دعواتكم لزميلنا المفكر د.الباقر العفيف بالشفاء العاجل
|
|
 بورداب المغرب يستعدون لعواسة الآبري
|
عكس كل التجمعات البوردابية الكرتونية وحلاوة قطن
ارتأينا ان نطلع القارئ العزيز على خطواتنا وتجهيزاتنا للشهر الكريم
تقرر الشروع في تجهيزات رمضان الكريم من الان
أولا الحلو مر:
- الزريعة: صلاح الأحمر
- تنظيف البهارات (ربع رطل شمار-ربع رطل كزبرة ،ربع رطل جنزبيل ، نصف رطل قرفة، ربع رطل هبهان ،
ربع رطل غرنجال عود(عرق) احمر)،ربع رطل كمون ،2 وقية حلبة،
رطل عرديب (تمر هندي) ، رطل كركدى): امير الرفاعي (الاميرال)
- سحن البهارات وتخلط جميعا (عدا العرديب): ناجي عز الدين
- تحضير العجين: حاتم ابراهيم (المتصفح)
- الكوجين: عمر عبد السلام
- العواسة: طارق جبريل
- ناصر: تجهيز وتمطير التمباك للناس الشغالة
وسنوافيكم ببقية تفاصيل التجهيزات
والموت والردى للتجمعات البوردابية الهلامية الأخرى
|
|
 
|
|
|
|
|
|
|
 Re: بورداب المغرب يستعدون لعواسة الآبري (Re: الفاتح ميرغني)
|
طارق : الله يديك العافيه .....اضحكتنا بشده.
وكل سنه وانتم طيبين ملومين علي الخير .
عواسة حلو مر عديل كدا .....غايتو بالغتو والبالغ اكتر اللي رسل ليكم وصفة الحلو مر .
وانشاء اللع المغربيات يشوفو المنظر دا ...حيكون رد الفعل :
OH LALALA
MON DIEW
| |
|
|
|
|
|
|
|
|
|
Re: بورداب المغرب يستعدون لعواسة الآبري (Re: Mahassin Ibrahim)
|
Quote: طارق : الله يديك العافيه .....اضحكتنا بشده.
وكل سنه وانتم طيبين ملومين علي الخير .
عواسة حلو مر عديل كدا .....غايتو بالغتو والبالغ اكتر اللي رسل ليكم وصفة الحلو مر .
وانشاء اللع المغربيات يشوفو المنظر دا ...حيكون رد الفعل :
OH LALALA
MON DIEW |
بت اهلي الحنان
ياخي المغربيات ديل بيلغفوا وخلاص... هم لاقيات وين نكوجن ليهن كمان
| |
|
|
|
|
|
|
|
|
|
Re: بورداب المغرب يستعدون لعواسة الآبري (Re: Soumeta)
|
Quote: عاد يا طارق بعتر ليك كان ما مسكت لي
كورة خُراتة بي السكر و السمنة،،
يا حولااااااااا نفسي دخلت في الخُراتة جد جد
الله يجازي كوجينكم السواها فيني!
|
وحات الله يا سوميتا انا متوحم رسمي علي الآبري دة
ونفسي أقرضلي طرقايي منو
| |
|
|
|
|
|
|
|
|
|
Re: بورداب المغرب يستعدون لعواسة الآبري (Re: طارق جبريل)
|
قريبى وحبيبنا ودجبرين، كيفنك ياأخى ، أن شاء طيب مع الوليدات، تضامنى الكامل معكم فى هذه المهمة الجميلة الشاقة، لكن برضو حلومر البلد زى مافى ، ياليت الاهل يرسلوا ليك منو ، أنا أحتفظ بكمية من عامنول ، أحتياطى لأن صيام بل حلو مر ماليهو طعم، مودتى .
| |
|
|
|
|
|
|
|
|
|
Re: بورداب المغرب يستعدون لعواسة الآبري (Re: حبيب نورة)
|
| Quote: مع انه الرقاق دة زي مخاتة الشافع الناشفة |
يا طارق والله انت ده مجنون عديل كده
وبعدين ياخي الكترابه دي تكوجنوها ببهارات المغرب الشوفتها ديك علي الايمان لو عملوتها في الرباط ريحتها تطق في ناس (ابوزنيقه)
المره الجايه لو جيت بجيب معاي (القرقريبه) والقرنجال
| |
|
|
|
|
|
|
|
|
|
Re: بورداب المغرب يستعدون لعواسة الآبري (Re: Elsanosi Badr)
|
Quote: وبعدين ياخي الكترابه دي تكوجنوها ببهارات المغرب الشوفتها ديك علي الايمان لو عملوتها في الرباط ريحتها تطق في ناس (ابوزنيقه)
المره الجايه لو جيت بجيب معاي (القرقريبه) والقرنجال
|
اوووه ود السنوسي صديقنا (ابن الصحراء)
ياخي المغاربة ديل خلينا ليهم الحاجات التانية
ناس الشباكية والمخرقة والرغايف وانت ماشي
| |
|
|
|
|
|
|
|
|
|
Re: بورداب المغرب يستعدون لعواسة الآبري (Re: الفاضل يسن عثمان)
|
انت ياطارق ماعندكم ؟؟
حاجات ومشروبات افرنجيه وكده 00 ؟؟؟ ياااااااااااااااااااااااااااى خالص خالص0
ابرى ده شنو ده؟؟؟؟ ممكن نرسل ليكم من جدة وكده عصائر مبااااااااااااالغة ؟؟؟ بس رسل مقاس التلاجة ؟؟؟
غايتو؟؟؟ قلوبنا وعصائرنا معاكم ؟؟؟ جااااااااااااااااااااااااااااااااو
| |
|
|
|
|
|
|
|
|
|
Re: بورداب المغرب يستعدون لعواسة الآبري (Re: الطيب شيقوق)
|
حبيبنا ود جبرين ,,, تحياتي وسلامي
عليك الله يا طارق انت خليت للعواسة شنو,, ماك مدردرنا
بالقرقريبي كل يوم ,,, نخجي وبكي طول الليل وبت الشيخ
أمس كملت الناقصة,, يا أخي تصوموا وتفطروا علي خير
وسلامنا للوليدات وكل الحبان بطرفكم ورمضان كريم مقدما.
محبتي
| |
|
|
|
|
|
|
|
|
|
Re: بورداب المغرب يستعدون لعواسة الآبري (Re: سيف الدولة كامل)
|
Quote: حبيبنا ود جبرين ,,, تحياتي وسلامي
عليك الله يا طارق انت خليت للعواسة شنو,, ماك مدردرنا
بالقرقريبي كل يوم ,,, نخجي وبكي طول الليل وبت الشيخ
أمس كملت الناقصة,, يا أخي تصوموا وتفطروا علي خير
وسلامنا للوليدات وكل الحبان بطرفكم ورمضان كريم مقدما.
محبتي
|
حبيبنا واستاذنا سيف ياخي كيفنك ووليداتك
يا عزيزي والله انا لمن شفتة بت الشيخ ((كوجنتكم)) قلت مافي داعي انزل الاغنية العندي دي
خفت عليكم من العواسة
| |
|
|
|
|
|
|
|
|
|
Re: بورداب المغرب يستعدون لعواسة الآبري (Re: معاوية عبيد الصائم)
|
Quote: انت ياطارق ماعندكم ؟؟
حاجات ومشروبات افرنجيه وكده 00 ؟؟؟ ياااااااااااااااااااااااااااى خالص خالص0
ابرى ده شنو ده؟؟؟؟ ممكن نرسل ليكم من جدة وكده عصائر مبااااااااااااالغة ؟؟؟ بس رسل مقاس التلاجة ؟؟؟
غايتو؟؟؟ قلوبنا وعصائرنا معاكم ؟؟؟ جااااااااااااااااااااااااااااااااو
|
يا معاوية ياخي العصاير الهنا دي ما لاقية اليشربها كدي قول بسم الله
بعدين جدة حقتكم دي يمين حج ما امر بيها
| |
|
|
|
|
|
|
|
|
|
Re: بورداب المغرب يستعدون لعواسة الآبري (Re: الفاضل يسن عثمان)
|
Quote: دي الشغل النافع مع صديقي الورطة، بس ما يكتر العطرون اصلو دايش.
|
هو دي ذاتها يا ريت يجضمها ما يتمها نحاس وسيخ
Quote: رسل مقاسات القمصان وحجم علبة العسل مسلم قادم اليكم.
|
يا زول كتر من العسل بقى عندنا طفلين
ولو فيها قمصان كتر من التي شيرتات ياخي الدنيا صيف
تحياتي لي بت مدني والصغيرة
محبتي الاكيدة
| |
|
|
|
|
|
|
|
|
|
Re: بورداب المغرب يستعدون لعواسة الآبري (Re: omer abdelsalam)
|
Quote: اشرف السر
كلامك صاح
طارق جبريل خلى لى الكوجين
وانا ماعندى حيل عليهو
امبارح جيت من عند الطبيب واللياقة واقعة
بالله ياشرف كلم طارق يشوف لى شغلة تانية غير الكوجين ده
كان عاوزني اجي اضوق واشوف العينة في النهاية ماعتدي مانع |
شوف يا ابو انس سحسحة اولاد الصحافة دي ما معانا
| |
|
|
|
|
|
|
|
|
|
Re: بورداب المغرب يستعدون لعواسة الآبري (Re: طارق جبريل)
|
كل سنه والجميع بخير وربنا يجيبو ويعيدو بالعافيه والسلامه ، وطارق ربنا يديك العافيه بس عندنا هنا طلبات عواسه وبما انك انت العواسه فانا بقترح انك تاخد اجازه وتجي تعوس هنا في دفع تقيل والمقاوله بالجردل وحا ابقي مديرة اعمالك اها رأيك شنو؟؟
| |
|
|
|
|
|
|
|
|
|
Re: بورداب المغرب يستعدون لعواسة الآبري (Re: هويدا شرف الدين)
|
Quote: كل سنه والجميع بخير وربنا يجيبو ويعيدو بالعافيه والسلامه ، وطارق ربنا يديك العافيه بس عندنا هنا طلبات عواسه وبما انك انت العواسه فانا بقترح انك تاخد اجازه وتجي تعوس هنا في دفع تقيل والمقاوله بالجردل وحا ابقي مديرة اعمالك اها رأيك شنو؟؟
|
ما عندك اي مشكلة بس جهزي الركشات للدلفري
| |
|
|
|
|
|
|
|
|
|
Re: بورداب المغرب يستعدون لعواسة الآبري (Re: امير عوض الجمري)
|
Quote: جد لو عايز حاجة من هنا حاضرين والله
فول شمالية
بلح شمالية
ديل عندنا مجانا
وأظن الشحن ما غالي عشان تتحسس |
والله كلامك دة ذكرني نكتة واحدة شايقية مقيمة في الخرطوم وعندها عمها جا من كريمة زيارة وبدأ يحكي ليهاعن أحوال البلد.. والبت الغبيانة بتسأل عمها تقول ليها يا عمي أبوي ما أداك سمن لي ،وأبوها دة شغال صياد سمك.. المهم عمهاماجاب ليه السمن وبقى يطرطش ليها في الكلام .. ويقول ليها :ناس البلد كلهم طيبين وأخوك نجح وسولو الحفلي وعزمو ناس الحلي .. وهي تقاطع الكلام وتقول ليهو يا عمي أبوي ما أداك لي سمن .. وعمها وكت زهج خلاص قال ليها يا بت أنتي مطرطشي أبوك يحلبلو سمكي ...
| |
|
|
|
|
|
|
|
|
|
Re: بورداب المغرب يستعدون لعواسة الآبري (Re: طارق جبريل)
|
| Quote: بورداب المغرب يستعدون لعواسة الآبري |
كدي كدي كدي حال السرور ..
اصلى رمضان ده الحلو مر حقى مطرطش بعد امي ما عارفه مقبل وين ..
اها يا قريبى ترسل لي من حلو مرك ده بال DHL والحساب على ..
ياخ كل رمضان وكل حلو مر وكله عواسة وانتم غير طافشين ..
| |
|
|
|
|
|
|
|
|
|
Re: بورداب المغرب يستعدون لعواسة الآبري (Re: عفاف الصادق بابكر)
|
Quote: كدي كدي كدي حال السرور ..
اصلى رمضان ده الحلو مر حقى مطرطش بعد امي ما عارفه مقبل وين ..
اها يا قريبى ترسل لي من حلو مرك ده بال DHL والحساب على ..
ياخ كل رمضان وكل حلو مر وكله عواسة وانتم غير طافشين .. |
افوووو قريبتي كلها ما عندها حلو مر
يجيكي لحدي عندك وبالمزيكا كمان
| |
|
|
|
|
|
|
| |
طارق جبريل
الفاتح ميرغني
ناصر جبريل
حليمة محمد عبد الرحمن
معاوية عبيد الصائم
ياسر بيناوي
عبدالمجيد المقابل
Amani Al Ajab
Soumeta
GamarBoBa
معاذ حسن
omer abdelsalam
اشرف السر
هاشم محمد الحسن عبدالله
عامر تيتاوى
حبيب نورة
Elsanosi Badr
MOHAMMED ELSHEIKH
الفاضل يسن عثمان
محمد عبد الماجد الصايم
مرتضى احمد عبد القادر
Yasier Elsayed
خضر الطيب
khaleel
الطيب شيقوق
سيف الدولة كامل
ابو جهينة
هويدا شرف الدين
امير عوض الجمري
عادل عوض بلال
عفاف الصادق بابكر
فيس بوك
تويتر
انستقرام
يوتيوب
بنتيريست