دعواتكم لزميلنا المفكر د.الباقر العفيف بالشفاء العاجل
|
|
 السيد وزير التربية والتعليم... شئ من العقلانية لو ممكن
|
ان تقوم الوزارة بتكليف شركة باعادة تأهيل مدرسة أساس
هذا في حد ذاته امر نحسبه جيدا
أما أن يتوقف المشروع لخلاف بين الوزارة والشركة
وفي نهاية الأمر يتم التفكير في بيع المدرسة
وتوزيع تلامذتها على مدارس أخرى في حي كبير
يحتاج إلى المزيد من المدارس وليس بيعها
هذا ما يسمى العبث بعينه
يحدث هذا في حي امتداد الدرجة الثالثة
وتحديدا مدرسة كعب ابن زهير (مدرسة الامتداد 4 الابتدائية -بشير سابقا)
نحن على اعتاب عام دراسي جديد وأطفالنا لا يدرون
أين سيدرسون ولا يدري أولياء أمور التلاميذ ماذا هم فاعلون
ولا يملكون أموالا للمدارس الخاصة
ثمن قطعة سلاح واحدة قادرة على بناء المدرسة
وتخريج اجيال قادرة على حمل هذا الوطن إلى بر الأمان
ــــــــــــــــــــــــــــــــــــــــــــــــــــــــــــــ
الرجاء كل من يدخل هذا البوست التوقيع للتضامن مع أسر التلاميذ
الذين لا يعرفون ماذا هم فاعلون عسى ان تتراجع الوزارة عن هذا العبث
ولو عن طريق الايميل:
[email protected]
|
|
 
|
|
|
|
|
|
|
|
Re: السيد وزير التربية والتعليم... شئ من العقلانية لو ممكن (Re: طارق جبريل)
|
الحبيب طارق
بالله لزوم الشركة شنو الامتداد دي ما فيها بنايين كل واحد يشتغل 50 متر والشباب كل واحد يشتغل 50 ساعة بنيان ودهان ونجارة كنب وخلي الوزارة توفر المواد
خليكم من الشركات وامور اللحس بتاعت الحيكومة القايمين فيها الايام دي .
يا صديقي الحيكومة قاصدة انها تهمل مدارس الدولة شان الناس تودي اولادا المدارس الخاصة وتدفع الملايين....وفعلا الناس فقدت الثقة في التعليم الحكومي بسبب اهمال الدولة لهذا القطاع الهام.
نتضامن مع اهل الامتداد في تجهيز مدرستهم لتكون بيئة صالحة يتلقى فيها ابناءهم علما نافعا
واهم من البنيان يا طارق الاستاذ المؤهل
| |
|
|
|
|
|
|
|
|
|
Re: السيد وزير التربية والتعليم... شئ من العقلانية لو ممكن (Re: garjah)
|
حبيبنا قرجة الجميل
يا سيدي الفاضل والله الوزارة لو بعدت مننا بنبنيها برانا
ياخي اشتغلنا طلب وبنايين لامن الله غفر لينا
يعني حا تغلبنا فصول لي اولادنا
بعدين ياخي اولادنا ذنبهم شنو انه الشركة عندها مشكلة مع الوزارة
يا سيدي الفاضل الناس جارية وراء لقمة العيش
والتعليم الخاص بالنسبة ليهم رفاهية
العشرة في المية المترفهة دي ما عارفة انه السودا الاعظم
من هذا السودان تحت عتبة الفقر
محبتي الاكيدة
له الله هذا الوطن
| |
|
|
|
|
|
|
|
|
|
Re: السيد وزير التربية والتعليم... شئ من العقلانية لو ممكن (Re: Rihab Khalifa)
|
والمدرسة دي منذ السبعينات هي تخرج الاجيال تلو الاجيال
ياريس من الستينات !!!!
بلد كلها حراميه منتظر منها شنو؟؟
بلد انعدمت فيها الضمير والاخلاق منتظر منها شنو !!!
كل همهم السرقة والاحتيال حتي علي مرافق الصحة والتعليم تتوقع منهم شنو ؟؟
كل همهم السرقة من الفقراء والمساكيين والمعدوميين تتوقع منهم شنو؟؟؟
لك تحياتي ياريس ونبصم بالعشرة
| |
|
|
|
|
|
|
|
|
|
Re: السيد وزير التربية والتعليم... شئ من العقلانية لو ممكن (Re: طارق جبريل)
|
..
.
دى مؤامرة واضحة يا جبريلا ..
ولماذا التفكير ببيع المدرسة ؟؟
هل المدرسة خاصة بمعنى تم تشيدها من طرف فرد او افراد او من طرف الحكومة ؟؟
وهل الوزارة قررت البيع لتسديد رسوم الشركة وتكاليفها ؟؟
يا طارق المسالة واضح التأمر فيها وعلى ما يبدو
ان موقع المدرسة جذب احد الراسماليين الإنقاذيين او تجار بيع السودان
وقرر هذا القرار ؟؟
التوقيعات ما بتفيد ؟؟
لا يوجد حل الا تكوين لجنة من اولياء التلاميذ لمقابلة وزير التعليم ومجلس الوزراء وحتى رئيس الجمهورية ؟؟
وذلك لاصدار قرار وزارى بصيانتها وايقاف هذا العبث ؟؟
اثارة الموضوع فى الصحف ؟؟ وذلك بالاستعانة بابناء الامتداد فى علاقاتهم ؟؟
لاجل خلق ضجة اعلامية وقضية راى عام وتعليم ..
اللاستفادة من النافذين فى الحى ولا يخلو من ذلك لتكوين لجنة لهذا الامر ؟؟
لتصعيد هذا الموضوع لاعلى مراحله
اعتصام الامهات والشباب بالمدرسة وتجمعهم يوميا حتى بدء العام الدراسي ؟؟
وعمل نفير للصيانة البسيطة الابتدائية حتى وصول الدعم المادى او القرار الوزارى
صيانة المدرسة مسئولية الوزارة فلابد من ان تضع اللجنة تكلفة مبدئية ؟؟
وذلك الاتصال برجال البر والاحسان والتجار لتوريد الاحتياجات والعمل على صيانتها بالعون الذاتى
وقبل العام الدراسي واغلاق فرصة الاستيلاء عليها؟؟
استدعاء ادارة المدرسة ومجلس الاباء واللجنة الشعبية خلال الايام الاتيه لبحث الموضوع ؟؟
وايجاد حلول سريعة او مناقشة ما طرح ..
وفقكم الله لما فيه الخير
_______________
اين وزير التعليم من هذا اللغو ؟؟
سابقا كان ابوكلابيش ولنا معه معرفة ولكن حاليا لا ندلاى من هو ؟؟
لذا البحث عن مداخل لهذاالامر ..
| |
|
|
|
|
|
|
|
|
|
Re: السيد وزير التربية والتعليم... شئ من العقلانية لو ممكن (Re: Tabaldina)
|
يا تبلدينا كيفنك
كل ما قلته صحيح
وهناك الآن لجنة على الأرض تتابع الموضوع عن كثب
وفي نفس الآن تجمع تبرعات لحل المشكل عن طريق الأهالي
بس كيف ناس الوزارة ديل يحلوا عن سمانا ياخي
مانا عايزين منهم شي
وصدقني الاسباب الكامنة حا تظهر
زي ما بتقول حبوبتي (يعفن وينشم)
والله ما فضل الا يبيعونا في الدلالة
بس بنفس القيمة محتاجين انه البوست دة يتسيد الصفحة
لتحويل القضية الى قضية رأي عام (وهي كذلك)
الليلة يبيعوا المدرسة وبكرة المركز الصحي
وبعد بكرة يقطعوا راس الجامعة ويعملوه مطعم
| |
|
|
|
|
|
|
|
|
|
Re: السيد وزير التربية والتعليم... شئ من العقلانية لو ممكن (Re: طارق جبريل)
|
الريس ود جبرين
يادوبك شفت البوست
اما حكاية عجيبة ولمصلحة من
يحدث كل هذا وهل استعصت على
اهل الامتداد اعادة تاهيل هذه
المدرسة كما كان العهد بهم
قبل اربعين عاما هو عمر هذه
المدرسة
انه الفساد والاحتيال والرغبة
فى الكسب الرخيص ولو على حساب
مستقبل اولادنا
لقد كنت يوما كما تعلم احد تلاميذ
هذه المدرسة التى كانت نسبة النجاح
فيها قبل اكثر من ثلاثين عاما 100 %
انها الضمائر الميتة اخى طارق
ويجب ان نكون لها بالمرصاد
واولى الخطوات تبدا من الاهالى
مثلما فعلوا فى حالات تعدى مشابهة
وكذلك تفعيل صندوق ابناء الامتداد
| |
|
|
|
|
|
|
|
|
|
Re: السيد وزير التربية والتعليم... شئ من العقلانية لو ممكن (Re: طارق جبريل)
|
يا جبريلا
اقبض في كلام صالح ده قوي
وده الطريق عشان تنتزعوا بيهو حقكم التصعيد ولا شئ غير التصعيد
وأول مرة اسمع بأنه في مدرسة عايزين يبيعوها ،،،
تعرف زمان لو في دكان عايزين يأجروا في مدرسة بتقوم القيامة وتقعد
ومليون توقيع وتصديق
لكن ده ما الزمن العجيب
تخريمة :
غايتو الزول بقي يتفق مع صالح كتير اليومين ديل الله يستر فينا واحد عايز يقلب
| |
|
|
|
|
|
|
|
|
|
Re: السيد وزير التربية والتعليم... شئ من العقلانية لو ممكن (Re: طارق جبريل)
|
عبدالدائم صباحاتك
Quote: كم عدد الطلاب البيدرسو فى مدرسة الامتداد 3 اولاد ؟
تعدهم باصابع اليد لعدم توفر مدرسين |
معقولة بس ... ديل مربعين علي سن رمح اكتر 300 بيت يعني لو في
كل بيت طفلين معناها 600 طلع 300 طفل اسرهم قادرين علي المدارس
الخاصه. والبافي يعني يمشي الخور .. معقولة
يا حبا هي مدرسة ابتدائيه يعني مادايرة ليها لكل مادة استاذ
يعني المسالة كل 250طالب بس. مدير و10 معلمين وفراشه وقفير
ـــــــــــ
لو استمر الحال كدا . ثلثين السودان حا يمشي الخور
| |
|
|
|
|
|
|
|
|
|
Re: السيد وزير التربية والتعليم... شئ من العقلانية لو ممكن (Re: طارق جبريل)
|
..
.
الخطوات العملية الحصلت شنو يا جبريلا ؟؟
ووين اولاد الامتداد ؟؟ ما دورهم خلال هذا الأسبوع ؟؟
هل اجتمع مجلس الاباء واللجنة الشعبية وذوى النفوذ بالحى والمنطقة ؟؟
هل بدا صندوق خيرى لجمع التبرعات ؟؟
هل هناك اى دعم خيري خارجى او خارجى ؟؟
الموضوع يا جماعة ما ونسه ولا كلمة وغطاها
ورونا تحركات حاسمة وجادة وفعلية ؟؟
اسفين لكن :
ان الرجال فنجحها فى فعلها لا فى الكلام ..
لو دا ما حصل ياها المدرسة بقت مطعم سياحى ولا شقق استثمارية ..
_____________
Quote: تخريمة :
غايتو الزول بقي يتفق مع صالح كتير اليومين ديل الله يستر فينا واحد عايز يقلب |
زى ما نصحك جيريلا يا زناتى اخوك بركة
واساسا انا قلبت من زمان بقيت قومى وطنى تعال معاى
احسن من بقية الازقة المتابعنها دى ..
احسن نمسك الشارع الرئيسي ..
| |
|
|
|
|
|
|
|
|
|
Re: السيد وزير التربية والتعليم... شئ من العقلانية لو ممكن (Re: طارق جبريل)
|
Quote: عمو
الدكتور طارق
السلام عليكم انا صوفيا عمري سبعه سنين وزعلانه
عشان في اطفال في عمري ما حيجدوا تعليم
واختي مونيا عمرها اربعه سنين ارسلت رسمه
هديه الي كل اطفال الامتداد
وشكرا
صوفيا الفاتح
|
I
ابنتي العزيزة صوفيا
ليت هذا الوزير يقرأ كلماتك
وكوني على يقين اننا لنت نترك اخوانك دون تعليم
ولو علقوا لنا حبال المشانق
كوني بخير يا صغيرتي الحلوة
| |
|
|
|
|
|
|
| |
طارق جبريل
NGABY AJOOZ
أبو عبيدة البصاص
garjah
فتحي الصديق
Rihab Khalifa
عماد شمت
Nasr
بابكر التوم
الفاضل يسن عثمان
osman righeem
عامر تيتاوى
زهير الزناتي
القلب النابض
عبد الدائم سيد أحمد
عبدالله كع
Ashraf El Bagir
سيد محمد احمد سيدنا
مجدي عبدالرحيم فضل
صلاح أبودية
فيس بوك
تويتر
انستقرام
يوتيوب
بنتيريست