|
دعواتكم لزميلنا المفكر د.الباقر العفيف بالشفاء العاجل
|
|
 Re: بلد بايظة .. أجدعوها (Re: ايهاب)
|
(*)
واحد من أهلنا الجنوبيين (قبل الإنفصال ) وكده ..
سافر أمريكا لأخوهو هناك , أخوهو قال ليهو :
بالله ياجون سودان دي قالوا رجع لي ورا سديد ..
جون قال ليهو :
لا .. لا سودان دي (ختست) *عديل كده ..
__________________________
*غطست , فقوموا إلى شأنكم يرحمكم الله ..
| |
 
|
|
|
|
|
|
|
 Re: بلد بايظة .. أجدعوها (Re: محمد على طه الملك)
|
مممممممم
جدعك جدعك جدعك
فنننننننننننن
ـــــــ
أي بلد بايظة بتبوظ أعصاب الناس
في الحقيقة البلد بايظة والناس اعصابها بايظة خالص
ومافي شئ يخلي الواحد متفائل سوي
انو الواحد يغطس زي غطستي دي ياعماد
بفطر اليومين دول الساعة تسعة ونص
الغداء مارش بجيبوا لينا بدلو شاي لبن زي الترتيب
العشاء متي رفع آذان المغرب
أأوي يابن (آوي) الي فراشي التاسعة وسبع دقايق
مشتاق ليك حبة ياعماد
تحياتي عبرك لكوجان واشراقة وحنين
ولجارك خالد محمدالطيب
خضر والاسرة
ابوراقة
الولاية الشمالية
مجلس ريفي عبري
وذاكها وذاكها وذاكها أو وهكذا وهكذا وهكذا
أما قصة ذاكها فخليها يامعلم حأحكيها ليك لما تروق حبة
| |
|
|
|
|
|
|
|
|
|
Re: بلد بايظة .. أجدعوها (Re: وليد محمد المبارك)
|
يا ولي يا اصلي ..
قالوا اتنين من اهلي الدناقلة طشوا في الخلا ..
و فللت الدنيا عليهم و هم دايشين و جعانين و خايفين .. قاموا شافو حاجة سوده في الارض قدامهم .. خافوا شديد من الحاجة السوده و مدردمه دي و قاطعة الحركة .
فعشان ما تقوم تنط فيهم مشوا عليها براااااحه جنباوي .. نظام تكتيك تكتيك كده .. النصيبة السوده دي و مريبة أصلو ما اتحركت .. بس لابده و مكرضمه .
قالو ليها : هِش .. برضو ما اتحركت .. فلقوها .. ما اتحركت .. كشحوها بالتراب .. قاااااعده برضو .
واحد فيهم زول أصلي و راضع لبن أمو .. قام خت الرحمن في قلبو و قرب منها و هبشها .. ما اتحركت ..
قام بصباعو كده طعنا ليك و أداها ضواقة ..
اتلفت لاخوهو و هو بيتفتف : الحمدلله الما عفصناهو .. ده خـ........ ه .
......
هسه بقت علينا يا ولي ..
جدعوها و ضقناها .
و اشّا الله الماضاقو يضوقو .
| |
|
|
|
|
|
|
|
|
|
Re: بلد بايظة .. أجدعوها (Re: Emad Abdulla)
|
Quote: يا ولي يا اصلي ..
قالوا اتنين من اهلي الدناقلة طشوا في الخلا ..
و فللت الدنيا عليهم و هم دايشين و جعانين و خايفين .. قاموا شافو حاجة سوده في الارض قدامهم .. خافوا شديد من الحاجة السوده و مدردمه دي و قاطعة الحركة .
فعشان ما تقوم تنط فيهم مشوا عليها براااااحه جنباوي .. نظام تكتيك تكتيك كده .. النصيبة السوده دي و مريبة أصلو ما اتحركت .. بس لابده و مكرضمه .
قالو ليها : هِش .. برضو ما اتحركت .. فلقوها .. ما اتحركت .. كشحوها بالتراب .. قاااااعده برضو .
واحد فيهم زول أصلي و راضع لبن أمو .. قام خت الرحمن في قلبو و قرب منها و هبشها .. ما اتحركت ..
قام بصباعو كده طعنا ليك و أداها ضواقة ..
اتلفت لاخوهو و هو بيتفتف : الحمدلله الما عفصناهو .. ده خـ........ ه .
......
هسه بقت علينا يا ولي ..
جدعوها و ضقناها .
و اشّا الله الماضاقو يضوقو .
|
ها ها ها
ياعماد والله إنت زهجان شديد
يازول مالك ؟
| |
|
|
|
|
|
|
|
|
|
Re: بلد بايظة .. أجدعوها (Re: طارق جبريل)
|
يا عماد .
بس لو خوخت ما بتنجدع .
دى بلد ناصية .
وفيها أحد أنهار الجنة القال فيو عمك Langston Hughes دوبيتو السمح داك .
ممكن نحش بعض الجلافيط ونحاسى بعض العكن المكعبرة المكنكشة فى الحكم 50 سنة .
الا جديع صعب . قلبنا ما يتحمل .
..
عندنا يا عماد عمنا سمع وردى بقول
سندق الصخر . حتى يخرج الصخر لنا زرعا وخضراء
ونرود المجد .
حتى يحفظ الدهر لنا اسما وذكرا .
قام قال :
طوريتى دى دقت لامن خرج الشيطان . ولى هسع الجيب مقدود .
.. سلامات يا عزيز
| |
|
|
|
|
|
|
|
|
|
Re: بلد بايظة .. أجدعوها (Re: Osman Musa)
|
عماد سلام شديييييييييييييد
إنت عارف حكايتنا مع بلدنا من زمنا قديم معروفة
الاهانة لاحقانا زي إهانة أهلنا للجداد كانوا يشيلو في اللواري يعلقوهو بي بره تضربو الشعفوفة والمطرة والكتاحة ولمن اللوري ينقلب يكون هو أول الضحايا ولو سلم يقول ليك ديك البطانة (يمشي معلق ويرجع معلق) ،، يا هو حالنا بس لوك الصبر ، جن يرفسك قول آمين.
| |
|
|
|
|
|
|
|
|
|
Re: بلد بايظة .. أجدعوها (Re: رأفت ميلاد)
|
- طارق اندلاكا لا تحت
- انت يا حبويتي شايلي كشرك مندلي وين
- يلاك نشوف ابن الهرمة ود السر دة فتح المي لي عمك الطيب ولا لا
- والكُشر لي شنو
- محتاجاهو اندلاك
- سمح
- انت يا ود السر مالك آبتفتح المي لي ولدي الطيب
- بالدور يا بت بغداد
- الدور اليقلمك انت تشوف في برسيمو ضبلن والعجور يبس ضمة تقولي الدور
- ان عجبك
- يعجبني كيفن يا ود الغلفاء
- يا ولية..
- يا زول هوووي انت كيفن تقول لي امي الكلام دة
- قلتلا داير تسوي شنو
- امسكو يا الطيب خلني اللغزلو الكُشر دة في صلبو
- انا بوريك يا ابن الكلب
- اقلبو لي جهتي يا الطيب خلني اللوريهو قلب اللبقة في صلبو
.....
يا ناس حصلوني بت بغداد وولدها دايرين يكتلوني
- يا جماعة صلوا علي النبي
- استهدوا بالله
- الله... هو دة بيعرف الله .. يمين بالله تاني تجي بي هني علي اطهرك من جديد
زولك مسك عراقيهو في خشمو وقام صوف
- وينو ود جبرين
- يداك مع بت ناس محمد
- انت يا ابن الهرمة نحن نكاتل في الراجل انت تسويها قرقراب مع بت ناس موحومد
- حبوبتي ما ييدا تراني جنبك
- وانت يا بت موحومد شوفيلكي زولا تاني ولاد جبرين اختيهم
- يا حبويتي في شنو هسي
- اسكت انجر قدامي
شكيتك علي الله يا بت بغداد شوية الريدي طيرتيها في راسي
البلد يا عماد دايري ويحيدتا متل حبوبتي دي
| |
|
|
|
|
|
|
|
|
|
Re: بلد بايظة .. أجدعوها (Re: hassan gadein)
|
يا عمـدة اخانا الذي في قطـر
وبمـا ان ( مكنة ) بلدنا اصـبحـت ذات ( دخـنة ) فانه يتوجـب علينا
تغيير واجـب ( للبسـاتم الاربعـة) التي بسببها زيتنا ذاتو كـمـل
بستم اول : لينيني
بستم تاني: هلم جرا
بستم تالت: فتة
بستم رابع: هي لله
اي بستم من البساتم دي ما تشيلوهـو, مكنتكم حا تجيب ( دخنة) تاااااني
ايييييييييييه دنيا
| |
|
|
|
|
|
|
| |
Emad Abdulla
أبو ساندرا
عصام علي أحمد
وليد محمد المبارك
الصادق صديق سلمان
ايهاب
داليا حافظ
Siham Elmugammar
عبدالله ود البوش
محمد على طه الملك
خضر حسين خليل
الملك
عمر عشاري
ياسر بيناوي
ابراهيم عدلان
طارق جبريل
Osman Musa
عبدالرحمن عبدالله أبوشيبة
محمد أبوالعزائم أبوالريش
Muna Khugali
رأفت ميلاد
الخير محمد عوض
محمد سنى دفع الله
SHIBKA
معتصم الطاهر
omar altom
نجاة محمد بابكر
فيس بوك
تويتر
انستقرام
يوتيوب
بنتيريست