دعواتكم لزميلنا المفكر د.الباقر العفيف بالشفاء العاجل
|
|
 لا بنساك... ليل تقيل
|
|
|
 
|
|
|
|
|
|
|
 Re: لا بنساك... ليل تقيل (Re: طارق جبريل)
|
احييييييييييييييييييي انا
اها الانتخابات وخجوها
والهلال وحمصوهو
والبنية السميحة المسخت الهنديات علي وخطبوها
اوع يجي زول يسكتني
خلي النكمل النخجي زيييييييييييييييييين
ود جبرين والله مشتاقين
خالص الود
| |
|
|
|
|
|
|
|
|
|
Re: لا بنساك... ليل تقيل (Re: ياسر بيناوي)
|
أواه من ليل تطاول عهده
ليل حرمت الذكر في محرابه
يا بهجة القلب المفعم بالاسي
شأن المحب العفو عن احبابه
رفقا بقلب محب ابلاه الجوي
رام الوصال مانال غير سرابه
| |
|
|
|
|
|
|
|
|
|
Re: لا بنساك... ليل تقيل (Re: طارق جبريل)
|
ود جبريل نان إنت في بلداً ليلها نهار عندنا نقعد نجوعر معاك ولا نراعي فروق التوقيت ، غايتو كان هديتنا على البكا على الأطلال حا تبقي علينا قصة ناس قفا نبكي وهم أصلاً كان كراهيتم في الدنيا الليل أول ما الشمس دي تغيب والدنيا تضلم والجداد يهجد والذئاب تعوي هم في اللحظات ديك تقوم تتفتح قرائحهم الشعرية الواحد تقول قريحته الشعرية من فصيلة البوم أو شغاله ليل أصلها ما بتتفتح بالنهار المهم وأصدق دليل على كراهيتم لليل البغطي الجبال ما قاله إمرؤ القيس:
ولَيْلٍ كَمَوْجِ البَحْرِ أَرْخَى سُدُوْلَهُ
على بِأَنْوَاعِ الهُمُوْمِ لِيَبْتَلِي
فَقُلْتُ لَهُ لَمَّا تَمَطَّى بصُلْبِهِ
وأَرْدَفَ أَعْجَازاً وَنَاءَ بِكَلْكَلِ
ألاَ أَيُّهَا اللَّيْلُ الطَّوِيْلُ ألاَ انْجَلِي
بِصُبْحٍ وَمَا الإصْبَاحُ منِكَ بِأَمْثَلِ
فَيَا لَكَ مَنْ لَيْلٍ كَأنَّ نُجُومَهُ
بِأَمْرَاسِ كَتَّانٍ إِلَى صُمِّ جَنْدَلِ
ويجوا ناسنا يقولو ليك الليل أهواه وأنا والليل مساهرين نحكي للقمرة ويا ليل أبقي لي شاهد (الليل المسكين دا يشهد لي منو ويخلي منو الزيك كتيرين مساهرين العندو ضرس والمدبرس والعندو ملاريا والمسافر وطيارتو إتأخرت والجاهم حرامي والزهجان من الحر والعندو شيك طاير ومواعيدو قرررربت والمستني الموية تجي عشان يملأ المواعين والعندو صبه وعيييييييك من هنا لغاية الصباح..)
لكين أظن عمنا سماعين حسن لمن قال:
الله ليلي ..
شن تشبه بلا الداسنو فى بطن المطامير
لدروبك انتى ما شقن بوابير
يا قشيش نص الخلا الفوق فى العتامير
البكركر رعدو و ديمة سماهو عكير
السمح مرعاك يا قش التناقير
كان قاعدلو فوق رأي يعني ليلو في الحته دي مو متل ليلك أسود وأبيض وبرضو ولا ليلو إمبيلي حق الهلال دا ليل براهو بعرفوهو الشعراء
.
دردقه في بلاط المسطبة:
أنا بصراحة ما سمعت التكتح جاني مربع فيهو كروس أحمر وقدر ما أعملت فيهو كليكاتي لم تفلح ولم يفتح لكين تقدر تقول بكيت على الريحه. وسيد الريحه شال الفاتحه في البقرات التلاته يا عديله لي.
| |
|
|
|
|
|
|
|
|
|
Re: لا بنساك... ليل تقيل (Re: almulaomar)
|
طارق واهل الليل
Quote:
لذة الريد لمن أشقى ومن شقاي تسعد عيونك
وروعة الهم لما تطلع بعدو فرحة تضوي كونك
يا سلام لمن عيوني تمحى لونه وتبقى لونك
واستعيد جمبك ثواني من عميري مضت بدونك
|
| |
|
|
|
|
|
|
|
|
|
Re: لا بنساك... ليل تقيل (Re: SHIBKA)
|
وتاني قام جاب سيرة البحر
والمرة دي شنو كمان محمد ميرغني
لا بالله نحن ما عندنا أهل ولا شنو؟
ياخ حرام هو نحن متصبرين عليها بهين
محمد ميرغني دا واستاذه الله يرحمه العاقب محمد حسن
ما بهوب ناحيتهم
أنا ناقص
طارق الليل ليهو وحشة وشوق
وليك يا حبوب فرح بقدر روحك السمحة
شتت الكورة العويرة المدورة دي
جبانة هايصة
دا أحسن لينا
وين هواري ؟
بهاء
| |
|
|
|
|
|
|
|
|
|
Re: لا بنساك... ليل تقيل (Re: Baha Elhadi)
|
Quote: وتاني قام جاب سيرة البحر
والمرة دي شنو كمان محمد ميرغني
لا بالله نحن ما عندنا أهل ولا شنو؟
ياخ حرام هو نحن متصبرين عليها بهين
محمد ميرغني دا واستاذه الله يرحمه العاقب محمد حسن
ما بهوب ناحيتهم
أنا ناقص
طارق الليل ليهو وحشة وشوق
وليك يا حبوب فرح بقدر روحك السمحة
شتت الكورة العويرة المدورة دي
جبانة هايصة
دا أحسن لينا
وين هواري ؟
بهاء |
انت يا حبيبنا في الليل دة عامل زي هبار الشرك
العجب مقطوع الطاري ود نمر
يمين جوكرينو بايظ
| |
|
|
|
|
|
|
|
|
|
Re: لا بنساك... ليل تقيل (Re: طارق جبريل)
|
ود جبريل طابت أوقاتك بالخير والمسرات
واحد بلدياتنا قالوا ليهو الله بفرجا ، قال ليهم – وهو مزنوق زنقة منير أمبده في لعبة pass through كان فرجها فرجها وكان ما فرجها ببيع بعيري دا وبفرجها على رقبتي. وطالما الحكاية جابت ليها إبل دحين يا أخوي هذا لنككم الليل الحفظ رد إليكم من غير سوء لأنني بعد جهد جهيد قدرت أتعامل مع التكنلوجيا. ويا حليل أيام محمد ميرغني الفنان الكبير هسي وحاتك بقي زي الوابورات (الطلمبات الزراعية) مرات يجيب هوا ومرات يجر مويه ، الصوت خلاس قرررب يبقي silent ولكل شئ أحكام عاد يا ود ميرغني المسأله عايزه نفس طويييييييييييييييييل.
| |
|
|
|
|
|
|
|
|
|
Re: لا بنساك... ليل تقيل (Re: almulaomar)
|
البهجة عمر كيفنك
| Quote: ويا حليل أيام محمد ميرغني الفنان الكبير هسي وحاتك بقي زي الوابورات (الطلمبات الزراعية) مرات يجيب هوا ومرات يجر مويه |
المغاربة عندهم مثل بيقول: مشى الزين وبقوو حروفو
الراجل ياخي لسة شباب ومبدع
| |
|
|
|
|
|
|
|
|
 Re: لا بنساك... ليل تقيل (Re: طارق جبريل)
|
Quote: العجب مقطوع الطاري ود نمر
يمين جوكرينو بايظ |
سلام يا ناس الليل
حليييييييييييل ايامنا
وينك يا ودجبرين
قلته لي شنو؟؟
ههههههههههه
..يمين انت ان ما ودرتنا ما بترتاااااااااااح
هسي ده غناء بتاع زول نصيييييح
في داعي تخلينا نجوعر ونتخج في باقي الليل ده...
ناغمتك في الفيس بووك
الا انت عملته فيها رايح
قلته بتكون معصور مع مدير الجريدة
بمشي وبجيك راجع..
كدي شوف معاك بت الشيخ وينها
| |
|
|
|
|
|
|
|
|
|
Re: لا بنساك... ليل تقيل (Re: هواري نمر)
|
| Quote: كدي شوف معاك بت الشيخ وينها |
الزول قدر مايزوغ منكم تحلفو بدينكم وايمانكم الا تزوزو بيه,,
والله انا سلمتها امرى لى الله ,,الاقلبى دى راااقد سلطة,,
________________________--
Hawari long time
we miss you
| |
|
|
|
|
|
|
|
|
|
Re: لا بنساك... ليل تقيل (Re: Amira Elsheikh)
|
ود جبرين
ياليل ابقالي شاهد على نار شوقي وجنوني
اميره الشيخ (الكوتش )
| Quote: الاقلبى دى راااقد سلطة,, |
انا قلبي ده يستاهل الشقا و العذاب == يستاهل اكتر من كده
يعني في داعي للاستوساخات بتاعت ود جبرين دي
ههههه
------------------
ود جبرين ياخي انت عارف (بكري ابوبكر ) قاصدك ليه عشان ليلك الطويل ده
| |
|
|
|
|
|
|
|
|
|
Re: لا بنساك... ليل تقيل (Re: هواري نمر)
|
Quote: سلام يا ناس الليل
حليييييييييييل ايامنا
وينك يا ودجبرين
قلته لي شنو؟؟
ههههههههههه
..يمين انت ان ما ودرتنا ما بترتاااااااااااح
هسي ده غناء بتاع زول نصيييييح
في داعي تخلينا نجوعر ونتخج في باقي الليل ده...
ناغمتك في الفيس بووك
الا انت عملته فيها رايح
قلته بتكون معصور مع مدير الجريدة
بمشي وبجيك راجع..
كدي شوف معاك بت الشيخ وينها
|
يا حبيب والله اخوك ممكون
الجريدة دي هرتني هري
بت الشيخ عد تمشي مننا وين
النخجي ياهو المحمدا
| |
|
|
|
|
|
|
|
|
|
Re: لا بنساك... ليل تقيل (Re: حاتم ميرغني فرح)
|
Quote:
________________________--
Hawari long time
we miss you |
بت الشيخ..ازيك يا الاميرة
متوحشنك والله
كيفنك و بركة ود جبريل,الرجعك لينا تاني..
وين الليل ده نمشي نخليه.لوووووووووووول
الا جايك بالدرب في البوست بتاعك ,قلتي لي الاسامي والفلهمة..ههههههههههه
تحياتي واحترامي
| |
|
|
|
|
|
|
| |
طارق جبريل
ياسر بيناوي
almulaomar
SHIBKA
انعام عبد الحفيظ
محمد كابيلا
هواري نمر
وليد عبد اللطيف
فيس بوك
تويتر
انستقرام
يوتيوب
بنتيريست