دعواتكم لزميلنا المفكر د.الباقر العفيف بالشفاء العاجل
|
|
 الدنيا خميس يا ابوساندرا .. الكَفوة شنو الليلة ؟؟؟
|
من قبيل اتاوق و اتاوق و اتاوق .. و يلهج اللسان خُلعةً و ترقبا :
يا الله الليلة تضافر علينا و تسترنا من النصيبة الجايانا تالا بركوتة ..
الدنيا خميس يا إلهي يا مولاي .. خليهو يمضي براحة بركة جاه نبيك ..
و يا الله تقيد بركوتة و تجعل من بين ايديه سداً و الكي بورد ..
تلايس عويناتو من تلقط ليها طرف خيط بتاع لبطة فشنك .
الساعة هسه إطناشر إلا ربع ..
انتصف النهار - أو يكاد - و كل شي رايق ..
يا الله يستمر الوضع على ماهو عليه .. و علي المتضرر اللجوء للضراعة :
و ( أثقلت كفي الضراعات ) .. بفتح الضاد يا منعول .. فتح مش ضم .
ضارعين ضارعين .
الدنيا خميس ..
و لسه بركوتة ما فكّ ليهو غُنبلة تضايرنا و تدخلنا في أضافرينا .. !!! الحكاية دي مااااا ياها .
شباب الدوحة .. تحسسوا أخاكم بركوتة الله يعافيكم ..
أو كمان يكون ده البيقولوهو : السكون الذي يسبق العاصفة ..
يكفينا الله شر عواصفك و ( فسوات شيطانك ) فإنها شترا و أشولنجية .
هذا ..
و يا الله يا كريم يا حنّان يا منّان .. اجعل يومك هذا براحه علينا من شلنكبات الرجل ..
ما تبقي علينا كمان سخانة و كهربا بح و هوا تِك .. و محن ابوساندرا .
.....
هنا أم درمان .
|
|
 
|
|
|
|
|
|
|
|
Re: الدنيا خميس يا ابوساندرا .. الكَفوة شنو الليلة ؟؟؟ (Re: خضر حسين خليل)
|
ونتضرع للمولي عز وجل أن يجعل هذا البوست برداً وسلاماً وفي صحة بركة
كما نشكر الاخوة القائمين بأمر الخميس في البلاد القطرية انو يضايروا
الزول دة بدري بدي ونخص منهم دكين الوغد . ونناشد ومن هذا المنطلق
الاخت رشيدة انها ترجع سريع سريع فقد أهلك الغياب كبيرنا ابا ساندرا
ونحن نعلم علم اليقين انها ما حتقصر معانا وستنظر لطلبنا هذا بعين
الاعتبار كيف لا وهي التي احتملته طوال ما مضي من سنوات !
ربنا يجعلها ليك في ميزان حسناتك
وفي هذه (العجالة)
قال ليك ياعماد في زولة متزوجة تربال والتربال دة ما مقصر هاريها ليك كوسة
وقرع كوسة وقرع التقول مافي خدار غير المذكورين ديل !
المهم الزولة دي اتعذبت عذاب جد
مرة بتشكي لي واحدة صحبتاوعن معاناتها مع الكوسة والقرع وقالت ليها
غايتو تاني عمري ما حأتزوج لي تربال !
| |
|
|
|
|
|
|
|
|
|
Re: الدنيا خميس يا ابوساندرا .. الكَفوة شنو الليلة ؟؟؟ (Re: خضر حسين خليل)
|
لوووووووووووول يكه (محفوظه لي الزول زاتو)
من بوست العذابه
عمده اخوي خضر ده داير يودي ليك البوست الخور
شفت الصوره؟؟
اسي الهكر بيجي في بوستيكم المدستر ده
علا أبو ساندرا ما بيجي لانه من ناس قطر
و ناس قطر سنونوهم واجعاهم اليومين ديل
السنونوهم ما واجعاهم ناس الرياض
استغفر الله العظيم الدنيا خميس ........ لووووووول
| |
|
|
|
|
|
|
|
|
|
Re: الدنيا خميس يا ابوساندرا .. الكَفوة شنو الليلة ؟؟؟ (Re: BitAlhana)
|
بت الهنا ..
قيلتي طيبة إن شا الله .
أها الكفوة جابا لبلد بحالها ..
مش قلت ليكم !!!
صاحبك مرقها في كورنيش الدوحة قالوا ..
و على شكل كائن منسدح على ضهرو !!! شفتي المِحنة دي ؟؟
هسه ناس قطر ذنبهم شنو ؟
....
أيامي الفي الدوحة و في خميس من الخميسات جابو الدفاع المدني في حي الدفنة ..
قالوا ( سوداني طلع للخواجيات الفي حوض السباحة .. في شكل وردة ) .
غايتو كتر خيرهم ناس الدفاع المدني قلعوهو اليوم داك بخرطوش الحريقة .
وردة ؟؟ علينا نحنا ؟
| |
|
|
|
|
|
|
|
|
|
Re: الدنيا خميس يا ابوساندرا .. الكَفوة شنو الليلة ؟؟؟ (Re: doma)
|
Quote: أو كمان يكون ده البيقولوهو : السكون الذي يسبق العاصفة ..
يكفينا الله شر عواصفك و ( فسوات شيطانك ) فإنها شترا و أشولنجية .
|
دا كان زمان يا عمده
بركوته خميساتو بقت بيض
قال ليك يا عمده واحد ماشى فى الشارع وفجعه كدا قعد وشتح كرعينو
صاحبه انخلع بالمنظر دا وقال ليهو يازول مالك
صاحبنا رد وقال ليهو انا عندى الكلسترول والدكتور مانعنى من البيض 
| |
|
|
|
|
|
|
|
|
|
Re: الدنيا خميس يا ابوساندرا .. الكَفوة شنو الليلة ؟؟؟ (Re: Emad Abdulla)
|
ارحموه في غيابة (اظنه وحيدا -دون رشده - يرتب خلوتة لخميس ماتع)
يرحمكم من في السماء
ومن ثم موتوا بغيظكم
فانه لن يعلن بكائياته في خمائسة القادمه.
____________________
لسان حال بركات في غيبته الخميسية
(ويا عماد ابعد عن الشر لانك تدري انه عندما يعود لايخلو من تهور (وشوت ضفاري )يمكنه من هدم به مستقبلك
الفني ومشاريع من معك )
ويا بركات سندعم حملتك ضدهم لحين اتفاق يؤسس لخميس مشترك بيننا لا يخلو من دسامة
| |
|
|
|
|
|
|
|
|
|
Re: الدنيا خميس يا ابوساندرا .. الكَفوة شنو الليلة ؟؟؟ (Re: أبو ساندرا)
|
اها صحيتوه؟؟
غايتو شيلوا شيلتكم
ـــــــــــــــ
المشكلة ناديتو أنا وماقاصدة
دخلت أرسل لي إيميل لقيت عندو رسالة مسنجر داخلي
قلت لي يابركوتا تعال أقرا رسالتك دي واتخارج لي سريع عشان عندي شغل في النت
المهم وفجعتاّ" قام شاف بوستيكم دا
غايتو لغاية هسي مافرفر , ردا ليكم ردوا دا ومشى شال ليو أوراق كتيرة كدا وقلم
ـــــــــــــــ
الله يستر
:
:
عمدة مشتاغون ياخ
| |
|
|
|
|
|
|
|
|
|
Re: الدنيا خميس يا ابوساندرا .. الكَفوة شنو الليلة ؟؟؟ (Re: حيدر حسن ميرغني)
|
Quote: ديل يا دومة يأكلوا الجمعة ذاتها يوم البصل..
___
الجُمعة زيها وزي الدوام.. جُمعة على كِبّر.. |
واللة يا طيفور دة اجمل تعليق قريتو فى حياتى وضحكتة فى الشغل لحدى ما اتلمو على ناس طوارئ الاطفال
...............................................................................................
عماد عبداللة الفتنة نايمة احسن اللة لمن ايقظها...........................
ابوشيبة دة غواصة انا عندى صورة لو نزلتها هنا خالتى رشيدة بتجى بكرة بطيارة الساعة 7 صباحا
| |
|
|
|
|
|
|
|
|
|
Re: الدنيا خميس يا ابوساندرا .. الكَفوة شنو الليلة ؟؟؟ (Re: حيدر حسن ميرغني)
|
دايما لي الهموم شايلين
ونحنــا متندليــن نايميــن
وفجــأة بقينــا مقطوعيـن
والبنسوِّي مــــا عارفيـــن
فقدناكم كتير والله يا حلوين
بلاكــم واللهْ خربـــانه ..
بلاكــم وا هملنــــا يميـــن
البنسَوِّي أشتر كلو اخَرَقْ وشين
سواتْ الحَـلـَّـة أكبـــر هم
كــان (فاصوليـا) واللهْ (الباميـــة) والله لحم
قِطـِّيع (البصل) غالبنا ..سوَّا عيونَّا زي الدم
نصاوطا... مـــرة تتحــرق
كتير ننساهو كبَّ الموية تقْبض عاد وتتلصَّـق
وريحتا من بعيد تنشم
مليانــات ادينــا سجم ..
عرقنــا يخُــرْ .. ضهرنــا يقيـــف ويتـعسَّم
بعد داك تطلـــع الحَلة .. لا ميــز لا طعــم لا لـــون
صحيــح الدنيـــا قلاَّبه ..
مشقلب ديمة دولابه
| |
|
|
|
|
|
|
|
|
|
Re: الدنيا خميس يا ابوساندرا .. الكَفوة شنو الليلة ؟؟؟ (Re: haroon diyab)
|
والله اعملوا حسابكم
يا ايها المتداخلون والمتداخلات
اعملوا حسابكم
احر مرة شوهد فيها بركوته كانت في مركز اصدقاء البيئة
امس الحميس كان في حفل لفرقة الهيلاهوب ( تاتيبا)
وكنت اشاهد مباراة الأهلي والزمالك
اشوف ليك بركوته داخل على سلم وجلس وبعد شوية قام مشى لى العرض
جاء راجع قغد ثم قام مشى لي جوة المكتبة عزل ليهو كتاب كبير ومجلد
كتاب بتاع سحر وشر العالم كلو فيهو ختى الكتاب واستغفر وطلع
مشى في الساحة بتاة المركز صنقر ودنقر
ثم دلف الى المسرح جاء خارجا متجهما ثم دلف الى الصالة
وجدني اتابع الماتش دلف الي ودلف دي من دلف المدينة الأغريقية المليانة كهنة
دلف الى الكاهن الأكبر وقال لي لومشيت البيت بحصل الشوط التاني
رديت بيحذر ــ بتحصلة !! وخرج بعد ان لف عمامته باهمال وخرج وهو ينوي على امر ذا بال
وحينما سالت من حالة بركوتا وليه بتصرف كده اجابوني اصحاب الأمر في حالات بركوتا
انو لمن يكون في مثل هذه الحالةبكون بدير في امر كبير وخطير
والطاهر بكون في زول هبشوا في بوست
وفعلا رجعت لقيت بوستكم ده
اها بلو رسينكم واضاروا بالدروع كافة انواع الدروع من بشرية وطبيعية ومشيدة
الليلة بركوتا 0007
كككككككككككككككككككككككككككاك
| |
|
|
|
|
|
|
| |
Emad Abdulla
خضر حسين خليل
haroon diyab
doma
على محمد على بشير
مصطفي سري
ناصر احمد الامين
عبدالرحمن عبدالله أبوشيبة
Yassir Tayfour
محمد عبد الماجد الصايم
abas
عزام حسن فرح
Hussein Mallasi
ASHRAF TAHA
فيصل عباس
محمد أبوالعزائم أبوالريش
باسط المكي
أبو ساندرا
mahitab barakat
حيدر حسن ميرغني
عمر سعد
خدر
محمد حيدر المشرف
يوسف الولى
فيصل محمد خليل
الملك
محمد سنى دفع الله
ضحيه ابراهيم
فيس بوك
تويتر
انستقرام
يوتيوب
بنتيريست