ياسلام، ياسلام ، ياسلام علي الأخبار الجميلة ، فيما يخصنا ، وقديماً قالت الناس : مصائب قوم ( الدوحة) عند قوم (الخرطوم) فوائد ...
سلامو عليكم ...
دول ياعمدة ، قناوة ... في الخرطوم ساحكي لك عنهم ،فنانين ومتصوفة ، مغاربة ، فنانين ، وانت من هسه طالبني سي دي للشباب الفنانين ديل ... وونسة حوالينهم . اللهم إلي حينها(لوسمحت)ابعد الجن عن عماد واعده الينا سالماً غانماً هادئ البال .
مزازيك الأطلس يا قرمبوز ؟؟ شغلك أمازيغي .. مخلوط بي جن الرجال الزرق .. !!! هللا هللا .. ياخي المزيكا دي شي عجيب يسألني الله .. من حال إلى حال .. ترفع شأنا , تخفض حرقة .. فتواسيك .. و تعدلك .
جاييك بالمهلة .. سمع و شوف يا ابراهيم ..
..
08-29-2007, 09:46 PM
محمد عبدالرحمن محمد عبدالرحمن
تاريخ التسجيل: 03-15-2004
مجموع المشاركات: 9059
الدوحة - المدينة - لئيمة حين تكشر عن خيانتها .. و حين تعود للكلام سيرته الأولى : مغتغت و فاضي .. و أنا يا بدر لا طاقة لي على الـ Hard feeling قلنا ناخدا من قصيرا .. قبل ما اللوم يحصل .
و هكذا .. شمطت و قمطت ..
مودتي يا بدر .
..
08-29-2007, 10:51 PM
Emad Abdulla Emad Abdulla
تاريخ التسجيل: 09-18-2005
مجموع المشاركات: 6751
. و .. سأرقب التياب يا غادة .. و أرجحن .. ( يا مولاي آه من غلبي .. ) .. و أرقد بالليل في الحوش أباري سحاب ربنا سحابة سحابة .. و أسمع فجرا تلاوات كتيرة .. في الحوش الجواني .. أحلاها تلاوة أمي .. و يهبهب ملايتي الهوا .. تحتي كلبي , باسط ذراعيه بالوصيد .. و الليل يلوليني .. ( و بي سكرٌ تملكني .. و أعجب كيف بي سُكرُ ) .. و أدندن - و أنا أستعرض نهارات التياب - :
الحالم سبانا أحب طرفو الكحيل أكرم لي هوانا يعيش محيو الجميل في أنضر بهاهو زي الفل مفتح يا ورد الخميل وين بنشوف نظيرو يمرح في شروقو ويصدح في الاصيل ما أحلاها بسمة وما أسماها رسمه تفرح للحزانا تحمل لي غنانا ترمز عن كتير تأمل فيه مره وشوف دلّ العذارى تلقى الصوره تحلف يوسف في اطارا اللألاءة عيونو والبيضاء سنونو كم يسبيك زهرو كم يغريك ثغرو هالكنا الامير اما جسيمو ناعم الفم فيهو خاتم والحاجب قمر العود فيه بانه مخلوق من جنانه رب الكون امر ما بتقدر تعاين لما تراهو بائن لابس الحور قلاده خاتي النور وساده مكسي من حرير ..
تسلمي يا غادة .
..
08-30-2007, 11:00 AM
معتصم الطاهر معتصم الطاهر
تاريخ التسجيل: 11-26-2004
مجموع المشاركات: 3995
. الله يخليك يا رجل يا حلو .. شاكر لطفك يا ياسر .. ما اتلاقينا و اتكلمنا إلا مرات قليلة .. و كلام ع الماشي .. بس غناك سامعو .. و فرحان بيهو .. و بروحك الحلوة .. و حسك الفكاهي العالي ..
يا رجل ح نتلاقى .. و قريب إن شا الله ..
مودتي و احترامي يا ياسر يا فنان .
..
08-29-2007, 10:30 PM
معاوية كرفس معاوية كرفس
تاريخ التسجيل: 03-18-2004
مجموع المشاركات: 1340
عماد عبد الله انا الان خارج الدوحة ولا ادرى كيف عندما اعود اليها وليس فيها عماد عبد الله حتى ولو اننا لا نلتقى لكن مجرد الاحساس بوجود عماد عبد الله فى مكان ما يجعله دائماجميلا فى نفسى .. وهذا هو وعد الخرطوم والديم ويابخت اهلها بالعمدة اسال الله ان يكتب لنا لقاء قريبا وصحبتك السلامة دائما ياعماد وربى يحفظك
08-29-2007, 11:52 PM
Emad Abdulla Emad Abdulla
تاريخ التسجيل: 09-18-2005
مجموع المشاركات: 6751
. صاحبي يا عامر .. مساء الدوحة اليوم .. هو آخر المساءات - ربما -
سأعود مضاربكم في الإمتداد .. و أطوف الشوارع يا صاحب .. و الأزقة و زوايا الأمكنة .. و أذكرك .. و أنتقم حرمانا طويلا كابدته يا عامر .. و أشبع من ذاك البلد .. ( إن كان في الكأس باقٍ ) .. أظنني لن انام ..
و ح نتقابل .. أكيد اكيد ..
يا عامر .. ليك محبة .. و كثير تقديري .
..
08-30-2007, 04:10 AM
شكرى سليمان ماطوس شكرى سليمان ماطوس
تاريخ التسجيل: 11-07-2006
مجموع المشاركات: 2621
تعرف ياعمدة خايفين نتحرم من الفيض الهائل من كلامك المعتّق البفّش الروح. الجري واللهطي ليس له مبتدأ ولا منتهى ولا تحده حدود في عاصمة الصمود، المسألة تحتاج لاعادة تأهيل ذهني وبدني كبيرين لمعرفة الحاصل ومن ثم مواكبته. أتمني لك حظا أوفر ويا بخت الاصدقاء بالخرطوم. لك كل التحايا والود
عماد خليفة
08-30-2007, 05:18 AM
Omar Bob Omar Bob
تاريخ التسجيل: 02-02-2005
مجموع المشاركات: 2543
في الوطن .. الكل صحاب أخشى أن تمل التواصل أخشى عليك أن تمل الوطن فصحبة الوطن عملة ذات وجهين ملك وكتابة " قاتل الله الملك " لي هناك صديق جمعنا يوماً ما قال عنه العارف باللحن فيصل بن عباس أنه صاحب صوت (جبلي) وقال عنه إبن ذيادة أنه صاحب صوت سماوي وقال بركات أنه مسكر وكنا أنا وأنت نصعد الحبل تاره ونقفذ السماوات من طباق لطباق ونترنح طربا أتراك تراه مرة اخرى؟ عماد أنت من نفر قليل يكفي وجودهم ليعطى معنى للمشاركة وقد كنت شريكاً رئيسياً في فرح الدوحة وما بين لوعة الدوحة ومن فيها عليك و ونداء وطن مكسور الخاطر بعد غوار زمن الفرسان أقولها مرة واحدة وأخيرة عد فعودك أحمد أو ابقى فبقائك يحمد
بلادي وبلادك ترسم نفسها على القماش فقط إحمل الريشة تكتب نفسها فاحمل القلم وراسلنا عبر أسافير وبهمز ودم طيباً كما انت
08-30-2007, 06:05 AM
هشام المجمر هشام المجمر
تاريخ التسجيل: 12-04-2004
مجموع المشاركات: 9533
اسوأ مافى هذه الدنيا ان يفارقك انسان العشم فرغم مشاغلى الكثيرة كنت اعشم ان يستوى يوما و نحن اصدقاء ولكنها الحياة عاتية عواصفها تنذر كل يوم بترحال جديد وفراق من نحب اذكر جيدا ليلة سمرنا بحضور المبدع على السقيد و البروفايل الذى رسمته لى ضمن من رسمت من شخوص وحديثك حول بوست لى سابق ورد بارد رغم ان تلك الليلة غيرت الكثير الا اننى كنت اتمنى ان يدوم التواصل
ارجو ان نغلق أعيننا و نفتحها ونجدك بيننا مرة ثانية قمرا من اقمار الدوحة وجزءا من شفرة الحياة فيها
08-30-2007, 06:39 AM
هجو الأقرع هجو الأقرع
تاريخ التسجيل: 07-19-2006
مجموع المشاركات: 9070
الاخ الرائع عماد ، انت باذن الله عائد وهى مسألة وقت ، فيا اخى ما تشفق الحبان ، يا شباب الرجل باذن الله عائد وكمان غانم باذن المولى ، اذهب الان وشوف الديار وتفقد اهلك الاخيار، وارجع لنا لتنفض الغبار عن كيكى وبدر والظلامى معتز ، انا شخصيا مقصر فى حقك ولكن بعد العودة أمل ان اكون فى ربع حسن الظن فقط . اتمنى لك زيارة موفقه للسودان وعوده ثانية مع الاسرة والاحباب فى الانتظار .
08-30-2007, 07:34 AM
Ishraga Haimoura Ishraga Haimoura
تاريخ التسجيل: 01-24-2004
مجموع المشاركات: 1463
أبوساندرا .. يا زعيم .. بالجد زعيم .. و أخو . و ياخي انا أحبك لوجه الله تعالى .. و بس .
حيدر : الدوحة جميلة بكل الجميلين الفيها .. و أنت واحدهم . حرف مموسق في نوتة الدوحة لكبيرة . و كان حيين ح نتلاقى يا صحبي .. يديك العافية يا حيدر ..
عماد يا أصلي .. شوقي للجري .. و المساسقة .. و ارتيارد أوكار الخرطوم و جخانين الديم .. و الأصحاب الطاعمين .. بلا جزاء و لا شكورا . يجبر خاطرك على الكلام الطيب .. بيشبهك . مودتي يا عماد .. لامن نتلاقى .. يديك العافية .
بوب .. أمبنن تود .. إلهي إدّو باريكيري .. إستراحة من كل شي يا صاحب .. الله لا يجيب إحباط .. و أعذرني على صباحات ضايقتك . مكانك عندي كبير .. و تعرفه . تسلم يا عمر ياخوي .
طارق الذي أحبه .. و كلما يدهشني .. احبه أكثر .. موضع الدهشة يا طارق إنك زول براك .. ما بتشبه جيلك .. لغة تريانة و عقل ماهل و شاسع .. و متوازن بمزاج . و بتفرّح ياخ .. واحدة من مكاسبي في الدوحة هو : طارق المكي .. يديك العافية يا زول يا سمح .
بالله لسه ما سكة لي يا هشام ؟؟ هشام المجمر .. أنا صاحبك غصبا عنك .. و أجزم إنه الدوحة الكسبتك ح يزيد ألقها . حظي الكعب .. نقول شنو .. بس العشم في إنك واحد من الجميلين في الخاطر و البال و القلب .. يديك العافية يا هشام .. مودتي و تقديري .
هجو الجميل .. يا زول يبارك في أيامك .. و يزيدك من خيرو .. بعد مكالمتك أمس .. لقيتني أنا الظلامي .. و يسمع منك رب البيت يا هجو ياخ .. الدوحة في خلال تلاتة سنين قصيرات .. غيرت فيني الكتير . ليك ما ليك من مودة .. و كبير إحترام ..
إشراقة حيمورة .. يا بت جيراننا و حلتنا .. و نوارة . غايتو ح أتاوق وين ألقاكم .. و أصل كل الجميلين في الخرطوم .. من الصحافة و حتى المرخيات . و واعد نفسي بكمية فرح .. يديكي العافية يا إشراقة ..
...
08-30-2007, 08:17 AM
عبدالغني كرم الله بشير عبدالغني كرم الله بشير
تاريخ التسجيل: 12-06-2005
مجموع المشاركات: 1082
ياااااه يا عمدة... أعلم قدر خزلانك فينا أدعي أنني أحد الذين يعرفون قدرك،.... وتسألني ولما إذن؟! لا أجد لنفسي ولا لهم أي عذر، ولكني يا صديقي أبحث لنفسي عن سلوى في انتظار عودتك مستعينا بدعاء عسى أن يكون قريباً.... هكذا نحن يا صديقي... نفسي ويا نفسي أولا عند الفراق نضيع جهدنا في البحث عن بندول يسكن ألم اللحظة ولا نسأل أنفسنا ماذا فعلنا لنتفادى تجرع البندول وفراق الأصدقاء لاشيء...لاشيء..لا شيء..
Quote: أبوساندرا .. يا زعيم .. بالجد زعيم .. و أخو . و ياخي انا أحبك لوجه الله تعالى .. و بس .
تعرف حتى تعود ظافرآ وغانمآ أنا الخاسر الأول ، إن لم أكن الوحيد ، ظللت على الدوام ، برفقة فيصل عباس ، خط دفاعي الأخير وحائط صد عالي وسميك وملاذ
حتى تعود ظهري مكشوف والملاذات شحيحة
غايتو الله يقوي فيصل عباس ويخللي طارق المكي
عزائي ، إنك ح تستمتع في البلد حتى الثمالة وإنك { هترجع } على زعمات طلال عفيفي حنين تريان بحنان الأم وحنية الأخوات و دفيء بجمال حطب القيامة ، مشاعرهم قبل نيرانهم ومنفتح على خيارات أخرى خيارات بالجملة عدد المشارب وتعدد
يا عمده ياحبيب ، الدوحة دوماً بين أحضانها في كل الزمانات سوداني مميز عنده يتفق الكل ، مر بها من أظن أنهم إستحقوا إحترام الكل : الطيب صالح ، الصلحي ، عمر عبود ، مصطفى سيدأحمد ( رحمه الله ) وهاأنت قد سطرت إحترام الكل لك بقلمك الشفاف وطلعتك المريحة للقلب ، نحبك لجمالك ، وحتى تعود سيكون هناك فراغ بحجم حبك للسودان حين كان ، لا خوف عليك في أي مكان حيث سيحتويك المكان بالجميلين فيه، نتمنى عودتك عاجلاً ..
08-30-2007, 09:15 AM
امل احمد عمر امل احمد عمر
تاريخ التسجيل: 03-21-2007
مجموع المشاركات: 291
ياااااااه يا عماد لا ادري ولكن مدينة سيغادرها عماد عبدالله وجب علينا ان نتحسس امتعتنا فقد غادرها الفرح والدهشة وياعماد لا ادري ماذا اقول ولكن اتمني دوما ان نبقي معا فانت رجل بهامة عالية ووجدان نادر الوجود... ...اذن فلنتحسس الامتعة ...اذن فلنتحسس الامتعة ...اذن فلنتحسس الامتعة ...اذن فلنتحسس الامتعة ...اذن فلنتحسس الامتعة
08-30-2007, 03:21 PM
أبو ساندرا أبو ساندرا
تاريخ التسجيل: 02-26-2003
مجموع المشاركات: 15493
سلامات وعوافي عماد هكذا "كصوت العذارى الحالمات" يرهقن عصب الروح... ويرقصن يانعات في مساءات الاعراس يتراشقن حولنا حتي نتصبب شوقا اليهن... ثم اذا مررن بجوارنا وساقتنا رائحتهن النبيهة.. نتبعهن مستلبين.. ثم نحكي .. نحكي .. نواعدهن والاحلام حدائق وازهارا "ثم يتمنعن عند اللقاء" .. فلا الريق اتبلا بي ونستهن ولا الشفاه الناشفة رطبتها القُبل .. حندكا شديدة .. ياعماد .. الي اين انت ذاهب .. ياصديق .. واي المدن ستحتملك ؟؟!! يارجل "انت اكثر كثافة من كل المناخات" ... حلفت واتيمنت بان بيني وبين الكتابة في هذا المنبر جحيم ونيران .. غير اني ما احتملت الصمت و " الغياب مشغول بك" ..فقلت يا ولد "اخرج لسانك كية للتواريخ والفصول والاحوال والظروف" .. فاخرج الزمن لسانه كاويا "كيتي" في صلبا.. ماشي وين يا جمل الشيل يا البتشد الحيل .. ماشي وين يا توب الغتا يا سحر الدوحة وفرحتا .. ماشي وين يا لحن المسا ويا سر الحراير روعتا وملمسا ؟؟؟ ... اخخخخخخخخخخخخخ.. معقولة ياعماد .. .. يازول زي عبق النسيم ريحتك وقت تتقريف المطرة لي البلدات وزي فرح العيد شوفتك وضحكت ولاد الحلة في اللمات .. احبك يا عماد .. احبك مجاز واحبك حقيقة .. مشتاقين
08-30-2007, 10:53 PM
ماجدة عوض خوجلى ماجدة عوض خوجلى
تاريخ التسجيل: 12-25-2006
مجموع المشاركات: 7279
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Emad Abdulla
Ibrahim Algrefwi
عصام عبد الحفيظ
محمد عبدالرحمن
غادة عبدالعزيز خالد
بدر الدين الأمير
معتصم الطاهر
معاوية كرفس
مبيوع
معتز القريش
عامر تيتاوى
شكرى سليمان ماطوس
رقم صفر
ابراهيم عدلان
أبو ساندرا
حيدر حسن ميرغني
Imad Khalifa
Omar Bob
tarig almakki
هشام المجمر
هجو الأقرع
Ishraga Haimoura
Faisal Al Zubeir
عبدالغني كرم الله بشير
nadus2000
امل احمد عمر
Ishraga Mustafa
Adil Osman
عبدالكريم الامين احمد
ودرملية
ماجدة عوض خوجلى
معتصم ود الجمام
فيس بوك
تويتر
انستقرام
يوتيوب
بنتيريست