دعواتكم لزميلنا المفكر د.الباقر العفيف بالشفاء العاجل
|
|
 براد «الأشعة» وصابونة «لوكس»
|
10:23 AM Apr, 19 2015
سودانيز اون لاين
طارق جبريل-المغرب
مكتبتى فى سودانيزاونلاين
أيام الطُلب ديك.. أيام الحاجات اللذيذة ديك و«سِحِر» العمارات وبعد ما حبيبنا عوض كريمة جضم أموره..
أها يا الحبان طاقت القدر انفتحت مع إني ما قاعد أشرب شاي أحمر...
لكن اول يوم الجكس وكت الضحوية ديك والشمس في نص السماء شغالة تهري فينا نادا عوض وأداهو صينية سمممممممممممحة وتلمع كدة فيها براد شاي وخمسة كبابي..
عوض جاب ليه طوبات كدة وختة الصينية والبناي مشى يغسل يده.. أنا قعدت مبلم وأعاين في البراد والكبابي.. والبراد النوع القزاز داك وتشوف الشاي جواهو..
أول مرة في حياتي أشوفه والكبابي ليهن «فَنسَة» كدي في آخرن بس زي نص العروس وهي بترقص «قلابة قلبي قلاااااااااااااابة»...
وعلي العليهن الكبابي مختوتات في صُحانة صغووويرات كدي ذكرني أهلي في شبا وكتين يشوفولم ولد خواجة في التلفزيون تلقى الشُفَع صاقعين: إيييي عان الخويويج...
عوض: انت مالك كاضم كدة عارفك ما بتشرب شاي احمر وجنك شاي بي لبن مقنن
- لا يعني هسي دة براد
- ههههههههههههههههههه ماله
- أول مرة أشوف لي براد ما محتاج صورة أشعة وتشوف الشاي جواهو من غير تِفِل
- عوض (اتشرق): هههههههههههههههههه الله ياذاك قرضته
- لا يعني البراد حق الطلس حقنا داك أبو زيق ظهري في قدومه ويد ظهرية داك براد وحلاوة قطن دة براد
- ههههههههههههههه كدي ضوقو الشاي سمح والله
- وهسي المطفح دة شنو
- هبهبان وقرنفل يا فقُر
- سبحان الله علمه واسع... يعني ما نعناع مطفح زي البرسيم في الجدول الكبير حق السقايي
- عليك الله أشرب وأنسى الامتداد.. استمتع ياخ والدنيا خميس وحا نصرف
- وأنا حلات كنت فاكر شاي محطة عطبرة داك ابو براد نص برميل داك احلى شاي وزولك شابكنا: زي السمنة وكدة.. يعني كان جاء شاف البراد دة والكبابي المفنسات ديل حا يقول شنو.. «شاي الله وكدة»
- ههههههههههههههههههههههههههههههه هسي انت الذكرك ليه شنو الزول دة
- الزول خلو انت دي شنو المغتية دي
- باقيلي دي ماعون سُكر
- يعني علبة الألموني حقت السكر ألت أمي ديك بقوها صغوووويري زي دي
- هههههههههه والله ما عارف
- ودي شنو الطالعة من بوزها دي
- (عوض رفع الغتاية وطلعت ليه معلقة صغووويري): معلقة صدق ههههههههههههههههه
- ومالها صغوووويري كدة متل الشافع الوقف نمووو
- عوض (اتشرق تاني): ههههههههههههههههههههه ياخي اشرب ما تقعد تشنف
- انت باقيلي جنيت دة يشنفوهوا من وين... انت شوفه وكتين تهزه يتجلجغ برااااااحة كيفن علي الجلي حق السماية... شئ يعلمبه الله وحده
- ياخي أشرب كان داير تشرب خلينا النقوم نتم «البياض» حق الاوضتين ديل ونمشي أهلنا
- إنت النصيبة التحت الدلقان السمح دة شنو
- عوض رفع الدلقان لقاها صابونة «لوكس» قام شماها: يا الله ياخ ريحة سمحي خلاص أظنها صابونة
- إنت باقيلي جنيت صابونة شنو الشي لا تبقى كيكة
- هههههههههه والله صابونة هاك شمها
- مسكتها بي يدي لقيتها نااااااااااااااعمي وفيها خِتِم في نصها وكنت حاري تكون كيكي ولا شيتا يلوغدوهوا باقي هويت ونفسي قام من «مَلطَم» المونة الحُرة دة.. والله صابونة يا خرابة
- ايي صابونة.. لكن هي ختتها لينا لي شنو
- شم تحت أباطك وانت تعرف... تكون شمت ريحتنا وكتين نجي مارقين للفطور الله لا كسبها وقالت تسوي فينا خير وتختَلَنا صابوني نستحمابا.. حليل صابونة الغسيل بيوضي الفي الامتداد...
- هههههههههههههههههه
- دحين يا خرابة هسي الصابونة المايعي دي وبتنفس مع كدوبنا وعرقنا دة... انت من شدة عرقك ماهو كافر شوف شعر اباطك لامن بقى أحمر أحمر متل زريعة اللابري هههههههه
- هههههههههههههههههههههههههههههههههههههههههههههههههههه (عوض ضحك لامن وقع علي قفاهو)
وحاتكم يا الحبيبين الوكت داك إن بقى في كاميرا ولا جلاكسي أنا وعوض كان سوينالنا «سِلفي» مع البراد والصابونة....
إنا لله ياخ
ههههههههههههههههههههههههههههههه
|
|
 
|
|
|
|
|
|
|
 Re: براد «الأشعة» وصابونة «لوكس» (Re: Abdalla Gaafar)
|
Quote: بابكر دفع الله · الأكثر تعليقا · يعمل لدى KSA
المنبر دا اقسمو اتنين
السمحين والطاعمين في جهه
والهقلين الكتار ادمسوهم في جهه
الله يديك العافيه وانا من الصحافه ومتزوج من الامتداد
|
حبابك يا بابكر ياخ وحباب نسايبنا من الصحافة ياخي
الله يجبر بي خاطرك ياخ
| |
|
|
|
|
|
|
|
|
|
Re: براد «الأشعة» وصابونة «لوكس» (Re: Abdalla Gaafar)
|
Quote: طارق جبريل
يا مصيوب
انت وعوض صاحبك حكا يتكم حكاية
جد عاجباني طريقة الكتابة والحكي الساخر وجميل
تحيات وتقدير
عبد الله جعفر
|
حبيبنا جعفر كيفنك ياخ
ياخي نحن اتارينا كنا ناسا مهضلمين خلاص ههههههههههههههههههههههههههههههههههه
| |
|
|
|
|
|
|
| |
طارق جبريل
ملهم كردفان
فيس بوك
تويتر
انستقرام
يوتيوب
بنتيريست