الداير يعرسلو مغربيي يجيني بي هني

Quote: الخليجي بجي المغرب مفتكر حا يدقوا ليه تأشيرة الدخول في لباسو

Quote: والله ماعارف اقول ليك شنو؟ عموما ازيك يامسخوط

Quote: الرسول كان ما أسهبت في الفنتازيا دي!!

Quote: ود جبرين شرقتني ياخ يراحة علينا

Quote: والمادير يعرس بس داير يجى يسلم عليك يجيك بى وين

Quote: وفي جزء مقدر جدا منهن فاكات اللعب دة ما بينفي انه المغربية مقارنة مع بقية العرب الاكثر وفاء ولمن تريدك يمين تكتكش فيك زي صباع امير وبتحسسك كأنك عايش في ايام الاندلس ديك

Quote: رسل التأشيري بس

Quote: ود جبريل المسخوط يا أخي بالغت وفي رواية أخرى قربت تبالغ ، وإنت جنس الأفكار دي بتجيبها من وين أوعك تقول لي بنات أفكارك فإن كان ذلك كذلك فأسمح لي أقول ليك أنهن مطلوقات عديل كده ، بصراحة قلت ود جبرين عايز يعمل بالآية الكربمة "وخلقناكم شعوباً وقبائل لتعارفوا" وقلت من هذا الباب ممكن ندخل تووش المغرب تونس فرنسا موريتانيا جامايكا صنعاء سعد قشرة وبالعكس لا مشكلة المهم عرس إن شاء الله يكون عرس كوره يكون فيه فك بوره وظهور جيل جديد يثري البشرية ولا بأس في أن يستنسخ البندوره. والله فعلاً ليس كمن رأي كمن سمع فالناس في الكثير من أصقاع الدنيا بيسمعوا سمع وبس ، لكين يا ود جبريل لو آمنا يقينا بحكم مغربتك التي ما أنفكيت تمارس فيها منذ محاججة النمرود لأبي الأنبياء وحتى طلوع الشمس من المغرب ألا يكون في ذلك نفي وتدمير لقول حبوبه "ما في عود قال طق بلا شق" ويبدو أنك تنوي أن تهدم كل الحاجات الجميلة الفضلت على شاكلة "عايره وأدوها سوط" أو "شن بليت يا فصيح لا تصيح". الشئ الداير أقولو ما في حاجة إسمها حصرياً الزمن دا كله على الهواء مباشرة وبالضرورة الشين والسمح في كل شعوب الدنيا موجود بعيداً عن المنطق التبريري لحالة كونه موجود ونحنا زاتنا العاملين فيهاأفضل شعوب الدنيا فينا ما فينا من مصائب وعجائب وهلم جمباً إلى جمب مع الحجات الكويسه، وإذا قلنا الشينه منكورة لابد أن نمتلك الشجاعة عندما ننتقد الناس. أنا هسي الخلاني لفيت ودورت كدي شنو يعني قلت لي المورال أوف يور ستوري أن الزواج الماسنجري ليهو محاذير تشبه شراء البطيخ خاصة وأن المسافة تحول بين المرء وسيد البطيخ من أن يكون الطلب على السكين ، والحال كذلك قد تكون مسيخه وهو أمر نسبي و بيضاء وبرضو ما مشكه لكين كعب إن بقت لاقه لا بتنفع بعد الغدا لا بياكلنها الغنم وهل يستوي في ذلك الأوف لاين والأون لاين. ودجبريل أنا قايل بديت أخرف وأخير لي أقيف هنا.

والله يا بهجة عمر دة لف ودوران ساااااااااكت
باقيلي شغال مسانجرات زي الترتيب

يا حبيب التكنلوجيا دي جهجهت شكل الحب ياخي
بعدين البطيخة البيضة دي ما يها ذاتها المجهجهة خلق الله

Quote: والله بالحيل بندور المغربيات الناس ديل سمحاتم تمحن

Quote: ود جبرين سلام في واحد جمبي قال ليك سجلني بس ابعدني من الفاكات اللعب

Quote: ده ما كلام زول سمعان ده كلام زولن مجرب تب و تجارب مو تجربة وحيدي وين الجماعة و إنت داير علي حلّ شعركـ يا ود جبرين !

Quote: -1

Quote: 1

Quote: سلام يا طارق ... أول حاجة شفر لينا البوست دا عشان نجيكم بي مهلة .. آزروايز: أنا ما شفت البوست دا .. ولا بعرف ودا الصائم زاتووووووو

ما تخاف ود الصايم دة داير اسهاب بس ياخي

Quote: الشيخ طارق جبريل التحايا والاشواق والله العظيم البوست ده أعمل ليه كوبي وأنسخه ليك في بوست الامتداد حرم تاني بتأشيره ما تدخل الامتداد أعمل حسابك ما تحرض الناس علي الانفلات الامني والا ستوضع في القائمه البيضاء لك ولجميع أفراد أسرتكم الكريمه ولعموم أهل المغرب والمشرق وأهلنا بالامتداد الصحه والعافيه

يا حبيب والله الامتداد ما مشكلة وبيحبوا اللعبة الحلوة
المشكلة في قمر بوبا وخضر حسين خليل وقرايبهم
ديل ممكن يعوقوا اخوك

Quote: تحية....قبل شهرين كاملين جاد بي الزمان لزيارة المغرب في مهمة عمل...كان في خاطري صديقنا من زمن السجانة الاستاذ طلحة جبريل...كان يجمعنا شارع واحد مثلما كانت تجمعنا الفصول الدراسية مع اخاكم ابراهيم...نذكر جيدا قندران العم جبريل ونظراته الجادة الباطشة في بعض الاحيان لمن تسول له نفسه العبث في او حول ذاك القندران...اقرباءكم ناس احمد العطا ووالته كاكا كانوا يقيمون معنا في منزل واحد...لم اقابل الاستاذ طلحة منذ ان غادرنا الي كريمة لمواصلة التعليم..جالت تلك الخواطرفي مخيلتي وانابين حفاوة اهل المغرب بل قل حفاوة الزمان...الاستاذ بوبدي كان رفيقي في التجوال...سبحت معه في اناشيد السادة التيجانية وقام بتعريفي ببعض المسؤولين في الدولة وافاضوا علي بكرمهم الباذخ... ولما كان طيف ام مازن يداعبني في صحوتي ومنامي كنت اراها في كل وجه جميل... دحين يا ولدنا ساعد اخوانك لي بيت الحلال( لا تسوي سواة الحاسد الذي يذهب الي القبور ليغني الدنيا حلوة الدنيا حلوة) لك الحب والاحترام

Quote: تليشة: تاني واحد فيكم ابوهو يضربلي قبل ما يتأكد من البت ويقولي الولد دة اقيف معاهو في العرس يمين علي اقولو البت منطلقي

Quote: الداير بعرسلو مغربيي يجيني بي هني

Quote: الاقربون اولى ياخال .. بالله صور من بتاعات العرس ومن العدم من التانيات*

Quote: التذكرة بتكلف كم؟؟؟

Quote: طارق حبيبنا والله كلامك سمح وزي ما انت عارف الفك خشم بيوت فك صامولة فك سقف فك كورة ده كلو ما مهم المهم فك الكراع لان فك الكراع بيمنع اللعب غايتو انا جني وجني فك القروش اها شوف لينا الفك ده حدو وين

Quote: والله ياقريبي زولا يستاهل له مرة مغربيي في الناس ديل كلهم بلاي انا ماهو في دحين ما تتوصى علي وشوف لي وحيدي كدي تكون متل البرتكاني وتكون زيني ماها من النوع التاني داك بعدين ولا في ابوي بيدقلك تلفون ولا شي انت ياك ولي امري بيهناك ومن هسع اديتك التوكيل بس اهم شي الشافعي تكون لهلوبة باقي اخوك حنيين ويحب الحاجات السمحي

يمين علي تموووووووووووووع رسمي

Quote: نان بعد شـــنو يا الحبيب الا عندي صاحبي برسلو ليك تب .. .. __ طارق ازيك

يا حبيب انت وكرت خلاص وردمناك تراب

Quote: ود جبرين المسخوت

Quote: بالله سجل عندك الاوردر ده 1.مورتا- حبة واحدة (عسلية العينين- طويلة،شعر غجري مجنون)

Quote: 2.حسبو - حبة واحدة (بنية العنينين-تعرف تلعب الأتاري)

حسبو دة داير ليها واحدة من طنجة (طنجاوية)
يمين ترقدوا ليك كاويق

Quote: 3.الأكل قروشك داك -3 حبات (إكسبيرد)

دة عايز ليه واحدة من مدينة القنيطرة عشان ما يعرف هو الراجل ولا هي

Quote: 4.الطاهر ساتي - حبتين لإنو سمين شديد دبل ليه الجرعات

لا دة داير ليه صحراوية دبل قبينة

Quote: وورينا يتعمل ليهم داون لوود من وين وما تنسي الكتلوجات...لأنو لو جو وشبكوا الناس (ملطشة ديال الحك) والذي منه والله زول يديهم موية ما يلقوا

دي الا في الخاص يا حبيب

Quote: ومافي حاجة اسمها باقي ملاح يترمي بيلموه في باغات ولمن يبقى كتير بيسووا منو حاجة اسمها البايلا

Quote: دى فى خشمى ما بختها

Quote: أتاريك مسخوت وكمان مقطوع طاري، خلى الناس كل واحد يغطي قدحو....ولو فيه باقي يغطي قدح الجيران.

ياخي ديل بقن واقود

واحد قالوا معرس بت عمو
قالوا ليه العروس كيف
قال ليهم: ما عندها فرق مني

Quote: ود جبرين المسخوت .......... عا السلامة! يا خوي لا بنغتغتو لا بنلبد ورا (واحد جنبي قال ليك) ... أخوك داير لي رقبتو دي .... ومن زمان خايف يقع في (فك اللعب). أها .... الناس ديل بيرضوا بي زول طبعو شين وداير يطبق؟

دحين لا تسويها في زميل الشغل



تليشة:
يا زول ما عندهم قشة مُرة في الدبيل
لكن بيخموك ريدة سااااااااااااكت وعادي تطش شبكة

Quote: ود جبريل الزول الجزيل سلام ماكن و غليد وفيهم البيجي يتزوج مغربية عشان فنتازيا الجنس ودي ماني عارف اشرحها كيفن بشرحها ليك نظرا لسفري الكتير مع سعوديين لمدن مغربية كتيرة ( طنجة /كازا/منطقة إفران ) ديل الواحد فيهم لو متزوج واحدة كان تلاتة ، بيكون فاقد حاجات معينة في الأنثى ، حاجات محسوسة ما ملموسة ، لأنو هناك في بلدو بيكون جايب الوش بتاع ( سي السيد ) الحمش و بس و ما بيديها أي نوع من المعاشرة الهينة اللينة ، زولتو زولة قضاء حاجة جسدية لا غير ، و ما مديها أي نوع من الفرص لدلق مشاعرها لأنو عاوز يعيش مهاب الجانب ، و لكن ما أن يأتي إلى سواحل المغرب حتى تنطلق مشاعره أم فكو و يصبح إنسان تاني ( إنفصام مشاعر و أحاسيس ) ، بينما تعربد بدواخله فقط مقارنة مستديمة لل هنا و لل هناك السياحة لديه هي الفنتازيا ال ذكرتها إنت ، بالنهار نايم و بالليل حايم فامباير Vampire عدييييل دمتم

Quote: ممكن ترسلها لاخوك طرد .. بما انو الكرتيريا عندكـ منذ زمن ؟؟ ------- الاجراءات القانوية عليكم ومرفقة بالمستندات الفوتغرافية ورسوم الطرد علينا واوعاك من التقر ..:)

المغاربة ديل ما بيحبوا الحبوب

Quote: سلام طروق الشوق مطر جيت اتاوق متاوقة ودالصايم في بوست اولادالامتداد ( وش مفطس من الضحك )

Quote: بالرغم من الدعوة لمقاطعة بوستات ود جبريل لكن الموضوع يحتاج لدخول ( أعوذ بالله من الشيطان الرجيم ) البوست كلو عزابه يا طارق ( لووووول ) كيفك طارق والعايلة لابأس عليك ، ( خسك تخدم خطابه اليوم ! ههههههههه ) الملاحظ أن المغربيات ما عندهم مشكله بجنسية الرجل الذي سترتبط به ، يعني ( إحنا ) السودانيات نادر جدا تلقي ليك سودانية ( متزوجه ) جنسية تانيه. ( ح نهدر معاك من بعد )

كي ديارة
آش خبارك
غبرتي شحال هادي ما شفناك
ياك لا باس


المغربيات يا مها دايرات سترة الحال وخلاص
يمين بعرف واحدة بتريد سوداني وعرسته
يمين حافظة اغاني محمد ميرغني بتاعة الريدة ديك كلها

Quote: ود جبريل تحية طيبة حديثك صحيح المغرب بها فقر زائد جدا ونسبة عدد كبير من النساء المغربيات يعشن حياة يتمنين اي مخارج لهن نحن كتييير منا يريد البياض الحمره التي رفضها المهدي نجدها في نساء المغرب عموما مع التكنلوجيا اصبح المسافات قريبه الاصعب المشاكل الموجوده في العقول ما بين العروبه والزنوجه وما بين رؤية متخلفي الفهم للدين والمتقدمين فيه من الرجال والنساء كثير من شبابنا حاصل له استلاب من ينطق العربيه يعتقد ويحلف باليمين هو من نجد اها نساء نجد ورجال نجد ما بيقدروا حمية هذا الشاب وعروبته ويرجعوه الي اصله الزنجي وتصدر كلمات الاستخفاف تشعر بها في لبنان الخليج السعودية سوريا ومصر كثير منها الا فقرائها من النساء والرجال حارب الله الفقر ولعنه تعرف نسائنا مافي زيهن سمحات ولطاف وظراف اما الاستغراب الذي نشهده الان حاجه تحير لا مثيل للمراة السودانية بالنسبة لنا شكرا يا ود جبريل

Quote: سلام ونتلاقى في كازابلانكا ]