دعواتكم لزميلنا المفكر د.الباقر العفيف بالشفاء العاجل
|
|
 العندو بواسير اليموتبها..
|
يا الحبيبين كيفنكم
جاني ايميل من صحبي اسامة قالي زولك حسن ساونلوا عمليي دحين أضربلو
أتاريه الخرابة ما قالي العمليي ألت شنو
شلت تليفوني طبزك طبزك طلعلي رقمو وضربتلو
- ألو
- ياخينا ألف حمدلالاك بالسلامي قالولي سويتلك عمليي
- ايه طارق هول ناس جبرين.. انت الخبر وصلك لا هناك
- ايي رسلي أسامة قالي صحبك سولوا عمليي
- نان ما قالك عمليي ألت شنو
- لا والله .. اها هسي انت كيفن
- وحاتك يا قريبي انا شفتلي أياما علي الضُلمة كله كله
- يا زول
- يا الحبيب قامن علي البواسير.. ليلن ونهارن ينتحن وانا اتململ من هني لاااا هني
علي اللقيمات وكتين يقلبوها في الصاج.. وكل يوم امشي اهبش فيها في المُستراح
وألقالك شخاليب مدلدلي علي الشافع وكتين ينفخ اللُبانة.. مشيت جبتلي مرهم من الاجزخانة
وقعدت أليس فيها ليلي وصباحي زي العروس اليدلكوا فيها قبل العرس
- اها
- تبرد شويي وتاني تتلافاني... وأقعد أتوحوح .. هبشتها لقيت الشخالب زادن بقن زي ترس الكلتش
والقصي جابتلها دم.. يا بي اسويلي فوطة تحت اللباس ولا كمان اسويلي بامبرز زي محمد ولدي
ودة كله يا الحبيب خوف من مشية الدكتور والبعبيص في الصُلب علي كُبرنا
- نان مالك ما مشيت لي د. طارق
- انا قلت يا الحبيب أكمدها بي شي لامن براها تروح.. نان هي همدت شي
اها يا الحبيب مشيت علي طارق الله يديه العافي..
دخلني وبقى يبعبص في صُلب الجن دة
- شن قال
- قالي يا زول انت الخرابة دي خليتها لي هسي كيفن.. لازم تسويلك عمليي سريعي
عمليي... وووب عليك يا حسن ود حزامة...
- ههههههههه اها
- المهم حددلي مواعيد للعملي في مستوصف في العمارات.. كلمت المرة وقلتلا تكلم اختها
فشان تجي تقعد مع البُطان وما تقولها نوع العمليي.
- ههههههههههههههههههه
- ايي يا الحببب لا نبقى في الفضايح كمان
يا زول مشيت شايلي معاي غيار ومعاي المرة دخلنا ملينالنا اوراق كدي ودخلوني اوضة
ختيت فيها الغيار ومعاي المرة.. جاء واحدا غليد كدي ليه رقبة علي ((التلكي)) أليل الجزارين
أداني مريلة كدي قالي ألبسها وأقلع هدومك كلهن..
-اها
- اتقولعت ولبست مريلة الجن دي.. وطبعا صايم ما أكلتلي شي من أمبارح
وأشوف في القرقوش المرسلاهو لي أمي من العفاض وأعضعض في لسناتي
جاء الخرابة الغليد دة ساقني.. مشينا علي أوضة كدي فيها سرير مصنقع كدي
رقدوني فيهو وأشوف في زولك يخجلو في باغة كبيري فيها رغوة ألت صابون
شويتين جابلو خرطوشا أخدر طويل كدي ليه راس صغوووير.. ووووب عليك يا حسن ود حزامة
قلتلو: انت الخرطوش دة لي شنو
قالي عشان بطنك تفضى لازم نكب ليك شوية صايون
وبقيت أقنت يا الحبيب قبل يدخلولي خرتوش الجن دة
شويتين جابلو مرهم كدي دعكو في تروس الجن ألاتي ديلك وبدأ يدخل في الخرطوش
نان يا ود جبرين أنا باقيلي الله ما بيحاسبني تاني
- ههههههههههههه كيفن
- أماني خرطوش الجن ماهو حاااااار هو يدخل فيهو وأنا أقنت
شويتين بقى يكب في صابون الجن دة من الباغة.. هو يكب وأنا أنفخ في ريالتي
زي المكوة البترش الموية في الهدوم ديك
وحاتك كمل الباغة كلها في مصاريني وحسيت نفسي بقيت زي سمكة التامبيرا
اها قام قالي بعد نطلع الخرطوش دة حا تحس انك داير تمشي الحمام
الحمام قدامك.. نص ساعة ندخلك العمليي..
نان أنا صبرت لامن يطلع الخرطوش كله...
وحاتك سلة الخرطوش كدي بوووووووووووووش رشيتو ورشيت الحيط كلهن
- هههههههههههه الله لا كسبك أها
- يا زول مليتلك الدنيا هِرِرِي (جمع هُرار أكرمكم الله).. وإن ما أكذب
طلعتليي باميايي سالمي ضومة ضومة
- هههههههههه نان انت ماك صايم
- اييي بس قبليها بي يوم جيت جعان لقيت المرة مسويالا باميي سمحي
زي ألت دعاية زيت صباح ديك ووقعت فيها جف جف جف
وحات نضري يا ود جبرين الحيطة ألت الأوضة بقت زي حيط مُستراح السوق العربي
كلها مجلطة والعفني ما تديك الدرب..
- نان ما كاتلك الخرابة الغليد دة
- يكاتلني في شنو.. نان هو كبسني صابون زي المخدة الجديدة الينجدوا فيها
وفوق دة كله ما أهُر أن بقيت داير أهُر موش دافعلهم.. ما بي قروشي
- ههههههههههههه
- يا زول وضوني أوضة تاني ودخلت الحمام وبقيت أعصر في بطن الجن دي
وحاتك يا الحبيب أنا قايل مصاريني نزلن ضومة ضومة..
نص ساعة جوا دخلوني للعمليي وجاء د. طارق ومعاهو واحدا تاني
وبنيتين قالولي ديل سسترات.. اها رقدوني علي بطني وختولي شيتا تحت محسني
وبقيت راسي مدلدل لااا تحت وصلبي مفنتر لااافوق علي القلاب أليل التراب وكتين يجي يفضي التراب
- ههههههههه أها
- اها جاء واحدا شايلو حقني ليها راسا طويل كدي قمت قلتلو: انت دي شنو كمان
طارق قالي دي حقنت البنج حا نطعنك بيها في ضهرك.. قلتلو نان مالو رويسها طويل كدي
لا يبقى جبتولكم حقنة قرنتيي.. قعدوا يضحكوا يا الحبيب والراجل بقى يهبش في ضهري لمن
طبزني بي حقنة الجن دي... وجسمي التحت بقى يخدر وماني حاسيبو...
شويتين شلخولي رجليني زي الخروف الدايرين يقسموهوا نصين
اسمع في طارق قال لي واحدي من السسترات أحلقيلو..
- كمان جابتلها حلاقي من تحت..
- أيي الصُلب عارفه شين أنا والشعر فيهو علي شوك الكتر..
- نان أنت شوفته وين.. ههههه
- المهم يا حبيب حلقولي.. أنا إن بقيت قايل الشي فيهو حلاقي
كنت قلت للمرة شديلك حلاوة في علبة نيدو وكنت جيتهم ممعط
- أها
- يا زول السسترات شالخاتلي رجليني.. وأصلهن رجلين الجن ديل تقول بقت ملصقات بي بزاق
يعوجن فيهن الخرابات ديل من هني لا هني.. تقول لاعبة جمباز
وأشوف في طارق يشيل ويقطع في شخاليب الجن ديل.. ويخيط..
شويتين الزول المعاهو يا طارق جابلو خابورا كبييييير علي عصاية البشير البينقزبها
في ريوس العربات ديك.. أها خابور الجن دة كبولم فيهو شيتا ملايق كدي
وهجروه في حفرة الجن دي وطارق قلع الخرابات الكان لابسن وجاء عند راسي وقالي:
حمد الله بالسلامة أهملتها لكن الحمد لله العملية انتهت بس حا يعملوا ليك لصقة كدي وبجيك المساء أشوفك
وإن شاء الله باكر الصباح تمرق لي ولادك..
أها الزول المعاهو بقى يليس في خابور الجن دة وشالوني نقلوني علي الأوضة
لقيت المرة قاعدي ممحنة.. شافتني حمدلت لي بالسلامي وطلعتلها علبة حلاوة أدت السسترات منها..
- أها
- ساعتين يا طارق بنج الجن دة يفك مني.. زي التقول ضربوني بي ملتوف من تحت
وانطلقت فيني الناريي.. وبقيت أوجوج.. وأعضعض في يديني..
ووكتين الشي زاد علي قلت لي المرة شوفيلي أي دكتور أن قربت أموت..
ربك رب الخير جاء واحد طبزني حقنة شويي أرتحت،،
- سلامة والله
- يا زول أنا ما معرسلي جعليي.. وأخت البت قومي كلمي أهلك وجوا منكبسيني فيني
- اها شن قلتلم.. انت ماك داسيها
- آآآبعرف تراها بتهم كلمتهم.. وشويتين كبسني ليك نُفاخ يا طارق
- لا يبقى في باقي بامية في المصارين
- شن عرفني.. وحاتك كلو ما ليه زايد.. والخابور ماهو سادي المنافذ كلهن
وجات أمها تسويلي: ألف سلامة يا ود امي
النجما تهرد لهاتك أنا خلاص داير أطرشق..
- هههههههه شن سويت
- قلت للمرة بعد النفاخ زاد وعيوني بقت غُلاد علي ضكر القعونج اليفتشلوا في انتاييي
قولي لي امك تسوق النسوان ديل وتطلع أن بقت جات جنبي تاني بطرش فوقها
- ههههههههههه
- يا زول عافرت بي تحت لقيتم مليسين الخرابة زي بُرطمان الدلكي الخاتنو للعروس
بقيت أعافر بي أصبعي لااامن سويتلي فتحة صغوووويري.. بس بالله زي الماسورة
الكانت قاطعي منها المويي... كررررررر طررررررررر.. ضرررر
- هههههههههههههههههههه ماك نصيح وحات ربي ماك نصيح
- يا طارق انا ماني كنت داير أموت من بامية الجن دي...
المهم يا الحبيب أخدتلي نومي والمغرب جاني د.طارق حسين
طلعوا خابور الجن دة وسوولي مراهم كدي وقالي باكر الصباح تطلع
- والله سلامة يا الحبيب
- يا زول يومين وانا دخول الحمام دة علي ولادة الشفع
اسبوع كدي حتى استعدلت... غايتو أن بقن جاتك لا تسويها في السودان
- هههههههه يا زول مالك علي
- غايتو ضومة فضيحي
- يلا سلام يا الحبيب
- تسلم سلم علي وليداتك
حمانا الله وإياكم
|
|
 
|
|
|
|
|
|
|
 Re: العندو بواسير اليموتبها.. (Re: ABUHUSSEIN)
|
Quote: طارق ســلام
اليوم جمعة و يادوووووب جايين من الـصلاة نجي نلقى البواسير في وشنا....
تحياتي و جمعة مباركة كمان |
يا حبيب سامحنا
باقي نحن في المغرب الجمعة شغل
جمعة مباركة يا عزيزي وتحياتي للوليدات وأمهم
| |
|
|
|
|
|
|
|
|
|
Re: العندو بواسير اليموتبها.. (Re: ABUHUSSEIN)
|
وحياتك ياطروق لي فترة طويلة ما استمتعت بشئ مكتوب قدر استمتاعي بهذا البوست
غايتو ياطارق يديك العافية ويخليك
فرقت علينا كتير هموم
ـــــــــــــــ
بالمناسبة اريتهم ناس البيت يكون ادوك جوابنا الكتبناهو ليك انا وقمر بوبا
| |
|
|
|
|
|
|
|
|
|
Re: العندو بواسير اليموتبها.. (Re: خضر حسين خليل)
|
Quote: وحياتك ياطروق لي فترة طويلة ما استمتعت بشئ مكتوب قدر استمتاعي بهذا البوست
غايتو ياطارق يديك العافية ويخليك
فرقت علينا كتير هموم
ـــــــــــــــ
بالمناسبة اريتهم ناس البيت يكون ادوك جوابنا الكتبناهو ليك انا وقمر بوبا
|
خضر يا حبيب
يا زول ما جايبي همها اضحك ياخي
وصلني تب مكتوبك والمسخوت التاني
ياخي زعلت ما شفتك
| |
|
|
|
|
|
|
|
|
|
Re: العندو بواسير اليموتبها.. (Re: هواري نمر)
|
Quote: يمين ماك نصيح
دي بي كم كرت يا ود جيريل..!!
لووووووووووووول
خليتني زي المجنون ....أضحك براي في الصباح ده.
بدور أقتبس من كلامك ..
إلا ...........!
__
إزيك يا الحبيب كيفنك؟
|
اسكت اقتبس يا الحبيب تراهو كله طلقيتة
| |
|
|
|
|
|
|
|
|
|
Re: العندو بواسير اليموتبها.. (Re: ود الباوقة)
|
دا شــنو يا ود جبريل يا مسخوت
جمعة مباركة يا حبيب.....
الله يجازي محنك والله ضحكت جنس ضحك
نان دحين ما فضحته زولك وهو داسيها
بس أخير سواها في الســـودان
قالك في واحد عندو زي جنس وجع صاحبك دا
والدكتور خواجه هو السوالو العملية وبعد العملية
كل يوم الخواجة أجي ويسأل في صاحبنا: اها محل العملية (.....) كيف؟
الراجل قالو: والله يا خواجة محل العملية كويس علا ملافضك كعبه خلاص 
| |
|
|
|
|
|
|
|
|
|
Re: العندو بواسير اليموتبها.. (Re: Elkhawad)
|
شكرا يا طارق جبريل ياخي وانه عمل فني ممتاز وبحق استمتعت وضحكت جدا للصدق في الحكي ... واهمية هذه البوست يا طارق ياخي تكمن في انها محاولة جيدة جدا لكسر الجدار المتين المضروب حول هذا المرض والتعاطي في شانه ومحاولة ازالة الفهم المغلط عند السودانين والعرب والشرقيين عموماوخطورة كتمه والاثار الضارة المترتبة علي ذلك
| |
|
|
|
|
|
|
|
|
|
Re: العندو بواسير اليموتبها.. (Re: تولوس)
|
ود جبرين سلامات
ياجماعة ماقلنا نحن بنخش من المقاهي ارحمونا شوية ياخ
لكن غايتو بعد القريتو دا لو جاتني بواسير دقست ولا بعمل ليها عمليه ولا حاجة
خالص الود
| |
|
|
|
|
|
|
|
|
|
Re: العندو بواسير اليموتبها.. (Re: ياسر بيناوي)
|
Quote: ود جبرين سلامات
ياجماعة ماقلنا نحن بنخش من المقاهي ارحمونا شوية ياخ
لكن غايتو بعد القريتو دا لو جاتني بواسير دقست ولا بعمل ليها عمليه ولا حاجة
خالص الود
|
نان انت يا ود بيناوي في المقاهي دي ديار تضحك بي وين
| |
|
|
|
|
|
|
|
|
|
Re: العندو بواسير اليموتبها.. (Re: تولوس)
|
Quote: شكرا يا طارق جبريل ياخي وانه عمل فني ممتاز وبحق استمتعت وضحكت جدا للصدق في الحكي ... واهمية هذه البوست يا طارق ياخي تكمن في انها محاولة جيدة جدا لكسر الجدار المتين المضروب حول هذا المرض والتعاطي في شانه ومحاولة ازالة الفهم المغلط عند السودانين والعرب والشرقيين عموماوخطورة كتمه والاثار الضارة المترتبة علي ذلك
|
تولوس كيفنك
ياخي عندي صحبي من البطانة جاب ابوهو عنده عملية بواسير
النبطشي كانت دكتورة
زولك فنننننننن جاء طالع
قال لي ولده دي الطير في الخلا ما شافها تشوفها مرة
ياخي مع انه المرض دة بسيط بس نحن طريقة تربيتنا مخليانا معقدين كل شي
| |
|
|
|
|
|
|
|
|
|
Re: العندو بواسير اليموتبها.. (Re: Elkhawad)
|
يا طارق
قالو في واحد مشي يعمل نفس العملية في المستشفي الصيني بامدرمان
بعد البنج فكا منو قبل لقي روحو راقد علي بطنو و الدكاترة الصينين متلمين بوراه
قاليهم معقووووله لكن!! دي (...) ولا كُبري
| |
|
|
|
|
|
|
|
|
|
Re: العندو بواسير اليموتبها.. (Re: حسبو عكاشة)
|
Quote: يا طارق
قالو في واحد مشي يعمل نفس العملية في المستشفي الصيني بامدرمان
بعد البنج فكا منو قبل لقي روحو راقد علي بطنو و الدكاترة الصينين متلمين بوراه
قاليهم معقووووله لكن!! دي (...) ولا كُبري
|
ود عكاشة كيفنك
زولك دة بيكون رباطابي
| |
|
|
|
|
|
|
|
|
|
Re: العندو بواسير اليموتبها.. (Re: الزبير صالح الزبير)
|
Quote: وتيب مادام ود الصايم عملها انت مصلبها في حسن المسكين مالك
اعترف وبان وعليك الامان
تعرف ياطارق في 2006 كنت في السودان وجاتني المصيبة دي
كنت ساكن مع اخوي في الحلفايا وقدر ما تجاهلتها ابت تخليني قمت براي مشيت بحري افتش لي دكتور
لكن ماعرفت اروح لدكتور تخصصة شنو المهم لفيت لقيت ليك دكتور جراح قمت قلت اتوكل وامشي ادخل لية
لمن جيت داخل لقيت ليك لافتة جنبة لدكتور بتاع اسنان اسمة انور عباس كان معانا هنا في السعودية ورجع نهائي
المهم طوالي عملت للخلف دور
اصلوا دكتور انور دة صحيح رجع نهائي لكن علاقاتة وتلفوناتة مع الشلة هنا دايما تتطاقش
خفت وانا داخل ولا خارج يشوفني نقوم في الفضايج
تخريمة
حقتي ديك ما وصلت عملية وبشتنة جنس الحصلت لزولك دة أقصد للزول الانت صلبت فية المصيبة دي
تقديري
|
عشان الحركات دي ابيت اغترب في الخليج
| |
|
|
|
|
|
|
|
|
|
Re: العندو بواسير اليموتبها.. (Re: طارق جبريل)
|
وصموني بقلة الحياء
خلال سنوات عملي في مؤسسة الاتحاد للصحافة، كان معظم أصدقائي من أهل البلد، من أبناء الإمارات الشمالية:
رأس الخيمة والفجيرة وأم القيوين، والسر في ذلك أنهم كانوا يعيشون معا كـ "عزاب"، ويعودون إلى بيوتهم
عصر كل يوم أربعاء ليستأنفوا العمل صباح السبت، والتواصل مع العزاب أسهل من التواصل مع المتزوجين لأنك
تستطيع ان تداهمهم في محل سكناهم بلا إحم أو دستور (يقال إن منشأ هذه العبارة هو أنه في العصر الملكي
في مصر كان هناك غضب عارم من دستور طرحته الحكومة وصارت الشرطة السرية تعتقل كل من يهاجم الدستور، وفي
المقاهي والأماكن العامة كان الناس إذا انتبهوا إلى أن شخصا ما يشتم الدستور بينما شرطي سري يقترب من
المكان يتنحنحون "إحم" فارتبطت هذه الكلمة ومعها "دستور" بالتنبيه إلى وجود زائر طارئ.. والله أعلم)..
وكانت هذه الشلة من أبناء الإمارات الشمالية تقيم في عمارة في حي الخالدية في أبو ظبي وكنت أزورهم كثيرا
وربطتني بهم صلات ومودة قوية ما زالت قائمة مع بعضهم الى يومنا هذا.
وذات مرة اضطررت الى الذهاب الى المستشفى، وأنا أعاني من نزف مؤلم، وتم استدعاء جراح تصادف أن كان سودانيا
اسمه علي محجوب، وقال لي إنه لابد من احتجازي لإجراء عملية استئصال البواسير في اليوم التالي، قلت: على جثتي
.. مفيش عملية.. اعطني أي بلوى.. مرهم.. حبوب.. بودرة.. طباشير.. المهم لن أخضع للجراحة، فقال لي: بكرة تندم
يا جميل وأعطاني بعض العقاقير وذهبت الى البيت، وبعدها بأسبوع ذهبت إلى الجراح منكسرا أرجوه أن يجري العملية
فقال: لا مانع، بس بدون بنج.. قلت له: على بركة الله بس خلصني من الآلام التي امتدت الى ساقي وحرمتني من الجلوس
ومن العمل.. وأجريت العملية بتخدير كامل ثم استيقظت، ووجدت العديد من الأقارب والأصدقاء حول سريري،.. سعدت
بمحادثتهم، ثم انتهى موعد الزيارة، وبدأت أحس بألم فظيع، ولكن الممرض طلب مني الصبر إلى أن يأتي الطبيب في
الجولة المسائية،.. ولم أكن قادرا على تحمل الألم، فاقترب مني شاب مصري، كان قد أجرى جراحة لاستئصال دُمَّل (خُرّاج)
من كفه وقال لي خد .. لم أسأله عن نوع الحبة التي كانت في يده، و"أخدتها"، فأعطاني واحدة أخرى فـ "أخدتها"،
وأحسست بخدر لذيذ وبأن الألم صار محتملا ونمت مجددا، وفي منتصف الليل استيقظت وكأنما النيران تأكل جسمي.. وتسللت
من وراء ظهر الممرض المناوب الى حيث كان صاحبنا المصري نائما وأيقظته وتوسلت اليه ان يعطيني "حباية" فصاح:
يا عمي سيبني في حالي.. حد قال لك إن أنا عندي مخزن فاليوم؟ حاولت على مدى ربع ساعة إقناعه بأن يعطيني حبة
فاليوم أخرى، ولكنه رفض فصحت فيه: إلهي يقوم لك خراج في لسانك وعيونك.. وسمع الممرض ضجيجنا وزجرني وقادني الى
سريري، ثم أتى طبيب وطخني إبرة جعلتني أدخل في غيبوبة لذيذة نحو 8 ساعات تخللها السخف المعتاد في المستشفيات:
فور أن تغمض عينيك يأتي ممرض لقياس ضغط الدم.. ويذهب فتنام مجددا فيعود بعد نصف ساعة لأخذ عينة من الدم.
المهم غادرت المستشفى ثم استأنفت العمل والتقيت بأصدقائي أبناء الإمارات وعاتبتهم لأن أيا منهم لم يزرني في
المستشفى فهتفوا: إنت ما تستحي.. مسوي بواسير وتبي الناس تزورك؟ ثم شرحوا لي أن معظمهم أجرى عملية بواسير
ولكن خارج البلاد.. في الهند أو البحرين أو بنجلاديش.. المهم في بلد لا يعرفه فيه الناس
جعفر عباس
| |
|
|
|
|
|
|
|
|
|
Re: العندو بواسير اليموتبها.. (Re: محمد عبد الماجد الصايم)
|
ودجبريل ليك التحيه
حكي لذيذ خلانا نتمتع بألم صاحبك وكفاره
-------------------------
وعندنا صاحبنا عمل العملية دي في مستشفى مدني والظاهر الدكاترة كانو في سنة الامتياز صاحبنا تعب بعدها
لفترة طويلة لما شافو ممرض قديم في حلتنا قال لينا صاحبكم ده والله الجماعة ديل قلبوها ليهو قلبت شراب
| |
|
|
|
|
|
|
|
|
|
Re: العندو بواسير اليموتبها.. (Re: اشرف السر)
|
الله يجازي محنك يا ود حبريل
ايام الجامعة واحد صاحبنا
جاي من السوق مرورا بكبري الشبان المسلمين
الفي الترعة ديك يا طارق
قام قابل واحدة من الزميلات المعاه في الكلية
بعد السلامات والسؤال عن الاحوال
قالت ليهو من وين كدة الليلة؟
بطريق الظرافة بتاعت الناس مع الجكسي قال ليها
-والله كنت بزور فلان دة عملوا ليهو عملية بواسير
قامت البت قالت ليهو بكل براءة
-وين ؟؟
رد سريعا
_في عينو
هههههههههههههههههههههههههههههههههه
| |
|
|
|
|
|
|
|
|
|
Re: العندو بواسير اليموتبها.. (Re: مبارك جادين)
|
Quote: ايام الجامعة واحد صاحبنا
جاي من السوق مرورا بكبري الشبان المسلمين
الفي الترعة ديك يا طارق
قام قابل واحدة من الزميلات المعاه في الكلية
بعد السلامات والسؤال عن الاحوال
قالت ليهو من وين كدة الليلة؟
بطريق الظرافة بتاعت الناس مع الجكسي قال ليها
-والله كنت بزور فلان دة عملوا ليهو عملية بواسير
قامت البت قالت ليهو بكل براءة
-وين ؟؟
رد سريعا
_في عينو
هههههههههههههههههههههههههههههههههه |
دة بيكون بشير خفة يا حبيبنا
| |
|
|
|
|
|
|
|
|
|
Re: العندو بواسير اليموتبها.. (Re: ahmed khidir)
|
Quote: طارق سلامات
يعد السرد والحكي الدقيق ده
يا انت كنت حاضر مع قريبك ده
ولا انت الزول العمل العملية
كلامك ده قولوا لي زول ما عندو حديده اقصد علاقه مع البواسير |
يا حبيبنا هسي دي يثبتوها ليك كيفن
| |
|
|
|
|
|
|
|
|
|
Re: العندو بواسير اليموتبها.. (Re: طارق جبريل)
|
Quote:
Quote: في حاجة اسمها fleet emema
أشرح يا دكتور الباقر في ناس بتتاوق وقالو لي أسألو لينا
يا طاااااااااارق
خش في الشرح العِلِمي ياخي
تعميماً للفائدة :) |
عمران كيفك
اولا ... ذهب اصبعنا خطا لحرف الm بدلا من الn
الصحيح fleet enema
ودا الانبوب الشرجي الذي يستعمل لافراغ المستقيم بدلا من الصابون الذي تم استعماله لصاحب طارق
لاننصح طبعا باستعماله دون الاستشارة
| |
|
|
|
|
|
|
|
|
|
Re: العندو بواسير اليموتبها.. (Re: جمال الباقر)
|
Quote: الصحيح fleet enema
ودا الانبوب الشرجي الذي يستعمل لافراغ المستقيم بدلا من الصابون الذي تم استعماله لصاحب طارق
لاننصح طبعا باستعماله دون الاستشارة |
ود الباقر شكرا للمعلومة
لكن مالطة خربت
| |
|
|
|
|
|
|
|
|
|
Re: العندو بواسير اليموتبها.. (Re: Al-Shaygi)
|
Quote: أهم حاجة ما قلتها؟؟؟؟
الخرابي ما لصقوهو في البطن بي مخاليهو!!!!
قريبك ده ما وصف ليك كويس.... |
اوووووووووه قريبنا الشايقي
ياخي كيفنك
يا الحبيب زولي وصفلي كلي شي
بس ان فتيتو هني آآآبيصبح علي الربع دة
| |
|
|
|
|
|
|
|
|
|
Re: العندو بواسير اليموتبها.. (Re: طارق جبريل)
|
Quote: مالك علينايا طارق
بشرب لي في نسكافيه
الرشفة الاولى وتركته وحاليا بطني قالبة
|
بوست غير موفق البتة
كامل التضامن مع الحساس الما شناف
ود الباوقة اليابانى
ياخ احترم نسكافيه الجماهير(ود الباوقة)
نموذج للجماهير قر قر قر قر
اكان........ لمت فى عود الجوز قربيك شوية
بهدى اللعب ؟..رغم قناعتى الزيو الا حادث
المسخوط ما ......ازيك ولا شى
| |
|
|
|
|
|
|
|
|
|
Re: العندو بواسير اليموتبها.. (Re: معاوية عبيد الصائم)
|
Quote: بوست غير موفق البتة
كامل التضامن مع الحساس الما شناف
ود الباوقة اليابانى
ياخ احترم نسكافيه الجماهير(ود الباوقة)
نموذج للجماهير قر قر قر قر
اكان........ لمت فى عود الجوز قربيك شوية
بهدى اللعب ؟..رغم قناعتى الزيو الا حادث
المسخوط ما ......ازيك ولا شى |
عود الجوز كان جاب ضقلها
| |
|
|
|
|
|
|
|
|
|
Re: العندو بواسير اليموتبها.. (Re: طارق جبريل)
|
منتهي الجمال (السرد الأدبي طبعاً يا طارق) المهم دا نوع أو ضرب من ضروب الأدب نسيت إسمو شنو يكون الموضوع حاصل ليك وتقول حصل لي فلان هي ما إياك أعني فأسمعي يا جاره لكين قريب منها ، المهم يا ود جبريل على طاري هذه الحكاية قال ليك في واحد يعاني ما عنيت أنت لا صاحب من تلك الآلم وودوهو وفي طربيزة العملية ختو وتحلق حوله طلبة كلية الطب وكان البروف بتاع سجارة أها صاحبنا بعد البنج خلاص بدأ يفك منو والهوا سباني قال بلسان عربي مبين " يا ساتر" أها البروف أكلت معاهو قال ليهو إنت والسترة إتفارقتو زماااان قول يا لطيف.
| |
|
|
|
|
|
|
|
|
|
Re: العندو بواسير اليموتبها.. (Re: almulaomar)
|
و الله يا ود جبريل إنت غايتو .. ما عارف أقول ليك شنو
لكن عليك أمان الله مديرنا كل مرة يمرق يتاوق لي و عاوز يشوف الزول دة مالة بيضحك براه.
( أها .. يموت الزول و بواسيرو تلعب )
| |
|
|
|
|
|
|
|
|
|
Re: العندو بواسير اليموتبها.. (Re: ابو جهينة)
|
Quote: الله يا ود جبريل إنت غايتو .. ما عارف أقول ليك شنو
لكن عليك أمان الله مديرنا كل مرة يمرق يتاوق لي و عاوز يشوف الزول دة مالة بيضحك براه.
( أها .. يموت الزول و بواسيرو تلعب ) |
حبيبنا ابا جهينة
ياخي كيفنك
يا زول مانا حارلنا منها شي
اسكت اضحك
| |
|
|
|
|
|
|
|
|
|
Re: العندو بواسير اليموتبها.. (Re: زهير الزناتي)
|
انعديشك وديش ديشك يا طارق يا ثقيل يعني اسي في داعي تخلي الواحد
يضحك زي الاهبل كدا براهو في المكتب ... وبعدين معانا بنيات في الشغل
ديل كان سألني بتضحك مالك اقولهن شنو !! واشرح ليهن عمل الفتحة الصغيرون العملها ابوعلي
وطلع منها نواح المصارين علي تدمير البوابة دي كيفن !!!
غايتو الله يسامحك ويجازي محنك يا مسخووووووووووووووت ..
Quote: اسمع في طارق قال لي واحدي من السسترات أحلقيلو..
- كمان جابتلها حلاقي من تحت.. |
هههههههههههههههههههههها ...
ذكرتني نكتة الزول اللقى ليهو كتاب واقع ولمن فتحو لقاهو كتاب عمليات وفيه شرح كامل لي كيف
تعمل العملية الفلانية .. اها زولك مشى فتح عيادة جراحة وقعد يقطع في الناس يجيهو زول زائدة يفتخ الكتاب ويقعد يشتغل .. جيب المشرط افتح الجنبة اليمين خمسة سنت تلقى لحيمة صغيرة اقطعها بعدين خيّط وقفل وخلاص يللا مع السلامة .. اها يوم جاهو واحد عنده بواسير زي ابو علي دا اها صاحبنا فتح الكتاب وقعد يقول للراجل تعال بي جاي جوة الستارة اقلع البنطلون .. اقلع اللباس .. فنقس .. ولقى طبعا احلق الشعر راح جاب المقص وكجك كجك كجك قعد يحلق في الشعر والصفحة كملت راح قلب بي هناك لقى الكتابة ممسوحة قام نفخ لي صاحبنا ا ف اف نفحتين وقال ليهو نعيماً خلاص قوم ..
| |
|
|
|
|
|
|
|
|
|
Re: العندو بواسير اليموتبها.. (Re: Shawgi Sulaiman)
|
ههههههههه
حمد لله على السلامة
قلنا ليك ماتكتر من شطة قندهار
ما سمعت الكلام لمان اكلت سمبهار
واحد بلدياتنا جاتو بواسير
مكتمها وميت بها سنين ..في النهاية اضطر يعمل عملية
أها بعد طلع من العملية راقد في العنبر جن طالبات كلية الطب
نضاف وظراف سلمن عليهو ..
- حمدا لله على السلامة يا حاج.
- الله يسلمكن يا بناتي.
- يا عمو نحن طالبات طلب وعايزين منك مساعدة.
عملك طلع الجزلان..
-ابشرن اساعدكن تب.
- لا يا عمو نحن ما عايزين قروش نحن عايزين نكشف عليك.
- كدي..ما في مشكلة-كشف عمك عن صدره لوضع السماعة .
- لا يا عمو ما فهمتنا نحن عايزن نشوف محل العملية !!
صمت عمك طويلا ..ثم قال ....
- يا بناتي والله ماني داير اطردكن
لكن عينة وجوهكن السمحة دي ما وجوهاالزول ما بقابلا بي ......طتو
يا الحبيب انت وين هسي؟
| |
|
|
|
|
|
|
|
|
|
Re: العندو بواسير اليموتبها.. (Re: معاذ حسن)
|
يا طارق ... عذرا لاقتحامى بوستيكم الظريف وزولك ده ( ولا كان انت ) محظوظ واسمع هذه الحكاية التى قرأتها قبل فترة فى استراحة بإحدى الصحف السودانية ... وتحكى بأن احدهم عانى ما عانى من هذه المصيبة واتوكل على الله وقابل الجراح وبعد المعاينة قرر الجراح اجراء العملية فى اليوم التالى وهون على صاحبنا بأن الحكاية لا فيها جراحة ولا يحزنون وهى مجرد كى بالكهرباء ويا دار ما دخلك شر وتقوم بعد العملية تمشى بيتكم وجاء صاحبنا ورقدوه الرقدة ديك وبدا الجراح وبعد الحلاقة واخذ الجهاز بتاع الكى وساوى المنطقة تماما وفى النهاية قام بسكب مادة السبيرتو المطهرة على كامل مناطق العمليات وبعد أن كاد الطبيب ان يخلع الجونتيات ويعلن نهاية العملية لاحظ وجود بعض الشلاضيم تحتاج للإذالة فإذا به يأخذ جهاز الكى بالنار ثانية ويوجهه لتك المنطقة ناسيا حكاية السبيرتو وكدة وبعد داك عينك ما تشوف إلا النور .....
| |
|
|
|
|
|
|
|
|
|
Re: العندو بواسير اليموتبها.. (Re: صلاح الدين ابراهيم الفضل)
|
| Quote: يا طارق ... عذرا لاقتحامى بوستيكم الظريف وزولك ده ( ولا كان انت ) محظوظ واسمع هذه الحكاية التى قرأتها قبل فترة فى استراحة بإحدى الصحف السودانية ... وتحكى بأن احدهم عانى ما عانى من هذه المصيبة واتوكل على الله وقابل الجراح وبعد المعاينة قرر الجراح اجراء العملية فى اليوم التالى وهون على صاحبنا بأن الحكاية لا فيها جراحة ولا يحزنون وهى مجرد كى بالكهرباء ويا دار ما دخلك شر وتقوم بعد العملية تمشى بيتكم وجاء صاحبنا ورقدوه الرقدة ديك وبدا الجراح وبعد الحلاقة واخذ الجهاز بتاع الكى وساوى المنطقة تماما وفى النهاية قام بسكب مادة السبيرتو المطهرة على كامل مناطق العمليات وبعد أن كاد الطبيب ان يخلع الجونتيات ويعلن نهاية العملية لاحظ وجود بعض الشلاضيم تحتاج للإذالة فإذا به يأخذ جهاز الكى بالنار ثانية ويوجهه لتك المنطقة ناسيا حكاية السبيرتو وكدة وبعد داك عينك ما تشوف إلا النور ..... |
قلت لي زولك بقى نار
| |
|
|
|
|
|
|
|
|
 Re: العندو بواسير اليموتبها.. (Re: امير عوض الجمري)
|
آالمسخوت كيفنك ؟!!!....
يا زول إت ما نصيح ؟ .... وحات الله .. وأحلف وأنا صادق .. ما بذكر ضحكت زي الضحك ده بتين ....
والله يا طارق من كترة الضحك لامن أدمّع عدييل كده ... وكمان أقوم أمسح النضاره .. وهاك يا ضحك ....
ياخ كتلنا عديييل أنت وزولك ده ....
| |
|
|
|
|
|
|
|
|
|
Re: العندو بواسير اليموتبها.. (Re: إدريس محمد إبراهيم)
|
Quote:
بعد إذنك يا طارق قمت بنقل الموضوع في منتدى قريتنا (منتديات دار العوضة) مع الاحتفاظ طبعاً بحقوق الملكية كاملة ....
ياخ ... الله يهديك بس ... لي حسع بضحك .... |
يا زول انقل ساكت
بس بالله ارمي لينا الرابط
| |
|
|
|
|
|
|
|
|
|
Re: العندو بواسير اليموتبها.. (Re: إدريس محمد إبراهيم)
|
Quote: آالمسخوت كيفنك ؟!!!....
يا زول إت ما نصيح ؟ .... وحات الله .. وأحلف وأنا صادق .. ما بذكر ضحكت زي الضحك ده بتين ....
والله يا طارق من كترة الضحك لامن أدمّع عدييل كده ... وكمان أقوم أمسح النضاره .. وهاك يا ضحك ....
ياخ كتلنا عديييل أنت وزولك ده .... |
حبيبنا ود ادريس
اضحك الله سنك يا حبيبنا
تسلم من كل شر
| |
|
|
|
|
|
|
|
|
|
Re: العندو بواسير اليموتبها.. (Re: امير عوض الجمري)
|
| Quote: ولقى طبعا احلق الشعر راح جاب المقص وكجك كجك كجك قعد يحلق في الشعر والصفحة كملت راح قلب بي هناك لقى الكتابة ممسوحة قام نفخ لي صاحبنا ا ف اف نفحتين وقال ليهو نعيماً خلاص قوم .. |
يمين بالله ماك نصيح
| |
|
|
|
|
|
|
|
|
|
Re: العندو بواسير اليموتبها.. (Re: almulaomar)
|
| Quote: منتهي الجمال (السرد الأدبي طبعاً يا طارق) المهم دا نوع أو ضرب من ضروب الأدب نسيت إسمو شنو يكون الموضوع حاصل ليك وتقول حصل لي فلان هي ما إياك أعني فأسمعي يا جاره لكين قريب منها ، المهم يا ود جبريل على طاري هذه الحكاية قال ليك في واحد يعاني ما عنيت أنت لا صاحب من تلك الآلم وودوهو وفي طربيزة العملية ختو وتحلق حوله طلبة كلية الطب وكان البروف بتاع سجارة أها صاحبنا بعد البنج خلاص بدأ يفك منو والهوا سباني قال بلسان عربي مبين " يا ساتر" أها البروف أكلت معاهو قال ليهو إنت والسترة إتفارقتو زماااان قول يا لطيف. |
هسي يثبتولك كيفن القصي ماها ألتي يا بهجة عمر
| |
|
|
|
|
|
|
|
|
|
Re: العندو بواسير اليموتبها.. (Re: عبد الدائم سيد أحمد)
|
Quote: ادريس محمد
معقولة بس كان تنقل ليهم موضوع دخان سكينة علي الأقل ريحتة أزين من دة
تقديري |
الزبير أخوي ...
تحياتي .. وأرجو أن تكون وجميع من حولك بألف خير ....
نسوي شنو بس مع المسخوت ده ... ياخي الطلبه ده كان قال ليك السلام عليكم ساكت يضحكك ... ومواضيعو كلها تحت الدكه ... الله يستر المساخيت البي هناك ما يقوموا يقبلوا علي أخوك بس ... لكن أصلهم عندهم قسم خاص بالطرائف والنكات .. اتوكلت وشتو هناك يا الزبير ... ومحل الرهيفه التنفد ....
مع خالص التقدير والموده ؛؛؛؛
| |
|
|
|
|
|
|
|
|
|
Re: العندو بواسير اليموتبها.. (Re: إدريس محمد إبراهيم)
|
ابداع والله... اضحكتنا اسعد الله ايامك
قالو فى زمن نميرى احد المايويين الكبار عمل عملية بواسير٠ نميرى حب يعمل لية مفاجأة ويزورة من غير اخطار٠
من غير توقع قالو ليهو نميرى برة وداخل يشوفك من الخلعة الخابور فووت جاء نابل
| |
|
|
|
|
|
|
|
|
|
Re: العندو بواسير اليموتبها.. (Re: Ahmed Saeed Mohamed)
|
Quote: ابداع والله... اضحكتنا اسعد الله ايامك
قالو فى زمن نميرى احد المايويين الكبار عمل عملية بواسير0 نميرى حب يعمل لية مفاجأة ويزورة من غير اخطار0
من غير توقع قالو ليهو نميرى برة وداخل يشوفك من الخلعة الخابور فووت جاء نابل
|
نميري بالغ ياخي
| |
|
|
|
|
|
|
|
|
|
Re: العندو بواسير اليموتبها.. (Re: إدريس محمد إبراهيم)
|
ابداع والله... اضحكتنا اسعد الله ايامك
قالو فى زمن نميرى احد المايويين الكبار عمل عملية بواسير٠ نميرى حب يعمل لية مفاجأة ويزورة من غير اخطار٠
من غير توقع قالو ليهو نميرى برة وداخل يشوفك من الخلعة الخابور فووت جاء نابل
| |
|
|
|
|
|
|
| |
طارق جبريل
ABUHUSSEIN
هواري نمر
خضر حسين خليل
الامين موسى البشاري
تولوس
ياسر بيناوي
الزبير صالح الزبير
حسبو عكاشة
Hatim Gubara
saadeldin abdelrahman
ناذر محمد الخليفة
محمد عبد الماجد الصايم
محمد علي شقدي
جمال الباقر
Abd Alla Elhabib
اشرف السر
ahmed khidir
عمران حسن صالح
عماد الدين عبدالله
Al-Shaygi
خالد المحرب
معاوية عبيد الصائم
فايزودالقاضي
ابو جهينة
زهير الزناتي
امير عوض الجمري
Shawgi Sulaiman
معاذ حسن
صلاح الدين ابراهيم الفضل
إدريس محمد إبراهيم
عبد الدائم سيد أحمد
معاوية المدير
فيس بوك
تويتر
انستقرام
يوتيوب
بنتيريست