الحبيبين كيفنكم قاعد سمح في التلفزيون أشوف في مباراة برشلونة .. اشيل وانطط مع ميسي وبيكيه.. وأصلو الأيام دي بيكيه دة قالوا فوقوا الملايكة.. باقي مجكس الخرابي ديك أم (دبل قبينة) ديك اليقولولا (شاكيرا).. انتهى الشوط الأول يا الحبان.. شويتين تجي بتي تبعبص في زراير الريموت كنترول.. جابتلها قناة ألت موضة... شويتين يا الحبان جَن بنات ضعُويفاااااااااات يتكعوجن ويتلولَوِن علي (البرجل).. الواحدي فيهن لابسالا قطعتين ألات قماش.. جملة الإيمان ماهن تامات نص متر.. ووحدات كلو كلو تقول ماهن لابسات شي غير خيطين من لااااافوق وواحدا من لاااا تحت وبقيت منطط عويناتي وأعاين في نصايب الجن ديل.. بالله يلولِحن في الرجلين ويمَلِخِن فيهِن وهن علي كُونُش العصيدي.. وعضم الشيطان مبنقر منهن زي عود (الشِعبي)... والصدير من قدام وحات نضري علي ضهر المكوة.. أصلو باقيلي ماهو محتاج لـ(المعلاق) داك... وهو ذاتو يعلقوا فيهو شنو.. الخرابة باقيلي ماهو عندو روِيس ضومة ضومة.. وزي ديل باقيلي عاقرات آآآآبيلدن.. لانو ما عندهن طريقي يرضعن جنياتن.. والترقوة شوف عيني علي عصاية الكلتش.. والخرابات يا كافي البلا ماهن عندهن جضوم كلو كلو.. وحات ود الكرسني علي السعن الناشف.. والشَعَر ملولونوا علي حبل الاشميق اليفتلوا فيهو يا دابو.. ومغزغزاتَلهن فيهو نصايب كدي علي كروق التمُر.. والعجب وكتين أدني ضهَرِن ورجعن صادات... هيي سووووووووووود علي.. الخرابة اللاااااااورا داك باقيلي ماهو في ضومة ضومة... أنا يبقالي أحرف جزار ما يطلعلو منهن كيلو لحم.. يبقالي الخرابات ديل في بلدن لا عندهن ((موص)) لا مديدي ألت حلبة.. شويتين يا الحبان جات داخلي وحيدتن طوييييييييييييلي وليها ساقين علي مروق العنقريب.. قالوا كان معرسها (كاريمبو) أليل ريال مدريد وطلقها.. والله عجبني الطلقوها.. الخرابا لا تفرز رُكبتها من أوراكها.. هسي إن بقوا دايرين يدلكوها يبدوها من وين.. واليدين ممصرانات ضومة ضومة والكوع علي قعر المقشاشة.. وأصلو إن كان لي أصابعينها.. رِقُويقااااااااااااات علي البسطونة.. والعروق فيهن علي الصارقيل تحت شدر الجوافة.. باقيلي إن لتخولم فيها حِنِي بي نشادرها آآآبتشيل في أصابع الجن ديل من ضعَفَتِن..
ما كانن يجن يشوفن ألاتنا... صلاتي علي محمد.. وعيني باردي.. الجضوم منفخات علي الزلابية.. والعجب ان شافنهن بعدما لاتخولن اللخوخي وحات ربي يرارن علي المرايي.. والصدير يجيك طامح زي المنقة قلب التور.. واليدين يجدعوا فيهن علي جريد التمُر وكتين تكون في زيفي.. والرقبة علي فُندك الفلاتة داك.. ويا حلات النص وكتين يكونوا عاقدين فيهو التوب.. والعجب الخرابة اللاااااتحتو داك.. وحات نضري علي (لُقمة) بُطان الخلوة.. الواحدي فيهن وكتين تجي لافحا توبها وتجي مارقي،، بالله الصدير واليدين يتفدعن ويمرقن من الباب ودقيقتين حتن يجي الشي الباقي.. ويا حلات الأصابعين العلي بلح الشام وهن مقمعات.. جسما يطمن ويخليك تبلع في ريقك زي العندك ملاريا.. نسوان كاملات الدسم ياخي..
الرسول يا الحبان الرجال ديل العاجبن شنو في الخرابات العلي شدرة المسكيت ديل
04-04-2011, 08:19 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
ازيك يا مسخوت كان عرفته السـبب قولي معاك الظاهر عليكم كدا كلكم مشجعين لبرشلونة وبعينكم الحارة دي اديتوا سارة كاربونيرو صديقة ايكر كاسياس حارس اسبانيا وريال مدريد عين برضو لغاية ما دقت الدلجة الا ربك ستر ولطف على فكرة هي مذيعة وعارضة ازياء 5 شنكل
الكلام باللغة الاسبانية دا زي كلامك الطاعم الفوق دا (لووووووووووول)
تحاياي
04-04-2011, 03:54 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
ازيك يا مسخوت كان عرفته السـبب قولي معاك الظاهر عليكم كدا كلكم مشجعين لبرشلونة وبعينكم الحارة دي اديتوا سارة كاربونيرو صديقة ايكر كاسياس حارس اسبانيا وريال مدريد عين برضو لغاية ما دقت الدلجة الا ربك ستر ولطف على فكرة هي مذيعة وعارضة ازياء 5 شنكل
يا شقي الحال دحين انت ماك عريس
04-04-2011, 04:05 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39370
Quote: شويتين يا الحبان جات داخلي وحيدتن طوييييييييييييلي وليها ساقين علي مروق العنقريب.. قالوا كان معرسها (كاريمبو) أليل ريال مدريد وطلقها.. والله عجبني الطلقوها..
الشماتة ليها يوم يا اديب زمانك،تسلم
04-05-2011, 09:08 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
وحاتك الاسبوع الفات ( يوم 30 مارس ) دبل القبينة دي كانت عندها حفلة في البلد دي .... يا زول دي دبل دبل دبل قبينة عديل كده شي يحير عديل كده (( يا اخي انا لليوم طاشي شبكه )) ان شاء الله ربنا يحفظ كل دبل قبينة ويبعد عنا وعنكم الجلافيط والمواسيك
شلولخ
04-05-2011, 09:12 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
Quote: وحاتك الاسبوع الفات ( يوم 30 مارس ) دبل القبينة دي كانت عندها حفلة في البلد دي .... يا زول دي دبل دبل دبل قبينة عديل كده شي يحير عديل كده (( يا اخي انا لليوم طاشي شبكه )) ان شاء الله ربنا يحفظ كل دبل قبينة ويبعد عنا وعنكم الجلافيط والمواسيك
يا سيف كيفنك يا حبيب ماك شايف بيكيه من شدة ماهو سعيد لامن جاب قون المباراة الفاتت
04-05-2011, 09:10 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
صديقي ودجبريل يعني إنتا من ناس: غراء فرعاء مصقول عوارضها تمشي الهوينى كما يمشي الوجي الوحل.. ومن ناس: وإذا طعنت طعنت في لبد وإذا نزعت يكاد ينسد.. دي يا خوي معايير جمالية غابرة أكل عليها الدهر وشرب. تحياتي لك وشكرا على هذا البوست الظريف اللطيف.
04-11-2011, 08:24 AM
Ashraf el-Halabi Ashraf el-Halabi
تاريخ التسجيل: 10-08-2006
مجموع المشاركات: 5508
Quote: صديقي ودجبريل يعني إنتا من ناس: غراء فرعاء مصقول عوارضها تمشي الهوينى كما يمشي الوجي الوحل.. ومن ناس: وإذا طعنت طعنت في لبد وإذا نزعت يكاد ينسد.. دي يا خوي معايير جمالية غابرة أكل عليها الدهر وشرب. تحياتي لك وشكرا على هذا البوست الظريف اللطيف.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طارق جبريل
محمد عبد الماجد الصايم
نادر النور آدم
أحمد ابن عوف
نوفل عبد الرحيم حسن
بله محمد الفاضل
ABUHUSSEIN
معاوية المدير
إدريس البدري
الامين موسى البشاري
معاوية عبيد الصائم
Mandingoo
ياسر بيناوي
حبيب نورة
Nagat Sid Ahmed Elshiekh
محمد البشرى الخضر
saif massad ali
سيف اليزل جعفر عبد الرحمن
عبد الدائم سيد أحمد
Asaad Alabbasi
Ashraf el-Halabi
فيس بوك
تويتر
انستقرام
يوتيوب
بنتيريست