دعواتكم لزميلنا المفكر د.الباقر العفيف بالشفاء العاجل
|
|
 الموقاشر الله لا كسبو
|
غايتو الزول الاخترع الموبايل دة اصلو ما نصيح ياخ
الخرابة دة انا اصلي ما بدورو.. جملة الايمان غير البتاعة الحمرا
والتانية الخدرا ما قاعد اعرفلي فيهو شي..
بتي تضحك فيني... اصلي شايلي نوكيا قديم كدي فيهو نص كيلو
والازرار فيهو علي عيون البومة..
ووكتين اخليهو هزاز بالله يخجني كلي ولامن امرقو من الجيب
اكون بقيت زي خلاطة السوق الشعبي بتاعة الجوافة ديك
وكتين يدقوا فيها المصفا ككككككككك ... ككككك..
واحدا صحبي قالي عندك واتس اب في التليفون
قلتلو دة اكنو شنو لا يبقى شيتا كعب ماني فارزو..
واصلو من يضرب في جيبي القى بنطلوني دة لفة والجيوب يبقن في النص لاني أعرف عدلتي من قلبتي..
وحات نضري مرة يتخجى في جيبي لامن قدة الجيب ونزل بي تحت
بقيت اكابس فيهو جنب الجزمة وسبيت ليهو وقلت الهزاز القدة الجيب
دة شرطا من السودان الله لا كسبو.. ان كان القاهو اخوي الكبير 
مرة خاتيهو قدامي في المكتب وشغال اوزع في الاوامر..
انت سوي كدي وانت شوف لي الصورة دي..
جات السكرتيرة تشيل الجرايد من عندي توديهن للمدير...
وانا كنت عاملو هزاز.. مع ختت يدها في الجرايد قوم يا الخرابة تتخجة علي البُلطاي المطلعنها من البحر
وبقى يفتفت تحت الجرايد علي «الكرجة» الغمتوها بي دمورية
بقى يدردق في المكتب.. وحات نضري الخرابة قامت جاري علي ابوبكر كاكي في آخر عشرين متر..
وبقت تتاوق لي من الباب باقيلي قايلاني ساعيلي جقور في المكتب..
مرة جابولم واحد قالولي سويلو معاينة..
اها مع قعدتو الخرابة دة بقى يفتفت وينطط في المكتب وانا امسك فيهو وينط مني..
بس بقيت زي البمسكلي في قعووويي «قعونجة» وتقول كدي تتملص مني..
زولكم عاينلي كدي وقام مرق فات.. قطع شك يكون قال الزول دة فاطيلو سطرين
ياخي الموقاشر دة أصلو ماهو شيتا نعيم
وعلي العلي قاموا في الشغل جابولي الخرابة الاسمه الآيباد دة.. بقالي زي الصاج الصغوووير أليل الفطير والطبطاب
غايتو لي باكر اقوم اطبظ فيهو
|
|
 
|
|
|
|
|
|
|
 Re: الموقاشر الله لا كسبو (Re: طارق جبريل)
|
Quote: وعلي العلي قاموا في الشغل جابولي الخرابة الاسمه الآيباد دة.. بقالي زي الصاج الصغوووير أليل الفطير والطبطاب
غايتو لي باكر اقوم اطبظ فيهو |
انت خليت فيهو عمر لي باكر
ما انتهيت منو خلاص ولحقتو امات طه
| |
|
|
|
|
|
|
|
|
|
Re: الموقاشر الله لا كسبو (Re: سليمان القرشي)
|
هههههههههههههههههههه
فرفرفرفرفرفرفرفرفرفر
كخكخكخكخكخكخكخكخكخ
ود جبرين الله يضر اليضرك ياخى مالك على ياخى
بقرا فى كلامك ده وبشرب لى فى عصير روسى وكت قمت
من الكرسى لقيتو مبلول وحات سيدى الحسن لاحدى هسه
محتار البلاهو شنو مع انى متأكد مليون فى المية اخر كباية
عصير شربتها ...
| |
|
|
|
|
|
|
|
|
|
Re: الموقاشر الله لا كسبو (Re: الصادق عثمان محمد)
|
Quote: هههههههههههههههههههه
فرفرفرفرفرفرفرفرفرفر
كخكخكخكخكخكخكخكخكخ
ود جبرين الله يضر اليضرك ياخى مالك على ياخى
بقرا فى كلامك ده وبشرب لى فى عصير روسى وكت قمت
من الكرسى لقيتو مبلول وحات سيدى الحسن لاحدى هسه
محتار البلاهو شنو مع انى متأكد مليون فى المية اخر كباية
عصير شربتها ... |
جيت يا شقي الحال
| |
|
|
|
|
|
|
|
|
|
Re: الموقاشر الله لا كسبو (Re: صديق عبد الجبار)
|
Quote: وااااو يا ود جبريل
جابو لك الإيباد ؟
نآن ما خلاص ربط حمارك ما حمير الكتبة
انشالله يا يابا تقطعوا في عرق العافي
تحياتي يا راعي الايباد
|
هو يا الحبيب شن طعمه الخرابة دة
يلمع كدي تقول مسحوهوا بي لخوخة
| |
|
|
|
|
|
|
|
|
|
Re: الموقاشر الله لا كسبو (Re: محمد يوسف طه)
|
Quote: ود جبريل (الصاج) الا تركبلو فرامل في اصبعك !!
...........
لك الود
|
اووووووووووووه حبيبنا ود الرجل
ياخي بدل الآيباد ان بقىادوني صاج راسو عديل كان ريحوني في حناني
| |
|
|
|
|
|
|
|
|
|
Re: الموقاشر الله لا كسبو (Re: طارق جبريل)
|
ود جبرين ازيك
ذكرتني مديرا لينا الله يطراه بالعافية
اول ما طلع الموبايل الباند الكبير استراهو وكان راجل نحييييف
وكان بنزل ليهو البنطلون وكلو شوية تلقاه ايدينو الاتنين في جيبو يعدل في البنطلون
أضحك الله سنك
| |
|
|
|
|
|
|
|
|
|
Re: الموقاشر الله لا كسبو (Re: وضاحة)
|
Quote: ود جبريل شكيتك على الله يا الفضيحة فضحتنا مع السكرتيرة
بالله بوستك دا شعلقوا فوق دائماً يمكن المليونير ود الفحل يرسلك iPhone 5
متل الرسلوا لى محومد ود الصائم |
الله في يا قريبتي
| |
|
|
|
|
|
|
|
|
|
Re: الموقاشر الله لا كسبو (Re: Abutalib Elgorashi)
|
Quote: ود جبرين ازيك
ذكرتني مديرا لينا الله يطراه بالعافية
اول ما طلع الموبايل الباند الكبير استراهو وكان راجل نحييييف
وكان بنزل ليهو البنطلون وكلو شوية تلقاه ايدينو الاتنين في جيبو يعدل في البنطلون
أضحك الله سنك
|
| |
|
|
|
|
|
|
|
|
|
Re: الموقاشر الله لا كسبو (Re: عبد الله فقير)
|
Quote: لا خلاث ياطارق وكتين الايباد جاء حنشوف بوستيك الليل صوت البورداب عبر جهاز الايباد
ونموت مطمنين نحمدك يا الله ماناقصانا حاجة |
يا الحبيب هو قالولك انا فارزو
وحاتك يطبزوا فيهو علي قدح الدكلي وكتين يمرقوا من تحت الطلح
| |
|
|
|
|
|
|
|
|
|
Re: الموقاشر الله لا كسبو (Re: على احمد النعيم)
|
استاذي طارق ..
يا سلام هو ده ده فن أهلنا الشوايقة ..
طارق الجميل .. أنا في نوري كنت بشوف كلام الناس مع بعضهم كأنهم شعراء يتبادلون القصائد ..
عشان كده فتحت بوست لحميد وقلت تغظيم سلام لأهلي الشوايقة ..
ده كلام منغم بدون تكليف وبدون صناعة ..
وكأنك مستحضر واحدة من الحبوبات من زمن داك .. عشان تحكي ليها القصة الموبايل .
لأن مفردات القصة ما متأثرة بالحداثة رغم الموبايل قمة الحداثة ..
تحكي عن الجوال بلغة الساقية والمحراث والترابلة ..
ده فن عالي واستحضار جميل للغة الموغلة في المحلية لوصف احدث الحداثة ..
واصل
| |
|
|
|
|
|
|
|
|
|
Re: الموقاشر الله لا كسبو (Re: علي عبدالوهاب عثمان)
|
Quote: استاذي طارق ..
يا سلام هو ده ده فن أهلنا الشوايقة ..
طارق الجميل .. أنا في نوري كنت بشوف كلام الناس مع بعضهم كأنهم شعراء يتبادلون القصائد ..
عشان كده فتحت بوست لحميد وقلت تغظيم سلام لأهلي الشوايقة ..
ده كلام منغم بدون تكليف وبدون صناعة ..
وكأنك مستحضر واحدة من الحبوبات من زمن داك .. عشان تحكي ليها القصة الموبايل .
لأن مفردات القصة ما متأثرة بالحداثة رغم الموبايل قمة الحداثة ..
تحكي عن الجوال بلغة الساقية والمحراث والترابلة ..
ده فن عالي واستحضار جميل للغة الموغلة في المحلية لوصف احدث الحداثة ..
واصل
|
حبيبنا علي ياخي كيفنك
يا زول والله نحن اديناك الجنسية الشايقية بالميلاد
اها شن قولك
ههههههههههههه
سلمت يا عزيزي
| |
|
|
|
|
|
|
| |
طارق جبريل
علي محمد الفكي
عثمان مكي
سليمان القرشي
الصادق عثمان محمد
Mohammed Maher
محمد يوسف طه
Mohamed Hamed Ahmed
صديق عبد الجبار
showgi idriss
وضاحة
مها عبدالمنعم
عبد الله فقير
ملهم كردفان
على احمد النعيم
علي عبدالوهاب عثمان
فيس بوك
تويتر
انستقرام
يوتيوب
بنتيريست