الشعب الملهم.. لن يصبر من كدا أكثر
إلى شباب ثورة العصيان المدني: الحرية لا تقبل المساومة!
أكتب وأهرب: (أوقاف ) قوقل..و (سبيل ) الفيسبوك ...! بقلم يحيى العوض
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
مقال للخائفين على السودان من مصير ليبيا و سوريا إن حدث التغيير
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-09-2016, 07:15 PM الصفحة الرئيسية

مكتبة طارق جبريل(طارق جبريل)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

الريدي اللولا...

06-30-2011, 04:15 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى

الريدي اللولا...

    الحبيبين كيفنكم..
    جيت مارق من درس العصر في المتوسط (الثانوي العام- الإعداد «للحناكيش»)..
    شايل كتيباتي في جلدايي ألت بلاستيك ومبسوط أدوني عشرين في الانجليزي..
    ماشي اتقدل في الفسحة ألت مربع 12 في الامتداد..
    شويتين يا الحبان جن بنيات الفريق اللااااافوق مننا ماشات وينضاحكن..
    طالعات من معهد «الأمل» بعد ما كمَلِن حصَصِن.. ماشات يتهامسِن ويتبسمن..
    جن مارات من فوقي..
    الساعة الشفتة في عيونها وشافت فيني ودنقرت..
    ووكتين اتبسمت وقامن كدي الوجنات غتسن..
    والضفيري تتلولح من تحت الطرحة وفيها خرابات علي الجُلَلْ ويحيدي حمرا والتاني صفرا..
    وعيني دقشت الخرابة المن لاااااقدام وهاجرنو بالكراريس وهو يتمايل من هني لاااا هني
    علي المنقايات الصغار وشايلاهن زيفي..
    وكلما الكراريس يهجروهن زيادي أشيل وأبلع في ريقي وأتشهد...
    والعجب وكتين وقع منها قلم الرصاص ودنقرت شالتو..
    واااااضيقي أنا من الرجلين وكتين يكونن ممسحات بالكركار ويلمعن..
    وحات ود الكرسني تحلف تقول أبنوس وضاربنو بولش
    وحاتكم يا الحبيبين النار انطلقت فوقي..
    ورجليني و«التموت تخلى» بقن يغتسن في التراب ويقومن
    زي الباخرة في نص البحر وقامت عاصفة وتشوف فيها تغتس وتقوم..
    وبقيت كلي انكرش زي الصايدني البُرجُم..
    وركبيني يرجفن علي المكنة البيكسروبا شارع الظلط ديك..
    ووكتين وصلن جنب الشارع الساكنة فيهو وبقت تودع في صحباتها..
    انا اصلي وِدِر ضومة ضومة.. دخلت الجلدايي بي الكراريس بين محسني والبنطلون..
    وختيت ايدي في نصي ووقفت أشوف فيهن..
    وأصلي بقيت أرجف كلي زي الصايداني الوٍردي..
    وأعاين فيها لامن جرَتْ السلك أليل الباب..
    ووكتين جات تقفل الباب رفعت راسها وشافت فيني ودنقرت وسدت الباب..
    مع سدة الباب ديك القالت (كَرَب) ديك وأنا قلبي دة بقى يناتل...
    والكراريس وقعن في عِبِي وبقيت ماني قادر علي المشي..
    وأتاريهو قلم الرصاص يا دابي بريتو قبل أمرق وبقى يطاعن فيني من تحت..
    والشارع مليان ناس وماني قادر أدخل إيدي أمرقو..
    وعلي العلي لابسلي لباس زي البيسووهن النسوان ديلك من باقي دمورية المرتبة..
    والخرابة هاجرني في نصي... وأمي رحمها الله سوتلو لستكين من أبو قرش داك..
    والعٍُقدة ألت اللستك كبيري وهاجراني في محسني ...
    وأصلو إن كان لي محل اللستك بقى زي الجدول أليل المويي..
    وواحد من الكراريس الدبوس أليلو مرق ومع طعين قلم الرصاص
    أصلي بقيت ماشي علي الولد الطهروهوا كبيييييييييير وتلقاهو ماسك العراقي لاااقدام منو..
    انتو قالولكم كان هاميني.. وحاتكم اشيل واتذكر في الوجنات وأبلع في ريقي..
    وصلت البيت... وجري علي الحمام..
    أتقولعت ومرقت الكراريس وقلم الرصاص.. إن كان ألقالكم الجسم كله مطعن وكله حبوب..
    لا عرفتها ريدي ولا فحص أليل ملاريا..
    بالله التقول نمت في الحوش في بورتسودان وكبسني الباعوض..
    جيت مارق مفَشِق ولبست العراقي والسروال وقعدت في الطربيزي الكبيري..
    وكان عندي امتحان أليل دين..
    نان أنا حفظت شي..
    وحاتكم بس افتح كتاب الدين كدي أشوف الضفيري ألتا بين السطور..
    جبتلي ورقة ألت فلسكاب وبقيت أكتبلها في جواب..
    وكانت عاجــــباني كلمة ((الشامخة)) وبقيت افكر أدخلها في الجواب أليل الريدي دة..
    وطوالي كتبت: حبيبتي.. (أصلي ما شهدتها)..
    إن مشاعري الشامخة.. و....
    وبقيت أهضرب وأفسي في جواب الجن دة..
    وأصابعيني ديل وهن يكتبن بالله علي إبرة مكنة الخياطة.. ينزلن ويطلعن..
    ربكم رب الخير أصبحت الدنيي وأدونا الامتحان وما أظن جبت فيهو أكتر من 2 من عشرين..
    وأستاذ الدين يمَحِط فيني بالبسطونة وأنا بالي هِنووووووووووك..
    ووكتين جاء العصر دة لامن روحي مرقت..
    بس شفتهن جن طالعات وهي معاهن.. مشيت قدامن ورميت الجواب
    وفِرِد جرية للبيت..
    ولي يوم الليلي ماني عارف قرت الجواب ولا لا
                   |Articles |News |مقالات |بيانات

06-30-2011, 04:58 PM

جعفر محي الدين
<aجعفر محي الدين
تاريخ التسجيل: 11-12-2008
مجموع المشاركات: 3611

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الريدي اللولا... (Re: طارق جبريل)

    وين يا جماعة الطيب شيقوق يشوف المسنوح ود جبرين دا
    طارق إزيك ياخ
    لكن أظن وإن بعض الظن إثم
    إني قريت ليك قصة حب أولى غير دا
    آشقي الحال قلبك دا ما لو رهيف كدي
                   |Articles |News |مقالات |بيانات

06-30-2011, 09:13 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الريدي اللولا... (Re: جعفر محي الدين)

    Quote: وين يا جماعة الطيب شيقوق يشوف المسنوح ود جبرين دا
    طارق إزيك ياخ
    لكن أظن وإن بعض الظن إثم
    إني قريت ليك قصة حب أولى غير دا
    آشقي الحال قلبك دا ما لو رهيف كدي



    جعفر يا حبيبنا
    المسنوح داك بعد دة بقى جد

    القصي القاصدها باقيلي ألت الجامعة
    دي ألت الثانوي العام
    وشويتين ندخل علي الثانوي
                   |Articles |News |مقالات |بيانات

06-30-2011, 09:19 PM

haroon diyab
<aharoon diyab
تاريخ التسجيل: 06-20-2007
مجموع المشاركات: 23178

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الريدي اللولا... (Re: طارق جبريل)

    وليد جبرين

    سلامات ياصديقي العزيز

    ومشتاقين

    يمين متل قصتك دي

    كتااااااار هني المروبه

    فتك عافية
                   |Articles |News |مقالات |بيانات

07-01-2011, 08:15 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الريدي اللولا... (Re: haroon diyab)

    Quote: وليد جبرين

    سلامات ياصديقي العزيز

    ومشتاقين

    يمين متل قصتك دي

    كتااااااار هني المروبه

    فتك عافية


    ود دياب كيفنك يا حبيب
    يا زول الناس دي خايفة من الفت
    شوف كم زول قرأ البوست
    ارقد عافية يا حبيب
                   |Articles |News |مقالات |بيانات

07-04-2011, 09:03 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الريدي اللولا... (Re: طارق جبريل)

    خلق الله دي خايفة تجي تفتوا
                   |Articles |News |مقالات |بيانات

07-04-2011, 11:10 AM

ابراهيم الرشيد وراق

تاريخ التسجيل: 05-03-2011
مجموع المشاركات: 92

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الريدي اللولا... (Re: طارق جبريل)

    قريبى كيفنك

    Quote: خلق الله دي خايفة تجي تفتوا


    يا اخوى انت زمن الثانوى العام بتسوى كدى...

    امال زمن الجهل ولعب عريس وعروس كنت بتعمل شنو؟(وش غامز)

    فتو...فتو...فتو...

    ارقد عافية
                   |Articles |News |مقالات |بيانات

07-05-2011, 09:11 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الريدي اللولا... (Re: ابراهيم الرشيد وراق)

    Quote: يا اخوى انت زمن الثانوى العام بتسوى كدى...

    امال زمن الجهل ولعب عريس وعروس كنت بتعمل شنو؟(وش غامز)

    فتو...فتو...فتو...



    انا بقيت فتيتو يا قريبي المنبر دة كله حا يداعي: يا الوراريق ليكم بصيح جنا عقلي بعد كان نصيح
                   |Articles |News |مقالات |بيانات

07-04-2011, 11:41 AM

عوض عبدالله طه
<aعوض عبدالله طه
تاريخ التسجيل: 08-14-2010
مجموع المشاركات: 603

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الريدي اللولا... (Re: طارق جبريل)

    ....
    حباب طارق جبرين
    يا اخوي انتو ولاد امتداد وحركات
    نان نحن ناس (الهامش) ديل
    حركاتكم حقت ولاد البندر دي ما عندنا
    ....
    ونحن في سنة سادسة
    حولوا لينا قريبنا كدي كان عايش في كوستي (تفتيحة يعني وكده)
    كنا نذاكر مع بعض
    أنا وأخوي وزول كوستي ده وبتين من الجيران
    زولك الليل كوستي ده طبعاً عاملنا محل استعراضو ومغامراتو التفتيحية
    المهم ... بقينا معجبين بيهو اعجاب شديد جداً
    يوم كدي زنت في رأسنا نقوم نجكّس واحدي من جاراتنا البيذاكرن معانا ديل
    الحقيقة (زنّت في راسو براهو وبعدين اقنعنا بان موضوع الزن ده عام)
    والغريبة كان موضوع الجكيس ده موضوع جماعي... والأغرب منو آخر شيء حتين حددنا ياتا فيهن الح نحبها
    اها ...كلنا اشتركنا في كتابة خطاب غرامي ملتهب
    أخوك كان شاطر في الإنشاء .. فقمت بصياغة مجمل الخطاب
    من الكلام اليحبو قلبك
    (سلام يحمله الحمام الزاجل ، لو مر بالما عارف شنو احرقه ولو مر بالشنو داك حطمه .... الخ)
    وآخر شيء ختمته بالأغنية المشهورة وقتها ( أحلى جارة يا احلى جارة .. سالمينا لو بالعين ..أو بالإشارة)
    ثم
    كتبنا اسمائنا كاملة
    والله صحي ....
    اسمي واسم أخوي واسم زولنا (تفتيحة كوستي)
    تخيل !!!! ثلاثة أحباب مرة واحدة
    المهم شلت الجواب بعدما رشيت فيهو شوية ريحي حقت أخوي الكبير
    ودخلتو في كتاب ومشيت وديتو ليها .... و فد جريه
    لسؤ الحظ ... محبوبتنا ما قدّرت موضوع الحب الجماعي ده
    البت من يومها داك انقطعت من المذاكرة معانا
    وكمان كلمت البنتين التانيات انها ح تشتكينا في المدرسة
    عشنا لنا كم يوم كدي .... في رعب لا يعلم به إلا الله
    ومنها التوبة الياها
    ...
                   |Articles |News |مقالات |بيانات

07-04-2011, 12:28 PM

Fadl Karrar
<aFadl Karrar
تاريخ التسجيل: 12-04-2004
مجموع المشاركات: 1870

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الريدي اللولا... (Re: عوض عبدالله طه)

    خليني أعمل فلاش باك في الأول
    عشان أعيش جو القصة
    عشان كدا يا ريت تحدد الكلام دا كان سنة كم ؟
                   |Articles |News |مقالات |بيانات

07-05-2011, 09:18 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الريدي اللولا... (Re: Fadl Karrar)

    Quote: خليني أعمل فلاش باك في الأول
    عشان أعيش جو القصة
    عشان كدا يا ريت تحدد الكلام دا كان سنة كم ؟


    انت يا ود كرار بقيت شغال مع ناس (العتب) والاحصاء
    دحين عمري مالك عليه
    انا اصلي حبيت ولا ماشي التجنيد
                   |Articles |News |مقالات |بيانات

07-05-2011, 09:16 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الريدي اللولا... (Re: عوض عبدالله طه)

    Quote: حباب طارق جبرين
    يا اخوي انتو ولاد امتداد وحركات
    نان نحن ناس (الهامش) ديل
    حركاتكم حقت ولاد البندر دي ما عندنا
    ....
    ونحن في سنة سادسة
    حولوا لينا قريبنا كدي كان عايش في كوستي (تفتيحة يعني وكده)
    كنا نذاكر مع بعض
    أنا وأخوي وزول كوستي ده وبتين من الجيران
    زولك الليل كوستي ده طبعاً عاملنا محل استعراضو ومغامراتو التفتيحية
    المهم ... بقينا معجبين بيهو اعجاب شديد جداً
    يوم كدي زنت في رأسنا نقوم نجكّس واحدي من جاراتنا البيذاكرن معانا ديل
    الحقيقة (زنّت في راسو براهو وبعدين اقنعنا بان موضوع الزن ده عام)
    والغريبة كان موضوع الجكيس ده موضوع جماعي... والأغرب منو آخر شيء حتين حددنا ياتا فيهن الح نحبها
    اها ...كلنا اشتركنا في كتابة خطاب غرامي ملتهب
    أخوك كان شاطر في الإنشاء .. فقمت بصياغة مجمل الخطاب
    من الكلام اليحبو قلبك
    (سلام يحمله الحمام الزاجل ، لو مر بالما عارف شنو احرقه ولو مر بالشنو داك حطمه .... الخ)
    وآخر شيء ختمته بالأغنية المشهورة وقتها ( أحلى جارة يا احلى جارة .. سالمينا لو بالعين ..أو بالإشارة)
    ثم
    كتبنا اسمائنا كاملة
    والله صحي ....
    اسمي واسم أخوي واسم زولنا (تفتيحة كوستي)
    تخيل !!!! ثلاثة أحباب مرة واحدة
    المهم شلت الجواب بعدما رشيت فيهو شوية ريحي حقت أخوي الكبير
    ودخلتو في كتاب ومشيت وديتو ليها .... و فد جريه
    لسؤ الحظ ... محبوبتنا ما قدّرت موضوع الحب الجماعي ده
    البت من يومها داك انقطعت من المذاكرة معانا
    وكمان كلمت البنتين التانيات انها ح تشتكينا في المدرسة
    عشنا لنا كم يوم كدي .... في رعب لا يعلم به إلا الله
    ومنها التوبة الياها


    حباب ود القرير الزين
    لكن أصلي آآآبسعلكم
    الشي كفاي جداد ولا رحمتات لامن اتلميتوا فيها كلكم
    جملة الايمان القراصة المتمرة ماهن قاعدين يسوولا السويتوهو مع بت الجيران دة
                   |Articles |News |مقالات |بيانات

07-05-2011, 10:40 AM

ناصر احمد الامين
<aناصر احمد الامين
تاريخ التسجيل: 03-29-2009
مجموع المشاركات: 2912

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الريدي اللولا... (Re: طارق جبريل)

    Quote: بس شفتهن جن طالعات وهي معاهن.. مشيت قدامن ورميت الجواب
    وفِرِد جرية للبيت..
    ولي يوم الليلي ماني عارف قرت الجواب ولا لا


    حركتك جـبانة لكين !!!
    أتاريك ما اشتغلت (طلبة) من فراغ
                   |Articles |News |مقالات |بيانات

07-06-2011, 09:44 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الريدي اللولا... (Re: ناصر احمد الامين)

    Quote: حركتك جـبانة لكين !!!
    أتاريك ما اشتغلت (طلبة) من فراغ


    يا حليل زمن الطُلب يا حبيب
    كان زمن منقة ياخي
                   |Articles |News |مقالات |بيانات

09-29-2011, 10:19 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الريدي اللولا... (Re: طارق جبريل)

    خلق الله خايفة تفتوا
                   |Articles |News |مقالات |بيانات

09-29-2011, 11:02 AM

صلاح أبودية
<aصلاح أبودية
تاريخ التسجيل: 03-29-2008
مجموع المشاركات: 4554

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الريدي اللولا... (Re: طارق جبريل)
                   |Articles |News |مقالات |بيانات

09-29-2011, 11:59 AM

عادل الباهي عبدالرازق
<aعادل الباهي عبدالرازق
تاريخ التسجيل: 10-18-2010
مجموع المشاركات: 4107

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الريدي اللولا... (Re: صلاح أبودية)

    البوست برعاية شرطة النظام العام


    Quote:
    طالعات من معهد «الأمل» بعد ما كمَلِن حصَصِن..

    انا لله انت من زمن معهد الامل بتاع الامتداد؟ الشيء ديناصور
    ود جبريل

    اخبارك واخبار الدراري ياحبيب

    أها دي طوبتي
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de