محمد كرم الله صوت يدخل رواكيب الروح ويمشى فى الحنايا امد الله عمره واعاده الي حيث الغناء العذب شكرا ليك يازول يا جميل وكل عام ومحمد كرم الله وانت والغناء الجميل بخير
12-22-2007, 06:03 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
محمد كرم الله فنان كامل وله صوت يدخل في القلب غتاهو حنين خلاص ولا يمكن الا ان تطرب له وانا وحاتك من بدأ العيد دة في المغرب لا مشيت علي زول لا شفتلي زول شغلتوا وغتست راسي تحت مخدة وكان فاضلي اعوعي عديل
محبتي الاكيدة
12-22-2007, 02:52 PM
Ishraga Mustafa Ishraga Mustafa
تاريخ التسجيل: 09-05-2002
مجموع المشاركات: 11885
طارق شكرا ليك على الغنى البتحش دى وربنا يهدى ود كرم الله ويعيده للغناء تانى زى ما قالت اختنا سلوم . يا اخى كده تعال لينا بهناك فى بوست اليوم الجمعة الثانى عشر من ذى الحجة اول ايام عيد الاضحى فى المغرب وورينا العبارة وفهم المغاربة شنو فى الحكاية دى وكل سنة وانت واسرتك بخير.
اشراقة كيفنك انت والحلوين الفي بروفايلك ديل تعرفي محمد كرم الله دة ممكن بي غناهو دة يساهر مع كل زول ليله فلل ومتذكرلو زولا سمح عزيز عليه ولا غربة طالت وماها دايري تنتهي ولا حبيبة بعيدي وطيفها يداعب فيهو اكنك شوفيلك رابط من هني ولا هني ولا كاسيت أليلو واقعدي اتصنتيلو وحات الله قلبك يفر
محبتي الاكيدة
01-03-2008, 08:03 PM
kamalabas kamalabas
تاريخ التسجيل: 02-07-2003
مجموع المشاركات: 10673
والله يا طارق لمن شفت عنوان البوست دة قلت اكيد القطيعة من الجردل والقدح لسة ماثرة عليك وقلت للولية جيبي الفكس النلحق طارق دة هو لسة ما تما حكايتو في العمارات ما يقوم يعطلنا زيادة علي العلينا لقيت الموضوع ما عندة علاقة بالقداحة
الله يرضى عليك يا طارق ياخ .. إنت شغلك كله عوّيق ؟؟ .. ربنا مسلطك علينا إنت و محمد كرم الله توجعونا ياخي ؟ خليتني أتذكر زمن كافر ما لانت عروقنا فيهو إلا بـ :
أما النوم أبا وجافاني .. وأصبح داجي ساهر حتي الطيف رحل خلاني ما طيب لي خاطر
قليل يا طيف أقيف وارجاني .. وين فايتني عابر شن حارس وراك انا تاني .. ياني معاك مسافر
لا لا لاتقول لي كدي استناني .. أمشي واجيك باكر يبقي انا ما ألِم فيك تاني .. مين عارف المصاير
هاك اسمع رنين الحاني .. وابقي معايا سامر خفف لي قليل أحزاني .. ياما أنا عشت صابر
شوف كيفن يسوي زماني .. ديمة علي جاير اّهـ .. مر العذاب وراني سهمو الفي قلبي غاير
شوف الليلة كيف بستاني .. ده الكان باشي ناضر من حر السموم بيعاني .. طيرو يفر يهاجر
الزبير ود صالح كيفنك عيدك مبارك انت ووليداتك وحاتك جيت بي مزاج فشان اقعد اتملكم القصي شغلت محمد كرم الله قلت فشان يديني كهربة علي غنوتو دي فوتت فيوزي كله كله لامن كهربتي انا زاتها ضربت وبقيت اهضرب رسمي باكر بجيكم بي هناك
12-22-2007, 06:25 PM
هند محمد هند محمد
تاريخ التسجيل: 05-30-2007
مجموع المشاركات: 4300
د. محمد الامين يا زول وين اراضيك كل سنة وانت طيبة وكيف الصغيرة (الرباطية) وامها ان شاء الله تمام التمام زي ما عارف المغاربة ديل يا دوب عيدو يبدو انه البيشوف ليهم الهلال جايبنو من نيجيريا وزي ما عارف اهلنا الفلاتة وقصتهم مع الاهلة يا زول دة كلامك يا دوب ضربنا بولفاف والاتاي وعاد غادي نشوفوا مع الدوارة والكتف اليمين
محبتي الاكيدة
12-22-2007, 06:54 PM
عبدالأله زمراوي عبدالأله زمراوي
تاريخ التسجيل: 05-22-2003
مجموع المشاركات: 744
كي داير لا باس كي دايرين الدراري كل شي بخير آسيدي؟
والله أجبرتنا أن نشهق في حضرة هذا الكروان! والله لم يتغن أنسان أو جان كما تغنى هذا الهرم النوبي محمد كرم الله (اذا تخيلنا ان الشايقية نوبيون مستعربون لنشر الثقافة النوبية عند قباشل السودان الناطقة بالعربية)!
سافرت من كرمة حيث مقر قصور ملوك كوش بدفوفتها الشرقية والغربية نحو الجنوب حيث العمران النوبي في أحلى حلله، البجراوية جبال البركل المهيبة ومراقد الملوك بمروي. كان ذلك منذ اكثر من ربع قرن. دون أن أعرف العربية جيدا، انداح كلي نحو غناء ذلك الزمن البهيج. كان صديق أحمد ممرضنا بمدرسة الدبة، جوار قرية الأديب الكبير العالمي الطيب صالح، قدس الله سره (قرية كرمكول) وهي تسمية نوبية قحة (سيد الكرمة). وجدت نفسي ذات يوم (شيالا) مع صديق الدبة. النار عويش، ود الدابي مالك ساكت، ما شفت الجلا السواها! ثم جاءنا ذات مرة ذلك الغريد الرائع ود جبارة وبكينا عندما غنى للشاعر السر يا يمة رسلي لي عفوك!
ثم جاءنا ذات مرة ذاك الأسمر الجميل: محمد كرم الله! كان حدثا لم أنساه حتى اليوم. الطيف كانت أغنية التحول في مسيرة الغناء الشمالي (أعني أغنبات الشايقية). لم يكن أحد في قرى المحس والسكوت وحلفا لم يردد أغنية الطيف. ربما لم يفهمها بعضنا ولكنهم أحتفوا بصدقها وعفتها وجمالها الخرافي حتى تعنى بها العملاق وردي وسمعها بقية أبناء الوطن!
كان ذاك زمن جميل. أتى الغرب بعبدالقادر سالم وأطربنا بمقاماته الأقرب للعربية ثم جاءنا بلبل الغرب بشقيش حتى حفظت أغانيه المقابر! ومن الشرق جاءونا بشجن جميل غريب على الأذن لكنه عميق! جاءنا التاج مكي بعنبته وأدريس الأمير بسواكنه! وكانت هناك الجزيرة بعركيها ومصطفاها وكذا الشمال بورديه وزكيه. كل جاءوا ينثرون لنا الدرر!
زكان أكثرهم شجنا وحزنا نبيلا محمد كرم الله. أضم صوتي لخالي خالد حاكم وأقول:
متى تعود لنا أيها البلبل الغريد، وكت الليل يفلل؟؟؟؟؟
12-22-2007, 08:22 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
زمراوي كيفنك وعيدك مبارك وان شاء الله كلشي مزيان وبيييي خييير يا سيدي اوجزت فكفيت محمد كرم الله فنان ذو مواصفات خاصة جدا اشبه الى الكمال تحس النغمة في نبرات صوته دون عناء والمفردات تطلع من حلقه طروبة
ياخي زي ما قلت ليته يعود
12-22-2007, 06:37 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
الليل وكت يفلل بعرفوا براييي انا يا اخواني وكت يغلبني النوم وهناك انا اتقلب يمين وشمال زي الدبيب الحارقه سمه ...والاشجان والاحزان قاتلاني قتل.. هنا في بلاد الغربه الصعبة هناك في البلد سريري مطرف في الحوش.. صوت الحفلات البعيده.. وفنان زي فنانك ده ..صوته اصيل وحنين يطلع زيتنا ويبلل مخدتنا... حزن جوه ..وشوق لبعيد ما قرب يجي..ونسمه بخيله تجيك مره مره.. يادووب اختك ليلها يطول ويفلل كمان وكمان ...
منال
12-22-2007, 06:57 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
منال كيفنك وكل سنة وانت طيبي مالك دايرة تزيدي وجعتنا وجعتين
تعرفي وكتين الملاية تهبهب والمخدي تكون باردي وتتوسدها وتقعد تشوف في النجوم والغناء يجيك من لا بعيد وتتذكرلك زولا محبتو في فشافيشك في اللحظة ديك ان بقيت جوعرت مافي زولا شايفك
12-22-2007, 07:58 PM
العوض المسلمي العوض المسلمي
تاريخ التسجيل: 11-27-2007
مجموع المشاركات: 14076
عزيزي طارق كل سنه وانت بخير وعافيه شنو ياخ الحساده دي لازم تساهر بينا بمحمد كرم الله ياسلام عليه وروعته ده بدخل القلوب مباشره وبرغبه من الجميع وكمان مشكور انت يا حبيب
ابوتسابيح
12-22-2007, 08:27 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
اخوي طارق كل عام وانت بخير ومشكور علي السؤال عن الوالد الحمد لله الولد تحسن كثيرا واصبح يمارس حياته بطريقه شبه عاديه مشكور للسؤال وللدعاء وربنا يجعل ايامكم كلها سعاده وهناء
مع ودي وحبي ابوتسابيح
12-22-2007, 08:11 PM
showgi idriss showgi idriss
تاريخ التسجيل: 08-07-2005
مجموع المشاركات: 440
طارق جبريل كل سنة وانت طيب الزول ده غناى غناى سؤال محيرنى قابلت لى مغربى اول يوم فى العيد قلت ليهو كل سنة وانت طيب قال لى عيدنا يوم الجمعة عليك الله ورينى دى كيف. الدرارى مزيانين
احمــد خضتـر
12-22-2007, 08:39 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
عيد المغاربة دة قصة براها وحاتك يا دوب امبارح حتى ضحينا وهم ذاتهم ما فاضين في السعودية وقالوا توقيت السعودية غلط يا زول نحن ماشين وراهم ومحل ما تصل خلها التصل
12-22-2007, 08:34 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
ابو الشوش يا حبيب يمين العيد ما عرفتلو شي ام الوليدات مشت جابت الخروف وتكلتوا في البيت وانا باريت محمد كرم الله لامن ضبحوا جيت دخلت في الكبدي ألت المغاربة ديل مغتغتنها بي دهن الكرشة علي قرمصيص العروس
12-22-2007, 08:41 PM
showgi idriss showgi idriss
تاريخ التسجيل: 08-07-2005
مجموع المشاركات: 440
ابو الشوش وحاتك الجلد المغاربة ديل ما يدوك ليهو ان بقيت نبي يا زول الجلد بيزبطوا بيهو جنس حاجات في البيوت شي سجاجيد وشي لوحات وان غلبهم خالص يودوهو يسوبوا شباشب
اها شن قولك موش اخيرلي المخدي ومحمد كرم الله
12-22-2007, 08:24 PM
معاوية كرفس معاوية كرفس
تاريخ التسجيل: 03-18-2004
مجموع المشاركات: 1340
الاخ الدكتور طارق جبريل كل سنة وانت واسرتك بخير يا زول مالك علينا قبل ساعة في التلفزيون السوداني سهرة فيها الشاعر الرقيق والانسان السر عثمان الطيب والفنان محمد جباره تقوم اسي تجيب لي ود كرم الله وكت الليل يفلل.. كدي النجيب شربوتي وبجيك راجع
12-22-2007, 11:28 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
العزيز طارق جبريل .. كل سنة وانت وضيوفك طيبين .. والله غايتو ساعة الليل يفلل دي ذاتها عبارة عجيبة !!!.. والواحد فعلآ انتبه لمفردة يفلل دي اللاحظتها اختنا الشاعرة نادية مختار بحسها الشعري اللغوي .. ويبدو لي إذا فلفلنا الكلمة (يفلل) نلقاها مزيج مختصر من عبارة (في الليل أو فيلليل) "صيغة مضاعفة" !!.. وهي كناية أو عبارة مبتكرة بديلة لـ الليل يليل جاية من الليل أليل !!..
وبالمناسبة أذكر في الصبا وكنا بنمشي البلد في الاجازات في زمان كان النجمان محمدكرم الله ومحمدجبارة في قمة فن الطمبور .. وكان الشباب كثيرآ ما يقارنون ويفاضلون بينهما .. فيومآ ما وبينما كان ود عمتي في مغالطة مع احد الصبية بين أيهما افضل: محمدكرم الله أم محمدجبارة ؟؟ قال محاججآ له : أسع أسحن يجيبوا لك حلاوة كرملة واللا تقع من الحمارة وتكسر ايدك ويجو يجبروها ليك؟؟
12-23-2007, 00:12 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
مامان كيفنك وعيدك سعيد زي خبيرك السعيد تعرف ان بقى الكلاك دة جد يانا الجايينا الطوفان طوفان النغم الصحي صحي يا زول الله يسمع منك ويرجعلنا الزول دةتاني لي طنبورو
12-23-2007, 05:57 AM
مجدي عبدالرحيم فضل مجدي عبدالرحيم فضل
تاريخ التسجيل: 03-11-2007
مجموع المشاركات: 8885
الدكتور طارق كل عام واسرتك بخير العيد الجاي يلقاك أنت عافي في خيرك تخوجل يا ريت لو لقيتا مرادي أطير في لحظة وأنزل هناك آآآآآآآآآآآآآآه معاك أنا آآآآآآه ..... وأقيِّل لله درك ودره الرائد لا يكذب اهله كا عهدناك يا مامان لك الود
12-23-2007, 05:58 AM
yasiko yasiko
تاريخ التسجيل: 02-04-2002
مجموع المشاركات: 2906
.. سلام تاني يا زينين .. أنا فوق قلت يفلل صيغة مضاعفة .. ويبقي لي كدي كلامي دا دراب ساكت .. دحين مش في القواعد في حاجة إسمها التضعيف أو حاجة زي دي؟؟.. اعذروني علي التفلسف ده بالله ..
12-23-2007, 10:48 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32523
ما هذا الذي غتست فأتيت به؟ محمد كرم الله من الأصوات التي لا طاقة لي على تحمّلها. ورغم عشرات الأصوات التي شدت في المنطقة، وعشرات الأنامل التي داعبت الطنبور وخربشته، ودوزنت وجداننا، منذ عهد النعام آدم ـ طيب الله ثراه ـ لم أجد نفسي إلا مع هذا الرجل المدعو محمد كرم الله. ربما لأنني أميل إلى الإيقاع البطيء في أغاني المنطقة، والذي جسده هذان الإثنان بامتياز.
هل تعرف أن من "عرّفني" على محمد كرم الله هو أخوك ... طلحة! كان ذلك في منتصف السبعينيات بالرباط، وقد رحلنا من الحي الجامعي مولاي إسماعيل وسكنّا معاً في حي البريد في يعقوب المنصور. كان لدى طلحة مجموعة من أغاني كرم الله. وإذا ما فلل الليل و"سرت النشوة فينا"، أطلقناها .. وأطلقنا للمشاعر العنان. أما "الطيف" فما زلت أراها ـ والله ـ من أجمل ما كُتب من شعر... على الإطلاق. وهي من الأغاني القليلة التي أجدها تقترب من الكمال: كلماتٍ ولحناً وأداءً. وما زلت أذكر سماعي لها أول مرة، وكيف أنني دخلت في حالة من الجذبTrance ، أجد صداها في تلافيف الذاكرة إلى الآن. كان ذلك في صيف 1976 بالحي الجامعي مولاي إسماعيل. وهو ما عُرف لاحقا بـ "تل الزعتر"، كناية عن المعاناة والصمود إلخ... كنا مجموعة من الطلبة السودانيين الذين قضوا العطلة الصيفية (طوعا أو كرها) في المغرب، بلا منحة ولا موارد مادية. جعنا وقمّلنا وأصبنا "بالحكَّة والجربة" واعتصمنا بالسفارة ... ودخلنا السجن... في هذا الجو المأساوي سمعت "الطيف" لأول مرة. انطلق صوت محمد كرم الله بلا مقدمات، فأصابني إصابات لم أُشف منها بعد.... ............................. ............................. ............................. ثم تغتس أنت وتأتينا بمثل هذا الذي أتيت به؟
أخانا المضرّ (من أضرّ... يضرُّ... فهو مضرٌّ) تاريخ جبريل رفقاً بنا، فلم يعد في الحنايا موضع لآهات جديدة.
Quote: محمد كرم الله صوت يدخل رواكيب الروح ويمشى فى الحنايا
سلمى الشيخ سلامة وبعض الكتابات تدخل رواكيب الروح وتمشى فى الحنايا
Quote: وحاتك سبقتني كنت ناوي افتش لي بوست عصام عبد الحفيظ داك وامرق منه الصور دي
هل هذا الرجل المتكررة صورته هو محمد كرم الله؟
12-23-2007, 03:54 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
ود البيلي عيدك مبارك وحاتك يوم العيد متذكر الحاجة عشة رحمها ا لله بديت انكت في حاجاتي القديمة ديك لقيت الرائع محمد كرم الله يشدو ونبرات صوته الجميلة وزي ما عارف دبرسة العيد في البلد ديك عوقني غناهو قلت اجي اعوقكم معاي
الصور التي تتكرر لمحمد كرم الله والاخيرة معاهو محمد جبارة
12-23-2007, 06:17 PM
yasiko yasiko
تاريخ التسجيل: 02-04-2002
مجموع المشاركات: 2906
Quote: هل هذا الرجل المتكررة صورته هو محمد كرم الله؟
الأستاذ البيلي سلام تشدني كتابتك دائماً وكل سنة يتكرر عيدك وانت في الأفراح "تخوجل" نعم الذي يتكرر في الصورة هو الأستاذ ود كرم الله والذي يجلس خلفه في "الفلوكة" الشاعر حميد لقد حاول الزمن ان يأكل ويشرب ويعبث بخارجه لكنه لم يتمكن من الوصول إلى "المتكن" في دواخله ودواخلنا يبدو في الصورة الأخيرة أنه والأستاذ محمد جبارة قد وصلا من سفر على أحد "بناطين" المنطقة وفي انتظار المعدية ، حيث يظهر ذلك من ناعم التراب "الخانث لبد" فوق جلابية ود جبارة ، والذي يحيرني ان جلابية ود كرم الله ناصعة البياض ، أحسبه مستقبلاً . لهما السلام أينما حلا ومثله مطبوق للدكتور ود جبريل ويبدو انو أبو الحسين غرق في العسل فعليه الرحمة وربنا يجازي الكان سبب تخريمة: بالله سنة 1976 انت في الجامعة ؟؟؟ لابد من الوقوف لك إجلالاً وقتها كنت في الابتدائية
12-23-2007, 07:42 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
د. طارق يعلم الله الخطاب واضح وضوح الشمس انو للأستاذ البيلي لكن "الفي بطنو حرقص براهو يصفق ويرقص" عموماً ممكن نحيلك للجنة التسنين الله يستر عليك من الخدمة الإلزامية لك ودي
12-24-2007, 07:09 PM
انعام حيمورة انعام حيمورة
تاريخ التسجيل: 06-29-2006
مجموع المشاركات: 11094
د. طارق سلام اعتقد ان الفيديو اعلاه سيفلل نهارك ايضاً ويفلفلو بعيد عنك يا بلدنا مصاقر الغربة اللئيمي "طالما هي عايري قلنا نديها سوط" شوف الولد دا كارب صريمة الحمارة دي كيف ويلكد ويجبط بالنيمي فيها لك الود
اضغط على زر التشغيل لمشاهدة الفيديو بعد ايقاف اغنية ود كرم الله
12-27-2007, 01:35 AM
yasiko yasiko
تاريخ التسجيل: 02-04-2002
مجموع المشاركات: 2906
ابو النسب د. طارق كل العام وانت والاسره بكل خير وعافية
تعرف يا طارق ما اجتمع محمد سعيد دفع الله ومحمد كرم الله ( الثنائي العجيب الحبيب) الا وكانت الكلام يدفعها اللحن تسبر دواخلك وتنكش لك كل اشياؤك الحلوة وتعجنها لك بالحاضر وترجعك درويش تسوقه ايقاعات الطار
12-27-2007, 09:47 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
وكت الليل يفلل والله قايل لاقوك رباطة فى منتزة الكلية المهنية وغمتوك
عارف يا طارق اغانى الشوايقة بذكرنى جارنا اسمو عطا المنان عندو جنينى سمحة مليانة شدر ويقعد فيها طول يومو ويشغل مسجلو باعلى صوت يسمع الجيران ويطربنا معاهو فى يوم عمك بيصلى فى صلاة المغرب قدام الجنينة جاء حرامى شال المسجل وشرد ، لكين عمك ما طلع راجل صحي صحى قطع ليك صلاتو وجري وراء الحرامى وما رجع الا المسجل معاهو وشريط اليمنى شغال عـــلا بس البطارية نزلت شوية .
12-27-2007, 09:50 PM
رأفت ميلاد رأفت ميلاد
تاريخ التسجيل: 04-03-2006
مجموع المشاركات: 7655
Quote: ذات يومٍ ستطلبين ودادي *** رغم شيبي، والحبُّ بالأقدمية فتعالي أحبك الآن أحسن *** واقبليني كما أنا، يا شقيّة
أستاذي البيلي سلام ما الحب إلا للحبيب الأول دا حب من زمن الجزيرة سكون القيط والقناطر خريف الدرت المبشر سحابو المدموم وماطر ليس العامل هو عامل كيمياء العطور لوحده إنما للعمر موؤل وكلنا في الهوا سوا استمتعت بردك على المشيب لذا أقول لك القومة شئت أم أبيت http://www.sudaneseonline.com/video/Aleelyafalil.wma حتي يأتي طارق بالرابط "إن كان حيا" يمكنك Right click Save target as
12-28-2007, 10:13 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
اها يا اهلنا مادام قولتو كدي سريع عدد اتنين جعيرة حق الرمية براها و الغنية براها و خفوا علي قريبي محجوب البيلي لو ندهلكن امباب حمد ولا عوضة ضمين الدار بقطع منك الانترنت و ما تلقوا الببكيكم lool
12-29-2007, 11:10 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
يا طارق ياخ انوار شنو !! انت ومحمد كرم الله ده كتلتونا نحن ذاتنا
تعرف الأغنية دي ذكرتني زمااااااااان زي الساعة حداشر صباحاًلمن كنا بنلعب بالتراتير جنب دكان صالح وكان حسن كول الشغال في الدكان بيشغل الرادي .. ونحن بعد اللفة بالترتار نقعد في ضل الدكان ونسمع الأغاني دون وعي للمعاني لكن الترانيم والالحان واصوات الفنانين ترسخ في أذهاننا وآذاننا ويبقى اثرها محفور وتجي انت والجميلين من امثالك وتنبشوا الحلاوة دي بي طعمها الما بتغير ..
عليك الله كمان يا طارق لو لقيت لي ود كرم الله ده اغنية (لمّا النوم ابى وجافاني) ختها هني عشان تتم الناقصة.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طارق جبريل
showgi idriss
سلمى الشيخ سلامة
Ishraga Mustafa
خالد حاكم
kamalabas
الزبير صالح الزبير
فيصل محمد خليل
Emad Abdulla
ابراهيم عثمان آدم
هند محمد
محمد الأمين موسى
العوض المسلمي
ahmed khidir
معاوية كرفس
Saifeldin Gibreel
Mekki M Alhassan
Munir
maman
مجدي عبدالرحيم فضل
yasiko
عبدالكريم الامين احمد
عامر تيتاوى
إيمان صالح
محجوب البيلي
حيدر حسن ميرغني
انعام حيمورة
أبوبكر طه
غادة عبدالعزيز خالد
osman righeem
عبد الدائم سيد أحمد
رأفت ميلاد
نصار
امير عوض الجمري
فيس بوك
تويتر
انستقرام
يوتيوب
بنتيريست