وجاءت سَكْرَةُ ما كُنتُم منه تَحِيدُون! بقلم فتحي الضَّو
كامل إدريس لن يصبح جزولي انتفاضتنا القادمة بقلم كمال الهِدي
التفكير الاستراتيجي و التفكير الآني - بين العصيان المدني و المقاطعة الجزئية آراء و مقارنات
بيان من نصرالدين المهدي نائب رئيس الجبهة الثورية بخصوص اعلان قوات الدعم السريع بطلب مجندين
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-04-2016, 04:23 PM الصفحة الرئيسية

مكتبة طارق جبريل(طارق جبريل)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

توب دبيتك بي الله يا العزوبيي

07-23-2011, 06:39 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
توب دبيتك بي الله يا العزوبيي

    الحبيبين كيفنكم
    نان انا وكرتلي جنس وكري يفكني منها الله..
    علي الشلاقة العلي قمت رسلت وليداتي اجازي وبقيت قاعد في البيت ملوص..
    قلت النجرب ياخي الحريي شويي..
    جيت يومي اللول من الشغل مهوي والجو فيهو زيفي وجعااان..
    وبطني تسووويي في الغرررررررررر غرررررررر علي البومة
    الشايفالا فار وتغرغر ماها دايراهو يطير منها..
    واللسان يقع ويقوم علي هبابة الكانون..
    واصلي وكتين اكون جعان كرعيني ديل يتكلوجن
    وتشوفني ماشي علي مفرمة الخدرة الزمان ديك.. اتكل فيهن..
    اتمولصت يا الحبان وقمت اتهويت ولبست العراقي والسروال..
    وقمت كدي دخلت علي المطبخ.. قلت الجوعة دي آآبتنتظر لامن
    اطبخلي شيتا آكلو.. دحين اللسويلي جنى جداد عيون فسراع فسراع
    من هني لا هني لقيتلي طوة صغووويري كدي ختيتها في البتجاز
    وزي العجب كبيت فيها الزيت ولامن سخن قمت كدي جبتلي
    جنى جدادتين قلت أفقشن فشان يطلعن بيض عيون..
    ومع الفقشة يا الحبان ان كان الزيت يطير في يدي وبس بقيت ابيبي
    ووووب ووووب وانطط لااااافوق بي يدي..
    اليشفوني يقول جعلي منهرد في حفلة ألت حسين شندي..
    جريت علي الحمام لتختلي فيها معجون سجنل.. وكتين رجعت
    لقيت البيض علي القنقروشة النسوها في الصاج.. مسود ومعضم
    والصفار علي ملطم الزبالة قبل ما يفتحوهوا ويبلطوهو في الجالوص..
    شلتها رميتها في جردل الزبالة.. وفتحت التلاجة وشلتلي زبادي
    اكلتو وتميتها كوز موية واتخمدت نمت..
    تالت يوم جاء السبت يا الحبان يوم اجازتي.. قلت النسويلي حرف
    بي ويكتا كاربي لامن امصمص اصابعيني وافقشلي معاها
    بصلا أخدر واسكت الوغد وامطق...
    زييين قطعت بصلتي وخليتها تتحمر مع الكفتة.. وقلت كدي
    خلطهن بالمولينكس والريحي دقشتني في نخرتي..
    ورجعتهن لايقتهن مع الويكي والصلصة.. وكل مرة ادي المقصوصة
    دقة مع الحلة واضوق واسكت اشكر في روحي:عفيت منك يا ود بت ابو دية...
    هييييييييع انا ولدك يا نفيسي بت بغداد.. الحروم طايرات
    اتاريهو مع دقة المقصوصة الويكي كانت تنقط في البتجاز
    اصلي وكتين رفعت الحلة لقيت بتجاز الجن دة كله مليان ويكي
    علي الشافع الصايدو اسهال وفاكنو من غير لباس...
    وقلت كدي لخيتلي كمشتين ألات دقيق وسويتلهن الملح..
    وجبت الطوة وجبتلي تشوز وكبيتلي زيت في فنجان ومسحت الطوة
    وقلت كدي رميت الحرف اللول.. والساعة الجيت اقلبو يا الحبان
    يقوم يتقلب في السروال.. وضربت الكواريك والشعر المن تالا
    الاضنين بقى واقف علي الحديد الكابس المغنطيس
    وبقيت ماشي مفشق علي الحمام بس الشافع الطهروه
    كبييييير وماسك العراقي قدامو..
    وكتين قلعت السروال حمدت الله ما تشتشني..
    وبقيت اناضم في روحي:
    نان الله ما سترك يا ود بت ابو دية.. الخرابة دي ان بقت
    انقلبت فيك ما اظن تاني كان جبتلك شافع.. واحمد الله علي
    الشافعين الاداك ليهم الله.. الحمد آلاف.. الحمد آلاف..
    رجعت اكلت الويكي بالعيش وحمدت الله..
    قلت كدي لميت الغسيل ومشيت علي الغسالة..
    لقيتلي جنبها كميين باغة.. شي مسحوق ابيض
    وواحدا احمر وواحدة فيها سائل كدي ما فرزتو أليل شنو
    قلت الندخل الفنايل والسراويل في اللول.. حتى ان بقيت كوجنتلي
    شي يقع فيهن وحالن ساهل.. فتحت محل الصابون ومن كل
    باغة شلتلي شويي ودخلت الهدوم.. ان كان القالكم الخرابة
    فيها يبقى 12 زر.. يا ربي هسي اطبز ياتو فيهن
    سكت وطبزتلي واحد علي الله.. اها وبقت تجقلب..
    خليتها ومشيت اشوف في ناس النيل اللزرق..
    شويتين سمعتها تصفر.. فتحت الباب يا الحبان ان كان القالكم
    السراويل مقدقدات علي غربال الحصاص.. ووحدات انعجنن
    في اخواتن وبقن علي عجين البسكويت أليل العيد
    وكتين يدخلوه في المفرمة..
    رجعت مسحت ويكة الجن ديك من البتجاز قبل تكرتب فيهو
    ونزلت جبتلي دستتين زبادي والخرابة العلي الشافع المطهر داك
    اليقولولوا "الهوت دوق" وشوية لغاويس كدي..
    وكتين جاء اليوم الخامس مسكت التليفون:
    هووووي بكرة ترجعوا
    توب دبيتك بي الله يا العزوبيي
    الرسول فيكم ان ما حبيتوا نسوانكم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-23-2011, 06:52 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 15359

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: توب دبيتك بي الله يا العزوبيي (Re: طارق جبريل)

    Quote: الرسول فيكم ان ما حبيتوا نسوانكم


    ضبيتك بالله يا ود جبرين، الحبة التقوم لك في...
    زمان المرا بتقوا لي راجلآ دا عشان ما تجيب إسمو
    إنت تقول حبو... بتدور تخرب الرجال يا ود جبرين؟؟؟





    والله مشتاقين يا قول الغناي...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-23-2011, 10:24 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: توب دبيتك بي الله يا العزوبيي (Re: معاوية المدير)

    Quote: ضبيتك بالله يا ود جبرين، الحبة التقوم لك في...
    زمان المرا بتقوا لي راجلآ دا عشان ما تجيب إسمو
    إنت تقول حبو... بتدور تخرب الرجال يا ود جبرين؟؟؟


    والله مشتاقين يا قول الغناي...

    يا حبيب يعلم الله مشتهي نضميك
    ياخي خلهن اليحبوهن ياخي
    انت الحسادي التولد البنات دي ما تخلها
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-24-2011, 07:25 AM

محمد عبد الماجد الصايم
<aمحمد عبد الماجد الصايم
تاريخ التسجيل: 10-16-2005
مجموع المشاركات: 34989

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: توب دبيتك بي الله يا العزوبيي (Re: طارق جبريل)

    يا زول .. استغفر الله ياخ!!
    دي فرصة عظيمة جدا .. ويكة شنو وبيض عيون شنو!
    أمرق القرش القاعد تكاوش فيهو دا وأقع المطاعم!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-24-2011, 07:42 AM

فايزودالقاضي
<aفايزودالقاضي
تاريخ التسجيل: 11-27-2007
مجموع المشاركات: 10091

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: توب دبيتك بي الله يا العزوبيي (Re: محمد عبد الماجد الصايم)

    40 سنة مابين مصر والمغرب ولساك في البركل ...

    الوالدة - الله يديها العافية - الاجازة دي معاى هدت حيلنا بالويكة والقراصة ...مالقينا منكم غير عدم الغذا ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-24-2011, 09:45 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: توب دبيتك بي الله يا العزوبيي (Re: فايزودالقاضي)

    Quote: 40 سنة مابين مصر والمغرب ولساك في البركل ...

    الوالدة - الله يديها العافية - الاجازة دي معاى هدت حيلنا بالويكة والقراصة ...مالقينا منكم غير عدم الغذا ..




    والله عفيت منها
    انا لو لاقي زول يهريني قراريص كدة كان سلمتو الماهية
    ربنا يخليها ليك يا حبيب
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-24-2011, 07:44 AM

امير عبدالدائم
<aامير عبدالدائم
تاريخ التسجيل: 04-26-2010
مجموع المشاركات: 264

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: توب دبيتك بي الله يا العزوبيي (Re: محمد عبد الماجد الصايم)

    Quote: السراويل مقدقدات علي غربال الحصاص..


    يا ولدنا الناس تفتش لل الطراوة وانت زعلان من التخرم ياخى دى ما هى زاته حلاوه الحلاوه نحن لو لقينا غساله تخلى التكه بس ده يكون يوم المنى

    عالم ربنا مديها هواء تحتانى وهى تنقنق
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-24-2011, 07:56 AM

محمد عبد الماجد الصايم
<aمحمد عبد الماجد الصايم
تاريخ التسجيل: 10-16-2005
مجموع المشاركات: 34989

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: توب دبيتك بي الله يا العزوبيي (Re: امير عبدالدائم)

    Quote: نحن لو لقينا غساله تخلى التكه بس ده يكون يوم المنى



    عالم قاعدة على الهبشة!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-25-2011, 08:45 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: توب دبيتك بي الله يا العزوبيي (Re: محمد عبد الماجد الصايم)

    Quote: عالم قاعدة على الهبشة!!



                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-24-2011, 09:47 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: توب دبيتك بي الله يا العزوبيي (Re: امير عبدالدائم)

    Quote: يا ولدنا الناس تفتش لل الطراوة وانت زعلان من التخرم ياخى دى ما هى زاته حلاوه الحلاوه نحن لو لقينا غساله تخلى التكه بس ده يكون يوم المنى

    عالم ربنا مديها هواء تحتانى وهى تنقنق


    يا كافي البلا ناس تفتش لي امفكو بالتيلة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-24-2011, 09:43 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: توب دبيتك بي الله يا العزوبيي (Re: محمد عبد الماجد الصايم)

    Quote: يا زول .. استغفر الله ياخ!!
    دي فرصة عظيمة جدا .. ويكة شنو وبيض عيون شنو!
    أمرق القرش القاعد تكاوش فيهو دا وأقع المطاعم!


    اووووه ابو شنب
    قرش شنو يا حبيب
    هي كان فيها قرش ما كان هسي بنقز مع الرئيس في غناء قيقم
    والله اخوك باكاتو بقت اكعب من الهلال
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-25-2011, 11:18 PM

ناصر فراج
<aناصر فراج
تاريخ التسجيل: 10-23-2009
مجموع المشاركات: 290

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: توب دبيتك بي الله يا العزوبيي (Re: طارق جبريل)

    ود جبرين سلام
    Quote: وكتين قلعت السروال حمدت الله ما تشتشني..



    حالتك صعبة بالحيل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-25-2011, 11:44 PM

عبد اللطيف بكري أحمد

تاريخ التسجيل: 11-13-2005
مجموع المشاركات: 7031

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: توب دبيتك بي الله يا العزوبيي (Re: ناصر فراج)

    قراصة شنو البتسويها ؟؟ انت كنت شغال في الدريسة؟؟؟


    خليك صنديد زي أخوك : تسعة شهور ماولعت نار في البيت!!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de