote: والله كلنا نفيستنا فيها يا خوى طارق لسانك ده ذكرنى نكتة حكاها لى ولدى الصغير بضحك فيها كل ما اشوفوا قال : واحد مغترب جاب أمو زيارة للسعودية الحاجة قامت مرقت من البيت لاقاها واحد من جماعة الامر بالمعروف قام قال ليها : غتّى وجهك ياحاجة عاينت ليهو شديد وقالت ليهو: يايابا انا ما غتيت وشى من الرجال أبان عمماَ يهزّن ويرزّن أغتى وشّى منك إنت ياب طِريحى

Quote: جبريلا آآآخ أنا من نفيستك المتور بيها نفسنا كل مرة دي... حسه مالك علينامجهجهنا يا شقي الحال... والله أنا لي أسبوعين نفسي في سمسمية زي سمسميتك دي... بس شرط تكون البسموها علف ديك...البكون فيها السمسم كتير ديك... و دي الا تقرمها قريم...لا سكين بتقطعها و لا بتنكسر... كل مرة تجي تقرم ليك منها قرمة كبيرة لامن كضومك يتورمو و الكلام يبقى ما مفهوم... بتعجبني كمان بتاعت جوز الهند ديك...تعال لي بي هناك أكلمك عنها.. كل عام و أنت بخير و ان شاء الله ربنا يديك الفي مرادك...

Quote: اشارطك ناس كتار هنا .... مابكون فرزو الشيء ده شنو ؟

Quote: طارق ود جبرين ... اعلّلك عافي ... عندي حبوبة لي لامن تدور تكورك لي واحد مننا تقول اسماء الخمسة القبليهو حتّان تجيب اسمو هو ...ومرات يروحوا عليها الستة وتعال شوف (الللا ابراععغف افق ...بخ ..سماه ... سعا ...هيث... ) وتختم ليك بي دعوة ( البلا الياخدكن ) الليلة انا بس حبوبتي دي ... معليش الكتابة في الرد كانت سريعه وانت رجعتني البلد في لحظة انا محتاج بالجد ارجع فيها ..... عموما (اعفا لي) ... وخروف ابوك ما راح خسارة والله ... عللّى السمسمي دي والله عللّي آخدها واحفضا ليك لامن تجي .... والنقذي دا خلوا علي .... اها اقعد عافي لامن بعدين اجي اوريك الحصل اعتذر تاني يا طارق علي الخطأ الغير مقصود تحياتي وكل حبي..

Quote: الحبيب الغالى ود جبرين ، عاطر تحياتى ، لك كل الشكر لآبداعاتك التى تتحفنا بها فى غمرة الأجواء الكئيبة والمزعجة التى تطفو على أجواء السياسة البغيضة ، كتاباتك استراحة راقية نأخذ نفسنا فيها وتنسم نسمات جميلة حلوة طرية تريح النفس والبال ، الله يديك العافية ويخليك لنا، مودتى ياحبيب .

Quote: طارق .. مالك ..جرست ناس كتار.. مالك ..الليلة ..تنزف في خواطرك الرحيبة..جرستني والله كن بخير

Quote: لله يا محسنين حلاوة مولد طارق ياخ ريقنا جرى

Quote: وحات الله يا طارق عندي أختي زولة حربية قلت ليها نفسي في حلاوة مولد والله رسلت كمية معتبرة ,,أمس بعد كلامك ده مشيت أخد لي منها كده . كان حاري زول ماشي المغرب وحات الله كان أرسل ليك منها.

Quote: مساء الخير ودجبرين والمتداخلين الاحباب المولد جميل باهلو وكبارو وصغارو وحيوية التواصل الاجتماعي والشمارات واللمات وحلقات الذكر ياسلام لوحه جمالية رائعة تحمل في داخلها كل الطقوص التي تصاحب فعاليات المولد

Quote: ابوريم كان نفيستي في ذاك الزمن الجميل للمولد يقبضوا ليهم نشال وبعد داك نتبع المظاهرة ديك : ياهو .. ياهو ,,,ياهو

Quote: والله رسلت كمية معتبرة ,,أمس بعد كلامك ده مشيت أخد لي منها كده .

Quote: انا غايتو المولد , كنت بجغم فيه الشاي ,كل طريقة و كل خيمة باخدلي جفمة...

Quote: ان كان تلاتة سنات في الحنك التحت متل حيطة الفاول..

Quote: وبالعدم اقرملى معاك من كدر الحصين المكردمه ديك لوول

Quote: والله يا جبريلا انا شايف بعد دا تعمل القيد الصحفى وتجمع قصصك وحكاويك دى وتنشر كتابك .. ان شاء الله تسميهو حكاوى شايقية ..

الشي هضريب ساكت يا حبة

Quote: كل مولد نبوى وانت بخير يا صديقى؛ القيد ما ضرورى المهم الكتاب قرقر قرقر قرقر

يا حبيب لا دة نافع لا دة

Quote: إنت كمان يا خرابة نفيستك دي سغيرة سغرة؟ ... سغيرة شنو ... دي دنية وشايلة دناوة الدنيا كلها. والله يا منعول في وصفك ده ما خليت شئ (للشيخ الذي يرجحنُّ)

نان يا ود ابو العزائم الراجل شالني وانا قاعد ارقص في الشايقي
قايلني انتشيت من المديخ وانا قايل الشي طنبور
لامن اتلفت اشوفه لقيتلي تلاتة سنون في الحنك يقعن ويقومن زي حدايد ابيار البترول ديك
ووكتين يقيف حنكو بس متل حيطة الفاول في الكورة

Quote: لكن دحن يا خوى ما كترت الوحم شويي وحات الله حبوبتك نفيسى ما ظنيتها اتوحمتك متلك المهم كان لميت فى الحصين جيبلى معاك عروسة مولد وبالعدم اقرملى معاك من كدر الحصين المكردمه ديك لوول

ياخي والله نفيستي فيها شوفولي حل

Quote: حيطة الفاول ...... انتهيت من الراجل والله الا العجب اليشوت الفاول دا.......................

Quote: يا سوما ... من الله خلق .. شفتي ليك حصان مولد والاّ عروسة مولد بيقرموهن؟ وحاتك يقعدوا في الرف لامن البيت يتملي نمل.

Quote: قربت منها وسلمت عليها: انت نصيحي هزتلي راسها.. وقمت قلتلا: باكر الصباح بجي جنب النيمايي ألتكم واخلي حصاني يشيل العروسة ألتك في ضهرو قالتلي سمح مشيت من جنبها بعيد ويدي في خشمي: ورورووووووك يا عوض صحبي انا باقيلي ودرتة زمن ياخ....

Quote: ود جبرين إت ماك نصيح تمشي على الناس الدراويش ديل؟ لو كنت في مكانك كان قلت لي طلحة سوقني على الطوطحاني أطوطح تمام. والسمسمي أكان وصلتك لاعندك أجدعلنا منها قرمي.. والله برضو نفيستي فيها ولي زمن ما ضقتها. اليومين ديل المديح دخلت فيه الآلات الموسيقية والرقيص الموخمج.. غايتو لو مشيتلي حفلي الليلت مديح حأرقص وأعملي حركي متل حركات الجني الإسمو مايكل جاكسون.. مش الحكاية طرب؟

Quote: زمن ياخ ساي !! زمن حلو ياخ زمن جميل وبسيط ياخ شكرا على الكلام الحلو الكتبتو لينا أخوك مرتضى

Quote: طارق اها عاجبك كدة ؟ فضيحة السواد والرماد مرقوك من المولد زاتو بدون حمص ولا حصين انا غايتو خجلت وضايرت رقبتى ومرقت من راكوبتك كلو كلو لوووول

كدي شوفلنا زول يرسلنا السمسميي دي

Quote: يا سوما ... من الله خلق .. شفتي ليك حصان مولد والاّ عروسة مولد بيقرموهن؟ وحاتك يقعدوا في الرف لامن البيت يتملي نمل.

Quote: سلام من تانى والله يا جماعه ما لاحظت لمداخلتى باسم ود الجنيد الا هسه لوول عذرا اولا لود الجنيد وليك يا طارق ومحمد ابو العزائم ده كلو من الضحكه لووول سلمتو

Quote: تعرف يا طارق بالجد رايحة ليك جية للسودان لانو في خلال الاسبوع ده فتحت ليك عدد من البوستات كلها حنين للبلد يازول اقو ليك اخد ليك خفسة 15 يوم او 3 اسابيع بل شوقك وارجع انت جميل

بيني وبينك اشنهيت السودان شديد

محبتي الاكيدة

Quote: ود جبريل... شكلك مقسّم تماام و على الزيرو يا حبيب..