|
|
 إنتو الخرابة دة أكنو شنو
|
يا الحبان زولا فيكم يجي يفهمني النصيبي الاسمها الفيس بوك دة
الخرابة عامل متل شناط العنقريب تجرلك فيهو خيط تلاقي نفسك سلسلت باقي الحُبال كلهن
لاني عارفه ايميل زي الياهو لاني عارفه منبر تقعد تكوجن وتلُخ فيه
وكله كوم وحكاية الحيط الفيهو دي كوما تاني
وانا الحيط ديل مباراتني من زمن كنت طُلبة ولليلي ماشات وراي
وكل مرة تجيني رسالي: فلان صنقرلو شيتا في حيطك
امشي اعافر القالي ناسا بعرفهم وناسا من الله خلقني ما سمعتبم
والحيطان دي من زمن الامتداد غير الحلل والباغات ألات المويي الباردي ماني عارفلهن شي تاني يختوه فوقن
وكلما مرة ألقالي واحدا داير يكون صاحبي
وانا اسكت واشيل وابعظ في الـ(add)
وكتي الاكون فاضي امشي اسوط فيهو
مرات القالكم حمور ود زيادة قاعدلو وسط بنوت ويشيل وينمق في الكلام
واصلو ان كان بقى لي ابو ساندرا بالله اتقلب ((اسماعيل حسن))
وانا حمدت الله الزول دة ماهو دفعتنا كان كمل علينا البنوت البنحبهن
اصلو يسويلو في كلاما لا ليهو اول ولا ليهو آخر
واصلو ان كان لي ناجي الملك ما خلالو اغنية لي ابو سبح ما رسلها لي
اتاريني بعظتلي شيتا فيه معجبي ابو سبح
يوم قلت النعافر نخت صور وليداتي
بالله يديني وجعوني من الردود
اليجي يخطب بنتك واليجي يخطب ولدك لي بنتو
والعجب ويحيدتا كدي يقولولا رانيا
بالله دي ما خلتلها جمعية ما سوتها ما رسلتلي فشان اكون معاهن
رانيا تدعوك لي كدي...
رانيا قالتلك تعال معانا بي هني...
والله ان بقت في نملة ((دافَقَت)) في العزوزاب تسويلا جمعيي وتدخلني فيها
وتقولك انت مدعو معانا لجمعية (( عدم اجهاض النمل))
ومرات كدي اكون مصنقر فيهو لا ايدي لا كراعي فجأة يجيني
ناطي الخرابة هواري نمر ويتونس معاي
لامن احتار واقول يا ربي الهوت ميل أليل الماسنجر اتلخبت هني في الحيوط ديل
علي العلي جاني مغربي معاي في الشغل قالي لازم تسجل معانا في ((التويتر))
مشيت ابعبص فيهو.. لقيتلي زرزورين متل طير الجنة في البركل
مشيت قولتلو: هو انا النصيبي ألت الفيس بوك المتل حاحاي الطير في حيضان القمح
ما عرفتها كمان موديني للزرازير... وحتى وكتين كنا طُلب يقولولك
قفل ((العراميص)) كويس فشان ما يجي ((ود ابرك وعشوشة)) يعششوا فيهن
الرسول آآآلحبان ((القيشر)) بوك دة أكنو شنو؟؟؟؟
|
|
 
|
|
|
|
|
|
|
|
Re: إنتو الخرابة دة أكنو شنو (Re: طارق جبريل)
|
سلامات يامان
Quote: رانيا تدعوك لي كدي...
رانيا قالتلك تعال معانا بي هني...
والله ان بقت في نملة ((دافَقَت)) في العزوزاب تسويلا جمعيي وتدخلني فيها
وتقولك انت مدعو معانا لجمعية (( عدم اجهاض النمل)) |
انت برضك
اتاريني مابراي
خالص الود
| |
|
|
|
|
|
|
|
|
|
Re: إنتو الخرابة دة أكنو شنو (Re: ياسر بيناوي)
|
جميلة لغتك يا ود جبرين
ربنا يزيدك من ظرافة ومساخة الشوايقة قول آمين
الفيس بوك يسري عليه المثل البقول حيطةً ما حيطتك جر ليك فيها مساحة أو خت ليك فيها داموك
أو المثل التاني حبيبي أكتب لي وأنا أرد ليك
كل ما تلقالك حيطة واقفة شخبط فيها ...
| |
|
|
|
|
|
|
|
|
|
Re: إنتو الخرابة دة أكنو شنو (Re: طارق جبريل)
|
سعدية كتبت لام سكاسك في حيطتها
وانا مالي !!!! ان شاء تعلق ليها دلقانة
في الباب عشان ام سكاسك تعرف سعدية
زارتا في غيابا
و العجب لقيت واحد كاتب فيني شعر
و هاك يا نبذ
دبحنا الفيسبوك
الله يقطع وشو
| |
|
|
|
|
|
|
|
|
|
Re: إنتو الخرابة دة أكنو شنو (Re: عفاف الصادق بابكر)
|
Quote: طارق .. كيفنك ..
فتشتك ما لقيتك في الفريق الغادي ..
ياربي تكون ساكن في ياتو حله ..؟
اصلي كنت دايره اشوف خبر البنيات شنو ..
فشان دائره لي وحيتن لي حمودي ولدي . |
بت الصادق كيفنك
نان نحن دايرين نلقى احسن منكم وين
اصلها هي بنيي ويحيدي ما عندي غيرها بنات
وولد واحد
بهناك فتشيني بالاسم دة:
tarig jibreel
| |
|
|
|
|
|
|
|
|
|
Re: إنتو الخرابة دة أكنو شنو (Re: فيصل محمد خليل)
|
يا ود جبرين نضميك زين وكلامك بنحسو حنين
بس إلا الفيس بريسلي دا شيتاً صعب وكعب
ما أختنا الصحفية زميلة المنبر ده بت الناس التمام
مش ناس الفيس لوك هم البهتوها بالكلام والنضمي الشين
إت ما سمعت بالمثل البقول ليك - جلداً ما جلدك جُر فيهو الشوك -
الإيرانين قالوا الفيس لوك ده وراهو إسرائيل ، علشان يعرفوا علواين
كل العرب في بيوتم وحتي لو كنت في كريمي ،،،
أها يا خوي الخرابة دي شلخوها للالالالالالا وراء ،
| |
|
|
|
|
|
|
|
|
|
Re: إنتو الخرابة دة أكنو شنو (Re: ميسرة سيد أحمد)
|
Quote: يا ود جبرين نضميك زين وكلامك بنحسو حنين
بس إلا الفيس بريسلي دا شيتاً صعب وكعب
ما أختنا الصحفية زميلة المنبر ده بت الناس التمام
مش ناس الفيس لوك هم البهتوها بالكلام والنضمي الشين
إت ما سمعت بالمثل البقول ليك - جلداً ما جلدك جُر فيهو الشوك -
الإيرانين قالوا الفيس لوك ده وراهو إسرائيل ، علشان يعرفوا علواين
كل العرب في بيوتم وحتي لو كنت في كريمي ،،،
أها يا خوي الخرابة دي شلخوها للالالالالالا وراء |
وحاتك يا ريس ميسرة الفيس بورسلي دة شيتا قاطع اللهجي
| |
|
|
|
|
|
|
|
|
|
Re: إنتو الخرابة دة أكنو شنو (Re: طارق جبريل)
|
Quote: ومرات كدي اكون مصنقر فيهو لا ايدي لا كراعي فجأة يجيني
ناطي الخرابة هواري نمر ويتونس معاي
لامن احتار واقول يا ربي الهوت ميل أليل الماسنجر اتلخبت هني في الحيوط ديل |
المسنــــــــــوح
نسويلك شنو...أكــــــــان دايرين نطورك
و نخليك زي ود شيقوق...
علا انت مو داير....!!
يعني انت زاتك....شبه الحيط.
من زمان من حيطة لي حيطة....تلوص و تعجن في المونة..
هسي هنا...برضو اعجن و شخبط...في الحيط..
الا بس اعمل حسابك....الناس التانية شايفه كلامك...
اها مرة لاقيت صاحبك شيقوق ...شوف العريريب كمان
قالي تعالي نتلاقي في...oovoo
قلته لي يا مسنوح دي شني كمــــــــــان
| |
|
|
|
|
|
|
|
|
|
Re: إنتو الخرابة دة أكنو شنو (Re: كمال الشادي)
|
Quote: جبريلا
كلام زي الثكر
يا أخوي البتاع البتقول عليهو ده
انا ما صاحبو
سألت الريس ميسرة قبل شوية
الموضوع يستاهل ؟
قال لي خليك على بوست ناس الزقازيق وقفل على كده |
عد يا كيمو ان بقيت دايرلك فيني فرصة
امشي عافر وراي بهناك
| |
|
|
|
|
|
|
|
|
|
Re: إنتو الخرابة دة أكنو شنو (Re: محمد أبوالعزائم أبوالريش)
|
Quote: إت يا سجم مالك ومال الفيس بوك .....
بيني وبينك أنا من ما سجلت فيهو لي هسي ما فاهم حاجة.
إلا قول يا حبيب .... إنت سجلت بي إسمك والا بي إسم (بت كنيش)؟
|
ود ابو العزائم كيفنك ابوي
وسنتك سعيدي عليك
تعرف مشكلتي مسجل بي اسمي الشقي دة
ان ما كدي كان سوطلي جنس سواطي فيهو
| |
|
|
|
|
|
|
|
|
|
Re: إنتو الخرابة دة أكنو شنو (Re: هواري نمر)
|
Quote: المسنــــــــــوح
نسويلك شنو...أكــــــــان دايرين نطورك
و نخليك زي ود شيقوق...
علا انت مو داير....!!
يعني انت زاتك....شبه الحيط.
من زمان من حيطة لي حيطة....تلوص و تعجن في المونة..
هسي هنا...برضو اعجن و شخبط...في الحيط..
الا بس اعمل حسابك....الناس التانية شايفه كلامك...
|
ود نمر
ما هو الخوف من الناس الشيفة كلامك دة
يعني ان بقيت داير تفك آخرك
الله قال بي قولك
Quote: اها مرة لاقيت صاحبك شيقوق ...شوف العريريب كمان
قالي تعالي نتلاقي في...oovoo
قلته لي يا مسنوح دي شني كمــــــــــان |
هو المسنوح دة شن عرفه بالنصايب دي
| |
|
|
|
|
|
|
|
|
|
Re: إنتو الخرابة دة أكنو شنو (Re: طارق جبريل)
|
الحائط ده كمان حكاية براهو ياود جبرين
انا مرة لقيت واحد من شفع المدرسة شايل
فحمة وداير يشخبط الحيطة حقتنا زرزرتو ليك
زى زرزرة محنتك الفيس بوكية
هسه الناس كل يوم بشخبتوا فى حيطتى القصيرة
اكنو ناس بكتبوا فى الحيطان
كلامك ذكرنى الفيس الزمان فى حلاق
هارون
| |
|
|
|
|
|
|
|
|
|
Re: إنتو الخرابة دة أكنو شنو (Re: حمور زيادة)
|
يالمسخوت تعبتني بالقرايي .. وصلت لي نص النضم ولقيت ليكـ عاميتي طاااااااااارت عديل كدي ..
وداير لي مترجم ، قاموس عديل
فشان أفتش في كليماتكـ ديل ..
________
أنا جايك ألقط الكلام البلدي حقنا كلمه كلمه ..
عايزين ننشر المعرفة ياخي ... 
| |
|
|
|
|
|
|
|
|
|
Re: إنتو الخرابة دة أكنو شنو (Re: عمران حسن صالح)
|
Quote: يالمسخوت تعبتني بالقرايي .. وصلت لي نص النضم ولقيت ليكـ عاميتي طاااااااااارت عديل كدي ..
وداير لي مترجم ، قاموس عديل
فشان أفتش في كليماتكـ ديل ..
|
قريبي دة كلام شنو دة
انت داير تضحك فينا ناس الهامش ولا شنو
Quote: أنا جايك ألقط الكلام البلدي حقنا كلمه كلمه ..
عايزين ننشر المعرفة ياخي |
والله يا عمران من زمان داير افتحلي بوست اسميهو ((كلام شوايقة))
بس خايف يتهموني بمعاداة السامية
| |
|
|
|
|
|
|
|
|
|
Re: إنتو الخرابة دة أكنو شنو (Re: عامر تيتاوى)
|
Quote: اكنو ناس بكتبوا فى الحيطان
كلامك ذكرنى الفيس الزمان فى حلاق
هارون
|
عييييييييييييك يا تيتا
داك زمن عجييييييييييييب
حليل ايام هارون ياخي
وحليل زمن (الدينمو حرق دايرلو سلك)
| |
|
|
|
|
|
|
|
|
|
Re: إنتو الخرابة دة أكنو شنو (Re: طارق جبريل)
|
طارق جبريل
Quote: والله ان بقت في نملة ((دافَقَت)) في العزوزاب تسويلا جمعيي وتدخلني فيها
وتقولك انت مدعو معانا لجمعية (( عدم اجهاض النمل)) |
بالغت يا ود جبريل!!! بالجد الفيس بوك دا مجهجه الكثيرين..تحياتي
| |
|
|
|
|
|
|
|
|
|
Re: إنتو الخرابة دة أكنو شنو (Re: طارق جبريل)
|
إنت يا ود جبرين مسعول من الخير، دحين الكركي
اللِنفتح في إنقاية ناس عطا الفضيل لحقو سدوهو؟
إنت البوديك محل الكركي شنو، يشفط مويتك
كلها والصباح فريدتك القبلي تصبح ناشفة عود.
إندمس معانا هنى فوق طرف التقنت دا ما تقوم
تبعبش يضربك جُضُل يفلخلك كراك تسوينا
في إستباليات كمان.
سلم على الجنون، ووصيتي دى صرها في
خُلالتك لاتبضع فيها. سمح...
| |
|
|
|
|
|
|
|
|
|
Re: إنتو الخرابة دة أكنو شنو (Re: معاوية المدير)
|
Quote: إنت يا ود جبرين مسعول من الخير، دحين الكركي
اللِنفتح في إنقاية ناس عطا الفضيل لحقو سدوهو؟
إنت البوديك محل الكركي شنو، يشفط مويتك
كلها والصباح فريدتك القبلي تصبح ناشفة عود.
إندمس معانا هنى فوق طرف التقنت دا ما تقوم
تبعبش يضربك جُضُل يفلخلك كراك تسوينا
في إستباليات كمان.
سلم على الجنون، ووصيتي دى صرها في
خُلالتك لاتبضع فيها. سمح... |
غايتو يا (معاوية) بالغت إنت كمان..
هي رطانة (طارق) دي مافهمناها كلها..
تجي إنت كمان تزيدها زيادي!!
| |
|
|
|
|
|
|
|
|
|
Re: إنتو الخرابة دة أكنو شنو (Re: أميرة فاروق عبد العال)
|
اها يا المسخوط...
اديناك البخرة ..و انشاء الله نقشت شئ!!
وفكيت الخط...
Quote: والله ان بقت في نملة ((دافَقَت)) في العزوزاب تسويلا جمعيي وتدخلني فيها
وتقولك انت مدعو معانا لجمعية (( عدم اجهاض النمل)) |
وات مالك مستغرب..
موش دكتور....
| |
|
|
|
|
|
|
|
|
|
Re: إنتو الخرابة دة أكنو شنو (Re: أميرة فاروق عبد العال)
|
Quote: غايتو يا (معاوية) بالغت إنت كمان..
هي رطانة (طارق) دي مافهمناها كلها..
تجي إنت كمان تزيدها زيادي!!
|
اها يا ود المدير
عاين بت فاروق دي
الحالة امها بت ود ناس بلي في البركل
يعني ساس وراس
بت فاروق يعلم الله مشتهي ونستك
| |
|
|
|
|
|
|
|
|
|
Re: إنتو الخرابة دة أكنو شنو (Re: معاوية المدير)
|
Quote: إنت يا ود جبرين مسعول من الخير، دحين الكركي
اللِنفتح في إنقاية ناس عطا الفضيل لحقو سدوهو؟
إنت البوديك محل الكركي شنو، يشفط مويتك
كلها والصباح فريدتك القبلي تصبح ناشفة عود.
إندمس معانا هنى فوق طرف التقنت دا ما تقوم
تبعبش يضربك جُضُل يفلخلك كراك تسوينا
في إستباليات كمان.
سلم على الجنون، ووصيتي دى صرها في
خُلالتك لاتبضع فيها. سمح...
|
والله يا ود المدير كيفتني في حناني
بس ياخي ما تنسى معانا هني ناس شهادة عربية
| |
|
|
|
|
|
|
|
|
 Re: إنتو الخرابة دة أكنو شنو (Re: طارق جبريل)
|
اخى طارق
تحيه طيبه
ومن مصائب الفيس بوك..
ترسل ليك واحده رساله بانها شافت البروفايل فى الفيس بوك وتطرح التواصل من اجل الصداقه.. ومرفق معه صورة بنوته..
تخلى قلبك ادق دق دق دق دق..............
دا فى الايمل الاول ولو لحقت ردت ..
يجيك الايمل الثانى بقصه مثلا..
انهامن العراق اوافغنستان وان اسرتها قد تم القضاء عليهم فى حادث تفجير فى المكان .. والزمان ..
والمطوب منك المساعده فى حساب بنك حيث تقيم.
.و حتى تتمكن من تحويل مبلغ الكام مليون دولار التى امنها ابوهم قبل اقتياله..
وابقى سودانى شهم واحمى الوليه..
بعد دا رقم حسابك انساه وقطع عنوانو.....
لك الود اخى...........
| |
|
|
|
|
|
|
|
|
|
Re: إنتو الخرابة دة أكنو شنو (Re: عبدالحافظ عثمان)
|
Quote: وابقى سودانى شهم واحمى الوليه..
بعد دا رقم حسابك انساه وقطع عنوانو.....
لك الود اخى...........
|
عبد الحافظ كيفنك
عارف زي ديل ما محتاجنلهم لي فيس بوك
خصوصا ناس بوركينا فاسو
ديل بالله كله عندهم قروش دايري تطلع من بنك غرب افريقيا
| |
|
|
|
|
|
|
|
|
|
Re: إنتو الخرابة دة أكنو شنو (Re: طارق جبريل)
|
Quote: والعجب ويحيدتا كدي يقولولا رانيا
بالله دي ما خلتلها جمعية ما سوتها ما رسلتلي فشان اكون معاهن
رانيا تدعوك لي كدي...
رانيا قالتلك تعال معانا بي هني...
والله ان بقت في نملة ((دافَقَت)) في العزوزاب تسويلا جمعيي وتدخلني فيها
وتقولك انت مدعو معانا لجمعية (( عدم اجهاض النمل)) |
| Quote: كامل التضامن مع الصديقة رانيا |
غايتو يا ود جبريل بالغتا في حق ((القيشر)) بوك
قطعتا مصاريني بالضحك
دا اسمو ((وش الكتاب)) و بالعربي كدي ((كتاب الوجه)) للناطقين بغيرها
داهي سواهو الخواجة ((مارك بن زغرب)) عليه النكشة
قدر ما عافرنا عشان نتحلا منو غلبنا
تعابيرك مباااااااااالغة
| Quote: الخرابة عامل متل شناط العنقريب تجرلك فيهو خيط تلاقي نفسك سلسلت باقي الحُبال كلهن |
| Quote: وكل مرة تجيني رسالي: فلان صنقرلو شيتا في حيطك |
| Quote: قفل ((العراميص)) كويس فشان ما يجي ((ود ابرك وعشوشة)) يعششوا فيهن |
| |
|
|
|
|
|
|
|
|
|
Re: إنتو الخرابة دة أكنو شنو (Re: حاتم علي)
|
Quote: دا اسمو ((وش الكتاب)) و بالعربي كدي ((كتاب الوجه)) للناطقين بغيرها
داهي سواهو الخواجة ((مارك بن زغرب)) عليه النكشة
قدر ما عافرنا عشان نتحلا منو غلبنا |
نان يا الحبيب الخواجة دة اماني ما بهدلني تبهدل
| |
|
|
|
|
|
|
|
|
|
Re: إنتو الخرابة دة أكنو شنو (Re: طارق جبريل)
|
| Quote: نان يا الحبيب الخواجة دة اماني ما بهدلني تبهدل |
يا طارق..
الخواجة..ده وليدا عمره كم و عشرين سنة
ودفعولو 500 مليون دولار...شان يبيع الخرابة ده....
قالهم ما ببيع......!!
شفته الفلهمة كيفنها....
القروش دي كلها...من شخبطتنا في حيط الناس...
هو تعبان فيها..
ولا جاري فيها منجل...!!
ما ياها عولاقنا و شخبطتنا في الحيطان و صورنا في البيبان..
ا
| |
|
|
|
|
|
|
|
|
|
Re: إنتو الخرابة دة أكنو شنو (Re: هواري نمر)
|
Quote: يا طارق..
الخواجة..ده وليدا عمره كم و عشرين سنة
ودفعولو 500 مليون دولار...شان يبيع الخرابة ده....
قالهم ما ببيع......!!
|
النبي يا ود نمر ما تقولي يديني شويي
داير ابنيلي بيت لي وليداتي
| |
|
|
|
|
|
|
|
|
|
Re: إنتو الخرابة دة أكنو شنو (Re: طارق جبريل)
|
طارق وبقية الملة الما فاهمة النصيبة الاسمها كتاب الوجه
شخبتة حيطتك ما مشكلة
المشكلة شخبتة التانين يجي جاري يكلمك بيها
غايتو يريد القوالة بشكل
اي شي يسوسهو زول يجي جاري يقول سوا وعمل ووافق على اضافة فلان
وقال لعلان
وشاف صورة فلان
اها ما بعرف يوم القيامة الذنوب دي بنتحاسب بيها كيف
كل قوالة بذنب ولي نص ذنب
اها كمان عندو حركة بايخة
اول ما تقعد في مسنجرو تتونس مع زول ومعرفتك
اها يقوم يطش ليك كلو كلو ويخلي ليك الصفحة الرئيسية بتاعة القوالات
وفيهو ميزة سمحة
لو فلان ولي علان اضافك وانت ما دايرو تقول ما دايرو ما بكلمو
يعني ما بحرجك معاهو
اها في الحتة دي عندو ذوق
اها المشكلة الفيهو يلقط ليك كل الجمعيات وكل زول يسمي براهو من طرف وناسك يرسلوا ليك في الدعوات
| |
|
|
|
|
|
|
|
|
|
Re: إنتو الخرابة دة أكنو شنو (Re: Amany Elamin)
|
Quote: كامل التضامن مع حمور ..
طارق جبريل .. سلامات .. |
وحات الله يا اماني الولد دة انا حامد الله ماهو دفعتي
كان طير مني البنوت كلهن
ياخي عنده كلاما سمح وغلاد غلاد كدي
وانا ارمي في كلامي علي الدُراب
| |
|
|
|
|
|
|
| |
طارق جبريل
ياسر بيناوي
جعفر محي الدين
فيصل محمد خليل
عفاف الصادق بابكر
ميسرة سيد أحمد
محمد عبد الماجد الصايم
هواري نمر
محمد أبوالعزائم أبوالريش
كمال الشادي
عامر تيتاوى
عبدالعزيز الفاضلابى
حمور زيادة
عمران حسن صالح
الحاج حمد الحاج
معاوية المدير
أميرة فاروق عبد العال
هويدا شرف الدين
حاتم علي
SHIBKA
Hadeer Alzain
فيس بوك
تويتر
انستقرام
يوتيوب
بنتيريست