|
دعواتكم لزميلنا المفكر د.الباقر العفيف بالشفاء العاجل
|
|
 Re: أهل مليكة وأغانيهم.. (Re: طارق جبريل)
|
إنت النفسكـ جميلة وبتدور على الجمال أينما وجد
ونحن يا طارق يا قريبي أهل جمال
لا ولن نحصر أنفسنا فيما نملكـ فقط
فايتين الناس مسافات
بس بت ال###### الظروف
| |
 
|
|
|
|
|
|
|
|
Re: أهل مليكة وأغانيهم.. (Re: حمد إبراهيم محمد)
|
Quote: د. طارق - سلام كتير
باقيلك البمشي الأماكن دي برجع تاني
للكتاحة والنمتي ؟
|
حمد كيفنك ابوي
والله يا الحبيب هن ذاتهم عندهم نمتي
علي نمتيهن حنين
المغرب بلد فيها جمال طبيعي غير عادي
| |
|
|
|
|
|
|
|
|
|
Re: أهل مليكة وأغانيهم.. (Re: حمد إبراهيم محمد)
|
ود جبريل المستصيب
أدخل في البوينت تووش وبطل متاوقه / خدره بتاعت فنيلتك ما في حتات تانيه كتيرة فيها خدره ، ويعني خدرتكم فرك وخدرتنا ملاح سفروق ما كلو جرين.
وكان جيت للأغاني يا ود جبريل الأصفهاني أقول ليك غناهم كان بنفهمو نكون كضبنا علي أنفسنا يا أخي قعدني اللديح منصور ذات مرة وهو بالمناسبة عاشق درجة أولي للجكس الموريتاني على كباية شاي مغرب بنكهة الهبهان الجواتيمالي أها وقام بالريموت يجيب لي التلفزة الموريتانية أها جابو ليهم واحده تترنم على أنغام الأردين إسمها ديمي وبعدها جابو الفنانه الشهيرة المعلومة بنت الميداح وحات الله ليهن حلق يخلي فريق ودنوباوي يفوز على برشلونة تشجيع ساكت يا أخي أنا لا عرفتها فنانه بتغني ولا شاة تيعر بس أكلتها في حنان حناني عشان زلابية منصور وشاي اللبن المدنكل.
وإذا كان لازم مناظر وwaterfalls زي ما بتقول ما عندك مساقط النيل الأزرق ولا ديك ما فوولز هوي يا ود جبرين إنت بتعمل بي منطق البنريدو بنولع ليهو اللمبه والبكجنو بنحرش ليهو الهو هو وربما نسكو كمان بالحربه ، وهاك شيز أباي دا ولو عاوز تعرفو على الطبيعة سافر أديس أبابا ومنها يمم شطر بحر دار حيث تانا ليك ودبرا مريم وحاجات تانيه حامياني
دي شنو ليك موية فول ولا موية نار
| |
|
|
|
|
|
|
|
|
|
Re: أهل مليكة وأغانيهم.. (Re: طارق جبريل)
|
يياااااااااو جبرين
جبت وجبت معاك المتاورة من جديد
نواحى صفرو وموزار وايفران
تحت سفوح اطلس الريف
نواحى فاس القديمة
حيث الثراء الطبيعى ناس وجبال
وخضرة
وحيث مليكة واخواتها زليخة
وفتيحة وتوريا كما ينطقها
المغاربة
ياود جبرين انا ماشى الجريدة
وبعدين جاييك هنا ده
يابتاع اللاجار وباب الحد
انتا
ياخى عندك طريقة كده بس
تخلى الزول يحسدك
اجى يا للا
اجى نقولك واحد الشى
من هداك الشى الرفيع
| |
|
|
|
|
|
|
|
|
 Re: أهل مليكة وأغانيهم.. (Re: طارق جبريل)
|
يا طـــــــــارق
قبل ما أقــول أي شئ
ياخي العود والفنان صوتهم جميل ..جميل لا شك , وفيه
حاجة من أبوبكر ســـــــــالم (اليمني \سعودي)
.
باقي البوست برجع ليه بمــــــــــــــزاج
أصلاً أنا مجنون وعاشق لهؤلاء الآمازيق...ياخ
التقول صُرتي مدفونة عندهم ...
بعدين أولاد عمنا ياخ (رطّــــــــــانة يا رسول الله)
إحنا رطّانة هنا وهم رطانة هنـــــاك..
ولاّ كيفن الرأي يا حبيب.
| |
|
|
|
|
|
|
|
|
|
Re: أهل مليكة وأغانيهم.. (Re: هواري نمر)
|
Quote: يا طـــــــــارق
قبل ما أقــول أي شئ
ياخي العود والفنان صوتهم جميل ..جميل لا شك , وفيه
حاجة من أبوبكر ســـــــــالم (اليمني \سعودي)
|
يا حبيب كيفنك
الفنان هو محمد رويشة..
والآلة التي يعزف عليها تدعى ((الكنبري)) وبعض المناطق بيسموها ((لوتار))
الزول دة يا هواري عنده صوت غريب وعجيب
يمين يمحنك في راسك دة..
تعرف تقريبا انا حافظ اغانيه رغم انه كلها ما فاهمها..
| |
|
|
|
|
|
|
|
|
|
Re: أهل مليكة وأغانيهم.. (Re: طارق جبريل)
|
ود جبريل..
أبقي مارق ياخ , تعال تِّــــمْ النضمي والحكي
عن أهلنا البرابرة ديل .
الزول غنّــاي يا طارق ...غنّـــاي ياخ
وصوته مميز .
__
ياخي البورد كلو بســـأل , مات لالا مات \ مؤامرة ولا عمالة
ضربوه في الراس ولاّ لقوه ميت ..
الناس كلها تحلل وتتناقش وتفتش للأسباب وتأول .وعيـــــــــــك الزول راح فيها .
عشان كده تعال لبوستيك ده ياخ
وخلنا نعيش لنا ساعات صفاء بسيطة في دنيتنا دي
قبل ما سيد الآمانة ياخد وداعتو.
| |
|
|
|
|
|
|
| |
طارق جبريل
عمران حسن صالح
حمد إبراهيم محمد
almulaomar
عامر تيتاوى
هواري نمر
فيس بوك
تويتر
انستقرام
يوتيوب
بنتيريست