|
|
 القرايي أم دق
|
النبي فيكم يا الحبان شوفتوا قراية البطان الزمن دة كيفنها..
بالله الواحد امه تقوم صباحي وتجهزلو في الغداء اليشيلو معاهو..
يا همبرغر هاجرينو بين جِبنايتين صُفُر في العيش العلي القحف داك..
يا كمان العيش الممصرن العلي (البزديق) داك يدهنوهوا بــ(الكرافت)..
ولا حبات ألات سجك يشووهن ويغتسوهن في (الكاتشب)
ويزرقوهن في العيش العلي ضنب الكــلـب داك..
ولا الخرابة العفن داك اليقولوا (الهوت دوق)..
وبعد دة يلفوهوا بالألمونيوم فشان يبقى سخن لي وقت الغداء
ويهجروهوا في شنيطي صغووويري كدي ألت الأكل..
ويطلعلوم عصير أليل منقة ولا برتكان ومعاهو القصبايي البيشفطوبا العصير ديك..
ويختلولم تفاحيي يا موزايي يا يوسف افندي يا كمان كوميثرايي..
وبعد دة كلو يختولم زبادي دانيت ومعاهو بسكويت عشان الفسحة القبل الغداء..
ودة كله في شنيطة الجن دي..
حليلنا نحن وحليل قرايتنا..
وحات نضري انا مرة جيت من المدرسة للفطور.. لقيت امي رحمها الله ماها في..
دخلت علي التُكل لقيتلي كوريي فوق النمليي فيها روب..
وفي طبق الكسري لقيتلي فطيرتين كبيت فيهن الروب..
وضرضرتلي فيهن سُكر وشلتهن طويتن وانا ماشي علي المدرسة وألوغد فيهن..
والروب ينقط في القميص ومرة مرة اقشقش في مخاخيتي..
والدنيا برد وجضومي علي العليهن مليانات قشروب وماني قادر اضحك من الشقيق..
وأصلو الروب مع المخاخيت والشقيق وكتين نشف
وحات ود الكرسني جضومي زي اليبسوهن بي جبص..
بقيت حنكي ماني قادر احركو..
وأصلو القميص اللبني داك مع الردا اللزرق بقن منقطات بالروب
و(الشدة) من لاااتحت مكودبي والرجلين مغبرات مع الجلسرين..
اصلي بقيت زي أهل الكهف..
اها ورفقاني برضو الماكلو فاصوليي مكرتبي ولا لوبي عفن..
وتعالوا شوفوا من دخلنا الحصة التالتة دي وامة محمد منفوخي وتتنفس من لاااا تحت..
اصلو الفصل دة بقى علي كفاي الجداد ولا مراح النعاج من العفني..
وأصلها الحصي ألت الدين ديك يمين مافي زول حافظلو سورة..
مع ((البنج)) المالي الفصل دة..
واصلو ان كان لي استاذ الدين تلقاهو ممرق وشو بالشباك ويقري فينا..
دة كلو كوم والشنط ألت القرايي ألت البُطان ديل كوم..
بالله نشتري في الشنط السمحي دي وليها (ترتارين)
وليها يد كدي علي (كماشة) الفحم فيها شيتا كدي تطبزو تجيك ناطي
ووش الشنطة يا تلقى فيهو (ميسي).. يا كمان (فولا)..
والخرابة ملياني جيوب.. شي للكراريس وشي للكتب
وشنيطي صغوووووووووويري فيها الأقلام والألوان والاستيكة..
نان هن اقلام.. شي احمر وشي اخضر وشي ازرق..
والعجب في الاستيكة.. وحات نضري ليها ريحي..
ومرة ليها شكل كورة ومرة ليها شكل حصان... تشهيك المسح..
وتاني يا حليلنا نحن..
بالله خرتايي تخيتها ليك امك من باقي الدموريي ألت اللحفات..
وتسويلك ليها سوستة.. وعَلاقة فشان تختها في كتفك..
واصلهن كراسين مافي غيرن.. مجلدات بالجلاد البني داك..
ومبرقعات بي زيت الزلابية.. وصفحاتن مقدقدات من كترة المسيح..
واصلنا ما شفنالنا ترتار غير ترتار صندوق البرنجي داك
البتختو مع الهوا وتجري وراهو النهار كلو..
وكل يوم تحسب في السنين متين تصل سنة رابعة فشان ترتاح من قلم الرصاص..
وقادر الله تقعد تكتب بي قلم الحبر..والحبر يتسايل في أصابعينك
والله بيسألني مرات الحبر يصل لي كوعك..
ومن مسيح المخاخيت مع الحبر تسويلك شنب ضُومة ضُومة..
وأصلك كل يوم تجي ماشي جنب سنة خامسة وسادسة..
وتشتهي متين تصلن فشان يشترولك علبة الهندسة..
وتقعد تسوي في الورود بالبرجل وتشيل تقطعن من الكرسي
وتمشي علي بت الجيران ترميهو ليها في طريقها..
وهي تسكت تتبسم.. وانت تشيلك الهاشميي وتضاحك برااااااك
اها يا الحبان بعد دة كله الشافع يسولوا الفطور..
شي كرواسة وشي كيك وشي عصير..
ويلبسوهوا هدماتا سمحات ومعاهن كرفتة..
ويسوقوهوا بالعربيي لاااعند المدرسة
ووكتين تشوفو نازل وجاري الشنطة أم ترتارات ديك
والشنيطي ألت الأكل في الايد.. والكرفتة تتطابر من هني لااااهني
تحلف تقول مدير بنك
دحين باقيلكم قرايتنا مو ياها القرايي ام دق مع البُطان ديل
|
|
 
|
|
|
|
|
|
|
 Re: القرايي أم دق (Re: omer osman)
|
قلت لي هوت دوج وبيرجر ......... 
اها هاااااك الفتتة دي بالطشت عديل كده 
اهاااااااااا باقيلك بعد الطشت ده كان في اى امل نخش طب
| |
|
|
|
|
|
|
|
|
|
Re: القرايي أم دق (Re: omer osman)
|
Quote: قلت لي هوت دوج وبيرجر .........
اها هاااااك الفتتة دي بالطشت عديل كده
اهاااااااااا باقيلك بعد الطشت ده كان في اى امل نخش طب
|
وحات نضري يا جنابو
تتذكر عم عبد الوهاب بتاع الخرطوم الجديدة داك بتاع الفول
يوم جينا انا وطارق محمد حسين واسامة مختار ما لقينا صحانة
قطنالنا كيس وقطعنا فيهو العيش وظبنا البوش ومشينا
طارق محمد حسين هسي اخصائي جراحة ورئيس قسم المناظير في مستشفى ابن سينا
واسامة مختار صاحب شركة مقاولات تقول يا ليل في حي الرياض
واخوك زي ماك عارف
يا زول الهوت دوج طاير
| |
|
|
|
|
|
|
|
|
|
Re: القرايي أم دق (Re: طارق جبريل)
|
| Quote: تتذكر عم عبد الوهاب بتاع الخرطوم الجديدة داك بتاع الفول |
كيف ياااااااخ مابتذكروا ...
سمعت انو اتوفي قبل عدة سنوات له الرحمة والمغفرة ........
كان عندوا احسن فول في السودان كلو لمن نكون مقرشين بنضرب عندو الفول
لمن الفلس يكون حاصل نمشي قدام دكان عمك ميرغني نضرب الفتة ومعها قزازة
دبل كولا تنبسط يمين تقول ماكل في الهلتون ..........
| |
|
|
|
|
|
|
|
|
|
Re: القرايي أم دق (Re: omer osman)
|
Quote: كيف ياااااااخ مابتذكروا ...
سمعت انو اتوفي قبل عدة سنوات له الرحمة والمغفرة ........
كان عندوا احسن فول في السودان كلو لمن نكون مقرشين بنضرب عندو الفول
لمن الفلس يكون حاصل نمشي قدام دكان عمك ميرغني نضرب الفتة ومعها قزازة
دبل كولا تنبسط يمين تقول ماكل في الهلتون .......... |
لوووووووووووووولز
| |
|
|
|
|
|
|
|
|
|
Re: القرايي أم دق (Re: omer osman)
|
| Quote: والله ياودجبريل بتبالغ كتلتنا بالضحك ياااااخ ...... |
اضحك يا الحبيب ماها جايبي تمنها
آخرها كوم تراب
الله يخليك لي ويلداتك
| |
|
|
|
|
|
|
|
|
|
Re: القرايي أم دق (Re: طارق جبريل)
|
سلام يا قريبي
شكرا لرسم الابتسامة في وجهونا
غايتو فطروا بمشولو البيت دا ما عرفناه الا القشف شقانا شق
غايتو الليلي ناس قرينا في الراهبات وحبينا في البلاط بضارو من بوستيك دا هههههههه
شكرا يا جنابو على تذكرينا بفول عبدالوهاب، ياخي دا كان فول بطعم الدهشة، الا مرات كنا بنمشي فول نادي العمال في سكة حديد
ونلحس الحصة التالتة
انا غايتو بديت تعليمي في لندن، وفي قصص كده مع البيبي ستر ما بقدر احكيها في منبر عام لوووول
| |
|
|
|
|
|
|
|
|
|
Re: القرايي أم دق (Re: أحمد ابن عوف)
|
Quote: غايتو الليلي ناس قرينا في الراهبات وحبينا في البلاط بضارو من بوستيك دا هههههههه
|
هههههههههههههههههههههههههههههههههههههههههههههههههههههههه
يا طارق جبريل و دا حالتو زول مدرسة .... و الله نحنا جهاتنا دي في شيتا بلغفوهو مع الشراب اسمو دونتس .. و على راي زول من اندينا ..لقيمات بالكريمة .....
حليل الجماعة البتحكرو جمب ستات الشاي و هم ماشين الجامعة .. هسع في حاجة اسمها اسبرسو ... و موكا .. و حاجات تانية حامياني .....و دا حال طلبة الجامعة .. :)
غايتو ناسنا ديل ..الله ليهم
| |
|
|
|
|
|
|
|
|
 Re: القرايي أم دق (Re: sari_alail)
|
Quote: وتاني يا حليلنا نحن..
بالله خرتايي تخيتها ليك امك من باقي الدموريي ألت اللحفات..
|
ود جبرين سلام ياخوى
خرتاية الدموريىى يازول قصصا معاى كتيرى خلاس ,,,,يوم كنت راميها فوق العنقريب
ومطلع النويات الات المدرسه اجلد فيهن بى ورق شكاير اللسمنت ,,, حبوبتى الله يرحما لقت لك الخرتايى واقعى وماعرفتا الت
شنو ,,,, شالت درعتا للغنمايى فى شطورا عشان السخيلات مايرضعن ,,, وانا يازول افتش فى خرتايتى عِلا اشوف لك الغنمايىى
قاشرى بى خرتايتى وتتجارى قدامى,,,, اديتا بكيى زيييييييييين وقعدت اجعر ,,, قاموا خيتولى واحدى تانى من متبه قديمى وخليت الِتى لى الغنمايى ,,
كمان السخيلات ان رضعن ياخوى ايانا الشربناهو ساده واحَمَر
| |
|
|
|
|
|
|
|
|
|
Re: القرايي أم دق (Re: أيمن التوم حسن)
|
Quote: ود جبرين سلام ياخوى
خرتاية الدموريىى يازول قصصا معاى كتيرى خلاس ,,,,يوم كنت راميها فوق العنقريب
ومطلع النويات الات المدرسه اجلد فيهن بى ورق شكاير اللسمنت ,,, حبوبتى الله يرحما لقت لك الخرتايى واقعى وماعرفتا الت
شنو ,,,, شالت درعتا للغنمايى فى شطورا عشان السخيلات مايرضعن ,,, وانا يازول افتش فى خرتايتى عِلا اشوف لك الغنمايىى
قاشرى بى خرتايتى وتتجارى قدامى,,,, اديتا بكيى زيييييييييين وقعدت اجعر ,,, قاموا خيتولى واحدى تانى من متبه قديمى وخليت الِتى لى الغنمايى ,,
كمان السخيلات ان رضعن ياخوى ايانا الشربناهو ساده واحَمَر |
يمين ماك نصييييح
| |
|
|
|
|
|
|
|
|
|
Re: القرايي أم دق (Re: sari_alail)
|
Quote: يا طارق جبريل و دا حالتو زول مدرسة .... و الله نحنا جهاتنا دي في شيتا بلغفوهو مع الشراب اسمو دونتس .. و على راي زول من اندينا ..لقيمات بالكريمة .....
حليل الجماعة البتحكرو جمب ستات الشاي و هم ماشين الجامعة .. هسع في حاجة اسمها اسبرسو ... و موكا .. و حاجات تانية حامياني .....و دا حال طلبة الجامعة .. :)
غايتو ناسنا ديل ..الله ليهم
|
تعرف يا ساري الليل
انا في الجامعة اشتريت لي بنطلون جينز
يمين بالله قلت لي اصحابي اسبوع ما بتكلم معاكم
قلت ليهم ياخي انا بقيت من عُلي القوم
| |
|
|
|
|
|
|
|
|
 Re: القرايي أم دق (Re: أحمد ابن عوف)
|
والله يا ود جبريل انا جني وجن زول يجي يكتب ليك: قطعت مصاريني بالضحك
لكن والله قصة المخاخيت مع الروب والقشف دي خلتني اضحك زي الما نصيحة
ياخي والله فكت لي جنس دبرسة..الله يديك الفي مرادك..(زول مدردق زي بتاع جنابو)
| |
|
|
|
|
|
|
|
|
|
Re: القرايي أم دق (Re: رشا سالم)
|
Quote: والله يا ود جبريل انا جني وجن زول يجي يكتب ليك: قطعت مصاريني بالضحك
لكن والله قصة المخاخيت مع الروب والقشف دي خلتني اضحك زي الما نصيحة
ياخي والله فكت لي جنس دبرسة..الله يديك الفي مرادك..(زول مدردق زي بتاع جنابو)
|
اضحكي يا بتنا ماها جايبي همها
الله يعدلها عليك شقيش تقبلي
| |
|
|
|
|
|
|
|
|
|
Re: القرايي أم دق (Re: أحمد ابن عوف)
|
Quote: سلام يا قريبي
شكرا لرسم الابتسامة في وجهونا
غايتو فطروا بمشولو البيت دا ما عرفناه الا القشف شقانا شق
غايتو الليلي ناس قرينا في الراهبات وحبينا في البلاط بضارو من بوستيك دا هههههههه
شكرا يا جنابو على تذكرينا بفول عبدالوهاب، ياخي دا كان فول بطعم الدهشة، الا مرات كنا بنمشي فول نادي العمال في سكة حديد
ونلحس الحصة التالتة
انا غايتو بديت تعليمي في لندن، وفي قصص كده مع البيبي ستر ما بقدر احكيها في منبر عام لوووول
|
يا قريبي كيفنك
غايتو حبو بلاط دة من ولدوني ما شفتو
يا زول انت شفت حبو الضريسة والسونييي
| |
|
|
|
|
|
|
|
|
|
Re: القرايي أم دق (Re: ABUHUSSEIN)
|
| Quote: وكل يوم تحسب في السنين متين تصل سنة رابعة فشان ترتاح من قلم الرصاص.. |
السنة دي بتكون أخدت ترقية عديل كده .... وجزء من القشرة، لازم جيب القميص (بالنسبة لينا نحت الجلابية) يكون ملطّخ بالحبر، والا بتكون شافع ساكت.
على ذكر الجلابية (شبكة غمضي عيونك) .. الجلابية بتكون أفرنجية (بي لياقة)، والكُم فيهو فتحة زي فتحة كُم القميص. لكن لما وصلنا سنة رابعة، دخلنا العولمة ولبسنا القميص والردي، أما الفطور، زي ما قلت الواحد يرجع البيت يلقى مجهزين ليهو الساندويتش، يا فول يا كمان سلطة أسود كلما تعضي الرغيفة الزيت يسيل لي كوعك ... ومرات بتكون في العيشة الطعمية الما خمج.
الصورة أعلاه لتلميذ خرتومي في الستينات.
المسنوح ود جبرين كيفنك ياخ.
| |
|
|
|
|
|
|
|
|
|
Re: القرايي أم دق (Re: الرشيد ابراهيم احمد)
|
Quote: طارق يا ريحة دعاش سبق المطر وانشره
طارق يا نسمة خريف ساعة الصباح انفره
طارق يا قمرا ضحك اظهر جمالو ووره
مودتي ياراجل يا انيق
|
الرشيد كيفنك ابوي
الله يجبر بي خاطرك ياخي ويديك الفي مرادك
| |
|
|
|
|
|
|
|
|
|
Re: القرايي أم دق (Re: محمد أبوالعزائم أبوالريش)
|
Quote: السنة دي بتكون أخدت ترقية عديل كده .... وجزء من القشرة، لازم جيب القميص (بالنسبة لينا نحت الجلابية) يكون ملطّخ بالحبر، والا بتكون شافع ساكت.
على ذكر الجلابية (شبكة غمضي عيونك) .. الجلابية بتكون أفرنجية (بي لياقة)، والكُم فيهو فتحة زي فتحة كُم القميص. لكن لما وصلنا سنة رابعة، دخلنا العولمة ولبسنا القميص والردي، أما الفطور، زي ما قلت الواحد يرجع البيت يلقى مجهزين ليهو الساندويتش، يا فول يا كمان سلطة أسود كلما تعضي الرغيفة الزيت يسيل لي كوعك ... ومرات بتكون في العيشة الطعمية الما خمج.
الصورة أعلاه لتلميذ خرتومي في الستينات.
المسنوح ود جبرين كيفنك ياخ. |
عيييييييييييييييييك انت يا الحبيب من زمن الجلابية والوسطى 4 سنين
لا ياخي انا بالنسبة ليك طفل يحبو
ود ابو العزائم كيفنك ابوي
| |
|
|
|
|
|
|
|
|
|
Re: القرايي أم دق (Re: طارق جبريل)
|
| Quote: عيييييييييييييييييك انت يا الحبيب من زمن الجلابية والوسطى 4 سنين |
لا وحاتك قريت الإبتدائية 6 سنين وقريت (ثانوي عام) .... إلاّ نحن الدفعة الضحية .... محي الدين صابر الله يرحمو سوالنا السلم التعليمي ونحن في رابعة.
| Quote: لا ياخي انا بالنسبة ليك طفل يحبو |
وا حلاتي يا ناس.
| |
|
|
|
|
|
|
|
|
|
Re: القرايي أم دق (Re: Manal Mohamed Ali)
|
يازول يااصيل
والله رجعتنا لي سنين
تعرف حبوبتي بت الجابري
كان لما تناديك وما تسمعا
تقول ليك يا القشاري ضحكت
حد البكاء لك المودة وانت
تنشط ذاكرة لايام عبقة بالحلو
والجميل (بس حشو ليك ويكي )
...................................حجر.
| |
|
|
|
|
|
|
|
|
|
Re: القرايي أم دق (Re: الرفاعي عبدالعاطي حجر)
|
والله بقيت كل ما القاك فاتح بوست فيهو الوش الاخضر البضحك داك ... الاوز
لو في المكتب اتلفت زي الحرامي و لو في البيت الا اعدل قعدتي و افتح البوست زي الفاتح لي لغم
غايتو الله يجيبك لينا بي جاي
الله يديك العافية و ينسيك شقاك ايام دراستك
| |
|
|
|
|
|
|
|
|
|
Re: القرايي أم دق (Re: عزان سعيد)
|
Quote: ود جبرين سلام ياخوى
خرتاية الدموريىى يازول قصصا معاى كتيرى خلاس ,,,,يوم كنت راميها فوق العنقريب
ومطلع النويات الات المدرسه اجلد فيهن بى ورق شكاير اللسمنت ,,, حبوبتى الله يرحما لقت لك الخرتايى واقعى وماعرفتا الت
شنو ,,,, شالت درعتا للغنمايى فى شطورا عشان السخيلات مايرضعن ,,, وانا يازول افتش فى خرتايتى عِلا اشوف لك الغنمايىى
قاشرى بى خرتايتى وتتجارى قدامى,,,, اديتا بكيى زيييييييييين وقعدت اجعر ,,, قاموا خيتولى واحدى تانى من متبه قديمى وخليت الِتى لى الغنمايى ,,
كمان السخيلات ان رضعن ياخوى ايانا الشربناهو ساده واحَمَر |
أيمن التوم
إنا لله...
يمين إتّا ماك نصيـــــــــــح
صنفكم نضيف لكن...!! ههههههههههه
طارق عرفناهو مسنـــوح , إتّا يا أخوي مالك
ياخي دي كوميديا ليها ضُل..
شكيت محنك أكان خليتني أجوعر وأقهقه زي المجنون..
__
ود جبريل كيفنك.
إتّا يا طارق, الشُفع ديل هسي (بدقوهم ) زييّنا زمـــــــــان
ويقولو ليهم جيبو حق درس العصر
قاعدين يقسموهم لنضافة الفصل.....؟
ويفتشوهم في طابور الصباح
منو العامل (خُنْفُسْ..ولاّ قُجّة..)ولاّ كمان منو الخاتّي (الكرّكّاسة).... ولاّ (ساعتهم مقدمة.)..لووووووووووول.
بجيك بي روّاقة يا الحبيب.
| |
|
|
|
|
|
|
|
|
|
Re: القرايي أم دق (Re: هواري نمر)
|
Quote: ود جبريل كيفنك.
إتّا يا طارق, الشُفع ديل هسي (بدقوهم ) زييّنا زمـــــــــان
ويقولو ليهم جيبو حق درس العصر
قاعدين يقسموهم لنضافة الفصل.....؟
ويفتشوهم في طابور الصباح
منو العامل (خُنْفُسْ..ولاّ قُجّة..)ولاّ كمان منو الخاتّي (الكرّكّاسة).... ولاّ (ساعتهم مقدمة.)**..لووووووووووول.
بجيك بي روّاقة يا الحبيب.
|
**: الساعمة مقدمة للحناكيش يا ود نمر تعني انا اللباس الداخي نازل من الردا
ياخي انت بتتذكر محن عديييييل كدة
| |
|
|
|
|
|
|
|
|
|
Re: القرايي أم دق (Re: عزان سعيد)
|
Quote: طارق والله انت زول موهوب
يا زول حاجاتك دي ما تلمها في كتيب
سمو "خواطر شايقي" ولا اي حاجة
عندك مكتبة ولا نطالب بكري يسولك ويحيدة؟
|
والله يا حبيب بعد دة ما فضل ليك الا تناديني: ((يا مثقف))
الله يطيب خاطرك يا حبيب
المكتبة بكري ما قصر سواها لي
ونفكر في خواطر شايقي دي
| |
|
|
|
|
|
|
|
|
|
Re: القرايي أم دق (Re: ناصر احمد الامين)
|
Quote: والله بقيت كل ما القاك فاتح بوست فيهو الوش الاخضر البضحك داك ... الاوز
لو في المكتب اتلفت زي الحرامي و لو في البيت الا اعدل قعدتي و افتح البوست زي الفاتح لي لغم
غايتو الله يجيبك لينا بي جاي
الله يديك العافية و ينسيك شقاك ايام دراستك
|
خلاص يا حبيب تاني قدام البوست بختلك دي:
| |
|
|
|
|
|
|
|
|
|
Re: القرايي أم دق (Re: الرفاعي عبدالعاطي حجر)
|
Quote: يازول يااصيل
والله رجعتنا لي سنين
تعرف حبوبتي بت الجابري
كان لما تناديك وما تسمعا
تقول ليك يا القشاري ضحكت
حد البكاء لك المودة وانت
تنشط ذاكرة لايام عبقة بالحلو
والجميل (بس حشو ليك ويكي )
...................................حجر.
|
والله يا ود حجر ماني مشتهي شي
الا حبوبتي تناديني ((يا قاشر))
زمن سمح بالحيل ياخي
| |
|
|
|
|
|
|
|
|
|
Re: القرايي أم دق (Re: SHIBKA)
|
Quote: سؤال
انتو قريتو سنة كم؟
|
الحالة بلدياتي وبت جيرانا كمان
جنس الاسئلة ياها ذاتها البتخلينا نغير تاريخ الميلاد في الجواز
| |
|
|
|
|
|
|
|
|
|
Re: القرايي أم دق (Re: طارق جبريل)
|
طارق
| Quote: جنس الاسئلة ياها ذاتها البتخلينا نغير تاريخ الميلاد في الجواز |
نشوف جوازاتكم نقول الناس ديل صغار
تجي تكتبوا كلامكم دا مخنا ما يستوعب
نسوي شنو؟
| |
|
|
|
|
|
|
|
|
|
Re: القرايي أم دق (Re: sari_alail)
|
Quote: و وين شعار انتو ليكم اللحم و نحنا لينا العضم ؟؟؟؟؟
|
عضم شنو
والله زمنا يا حبيب كان العضم واللحم للمدرسة
ياخي لمن دخلنا الجامعة الاستاذ في الشارع بنضاير منو
| |
|
|
|
|
|
|
|
|
|
Re: القرايي أم دق (Re: عبد الدائم سيد أحمد)
|
عندى ود خالتى ( طــيرة ) كده كان بيقرأ معاى فى نفس المدرسة فى الخرطوم
الوالـــد الظاهر كان عندو شوية ( بهايم ) كده سايبهم عهدة عند جدى فى البلد
جانى ود خالتى يوم فى الفصل رمى لى قروش فى الكنبة وقال لى
جــدى قال ليكم دى قروش النعجــــــــة
قمت سكيتو واديتو ليك دقــه وقلت ليهو تانى اوعك تجينى فى الفصل
الله يفضحك الفضيحة وانا عامل لناس الفصل ود عــز ...
| |
|
|
|
|
|
|
|
|
|
Re: القرايي أم دق (Re: عبد الدائم سيد أحمد)
|
Quote: عندى ود خالتى ( طــيرة ) كده كان بيقرأ معاى فى نفس المدرسة فى الخرطوم
الوالـــد الظاهر كان عندو شوية ( بهايم ) كده سايبهم عهدة عند جدى فى البلد
جانى ود خالتى يوم فى الفصل رمى لى قروش فى الكنبة وقال لى
جــدى قال ليكم دى قروش النعجــــــــة
قمت سكيتو واديتو ليك دقــه وقلت ليهو تانى اوعك تجينى فى الفصل
الله يفضحك الفضيحة وانا عامل لناس الفصل ود عــز ...
|
والله تلقام دة انت ذاتك جيت تكلم فتحي الله يرحمه
| |
|
|
|
|
|
|
|
|
|
Re: القرايي أم دق (Re: بشير دفع الله)
|
Quote: سلامات يا ود جبريل ..
متابعين باهتمام واستمتاع .. بس ياريت تواصل لينا كمان ..
عشان نشوفك كيف ب...... ديك جيت الخرطوم الجديده ..
و دمت بعافيه يا حبيب ...
|
يا حبيب كيفنك
يا زول الخرطوم الجديدة دي دايرة ليها بوست براااااهو
خصوصا الواحد الوكت داك كان شمة صماحو
| |
|
|
|
|
|
|
|
|
|
Re: القرايي أم دق (Re: طارق جبريل)
|
عارف يا طارق الحصة التالتة دي ونحن في سادسة الجماعة جايين فاطرين الضارب فول، والضارب بيض والضارب لقيمات
وطبعا الدنيا حر شديد ولا مراوح ولا أي وسائل تبريد والزنك سخانة ألف والجماعة ما مستحمين من العيد.
جانا ناظر جديد من عطبرة ونحن في سادسة اول دفعة في السلم التعليمي بتاع محي الدين صابر.
الناظر جايي جديد وعامل فيها دي أول دفعة وعايزهم كلهم يدخلوا الثانوي العام. فكان مكرهنا حياتنا في التسميع ودق شديد.
المهم جانا في الكنبات الوراء وكانوا مسميننا خط مية غرب.
أول ما قّرب للكنبة القبل الأخيرة مع السخانة ديك والعرق قام واحد خايف من التسميع فك ليك البيض كلو هواء بدون صوت.
الناظر مسك نخرتو وجري على ناحية السبورة.
قام وهو طالع قال بالله العايز يعمل حركة زي دي تاني يستأذن ويطلع برة.
ومن يومو داك ما عتب فصلنا نامن امتحننا واتخارجنا.
| |
|
|
|
|
|
|
|
|
|
Re: القرايي أم دق (Re: shammashi)
|
عندنا تيم ايام المدرسه متخصص في البوش .. بندخل اي حته بنقضي علي الاخضر واليابس
مره خاتين طشت البوش وبنفطر كالعاده . جاء واحد ساخر داخل . قلنا ليهو اتفضل
قال لا حولاااااااا ديل كم عيشه .. قلنا ليهو 60 عيشه .. نحن كنا خمسه طبعا
قال لينا الستين عيشه بتاكلوهن ... لكن قطعتوهن كيف ؟
والله يا ودجبريل مشتاقين عديل كده طشت البوش
| |
|
|
|
|
|
|
|
|
|
Re: القرايي أم دق (Re: عبدالله ود البوش)
|
سلام طارق ود جبرين
Quote: خرتاية الدموريىى يازول قصصا معاى كتيرى خلاس ,,,,يوم كنت راميها فوق العنقريب
ومطلع النويات الات المدرسه اجلد فيهن بى ورق شكاير اللسمنت ,,, حبوبتى الله يرحما لقت لك الخرتايى واقعى وماعرفتا الت
شنو ,,,, شالت درعتا للغنمايى فى شطورا عشان السخيلات مايرضعن ,,, وانا يازول افتش فى خرتايتى عِلا اشوف لك الغنمايىى
قاشرى بى خرتايتى وتتجارى قدامى, |
ممكن تفسير لهذا الكلام بالعربي ؟
الفرق بين خرتاية العز وخرتاية صاحبك دا في لون الحبر موش ؟
خرتاية العز مبقعة بالحبر الأصفر وخراتيكم بالحبر الأزرق!
أخشى أن يكون صاحبنا قد روى قصته معكوسة 
| |
|
|
|
|
|
|
|
|
|
Re: القرايي أم دق (Re: Mohamed E. Seliaman)
|
Quote: ممكن تفسير لهذا الكلام بالعربي ؟
الفرق بين خرتاية العز وخرتاية صاحبك دا في لون الحبر موش ؟
خرتاية العز مبقعة بالحبر الأصفر وخراتيكم بالحبر الأزرق!
أخشى أن يكون صاحبنا قد روى قصته معكوسة |
الحبشي بتبالغ
| |
|
|
|
|
|
|
|
|
|
Re: القرايي أم دق (Re: عبدالله ود البوش)
|
Quote: والله يا اولاد البندر قصصك لذيذة
.
.
مافي داعي نمسخا عليكن
قال فتة قال
اصلوا عيد
ود جبرين سلامات
ابداااااااااع |
ود البوش انت باقيلي من زمن اللوبي عفن والدغلوبة
| |
|
|
|
|
|
|
|
|
|
Re: القرايي أم دق (Re: نوفل عبد الرحيم حسن)
|
Quote: عندنا تيم ايام المدرسه متخصص في البوش .. بندخل اي حته بنقضي علي الاخضر واليابس
مره خاتين طشت البوش وبنفطر كالعاده . جاء واحد ساخر داخل . قلنا ليهو اتفضل
قال لا حولاااااااا ديل كم عيشه .. قلنا ليهو 60 عيشه .. نحن كنا خمسه طبعا
قال لينا الستين عيشه بتاكلوهن ... لكن قطعتوهن كيف ؟
والله يا ودجبريل مشتاقين عديل كده طشت البوش
|
عييييييييك يا زول انت حي
بعدين البوش دة كنتوا بتمرقوهوا كيفن
| |
|
|
|
|
|
|
|
|
|
Re: القرايي أم دق (Re: shammashi)
|
Quote: عارف يا طارق الحصة التالتة دي ونحن في سادسة الجماعة جايين فاطرين الضارب فول، والضارب بيض والضارب لقيمات
وطبعا الدنيا حر شديد ولا مراوح ولا أي وسائل تبريد والزنك سخانة ألف والجماعة ما مستحمين من العيد.
جانا ناظر جديد من عطبرة ونحن في سادسة اول دفعة في السلم التعليمي بتاع محي الدين صابر.
الناظر جايي جديد وعامل فيها دي أول دفعة وعايزهم كلهم يدخلوا الثانوي العام. فكان مكرهنا حياتنا في التسميع ودق شديد.
المهم جانا في الكنبات الوراء وكانوا مسميننا خط مية غرب.
أول ما قّرب للكنبة القبل الأخيرة مع السخانة ديك والعرق قام واحد خايف من التسميع فك ليك البيض كلو هواء بدون صوت.
الناظر مسك نخرتو وجري على ناحية السبورة.
قام وهو طالع قال بالله العايز يعمل حركة زي دي تاني يستأذن ويطلع برة.
ومن يومو داك ما عتب فصلنا نامن امتحننا واتخارجنا.
|
قلت لي ضربتوا الراجل كيماوي عديييييييييييل
يا زول العجب لمن تصل سنة سادسة وتكون ريحة صماحك بدت تطلع
عييييييييييييك نووي عدييييييل
| |
|
|
|
|
|
|
|
|
|
Re: القرايي أم دق (Re: ياسر عبدالكريم محمد)
|
Quote: يا طارق حليل الزمن داك
نحن فى إشلاق البوليس كنا
بناكل الطحنية بالدس
اولاد الاشلاق عندهم راى
فى اكلة الطحنية .طفولة بائسة
|
كانت من الموبقات ولا شنو يا ياسر
| |
|
|
|
|
|
|
|
|
|
Re: القرايي أم دق (Re: طارق جبريل)
|
| Quote: ونحن في سادسة اول دفعة في السلم التعليمي بتاع محي الدين صابر. |
أممممممممممك ...... واحد دفعة ظهر.
تاني البيعمل معاي شخشخة، أنادي ليهو عمك شماشي.
| |
|
|
|
|
|
|
|
|
|
Re: القرايي أم دق (Re: محمد أبوالعزائم أبوالريش)
|
| Quote: قال لينا الستين عيشه بتاكلوهن ... لكن قطعتوهن كيف |
يا نوفل نحن كنا خمسة أصحاب بنفطر مع بعض. أول ما يفكونا في حصة الفطور نحن ومدرسة البنات (زمن الفساتين الخدر) والمدرسة الوسطى بتاعة الأولاد (الزمن داك). الناس دي كلها بتجي متكبية على مطعم واحد.
نقوم نحن الخمسة يمشوا مننا اتنين أو تلاتة يكابسوا ويجيبوا صحن الفول والرغيف. يعني كل واحد يشيل حق المجموعة كاملة.
يكون الفطور دبل أو تلاتة اضعاف. ونمشي نقعد بعيد نكب الفول كلو فوق بعض وكل واحد يمسك رغيفتو ويخت اتنين في طرفو (يعني هو قاعد يخت باقي الرغيف في جلابيتو). وطبعا الحساب بعد الأكل.
قام صاحب المطعم لاحظ إنو المجموعة حقتنا دي بيجي منها كم واحد في نفس اليوم.
قام ونحن ناكل جاء ماشي علينا ولقى قدامنا تلاتة صحون. قال أقيفوا وقفنا. الرغيف جا رب رب موقع.
قال لينا من يوم الليلة تاني مطعمي دا ما تعتبوهو وقروش منكم ما دايرا.
لكن الظاهر كل الطلاب كانو بيعملوا كدا لأنو بعد كم شهر كدا قفل مطعمو بالرغم من إنو كان المطعم الوحيد وبياكلوا فيه طلاب تلاتة مدارس.
يا طارق!
كنا لمن نجي راجعين من درس العصر ونحن راكبين حميرنا أول ما نصل لينا حتة كدا فيها عشر وحلفي يقوموا ناس الوسطى يقولوا لينا خلاس انتو أمشو وهم يقوموا يدقشوا بحميرن الحلفي.
ياربي لي شنو؟؟؟
| |
|
|
|
|
|
|
|
|
|
Re: القرايي أم دق (Re: shammashi)
|
Quote: يا طارق!
كنا لمن نجي راجعين من درس العصر ونحن راكبين حميرنا أول ما نصل لينا حتة كدا فيها عشر وحلفي يقوموا ناس الوسطى يقولوا لينا خلاس انتو أمشو وهم يقوموا يدقشوا بحميرن الحلفي.
ياربي لي شنو؟؟؟
|
يا شماشي الدنيا قبايل ارشيف
ما تودي البوست الخور ياخي
| |
|
|
|
|
|
|
|
|
|
Re: القرايي أم دق (Re: طارق جبريل)
|
| Quote: يا نوفل نحن كنا خمسة أصحاب بنفطر مع بعض. أول ما يفكونا في حصة الفطور نحن ومدرسة البنات (زمن الفساتين الخدر) والمدرسة الوسطى بتاعة الأولاد (الزمن داك). |
غايتو زمنكم انتوا السمح وزين والله
نحن قدرنا جابنا في زمن الانقاذ الاولاد والبنات لابسين كاكي
من بعيد ما تفرز الطالبه من العسكري
| |
|
|
|
|
|
|
|
|
|
Re: القرايي أم دق (Re: طارق جبريل)
|
ود جبريل سلام
في المتوسطة ممنوع الخروج من سور المدرسة بنزوغ نمشي ناكل الفول المصلح بالسرقة
أها الناس بدت تزيد كل يوم الناس الزايغين في زيادة.
مدير المدرسة عرف و اليوم داك عامل كمين الجماعة بجو مع جرس نهاية فسحة الفطور
نحن عرفنا الموضوع غيرنا مكان الدخول
واحد من البرالمة جا من هناك جاري و على الحيطة فوق الحيطة و ناطي بي جوة
جاء واقع ليك في راس المدير .... بقينا في البقوم المدير من الواطة شنو ..؟؟؟
.
| |
|
|
|
|
|
|
|
|
|
Re: القرايي أم دق (Re: ABUHUSSEIN)
|
| Quote: جاء واقع ليك في راس المدير .... بقينا في البقوم المدير من الواطة شنو ..؟؟؟ |
لكن يا حبيب زولكم دة ما بالغ اشد البلوغية
| |
|
|
|
|
|
|
|
|
|
Re: القرايي أم دق (Re: طارق جبريل)
|
Quote: ولا حبات ألات سجك يشووهن ويغتسوهن في (الكاتشب)
ويزرقوهن في العيش العلي ضنب الكــلـب داك..
ولا الخرابة العفن داك اليقولوا (الهوت دوق)..
وبعد دة يلفوهوا بالألمونيوم فشان يبقى سخن لي وقت الغداء
ويهجروهوا في شنيطي صغووويري كدي ألت الأكل..
|
والله لو ما الكلام الطاعم دا كان ودينا ليك البوست دا الخور قبل الارشفة ههه
تسلم يا ود جبريل
بالله المصايب دى باذاتة وصفاتة مرت علينا مع شفع الزمن دا والعايشين برا السودان ،تسلم
| |
|
|
|
|
|
|
|
|
|
Re: القرايي أم دق (Re: جعفر محي الدين)
|
Quote: والله يا طارق يا حليل زمن قرايتنا
بشقاوتا وتعبا داك كانت أحلى وأجمل
ذكريات ما زالت ترن في الأذن
أولادنا اليوم لا يتذكرون ما حدث بالأمس في مدارسهم
|
جعفر كيفنك
يا زول الزمن داك كان سمح خلاص
| |
|
|
|
|
|
|
|
|
|
Re: القرايي أم دق (Re: Nagat Sid Ahmed Elshiekh)
|
Quote: والله لو ما الكلام الطاعم دا كان ودينا ليك البوست دا الخور قبل الارشفة ههه
تسلم يا ود جبريل
بالله المصايب دى باذاتة وصفاتة مرت علينا مع شفع الزمن دا والعايشين برا السودان ،تسلم
|
اوووووه نجاة ياخي كيفنك
وحبابك في ((القرايي أم دق)) دي
البُطان ديل لا تعرفهم ماشين مدرسة لا تعرفهم ماشين ياكلوا ويجوا
| |
|
|
|
|
|
|
|
|
|
Re: القرايي أم دق (Re: طارق جبريل)
|
يا طارق
أنا بديت المدرسة في الشمالية ومشيت قريت تالتة في كسلا.
بعدين يوم في حصة الجغرافيا في صورة كدا والمدرس يسأل عن الحاجات فيها والفصل كلة يجاوب.
مثلا يكون في جدول الاستاذ يسأل والفصل كلو جادوال. وهكذا.
من ضمن الحاجات الموجودة في الصورة كانت في راكوبة.
أها الأستاذ سأل دي شنو؟؟
الحناكيش كلهم جاوبوا راااكووووبة.
وأنا الوحيد وبصوت عالي في نصهم كرقة (بكسر الراء وتشديدها)
طبعا الاستاذ عارفني جديد قام وقف الحصة وناداني . قال لي قلت شنو. قلت ليهو كرقة.
قال لي يعني شنو كرقة قلت ليهو يعني كرقة زي الفي الصورة دي.
عاين لي باستغراب وخلاني مشى.
| |
|
|
|
|
|
|
| |
طارق جبريل
omer osman
خالد كدودي
أحمد ابن عوف
sari_alail
أيمن التوم حسن
رشا سالم
SHIBKA
ABUHUSSEIN
محمد أبوالعزائم أبوالريش
الرشيد ابراهيم احمد
الرفاعي عبدالعاطي حجر
ناصر احمد الامين
عزان سعيد
هواري نمر
عبد الدائم سيد أحمد
بشير دفع الله
نوفل عبد الرحيم حسن
عبدالله ود البوش
Mohamed E. Seliaman
ياسر عبدالكريم محمد
Nagat Sid Ahmed Elshiekh
جعفر محي الدين
فيس بوك
تويتر
انستقرام
يوتيوب
بنتيريست