دعواتكم لزميلنا المفكر د.الباقر العفيف بالشفاء العاجل
|
|
 بلالي متين يجي... خم رماد
|
اعفص هنا:
الله ان جابك يا عشاي
وحات الله الاغنية دايرالا فسحتا كبيري
واقول لي سفنجاتي ديل كدي وارميهن
وابدا النقزي والصفاقين جارين وراي
وعمتي تتطاير من هني لا هني
وانا شغال اترتر بي رجليني
لامن اتهرد زين واتفشى
كدي آآيمة اريتو حالي وحالكم
تصوموا وتفطروا علي خير
نحن باقي فلاتتنا المغاربة دي لليلي ما بدوا يشوفوا في الهلال
اصلو شيتُن كله كتور
|
|
 
|
|
|
|
|
|
|
|
Re: بلالي متين يجي... خم رماد (Re: طارق جبريل)
|
الله إن جابك يا عشاي
جيبلي راس سكر وتمنة شاي
نصه للبنوت المعاي
نصه لي أمي حبيبة قساي
بلالي متين يجي آآآيمة
*****
الرسول يا ود عمتي
إن دُرتَ راحتي
إن دُر جمتي
رسل التسريح اللجي
بلالي متين يجي آآآيمة
نركب البيسابق الريح
نمشي في الخرطوم نستريح
الخدامة تسوي التبيخ
وكل جمعة نزور الضريح
بلالي متين يجي آآآيمة
*****
الرسول يمة البدايي
قولوا لامي ماني جايي
كنا نشرب لبن السعايي
بقينا نشرب لبن الشرايي
الميي بالماسورة جايي
تبيخنا في الحلة أم غتايي
بلالي متين يجي آآآيمة
| |
|
|
|
|
|
|
|
|
|
Re: بلالي متين يجي... خم رماد (Re: طارق جبريل)
|
Quote: منال كيفنك
تحت اعفص هنا حا تلقي رابط اعفصيهو
حا يطلع ليك صديق احمد بيغني: بلالي متين يجي آآآيمة |
عفصته
قالو لى الليله لوقلتى الروب مابتسمعيها
الا تسجلى (وش حزين )
لكن كدى ورينى هى شايقيه (بقصد الاغنيه)
عشان آآآيمة دى ...
| |
|
|
|
|
|
|
|
|
|
Re: بلالي متين يجي... خم رماد (Re: طارق جبريل)
|
Quote: اتعلمنا من غناهن سر المحنة اتعلمنا كيف نرحم اهلنا
واتعلمنا انه الوطن ياهو الربيت فوق قيزان هواهو
وياهو نسمة صيف حميمة
وياهو زولا جاك عصير
وبرضو كمان يا بت الشيخ, ربي يديكِ الصحة والعافية.
غناهم يعتبر سحارةحفضولنا فيها موروث, وعادات, وتقاليد
سمحة زي سماحة أهلنا. عليك الله شوفي الكلام ده, محفوض في
السحارة مع الربع, وعقد الجلاد, والجورسي, والزمام اب رشمة,
والحريرة, والضريرة, ريحتو زاتها ريحة السحارة, ريح الصندل,
والمحلبية, والسرتية, والشاف, والكليت, ريحة الحبوبات
والأجداد:
الرسول يا ود عمتي
العراقي خنق رقبتي
الزمام شبالاتو سِتِ
وأم برك تمسح لى الوشي
والمطارق لا صُرتي
والحِجل والعاج كمان في
وجاب لى جلابي جورسي
قال لى سمي وشيلي البسي
وقال لى حق الناس أملصي
وجاب لى توباًإسمو بنقال
وجاب لى كركب في البيت غيار
وجاب لى فركة دموع التجار...
ود جبرين رمضان مبارك عليك...
ده إقتباس من مداخلتين عملتهن في بوست(يا نسمة) إنت ما رديت
عليهن, با قي المنبر الأيام ديل محمول بالحيل يا العشا أب لبن,
البوست دوب ما مشيت بليت رِيقك وجيت يكون كسح بقى في طرف الجزيرة.
ربنا يزيد ويبارك...
http://www.albawga.com/forums/showthread.php?p=426#post426
سجل لينا زيارة هنا بمناسبة رمضان يا ود جبرين, وتكون مشكور...
(عدل بواسطة معاوية المدير on 08-20-2009, 10:09 PM)
| |
|
|
|
|
|
|
|
|
|
Re: بلالي متين يجي... خم رماد (Re: خضر حسين خليل)
|
خم رمـــــــــــــاد شنو..يا ود جبرين!!؟
اكان ما سمعنا زي ده,الرمـــــــــــــــــــادة في خشمنا!!
صوم ساي...
وخليك من شوفة الهلال...
هسي بعد (بلالي) دي...عليـــك الله راجيلك طلوع هلال!!
كل سنة و انت و الاسرة بالف خير...
ورمضان كريم..
___________
بس ما تكتر من الطاجين و الحلويات المفربية...وابعد من الكسكسي و الشاي الاخضر..وشوربة الحريرة
| |
|
|
|
|
|
|
|
|
|
Re: بلالي متين يجي... خم رماد (Re: خضر حسين خليل)
|
Quote: الرسول يا ابن الخال والعم والوالد
انت بتنكت الحاجات دي من وين
ياخ الله يعلك ياطارق
يعلك بي حاجة سمحة بتشبهك
|
ود ناس حسين خليل
كيفنك آآآيابا
الرسول ان ما بقيت مشيت علي السوق الشعبي
وبتاعين العصير ديك ويخلطلك جوافة قدامك
وشرطا يدق المصفاة في جك الخلاطة ككك ككك ككك ودي اهم حاجة
وتشربها باردة وتقول دي لي ود جبيرين المسنوح
| |
|
|
|
|
|
|
|
|
|
Re: بلالي متين يجي... خم رماد (Re: معاوية المدير)
|
Quote: ود جبرين رمضان مبارك عليك...
ده إقتباس من مداخلتين عملتهن في بوست(يا نسمة) إنت ما رديت
عليهن, با قي المنبر الأيام ديل محمول بالحيل يا العشا أب لبن,
البوست دوب ما مشيت بليت رِيقك وجيت يكون كسح بقى في طرف الجزيرة.
ربنا يزيد ويبارك...
|
وحاتك يا ود المدير البوست محل غتس ماني عارفه
باقي المنبر الايام دي علي الدميري وبحرو قايم
مشيت اخدتلي خفسي علي منبر الباوقة
توثيقكم جميل يا الحبيب
يا ريت تستمروا فيهو
| |
|
|
|
|
|
|
|
|
|
Re: بلالي متين يجي... خم رماد (Re: مزمل خيرى)
|
| Quote: هاك يا ود نمر فطور المغاربة كيف |
في داعــــــــــــي لي متل ده!!
مالك مشحتف روحي,انا اصلي ضايق اكل المغاربة,و بالذات بعملة سمك مجنـــــــــــون!!
الا يا اخوي..
صفرتكم دي ما فيها(حرف) قراصة...و لا حتة عصيدة...
______________
بالهناء يا حبيب و تسلم يد ام العيال
| |
|
|
|
|
|
|
|
|
|
Re: بلالي متين يجي... خم رماد (Re: مزمل خيرى)
|
Quote: طيب أنت برضو اعفص لينا فى الفيس بوكـ ..!
|
عفصنا ليك زماااااااااااااان
هي يا مزمل لو الاكواد رجعت كان قلنا ليكم اعفصوا هنا
الاكواد ما رجعت يا الحبيب نحن شغال امفكو ساكت
| |
|
|
|
|
|
|
|
|
|
Re: بلالي متين يجي... خم رماد (Re: سيف الدولة كامل)
|
Quote: حبيبنا \ طارق جبرين
رمضان كريم وكل سنة وانت طيب ,, ربنا يخلي اولادك ويحفظهم
يا ود جبرين خم الرماد خشم بيوت
معزتي
|
حبيبنا استاذ سيف
ياخي رمضان كريم ،كل سنة وانت طيب والوليدات بالف خير
عاد نحن يا استاذي نقزينا نقزي شوايقة بس
| |
|
|
|
|
|
|
| |
طارق جبريل
حيدر حسن ميرغني
معاوية المدير
عبدالوهاب علي الحاج
خضر حسين خليل
الطيب شيقوق
هواري نمر
مزمل خيرى
محمد عبد الماجد الصايم
سيف الدولة كامل
ياسر عبدالكريم محمد
فيس بوك
تويتر
انستقرام
يوتيوب
بنتيريست