|
دعواتكم لزميلنا المفكر د.الباقر العفيف بالشفاء العاجل
|
|
 Re: Eau De Cologne (Re: Emad Abdulla)
|
عماد عبد الله ..
الزول الكلامو حلو ..
سلام يا صاحب .. ومبروكـ الإضافات وربنا "" يجيبه "" بي خيره ويكفيكـ شرها ..
Quote: في مكتب المسؤول الكبير بدوت صغيرا ..
تكلمتُ كلاماً صغيرا ، و أشرتُ إشاراتٍ صغيرة ، و طلبتُ صغير الطلبات علي كثير ورق .
ثم خرجتُ .
تطاولتُ و أنا في الشارع بين الأناس المواطنين ..
تطاولتُ تطاولتُ تطاولتْ ..
بقيت متطاولاً حتى ارتطمت جبهتي باللوحة الإعلانية الزاهية تسد مدخل نفق شارع الجامعة :
( المؤتمر الوطني : لبناء أمة .. و صناعة مستقبل ) . |
..
( ولكم باااااااااااااكـ ) ...
| |
 
|
|
|
|
|
|
|
|
Re: Eau De Cologne (Re: عمران حسن صالح)
|
عمران يا صاحبي ..
صباحك حلو يا رب ..
البلد ( خرفانة ) .. قامت السخانة مع الخريف بتّقت ..
و البتيق مااااا كويس ، بيجيب الكلام .
شاكر كلامك يا زول يا حلو ..
نبارك ليك السمح .
محبتي .
| |
|
|
|
|
|
|
|
|
|
Re: Eau De Cologne (Re: Emad Abdulla)
|
Quote: : لله .. !!
قالها المتسول الأول ، فمنحه جنيهاً و عبر إلي الإشارة الضوئية التالية .
قال المتسول في التالية : لله ..!!
منحه جنيهاً و عبر إلي الثالثة ..
قالت المتسولة في الثالثة : لله ..!!
منحها أيضاً و أيضاً .. و عبر ..
: برضو لله ؟ قالها متأففاً للمتسول في الرابعة .. حين سدّ عليه - بوجهه الجَهِم - زجاج السيارة .
قال المتسول : لأ .. لي أنا ده . |
يديكـ العافية يا عمدة ياخ ويفتحها عليكـ محل ما تقبل ..
| |
|
|
|
|
|
|
|
|
|
Re: Eau De Cologne (Re: Osman Musa)
|
لأنه حظي ضكر يا عثمان .. عشان كده ما لاقيتك .
و هو حظٌ ضكرٌ من قولة تيت .
شكرا لسؤالك يا صاحبي ..
و شكرا لمرورك هنا .
و .. كان حيين بنتلاقى .
أبقى طيب يا عثمان ..
مودتي .
| |
|
|
|
|
|
|
|
|
|
Re: Eau De Cologne (Re: ibrahim kojan)
|
كوجان ..
أبت يا صاحب .. بت اللزينا معصلجة واقفة دُتْ ..
حريف تدودر معاي ؟ مع إنو الدنيا خريف ياخي و البني آدم مفروض يبتّق في المطر ..
المطر عجيب يا صاحب , البلد دي عجيبة برضو ..
ناس عجيبة و حكومة عجيبة و محن أعجب .
المهم ..
معلقة معاي مدحة من صباحات ربك .. مدحة زي الزيفة حقت المطرة ..
أولاد حاج الماحي كمان عجيبين .
( أب جاهاً حوانا ) ..http://www.sudanradio.info/arabic/modules/debaser/player.php?id=491
هسه ده شنو ؟؟
يا زول الشغلة ملخبطة و جايطة جوطة عدوك ..
....
الله كريم يا صاحب .
| |
|
|
|
|
|
|
|
|
|
Re: Eau De Cologne (Re: Emad Abdulla)
|
عماد عبدالله ,, سلام ياصاح ,,
بالله قدر ماتقدر وقدر ما الله يديك وقت كتر
لينا من تصاويرك البتكشف لينا حال البلد
البقت عجيبه دى !
ياخى والله إتخيلت حال الشوارع المليانه فى
كل ركن أرتال من القمامه وبعد ده يجيك واحد
ولا واحده يدق الباب زى سيد اللبن وبدون خجل
يقول ليك دايرين قروش النفايات !!
صور ,, صور ياعماد لحدى ماأصحاب اللافته ديل
يبنوا لينا أمه ويصنعوا لينا مستقبل .
يأخ ماقلت ليك أجدع لى التلفون ,,
| |
|
|
|
|
|
|
|
|
|
Re: Eau De Cologne (Re: Emad Abdulla)
|
L´eau est un moyen d´être
Tes mots sont aussi des moyens d´être !
الماء وسيلتنا لكي (نكون)
وكلماتك كما الماء تمنح (كون)
مذهل!
Formidable!
| |
|
|
|
|
|
|
|
|
|
Re: Eau De Cologne (Re: مؤيد شريف)
|
عماد يا جميل
امشى اخد ليك جغمة من محل (ايسكريم ابى محجن الثقفى) بالحاج يوسف .. عشان تطلع زيتك
مؤتمر وطنى .. للثقافة والتأليم.
| |
|
|
|
|
|
|
|
|
|
Re: Eau De Cologne (Re: bushra suleiman)
|
Quote:
في عيادة الأسنان ..
جلستُ قربها ، ففاح عطرها و فاح .. فاح .. فاح ..
و كان ضرسي يوجعني .. يوجع .. يوجع
تعبتُ إنتظارا ، فطنطنتُ من ألم الضرس .. و من ضوع عطرها تعبتُ ، فتشهدتُ مؤمناً موحداً " تعباناً " : لا إله إلا الله ..
همست هي : ( تِم الشهادة يا كافر .. يا اب ضُرُس ) . |
وات شن بتدور..
بي عيادة الاسنان,ضرسك ما تحشرو قرنفلاية ولاشيتا
يهمد ليك الوجع..
بس تكـــــــــــــوس لي (فاح عطرها..وفاح وفاح..)
يا اب ضرس....تفزعنا و تلحقنا..........من جنس كتابة عماد..دي!!
لك الود
هواري
| |
|
|
|
|
|
|
|
|
|
Re: Eau De Cologne (Re: هواري نمر)
|
Quote: ( كل كلامك حلو يا دكتور .. بالجد حلو ) و أسبلت عيناها فغرودت ، و انثنت ، فدنت .
ارتعش هو ، و حنجرته تحشرجت فأخرجت : يا بت ، إنتي سفيهة وللا شنو ؟ |
والله ياصاحب الكلام الحلو كلامك دة, و البنية بتمارس في حقوقها الإنسانية و ...كدة و لكن السفاهة في الحشرجة الغير مبررة دي..ياخ و الله البني كجة فقعوا مرارتنا بعد رتقها عدة مرات...
كيفك، كدت ألقاك يمها بس منعتني أنفلونزا الخنازير...أو كما ظننت..
أبقى جميلاً كان أنت..
عادل
| |
|
|
|
|
|
|
|
|
|
Re: Eau De Cologne (Re: هواري نمر)
|
الضرس كعب يا هواري لما يقوم ..
بيتاورك كل شوية .. كل شوية ..
مشيت أحشيهو .. الله قال حرام ؟؟
قمت انحشيت عطر لأبو خاشي ياخي .. و لم " يبنجني " الطبيب .. جيتو جاهز .
ياخي أمانة هذا البلد لئيم .. أمانة جميل ..
أمانة مسكين و مظلوم ظلم الحسن و الحسين .
ربك سبحانه وضع فيه من كل المتناقضات .. فأبدع .
و هكذا يا هواري يا صاحبي .. بقينا لافين ( حُمّنْديرَه ) ..
- و الكلمة من تخريجات جدك مكاوي محمد علي .. رحمة الله عليهو ..
يقولها حين الحاجات و الكلام و الناس تلف و تدور في الفاضي -
.....
ما بلقى عندك شوية ضرس ناتح زايد ؟؟؟
| |
|
|
|
|
|
|
|
|
|
Re: Eau De Cologne (Re: bushra suleiman)
|
أيها الزول المندسي .. يا بشرى .
يا أيها الزول السمح .
أبي محجن الثقفي ما بناباهو .. لاكين الفيك إنعرفت يا بشرى ..
آيس كريم ؟ و الله خِرِبتَ يا صاحبي ..
حليل أيام عربية الباسطة و انتخبوا رمز القطية .. و البلد بِكر .
ياخي مشتاق ليك .
| |
|
|
|
|
|
|
|
|
|
Re: Eau De Cologne (Re: مؤيد شريف)
|
مؤيد يا صاحبي ..
كتر خيرك كتير .
كلماتك دفعة للواحد عشان يحسن شوفو للدنيا دي ..
يمكن يمرق منها بي شيتاً فيهو رَقَشَه يحمد عليهو سيدو .
شاكر ليك يا مؤيد ..
محبتي
| |
|
|
|
|
|
|
|
|
|
Re: Eau De Cologne (Re: ابو جهينة)
|
سيد الحكي هو أنت يا أبا جهينة ..
إن أعجبك هذا فهو بعضٌ مما تعلمته من آيات سردك البديع ..
يا سيدي يا جلال .. أنت مِنّا في مقام العارفين ..
لك الحب الذي تعرف .
أشكرك أشكرك .
| |
|
|
|
|
|
|
|
|
|
Re: Eau De Cologne (Re: محمد عبد الماجد الصايم)
|
( أنا أخرمج .. إذن انا موجود ) ..
رمضان كريم يا زول يا حلو .
....
لك ان تخرمج ما طاب لك : مثنىً و ثلاث و رباع .
محمد يا ولدي , ما تبقى قطر بقضيبين حديد مرسومات ليهو سكة ..
أبقى جن أحمر مسلط , سوطها و جوطها .. و أمرق من حق نفسك ..
ألم يقال ( إن لنفسك عليك حق ) ؟
فوق في شنو غير السما و تحت غير الواطـة ؟ .. البيناتهم ده حقنا .. ما حق القطر .
....
ليه بحبك قدر ده يا أيها الفالت عيارو ؟؟
| |
|
|
|
|
|
|
|
|
|
Re: Eau De Cologne (Re: خدر)
|
ود التوم ..
صباح الخير يا أخانا .
ما زلت أنتظرك ، ما زلت أنتظر .
......
خالد خليهو .. جيب لقاء معاك .
ثم إنه عندي ليك شوق ياخ .
| |
|
|
|
|
|
|
|
|
|
Re: Eau De Cologne (Re: fadlabi)
|
المعمد بماء الجمال
من الملايين التي نسيت في زخم الحياة ونسيت ونسيت حتي اصبح النسيان اعلان في الافتة الكبيرة نساه صاحب الاعلان ...
من تلك الذاكرة (البور) كان لابد ان ياتي احد.... فقط زول واحد.. يا عماد..انشاء الله المطرة تصب لغاية اي زول في السودان يبقي زيك..
ومحبتي
صلاح خليفه
| |
|
|
|
|
|
|
|
|
|
Re: Eau De Cologne (Re: salah ismail)
|
صلاح خليفة ..
يسعد صباحك يا صاحبي .
أهو .. ما زلنا نتنسم شيئا ، فله الحمد أن ما نزال بخياشيم صالحة للإستخدام .
ثم أن هذه البلاد على العليها ما تزال بمسحة جمال يرفّ على الأوجه التعبة على رهقها ..
جمال مكندك بطبقات من الغبشة و الغبرة و القترة ..
جذوة هي ما تزال تعتمل في أناةٍ هناك .
......
( يوم يُنفَخُ في الصورِ فتأتون أفواجا ) .
صباح الخير يا صاحبي .
| |
|
|
|
|
|
|
|
|
 Re: Eau De Cologne (Re: fadlabi)
|
Quote: في عيادة الأسنان ..
جلستُ قربها ، ففاح عطرها و فاح .. فاح .. فاح ..
و كان ضرسي يوجعني .. يوجع .. يوجع
تعبتُ إنتظارا ، فطنطنتُ من ألم الضرس .. و من ضوع عطرها تعبتُ ، فتشهدتُ مؤمناً موحداً " تعباناً " : لا إله إلا الله ..
همست هي : ( تِم الشهادة يا كافر .. يا اب ضُرُس ) .
|
يا عمدة النكته الراقيه
ان شاء الله طيب .. دايره الليله اعترف ليك اني كل ما اخش ليك بوست وادور اعلق يغلبني واحس بنفسي صغيييره قدر السمسمه
واقوم مارقه
جد بتحيرني مخيلتك وذكرياتك الحيه وكيف بتعيشنا فيها.
كل الاحترام والتقدير لشخصك الكريم ودمت بالف عافيه
| |
|
|
|
|
|
|
|
|
|
Re: Eau De Cologne (Re: الوليد محمد الامين)
|
وطنُ كـ ( درب النواقيس ) في " كولون "
كمثل " بيت مولنز " ..!!
يضوع شذىً ..
يعبق .. و يخرج للدنيا فوح القرنفل من أحضان فسقِيّه ..
يخرج ( من بطونها شرابٌ مختلفٌ ألوانه , فيه شفاءٌ للناس ) ..
الناس التي انتاشتها الشناة و القباحة و العفونة .. فتفسخوا في بت أم روحهم .. فمرضوا .
يا وليد .. بهكذا أحلم ..
I have a dream
أعرف .. ليس عندي معطيات الحلم !! جردوني منها - إنتبهت الآن لفداحة الخاطرة -
لكني أجتريْ على مصفاة الأحلام , و على سُدان منابعها " أتشدع " .. و أقول : بسم الله ( نويت حُلُما ) .
( أنما الأعمال بالنيات ) لوحة قديمة جنباً إلى جنب معلقة - مثلنا - في الديوان الكبير عن يمين و يسار لوحات و لوحات ..
جدارٌ من اللوحات , فيهن : ( الصبر طيب ) .. و فيهن ( كهيعص ) , و ( يا كريم ) فيهن .. و كذا ( الرئيس القائد ) و ( سيدي الإمام ) .. و أجدادٌ و أقارب , و غبرةٌ و بسرةٌ و آياتٍ كريمات و تمائم و طلاسم و تصاريف حكمٍ و مواعظ أقدم من " سَنسَنة الكِسره " .
يحب جدي ذلك معلقٌ في ديوانه الكبير , و انا أحب جدي .. لا مشكلة .
لا مشكلة أيضاً و أيضاً في حلمٍ لي .. حلمي أنا ( المتفلت من حراس النية ) ..
ألوليه بشويش , و عليه أربت و أطعمه و أسقي .. و انتخبه جداراً في محاذاة جدار جدي !!
حلمٌ عِطر ..
كولون !! 4711 !! ماءٌ مِعطار ..
( قيل أن الملكة فيكتورياأمرت برش باحات بلدة ريفية و طرقاتها بماء الكولونيا .. و إلا فما هي بزائرتها !! ) ..
who knows ربما استشرت العفونة في البلدة تلك فآذت جلالتها !! العفونة تؤذي .. أليس ؟؟
وجيهة الرأي هي صاحبة الجلالة .. ألا ترى .. Long live the Queen, Long live the Queen
طيب يا وليد ..
أريده وطناً كـ ( درب النواقيس ) في " كولون " ..
كمثل " بيت مولنز " .. !!
كفوح بَلَل الدنيا في صباحات الخريف ..!!
كعبير طرحة جدتي ..!!!
كرائحة فم الرُضّع ..!!
هو حلمي و انا " حُرٌ " فيه !!!!
هو وطني , أأنا حرٌ فيه ؟؟؟!!!!
....
يا صاحبي ..
العفونة تؤذي .. أليس ؟؟
(عدل بواسطة Emad Abdulla on 08-29-2009, 02:51 PM)
| |
|
|
|
|
|
|
|
|
|
Re: Eau De Cologne (Re: Amjed)
|
واحد
يا عماد
سلام
مافى افضل من كتابتك وانت هناك
اكتب ياعماد
اتنين
اخرمج خرمجة.......
......مخرمج خرمجة
بلدا للخرمجة و المخرمجين
| |
|
|
|
|
|
|
| |
Emad Abdulla
عمران حسن صالح
خالد عبد الله محمود
ود الخليفه
ودالعباسية
ريهان الريح الشاذلي
طارق جبريل
ibrahim kojan
Osman Musa
كمال سالم
bushra suleiman
هواري نمر
Adil Isaac
ابو جهينة
محمد عبد الماجد الصايم
إيمان أحمد
خدر
محمد سنى دفع الله
fadlabi
salah ismail
Dalal Ezzaldin
Amjed
هشام المجمر
فيس بوك
تويتر
انستقرام
يوتيوب
بنتيريست