دعواتكم لزميلنا المفكر د.الباقر العفيف بالشفاء العاجل
|
|
 تسنيم عماد عبدالله .. ياخ أنا فرحان بيك
|
دي تسنيم .. بتي
الآنسة المدهشة دي ..
فرحتني .. و
تسنيم نجحت في امتحان الشهادة السودانية .
بالله أنا مش زول سعيد ؟؟؟؟؟
والشريط بتاع بكري ده أنا لو ما عضيتو , سموني كوكو ..
|
|
 
|
|
|
|
|
|
|
|
Re: تسنيم عماد عبدالله .. ياخ أنا فرحان بيك (Re: Emad Abdulla)
|
حلاتة يا ناس
حلا وشطارة
أنت تسعد يا عماد؟؟ انت تحلق بالسعادة
الف مبروك
نحنا جايين بالدرب
القطارمة بيخافو من الزغاريد؟؟
جاياك شاقة السماوات زغاريد وتسبيحات
ما أسعدني بنجاح بنياتي بنيات أخواني
أحمد الله الذي أذاقني طعم النجاحات في الجنيات الحبيبات
وافرحني بفرحتك يا أخي ِ
| |
|
|
|
|
|
|
|
|
|
Re: تسنيم عماد عبدالله .. ياخ أنا فرحان بيك (Re: Marouf Sanad)
|
معروف ..
الله يبارك فيك ..
و بعدين أحسن تنستر معاي .. أنا و إنت الإتنين من الحفير .. صاح ؟؟
ممكن أجيب تاريخ ميلادك بالدقيقة ..
( مع إنه بيكون الزمن داك ما كان إخترعوا الساعات لسه  )
و بعدين أنا زاتو شلاقة مني كده بس خلصت الإبتدائي و طوالي .. طاخ خ خ خ خ خ .
ملاسي ديناصور 
| |
|
|
|
|
|
|
|
|
|
Re: تسنيم عماد عبدالله .. ياخ أنا فرحان بيك (Re: Adil Osman)
|
Quote: و بعدين أحسن تنستر معاي .. أنا و إنت الإتنين من الحفير .. صاح ؟؟
ممكن أجيب تاريخ ميلادك بالدقيقة .. |
يا عماد
أحدث تاريخ ميلاد ممكن تلقاهو لي في الحفير هو تاريخ ميلاد جدي الخامس
وكان قمنا على (الحفر) أنا ممكن أطلع انك انت الحفرت الحفير
| |
|
|
|
|
|
|
|
|
|
Re: تسنيم عماد عبدالله .. ياخ أنا فرحان بيك (Re: Emad Abdulla)
|
الأخ عـماد،، ألف مبـروك لتسـنيم، وربنا يفـّرحك بيها أكتر ويفـرّحها بيك، وتشـوفها فنانة وكاتبة كبيرة ؛ كيـف لا وهـي: (الشـبلة التي من تلك الأسـد!) كما يقـول عمـي الأكـبر لابنة أخيه..ورايك شـنو في صـورتها (صورها) بدون شـريط بكـري؟:لك التحية..
 
| |
|
|
|
|
|
|
|
|
|
Re: تسنيم عماد عبدالله .. ياخ أنا فرحان بيك (Re: ودرملية)
|
ود رملية ..
أحيييييييييييييييي منك ..
يعني أجيب ليك كلام سمح من وين هسه ؟؟
( ان شا الله ياود رملية يعليك فوق المابيك .
بركة الليل الامسى و الأوكات الخمسة .
بركة اللانام لا أكل الطعام ..
تبقى جبلاً ما بينطلع .. و رايةً ما بتنقلع )
دي دعوة حبوبتك الزلال بت ودحامد .. الله يوسده الباردة ..
آمين .
مودة كاملة
| |
|
|
|
|
|
|
|
|
|
Re: تسنيم عماد عبدالله .. ياخ أنا فرحان بيك (Re: Emad Abdulla)
|
سنّو ..
أكررها للمرة المليون .. مبروك .. مبروك .. مبروك ..
حالة الطوارئ التي كانت سائدة في المنزل .. والجو الذي يذكرك بقاعة الامتحانات ...
الحديث المستمر عن الهدوء ( عشان البت بتذاكر ) .. القلق الدائم ..
كل ذلك لم يوجهني نحو الاحساس الذي أحسسته بعد اعلان النتيجة ونجاح تسنيم بنسبة مشّرفة ..
أعادني نجاحها بشئ من (الخوف) الى زمن نية أبيها الزواج والترتيات التي لم تستغرق أكثر من أسبوع واحد فقط !!!
كأنه حدث بالامس .. كان خريجاً جديداً من كلية الفنون ، وزوجته كذلك ...
طيب يا عمدة الترتيبات كيف ؟؟
ترتيبات شنو ؟ أنا عايز أعرس ،، ولو عندكم ترتيبات رتبوها أنتو ، أنا ما شغال بالموضوع ده كتير..
قالت أمي ( هي يا يمة عرس الكضب كضب ده ) .. يا ولد أصبر علينا شوية خلينا نجهز حالنا ..
يا جماعة جهزوا حالكم بي راحتكم .. أنا ح أعرس الاسبوع الجايي .. عندي والا ما عندي أنا ح أعرس ..
يمه ديل ما ناس (الفنون) شغالين علي كيفهم .. خليهو ..
وكانت الحفلة ،، حديث (المدينة) والديم لزمن لم استطع حسابه ..
صدح فيها زملائي بالجامعة وبجمعية الموسيقي في ذلك الزمن النضير ( عامر الجوهري وعمار السنوسي ) وكانوا لا يزالون طلبة بالجامعة .. ورقصنا كما لم نرقص من قبل وغنينا كما لم نغني من قبل..
بالمناسبة يا ناس لنا مهدي ( الزول ده عقد ليهو السيد / الصادق المهدي ... عديل كده ) !!!
أخافتني نتيجة البت تسنيم ... التي كانت بالامس (شافعة) مفعوصة ، تفلت من يدي لتلعب مع البنات (تحت شجرة ناس حبوبة كبرى) ..
هاهي الآن تقصد أن ( تعجز ) عمها (الصغيروني ) ..
وده كلو من الفنون ، وناسها ، الشفقانين..
عرس .. عرس .. يا عمدة أها عرسّت والبنية دخلت الجامعة ، تودي وشك وين أنت بعد ده يا (عمو) ؟؟
مبروك يا تسنيم ..
عمك الصغيروني .
صلاح عبدالله
| |
|
|
|
|
|
|
|
|
|
Re: تسنيم عماد عبدالله .. ياخ أنا فرحان بيك (Re: Emad Abdulla)
|
عمادنا ...( مواهبك متعدده) .. وكل يوم تظهر واحده جديدة
دى كنت داسيها وين ؟؟
تسنيم الف مبروك ***ام تسنيم التحية لك
يا مفخره وانتى تقبضين على جمر الاغتراب ونقق عماد..
هاهو عماد يتحدث عن الحصاد والجنى .. ولكنا نعلم تماما من الذى
حرث وغرس ....... التحيه ل تسنيم وامها ( دونما جندره ) ...
والف الف مبروك عمادنا من قبل ومن بعد
يا صلاح
| Quote: بالمناسبة يا ناس لنا مهدي ( الزول ده عقد ليهو السيد / الصادق المهدي ... عديل كده ) !!! |
لكن تسنيم دى ح اعقد ليها انا !!!!!!!!! ( وجه جاد)
| |
|
|
|
|
|
|
|
|
|
Re: تسنيم عماد عبدالله .. ياخ أنا فرحان بيك (Re: خدر)
|
سلام يا عمدة..وفرحان ليك شديد وللبنية الشاطرة بحق!
كنت بعيد من الكومبيوتر اليوم كله وعشان كدة التهنئة للأمورة تسنيم جات متأخرة. أكيد هي الفتاة الخجول التي سعدت بالسلام عليها وأمها بعد نهاية أمسيتي الشعرية بالدوحة. لها صورة - جوارك وأمها- ضمن جمهور الأمسية سوف أبعثها إليها مع باقات التهاني من عمو والأسرة بلندن.
لا تنسوا في غمار الفرحة بفوز بنتنا تسنيم أن ترجعوا الفضل إلى من هي في الظل كما تجري العادة..شريكة العمدة وسر نجاح تسنيم وأبيها. لها "القومة" ، زوجة وأم ومربية وفنانة تشكيلية سودانية عرفت كيف تحرك خيوط النجاح لزوجها وأطفالها.
أحييها من هنا‘ فقد كانت أول كلمة سمعتها منها: كيفن تسافر من غير تزور بيتنا؟
لا غرابة لسيدة تعرف واجب الضيافة في دارها العامرة أن ترفد بلادنا جيلا نابها.
| |
|
|
|
|
|
|
|
|
|
Re: تسنيم عماد عبدالله .. ياخ أنا فرحان بيك (Re: Emad Abdulla)
|
ياااااااااااه يا عومدة..
شوووف الايام بتجري كيف...؟؟
تسنيم بقت بسم الله ما شاء الله
يا خوي البنات كبرو وكبرونا معاهن
وما فضل غير نفرتك الصيوان ونلملم الكراسي
احيييييييييييييي منها المقدودة
 
الف الف مبروك لي حليمة...
وتاني برضو حليمة...
وتالت حليمة
وبعدين انت يا ملك عارف ليه...؟؟؟
لانك جوال زي حالي ..
وعقبال ما تشوف اساسقك
| |
|
|
|
|
|
|
|
|
|
Re: تسنيم عماد عبدالله .. ياخ أنا فرحان بيك (Re: Ibrahim Adlan)
|
تسنيم الزوله القمره الف مبروك وفرحنا بي نجاحك
وطلتك الحلوه دي
يا عمده تقول لي ام دلدوم وزرايب وحب مواعيد
المسلسل والغنمايه قالت
ياخي
اها بدل المبارا بالزرايب جيناك عديل اصلي اليومين
دي داخلني جلا كبير
وبفتش لي لي عروس
والله مبروك وربنا يحفظ ويزيد كمان وكمان
لك ودي
| |
|
|
|
|
|
|
|
|
|
الف مبروك (Re: Emad Abdulla)
|
قريبى عماد
الف مبروك لتسنيم
وانا طبعا حركات اولاد الزمن دا ما بعرفا تنزيل صور وارسال اشكال ملونة
لكن انا بجى قطر عديل كدا وابارك ليكم
قول للهادى ادريس هبانى يرسل الزيارة
| |
|
|
|
|
|
|
|
|
|
Re: تسنيم عماد عبدالله .. ياخ أنا فرحان بيك (Re: Yassir Hamid)
|
الأخ الشاعر الفنان / عماد عبدالله
الف مبروك للأموره تسنيم وإن شاء الله تتوالى نجاحاتها وتكبر معها أفراحكم يوماً بعد يوم ..
كم أعجبتني فرحة عمها صلاح .. وسرده التاريخي لقصة زواجك كأنها حدثت بالأمس
Quote: أعادني نجاحها بشئ من (الخوف) الى زمن نية أبيها الزواج والترتيات التي لم تستغرق أكثر من أسبوع واحد فقط !!!
كأنه حدث بالامس .. كان خريجاً جديداً من كلية الفنون ، وزوجته كذلك ...
طيب يا عمدة الترتيبات كيف ؟؟
ترتيبات شنو ؟ أنا عايز أعرس ،، ولو عندكم ترتيبات رتبوها أنتو ، أنا ما شغال بالموضوع ده كتير..
قالت أمي ( هي يا يمة عرس الكضب كضب ده ) .. يا ولد أصبر علينا شوية خلينا نجهز حالنا ..
يا جماعة جهزوا حالكم بي راحتكم .. أنا ح أعرس الاسبوع الجايي .. عندي والا ما عندي أنا ح أعرس ..
يمه ديل ما ناس (الفنون) شغالين علي كيفهم .. خليهو ..
وكانت الحفلة ،، حديث (المدينة) والديم لزمن لم استطع حسابه ..
صدح فيها زملائي بالجامعة وبجمعية الموسيقي في ذلك الزمن النضير ( عامر الجوهري وعمار السنوسي ) وكانوا لا يزالون طلبة بالجامعة .. ورقصنا كما لم نرقص من قبل وغنينا كما لم نغني من قبل.. |
ما أسرع دوره الأيام يا صلاح .. وكم أنت سعيد يا عماد إذ غنى في زواجك صديقي الفنان عمار السنوسي .. ويا ليتني كنت موجودا معكم وقتها ...
الف مبروك لكم جميعاً ولكم آلاف النهاني ...
| |
|
|
|
|
|
|
|
|
|
Re: تسنيم عماد عبدالله .. ياخ أنا فرحان بيك (Re: تيسير عووضة)
|
اول اقول مبرووووك للابنة تسنيم عماد عبد الله
ثانيا لو تعرفى يا تسنيم ابوك دا كان معانا فى الثانوى كيف ؟ حتكونى اكثر فرحا ان يكون والدك وزيادة ..
بس يا عماد حتقريها وين ؟ انا اسع شايل هم شريف ابنى الذى سوف ينتهى من اخر امتحان للشهادة الاماراتية يوم الخميس والجماعة ناس الانقاذ جونا وقالو لينا لو اولادكم احرزوا نسبة 100% بنقبلهم ليكم...1!! والله هذا ما قاله عمسيب لنا فى ابوظبى امام مجموعة من الناس زى ديل نقول عليهم شنو يا عماد اصبحنا رعايا لا مواطنين لنا حقوق ..
تانى مبروك يا عماد وان شاء الله تجد الكلية والتخصص الذى تتمناه ...شيل شيلتك
| |
|
|
|
|
|
|
|
|
|
Re: تسنيم عماد عبدالله .. ياخ أنا فرحان بيك (Re: Emad Abdulla)
|
أخي عماد.. ألـــــــــــــــــــــــــــــــــــــــــــــــــف
مبـــــــــــــــــــــــــــــــــــــــــــــــــــــــــــروك..
تهانينا لست الكل حليمة أم تسنيم العزيزة.. فوراء أي نجاح امراة عظيمة كحليمة..
والله لا زلت أتذكر يوم مولد تسنيم .. يومًا كنت شابًا يوصف: انت واد حلو حسين المصري يبقى لك شنو؟
آه يا عمدة .. مضت الأيام بسرعة الضوء.. ولا يصبرنا عليها غير تسنيم وأخواتها وإخوانها..
لا تصدق مدى فرحتى بهذا النجاح للحبيبة تسنيم.. كنت أتمنى أن نكون في ظل وطن تعرف فيه تسنيم عمو حسين وأخوها حسن..
ألف مبروك .. وعقبال الباقين تفرحون بهم ناجحين دائمًا..
| |
|
|
|
|
|
|
|
|
|
Re: تسنيم عماد عبدالله .. ياخ أنا فرحان بيك (Re: Emad Abdulla)
|
سلام و تحايا زي المسا السمح ده ..
ضحية أخوي ..
يبارك فيك يا زول يا جميل .. و يديك العافية ..
| Quote: مقصرين معاك بس مشكلتك موبايلك على طول مقفول |
ده كلام معاوية الطيب يا ضحية ..
وبدر الدين الأمير ..
و عشانك إنت يا ضحية حرم أجيب هسه دي التلفون الرهيييف داك الماعند بدر ..
كتر خيرك يا صديقي ..
و عقبال نفرح بعيالك
أيزابيلا ..
صديقتي في النقر ..
ليتها تسنيم تفرحني زي ما إنتي بتفرحي ..
بحاجاتك كلها .. و نجاحاتك كلها .
شاكر ليك كتير
مودتي و الإحترام
الطيب بشير ..
تمام سعادتك .. قوة الفرح كاملة العدد .
وجاهزة للتفتيش ..
و .. كما كنت لـ ( سنن ) .. نحنا بتاعين فرايض
يا صاحبي الحلو .. و كتّاب .
يديك العافية يا الطيب ..
و تفرح دايما .
مريم الطيب ..
يا سلام يا مريم .. أول مرة تدخلي في حاجة أنا كتبتها .. يا بخيلة .
الزيك ده بيباهو بيهو .. و بس مرورك بيفرح .
تسلمي ..
و شاكر ليك و لمشاعرك الحلوة و صادقة .
و للبطاقة الجميلة دي ..
يديك العافية .
مودتي ليك و الإحترام
ود عقيد ..
تحياتي ليك و إحترام يليق
| Quote: يعني الأيام دي العمدة (مَزاجه من تسنيم) |
تخيل يا عبد الله !!!
مزاج رايق ..
ودي ما حصلت من سنين طويلة ..
شكرا على مشاعرك الحلوة .. يا زول يا فنان .
القلب النابض ..
زغرودتك سمحة .. الظاهر عليك زغراااااااادة ..
و ح أدي الشبال لتسنيم .. أمها لأ
أشكرك .. و أشكرك ..
على كل الكلام الطيب و الصادق ..
إحترامي ليك و المودة
أيمن الحلاوي ..
| Quote: لكن يا عمــدة ما... كبرنــا ؟؟؟؟؟؟؟؟ |
يا زول كبرت براك ..
أنا لسه نيراني بره و لعبي برازيلي ..
و مليون شكر يا أيمن ..
يا صاحب الزمن السمح ..
تحياتي للأسرة
و ربنا يفرحك بعيالك يا رب .
أبو عاقلة ..
يبارك فيك ( أنا ما قاصدك إنت ) ..
يا مجنون .. يا فنان .
و تسنيم بتشكرك و أمها ..
عقبالك عيالك ياخ
كامل الود
مامون ..
مشكور يا صديقي على مشاعرك الحلوة
و أولادنا هم أجمل لغة في الكون ..
الله يفرحك .. دايما
ويديك ألف عافية
ود العباسية ..
الرجل الخفي ..
يعني ما ألم فيك في الدوحة دي أصلو ؟؟؟
كويس إنه تسنيم نجحت عشان تمرق من ورا الكاميرا
ياخي أشكر كلامك الحلو ..
يديك العافية يا صاحبي
و يفرح عمرك ..
تحياتي ليك و مودة
الصديقة .. الزعيمة ..
هالة ..
سلام يليق بيك يا ست الكل
| Quote: جمر الاغتراب ونقق عماد.. |
جمر الإغتراب ده و عرفناهو ..
نققي دي شنو ؟؟
طبعا كلامك ده ريّح قبيلة الجندر العندي ..
يديك العافية يا أستاذة
و شاكر ليك كتير كتير ..
| Quote: لكن تسنيم دى ح اعقد ليها انا |
و أنا .. أنا
ود الأمير ..
و الله حكاية !!! | Quote: الزميلة الصديقة تسنيم |
أها و بنيتك الفي تالتة حاسوب ديك .. ؟؟
يا كائن منقرض ..
شكرا يا بدر .. شكرا كتير
على مشاعرك الحلوة ..
و كنت مشاركك التوتر و القلق ..
و ألف مليون مبروك لمهاد ..
فرحان دايما يا صديقي
سوما .. أسماء الجنيد
| Quote: بقلدة محنه وفرحة اهلنا |
أحلى محنة يا لأسما ..
و كلامك الحلو عنى لي كتير ..
كتر خيرك ..
و ربنا يفرحك دايما .. و يحلي أيامك كلها
مودتي و شكري الكبير
مع إحترامي
عاطف عمر ..
كتر خيرك يا عاطف ..
و ان شا الله تفرح كتير بكل نجاحاتك ..
و نجاحات عيالك ..
أشكرك على مشاعرك
و مودتي و إحترامي
رأفت يا ود عمنا ميلاد ..
يا ود الديم يا أصلي ..
ياخي شكرا ليك ..
و شكرا لاحساسك السمح و مشاعرك
يديك العافية
وحالص إحترامي ليك .
يوسف .. يا أيها الصديق ..
| Quote: ماتحمر لى..... شايفك |
أحمر شنو ؟؟ .. أنا ح أحمر و أنجض و أضبح زاتو ..
يديك العافية يا ولدنا يا جميل ..
و الجامعة في آيسلنده ..
مشتاق ليك يا جوزيف ياخ ..
و أشكرك كتير كتير
حب ليك و إحترام .
عصام جبرالله ..
| Quote: الناس دى بتغشنا بالصور و الكلام الشبابى |
عصام ياخ إنت ما تبارك و بس .. في داعي هسه لللولوه دي و الكلام الما ياهو ؟؟؟
غايتو ..
و بعدين ياخ أنا ( عرسو لي ) و أنا سغير و جاهل .. غشوني وكلفتوني ..
كنت ح أعمل شنو يعني ؟؟
يديك عافية تبراك يا عصام .. و شاكر كلامك السمح .
تحياتي
| |
|
|
|
|
|
|
|
|
|
Re: تسنيم عماد عبدالله .. ياخ أنا فرحان بيك (Re: Emad Abdulla)
|
أبو ساندرا ..
طبظتها ..
كنت ماشي كويس و ما عندك عوجة ..
لكن الفيك إنعرفت .
شاكر ليك يا صاحبي ..
و غقبال ساندرا و ماهي وخياتهم ..
فرح نجاح العيال لذيذ يا فردة ..
رغم إنها مؤشرات على تناقص الحيوية ..
لكن الله غالب .
شكرا يا بركه
مودة خالصة ليك
و لكلماتك السمحة .
خدر . و ما أدراك ما طارق ..
ياخي أنا زول سعيد إنه تسنيم نجحت .. و إنت صاحبي .. و الناس دي كلها أهلي و قبيلتي .
و الله يا طارق بالجد فرحان ..
حركات أبوات و كده ( أبوات جمع بوت )
يديك العافية يا صاحبي
ويفرحك بلقاء ..
تحياتي ليها و لبارعة ..
أشكرك كتير
شيخي فضيلي ..
و مافي كلام يتقال ..
كلامك بيتوج الواحد بفرحة شديدية .. أشد من فرحة نجاح البنية المفعوصة .
وو الله يا شيخي أشهد أن أمها هي من كانت وراء هذا النجاح ..
المسكينة تعبت تعب شديد .. زي كل أم .
و هي تلهج بشكرك على كلامك الطيب في حقها ..
الله لا يجيب يوم شكرك ..
و يعليك أكتر و أكتر ..
و يسعدك بكل نجاح في الدنيا ..
يا رجل يا جميل ..
يديك العافية يا شيخي العالي .
مودتي لك و إحترامي ..
و صادق تحياتي للعائلة الكريمة
أحمد معتصم ..
الرجل الجميل إبن الرجل الأجمل ..
الله عليك يا أحمد ..
و أشكر صدق مشاعرك الحلوة
و كلماتك الراقية ..
يديك العافية يا بوحميد ياخ ..
و يوفقك و يفرحك
إحترامي ليك و الود .
خدر ..
أمشي من قدام وشي .. | Quote: مبروكـ لي تسنيم يا (ككو) |
قلنا كوكو .. قلبتها طوالي ككو ..؟؟
يكويك في راسك إنت و حسين ملاسي
هوزي ..
Quote: يا عمو عماد
الاحترام صراحة بعد كده وجب |
أيوااااااااا .. جابت ليها كلامات كمان ..
أنا غايتو محل ما تمشي معاي تسنيم دي بقول للناس : دي تسنيم .. أختي السغيرة .
وحكمة ربنا بيصدقوا .. شفتي كيف ؟؟؟ ..
هوي يا هوزي هوي .. باركي و اتخارجي لينا بسرعة .. ما توقفي سوقنا بكلام عمو و ما عمو ده .
يديك العافية
إحترام ليك و العايلة .
أبو عسل العسل ..
ياخي الله يبارك في عمرك و أيامك يا رب ..
و شاكر مشاعرك الحلوة ..
كتر خيرك كتير
إحترامي ليك و محبة .
الأيوبي ..
يديك العافية
على الكلام الطيب الصادق ده ..
و ربنا يسعد أيامك و يوفقك ..
أشكرك تاني
وخالص مودتي
عامر تيتاوي ..
يا صاحبي يا فنان .. و كتاب .. و غناي .
يبارك فيك يا عامر ياخ ..
و يهنيك يا زول يا غني جواك ..
شاكر كلماتك و مشاعرك الحلوة
تحياتي
عبدالرحيم فؤاد ..
طيفور يا صاحبي ..
| Quote: نفرتك الصيوان ونلملم الكراسي |
طيب ننوم وين ؟؟؟
| Quote: لانك جوال زي حالي .. |
أنت جوال ؟؟ أتاري بتتهز طواااااالي
مشكور يا عبد ياخ .. و سعيد بيك و بكلامك السمح
و حليمة و البنيات و الوليدات و الغنيمات و الجداد .. كلهم يغروك السلام ..
وقالوا ليك نحنا في مكة و متوجهين المدينة ..
سلام لصديقتنا الفنانة نجوى ( حمالة الأسية ) .. و العيال فرضا فرضاااا
و كتير أشكرك يا عبد .
تحياتي
منى أحمد ..
أشكر مشاعرك الصادقة ..
كتر خيرك على التهنئة ..
و ربنا يفرح أيام الناس كلها يا رب
و يسعدك ..
تاني بشكرك ..
و يديك العافية يا منى
كوليل ..
| Quote: بعد دا المفروض أى زول يخت تاريخ ميلادو |
قومسيون هو ؟؟؟
يا اخواننا أنا و الله شكلي كده إتورطت في حكاية البوست ده ..
البت دي يا أخواننا بصراحة ربنا كده ساكنه معانا في البيت ..
أها .. تاني عندكم كلام ؟؟
و يا كوليل ياخ الله يبارك فيك ..
خت علبة الحلاوة و اتخارج لينا بالله 
الله يبارك فيك يا صاحبي ..
عقبال الأولاد الساكنين معاكم في البيت ..
إبراهيم عدلان ..
صاحبي و صاحب بربر صاحبي
مشكوووووووووووووووووووووووووور ..
| Quote: مبروك ام تسنيم عماد |
 بالغت يا ابراهيم !!!
و يبارك في أيامك يا زول يا رايع ..
و ليك مليون تحية و احترام و حب ..
شكرا ابراهيم
أحمد العربي .. الفنااااان
يبارك فيك يا عربي ..
و يفرحك قدر ما الله يديك .
| Quote: اها بدل المبارا بالزرايب جيناك عديل |
زرايب شنو يا عربي ؟؟؟
.................. أستر علي الله يستر عليك , البت و أمها بيقرو .......................
قلت لي كيف ؟؟؟
لا و الله كويسين الحمدلله .
وها ديل بيقولو ليك شكرا يا ( عمو ) أحمد
تحياتي ليك يا زول يا سمح ..
عمر بوب ..
أمبانن تود ..
الله إددو باركيري .. ( أنداندي دامون ) ..
و طوالي يا عمر ياخ ..
شرف لينا و تاج في راسنا ..
و أشكرك على كل كلامك السمح ..
يا زول يا جميل ..
تحياتي ليك و للعايلة الكريمة
ميادة ..
شكرا .. شكرا
و كتر خيرك على المشاعر الطيبة
ربنا يفرحك يا رب ..
مودتي و الإحترام .
الأديب الجميل ..
أبوذر بابكر
الشاعر الرهيف .. الإنسان
أشكرك .. و كتر خيرك
و الله يسعد أيامك .
تحياتي الصادقة و المودة ليك .
| |
|
|
|
|
|
|
| |
Emad Abdulla
Hussein Mallasi
الفاتح وديدي
lana mahdi
Tragie Mustafa
Marouf Sanad
Adil Osman
Muna Khugali
عبد الحميد البرنس
garjah
ودرملية
غادة عبدالعزيز خالد
Mustafa Mahmoud
ضحيه ابراهيم
أيزابيلا
الطيب بشير
مريم الطيب
عبد الله عقيد
القلب النابض
محمد أبوعاقلة الطريفي
ودالعباسية
بدر الدين الأمير
عاطف عمر
رأفت ميلاد
يوسف سعد
أبو ساندرا
خدر
فضيلي جماع
احمد معتصم الطيب
ابوعسل السيد احمد
خالد الأيوبي
عامر تيتاوى
طيفور
احمد العربي
Omar Bob
Mayada
أبوذر بابكر
mohmmed said ahmed
tmbis
عبدالرحمن عزّاز
إدريس محمد إبراهيم
عبدالغني كرم الله بشير
بكرى ابوبكر
Hashim Badr Eldin
nadus2000
ebrahim_ali
معتصم الطاهر
بهاء بكري
بدرالدين شنا
-1.jpg)
معاوية الطيب
محمد الامين احمد
فيصل عباس
motaz
محمد حسين آدم
صديق الموج
ALGARADABI
Soumeta
Ishraga Haimoura
الطيب شيقوق
فيس بوك
تويتر
انستقرام
يوتيوب
بنتيريست