بوست لقراء سودانيز أون لاين

Quote: لقراء سودانيز أون لاين

Quote: أي كُتاب سودانيز يفضلون؟

(عدل بواسطة الزبير صالح الزبير on 11-25-2012, 05:21 PM)

Quote: سلام أخي طارق شكرا للبوست الجميل الأعضاء هم رجاء العباسي smart-ana Jini Omar Osman " Ganboo" د. عزان أبو جهينة Dr/ Magdi Ishaq عصام دهب شخصيات محترمه للغايه و مصدرثقه أي موضوع يكتبون فيه يكون مفيد Suhela

(عدل بواسطة طارق جبريل on 11-26-2012, 09:24 AM)

Quote: الأخ طارق جبريل السلام والتحية والإحترام لك ولأعضاء وقراء سودانيز اون لاين.. يعتبر الموقع من أميز المواقع ونجد فيه الكثير من المعلومات والاخبار المهمه... ولكن بداء يفقد رونقه بسبب المشاحنات والخلافات بين بعض الأعضاء.. العزاء الوحيد انه مازالت هناك بعض الأقلام الجميلة والمفيدة التى نقوم بمتابعتها رقم قلة كتابتهم ومن أميزهم: - أستاذ محمد المرتضى حامد حين ينثر الجمال - د\ أحمد القرشى صاحب الكلمات المميزة - أستاذ الفاتح ميرغنى وهو ايضا ناثر للحب والفرح والجمال - أستاذ طارق جبريل عندما يهيج ذكريات الريف الجميلة - أستاذى الجليل الطيب شيقوق الذى أكن له معزه خالصه -أسمارت انا ومعلوماتها المفيده - الأستاذه دينا خالد ولكم الود ندى مصطفى

Quote: هع هع هع هع! إنت يا معلم شغال إيميلات جكس بس؟

Quote: ومهما تكررت الفكرة – أخي حيدر- تظل فكرة استبيان آراء القراء وجمهور المتابعين فكرة رائعة وحق معلوم، لكني أظن بأن ما أهو أكثر جدوى وأشد أهمية من معرفة انطباعاتنا نحن (معشر القراء) هو أن يتوجه هذا الاستبيان لسبر واستقصاء آراء الأعضاء الرواد ممن شُيد هذا المنبر من أفكارهم ونمى بعدما امتص الدم واللباء وشرب الحليب وأكل من لحمهم وأعصابهم خلال سنواته الخمس الأولى. سبر آراء أولئك الرواد وتقصي أسباب عزوفهم وابتعادهم وإنفاذ توصياتهم ربما يعيد للمنبر بعضاً من حيويته وشبابه وتألقه. من ناحيتي أرى بأن المنبر قد تضخم وترهل وتكرّش (حتى عاد بلا رقبة) وانبهل وتحولت واجهة المنبر إلى صالة تجوط فيها الأشياء، وإلى (حائط مبكى) يختلط ويمتزج فيه الضحك والبكاء والإبداع والفساء.. في بيئة كهذه كيف لصاحب فكرة أن يوصلها؟ وكيف لفنان أن يعزف موسيقاه؟ وكيف لشاعر مبدع أن يجد من ينصت له؟ شكوى الفنان (أنس العاقب) تمثل أشعة كاشفة لما آل إليه حال الموقع ومنبره العام الذي تحّول لصفحة وفيات وتعازي وإسهال متواصل من لغو الكلام. ربما يحتاج المنبر العام إلى أعادة هيكلة، وإلى إعادة تبويب حتى يستطيع كل صاحب موهبة حقَة ممارسة حقِه في الإبداع، وأن تتاح للمستوطنين الجدد من الكثرة الغالبة من المشاركين مساحات أخرى لمن أرد أن يمارس هواياته واجتماعياته دون أن يصيب بكوعه و بوعه ويؤذي أجساد وأعصاب الآخرين. محزن أن لا يتلفت أحد لمشاركة الأستاذ الفنان أنس العقاب وهي تنزلق إلى الأرشيف.. ومحزن ألا تعود النوارس التي هاجرت أو هُـجرت بعيداً.. محزن ألا تعود شيري/ عبدالعاطي/ شوقى بدري/ ميسون النجومي وبقية العقد المتلألي من النجوم لإضاءة العتمة. [email protected]

Quote: مرحبا أخ حيدر،أدناهـ ما يخص حوش بكري أبوبكر : موقع تنويري مهم، ومصدر غني بالمعلومات،ونقطة تلاقي و تواصل اجتماعي بين ابناء السودان لخدمة أنفسهم وغيرهم. تعجبي قفشات ود الصائم، وتمتعني كتابات طارق جبريل،وتشدني مداخلات المهندس محمد إبراهيم على، وتحرك تفكيري كتابات قرشي عباس، وأقف لحظة تأمل أمام كتابات هشام آدم، وبقلق على الوطن من هطرقات ود الباوقة، وبضحك كثيراً على مداخلات الشفيع وراق ، وتعجبي بوستات جنابو عمر عثمان المختارة بعناية، ومرة بصدق ودهباني، ومرة بضحك على شطحاته، بس فكونا من ( صلاح غريبة)بوجع المصارين. رغم ذلك فهو رجل بسيط ،وحبوب. محمد كجيك الرياض

Quote: السلام عليكم ورحمه الله وبركاته .... نشكر الاخوان طارق جبريل وصاحب الموقع المهندس / بكري و حيدر حسن ميرغني على أتاحت الفرصة لنا كي ندلي برأينا حول موقع سودانيز ون لاين رائد المواقع السودانية المهتم بالجانب السياسي والاقتصادي والرياضي من ملاحظاتي على الموقع : · تكرار مضمون الموضوع مع تغيير العنوان بصورة مملة لبعض الأعضاء وأتمنى إذا لم يجدو ما يسرو به الموقع من مواضيع الاكتفاء بالقراءة . · بعض الأعضاء ( صلاح جادات وهشام هباني ومعاوية عبيد وسف مساعد ) لا مصداقية لهم بتاتا ألبته غير عنوان الموضوع الجاذب أما مضمون الموضوع لا يغني ولا يسمن من جوع . · بعد الأعضاء والذي يشكلون أصدقاء خارج المنبر لديهم مزح وهظار أكثر من اللازم كا ابوحسين بالانقليزي وصبري وود القاضي وهم غير مهضومين بالنسبة لي ... عدا الأستاذ وهبة فمزحه تلقائي وصاحب قلب مرح ويتحبي من على البعد .. · أتابع مواضيع كثير من الأعضاء واشكرهم علي مواضيعهم المفيدة وهم كثر ولا يسعني ذكرهم ألان .. · وذا تجير السؤال إلي الأستاذ حسين ملاسي .. لماذا يتجاهل كثير من الأعضاء ولا يرد عليهم في مواضيعه . · الدكتورة وضاحة أتمني قبل أن ترمي درابك تراجعيه كويس خاصة في المواضيع الحساسة شوية . · أما الأخ / الفـــحل صراحة مواضيعك مملة جدا جدا وكل كلامك بوبار وتعالي وشوفوني وكلام فاضي وكل الناس الحولك دي عندها ما عندك أو زيادة... بصراحه ذبحتنا من الوريد للوريد خف شوية بالله عليك وشوف الحاجة المفيدة لك ولنا . · وسلام مربع للاخ محمد الصايم وهو يقول الحق دائما بصورة جميله وراقية و واضحة · أخوكم محمد أل الحسن

Quote: تحية عطرة أخي طارق أولاً أشكرك على إتاحتك لنا هذه الفرصة أ نا أتابع هذا المنبر وملاحظاتي أن هناك كتاب في هذا المنبر يكتبون بتعقل وإتزان ولكن للأسف مواضيعهم لا تلقى رواج خاصة عندما يكتبون في أمور جادة وإذا كتب أي عضو في موضوع مسلي فقط لا أريد أن أقول موضوع هايف أو تهريج تجد مثل هذه المواضيع رواجاً كبيراً وهذا ما لفت إنتباهي من خلال متابعتي للمنبر من الكتاب الذين يكتبون مواضيع جادة وتحليلاتهم أرى أنها جيدة وذكية قيقراوي Asim Fageary و Kabar و Mannan و بد الدين الأمير وطبعاً لا أستطيع حصرهم ولكن هؤلاء تعجبني قراءة مواضيعهم وتلميحاتهم ولك شكري وإمتماني مرة أخرى سودانية قارئة لمنبر سودانيز

Quote: اولاً التحيه لصاحب الحوش الذي جعل هذا المنبر ممكنا ً و منذ وقت طويل كانت لاتتوفر فيه خدمات الانترنت دعك من المواقع التي تهتم بوطننا الحبيب و التحيه لصاحب البوست ,, تعجبني جداً كتابات ( سلمى الشيخ ) ,, فهي إنسانه تحس بإنسانيتها تتدفق بين ثنايا حرفها ,, تأخذك إلى أبعد ما تشتهي ,, و ( ما تقفل الباب من وراك ) كما قال جمال حسن سعيد ,, فتتركك ,, للمجال ,, و تترك لك مجالا ً لتقول رأيك ,, و لو بينك و بين نفسك ,, ,, ايضا اتابع بوست ( مدونة الأنخاب البكر ) تجدني اقطف من أزهاره كل ما اشتد القيظ ,, فشكراُ جميلا ً لصاحبه ,, ,, ,, تحزنني الخلافات و نثرها على الهواء و أقصد الخلافات الشخصية ,, فهناك العديد من الطرق التي يمكن التحاور فيها غير البوست ,, مثال قريب ( بوست بدر الدين الأمير ) ,, و مقام المتخالفين يحسسك بأن النخبه ليست بخير فماذا يفعل الباقون ’’ و هم كتنو أقرب الأقربين لنبي الإنسانية مصطفى سيد أحمد ,, ’’ ,, يحي قباني ,, كاتب يعجبني أيضا ً ,, ,, ,, هناك من ينقصهم ,, ( فن العنونه ) ,,, فيكون البوست ذو اهمية كبيرة ,, و تجد عدد القراءات منخفض بما لا يتناسب مع محتوى البوست ,, أظنهم لا يفطنون لهذه النقطة ,, فالعنوان هو الجاذب الأول ,, ,, هناك اعضاء و كتاب يفتحون بوستات هامة جدا ً و ينقطعون عنها ,, كبوست فتح للتعرف على بعض أفراد الكتيبة الإلكترونية ولم يهتم الكاتب بما يصله من إيميلات من بعض الاصدقاء الذين تعرفوا على كل الصور التي كانت مرفقة ,, ,, الموقع مجحف نوعاً ما ,, لأنه حكر على البعض ,, مع حفظ الحق لأصحاب الرأي بأن فتح العضوية قد يجر إلى عضويات كان الناس في غناً عنها ,, و هي ليست أهل للكتابه ,, و لكني اعتقد ان بعضهم موجود و يكتب في الموقع ,, ,, كذلك ,, العاشقين و المتابعين للموقع يمنون المشاركة دوما ً ,, فياليت كل من يكتب بوستا ً يرفق معه ايميل لتلقي آراء القارئ ( على قدر المستطاع ) ,, ,, ,, و الموده و الحب لسكان الحوش و القارئ الكريم ,, ,, م.عمر - الإمارات - العين ,, [email protected]

Quote: لك التحيه اخى طارق جبريل ومشكور على إهتامك برأئ من هم خارج الحوش الكبير. بحكم اننى من محبى هذا الموقع لي صداقه مع اقلام وددتٌ لو انى إلتقيتها عبرك لها التحيه محمد حيدرالمشرف.هشام هبانى.صديق الموج.زهير عثمان فاكهه المنبر.امنه مختار والفنان عمردفع الله. مع الود يوسف فرج حولى

Quote: فياليت كل من يكتب بوستا ً يرفق معه ايميل لتلقي آراء القارئ ( على قدر المستطاع )

Quote: قنطرت الاعضاء للقراء وقعدت تتفرج يعرفوك شايقي غتيت كيف هههههههههههه كدي خلي قارئي يهبش أب صلعة عشان نقعد نتفرج في صراع الصلع

Quote: أخي الفاضل حيدر تحية طيبة،، كنت اعتقد وغيري كثر بأن المنتديات خلقت للتثاقف في شتى مجالاتها، إلا أن سودانيز خلق تثاقف من نوع آخر (التثاقف الشتائمي)، وكان الأولى ومن الكل التسامي فوق هذه الأمور. العائد د. الحبشي- سواء ألبس علينا ود القاضي أو تعرى- وأحسبه يتحدث عن نيله الدكتوراه- شخصياً افتقدته وبشدة ذلك أنه ذكي ولماح إلى أبعد حد، وإن كنت أعيب عليه عدم الدخول في المواضيع مباشرة، وإن عزا ذلك لمساحة الحريات المتاحة من سيد الكورة، وننتظر صيده قراميط كان ولا بياض. الدكتور الغائب الكسلان/ محمد قرشي- أبو ميرة-. مواضيعه سواء كانت في الدين أو الفلك تعد مميزة بحق وحقيقة، والله لو كانت مسموعة ما عليك إلا تطلع هدومك المردومة كلها وتقعد تكوي. الأزهري.. الحاضر الغائب. المهندس/ محمد علي إبراهيم، هذا رجل احترمه وبخاف منو عديل، لأنه زول شكلو دغرررررري، وأحبه كده لله في لله، كما اتضح أنه محلل لا يشق له غبار- بذكرني عطوان- هههه، وحق لملاسي أن يتساءل من الذي يكتب باسمه. ههههه ملاسي.. نكهة سودانيز أون لاين بمناكفاته وسطره اللاذع. طارق الكسلان ود جبريل والله طلعت أكسل من دكتور محمد.. كتاباتك حلوة شديد- وبدون مجاملة- خاصة إنها من: البيت، الشارع، الحلة، القرية ولغتها بسيطة وساهلة، لكن مرات ما بتنهي قصصك وتقعد تشحتف فوقنا، إلهي يشحتف راسك العريان ده، وبعدين وين الطيب صالح وقعداتك معاه في أصيلة جيت كبيت ليك سطر سطرين وعملت نائم. بالمناسبة صاحب الخبز الحافي هل صحيح أن والده قتل ابنه، جاء ذلك في ذات الرواية. البدرين كتابتهم ممتازة.. بدر أحمد موسى، وهناك بدر آخر لا يستحضرني اسمه اظنه خريج بيطرة. ديل خطرين. جني، المحلل الحذق، سودانيز كلو يلت ويعجن يجي يختها ليك ططااااخ في كلمة ويفض الجلسة. قيقراوي بتاع الضهاري- الجنو جكس- أنا ما جبت أي حاجة من عندي ديل ناسكم ديل براهم بيقولوا كدة، ده راجل عميق (عد) بس بكسر العين وفتح الباء.. برتاح لكتاباته خالص، وشايفو قريب من الناس وبيدخل قلوبها كدة من غير استئذان، لكن شايفو ما نزل لي ملاسي من زور. ود الصائم وأقواسه. تعجبني كذلك كتابات الفيا، وكبر الكبير، عاطف عمر، الدقم، المنصوري. ناس المعارضة الكيبوردية- حسب سودانيز- الواحد فيهم لا يرعوي في دمغك بأي لقب، ده غير حدتهم البائنة للعيان لكل من يخالف هواهم. بعدين يا أبو راساً حفيان أتأمرون الناس بالبر وتنسون أنفسكم، فيما يتعلق بعدم إنزالك لأي شتيمة أو إساءة أو عدم احترام أعضاءكم.. حقو يحترموا بعض وبعدين تجي تدينا المحاضرة دي... لوووووووووولز. منال، وصديق الموج لديهم تلميحات جنسية قذرة جداً، يا ريت لو يراجع نفسهم. ولا أري مبرر للخلاف الدائر بين تايسا والمهندسة صاحبة منال. بعدين حبيبتو لنميري رشاد حقو تبطل معاكسات وتطلع لينا العندها لأنو راسها ملان. نجوان، وما أدراك ما هذه النجوان.. المرأة الحديدية.

Quote: الاخ العزيز طارق جبريل التحيات العطرة الندية وسلام كثير ملء الاثير انا من المتابعين بشكل مدمن لسودانيز اون لاين واتابع البوستات وانزلها في الجهاز في حالة الانشغال لقراءتها وقت الراحة ... تشدني وتجعلني اسيرا واتحرق للولوج عبر الموقع مرات لاعلق او اصوب او اضحك او اصحح ولكن تابى علي المفاتيح العصية حيث ان الباسوورد معكم دونه خرط العتاد مع سياسة اب صلعة الرهيبة ... رغم انني من اول المشاركين في هذا الموقع عام 2002 ومعي ثلة من الاولين .. نسيت الباس وورد ولم اتذكره وخاطبت بكري مرات عديدة لمنحي باس وورد جديد لكنه ابى ومعاذ ان نقول تكبر .. ياخي كلكم مدهشون وتضيفوا الق ووهج ليومنا المرهق المتعب .. انا معجب لمن بهناك بالاخ تمبس وبوستاته او تعليقاته واطرب لمداخلات ود الموج واتجاسر متلهفا لكتابات الصديق والزميل القديم بدرالدين اسحق ( انا ما كنت امنجي ) وارقص طربا لبوستات ود الصائم وصورتو براها كفاية ... واشفق على ود الباوقة وكان لاقيتو بعضيه في نص راسو رغم اني معجب جدا بصدقه واخلاصه لمبدأه ...دينق ممتاز وعميق وغياظ .. بس بتاعت كندا غياظة رغم انها مختفية هذه الايام ... انت يا طارق جبريل ومعاك ود العباسية لو كتبتم عن اغاني واغاني فقط لكفاكم ... ما داير ابريك واشكرك لاتاحة الفرصة الجميلة دي ... ممكن اهدي؟ خالد يوسف طه اديس ابابا اثيوبيا

Quote: ام وتحية استاذ طارق السلام عليكم استاذ طارق.. فكرتك جميلة وبتدي مساحة لي الناس الماعندها طريقة تشارك وتعبر وتتفاعل مع المنبر انها تقول رايها وتوصل فكرتها عن طريقة النقاش وكتاب المنبر ولو بمساحة محدود عبر البوست الذي خصصته ، الكلام كتير عن المنبر والجدير بالذكر انو في عقليات واشخاص بهذا المنبر الواحد بفتخر بانو بنتمي ليها ومعاها في حيزها الجغرافي والانساني وهو السودان ، ولو ختو الكورة واطة وقالو خير المنبر دا الناس والبلد كلها ممكن تستفيد منو ولو شوية خلو الشخصيات والعداء الحاد وركزوا علي الوطن هو الاول والاخر ، فهذا المنبر فيه خيرة ابناء السودان المتعلمة والمؤهلة ذات الخبرات المتراكمة والشئ الملاحظ انو اغلبية اعضائه مهاجرة عن السودان يعني لوالناس دي رجعت البلد ممكن في خلال سنوات قليلة ممكن البلد دي تكون حاجة تانية دا عن قناعة واقتناع المهم الكلام كتير عن الموقع لكن داير اعبر عن اعجابي الشديد بالشخصيات التالية كل حسب تخصصه في كتابة المواضيع وطريقة كتابته بغض النظر عن االاتفاق او الاختلاف . دكين وما ادراك ما دكين وكيكي الخبير وصديقه خليل الجميل.. بلة موسي الايام الاخيرة بوستاته ممتعة للغاية بنقول ليه واصل اساسي الاساسي من المخضرمين وامتع الكتاب بالمنبر... بديك الزيت كلو في يدك ولا بهبب لي زول.. حيسين ملاسي... الوحيد الفي المنبر بشتغل بي طريقة الملفات المضغوطة حق صفحة كاملة بديك ليه في سطر.. مولانا احمد المرتضي.. مولانا بطعم الجمال والاناقة واللطافة محمد ابراهيم علي... ربنا اديك العافية دايما بتجيب من جوة محمد حيدر المشرف .. ماشاء الله تبارك الله عندك مقدرة عجيبة لتطويع اللغة وامكانية ضخمة في الكتابة الجزلة الممتعة نجوان.. كانت متألقة في مشاركتها في بوست زواج الخواجة.. مقنعة ومتمكنة وصاحبة قلم انيق ورشيق محمد الحسن سليمان... نفع الله به البلاد قريباً ان شاء الله الراجل موسوعة وعالم حقيقة طارق جبريل.. ما عشان صاحب البوست لكن جد كتاباتك خفيفة وظريفة علي النفس والروح وفيها مسحة من سماحة وطيبة اهلنا السودانيين وهبة... عينة من السوداني الواقع من السما مية مرة زول دغري وما بلاوز ود القاضي... بفهما وهي طايرة ود الصايم .. اكتر واحد في المنبر بقعد (الطعمية) قعاد صاح.. وكان جيتو مدردق بزلقا ليك عادي ود البشرى... ماشاء الله تبارك الله فاهم وواعي وعارف وبقرا كويس بين السطور خدر... من اظرف وامتع الناس في الكتابة ولعباتو وكورتو حلوة قبقراوي مرات تحنن ومرات تجنن ود الباوقة.. شغال مع ناس المنبر بي حنك سهر الجداد ولا نوموا... جيبوا حي ماينوم محمد قرشي عباس.. ياخ ماشاء الله يا بتاع كلو حاجة انت مشروع عالم سوداني كامل الدسم ربنا اوفقك واحفظك للسودان واهل السودان محسن خالد وكفي كبر راجل موسوعي ومحمد سليمان بس لو خلا حدتو واصطفافو المضاد لكل ما هو شمالي راجل متعلم وكتاب وبوستيه حق الفضاء والكون من اجمل البوستات دينا خالد اشفت بت في المنبر كتاباتها دايما في السلك عماد عبد الله .. ماشاء الله مابنقدر نوصف جمال كتاباتو اصلا عصام جبرالله كتاب جدا جدا وليد الشفت حبيب نورة.. انت مقطعة ومقددا تيسير عووضة متمكنة مثال للمراة السودانية المتعلمة عزاز شامي ماشاء الله عليها مثقفة بحق وحقيقة امتع اتنين بلعبوا الون تو ومريحين زي الاندروس .. حسبو ومورتا بقيادة الخبير خضر حسين وحسين نوباتيا وتمبس ورشا احمد مداخلاتها رشيقة وخفيفة ومحمد المسلمي لمن اقول لي دينق اختشي ههههههههههه.. تحياتي ليهم الاتنين قصي مجدي سليم قمر بوبا سمارت (أنا) وغيرهم كثير لكن الراس جايط وتحية خاصة لصاحب مقولة البائس عمر فضل المولي هههههههههههه ا خوكم . MH وتحياتي لاعضاء المنبر كافة.. ----------------- ملحوظة امس رسلت الرسالة لطارق جبرين لكن الظاهر مشت الاسبام وبكون ما انتبه ليها ، اعيد ارسالها لحضرتكم والسلام عليكم

Quote: دكتور طارق جبريل لك التحية والتجلة والتقدير وكل عام وأنتم بخير فكرة حلوة فكرة تقييم المنبر وتقييم الكتاب ... خاصة من القراء وليس الأعضاء لأن القراء تقييمهم سيكون بعيدا من المجاملات والمحاباة وكذلك فرصة لتقييم ما يكتب وينشر في هاذا المنبر العملاق الشكر لك أخي طارق جبريل وكذلك لصاحب الحوش الأخ المهندس بكري أبوبكر وكل من يسطر حرفا في هذا المنبر

Quote: قيقراوي بتاع الضهاري- الجنو جكس- أنا ما جبت أي حاجة من عندي ديل ناسكم ديل براهم بيقولوا كدة، ده راجل عميق (عد) بس بكسر العين وفتح الباء

-------

العين عرفناها ,, لكن باء (عد) ما ادونا ليها في عموم ثانويات كريعات الكبرى ,, بما فيها (عد الحاج)

Quote: سلامات طارق جبريل وكل اعضاء المنبر وتحية خاصة للزعيم بكري .. انا من المعجبين جدا بالموقع ومتابعوا من 2004 ونادر ما يمر يوم كامل واكون ما دخلت الموقع وبامانة كدا المنبر زمان كان اروع من كدا بكتير اسي زي ما بيقول واحد من الاعضاء انتو بكري بجيب الناس دي من ين عموما اسي كمان الموقع يعتبر من اجمل المواقع السودانية وفي اقلام جميلة بس ياريت بكري يحاول يضبط مسالة المهاترات والخوض في الامور الخاصة وايضاً مصداقية المنبر واي زول يورد خبر غير صحيح يجب ايقافه لثلاث اشهر الاقلام البتابعها عماد عبد الله – تاج السر الملك محسن خالد – دكين زول كتاب جدا-محمد المرتضي حامد زول كتابتوا بلسم عديل- اساسي الاساسي من الكتابين جدا – هشام ادم زول كتاب مع تحفظنا لمعتقداته--تيسير عوضة – نجوان سمارات انا مواضيعهم مميزة وحلوة – حبيب نور قلم مميز جدا – تمبس وهبة ناس حلوين جدا لو خلوا المشاكل ورش الناس J مع انو والله احيانا رشهم مفيد جدا لنوعية معينة من الاعضاء... هشام هباني وصديق الموج ليهم التحية.. وياريت يا صديق ترجع لنوعية كتاباتك بتاعت زماااااان ديك ... رمانة المخضرمة لها التحية ولقلمها الرصين ويابكري عليك الله رجع لينا بروف امين والله الزول دا وجودوا ضروري جدا في المنبر ومن اظرف الاعضاء دا بالاضافة لقوة الحجة والمنطقة العندو وكمان عزاز شامي زولة كتابة ورائعة ياريت ترجع – دينا خالد وملاسي مواضيعهم جميلة ومميزة – وبشكر دكتورة نجاة علي جهودها المميزة في خدمة الطلاب السودانيين بماليزيا ونقول ليها ما تشتغلي بناس معاوية وباقي الناس الوهم ديل . طارق جبريل كتاباتك سمحة وحنينة ... معاوية حسين زول رائع جدا مواضيعوا كلها مفيدة ود الباوقة لو خليت كتاباتك عن المؤتمر الوطني - تعليقاتك جميلة وحلوة في باقي مواضيعك – وبشيد بعلاقة دينق وود الباوقة ومداخلاتهم مع بعض رغم اختلاف الاراء السياسية .. معاوية عبيد من الاعضاء الذين ساهموا بشدة في تدهور المنبر ومصداقيته.. وعندي طلب صغير للرائع جدا صديق الموج والرائعة الدكتورة نجاة عليكم الله اتصالحوا والله انتو ا الاتنين من المخضرمين وليكم وزن في المنبر وكتاباتكم حلوة جدا بس والله ما عاجبني خلافتكم دي كلو كلو.. وبقترح للمخضرم ابو حسين يقوم بمهة الصلح لعلاقته المميزة بالطرفين.. وضاحة انتي زولة قلبك ابيض وظريفة بس بعد تكتبي مداخلتك اقريها كويس قبل ترسليها وما تستعجلي ود البشرى محمد حيدر محمد الصائم يحى قباني مميزين جدا... ولكم جميعاً تحياتي واحترامي.. احد القراء ..

Quote: اب صلعة "صغيرة" فكاها فيك وزاغ لول

Quote: أما زلتم علي ضلالكم القديم هل لازال أحدهم يدخل المنبر من بابه الخلفي واعيا أو ملططا ودون أن يرمش له جفن يبهت زميله في نفس المكان ويطعن في شرفه وسمعته ويذهب هانيا يغني وينام! هل انتهي ثأر نجاة المزعوم مع حزب بأكمله!وتملأ الدنيا ضجيجا في الفارغة!! هل لازال حسين ملاسي يتأمل أما انتهت سجارة البنقو الاسفيرية ليرحمنا من بؤس التأملات! هل لا زال أحدهم حين يفقد المنطق يرجع لتاريخ التسجيل ويصف الأخر بالبرلوم! هل لا زالت دينا تأتي بصور من قوقل وتتم حلة القطر قام في شكل بوست بحبتين لووووب ويأتي البعض حاملا خفة الدم الغير معقول..شو عليكم مهضومين هل لازالت الثورة تقوم هنا ويأتي (تقبل الله حجته وغفر له حق صفية )علاء الشايقي بالبمان وتنتهي الثورة هنا..مجرد كلكات ثورية.ويذبح الثور في وزارة الدفاع وبالصور وتنتهي الاشاعات! هل لازالت سودانيز مقبرة المشاهير والمواسير علي حد سواء وكشف الحال . هل لازالت المساحة ذاتها ابقي للاهيف يذهب يحي فضل الله ويبقي حميدة البيضة/الفاتح جبرا يفرتق ولسة ابوالحساسين يكوت الشخصي ويفكها باردة في بلد الناس مسخنة خلقة الله! هل لا زال بشاشا يكسح يا جلابة،دعوا ذلك العجوز يكتب ففي بعض حديثه حكمة وان كان كثيره مجرد غثاء هل انتهت ازمة التركينج بإنتصار بريمة فيذهب عبدالحكيم ويلهج لسان بريمة حمدا لله ويمارس اسهاله في - المرهاض- ويكتب مواجهاً دكين كلام لا في السما لا في الواطة هل لا زال ود الباوقة يصف الريس بالصقر ويزوغ من بتري والمزرعة،لا محكمة تجمعهم في اتهاماتهم ولا راجل فيهم يدي الآخر بونية! هل لا زال شوقي والشفيع ودقداق يعملون في فرقة حسب الله الكيزانية،يكذبون ولا يهمهم غير بلادة الفكر وتفاهة المنقلب! هل زال كمال عباس وعيدروس محاورين بارعين فيصنفهم الفاروغ ونقاد الفنانات بالمملين هل زال محمد سليمان يحلم بصلب الجلابة واقامة مملكة علي دينار في المتمة هل لازال منعم سليمان بعد توفيق اوضاعه في المهاجر يريد أن يقضي وطره في مروي ويضاجع في حلفا ويدلكوه في المتمة!!بنات الخرطوم نخليهم لياسر عرمان مثلا! هل لا زال تاج السر المليك ولا إسمو منو داك حتي لو قحّا يرفع بكري مقاله في صدر البورد..وتلك من حسنات بكري القليلة ويكتب الشاذلي جعفر ولا يصفق له حتي وهبة!! هل لازال البندر يمارس الشواء علي سير الناس الشخصية ويعمل جاهدا لقتل الناس رميا بالباطل ويأتون له بمقال شوقي بدري فيقطم ! هل لا زال البورداب يزورون بمعية القادمين قندهار وياخدوا صورة جنب صينية اللحمة وجردل الزبادي بسفن أب وتخيف صورهم اطفال الانترنت بتلك الدموية..ومنطمة تنادينا حبيسة تكرعات قندهار! هل لازالت المبادرات الانسانية تنجح حين تقودها النساء الحسناوات وتفشل حين يتصدرها الرجال. هل لا زال أولاد قلبا خاشين في دور الشفاتة والناس المقطعنها نحن الموردة وحي العرب والملازمين في مع انو اي كبشة من اولاد امدرمان في اي حتة كفيلة بإفشال المكان بحكاويهم عن امدرمان! هل لا زالت الاخبار المضروبة هي ديدن البورد فيذهب واصل علي ويبقي الطوربيد. هل لازال ابوحسين يتلصق في البوستات ويملا صدر البورد ببوستات فارغة ويلعب سكج بكج بلا ادني فكرة في الحياة الاسفيرية! هل زال الحبشي يلف ويدور ويدور يلف ثم تاني يتلولو ،أم الجلوس متصفحا 8 ارباع (قيراطين يعني)افيد ايها الحبشي ،أم انك تجي دغري وتقولها..لعلمك إن قلتها يرفدوك وان لم تقلها لا تعتقد ان وجودك مهم قصاد سكاتك.بالمناسبة كذب من أسماك عبقري،انت لا تجيد شي في الدنيا. هل زالت المفردات الممنوعة الشارع تجاز هنا اولا وتصير عاديا كزووووط وزعط ومعط وشحد/ه/ها. هل لا زال يقتنص بعضهم اخطاء الاخرين الطباعية والنحوية..وفي اول ملف يمسكه محسن خالد يطلع قرا لاوندي ما عربي اتساءل والله حروف انيقة ذهبت..بت قضيم شيري ملاذ عزاز و و و .. هل وسعت حروفهم رحمة الرب ام أن سبورة البورد غبارها اصابهن بجيوب انفية. وابدلهن ايقاع البورد بالكمردة والاستثناء ..وما دايم الا وجه الله أين محسن،البروف،هيثم طه اين حمور،يأخي بل أين فردا ودوما لماذت خفت لمعانهم.دكين ،خضر..أكل العيش قاسي ولا الفكرة بقت بيض وما بتحتاج.في الليلة اللطماء يفتقد البدر حتي ضحكة ود الصايم والسطر المضحك صار في قمة الوترة ..فقد الرجل بوصلة المرح ..الجي بي اس طش من قمره الصناعي. أما سأم البورداب من لمة الجمعة ومفردة تأمل والمهم وتليشة وصنفرة ووالله صحي ،سأمت الارضة جريد المنبر وانتم تكررون انفسكم،رفقا بأنفسكم قبل قراؤكم يا وهم الاسافير أو كما يقول الموهوم الهندي عزالدين. سيذهب البوشي ايضا كما كسحت ناهد ومناهل وسيبقي المترصدين من لدن طبنجة وابو الشوق ووهبة وسيذكر التاريخ يوما سودانيز كما تذكر سودانير فكلاهما يديرهم عارف. بل ان سودانيز يبقي أجمل مثال لنقص القادرين علي التمام، فالمواقع التي تأسست معها مثل مكتوب صارت شريكة ياهوو دوت كوم ومصرواي تقلب الحكومة وسودانيز يومه يبدأ بكضبة معاوية وتليّيح ابوحسين ونفخة اساسى وابتزاز البندر وتنتهى بأخطاء محمد عادل النحوية ومغامرات زهير وبراعة ذو اليد في الكتابة البلا طايل.. * أقلام مريحة وجميلة * خليل وكيكي سوا ودالبشرى والصايم كضحكونجية سوا شاهين شاهين حمور زيادة في كل الاحوال اسمارت لما تمرق من دعاية الأيفون جنابوا لما يبعد من الكورة خضر حسين بعيد عن حزبه مورتا وحسبو وطيفور وكتين يتصيدوا عادل عبدالعاطي لما يزح من الحزب الشيوعي ويكتب عن القضايا الوطنية الفاروغ لما يزح من مهاجمة البنات أساسي لما يكون صادق مع روحه ودجبرين لما يحكي شايقي أمين سليمان لما يمرق من جلباب النصيحة ناذر الخليفة احياناً عصام جبرا الله لما يتوتر ويرد لزول بفهم م ح ج ،،بعيدا عن كضب السياسة *أقلام بايخة خالص * ابوحسين لو بس خت نقطة تمبس في كل الاحوال،قداد حيدر الزين حبيب نورة في كل الاحوال قيقراوي مع ثقافته كتابته معسمة هشام آدم صبري طه * أقلام مرفوع عنها القلم * محمد عادل، بكري ابوبكر ذاتو ود عوج الردب ولا سيف منو ما بعرف،ذو اليد،زهير.زمراوي الولي، *أقلام مبدعة بطريقتها * الزول زاتو،داليا الصحفية ديك ما متذكر اسم ابوها،ايمن الطيب ،اميرة الشيخ ،صلاح عبد الله *أقلام يجب سحب الباصويرد منها * أولاد المسلمي،معتصم نيستا،فدوي الشريف،جمال محمود ،بشير دكتور الغنم،ناصر المحسي،بيريمة ادم جلل،البندر،حافط نقابو ولا اسمه منه *أقلام جديرة بالإحترام * ابوبكر سيد أحمد،حاتم علي،عفراء سند،مولانا خدرـ،أماني العجب،الشقليني،اسمارتـ ـ حسين نوباتيا،كمال عباس *أقلام نرجسية * احمد المرتضي ودكتور القرشي وخالد عويس،عبد الإله زمراوي ومعاهم كم زول كدا *اقلام ذكية * دكين،شاذلي جعفر،حسبو،الشايقي بالازرق.تيسير،راوية، * أقلا م غايبة * اكن لها كل الاحترام ..كثيرة ولا مجال للذكر التوقيع: قاريء قرفان علي بارا..الخرطوم

Quote: عتاب محب الاخوة المحترمين حيدر حسن ميرغني و طارق جبريل و اعضاء المنبر الكرام السلام عليكم ورحمة الله تعالي وبركاته اسمحو لي ان اتخذ الصدق والوضوح روحاً لرسالتي هذي ، واعذروني ان جانبت الصواب . واليكم ما ارى مع كامل احترامي لكم . تدهور الموقع كثيراً في السنوات الاخيرة وفقد بريقه الاخاذ وسحر كلمته ، وصار مملاً وطارداً للقراء قبل الاعضاء . وان سالتموني علي ماذا بنيت قولي هذا ، فدونكم المظاهر الاتية : - 1- قبل خمس سنوات كنت انفق ساعات في قراءة الصفحة الاولي فقط ، واحياناً كثيرة كنت احتار من اين تكون بدايتي ، فكل ما هنا مفيد حتي( البوستات) الاجتماعية كانت منمقة وانيقة ويتباري فيها الاعضاء في اظهار الاجمل . اما الان فيمكنك ان تذهب مطمئناً الي اخر الصفحات لتجد اصابع يدك لم تكتمل عداً في مايستحق ان تنفق وقتك فيه 2- كان من عادتي ان يكون معي ورقة وقلم لادون ما اريد ان اطلع عليه من مواضيع ، لاني اعلم يقيناً بعد فراغي من الموضوع الاول ساجد عناوين جديدة قد احتلت الصفحة الاولي لادون مواضيع جديدة في قائمة سودانيز وان سمحتم لي ان اقول معكم (مطعم الباشا ) وكل ذلك من كثرة المشاركات وثراء الحوار .. والان اصبحت اعلان( اليسا ) اعلاه مسلياً لك وانت تنتظر الجديد . ولا بأس ان تروح عن نفسك قليلاً باجمل اطلالتها . 3- غياب اقلام رشيقة وجميلة وممتعة كثيرة عن المنبر ، لاسباب مختلفة . فغاب معها الكثير من رونق سودانيزاونلاين والكثير من المظاهر الاخري التي يراها اغلب القراء حول محيطي الشخصي وربما بعض الاعضاء . ولكن لماذا ؟ ..لماذا تدهور المنبر الي هذا الحد ؟ ..سؤال اتمني منكم جميعاً ان تقفوا بصدق وتبحثوا له عن اجابة . فسودانيز ليس لكم وحدكم ، هو بيتنا الكبير الذي به نفتخر ونباهي . يكفيه ان يكون مرجعاً للكثير من وسائل الاعلام ومؤشراً لما يجري في الساحة السودانية ، ويكفيني سؤال زملاء العمل لي كل صباح وباختلاف لهجاتهم ( ماذا يوجد في سودانيز اليوم ) .. استحي ان اقول لهم لاجديد ، فانشغل بالحديث عن الاجابة ، واكتم حسرتي بخبر طريف من منبر مجاور . فيحاصرني السؤال الي اين نحن ذاهبون .؟ .. ولماذا كل جميل بسوداننا يذهب ؟ فحتي اسافيرنا تتخلي عن رونقها .. لماذا ؟ .. بحثت في عقلي عن اجابة فوجدت الكثير من الاسباب علي سبيل المثال لا الحصر : * تعنت المهندس بكري في موقف سابق مشهور افقد المنبر اعضاء كانو يثروا المكان ، وبذهابهم ذهبت الحرية وعشاقها من الاعضاء . ومن بقي منهم (عشاقها ) اصبح ضيفاً الف المكان وتراوده فكرة الذهاب . * اصبح المنبر وسيلة للتشهير او ابداء الراي في الكثير من المواضيع التي لا تهم الا كاتبها والمحيطين به ، وفي كل مكان ووفي كل مستويات الخلافات ونوعيتها . فتارة يكون اختلاف جالية وتارة خلاف حول مجلس ادارة مدرسة وفي اغلب الاحيان يكون الاختلاف شخصي . فغاب اجمل ما شكّل سودانيز (الهم العام ) . * لا ادري ماهي العلاقة ، لكن منذ البدء بتطبيق اتفاق نيفاشا وماترتب علي ذلك من احداث انتهت بانفصال الجنوب ، منذ حينها والمنبر يخبوء وميضه . ربما لانكماش دور المعارضة بعدها ، وربما لعودة بعض المبدعين للوطن (علي حس هامش الحريات ) . * تطور الاسافير وخاصة مواقع التواصل الاجتماعي وما استصحبته معها من حرية الادارة ، والخصوصية ، شكل ملاذاً للكثيرين ومتنفساً مثالياً لهم . * اصبح المنبر (شلليات ) في اغلب الاحيان ، وقليل جداً من الاعضاء من يتداخل معه الجميع ، اغلبها مجاملة ومؤازرة ، (كأنو فلان دا بلومني لو انا ما شاركت في موضوعو ، وفلان داك ماشارك معاي انا زاتي مابشارك معاهو ) . * قلة المواضيع التي تناقش فكرة عامة ، وان جاز لي التعبير قلة المواضيع الفكرية بصورة عامة . وغيرها من الاسباب ولكن ماذا بيدي انا وكل القراء غيري .؟؟ . فنحن مجرد ((فراجة) ) وقد اريناكم (العدو ) فماذا انتم فاعلون .؟ .. فانتم من صنعتم لنا هذا .. وانتم من صيرتموه هكذا .. ومسئوليتكم نحونا ان ترجعوه كما كان .. جميلاً ساحراً تستمع فيه بقصيدة مدهشة .. وتتعلم منه شئ من التاريخ ، ونعبش مع بوب مارلي قصة حياته واغنياته ... ونري حدث ما باكثر من زاوية ، ونعلم من امر السياسة ما كنا نجهله ، ونصنع صداقتنا معكم حسب حروفكم وما تخطه ايدكم ، اعيدوه لنا جميلاً او خبرونا ان نترجل هنا ونكتفي بما يحتويه الارشيف . ختاما شكري وتقديري لكل عضو علمني شيئاً كنت اجهله ، وشكري بلا حدود لمن تعلمت منهم ادب الاختلاف ، فقد علمتوني ان اتخير اجمل كلماتي في ردي علي من يخالفني الراي ، وان اسمو عن الصغائر .... لكم حبي واحترامي بلا حدود احمد عمر – ابوظبي

Quote: الأخ طارق .... تحياتي....وجهة نظري ان الموقع فقد الكثير من وقاره وجديته ....المواضيع ذات الطابع الهزلي ...والمكايدات بين الأعضاء هي الأكثر مشاهدة و تداخلآ..فقد المنبر كثير من الكتاب الجادين و المجيدين لعلو صوت المهرجلين والتكلات والتكالب المتفق عليه ...مثال ...عثمان م صالح ...ياسر الشرىف ...بشرى سليمان ...مريم بنت الحسين ...هؤلاء على سبيل المثال ...ملاحظاتي على المتواجدين ...يعجبني ود الصائم .. ود الموج ...ابراهيم النعمة ...رأفت ميلاد...منى خوجلي ...تيسير ..ورا ق (رغم انو موالي النظام لكنو عف اللسان...وموضوعي وغير فاجر في الحصومة )...لايعجبني ...تمبس...أضبح يلعب دور فتوة المنبر ..و.(بكري بجيب الناس ديل من وين )...كأنو دخل المنبر بعد امتحان....د. نجاة ...فجور في الخصومة ..وترصد لكتابات الجنس اللطيف خاصةً....غير مستعدة لأدارة أي حوار بدون شتيمة ...حسين ملاسي ..يرى شخصه أكبر من المنبر وأعضائه ..واتعجب من تداخل الكثيرين معه رغم ترفعه في الرد على غالبيتهم ................ختاماً يا ود جبريل الأعوج راي والعديل راي ...... طارق مجمود

Quote: اخونا طارق وكل اعضاء المنبر تحية واحتراما من المداومين يوميا علي دخول حوش بكري بالضرا نكوس في الخبر اليقين واحوال البلد السرقتنا منهاالغربة سنين عددا وكل عيال وعوين الحوش يستحقون النجومية معارضة وموالاه ولكن بنقول ليهم المنبر ده بيدخلوهو عذاب - بتشديد وضم الذال - واسر ونرحوهم الابتعاد عن ما يخدش الحياء ويلوث السمع, اعجبني اليوم موضوع موسي بلال عن ادب الاعتذار وربنا يصلح الحال بين صديق الموح ود نجاة ودي دعوة مني ليهم للتصافي وامتاعنا بالدرر الغوالي والشكر مطبوق استانا طارق غلي هذه اللفتة الجميلة ولكم كل الود جلال عيسي عقمان امريكا

Quote: هل لا زالت الاخبار المضروبة هي ديدن البورد فيذهب واصل علي ويبقي الطوربيد. هل لازال ابوحسين يتلصق في البوستات ويملا صدر البورد ببوستات فارغة ويلعب سكج بكج بلا ادني فكرة في الحياة الاسفيرية! هل زال الحبشي يلف ويدور ويدور يلف ثم تاني يتلولو ،أم الجلوس متصفحا 8 ارباع (قيراطين يعني)افيد ايها الحبشي ،أم انك تجي دغري وتقولها..لعلمك إن قلتها يرفدوك وان لم تقلها لا تعتقد ان وجودك مهم قصاد سكاتك.بالمناسبة كذب من أسماك عبقري،انت لا تجيد شي في الدنيا.

Quote: السلام عليكم استاذ حيدر معليش رسلت الاميل دا لي ود جبريل لكن يمكن ما وصل السلام عليكم ورحمة الله الاخ طارق جبريل التحية لك وللاخ حيدر لفتح هذه النافذه اولا رأي عن الموقع ان موقع مفيد ويمثل قاعدة بيانات ومرجع للاخبار من كافة انحاء العالم وفي كافة المجالات لكن عيبه عيب السودانيين العادي دا وهو العصبية و الخصام والعنصرية وعدم التسامح ورحابة الصدر رغم انهم سودانيين يعني بيساندوك اذا طلبت مساعدتهم او حتى دون ان تطلب ولا يرجون مقابل ؟؟؟ يعني ممكن يديك كف !! ويعزمك بارد بكل كرم المهم الكلام كتييييير وبالنسبة للاعضاء ففي بوستات اصبحت اشوف اسم كاتبها اولا ثم احدد ادخل البوست ولا اطنشوا مش لو كتب عاجل ... او شوفوني في ... أو انا اسي كنت هناك وغيرو وغيرو حاجة تانية ما حا اقدر احصر الناس الذي نحترم كتاباتهم رغم اختلافي معهم في بعض كتاباتهم ( البيسمع كدا تقول انا زول كتّاب خلاص ههههههه ) واشيد بشدة لوقفاتكم الانسانية وتفاعلكم مع الافراد والاحداث واخرها بنات الداخلية فلكم كل التحية بالنسبة للاعضاء : اولا بنفتقد جدا المحترم كانوتا و تقيمه للاشياء و فرحت جدا بعودة المعيار محمد اي سليمان وحزنت لاختفاء ماما دوما والبروف أمين و فرحت لاختفاء بعضهم و أقرأ لـــ أ/ كمال عباس الاخ تيسير عووضة :) أ/ عارف الركابي محمد ابراهيم علي حميدة د احمد امين حبيب نورة اسمارت انا ومريم بنت الحسين اكيد بلير صاحب غرائب وطرائف فيص محمد خليل المهم ... شيخ الدين جني osman musa - us محمد البشرى فايز ود القاضي محمد ود الصايم ود جبريل لما يحكي وليد الشفت ملاسي المبدع تاج السر المليك تبلدينا تمبس (عوضنا الله) معاوية حسين رجل التكنولوجيا ود المشرف اساسي صديق القاعد بعيد _____________ قيقراوي - عشان تاني تكتب في الهامش لو لقينا طريقة وسمحت لينا حنداوم على مراسلتك لانه في اسماء كتيرة اقرأ لها وسقطت سهوا التعديل لأضافة حرف :))))) Derar - بروداب الرياض 20500م بعد نافذتك دي يا ود جبريل ما محتاجين لباسوورد ذاتو

Quote: سأمت الارضة جريد المنبر

Quote: طارق إنتا اصبر

Quote: لسلام عليكم الاخ حيدر وعبرك سلام للاخ طارق جبريل اتمنى ان تكون ومن تحبون بخير وعافية اولا انا من اشد المعجبين بكتاباتك ومن المداومين عل قرائة كل ما تكتب خصوصا الكتابات باللهجة الشايقية المحببة لدي كثيرا ما تراودني فكرة ان اكتب في سودانيس اونلاين وانال عضويته لكن سرعان ما اتراجع عن الفكرة لكثرة ما اراه من مشاكل وخلافات بين الاعضاء و اقول انا مالي ومال وجع القلب خليني اقراء احسن اريدك ان توصل اعجابي لي كتاب كثيرين منه على سبيل المثال الاستاذ الفاتح مرغني دا من ارقى الكتاب في سودانيس الاستاذ محمد المرتضى والاستاذ منصور المفتاح وايضا الاستاذة دينا خالد هي من الكتاب القلائل الذين يشدك تحليلهم وتناولهم للقضايا في قالب خفيف لايمل بس دينا عندها مشكلة صغيرونة قول ليها مداخلاتتك زي ونسة النسوان جمب الباب الواحدة تقعد جوة البيت 10 دقائق وتتونس جمب الباب نص ساعة ودينا تكتب المداخلة في سطرين وتجي تلقها كاتبة تحت الخط البتعملو داك 5 سطور ههههه تحياتي ليك ولكل كتاب سودانيس اونلاين متوكل

Quote: لام اخونا طارق كزول ام درمانى ، اولاد قلبا اول تمبس ،وليد،حميدة، عمر الفاروق ، امين البروف استاذنا ومابنفوت ليهو بوست وحنسوا يرجع ، حمور ممتع فى العلم والطعمية وكذلك خدر والاتنين خدر وحمور لعبو كورة حلوة جدا فى بوست ذو اليد الشهير ومعاهم صلاح عبدالله ملاسى دكتور كبير فى السياسة والتحليل معاهو محمد ابراهيم على او ايا كان اسمه نجى لى اولاد هندسة سنايرنا : كيكى وخليل حنيه وفهم وهندسة احمد الامين معلم كبييير فى التاريخ السياسى والفنى وحاجات تانية دينا:حبوبة (بمعنى جدة) ولعابة منال : ماسورة ساى العوض: اخو اخوان ود الباوقة: كمين كبير ود القاضى: استاااااذ فى علم الجمال والبكا وحبيبنا تيسير عووضة: مريحة فى حتات كتيرة ومتعبة فى حتات اقل محسن خالد: الكتابة ذاتا محمد قرشى: مازول ساى عارف الركابى: مولانا حقيقى وضاحة: خرماجة لكن شكلها حلوة جنابو: متابعين كتابتو جدا محمد سليمان: فاهم قضيتو ومتعصب عشان الظروف العانوها اهلو والناس نايمة،لكن بشاشة ح يروحو ويروح معاو الباقين لو تابعوهو فى ماقبل التاريخ بتاعو ده كرار

Quote: يا دكتور سلام ومودة لكم جميعا الفكرة أكثر من رائعة مشاركتنا نحن القراء اول حاجة قبل ما امدح او امعط لي شخص أبدا بيك انت يا طارق (يا طلبة) والله انا لو لاقيتك في زقاق ضيق ح اعضيك في صلعتك دي ياخ معقولة قصة الطلبة في حد عاقل وعندو خنفس بزوغ منو الا كان مصلع زيك بالله ارجع كمل القصة بتاعتك ديك الأول سودانيز أونلاين ربنا يرحمه ويغفر اليه كان طيب ياخ انا ( اليوم الحار مابندار )بتاع جامعة الخرطوم تصدق طبعته كووووولها وشلتها معاي حتة مافيها نت والمبدع محسن خالد المجنون دا رجع لينا الاحساس بانو حواء السودان لم تعقر بعد من انجاب مبدعين ،طبعت رواية الرجل الكلوروفيلي سنة ٢٠٠٥ زمن ساعة النت ٣ ألف في من سودانيزاونلاين وعندك عمر عثمان (الجنابو) مرات عندو أشياء حامضة هههههه ما بتم القصة نهائي يجئ يقول من قتل كرستينا وكت ما عارف القتل كرستينا تسال مالك والي اليوم منتظرين القاتل وشكلوا ما ح يتم الا بعد فوز الهلال(الصفر الدولي) ببطولة خارجية وح ينتظر طوووويل جدا جدا كتير وود الصائم صاحب تمبس يعجبني بقول للاعور أعور أما صاحبو تمبس معاط جدن ما عارف بجيب أخلاق وصبر من وين عشان يكتب مداخلتو الطويلة ديك والمنقطة صح الصح كمال عباس سيد المبدئية فله التحية هشام هباني لو تركت العناوين ألما كويسة والله زيك مافي محمد سليمان في سبيل قضيته لا يجامل أبدا فله التحية محمد اي سليمان بحسسك زي البكتب مع ناس مجمع اللغة العربية نحنا في ملجة أونلاين أكعب شي في المنبر هو انو الناس تشوف رد الزول القدامو وبرد والله مرات بحس زي الواحد فيهم ما بقرا الموضوع أصلا بس بقرا اول رد إيجابي او سلبي وطوالي شوت علي ذلك كيكي التفكيكي وصاحبو خليل مكنتهم خفت زمان عاملين زي تيمان برقو عندهم باصات ثرو والله لمن تستغرب زي عندهم قراءة أفكار والله ياليت ان يعودا كما كان واحمد الأمين شقيق كيكي رجل موسوعة بحق والله --------------------- بكري مفروض يشطب شطب نهائي قبل التسجيلات لأنو والله في ناس ما يستحقو يكتبوا ولا في سبورة الروضة -------------- ح أجي تاني وأبد ليك من المعاط وناس قيقيا رائق

Quote: الاستاذ حيدر سلام ايميل ود جبرين ماسورة بالمناسبة.. بخصوص الموضوع كنت من القراء المدمنين للمنبر من سنين عددا .. لكن بصراحة اصبح المنبر مقرف وممل وسمج واي حاجة .. وهربوا منه الكتاب الذين كنت احرص واستمتع للقراءة لهم أمثال حمور زيادة ودوما والقمر بوبا وشوقي بدري وجبرا وواصل علي وكتاااااااااااااااار تانين شردوا منكم .. ما نشرد نحن القراء ليه؟ المنبر اصبح جايط شديد ويفترض تقسيمه الى منابر .. منبر للرياضة ومنبر للأدب ومنبر للفن الخ .. ا لمنبر اصبح بوستات مكاواة ومطاعنة واستنساخ للبوستات المنبر فيهو اعضاء قاعدين حاتلين 26 ساعة في اليوم فيهو نفس كلامهم المكرر والممل لدرجة بعرف من عنوان البوست والكاتب منو الحيتداخل وح يقول شنو .. ملل ورتابة وتكرار وكل واحد قاشر ليه ب (أفيه) متلحنا بيهو . المنبر لغته متدنية جداً كمية من الشتائم والاساءات حتى الواحد صرف النظر عن طلب العضوية للمنبر خوفاً من انه يسمع إساءات هو في غنى عنها لو أبدى وجهة نظره ساي ويفقد احترامه لنفسه ... وأكثر حاجة بتغيظ تهمة الكوزنة من المعارضة وتهمة عدم الوطنية من موالي الحكومة .. انا ما عارف الناس دي قايله نفسها شنو يعني .. المواضيع المطروحة والاخبار الخاصة بالحكومة والسودان بها كمية من الكذب والتلفيق .. ولا اعتبره مرجع لي في اي خبر داخلي يهمني .. المنبر مفروض علينا فيه كقراء مجموعة محددة سمجة وثقيلة بمواضيع محددة لا فائدة منها .. نوعية البفتحو بوست فارغ كل راس ساعة ديك. كرهنا السياسة والكلام في السياسة بسبب المنبر ده .. عموما المنبر صورة مصغرة من السودان تدني في أي شئ .. كتاب .. مواضيع .. لغة .. احترام .. الخ ........ انا بفتش البوستات بكتابها مش بعناوينها وبفتش بوستات (مع حفظ الالقاب) ابو حراز الطيب شيقوق عمر عثمان صديق الموج (بوستاته الغير سياسية) smart.ana معاوية حسين بالانجليزي timbs محمد البشرى الخضر محمد حيدر المشرف قرشي عباس طارق جبريل محمد ابراهيم علي محمد عبد الماجد الصائم jini خضر خليل حسين kabar حبيب نوره منال ام حلق ............. الكتاب ديل ما بتابع بوستاتهم اصلا هشام هباني ... كلامو كتير جداً بدون فائدة.. هشام آدم .. معاوية عبيد .. يعمل ليك علامة استفهام ويمشي ينوم .. يرجع يشاكل اول زول يعلق ليهو وتبقى الشكلة موضوع البوست .. غياظ .. هجو مختار صلاح جادات صلاح غريبة .. ارفدوهو كان المنبر يتقفل ان اشاء الله . ود الباوقه الشفيع وراق د.نجاة (في بوستاتها بتاعت المشاكل والحاجات الشخصية.. باقي بوستاتها جميلة) ميادة كمال وكتيرين تاني ........ تعجبني تعليقات ومداخلات Deng .. ملاسي .. نصر (بالانجليزي .. الزول الاخضر ابو طاقية داك ). .. عبد الوهاب على الحاج وهبة (بقعد اي زول في علبو).. . الصادق الزين .. .. شكرا اخونا طارق ابو ميدو

Quote: اولا السلام عليكم اخي حيدر حسن وعلى الاخ طارق ود جبريل واقول له يا استاذنا طارق ود جبرين :) انا من المعجبين باسلوبك القصصي الجميل وكل الشكر لك لاتاحة هذه الفرصة لنا معشر قراء سودانيز لنشارك برأينا في منبرنا المفضل والذي نحن محرومون من المشاركة فيه لكننا نقرأ ونتداخل معكم بقلوبنا حتى بتنا نحفظ اسماء وكتاب سودانيز اونلاين وربما اكثر من كثير من الذين هم بالفعل اعضاء في سودانيز اونلاين بالنسبة لي يمثل سودانيز اونلاين مصدري الاول لاخبار السودان ولمعرفة حالة الساسة والسياسة والوطن والمواطن في كل جوانب الحياة الاخرى لكن المنبر في الاونة الاخيرة اصبح منفرا لاسباب عدة اجملها في هذه النقاط: اولا انتشار الاخبار المفبركة والشائعات بصورة كبيرة مما اضر بسمعة المنبر ومصداقيته فبعد ان كان المنبر مصدرا للمصداقية والاخبار الاكيدة التي لا تتوفر في اي مكان اخر اصبح المصدر الاول للشائعات والاخبار المفبركة ثانيا انتشار الاخبار ال########ة ومقاطع الفيديو واصبح المنبر اشبه بموقع اليوتيوب وليتها كانت مقاطعة مفيدة ولكنها مقاطع لا فائدة منها ومكررة لا يستفيد القارئ منها شيء ثالثا قلة المواضيع الدسمة والمفيدة التي تقدم فائدة حقيقية للقارئ مع ان المنبر يحفل بالكتاب الذين لا تقصهم المعرفة ولا الدراية رابعا انتشار الخلافات بين اعضاء المنبر وشغلها لحيز كبير من المواضيع وظهور ظاهرة تخريب المواضيع من اجل امور شخصية وهذه الظاهرة اضرت وستضر كثيرا بسمعة المنبر ما لم يتم حسمها من قبل صاحبه بكري ابوبكر والذي اتمنى ان يتصدى بقوة لهذه الظاهرة حتى لا تستشري في المنبر فتضر الاعضاء والقراء على حد سواء . خامسا أستشراء ظاهرة العناوين المثيرة المخالفة لمضمون الموضوع فتجد عنوان الموضوع خبري وربما يحمل كلمة عاجل في احايين كثيرة وعندما تلج الى الموضوع تجد بداخله فيديو يعود لعامين قبل تاريخ البوست وتكرر هذا الامر من اعضاء كثر بالمنبر ولكن احدهم اصبح هذا الامر ملازما له فصرت عندما اجد انه كاتب الموضوع لا ادخل له مهما كان عنوان الموضوع مثيرا لكثرة تجاربي المريرة معه واتمنى ان يبعد الاعضاء عن هذا الامر لانه يفقدهم مصداقيتهم امام القراء . بخصوص الكتاب في المنبر انا عموما تعجبني المواضيع المفيدة والتي تحمل في طياتها التحليل والمنطقية والعقلانية والحياد فتفيد القارئ ولا تضيع وقته بغض النظر عن كاتبها ولكني استمتعت ايما استمتاع ببوست الاستاذ عبدالمحمود محمد عبدالرحمن بعنوان دردشة اقتصادية لدرجة اني احتفظ بالبوست لدي لاطلع عليه كلما واتتني الفرصة يعجبني ايضا من الاعضاء احمد موسى ودكتور محمد حسن والاستاذ الهادي هباني وغيرهم من الاعضاء والكتاب و اود ان ارسل رسالة عبرك لود الباوقة حابي اقول ليه فيها انو من اكتر الكيزان الذين اتابع كتاباتهم وارى انه لا يشبههم. شيئ اخير احب ان اؤكد عليه وهو المصداقية وتحري الصدق في الاخبار لان المنبر كما اسلفت يمثل للكثيرين المصدر الاول للاخبار والتحليلات ولكنه بداء يفقد مصداقيته شيئا فشيئا واذا استمر هذا الامر فسوف يفقد تأثيره الذي تميز به ولن يكون هنالك فرق بينه وبين اي منبر اخر وقد لايكون هذا الامر واضحا بالنسبة لاعضاء المنبر لانهم يعرفون اصحاب الاخبار الصحيحة من اصحاب الشائعات والتهويل ولكن بالنسبة للقراء فهم لا يعرفون هذا . تعريجة استاذنا ود جبرين باقي قصة حب في قطر كريمة وين انا فتشت اكتر من تلاتة منتديات عشان القى باقيها ما لقيتو ياريت تكمل لينا القصة يااااخ :( اخوكم المتابع الدائم للمنبر محمد الصديق احمد ملاحظة: ارسلت هذه الرسالة مرتين للاستاذ طارق جبريل لكن لم تظهر لذا اعيد ارسالها للاخ حيدر حسن

Quote: abu_alabama: معزره ورد اسم الاخ جلال جبريل لان الرساله كانت له عندما فتح طاقه للقراء وقام بكرى بقفل البوست وارساله للخور والله يعينك وكمان الاسماء فيها شبه طارق جبريل وجلال جبريل ولك مودتى ابوبكر يوسف

Quote: عدت ولدى بعض الملاحظات وسوف استخدم كلمه بعض كثيرا تفاديا للتعميم وبعيدا من التشخيص واملا في نقد بناء ولست ناقدا بل قارىء برىء من الذين زكرتهم فى افتتاح البوست انا ممن اعجبتهم بوستات البعض وفقعت مرارتهم بوستات بعض من جمله ما استطعت قرايته من البوستات الجميله والرايعه والمفيده جدا بوست صلاح نزلاوى تجربتى مع الابقار الحلوب واتمنى ان يحذو حذوه من لهم تجارب فى مجالات اخري وان تكون هناك صفحه جازبه لمن لهم الخبرات وخبرات فى مشاريع ناجحه تنفع البلاد والعباد بعض الكتاب والضليعين في مجالهم ابدعواؤفو وكفو ان كان سياسه ولا مجالات اخرى ابراهيم عدلان والطيران المبدع الموصلى والموسيقى على سبيل المثال لا الحصر يلتقى كل هذا الكم الهايل من ابخبره والدراسه المتخصصه والاسلوب الرايع فى تناولهم لها مع بعض المتداخلين بلا معلومات ولا اسلوب بل بلغه احيانا تنم عن انهم يقتلون وقتا ويستمتعون بالكتابه والرد من اجل الكتابه ويضيع وقت القارىء بلا فايده البعض يذهب الى طريقه الجدل البيزنطي الذي لاطايل منه والبعض الاخر يفلس وتتغير اللغه الي تهديد ووعيد على شاكله كان راجل تعال بى هناك البعض يلجا للسخريه وخصوصا الاعضاء الجدد لما لهم من اخطاء وعدم خبره فى التعامل مع بعض الاساليب بتاعه النشر ورفع الصور والكوبي بيست ولابد ان تنهرش كعضو جديد مشاغب كل هذا كوم وكوم اخر الكضابين ديل بفكوها وما خايفين من القبض لانو المنبر مافى زول اترفد منو لخبر كاذب اتى به بليل او فى وضح النهار والعقوبه الوحيده ح ثكون انه كتب عند القراء كضابا ودى ما بتهمهم قبل ما اقول لنا عوده لا اطالب برفع البوست لانو ليس لى الحق ولكن اطالب بالابقاء عليه مفتوحا اتمنى من الاخوه مرسلى الايميلات يبعدو من الناس باسمائهم لانو الناس بتتقابل فى مناسبات كثيره ومهما كنت ممغوص طول بالك لانو البورد ده وده رايى ساحه وغى وفيها محاربين اشداء متهم من يستخدم اساليب واسلحه محرمه اخلاقيا ارجو العفو والسماح لم اقصد اشخاص بل نقد عام واتمنى ان القاكم فى بوست اخر يسمح فيه بالابحار للسفن غير المرخص لها ساحاول ما استطعت ان اغتنم فرص مثل هذه التى جاد بها وله الشكر ولكم جميعا من امتعنا ومن فقع مرارتنا لانه وفى الاخر كلنا السودان سلام ابوبكر يوسف

Quote: ح أجي تاني وأبد ليك من المعاط وناس قيقيا رائق

-------

للذكرى ,, فهي تنفع المؤمنين ,, والما مؤمنين

اخوكم يتيم

ونقد اليتيم لا يجوز الا بالدرهم والدينار ,, ولو جاب دولار لا مانع لدينا
المافي شنو!؟

Quote: طارق الزول دا تاني ما تديهو فرصة ,, كفاو شبع هو!؟

Quote: الأخوين طارق جبريل وميرغني تحايا وأشواق أنا من المتابعين اللصقيين جداً لموقع سودانيز اون لاين واتابع كل ما يتم طرحه في المنبر العام خصوصاً... مسالة اختلاف الاعضاء في المنبر شي طبيعي بس الماطبيعي الفجور في الخصومة وشخصنة الامور والقضايا العامة والامثلة كتيرة جداً ومبادرة لم الشمل بين الخال صديق الموج والخالة نجاة دي بادرة ممتازة نتمنى ان تمتد لتشمل كل المتخاصمين في المنبر لانو ماف شي بستاهل اصلاً وعمرنا ده اقصر مما نتخيل وكلنا قبل اليوم فجعنا برحيل الرجل الوقور محمد عبد الرحمن عشان كده خلوها مبادرة عامة للصلح بين كل المتخاصمين الطوربيد معاوية وود البشرى المخضرم وهبة والناظر هباني والصادق بالنسبة للاعضاء المميزين اعتقد انو ( قيقراوي) نمبر ون راجل محترم جدا ً وقلم واعي ويدرك ما يكتب ..استمتع بكتابات وردود المخضرم (وهبة )خصوصا انو هلالابي ..الفونسو حسين ملاسي راجل بارد بس بتعجبني الردود حقتو ..محمد عبد الماجد الصائم ده راجل حبوب وبخش في قلبك بدون ما تحس تمنيت ان التقيه هو والاخ قيقراوي وبنتلاقى كان الله طوّل في عمرنا ان شاء الله . عندكم زهير وعباس الفحل ديل ما شايف ليهم حل غير الكنبة تسخين ساي ما بخليهم يسخنوا وكان فكيتوهم في التسجيلات الشتوية دي تكونوا ما قصرتوا تب ومعاهم صلاح غريبة والله ده نجضنا نجوض في الفيس بوك ابتسامةابتسامةابتسامة من المميزيين ايضاً والمحبوبيين : 1- معاوية المدير راجل ظريف وعفوي ومحترم . 2- محمد ابراهيم علي 3- سمارت أنا (عندها مواضيع مميزة ) 4- تمبس 5- النصري أمين 6- حبيب نورة وطارق جبريل وود القاضي ( اه منكو يا ولاد النيل يا عفاريت )

Quote: رسلتها مرات كتيرة..؟؟؟ الظاهر ما وصلك الاخ طارق جبريل شكراً على هذه الفرصة لقراء سودانيزاونلاين هناك عدد من الكُتاب المميزين في سودانيزاونلاين منهم صديق الموج أفضل من وثق لاغاني الحقيبة ود الصايم احسن من يتداخل بروح الدعابة الفاتح ميرغني بوستاته متميزة وغزيرة بالمعلومات والاكثر قراءة وجمالاً دينا خالد اذكى كيبورد نسائي الطيب شيقوق الاكثر شعبية في سودانيزاونلاين امنة مختار أشجع كيبورد فيصل محمد خليل ملك التفرد تراجي مصطفى تتمييز بالمصادمة لك الود الاحترام رانيا مبارك "لندن"

Quote: بالنسبة للاعضاء المميزين اعتقد انو ( قيقراوي) نمبر ون راجل محترم جدا ً وقلم واعي ويدرك ما يكتب