تيه واتاكا...

Quote: حباب ود جبرين يا زول وين بلدك يا اخي الما بسمع حقيبة حقو ما يسمع الغناء ذاتو الاغنية دي بالتحديد مسجلها في الفلاش بثلاث روايات، رواية مبارك ورواية تمتاموالمجموعة ورواية ولد كفيف من ناس نجوم الغد.

Quote: شكرا طارق على هذا الابداع الرائع الاخ مرزوق قضى بيننا اروع الايام بالرياض صوت قوي واداء متميز وتجضيم ولا اروع لاغاني الحقيبة

Quote: ربما هو توارد خواطر وبختنا لو تعانقت خواطرنا بكم ياخي هههه ورب البيت كنت عايز أنزلا هنا قبل لحظات قبل شوية طفيت المقطع شكرا دكتور ود جبرين شكرا لود عمنا مرزوق هذا الجمال

Quote: ممكن اطلب اغنية (أيظن) ؟

Quote: ودي عندك ليها «كنبة» تغنيها فيها

Quote: دي بتتغني وقافي يا عمك ههههههههههههه

Quote: صباحك طرب يا طارق دا فيرشن جديد للأغنية وأداء رائع جداً للمطرب دا الغريبة أول مرة أسمع بيه وانا الساكي الحقيبة دي لامن حفيت تحياتي مثنى وثلاث ورباع

Quote: الزول دة متمكن ياخ مخارج حروفه ودخلاته وطريقة عزفه للعود ميالغة ياخ للاسف شكله ما لاقي اعلام كويس زي ما قال ود العيلفون

(عدل بواسطة محمد المرتضى حامد on 04-23-2014, 03:15 PM)

Quote: سلام عليك يا طارق عارف انا كنت فاكر نفسي شاقي غنا الحقيبة بيت بيت لكن اول مرة اسمع بهذا النص زيدنا من الخوابي

Quote: ليه عشان ود الرضي الأسطوري قال: كفى كفاك بعاد حلماتك من كتفاك در ومدام والراح فى فاك شعرك عاتم وبدر صفاك وحسنا دام يا جمكسين، الوصف دا لإبداع إلهي وهو في قمة الأدب لأن المعنى الذي رمى إليه واضح حسب تصوري ، في زمن الطفولة الأخضر طفت السودان مع الوالد رحمه الله وكان من المشاهدات اليومية أن تمر بما وصف ودالرضي ولم نكن نرى في ذلك أمرا غريبا وهذا ليس موضوعنا ، لكن الموضوع أن ودالرضي في رأيي هو مايكل أنجلو الحقيبة ، فالرجل كثيرا ما ينحت بالكلمات تفاصيل الجسد الأنثوي متحركا كان أو في حالة سكون ، رغم قناعتي أن جسد المرأة في تفاصيله عموما يتعارض رأسيا وأفقيا مع حالة السكون .. حارم وصلي مالك..

Quote: أحد العارفين بالغناء والتلحين السودانى قال: في بعض القصائد تكتب وبتكون ملحنة وجاهزة. ااها ده مثال واضح للكلام ده. شكرن يا ودجبرين علي الغنية وكتابة القصيدة في مداخلة واحدة. شوف الوزنة ألفي القصيدة والأغنية .......................... كا ..........................كا .......ام ......ام بالله التقول ميزان موية بس.،حولا.. تحياتى للجميع والسلام يغشي الجميع

Quote: يا سلااااااام يا ود جبريل ياخ دي قلبت فيها الهوبة عديييييييل كده ... ياخ تيه واتاكه دي ود الرضى زاااتو قالو بيدمع معاها تجي تقول لي نسمعها وكمان بالليل ,,ياخي انت ما بيغباك شغفي عليك ومتى منى اصباك تزيدني هيام,,, شوف الكلام ده كيف ,,, هسة دي جبتها لينا من وين عليك الله ... اما عن المبدع مرزوق محمود فهو رجل مشبع بالفن ومرزوق رجل فنان بمعنى الكلمة فهو صديق وزميل واخ عزيز ومن اميز الشباب الذين يؤدون الحقيبة بصورة جيده وبحفظ ونطق سليم ولكن هي عادة الاعلام في بلادي فمن ليس له واسطات لا يصل للاعلام ولن يصله الاعلام مهما كان مميز في اداءه او صوته ،، وهذا غير محاولاته اللحنية الجميلة والتي من اميزها اغينة الاخت الاستاذة والشاعرة سعادة عبد الرحمن ( لو بتقدر ) والتي قام مرزوق بوضع لحنها وقام الاخ والزميل الفنان جمال مصطفى ( فرفور) بانزالها في اول شريط ماستر له فمرزوق رجل مبدع لا يشق له غبار واتمنى ان يجد حظه من الاعلام لكي لا نفقد مبدع مثله في هذا الزمان الغابر .. ،،، وزيدنا من دلك شوية يا ود جبريل .. تحياتي :ياسر العيلفون

Quote: اسي العجبك في الاغنيه دي كلها بس الكلام ده بايز

Quote: Ali Bob · الأكثر تعليقا غايتو يا ود جبريل الاغنية دي صعب خلاص مهما حاولت اقرأ النص الكلام بيقيف لي هنا.... ههههه

Quote: طارق مرة معتصم دفع الله نزل الأغنية دي بصوت مبارك حسن بركات .. كانت مبالغة للأسف فقدت التسجيل و قدر ما فتشت عليهو ما لقيتو .. أقول ليكـ حاجة .. معتصم الشفيف زاتو ما لقيتو !!

Quote: اخ منك انت يا ود جبريل يوم بتكتل ليك زول دى اغنتى المفضلة وين خالد الما منسي بجي يمزمزة ليك

Quote: لناس الالفيه التانيه ... وضاحه و ود جبريل و من حولهم ... :)

Quote: يا ود جبريل ... قالوا: "عندما اشتد المرض علي الشاعر ود الرضي ارسل الخليفة حسب الرسول احد الحيران ليكتب بخرات لود الرضي دخل الحوار ووجد ود الرضي متكي علي وسادته وعندما كان الحوار بيكتب في البخرات دخلت زائرة لود الرضي وخرجت . ود الرضي قال : اكتب يافقير ما تقول مريضك طاب من الجات زحّت ستارة الباب انا ما بطيب ان بلعت كـــــــــــــتاب ارفع يا فقير قلمك مليتو تراب" الله يرحمك يا عادل خليفه يا صديقي ... لما كتبت كلامي الفوق ده رد علي وقال : ود الشيوخ ده كل ما يزروه في كلام قالو.. كان بقول كنت بحلم؟ هنا قبضو بالثابتة. ( للرعيل الأول ) ناس ود المرتضي و من حولهم ... بالرق و بصوت شيخنا المبارك ... مع رمية طابق البوخه ...

Quote: تيه واتاكا مراض وصحاح مقله الفتاكا ظبى الرام خريف وشتاك ميس يابان المصرى اتاك النسام البى افتاكا جاب لى روايحك لى هتاكا عود يا منام

Quote: Abdallah Mohammed Abdallah · الأكثر تعليقا · Elgazeera يا اخوانا يوم بتكتلو ليكم زول بالطريقة دي

Quote: للذين لا يعرفون مرزوق فهو مقيم بالرياض السعوديه وهو راجل موهوب وملحن متميز وجمال صوتو ظهر في هذه الاغنيه جليا شكرا يا ابو النسب وشكرا مرزوق علي هذا الطرب الجميل وربنا يوفقك اينما حللت

Quote: الحبيب ود جبرين كما يحلولنا تحية طيبة سلاااام في مقام الشاعر الجميل ود الرضي وحضور فطاحلة ناس قباني وود المرتضى وكما قال ود المرتضى ود الرضي شاعر أتقن فن وصف التجسيد للمرأة يرسم بحرفه لوحة نقول أف تمشي بينناونحبها ونتكسر فيها هههههههههههههههه جمع بين الاضاد وأبدع مراض وصحاح مُقلُّ الفتاكا الفتك اشد ألم ووجع اللهيوجع زيما وجعتنا يا ود جبريل المصري اتاكا هنا تظهر ثقافة الشاعر وكل الشعراء في ذلك الزمان رقم أنهم يقال كانوا اميين ( لكن العلم موفك خطو مدرسة) المصري هي الرياح الجنوبية ومعروف متي تهب وفي اي موسم ويقال مصري لانها تأتينا من الشمال وشمالنا مصر وماذا حمل وفعل المصري أمال البان وفوق دا جاب وارئح فتك بقلب المحب وتزيد الشوق ولعا اخخخخخخخخخ وشن نسوو ما خلاص جنينا وقلنا هووووووو أورد فيديوهات للرعيل الاول منسيادة عاشق الفن قباني بصوت الرق مبارك ( ناس ود المرتضى والقرشي ) للرعيل الثاني ناس وضاحة وود جبريل ( بصوت مبارك مع الاوكسترا ) لكن يا قباني وضاحة بتحبها بصوت ابوبكر وابا ذر !!!

Quote: اووووو ود جبرين وبوستات الليل ام غنايا برة مرحبا بعودة الحاجات السمحة ياخ ياحليل ايام النخجي ديك خالص الود

Quote: هي يا خرابِي، إنت وين يا المِطيمِيس ؟؟؟. وحات نضري كدي مِشتهيك...

Quote: لعلى أراكَ ضحا تتجلى بطيب وأراكَّ ولو فى منام ويكون سمراكَّ جوارى تِيلاد وبعض امراك وبعده تنام حديث حلو وبخلي الزول يعضي ايديهو يا ودجبريل لكن معه كل الحق السمح سمح لو قام من النوم والشين شين لو دلّكو كُل يوم والله ما كدي يا ضواحة ؟؟؟؟ أمنية أن يرى الحبيبة تتجلى زاهية في حسن وهندام وطيب يعبق منها ضحى ( يقصد عيان يشوفا عينو عينها ) لو ما صدقت دي أن يراها كما إتمنى في حلمه وهو نائم تكون تسمر بين أترابها جواري حسان وبعض من أمرائها وهي الملكة ويتميز ود الرضي في شعره أنه يقدم ويؤخر كما نلحظ هذا جليا في كثير من أشعاره هنا نراه كأنه يتمنى ان يراها علنا وضح النهار متطيبة أو يراها في منامه لكن تكون هي حقيقة ما قلنا ليس مستند لعلم تحليلي لكن الشاعر يقول ونحن كل واحد منا يغني على لياله وأنا يغني علي ليلى العامرية بتاعتي وهذا فهمي لحديثه قد يرى غيري ما لا أراه في شعر ود الرضي لكني افهمه كدا أدليت بدلوي وبعدو تنام ونحن هياموالشوق يكوينا كي لمن عطرابتنا قامت

Quote: فعلا تية واتاكا كان في (تيه) شديد ..رايحة في عرصات المنبر ..دايرة لي حاجة حلوة وفجأه لقيت البوست ده طوالي (أتاكا) خصوصا بصوت ابوبكر سيد احمد شكرا طارق جبريل وضيوفو على اللقية ..

Quote: لعلى اراك ضحا تتجلى بطيب واراك طارق الله يديك العافية

Quote: يا ود جبريل الناس ديل ( ناس ود الرضي وصحبه من الشعراء ) كأن الحديث يتنزل عليهم تراه مخالف لقول البشر قولاً وفعلا صدق من قال للشعر شيطان شوف الشاعر ود الرضي قال شنو هنا ما بيغباك : ومفردة ما بيغباكا هنا نستخدمعا في العامية التغابي هوأظهار عدم المعرفة شئوأنت تعرفه جيد يقول ليك ما تتغابى فيني العرفة وما بيغباكا شغقي عليك الشغف هو شوق كتير بلهفة والحال يحكي ان يكون أقرب وليت ما يتمناه الحبيب مدركه لما تعبت قلوب من شوق لكن نتباكى الحبيب تايه وإتاكا ومتى أصباكا : لو أصبت وصحت لي الجمعة وما يهمني أن يزيد هيامي وإن أدوب في حبك شوقاً ولوعة وتريني صباك المتفتح لو اموت .. انا راضي وأنتَّ مابي وفي جمعتنا بعد فرقة نبدي عتاب وحنان نتباكى علي الأيام الايام التي مضت ونحن بعدين بعض والشوق يوقد نار في قلوبنا والعتاب بين الأحبة هو درجة عالية من الحب والحنان وعادة ما يلف العتاب بين الأحباب تباكي وندم على ما كان ( وأسأل ود المرتضى وقباني من الكلام ) قلوبهما سمحة

Quote: يا سلام عليك يا ود المنسي ياخ الله يخضر ضراعك

(عدل بواسطة خالد علي محجوب المنسي on 04-26-2014, 11:24 AM)

Quote: خدر لي لي ضراعي الله إت أودعوا لي ربك ان يزوجني مغربية بت حلال ههههههههههههههههههههه ما تضحك ممكن أعملها وأجيك وأقول ليها ( تيه وإتاكا .. مُراض وصحاح .. مقلو الفتاكا جدي كازابلانكا