|
|
 كنت هناك... (نِقة وصور)
|
سلام يا الحبان
هي في المجمل انطباعات شخصية عن زيارة خاطفة الى السودان
انطباعات عن ما شاهدته بام عيني وعن حكايات استقيتها من اهلي وعشيرتي
حا اكتب دون نظام
يعني ممكن تكون مواضيع متباينة ومافي جامع بينها
بس حا اكتب
|
|
 
|
|
|
|
|
|
|
|
Re: كنت هناك... (نِقة وصور) (Re: طارق جبريل)
|
* الشامبيون:
النصيبة دة مالي البلد بالاعلانات.. محل تقبل تلقاهو قدامك.. يا ربي مبيعاته بتغطي الاعلانات دي؟؟
الشباب بقى يسمي الحاجة السمحي ((شامبيون))
يعني لو جكستلك جكسوية نضيفي وتراري يقولولك: لكن جكسيك ما ((شامبيون))
وحات الله ريحتو علي المريسي.. وماني عارف الناس العاجبهم فيهو شنو
شيتا مصفر كدي ومر علي حناضل القيزان
| |
|
|
|
|
|
|
|
|
|
Re: كنت هناك... (نِقة وصور) (Re: طارق جبريل)
|
* الركشات والامجادات:
ياخي ديل علي ((الجقور)) في مخزن العيش..
بالله ينجارن من هني لا هني زي السواسيو الامهن تكاكي قدامن
ياخي ما خلنهن شي للتكاسي..
ما شفتلي زولا بالغلت راكبلو تكسي
والتكاسي ذاتن قُداااااااااام كدي ومصفرات علي ((عيش الريف)) المسلوق
ومعظم الركشات والامجادات سايقنهن اولاد صغار
واي زول ينقنق فوقن: الله ينعلهم ديل سبب الحوادث كلها منهن
الذ شي لمن تركب مع واحد فيهم يقول ليك: جيب المعقول
والمعقول دة ممكن يكون كسر رقبة
| |
|
|
|
|
|
|
|
|
|
Re: كنت هناك... (نِقة وصور) (Re: طارق جبريل)
|
*السيراميك:
البيوت كلهن سوووهن سيراميك
وسيراميك الجن دة يسكت يقلم في خلايق الله
نحن يومي في الاسبتاليات نزور في خلق الله دي:
فلان مجبص انزلق في السيراميك
فلانة حصلوها كسرت مخروقتها في السيراميك
الخروف اربطوهوا في الدرابزين لا ي###### السيراميك
دايرين نقلع الضفرة نسويها سيراميك
السيراميك دة مالو ######ان كدي قومي يا حواء اشطفيهو بالخرطوش
البيت أليلي كمل بس فضلي السيراميك
| |
|
|
|
|
|
|
|
|
|
Re: كنت هناك... (نِقة وصور) (Re: طارق جبريل)
|
* الموبايلات:
بالله النصايب ديل هناك هاجسا كبير خلاص
انا من الله خلقني النصيبة دة ما بعرف اعافر فيهو غير الزر اللحمر والزر اللخدر
خلايق الله دي كلها شغالة تكابس في ازرار الجن دي
وكل زول ماهو عاجبه الموبايل أليلو لانه قديم
والعجب الشباب.. باقيلي الواحدي ان حبتلها ولدا سميح
ولقت موبايلو قديم تديهز شاكوشا كارب فشان ما قالها نوع موبايلو
بالله تلقاهم قاعدين مع بعض وكل زولا يبعبص في موبايلو
زي البينضفولم في عدس ولا قمح قبل يدققوهوا
والعجب الرنات: شي مديح وشي محمود عبد العزيز
وشي مهند ونور وشي اغاني واغاني
غايتو ساولهم هيصي في موبايل الجن دة
التقول داير يشيل ((الانقاذ)) من الحكم
| |
|
|
|
|
|
|
|
|
|
Re: كنت هناك... (نِقة وصور) (Re: طارق جبريل)
|
اي زول عايز يتونس معاك يعزمك محل اكل
بالله لمن شككوني في نفسي: يا ربي انا وزن الريشة ولا شنو
شي ((امواج)) وشي ((قندهار)) وشي ((جاد)) وشي (ايفري))
وشي ((الساحة)) وشي ((عوضية سمك)) وشي ((محاسن كوارع))
وشي ((البربري)) وشي ((دودي))..
وشارع المطار بالله مفروض يسموهوا ((شارع الملاهط))
بقى كله مطاعم والناس طابقة وداخلة تلهط
والعجب لو بعد اللهطة ودوك الديم تشرب قهوة حبش
يمين الحبشية دي تزبط ليك البن دة جنبك مع ريحة البخور
وهي بتقلي في البن انت ذاتك تتقلي معاها
والله لمن تكُب ليك الفنجان دة
بالله من سماحتها تشوف الفنجان دة صحن خشاف
| |
|
|
|
|
|
|
|
|
|
Re: كنت هناك... (نِقة وصور) (Re: طارق جبريل)
|
في شجرة كدة جديدة مالية الدنيا
بالله أي درابزين تلقاها محاوطاهو
وقالوا بس تديها موية تلقاها في السماء
الشجرة ملفتة جدا خصوصا في الأحياء الشعبية
الشجرة ((ضرا)) للبسطاء
وراء الشجرة دي تقضي معظم الأُسر يومها
ينوموا وراها
ياكلوا وراها
((يقطعوا)) وراها
يحبوا بت الجيران وراها
يتشنقلوا في الضُهرية بي عراريقهم وراها
نسوان الحلة يجيبوا ((الميز)) ويوزعوه وراها
شجرة ساترة الناس ياخي
| |
|
|
|
|
|
|
|
|
|
Re: كنت هناك... (نِقة وصور) (Re: طارق جبريل)
|
الجرائد في السودان كلهن زي بعض
احمد وحاج احمد
والتصميم ضعيف شديد ومحتاج لي وقفة من اصحاب الجرائد
الهم الكبير ((لمعظم)) مالكي الجرائد هو الكسب السريع
عايزين يغنوا باسرع طريقة
لا يهم الجريدة دي بتطلع كيف ولا العاملين فيها ديل شغالين في ياتو ظروف
ضعف التصميم والمادة الصحفية موش لانه مافي كفاءات بشرية
بالعكس الكفاءات موجودة بس محبطة جدا
تخيلو مخرج ومصمم مضطر يلف على الجرائد كلها عشان يشتغل ليه صفحتين هنا
وصفحتين هناك عشان يقدر يطلع شهرية تعين اسرته على الحياة
وضعية زي دي منتظرين منها تبدع وتصمم بشكل جيد.. لا اعتقد
اتونست لي مع صحفي عن راتبه لقيته بياخد خمسمائة الف جنيه بالقديم
ومطلوب منه يجي من الصباح عشان يطلع مادة صحفية جيدة
عليكم الله قروش ######## زي تعمل ليه شنو
حدثني مدير تحرير عن انه شك في مادة صحفية انه فيها ريحة رشوة
لم سأل الصحفي عن الموضوع لقى انه امه في المستشفى ومحتاجة لادوية بي مائة الف
والصحفي عنده طفلين غير مصاريف ناس بيتهم
قال لي مررت المادة وعملت رايح لانه لو كنت مكانه كان عملت كدة برضو
بعض عناوين المانشيتات كارثة حقيقية
((سلفا كير سلم على رئيس التحرير وقال ليه: وين يا فلان))
تخيلو دة عنوان مانشيت رئيسي
عناوين المانشيتات في الغالب توضع بشكل ما فيه اي نوع من الجمالية
ممكن تكون نص الصفحة الأولى مانشيتات مع لوغو الجريدة
ودة جماليا غير مريح
والتعليل الجاهز: القارئ عايز كدة
اياكم واحد يغروه يكتب مع جريدة او يراسلها
يمين يمطوحوا اهلك في القروش ويذلوهم ذلة الكلاب
في الأول يقولوا ليك كلام سمح ومنمق كدة
أول ما تجي للدفع يتغابوا فيك العِرفة
رئيس تحرير طالبته صحفية بالراتب لانها ستة شهور ما دفعوا ليها راتب
قال ليها: مفروض تفتخري انك بتكتبي في جريدتنا.. دة براهو راتب
الدولة متحكمة في الإعلانات عشان تخنق الناس المزعجين
نادر جدا جدا تلقى ليك مقال ينتقد شركات الاتصالات.. لانها بتضخ اعلانات كويسة
الغريبة انه الصحافة اصبحت صحافة رأي اكتر من انها صحافة خبر
كتاب الرأي الأعلى دخلا في المهنة
وبيتمنوا زي ما عايزين
غايتو الصحافة دي هم على القلب عديييييييل كدة
ربنا يعين الصحافيين والمصممين هناك
رقابة ذاتية
ورقابة مدير التحرير
ورقابة رئيس التحرير
ورقابة مُلاك الجريدة
ورقابة الأمن
المحصلة شنو تفتكروا؟؟
| |
|
|
|
|
|
|
|
|
|
Re: كنت هناك... (نِقة وصور) (Re: طارق جبريل)
|
زمان البلد فيها تلاتة وجبات
الفطور يسولك القراريص بالملحات
ولا فولا كارب ومعاهو بيض
وتقعد تلوغد وتحمد ربك
والساعة تلاتة مع برنامج ((عالم الرياضة)) في الرادي تلقى الصينية مختوتة
وملياني ملحات وسلطة خدرا وكسرة في الجنبات ومختوت فوقها العيش (الطوستة)
وبالليل مع نشرة تسعة يختولك العشاء
يا فول يا شعيريي
يا فطير بي روبا سمح
وان بقت قاطي كله كله يسولك حرِف أليل قراصي
تكبلك فيه سمن وتضرضرلك فيه سكر وتمصمص اصابعينك وراهو
هسي بالله الناس جاري وراء المعايش
البيت كله يطلع من الصباح
الفطور في البيوت لغوه ضومة ضومة
الا ان بقى في حبوبة ومعاها ام وليدات يسوَّن فطورن
زمان ان بقى ما عجبك فطور البيت تمد راسك لي ام النصر ولا بت الجريف ولا الزهرة
تشوفن ساوات شنو ومحل الفطور عجبك تتلب بالحيطة وتفطر
هسي الناس ملهلهة في الوزارات والشركات وفي النهاية ياهو البوش وزيت السمسم والجبنة
والغداء بقى مع صلاة المغرب
لا تعرفه غداء لا تعرفه عشاء
المهم وجبتين في وجبة واحدة والناس تتشنقل تنوم في الدرابزين
حتى الشاي البعد الغداء خلوهوا
والعجب شاي المغرب مع اللقيمات بقى مافي ضومة ضومة
وحات الله تشوف الواحد نازل من المواصلات ماشي علي بيتو مهموم
وشلاضيمو نازلي والوش مغبر ومكندك والعيون علي عيون فارة ام سيسي
وحات ربي ان لكزته بي يدك يقع يموت
الغُبُش زادوا في البلد
| |
|
|
|
|
|
|
|
|
|
Re: كنت هناك... (نِقة وصور) (Re: طارق جبريل)
|
الجكس في السودان بقى سمح خلااااااص
وحات ربي البنيات يتفدعن في مشيتن علي العرجون
وبقن سمحات ودايما يرارن
حتى الاهلها تعبانين تمشي علي ناس قدر ظروفك
تاخدلها جليطة من ((فير آند لفلي)) وتمسح يدينا بي شوية ((اتريكس))
وتاخدلها بخة بختين من اي ريحة بي فِرِد ألف
وتمرق من المحل حامدي ربها وشاكرة
بس في شغلة حيرتني في نافوخي دة
الخرابات لابساتلهن جونتيات حتى ان بقن ماهن محجبات..
يا ربي يكونن خايفات علي صفار لونن
وواحدات بالله فسَخَن وِشياتن بقَنَهِن علي الفشفاش
والعجب ان بقيت مشيتلك عرس..
نظام عام شنو وجهاد شنو..
يمين محزقات وسِطنْ والنصايب من لااااااورا مدلدلات علي الحنابيك
و((الرِقيبة قزازة عصير))
وأصلو الخرابة اللااااقدام داك تلتينه في السهلة
التقول الحفلة فيها رضيع شُفع
والعيون شوف عيني مكحلات من جنب الأضان
لا تعرف العين من وين بادية ولاها حا تمشي علي وين
والعجب في الضرعات مُللللللللللللللس وناااااااااااااااعماااااااااات زي وش ((الجلي))
وحات ود الكرسني تجيك الهاشميي تقرب تلمَسِن
والرجلين من تحت بقن كبااار وغُلااااااااد زي المخدة المطاولة في سرير الدبل ديك
والكلام كله بقى بي رميش العيون
والصوت مرققنو يخلي الزول يعوعي
| |
|
|
|
|
|
|
|
|
|
Re: كنت هناك... (نِقة وصور) (Re: طارق جبريل)
|
البلد اتملت اجانب
هسي الخرابة دة وشايل ((ميضنتو)) دي ما لقى يبيع ((العرقسوس)) دة الا في الخرطوم
الزول دة خلاني سألت نفسي:
الخرابة دة بالعرقسوس دة تراهو عايش في بلدي
وانا متغرب بالسنين ولليلي ما عندي التكتح ولا حتى درابزين
يا ربي ارجع وأعافر مع الناس؟؟؟
| |
|
|
|
|
|
|
|
|
|
Re: كنت هناك... (نِقة وصور) (Re: طارق جبريل)
|
سبح للبيع جنب الجامع الكبير
اتنين بعد صلاة الظهر اتشاكلوا جوة الجامع
لمن جوا جنب بتاع السبح قاليهم: صلوا علي النبي
انت الصليتوا ليه دة قبل دقايق الله ولا حاجة تانية
قعدوا يضحكوا الاتنين واشتروا ليهم سبحتين كمان
| |
|
|
|
|
|
|
|
|
|
Re: كنت هناك... (نِقة وصور) (Re: طارق جبريل)
|
*اجزخانة علياء
في واحدا كدي باقيلي عنده قروشا كتااااااااااااااااااااار
الله يزيده من نعيم الدنيا
بالله اي شارع واي حارة ساويلو فيها اجزخانة يقولولا علياء
جنب بيتنا
في الحلة القدامنا
في بحري
في ام درمان
في الشماليي لقيتلي فرع لي اجزخانته دي
هني في المغرب ممنوع نفس الزول يفتحلو اجزخانة في نفس المدينة
عشان تكافؤ الفرص
باقيلكم مع الشفتو دة نحن باقيلنا فرص في بلدنا دي؟؟
واحد قال لي شكلها تابع للقوات المسلحة
قلت ليه القوات المسلحة خلت الكلاشنكوف وبقت متابعة البنسلين
| |
|
|
|
|
|
|
|
|
|
Re: كنت هناك... (نِقة وصور) (Re: طارق جبريل)
|
* جهاز تعذيب السودانيين العاملين بالخارج..
السلام عليكم
- عليكم السلام
- عليك الله عايز اطلع خلو طرف انا معفي
زولتكم شافت في الجواز وبقت تطقطق في الجهاز طرق طرق طرق
زي عيش الريف لمن يسوهوا ((فشار))
- اسمع ما زادوك الناس ديل
- نان ان بقى زادوني دايري تقسميهن معاي
- (تضحك): يا زول عشان نشوف حق الدولة
- يا زولة ما تكتري الحجي شي.. انا موش من الدول المعفية من الضرائب
- ايوة لكن بس نشوف لو في زيادة راتب
- يعني ان بقى زادوني دايري تسويلي شنو
- نشوف الزكاة يا زول
- في ضومتك شوفتيلك زكاة في شهر وما حال عليها الحول
- (تضحك): لا الزكاة ما حال عليه الحول وكان زايد من حاجة الزول
- نان باقيلك دة شكل زول حال عليه شهرين خليكي من سنة
عمرك شفتيلك زكاة في شهر
- يا زول احمد ربك
- انا حامد ربي علي انتو اختوني
- (تضحك) انت شايقي ولا شنو
- ايي لا يبقى سويتولكم ضرائب شوايقة كمان
- (ميتة من الضحك) يا زول هاك خلو طرفك.. انتو كلكم لسانكم طويل كدة
- لا يبقى ميتالك في شايقي
- (تضحك) معرساهو عدييل يا زول شيل ورقك اختاني
- ان شاء الله ينجمك نجام قبورة
- (ميتة من الضحك)
شلت ورقي مشيت علي ناس التجنيد انا وراشد اخوي
راشد قدامي في الصف دفعوه سبعين الف (بالقديم)
لامن جاء دوري:
- يا زول انت اقامتك دي مدير فني
- ايي يا الحبيب انا صحافي ومصمم وهناك بيسموها مدير فني
- بس دي قروشها كتيرة يا زول
- كمها
- 270 الف
- ليه اصلو دايرين يجندوني لواء طوالي
- يا زول اتكلم كويس
- مالك شايفني قاعد اعوج في الكلام
- يا عمر تعال اتفاهم مع الزول دة
- الحاصل شنو
- الراجل دة اقامته مدير وقلنا ليه الرسوم 270 الف
- ايوة يا زول دي الرسوم
- خلك من الرسوم شوفتة الواقف قدامي ودفع 70 الف دة
- مالو
- دة اخوي.. كيفن هو يدفع 70 وانا ادفع 270.. في شنو يعني
ان بقيت داير اتجند عديييييييل كدة بعدين هو حا تدرشوه في الشمس
وانا حا اسوي الجلالات تحت مكيف
- (يضحك) يا عمك عليك الله ما تكتر الكلام دي القوانين كدة
- نان اصلها قوانين الجن دي ما فيها منطق
- يا زول انا بدخل اوراقك دي للضابط وبعدين هو يقرر
- دخلن يا زول
جاني بعد شوية مارق قال لي يا زول الضابط قال ليك تتحول الرئاسة
في 61 ستين هنا ما عندنا ليك حل كله كله
- باقيلي حا تجندوني مشير هناك
- (صرة لي) يا زول امشي مشكلتك هناك
ربكم رب الخير ولد ظريف كدة دخلني للضابط وطلعت الاعفاء وطلعت
هسي في ضومتكم انا بقدر اشيلي رصاصة خليكم من كلاشنكوف
ياخي اي ورقة في المغتربين تدفع عليها رسوم
باقيلي لو سلمت ساكت وقلتلم السلام عليكم
حا يردوا عليك: 20 الف
يا ناس الله مافي بلد في الدنيا فيها تاشيرة خروج
يا ريت لو يقولولنا رسوم مغادرة وتدفعن في المطار وتمشي
بدل العذاب دة
الله يوقف نموهم ياخي
شاهد الله المغاربة المعاي خاتين جوازاتهم في الدرج
الواحد تجيهو سفرة يلفح الجواز وجري علي المطار
غايتو الله في
| |
|
|
|
|
|
|
|
|
|
Re: كنت هناك... (نِقة وصور) (Re: طارق جبريل)
|
مطار الخرطوم دة فيلم براهو
تجرجر في رجلينك وفي الصفوف لامن تدخل علي بُكان العفش
يكون حيلك اتهدى
والعجب سيور العفش ديك
يا جماعة ناس ليبيا السير داك
الناس تقوم تتجارى زي جنيات القعونجة في موية المطر
يا جماعة ناس القاهرة ما السير دة السير التاني داك
تاني ننجارى زي الخرابات البيكون ساكيهن الاسد ديلك
والعجب ان بقى عفشك ما وصل
لا تعرف تقبل وين
لا تعرف تناضم منو
يمين لايص ساعتين حتى عرفت ابلغ عن عفشي الما جاء دة
وتاني يوم جيت دخلت وشلت عفشي وطلعت
يمين زول واحد سالني انت ماشي وين ولا الشنطة دي حقتك مافي
يعني الورقة الادوني ليها لليلي معاي
يعني ان بقيت داير ارفعلي قضيي فيهن برفعها وعيني قويي
بالله تلات ارباع المطار مقنطر السفة زي الكباريت الفاتحنها دايرين يقدحولن منها عود
وتسمع في: تف تف تف
غايتو خلق الله دي دايشي ونحن دايشين معاها
وصالات المغادرة ديك يمين يهروك تفتيش
ويهبشوك تحت ابطيك وتحت كرعيك
والله لو ما بوليس كنت قلت الناس ديل شيتا تاني
واحد قدامي يمين قلعوه الجزمة والحزام ودخلوه محل بي ستارة كدي
وجاء طالع يلبس في قميصه ويجرجر في بنطلونه
لامن خلاني هبشت لباسي لا يبقى مقدود وبعدين نبقى في الفضايح
خفت اللباس يبقى مقدود من قدام يقوموا يلصقولي تهم تحرش خفي
| |
|
|
|
|
|
|
|
|
|
Re: كنت هناك... (نِقة وصور) (Re: طارق جبريل)
|
قبل ما نكمل..
شكرا بورداب الخرطوم
شكرا ان جعلتم من اجازتي متعة لا تنتهي
لا اود ان اذكر اسماء لان الذاكرة خربة وقد تنسى
استقبالكم تاج على رأسي
شكرا لوقتكم الثمين
شكرا لكل لحظة فرح اهديتموني اياها
حقيقي تعجز الحروف عن ما بالدواخل..
لكم من اعماق الذات كل التكوين
شكرا احبابي في القاهرة (حمور-عمر-حبيب نورة- اميمة سند)
| |
|
|
|
|
|
|
|
|
|
Re: كنت هناك... (نِقة وصور) (Re: طارق جبريل)
|
Quote: الجكس في السودان بقى سمح خلااااااص
وحات ربي البنيات يتفدعن في مشيتن علي العرجون
وبقن سمحات ودايما يرارن
حتى الاهلها تعبانين تمشي علي ناس قدر ظروفك
تاخدلها جليطة من ((فير آند لفلي)) وتمسح يدينا بي شوية ((اتريكس))
وتاخدلها بخة بختين من اي ريحة بي فِرِد ألف
وتمرق من المحل حامدي ربها وشاكرة
بس في شغلة حيرتني في نافوخي دة
الخرابات لابساتلهن جونتيات حتى ان بقن ماهن محجبات..
يا ربي يكونن خايفات علي صفار لونن
وواحدات بالله فسَخَن وِشياتن بقَنَهِن علي الفشفاش
والعجب ان بقيت مشيتلك عرس..
نظام عام شنو وجهاد شنو..
يمين محزقات وسِطنْ والنصايب من لااااااورا مدلدلات علي الحنابيك
و((الرِقيبة قزازة عصير))
وأصلو الخرابة اللااااقدام داك تلتينه في السهلة
التقول الحفلة فيها رضيع شُفع
والعيون شوف عيني مكحلات من جنب الأضان
لا تعرف العين من وين بادية ولاها حا تمشي علي وين
والعجب في الضرعات مُللللللللللللللس وناااااااااااااااعماااااااااات زي وش ((الجلي))
وحات ود الكرسني تجيك الهاشميي تقرب تلمَسِن
والرجلين من تحت بقن كبااار وغُلااااااااد زي المخدة المطاولة في سرير الدبل ديك
والكلام كله بقى بي رميش العيون
والصوت مرققنو يخلي الزول يعوعي |
لوووووووووووووووووووووول غايتو فى دى صدقت
العجب كان جيت بي شارعنا وشفت بنات الاحفاد
اها جبنا سيرة بنات الاحفاد هسى الانسه منشن تجينى ناطه الله يستر ,,,
| |
|
|
|
|
|
|
|
|
|
Re: كنت هناك... (نِقة وصور) (Re: منال)
|
Quote: لوووووووووووووووووووووول غايتو فى دى صدقت
العجب كان جيت بي شارعنا وشفت بنات الاحفاد
اها جبنا سيرة بنات الاحفاد هسى الانسه منشن تجينى ناطه الله يستر |
يا منال هدي اللعب
| |
|
|
|
|
|
|
|
|
|
Re: كنت هناك... (نِقة وصور) (Re: omer osman)
|
Quote: حضور ومتابعة .............
بوست انتظرناه طويلاً ........................
ماتشتغل بي مداخلاتنا من مداخلتي دي وانت ماشي .............. اكتب بس
|
يا حبيب الكلام كتيييييير
بس شيلوا الصبر
| |
|
|
|
|
|
|
|
|
|
Re: كنت هناك... (نِقة وصور) (Re: tmbis)
|
يا حاج
أها أنا راجيك في الصف عشان أكتب عن إجازتي
الكانت مواكبة لإجازتك إنت وود الصايم
لكن الله ما قدر لينا نلاقيكم ..
أها متابعين
نقطة سطر جديد:
| Quote: بالله تلات ارباع المطار مقنطر السفة زي الكباريت الفاتحنها دايرين يقدحولن منها عود |
أصلو دا شامبيون ولا حاجة تانية ..
| |
|
|
|
|
|
|
|
|
|
Re: كنت هناك... (نِقة وصور) (Re: نادر النور آدم)
|
Quote: يا حاج
أها أنا راجيك في الصف عشان أكتب عن إجازتي
الكانت مواكبة لإجازتك إنت وود الصايم
لكن الله ما قدر لينا نلاقيكم ..
أها متابعين
|
يا حبيب شوت ضفاري سااااكت
انا ذاتي منتظرك
| |
|
|
|
|
|
|
|
|
|
Re: كنت هناك... (نِقة وصور) (Re: tmbis)
|
| Quote: يا طلبـــة .. مشيت العمارات واللا عملته فيها رايح ..؟ |
اخخخخخخخ يا تامبا ياخي
مالك داير تجيب ضقلها
يا حبيب والله انت وخدر سويتوها شينة خلاص
انتظرناكم ياخي
| |
|
|
|
|
|
|
|
|
|
Re: كنت هناك... (نِقة وصور) (Re: طارق جبريل)
|
| Quote: يعني لو جكستلك جكسوية نضيفي وتراري يقولولك: لكن جكسيك ما ((شامبيون)) |
سجم الرماد المرة دي جيت شاحن ليك قولديييييييي بتاعة شمارات وسناحات
اكل عصيدييييييييييي ولا كسرييييييييييي؟
جربت القرع بالموييييييييييي الساخنة ؟
| |
|
|
|
|
|
|
|
|
|
Re: كنت هناك... (نِقة وصور) (Re: الطيب شيقوق)
|
Quote: *السيراميك:
البيوت كلهن سوووهن سيراميك
وسيراميك الجن دة يسكت يقلم في خلايق الله
نحن يومي في الاسبتاليات نزور في خلق الله دي:
فلان مجبص انزلق في السيراميك
فلانة حصلوها كسرت مخروقتها في السيراميك
الخروف اربطوهوا في الدرابزين لا ي###### السيراميك
دايرين نقلع الضفرة نسويها سيراميك
السيراميك دة مالو ######ان كدي قومي يا حواء اشطفيهو بالخرطوش
البيت أليلي كمل بس فضلي السيراميك
|
واحدة من جماعتنا في البلد سامعه انو ود اختها بيسوي في سيراميك في البيت.
البيت تم فاضل السيراميك.
البيت خلص فاضل السيراميك.
بعد السيراميك تم جات خاشه عليهم زيارة .. البيت مزروب بنوت خرطوم حلاتن و الكرامه للبيت الجديد لامه.
وقفت في نص البنوت و عاينت للأرض و قالت في نباهة :
ده ياهو الشـرامـيط البيقولوهو ؟
عليك أمان الله البنوت كلهن كابسن باب الشارع كايسات ركشات يرجعن أهلن قبل الفضيحة ما تبقى.
لكن تراها بقت.
| |
|
|
|
|
|
|
|
|
|
Re: كنت هناك... (نِقة وصور) (Re: محمد عبد الماجد الصايم)
|
ود جبريل
حمدالله على السلامة
غايتو في واحد معاي هني قرا كلامك دة و أبى يشتغل شغلو كلو كلو .. دموعو جاريات من الضحك. و حلف يمين قال لي الزول دة ما شايقي .. غايتو فيهو عرق رباطاب.
أها
Quote: والعجب ان بقيت مشيتلك عرس..
نظام عام شنو وجهاد شنو..
يمين محزقات وسِطنْ والنصايب من لااااااورا مدلدلات علي الحنابيك
و((الرِقيبة قزازة عصير))
وأصلو الخرابة اللااااقدام داك تلتينه في السهلة
التقول الحفلة فيها رضيع شُفع
والعيون شوف عيني مكحلات من جنب الأضان
لا تعرف العين من وين بادية ولاها حا تمشي علي وين
والعجب في الضرعات مُللللللللللللللس وناااااااااااااااعماااااااااات زي وش ((الجلي))
وحات ود الكرسني تجيك الهاشميي تقرب تلمَسِن
والرجلين من تحت بقن كبااار وغُلااااااااد زي المخدة المطاولة في سرير الدبل ديك
والكلام كله بقى بي رميش العيون
والصوت مرققنو يخلي الزول يعوعي |
جنس ديل ال خلّى الزول يمسكلو واحدة و يقع بيها الدلجة و م###### فيها و مكنكش .. و قدر ما الناس يجرو فيهو .. يقول : دقوني لا تجروني.
| |
|
|
|
|
|
|
|
|
|
Re: كنت هناك... (نِقة وصور) (Re: ابو جهينة)
|
| Quote: غايتو في واحد معاي هني قرا كلامك دة و أبى يشتغل شغلو كلو كلو .. دموعو جاريات من الضحك. و حلف يمين قال لي الزول دة ما شايقي .. غايتو فيهو عرق رباطاب. |
حبيبنا ابو جهينة كيفنك ياخي
يا زول وحات ربي شايقي ابا عن جد
بس تقول شنو
Quote: جنس ديل ال خلّى الزول يمسكلو واحدة و يقع بيها الدلجة و م###### فيها و مكنكش .. و قدر ما الناس يجرو فيهو .. يقول : دقوني لا تجروني.
|
يا حبيب اريتها كنكشة السواد
نان يا ابو جهينة البنات بقن علي ((الكريم شانتي))
| |
|
|
|
|
|
|
|
|
|
Re: كنت هناك... (نِقة وصور) (Re: حمور زيادة)
|
اب صلعة:
انتظرناك كثيرا، وجاءت انطباعاتك من زيارة البلد
ممتعة وشيقة.
البلد شكلها تطورت من اخر زيارة، ونحن تقهقرنا
وجلسنا القرفصاء؟
زمان بحنس فيك، البيوت بجوبا سعر الواطا.
تقديري.
| |
|
|
|
|
|
|
|
|
|
Re: كنت هناك... (نِقة وصور) (Re: الفاضل يسن عثمان)
|
Quote: اب صلعة:
انتظرناك كثيرا، وجاءت انطباعاتك من زيارة البلد
ممتعة وشيقة.
البلد شكلها تطورت من اخر زيارة، ونحن تقهقرنا
وجلسنا القرفصاء؟
زمان بحنس فيك، البيوت بجوبا سعر الواطا.
تقديري.
|
يا حبيب والله البلد سمحي ياخي
البنية كيف ياخي
الشعبية بتسلم عليك
| |
|
|
|
|
|
|
|
|
|
Re: كنت هناك... (نِقة وصور) (Re: حمور زيادة)
|
Quote: واحدة من جماعتنا في البلد سامعه انو ود اختها بيسوي في سيراميك في البيت.
البيت تم فاضل السيراميك.
البيت خلص فاضل السيراميك.
بعد السيراميك تم جات خاشه عليهم زيارة .. البيت مزروب بنوت خرطوم حلاتن و الكرامه للبيت الجديد لامه.
وقفت في نص البنوت و عاينت للأرض و قالت في نباهة :
ده ياهو الشـرامـيط البيقولوهو ؟
عليك أمان الله البنوت كلهن كابسن باب الشارع كايسات ركشات يرجعن أهلن قبل الفضيحة ما تبقى.
لكن تراها بقت. |
يا حبيب التقيل جايي وراء
يمين انا الحاجات ديل فلتوا لي جنس فليت
| |
|
|
|
|
|
|
|
|
 Re: كنت هناك... (نِقة وصور) (Re: الطيب شيقوق)
|
ود جبريل الحبيب سلام غايتو لو ما إنت كنت في رحلة بورداب الخرطوم الواحد كان خلاها ومشى ،، لكن لقيتك بتاع شمارات وخبارات كيف لا حولا ،، ياخ كميرتك دي النهار كلوا تصور فينا أتاريك بتصور فلاش ساااااي ولا صورنا تحت التحميض ههههههههههه .. لكن بالجد الواحد سعيد حامد عدييييل كده بمعرفتكم ومقابلتكم لانك كنت ريحانة الرحلة ،،
وبعدين في شي ما كتبت عنو ( الحفلات والفنانين) إسعلني الله غايتو لو كتبت لي باكر ما بتوصفهم وما بتحسبهم غايتو كل صيوان مناسبات معاه ساوند وأورغ وفنان أو فنانة وبالعدم حنانه ههههههههههههههه ولا رأيك شنو ..
تقبل سلامي وتحياتي .. وواصل في سردك الجميل ،، ترانا متابعين ..
ياسر العيلفون
| |
|
|
|
|
|
|
|
|
|
Re: كنت هناك... (نِقة وصور) (Re: ياسر السر)
|
Quote: وقفت في نص البنوت و عاينت للأرض و قالت في نباهة :
ده ياهو الشـرامـيط البيقولوهو ؟
|
ههههههههههههههههههههههههههههههههههههههههههههههه
وتاني هههههههههههههههههههههههههههههههههههههههههههههههه
انت بتجيب الكلام ده من وين يا حمور ؟؟؟؟؟؟؟؟؟؟؟
ود جبريل حمور ده جاب ليك الصورة دي عشان تواصل السرد الجميل ده في القاهرة
تاني ههههههههههههههههههههههههههههه
| |
|
|
|
|
|
|
|
|
|
Re: كنت هناك... (نِقة وصور) (Re: ياسر السر)
|
Quote: في شجرة كدة جديدة مالية الدنيا
بالله أي درابزين تلقاها محاوطاهو
وقالوا بس تديها موية تلقاها في السماء |
قصدك الـ 999 يا طارق؟؟؟
إسمها كده والله صحي!!!
بركة بالوصول يا أبو ريم...
| |
|
|
|
|
|
|
|
|
|
Re: كنت هناك... (نِقة وصور) (Re: ميسرة سيد أحمد)
|
Quote: ود جبرين حمد لله على السلامة
البوست بتاعك ده خلاني أضحك
لمن بطني وجعتني ،،، الله يجازي محنك
واصل يا جميل،،،،
|
اوووووووووووه الريس شخصيا
ياخي كيفنك والوليدات
يا حبيب صور الزقازيقاب حا ننزلن بهناك
| |
|
|
|
|
|
|
|
|
|
Re: كنت هناك... (نِقة وصور) (Re: اسماء الجنيد)
|
Quote: ود ابوي جبريل كيفنك يابا
نحن السراميك في حلتنا مسمينو
سيرميك بضم الياء
يعني بشنقلك بردلب
تحياتي لك وزوارك
|
بت امي سومة
كيفنك ياخي ووليداتك نعلك طيبين كلكم
ياخي سيراميك الجن دة ((قَلَم)) خلق الله كلهم
| |
|
|
|
|
|
|
|
|
|
Re: كنت هناك... (نِقة وصور) (Re: ياسر السر)
|
Quote: ود جبريل الحبيب سلام غايتو لو ما إنت كنت في رحلة بورداب الخرطوم الواحد كان خلاها ومشى ،، لكن لقيتك بتاع شمارات وخبارات كيف لا حولا ،، ياخ كميرتك دي النهار كلوا تصور فينا أتاريك بتصور فلاش ساااااي ولا صورنا تحت التحميض ههههههههههه .. لكن بالجد الواحد سعيد حامد عدييييل كده بمعرفتكم ومقابلتكم لانك كنت ريحانة الرحلة ،،
وبعدين في شي ما كتبت عنو ( الحفلات والفنانين) إسعلني الله غايتو لو كتبت لي باكر ما بتوصفهم وما بتحسبهم غايتو كل صيوان مناسبات معاه ساوند وأورغ وفنان أو فنانة وبالعدم حنانه ههههههههههههههه ولا رأيك شنو ..
تقبل سلامي وتحياتي .. وواصل في سردك الجميل ،، ترانا متابعين ..
ياسر العيلفون
|
ود العيلفون كيفنك ابوي
يا زول والله الواحد وكتين شافك طالو شبرين لااااافوووووق
وبورداب الخرطوم والله ما قصروا تب
يا زول الغريق جايي وراااا
بس شيل الصبر
| |
|
|
|
|
|
|
|
|
|
Re: كنت هناك... (نِقة وصور) (Re: الطيب شيقوق)
|
Quote: سجم الرماد المرة دي جيت شاحن ليك قولديييييييي بتاعة شمارات وسناحات
اكل عصيدييييييييييي ولا كسرييييييييييي؟
جربت القرع بالموييييييييييي الساخنة ؟ |
قرع شنو يا مقطوع الطاري
أقولك البنيات بقن ملللللللللللللللس
تقولي قرع
| |
|
|
|
|
|
|
|
|
|
Re: كنت هناك... (نِقة وصور) (Re: خالد درق)
|
Quote: ود جبريل حمدالله على السلامة
اه مشيت الشعبية بحرى ناس ابودية ورينا الناس كيف هناك
مودتى ..
|
دة كلامك يا حبيب
وعندي وصية من علي ابو دية وعبد المنعم ابو دية
يسلموا عليكم زول زول
| |
|
|
|
|
|
|
|
|
|
Re: كنت هناك... (نِقة وصور) (Re: طارق جبريل)
|
Quote: اجزخانة علياء
في واحدا كدي باقيلي عنده قروشا كتااااااااااااااااااااار
الله يزيده من نعيم الدنيا
بالله اي شارع واي حارة ساويلو فيها اجزخانة يقولولا علياء
جنب بيتنا
في الحلة القدامنا
في بحري
في ام درمان
في الشماليي لقيتلي فرع لي اجزخانته دي
هني في المغرب ممنوع نفس الزول يفتحلو اجزخانة في نفس المدينة
عشان تكافؤ الفرص
باقيلكم مع الشفتو دة نحن باقيلنا فرص في بلدنا دي؟؟
واحد قال لي شكلها تابع للقوات المسلحة
قلت ليه القوات المسلحة خلت الكلاشنكوف وبقت متابعة البنسلين |
هى مش شكلها تابعة للقوات المسلحة والسلاح الطبى هى تابعة ليها عدددديل كدة
وعلياء دى بت مدير السلاح الطبى سمو الصيدليات باسمها وكانت سلسلة صيدليات كوينز اشتروها منو
| |
|
|
|
|
|
|
|
|
|
Re: كنت هناك... (نِقة وصور) (Re: نجاة محمد بابكر)
|
بوست جميل يا دكتور
__
Quote: يمين محزقات وسِطنْ والنصايب من لااااااورا مدلدلات علي الحنابيك
و((الرِقيبة قزازة عصير))
وأصلو الخرابة اللااااقدام داك تلتينه في السهلة
التقول الحفلة فيها رضيع شُفع |
غايتو يا الشقي انت لو مريت ببيروت وقايلها الخرطوم كلمنا...الأعراس بنغطيها لامن كرهتي في الدنيا بقت الساعة عشرة
في مسألة النص المربط ده بتفق معاك.... الواحدة فيهم تعاين ليها شافي هيرناندس عديل كدة ...ولو البنية ضعيفة شوية فابريقاس بس...تكشف من قدام في الوش بتلقي اللوقو بتاع دهانات الجزيرة..اصفر واحمر واخضر وهاتي هاتي يا نخلاتي...ويا خالقنا لا تعولقنا...وزي ما قال فنان تشكيلي صاحبنا متخصص نحت قال بشوف العروس من كترة الدهان بفتكر تماثيله فيها الحياة أكتر من العروس في ليلة فرحها من كترة ما مدهونة...
الا كمان ما شفت لي تلتين في السهلة قبل كدة.. دي جديدة والله..ما معقول قدو قدو يكابس عشان تلت البيوت ويخلي تلتين السهلة في الشارع العام؟؟
غايتو زمان بالترضع شافعها في المواصلات ما شفنا تلتينا...تقول لي حفلة رضاعة؟؟
غايتو خجلنا للكلام ده.. التقول نحن أسياد البلد..وإنت جاي زي ابن بطوطة سائح اجنبي...ولا أو عمرو بن العاص حين قال له الخليفة عمر أن صف لي مصر يا عمرو... فقال صغارهم اذكياء وكبارهم أغـبياء..نسائهم لعوب..ورجالهم طروب..يجمعهم الطرب..وتفرقهم العصا , من دخل مصر ولم إلخ.. إلخ ..فقد دخل الجنة.
يمين بالله أخجلتم تواضع التلتين والسراميك.
_
حمور ما تبالغ ياخ....انت كنت راجي الطلبة ده يركب متر السراميك ده عشان تفش غبينتك دي؟؟
| |
|
|
|
|
|
|
|
|
|
Re: كنت هناك... (نِقة وصور) (Re: GamarBoBa)
|
Quote: غايتو يا الشقي انت لو مريت ببيروت وقايلها الخرطوم كلمنا...الأعراس بنغطيها لامن كرهتي في الدنيا بقت الساعة عشرة
في مسألة النص المربط ده بتفق معاك.... الواحدة فيهم تعاين ليها شافي هيرناندس عديل كدة ...ولو البنية ضعيفة شوية فابريقاس بس...تكشف من قدام في الوش بتلقي اللوقو بتاع دهانات الجزيرة..اصفر واحمر واخضر وهاتي هاتي يا نخلاتي...ويا خالقنا لا تعولقنا...وزي ما قال فنان تشكيلي صاحبنا متخصص نحت قال بشوف العروس من كترة الدهان بفتكر تماثيله فيها الحياة أكتر من العروس في ليلة فرحها من كترة ما مدهونة...
الا كمان ما شفت لي تلتين في السهلة قبل كدة.. دي جديدة والله..ما معقول قدو قدو يكابس عشان تلت البيوت ويخلي تلتين السهلة في الشارع العام؟؟
غايتو زمان بالترضع شافعها في المواصلات ما شفنا تلتينا...تقول لي حفلة رضاعة؟؟
غايتو خجلنا للكلام ده.. التقول نحن أسياد البلد..وإنت جاي زي ابن بطوطة سائح اجنبي...ولا أو عمرو بن العاص حين قال له الخليفة عمر أن صف لي مصر يا عمرو... فقال صغارهم اذكياء وكبارهم أغـبياء..نسائهم لعوب..ورجالهم طروب..يجمعهم الطرب..وتفرقهم العصا , من دخل مصر ولم إلخ.. إلخ ..فقد دخل الجنة.
يمين بالله أخجلتم تواضع التلتين والسراميك.
_
حمور ما تبالغ ياخ....انت كنت راجي الطلبة ده يركب متر السراميك ده عشان تفش غبينتك دي؟؟
|
ابو النسب كيفنك ياخي
والله زعلان ما قابلتك
يا زول هوي وحات نضري الشي الشفتو انا يحير
هو التلت الباقي داك مع الرقيص ذاته بيطلع برة الشبكة
يا زول يمين اخوك عرقو بقى يخُر
| |
|
|
|
|
|
|
|
|
|
Re: كنت هناك... (نِقة وصور) (Re: نجاة محمد بابكر)
|
Quote: هى مش شكلها تابعة للقوات المسلحة والسلاح الطبى هى تابعة ليها عدددديل كدة
وعلياء دى بت مدير السلاح الطبى سمو الصيدليات باسمها وكانت سلسلة صيدليات كوينز اشتروها منو
|
نجاة كيفنك
يا ربي القوات المسلحة دي يكونوا خصخصوها
| |
|
|
|
|
|
|
|
|
|
Re: كنت هناك... (نِقة وصور) (Re: طارق جبريل)
|
الجامع الكبير والعربات
زمان العربات كلهن يابانية
هسي بالله العربات الكورية مالية البلد
شي ((كليك)) وشي (اتوس)) وشي ((سوناتا))
اسامي كدة زي الزول قاعد ليه في ((مُستراح))
والعجب معارض السيارات الفي شارع الستين والفي الكرين وشارع اركويت
يمين تقرب تقول المصانع الكورية دي بقت جنب ابو عشر
والله مرة شفتة لي بتاع لبن سايق ليه بوكسي 78 مليان ((تُمِن)) لبن
قربت اقول ليه صورة للذكرى يا ((تراث))
| |
|
|
|
|
|
|
|
|
|
Re: كنت هناك... (نِقة وصور) (Re: طارق جبريل)
|
طارق ود جبرين
والله كل البتحكي فيهو ده انا جيت حكيتو للناس هنا في ابوظبي بالتفصيل مع اختلاف الأمكنة والناس .
لكن حكاويك خلتني ذي ما الشفت الحاجات دي قبل كدا .
لكن اكثر شئ اثار شجوني البسكويت بتاع الشاي المعمول في البيت .
كل يوم الصباح اجلس فوق راس امي ( الله يديها طولة العمر ) اشرب معاها الشاي بالبسكويت والقهوة .
واصل ونحن في الإنتظار والمتابعه .
تخريمه .
والله انا عندي السكري لكن الشامبيون ما بخليهو .
| |
|
|
|
|
|
|
|
|
|
Re: كنت هناك... (نِقة وصور) (Re: خالد العطا)
|
Quote: رئيس تحرير طالبته صحفية بالراتب لانها ستة شهور ما دفعوا ليها راتب
قال ليها: مفروض تفتخري انك بتكتبي في جريدتنا.. دة براهو راتب
الدولة متحكمة في الإعلانات عشان تخنق الناس المزعجين
نادر جدا جدا تلقى ليك مقال ينتقد شركات الاتصالات.. لانها بتضخ اعلانات كويسة
الغريبة انه الصحافة اصبحت صحافة رأي اكتر من انها صحافة خبر
كتاب الرأي الأعلى دخلا في المهنة
وبيتمنوا زي ما عايزين
غايتو الصحافة دي هم على القلب عديييييييل كدة
ربنا يعين الصحافيين والمصممين هناك
رقابة ذاتية
ورقابة مدير التحرير
ورقابة رئيس التحرير
ورقابة مُلاك الجريدة
ورقابة الأمن
المحصلة شنو تفتكروا؟؟ |
غايتو ياطارق
بوستيك دا لذيذ خلاص
لكن الحالة التى ذكرتهاعن الصحافة و زملائنا الصحفيين في السودان آلامتني واحزنتني شديد
الله ليكم يازملاء مهنة المتاعب
| |
|
|
|
|
|
|
|
|
|
Re: كنت هناك... (نِقة وصور) (Re: الطيب شيقوق)
|
يا طارق,,,
مشتاقين يا خردة..
بوست لحكايات النهار وحياة الطيبين الكادحين,,
وآخر لحكايات (النصف الآخر) من اليوم بالله حتى نتعجب,,,
بلد يقتلك تناقض اشيائه وتباين أمزجة أهله,,
بس بدون صور عشان النظام العام وكدا,,
نصيحتى ليك,,,,
الطيب شيقوق دا جليهو فى المرحلة دى,,
حمور زيادة جنّ,,
متابعة,,
| |
|
|
|
|
|
|
|
|
|
Re: كنت هناك... (نِقة وصور) (Re: الطيب شيقوق)
|
ود جبريل
جاتني صحية اتنين صباحابعد ليل شتوي طويل
قعدت اقرأ واضحك مع محاولات فاشلة لكتم الضحك
الواحد بوستاتك دي الا يقراها بالنهار عشان ما يزعج النايمين
وشكرا للوصف الحي الخلانا نعايش المشهد كاننا داخله
وبرضو متابعين وفي انتظار المزيد
سيف
| |
|
|
|
|
|
|
|
|
|
Re: كنت هناك... (نِقة وصور) (Re: سيف اليزل برعي البدوي)
|
Quote: ود جبريل
جاتني صحية اتنين صباحابعد ليل شتوي طويل
قعدت اقرأ واضحك مع محاولات فاشلة لكتم الضحك
الواحد بوستاتك دي الا يقراها بالنهار عشان ما يزعج النايمين
وشكرا للوصف الحي الخلانا نعايش المشهد كاننا داخله
وبرضو متابعين وفي انتظار المزيد
سيف
|
ابو السيوف كيفنك
اضحك يا حبيب
آخرها شاهد على قبرك
| |
|
|
|
|
|
|
|
|
|
Re: كنت هناك... (نِقة وصور) (Re: الطيب شيقوق)
|
سلام يا طارق
جميل اني اتعرفت عليك في سفرتي دي
واجمل منها البوست بتاعك ده
وعاوزه اقول ليك ان الحاجة لما تكبلك في القراصة سمن وتضرضرلك فيه سكر..ده ارتفاع في الكلسترول يا طارق
اها بتاع العرق سوس ده يا اخيي ظنيتوا جاسوس ( حسب نظرية المؤامرة بتاعت المثقفين ديك)
تحياتي
| |
|
|
|
|
|
|
|
|
|
Re: كنت هناك... (نِقة وصور) (Re: عفاف الصادق بابكر)
|
Quote: يا قريبي .. كيفنك ياخ ..
كنا منتظرك هنا على احر من الجمر .. ولكن !
تجري الرياح بما لا تشتهى السفن ..
على اي حال نحن فى الانتظار ..
يلا ... واصل ,, متابعين بشغف .
|
اووووووه قريبتي بت الصادق
يعلم الله سعيت للجية بهناك علي الله غالب
لكن الجايات اكتر من الرايحات ان شاء الله
| |
|
|
|
|
|
|
|
|
|
Re: كنت هناك... (نِقة وصور) (Re: انعام حيمورة)
|
Quote: * الركشات والامجادات:
ياخي ديل علي ((الجقور)) في مخزن العيش..
بالله ينجارن من هني لا هني زي السواسيو الامهن تكاكي قدامن |
أهـــــــــا بدينا!!
Quote: بالله تلقاهم قاعدين مع بعض وكل زولا يبعبص في موبايلو
زي البينضفولم في عدس ولا قمح قبل يدققوهوا |
أها حسادة ولا بقرااااااان, من الجكس..ههههههههه
Quote: شي ((امواج)) وشي ((قندهار)) وشي ((جاد)) وشي (ايفري))
وشي ((الساحة)) وشي ((عوضية سمك)) وشي ((محاسن كوارع))
وشي ((البربري)) وشي ((دودي)).. |
إنت مشيت إجازي ولا مشروع تسمين !! و لاّ المغرب فيها مجاعي...
Quote: والعجب لو بعد اللهطة ودوك الديم تشرب قهوة حبش
يمين الحبشية دي تزبط ليك البن دة جنبك مع ريحة البخور
وهي بتقلي في البن انت ذاتك تتقلي معاها
والله لمن تكُب ليك الفنجان دة
بالله من سماحتها تشوف الفنجان دة صحن خشاف |
عيـــــــــــييك يا الحبيب, قُلته لي مُتقريّف , للقهوة المظّبطة
إتّ اشرب قهوتك و إاتخارج مالك ومال السماحة..
Quote: وحات الله تشوف الواحد نازل من المواصلات ماشي علي بيتو مهموم
وشلاضيمو نازلي والوش مغبر ومكندك والعيون علي عيون فارة ام سيسي
وحات ربي ان لكزته بي يدك يقع يموت |
إييييييييييييه يا بلد
الله كريم يا صاحب الله كريم...........
Quote: الخرابات لابساتلهن جونتيات حتى ان بقن ماهن محجبات..
يا ربي يكونن خايفات علي صفار لونن |
شان الشمس الشمس
الشمس التدقك في صلعتك دي ..قول آآمين...!
Quote: والعجب ان بقيت مشيتلك عرس..
نظام عام شنو وجهاد شنو..
يمين محزقات وسِطنْ والنصايب من لااااااورا مدلدلات علي الحنابيك
و((الرِقيبة قزازة عصير))
وأصلو الخرابة اللااااقدام داك تلتينه في السهلة
التقول الحفلة فيها رضيع شُفع |
هسي أمانةً في ذمتك
ده وصف بتاع نصــــــــــــاح, كتلت البنات ياخ ,
يمين إلا يتبخرن بي بخور ضكر ولا جاوي..ويلحقن ليهن زار و لا شيخاً كارب
إنا لله من لسانك.
هههههههههههههههههههههههه
Quote: والعجب في الضرعات مُللللللللللللللس وناااااااااااااااعماااااااااات زي وش ((الجلي))
وحات ود الكرسني تجيك الهاشميي تقرب تلمَسِن
والرجلين من تحت بقن كبااار وغُلااااااااد زي المخدة المطاولة في سرير الدبل ديك
والكلام كله بقى بي رميش العيون
والصوت مرققنو يخلي الزول يعوعي |
الله يخربك يا المسنـــــــــــوح
(جلي) في عينك...
عليك ود شيقوق كلو كلو ما خاتي عليك
لووووووووووووووول.
______________
كيفنك آآآآ الخرابة
بركة الرجعت سالم!!
وحات الله أضحك لامن بكيت
زي المجنون!
كيف لقيت (العمارات)...؟؟
ما لقيت ليك شغل بتاع يومية هناك, أن شاء الله طُلبة ســــــــــاي!!
__
قريبتك بتاعة (هنا) قالت لي تقطعو فيني في الفيس بوك
كويس يا مساخيت
بجيكم راجع قريب
| |
|
|
|
|
|
|
|
|
|
Re: كنت هناك... (نِقة وصور) (Re: هواري نمر)
|
Quote: كيفنك آآآآ الخرابة
بركة الرجعت سالم!!
وحات الله أضحك لامن بكيت
زي المجنون!
كيف لقيت (العمارات)...؟؟
ما لقيت ليك شغل بتاع يومية هناك, أن شاء الله طُلبة ســــــــــاي!!
__
قريبتك بتاعة (هنا) قالت لي تقطعو فيني في الفيس بوك
كويس يا مساخيت
بجيكم راجع قريب
|
يا زول ما عايز معاك اي مفاهمة
انت طلعت دخاخين ساكت
اخخخخخ من العمارت ياخي
قريبتي بمشيلا في الحوش البهناك
| |
|
|
|
|
|
|
|
|
|
Re: كنت هناك... (نِقة وصور) (Re: عفاف الصادق بابكر)
|
ود جبريل سيد الناس
حمدا لله على السلامة
ياخي والله اجازتك سمحة بالحيل
لاقيت كل الناس الحلوين ديل ..
والبورداب الجميلين ..
اجازتك ما حاكت اجازتي انا كلها اسبتاليات ..
من المطار مشيت الاسبتالية والقصة جرّت معاي
قعدت 35 يوم مشيت فيهن المستشفى 28 يوم ..
وحاتك اسي تعلقني في شماعة انقّط من تحت زي الدرب ..
عليك الله احكي لينا خليني اتخيل نفسي دا انا عشان احلل حق الطيارة ......
حمود زيادة ما نصيح قطع مصاريني بالضحك واتخيلت شكل البنات جاريات علي باب الشارع
وزليقن في الشراميييي(ك) ..
والمجنون الساكي الحرامي الحا يجي بالليل .. (المهم هو عمل العليهو ) وقال الحرااامي الناس بالليل يدبروا حالم ويمسكوهو ...
لكن بيني بينك حرامية النهار اخطر من حقين الليل على الاقل حرامية الليل ممكن تعمل نااائم وما شايف لكن حقين النهار ديل قلع عينك عينك وانت مقطعها في حنانك ... وتبكي بسسسس .
| |
|
|
|
|
|
|
|
|
|
Re: كنت هناك... (نِقة وصور) (Re: امير عوض الجمري)
|
| Quote: اسامي كدة زي الزول قاعد ليه في ((مُستراح) |
بااااااااااااااااااااااااااااااااااااااالغت فوقا
هاهاهاهاهاهاهاهاهاهاهاهاهاهاهاها
قطع شك اتا مااااااااااك نصيح
يديك العافية يا ود جبرين
| |
|
|
|
|
|
|
| |
طارق جبريل
omer osman
محمد عبد الماجد الصايم
محمد آدم النور
ابوبكر قسومة
tmbis
نادر النور آدم
الطيب شيقوق
حمور زيادة
ياسر بيناوي
ابو جهينة
الفاضل يسن عثمان
ياسر السر
جمال الباقر
أميرة فاروق عبد العال
اسماء الجنيد
جلال عثمان
ميسرة سيد أحمد
نجاة محمد بابكر
GamarBoBa
حمزه بابكر الكوبي
محمد الواثق
omer abdelsalam
أيمن الطيب
سيف اليزل برعي البدوي
سيف اليزل جعفر عبد الرحمن
انعام حيمورة
عفاف الصادق بابكر
هواري نمر
معتصم محمد صالح
امير عوض الجمري
إدريس البدري
فيس بوك
تويتر
انستقرام
يوتيوب
بنتيريست