|
دعواتكم لزميلنا المفكر د.الباقر العفيف بالشفاء العاجل
|
|
 Re: ( فصل الدين عن الدولة ) .. في عز السخانة !! (Re: Emad Abdulla)
|
الااخ عماد
تحية ونتمنى لك اقامة طيبة
(عثمان حسين شال الغنا وراح) كان اجمل تعليق للتكّاسى
الهم ارحم عثمان حسين وتقبله تقبل حسن
فصل الدين عن الدولة !!!!
فى الوسائل وليس القيم لأن استلهام القيم الدينية والاعراف والتقاليد فى البرامج السياسية شىء اساسى ومهم.
منو العندو مصلحة للقول بأن الغفة لا مكان لها فى دولة علمانية؟
انها واحدة من اكبر دلائل التدهور الفكرى والثقافى التى تعيشهه بلادنا فى ظل سيادة (المشروع الحضارى)والاّ لكانت المشروع الحضارى (هو التسمية المرجحة)
عودا حميدا واجازة سعيدة يا عماد
| |
 
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: طلعت الطيب)
|
صباح الخير يا طلعت ..
البرامج السياسة كوم .. و الدساتير كوم تاني ..
الدستور هو القيمة الأسمى للقانون اللي بتساووا تحتو كل الناس بأعرافهم و قيمهم و تقاليدهم ..
دينية و غير ذلك .
....
في واحد من المطاعم الراقية في شارع أفريقيا ..
قال شاب لئيم و هو يتطلع لحاجات قافزة من فتحة صدر ضيقة لزي ترتديه إحدى الشابات العصريات :
ده الكلام .. ضيق الشريكين .
.....
شكراُ يا طلعت ..
تحياتي .
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: Emad Abdulla)
|
يا حيدر حسن ميرغني
صورة المقاومة الإسلامية
التي فصلت { الدين عن الدولة}
أوضحت فكرة عماد باكثر مما كان يقصد
ويتوقع
قال حاجز المركز
طيب نحن خلينا في الهامش بتاع ناس طارق ابوعبيدة
اعلى خريطة العبيدية شمالآ
أصلنا ناس متخلفين
طوالي راجعين { للخلف }
تعرف يا عماد
أمس الولد اللذيذ أشرف طه
وكان بيحكي لي عنك
قال وصف عجيب في مقنطة خطيبته
قال لم تقعد ، بتطول
وكانها قاعدة على دكة أو تل
الزعطر
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: أبو ساندرا)
|
قال : عارف دي سموها شنو؟
هي دي كمان سموها ؟!!
ايوة سموها ،واشار بيده للجيبه،فصل الدين
ونزلت يده الى حافة البنطلون ،،عن الدوله
واصبحت المسافة البينهم ـ المساحة الخالية ـ
فضاء خرافي ميتافيزيقي سريالي الخ المهم فضاء
خيالي للطيش عشان كل من له فكر ورؤية ورؤيا وخيال وعدم شغلة
اسميهو زي ما عايزعارف ياصديقي
الناس ديل طوالي خالين حتة فاضية
نقعد نتشاكل عليها مساحة حلايب مساحةابييي مساحةمثلث ليمو ومثلث كيمو
وطبعا سرحت في المساحة الخالية يا بيتر بروك
اسرح السرحة ...... كلنا
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: محمد سنى دفع الله)
|
Quote: واصبحت المسافة البينهم ـ المساحة الخالية ـ
فضاء خرافي ميتافيزيقي سريالي الخ المهم فضاء
خيالي للطيش عشان كل من له فكر ورؤية ورؤيا وخيال وعدم شغلة
اسميهو زي ما عايزعارف ياصديقي
الناس ديل طوالي خالين حتة فاضية |
بس .. شفت الحتة الفاضية دي ..
ح نلف فيها كده لما راسنا يسخن ..
شوية شوية بلوزة ( الدولة ) تمشي تنكمش لي فوق ..
و بنطلون ( الدين ) يمشي منكمش لي تحت ..
لما في النهاية نلقى نفسنا أم فكو .
.....
السني إزيك يا جميل ياخ ..
ثم الشوق الشوق الشوق ..
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: أبو ساندرا)
|
يا كبير ..
يسعد صباحك .
تعرف على مستويات كتيرة بقت الحاجات مفصولة ..
و أهم فصل تم هو فصل الناس عن همومها المركزية ..
و فصل كهربية تفكيرنا عن امخاخنا ..
و فصل كبار قيمنا .. عن صغار أحلامنا ..
و فصل عمايل كبارنا الشينة .. عن كواريكنا بكلمة : لأ ..
بقينا ماشين ساكت .. عليك يا الله .
....
هسه إنت لو رازيناك بين " هذا " و " ذاك "..
ما ( بتفصل ) ؟؟
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: Emad Abdulla)
|
بس .. شفت الحتة الفاضية دي ..
ح نلف فيها كده لما راسنا يسخن ..
شوية شوية بلوزة ( الدولة ) تمشي تنكمش لي فوق ..
و بنطلون ( الدين ) يمشي منكمش لي تحت ..
لما في النهاية نلقى نفسنا أم فكو .
عجبتني جنس عجب الحته دي
ياربي اليوم داك بنحضرو يوم ام فكو
هــو فكو ده منو ؟؟وامو منو ؟؟
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: Emad Abdulla)
|
الأخ الجميل : عماد
أٍسعد الله صباحكـ زي ما أسعدتني بعد (المشوار الأسفلتي الصباحي برياض نجد) ...
| Quote: و اشتبكنا في الغلاط ( أحد أشهر أدوات البلاد في شكم عزم الآخرين على الإستمساك بالحق و المنطق هو : الغلاط المستدام ) .. |
الحتة دي يا عمدة بفتش لي زول (فاضي) يحضر فيها رسالتو .. وليه نحنا بالذات اتخصصنا فيها ..
تعرف عندي ولدي عمرو (5) سنين .. ياخي ده غالاط غُلاط غريب جداً .. وبعدين لو تدخلت في الحتات حقتو ... وبرامج
إسبستون وتو آند جيري يادوبكـ غلط عليهو ... بصل مرحلة لامن تحسه بيهو إتخنق من الزعل ..
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: عمران حسن صالح)
|
عمران يا صاحبنا ..
شفت في الغلاط .. عمك بتاع التكسي ده حرق لي روحي .. وحرقت ليهو روحو ..
ربك رب الخير خلى ضهرية الهكرة السايقها دي ما بتتفتح بأخوي و أخوك ..
كان لحقني السمحين بمفتاح العجل ..
لكن ما جليت من مفتاح العجل الفي خشمو ..
إنت كمان ولدك ده زح غلاطو الألكتروني ..
شفع الزمن ده يدينهم شترا .. و خشومهم معووجة ..
ممكن يعوقك و يطبق فيك ( فصل الراس عن الجتة ) .
.....
بتاع الحركة غالطني مره في إسمي ..
قال لي : يا مواطن إسمك الرسمي عمار .. !!!
خلاني أزعل من أبوي الله يرحمو ..
و أكبس للداية السحبت رجلي .
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: Emad Abdulla)
|
اتذكرت الكلام بتاع "الجماهير دائما متقدمة على الحركة السياسية"
أمعنتُ النظر – قلة شغلة ساكت و .. زهج , زيي زي بقية الشعب السوداني البطل
امعنت شديد و لا براحه؟
امعن ياخى ... والمره الجايه امعن لى معاك ...
تعرف يا صاحب ... هنا اصلا الدين مفصول عن الدولة في الدستور .... لما جا فصل الدين عن الدولة الما في الدستور ده برضو جهجه الحركة و رجال البوليس و الدولة والكنيسة و مؤسسات التعليم و ساكنى الارياف و كل المهاجرين من دول عدم فصل الدين عن الدولة و محدودى الخيال و الافق و منعدمى حواس الذوق والشوف و الشم و الابتهاج ....
امعن يا صاحب ...
يا حيدر ....
غايتو بي صورتك دى ، ديل ما فصلوهم .... ديل غتسو حجرهم عدييييل كده.... الدين و الدولة الاتنين ... وانا اقول لبنان ده قصتو جايطة كده مالا؟؟؟
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: esam gabralla)
|
يا صاحب ..
كيفك و سياسة ( الفصل ) ؟ ..
نعل ما عندك " عوجة " في البلاد " المستقيمة " ؟؟ إستقامنا بلا يخمنّا ..
ثم ياخي بصفتي مواطن صالح و منتمي للمشروع الحضاري للامة في دولة الفضائل ..
فأنا ياخي أديت العين حقها على خفيف .. و بس .
( الأولى ليك .. و التانية : الدق ) . | Quote: كل المهاجرين من دول عدم فصل الدين عن الدولة و محدودى الخيال و الافق و منعدمى حواس الذوق والشوف و الشم و الابتهاج |
العياذ بالله .. ما عندكم خدمة إلزامية ياخي تدخلوا فيها الرجرجة ديل عشان يستعدلوا ؟؟؟ . | Quote: وانا اقول لبنان ده قصتو جايطة كده مالا ؟؟؟ |
أريتا جوطة السرور ..
قال أنا أقول .. !!
تقول بتاع مين يا قريعتي راحت ..
تمسك خشمك عليك و تنطم ..
فصلوا الدين من الدولة و وشموه بالتاتووو ..
ديل رئيسهم ماروني .. و كبير وزراءهم سني .. و رتيس مجلس أمتهم شيعي ..
( دين و دولة .. زيتنا في دقيقنا ) .
إنتوا شِن خبّركم يا العشا باللبن ؟؟
خليكم كده بس كوركو .. و جدعو بالشباك و خرمجو زي ما الله أداكم ..
ثم لما تفترو أمسكو طاراتكم القديمة زاتا و أمدحو :
جملي أب سنام الليلة قام ..
.....
قومة نمر من شندي يا عالم يا هوا ..
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: Emad Abdulla)
|
Quote: على الطوار ثلاث فتيات صبايا , و كن على بعد خطواتٍ مني .. و يلبسن تلك الأزياء الصرعة ..
بناطيل و بلوزات ( لحدي هنا كويسين ) ..
أمعنتُ النظر – قلة شغلة ساكت و .. زهج , زيي زي بقية الشعب السوداني البطل -
لقيتها بناطيل عجيبات .. وفوقها بلوزات أعجب .. و بينهما تبدو البطون و الخصور و السُرر عارية من غير سؤ .
قال الرجل سائق التاكسي الغالاط أبو أخلاق نتشه .. ببساطة و هدوء :
بلد ممحونة .. اللبسة دي تعرف إسمها شنو ؟
قلت : سموها دي كمان ؟
قال متجاهلاً سذاجة تساؤلي : إسمها : فصل الدين عن الدولة . |
عماد صباحات ندية
الله ينصر دينك فكيت لي الزهجة من صباحات الله
وغيرت لينا مود المنبر ....و نحنا نقراك ونستمتع
معقولة ده كلو في السودان ؟؟؟؟
الله يجينا لي السودان البقى كلو فصل شي فصل في اعلام وشي فصل تحت تحت
ما بنعرفوا الا عندما يختلف اللصان ....والكل السارق
يا حليلنا نحنا اتهرينا من ختي الطرحة في راسك !
الطرحة دي مالا بتقرصك ؟؟؟؟
اطلعي العربية ( عربية بسط الامن الشامل) ( أو بسط الامر وكسر الرقبة الكامل ) لانو شعرك مارق
امانة كان لميت في الكلاب دي ما بسوي فيهم البدع ( حتى لو عملوا لي فيها هسي نضال )
Quote: ننتظر لبسة ( الهامش و المركز ) ..
أنا غايتو من هسه دي زول " مركز " |
ما بالله تنسانا معاك مركزنا ومشهدنا الله يفتحا عليك دنيا
وآخرة ما دام بقى فيها فصل...
يفصل الله رقبة ديك العدة البنطط شمال ويمين ..قول آمين
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: منى على الحسن)
|
أحب جدا ثرثرة سائقى التكاسى
ولأنى بليدة جدا فى معرفة دهاليز الستى سنتر أخاف من القيادة فيها
وكلما ركبت مع أحدهم نتناول قضايا دارفور والواين فى السودان
عن دارفور يخبرونى أن البلد أذا كانت بتوفر مشاريع تنموية تكفل لكل فرد عمل يستوعبه
وتوزيع عادل للثورات ما بكون فى حرب
أما عن الواين فأخبرهم أنها ممنوعة لكن تصنع بعض الخمور البلدية وكهذا
ويسألونى عن أماكن السهر والبرامج أياها
فأخبرهم عن المنتزهات
سألنى أحدهم أها أذا بناتك كبروا وقالوا ماشين البوب مع أصحابهم
قلت ليه قبل ما اليوم دا يجى بنكون ستفنا الشنط ومشينا أهلنا
لكن كان الحال بقى زى ما قلت
أخير النفك شنطنا ونقعد بمهلة
على الأقل هنا الناس عارفة أنو فى لبس مناسب للناس المحترمة ولبس للناس التانين
والسهرات ذاتا فى أيام الويك أند بس
واللبس والشرب والسهرات ليها طقوس ومواعيد تحترم
بعدين فى قفازات كدة لما جيت شفت البنات بلبسوها فى السودان مخرمة والأصابع طالعة منها
شوف لينا أسمها معاك
أصلو الموضات دى ما شفتها هنا أو ما وصلت حتى أكثر الشباب تمسكا بالصرعات الغريبة
الناس ديل فاصلين الدين عن الدولة من زمان لكن ما قدر دا
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: الملك)
|
ياعماد مشتاقين والله !
انت وين مشيت ؟؟
تضهب جنب القضائية كمان مالك ؟
لما تكون عندك حاجة هناك كلمنا نحن ياخ ! خلينا ناكل معاكم عيش !
هسه انا برسم براى ؟
وفى رواية فصلهما موقتا,,, ثم ربطهما لى قدام فى دولة مجاورة !!
طيب سيد التاكسى ما وراك اسم الاخيره دى ؟
ـــــــــــــــــ
طلعت الطيب ؟؟
لقيتك صعب والله هسه ما اخير منك بتاع التاكسى !!
Quote: فصل الدين عن الدولة !!!!
فى الوسائل وليس القيم لأن استلهام القيم الدينية والاعراف والتقاليد فى البرامج السياسية شىء اساسى ومهم.
منو العندو مصلحة للقول بأن الغفة لا مكان لها فى دولة علمانية؟ |
يعنى سيد التاكسى دا لو لمه فيهو طلعت دا ياعماد كان اامن !
ويحرم الونسة لما ينقرض مع تاكسيو دا
كل الود ياطلعت بهزر والله !
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: Emad Abdulla)
|
عمدة يا عمك
خليني اكب كلمتيني ديل سريع سريع قبل ما تجي تمرقني - كالعادة
تعرف عجبتني جدا قولة امعنت النظر دي , انا كتير بستغرب من القصة دي طبعا اظنك عارف الحالة هنا في دبي و ما جاورها
عادي الدين مفصول عن دولتو و احيانا بتلقى الدولة براها بدون دين تنفصل منو حتى
وفي دول ممحوقة محقة السواد قدر اليغطي مركزها بس و هامشا ليه الله و السهلة و نظر الممعنين
المهم و سط الأطلس العجيب دا و حشود شعوب الله السمحة دي من دول العالم القدام و الوسط و بعض الورا
الواحد يمر عليها مرور الكرام لا امعان ولا استنكار
لكن مما نقول كدي و نمشي على المطار متجهين للسودان من صالة المغادرة تتلبسنا ليك حالة الإمعان المصحوب باستنكار علني قدام الولية و تأمين على وجهة نظرها
و مغالطة داخلية في تعريف طول النظرة الأولى - اللينا - و هل دخلنا زون الإمعان العلينا ولا لسة لكل من هي سودانية
المهم السؤال هو
هل لو كانت الفاصلة* المعنية اعلاه فلبينية او حبشية هل ح تمعن و هل حتثير فيك شيطان الكتابة و تجي تمتعنا بالحكى دا
هل ح تلفت نظرك اصلا؟
ام الفكرة ان "بتنا" لما تفصل** بتثير العجب و كدا
اها مرقنا ابوي...
*الفاصلة مقصود بها اللتي فصلت دينها عن دولتها
** شرحو
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: رأفت ميلاد)
|
إتهمني شماسي:
Quote: جنك طين...
يا بركوووتة |
هسع أنا بتاع طين واللا ده :
| Quote: الدين خلو .. الدولة التحت ولا الفوق |
واللا ده
Quote: الدين تحت (بالضرورة)!
برضو أنقر ليه؟
لأنو زمااااااااااان لمّن كنا شفّع قدر كدا
كانت (حاجاتنا) بتمرق برّه (الهناي)
مروق ساي
عادي
ما مقصود
تهوية وكدا
أها.. عندنا عمّنا زول زهوجي زي صاحب البوست
طوالي بنهرنا وبقول لينا
هوي يا زفت ما (تغتي) الدين دا!
خلاس..
عرفت محلهن الاتنين
بركه
|
واللا نسر/ نصر
بتاع الدوائر:
| Quote: أحجزوا لينا (دائرة) في فرع حزب الله.... السوداني، وبعرف بجيب ليكم الجماهير كيف |
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: محمد البشرى الخضر)
|
محمد البشرى
Quote: تعرف عجبتني جدا قولة امعنت النظر دي , انا كتير بستغرب من القصة دي طبعا اظنك عارف الحالة هنا في دبي و ما جاورها
عادي الدين مفصول عن دولتو و احيانا بتلقى الدولة براها بدون دين تنفصل منو حتى
وفي دول ممحوقة محقة السواد قدر اليغطي مركزها بس و هامشا ليه الله و السهلة و نظر الممعنين
المهم و سط الأطلس العجيب دا و حشود شعوب الله السمحة دي من دول العالم القدام و الوسط و بعض الورا
الواحد يمر عليها مرور الكرام لا امعان ولا استنكار
لكن مما نقول كدي و نمشي على المطار متجهين للسودان من صالة المغادرة تتلبسنا ليك حالة الإمعان المصحوب باستنكار علني قدام الولية و تأمين على وجهة نظرها
و مغالطة داخلية في تعريف طول النظرة الأولى - اللينا - و هل دخلنا زون الإمعان العلينا ولا لسة لكل من هي سودانية
المهم السؤال هو
هل لو كانت الفاصلة* المعنية اعلاه فلبينية او حبشية هل ح تمعن و هل حتثير فيك شيطان الكتابة و تجي تمتعنا بالحكى دا
هل ح تلفت نظرك اصلا؟
ام الفكرة ان "بتنا" لما تفصل** بتثير العجب و كدا |
والله قطعت مصاريني من الضحك.
غايتو..كلو من عماد ماشي مدافر في التكاسي، هو عليك الله من متين (الديامة) كانوا بيركبوا تكاسي كمان ؟؟
أها يا عمدة عشان ما تجي تسل لسانك الطويل ده أنا كنت عايش في (حي القنا) ..بتعرف ناس (جمال سكر) و(فريق البرنس)
عمك (حاج عبده) ده يطلع عمي ؟؟
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: Emad Abdulla)
|
| Quote: الدين خلو .. الدولة التحت ولا الفوق |
يا ميلاد ياخ
بلاش أسئلة اعتسافية
الشي واضح وما بدور استفسار مربّع الضحكات
زي الخاتيهو فوق وزايدو ابتسامة في صورتك
الدولة طبعًا فوق
أنقر ليه؟
إتّ ما خشيت كورة؟
ما شايف المشجعين بكوركوا:
فوق فوق سودانا فوق
أها الدولة عرفت محلها!؟
كويس!
دا واحد
اتنين..
الدين تحت (بالضرورة)!
برضو أنقر ليه؟
لأنو زمااااااااااان لمّن كنا شفّع قدر كدا
كانت (حاجاتنا) بتمرق برّه (الهناي)
مروق ساي
عادي
ما مقصود
تهوية وكدا
أها.. عندنا عمّنا زول زهوجي زي صاحب البوست
طوالي بنهرنا وبقول لينا
هوي يا زفت ما (تغتي) الدين دا!
خلاس..
عرفت محلهن الاتنين
بركه
.....
...
هذا..
ومن ناحية أخرى
إتّ يا عمدة
الشي دا (فصل) ولا (ملص)؟
أمعن شديد ياخ
واتأكد كويس
لأنو شنو..
الحكاية بتفرق (من ناحية المعنى) في القاموس المحيط
وكدا
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: Emad Abdulla)
|
Quote: بلد ممحونة .. اللبسة دي تعرف إسمها شنو ؟
قلت : سموها دي كمان ؟
قال متجاهلاً سذاجة تساؤلي : إسمها : فصل الدين عن الدولة .
|
يا أب شنب
الله يديك العافية
وإن شاء الله إجازة سعيدة
بس عليك الله دقّق ملاحظاتك دي الأرشفة جات
وعندي بوست اسمه كل يا كمي قبال فمي
فيه تناول لي موضوع الزي دا
كلامك جميل
وتمام
وفوق
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: Emad Abdulla)
|
صدقا لكلامك
في السوق العربي وشلة ناس من زمان قاعدين في طوب وبقايا كراسي بلاستيك (من العصر الحجري) أها جات واحد لابسة لبس أنا شفته عادي، بس واحد قام قال هي عاينو دي لابسة كيف؟ نط ليهو واحد من الزهاجة : نحن في حتتنا دي كانت تجي الواحدة لابسة جكسا في خط ستة ولا في واحد يرفع رأسو يعاين فيها.
أها في زيارتي دي للسودان، إتمحنت لمن شفت بنات جبهة ديمقراطية محجبات. قلت يا حليلو زمنا نحن، إسلاميات كانوا ماشين موضة ولابسين فوق الركبة.
بس دا كلو كوم والصورة الفوق دي كوم... دي السياسة ولا بلاش: آخرة ودنيا
أحجزوا لينا (دائرة) في فرع حزب الله.... السوداني، وبعرف بجيب ليكم الجماهير كيف
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: Emad Abdulla)
|
يا عمدة :
اخر عهدي المنطقةالفيها البنات التلاتة دي كان بينتشر فيها لبسة إسمها " إظهار رقم "..
الحقيقة مش إظهار رقم لالالالالا إظهار أرقام ..
إسكيرت كده ضيييق ومن شدة ما ضييق لمن ضيييق ..
بالمناسبة فصل الدين عن الدولة فيهو طريقة كده ما بيعرفا أي زول عايزة ليها امدرماني شفت ومقرم ..
لاحظ للدولة في الغالب بيظهر منها جزء بيكون مطقم مع الشُرّاب ..
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: osman righeem)
|
عماد
انت الناس ديل في أسمرا مش قالوا (فصلوا الدين عن الدولة) ؟!
طيب هم (ملصوقين) ليه لحد هسع ؟
تعرف وصلني قبل فترة أي ميل مليان صور من صديق مصري، صور مظاهرات القاهرة شيء ناس سمان مدغلبين وبوليس ما يديك الدرب وعفيص وجغمسة.
وصور تانية لـ(لك تأبر لي ألبي) شي فصل دين عن دولة، وشي دولة طويلة وشي دين مفروز براهو، وشي مجلس نيابي (مستنفر) وشي حكومة (مدافع) وغايتو.
وتحت كاتب: تغور مظاهرات القاهرة في ستين ألف داهية، آل مظاهرات آل.
هسع: آل كلاكلة آل !!
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: Rawia)
|
Quote: ـــــــــــــــــ
طلعت الطيب ؟؟
لقيتك صعب والله هسه ما اخير منك بتاع التاكسى !!
Quote: فصل الدين عن الدولة !!!!
فى الوسائل وليس القيم لأن استلهام القيم الدينية والاعراف والتقاليد فى البرامج السياسية شىء اساسى ومهم.
منو العندو مصلحة للقول بأن الغفة لا مكان لها فى دولة علمانية؟
يعنى سيد التاكسى دا لو لمه فيهو طلعت دا ياعماد كان اامن !
ويحرم الونسة لما ينقرض مع تاكسيو دا
كل الود ياطلعت بهزر والله ! |
دينا خالد
تحية وسلام
شكرا على التعليق اللطيف لكن بصراحة مغيوظ من التسمية لانها كان مفروض يسموها المشروع الحضارى على اعتبار انه مسؤول عن (كشف حال الناس)
اما بخصوص التكّاسى كلامك صاح كنت حأتلايق معاه شوية، ما كثير لان تعليقه الظريف بتاع عثمان حسين اخذ الغنا معاه حيخفف عنو اللياقة بتاعتى
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: حيدر حسن ميرغني)
|
غايتو ..
ناس متلقين حجج طلعتو ..
أنا قايلني براي الممغوس ..
أتاري المغسة شاقاكم و قاعدين بغبينتكم !!
الناس في الشارع بقت " مصطلحة " مع قيم الخطاب الجديد للسودان الأجد ياخ ..
و دخلوهو في الرندوك حق الشارع ..
شكراً ياخي للبانة الخطاب السياسي المسخت لما بقوا يتمسخرو بيها ..
و دولة المشروع الحضاري القايمة سدّاري ..
جابت ليها عواسة صاح .
.....
أريتو يشبه أبوه .
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: رشا سالم)
|
Yo, I'll tell you what I want, what I really really want,
So tell me what you want, what you really really want,
I'll tell you what I want, what I really really want,
So tell me what you want, what you really really want,
I wanna, I wanna, I wanna, I wanna, I wanna really
really really wanna zigazig ha.
If you want my future forget my past,
If you wanna get with me better make it fast,
Now don't go wasting my precious time,
Get your act together we could be just fine
I'll tell you what I want, what I really really want,
So tell me what you want, what you really really want,
I wanna, I wanna, I wanna, I wanna, I wanna really
really really wanna zigazig ha.
If you wanna be my lover, you gotta get with my friends,
Make it last forever friendship never ends,
If you wanna be my lover, you have got to give,
Taking is too easy, but that's the way it is.
What do you think about that now you know how I feel,
Say you can handle my love are you for real,
I won't be hasty, I'll give you a try
If you really bug me then I'll say goodbye.
Yo I'll tell you what I want, what I really really want,
So tell me what you want, what you really really want,
I wanna, I wanna, I wanna, I wanna, I wanna really
really really wanna zigazig ha.
If you wanna be my lover, you gotta get with my friends,
Make it last forever friendship never ends,
If you wanna be my lover, you have got to give,
Taking is too easy, but that's the way it is.
So here's a story from A to Z, you wanna get with me
you gotta listen carefully,
We got Em in the place who likes it in your face,
we got G like MC who likes it on an
Easy V doesn't come for free, she's a real lady,
and as for me..ah you'll see,
Slam your body down and wind it all around
Slam your body down and wind it all around.
If you wanna be my lover, you gotta get with my friends,
Make it last forever friendship never ends,
If you wanna be my lover, you have got to give,
Taking is too easy, but that's the way it is.
If you wanna be my lover, you gotta, you gotta, you
gotta,
you gotta, you gotta, slam, slam, slam, slam
Slam your body down and wind it all around.
Slam your body down and wind it all around.
Slam your body down and wind it all around.
Slam your body down zigazig ah
If you wanna be my lover.
حركة ساي بس مني.. يعني نوع الولد بيعرف يجيب النصوص وكدا..
غايتو العرب كان فتحوا ..مصيبة...
أجاوب؟
الاتنين أولاد..لكن ولادة التاباني..ولادة السواد
بس النصيحة فنانين..والله عندهم مقدرة هائلة في الlipsing
شكراً
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: هشام المجمر)
|
انا لمن شفت خالد عويس ساكن هنا
إندهشت
وقلت الولد المؤدب ده الدخلو الجخانين دي شنو ؟
لكن لمن شفت ده :
Quote: أها يا عمدة عشان ما تجي تسل لسانك الطويل ده
أنا كنت عايش في (حي القنا) ..بتعرف ناس (جمال سكر) و(فريق البرنس)
عمك (حاج عبده) ده يطلع عمي ؟؟
|
زالت دهشتي
عشان عرفت السبب
فبطل العجب
أتاريك من عندنا
أها البرنس ده انا تقريبآ من المؤسسين
والكورة بنشوتها لمن تدخل فرن/ طابونة آل عشرة
او طاحونة الحجر بتاعت ناس ساتي
او في الجردل عند ناس جمال سكر
انت دفعت كم يا ولد ؟
وكتب هشام المجمر :
Quote: وشوف جيسكا البا دى فصلتهم كيف
|
فصلتهم
أم
ملصتهم
يا هشاااام ؟
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: أبو ساندرا)
|
أبوساندرا
لكن ما بوست لذيذ خالص ياخ
بعدين أنا عماد ده كان ديامي كان ما ديامي انا مباري كتاباتو، بحبها لله في لله كتابة طاعمة ولماحة جدا.
اما (البرنس) فأنا يا ابوساندرا ما المؤسسين مؤسسين ديل يكونوا ياخوي من زمن الاستقلال، لا انا عشت في حي القنا ايام الديمقراطية وبعدها فترات في التسعينيات.
عندي ود عمي لعب في البرنس (عماد عووضة)، وانا دربني فترة بسيطة الصادق اسماعيل بعد ما اصيب بسنة سنتين، فاكر الكلام ده.
اها الطابونة دي كنا مصاقرينها الليل كلو.
انت بتعرف ناس نصر الدين وتاج الدين (عبدالله محمد الطاهر) المشهور بحاج عبده، ألف رحمة ونور عليهو ؟؟ أها الزول ده عمي.
كنت بني آدم الغنماية تاكل عشاي لحد ما جيت الديم ادوني (دروس خصوصية) هناك.
معاي شهادة (ديامية) ما تخاف.
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: خالد عويس)
|
يا عويس
كل الأسماء الذكرتها انا بعرفها أو بعرف كبارهم
مالحلة حلتنا
وقدام بيت ناس عمك ناحية الغربة في ناس جعفر خيري
ومحمد محي الدين { دكتور } واخوه عوض ابزعوط
ومن ناحية الشمال ناس علي عثمان محمد طه
واخوه عبدالمنعم من اوائل ناس البرنس وكان سكرتيره العام
وانا إستلمت المنصب بعدو بشوية
تاج الدين ده محامي
وعماد عووضو بيكون الأخو الصغير لصلاح عووضة ، صاحبكم
وعثمان بتاع الدكان
الصادق يصغرنا طبعآ لكنه كان موهوب
انت جيت بعد مانحن إنشغلنا { خلال الديمقراطية
وبعد ماسافرنا { خلال التسعينات }
لو بدرت شوية كان لقيناك
وكان حصل ما حصل
في سوق البصل
وزعطنا ليك صوفاتك
وكنت هسع ح تكون من شيوعيي البورد
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: خالد عويس)
|
Quote: أبوساندرا
الناس ديل كلهم أهلي |
ماتيييب!
محمد داجيل برضو من أهلك
بس البيت المجاور الغسال/ المكوجي
والمقابل دكان عثمان
ده بيت زميلنا في البورد إبراهيم عدلان
ولو مشيت في تص الشارع ده في إتجاه الشرق
قبالة الفسحة القبل طاحونة الحجر
بيت واحد من خمسة يغتبروا أفضل لعيبة قدم
أنجبهم الديم
الكابتن يحيي عبدالرحمن شمت
المعروف إختصارآ ب يحيي شمت
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: عمر الفاروق)
|
أرجو عدم الملاوزة لينا - أيها العضوية الكريمة - ..
بعض الصور الواردة في هذا البوستي بتوجع ياخ ..
و ممكن تتور على الزول الضرس .
و عشان ما نلخبت الإختساس يا ود الفاروق ..
أنا بشهد بالشفتو بس ..
المسافة الشفتها أنا و الأتحركت فيها ( تمعناً ) .. كانت حقتنا نحنا : سودانية قحة .. او وقحة .
و شوف عيني زي الموسومة بالفصدات الجنب السرة ديك ( فصدات اللواية و أم صريرة ) أو هكذا شُبّه لي ..
و كان ما أخاف الكضب كان في بقية من بوز قديم للسرة ..
( السرة أم بوز دي شكلها تعيس .. حتى بعد تنفش بتكون مخستكة , و تدل دلالة قطعية على طفولة متندلة بأمراض الطفولة الستة , و طناش الحكومات و التعليم البائس و قل الوالي اليرشد ) ..
فبالله من إذنكم .. ما تجيبو لينا صور الناس البيفورو البطن و فاصلين الدين عن الدولة فصل " أبيض " عنصري و أملس و ناعم .. و بيكون ليّن ياخ ..
خلونا في فصلاً نعرفو و مننا و فينا ..
الله يجهجهكم بركة المولى .. و يحفظ لينا ( حزب الله ) و الكونت دي مونت كريستو .
......
و بعدين الأولاد الداقين ( السيستم ) ديل يا عمر .. ياخي - لا مؤاخذة - بيكون في ريحة ؟؟؟!!
عندي طوالي شعور إنو الشغلة دي ما مدلدلة كده ساكت ..
نسأل الله العافية ..
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: Emad Abdulla)
|
Quote: و شوف عيني زي الموسومة بالفصدات الجنب السرة ديك ( فصدات اللواية و أم صريرة ) أو هكذا شُبّه لي ..
و كان ما أخاف الكضب كان في بقية من بوز قديم للسرة |
ودة كلو يا عُمدة من النظرة الأولى بس؟
بي طريقتك دي حتلحق صاحبك بركوتة .. وتجي تكورك تقول ألحقوا لي عيوني ...... "العمى"*
________
* إستلافاً من أخوانّا الشوّام
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: محمد أبوالعزائم أبوالريش)
|
كتب ابوالعزائم :
| Quote: هو ركب (البص) والاّ لسة؟ |
ماعايز يركب
ملاوز من الإنبهال
عملها لي باصك ده وصل محطتو الأخيرة
والركوب فيه مابينفع
وبتاع
بيكون خايف نفرتق ليهو الدين
او الدولة
كدي حاول حاحيهو لينا
زي ام قيردون الحاجة
وقال ابوالريش { هونفسه اوالعزايم القائل اعلاه }:
Quote: بي طريقتك دي حتلحق صاحبك بركوتة ..
وتجي تكورك تقول ألحقوا لي عيوني ...... "العمى"*
|
أو يجي ، مستغلآ حالة العمى ، ويقعد يكابس ويقابض
يا عزائم ريش
انت احسن زول بيقنطر لي
عشان اشوت ضفاري
| |
|
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: ALZOLZATOO)
|
دا حالو الصيف بالعربي، إنت ياخي ما شفت الصيف بالإنجليزي، قبل أيام وأخوك في هارو روود لقيت روحي من شدة الانطرابة التي تمنيتها للرجل الكلورفيل قاعد أدوبي يا عماد، دوباوي عديييل إلا بالإنجليزي:
هييييه.. إي إي
I don’t like the summer….
Summmmmer
Every woman turn into a killer
Killllller
أها الخواجات بدل البشرية بيقولوا لي:
Oh yeap
يضحك نهارك يا عمدة
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: محسن خالد)
|
وانت يا سفيه وين لقيت العيون التعاين بيهم كمان في شوارع لندن؟ والله خايفك تكون اتغزلت في الرجال وانت ما شايف ساكت !!
بعدين ياخ ما بترد على التلفون لييييييه؟ أول ما دينا خالد نزلت البوست اتصلت بيك بدون إجابة.
قابلت الصادق وعاطف ؟؟
شوف من هسع أكلمك، في الفترة الجاية أوعى يفوتك كرنفال (نوتنغ هيل) بتاع أهلنا الكاريبيين ويمكن أحصلك كان دبرت إجازة، بس ما تقول لي أطبخ!!
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: خالد عويس)
|
أها كنت في بيروت (2002) لتغطية القمة العربية.
القمة انتهت بي جاي، ربك رب الخير قامت مظاهرات بي جاي.
أخوك ما كضب، في نصهم.مع منو، ضد منو، الحاصل شنو، ما عارف، زي زي عبدالرحيم محمد حسين لمن ضربوا مصنع الشفا ناس بي بي سي سألوه :سعادة الوزير ماذا يحدث عندكم؟ قام قال ليهم: والله ما عارف لكن ما بنخليهم.
اها انا ما كنت عارف لكن ما بخليهم.
أخليهم ؟ اقبل وين وياتو خديد يشيل الدمعة.
لكن عاد ما مظاهرات السرور، اريتني كل يوم في مظاهرة في بيروت.
فصل الدولة عن (الأديان)
شي عن السنة
شي عن الشيعة
شي عن الدروز
شي عن الموارنة
ده كلو فصل دين عن دولة
اها اتذكرت الصعاليك بتاعين جامعة الخرطوم.والله ديك لو ودوهم بيروت ما كان قروا سطر واحد.
كل يوم في (نص) المظاهرات
بعدين شنو ؟ يامان لا الشيشان ولا بتاعين الامن ولا العوارة ديك كلها، وارفعوا ده في البوكس والشلاليت التجيك طايرة، والعصي اللي في صفحتك.
غايتو انا اعتبرتها (مباراة) اعتزال في المظاهرات، بمشاركة (أندية) خارجية !!
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: Emad Abdulla)
|
ألسي محسن :
Quote: I don’t like the summer….
Summmmmer
Every woman turn into a killer
Killllller |
But I Like Rain..
raiiiiiiiiiiiiin
my Girl Said To me Wainak ya Main..
maiiiiiiiiiiiin
I Said i'm Here Inti Alwain..
waiiiiiiiin
I am In my Shirt without alKommain
Komaiiiiiiiiiiiiiiiin
Try tu Hug But Don't Kiss Me ya shain
shaiiiiiiiiiiiiiiiiin
بينما سمعن كل من ديفيد وكاثرين وإدوارد من خلفي يرددون:
Altomblolololololoooooooooo
والله يا محسن إنجليزتي حبببببببببببببببببببة وده باقي Book 2 فما تعصر علي شدييد الله يرضى عليك ..
تخريمة :
اها يا جماعة ما بلقى لبسة إسمها عوامل التعرية ؟
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: عمر الفاروق)
|
Quote: الدين تحت (بالضرورة)!
برضو أنقر ليه؟
لأنو زمااااااااااان لمّن كنا شفّع قدر كدا
كانت (حاجاتنا) بتمرق برّه (الهناي)
مروق ساي
عادي
ما مقصود
تهوية وكدا
أها.. عندنا عمّنا زول زهوجي زي صاحب البوست
طوالي بنهرنا وبقول لينا
هوي يا زفت ما (تغتي) الدين دا! |
الطيب برير يا شقي، يخرب بيت شياطينك...غايتو بوست زي ده فات (أيمن خالد) كبير السفهاء !!
والله بكيت من الضحك.
غايتو المرحلة الجاية (متطلبات المرحلة..وكده) حتكون (مليص) الدين من الدولة.
بس (الجماعات الإسلامية) ما ورتنا رأيها شنو ؟؟ ما هم ديل ناس حزب الله فاصلين الدين عن الدولة جنس فصلة !!
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: عمر الفاروق)
|
قالت ده style سنة 2008
يا عماد.
من عشرة يوم كان فى حر فى بروكلن
ينجض القنقر .
اها يا زول الناس الفى القطار كلهم طالقين حبالن .
فصل جد جد
ويا عماد الأرض المفصولة بين التى شيرت و ال jeans تكون كده زى فدان ( بور )
أرض ملجه دلجه ساكت .
والله يا عماد لو شفته ال fashion هنا .. يا سيدى الحسن .
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: Osman Musa)
|
ههههههههه
الله يفرجًها عليك يا عماد يا ود... أمك إسمها منو عشان الدعوة تمشي ..
في صيف من كم سنة أمي مشت كييف لمحمد أخوي. أها وفي واحدة من المكالمات اليومية بتاعت السلام والإطمئنان. قالت لي اجيب ليك شنو معاي يا رجا؟ قلت ليها والله يا حجوج والله لو جبتي لي معاك دستة بلوزات للصيف ما بتكوني قصًرتي تب.
تعرف ردها كان شنو؟ قالت لي: يا رجا هنا ما قاعدين يلبسو بلوزات .
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: Raja)
|
Quote: الحركة الشعبية حشاش بي دقنو .. المؤتمر الوطني و شغل التلات ورقات .. دكتور خليل ود أبرق .. الترابي ود المويه .. سودانطير الكوشة .. الوالي أم فريحانة .. موبيتل الشبعانة .. عوض ولدو المافيهو فايدة .. مصفاة الجيلي السجمانة .. ناس البوليس النايمين .. عثمان حسين شال الغنا و راح .. محجوب بتاع الإسبيرات حرامي .. و .. و .. و ..
|
يا عمدة
تحيات طيبات
السخانة دي ما بنفع معاها
فصل أي حاجة عن التانية
ولا فصل رواية
مودتي
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: Emad Abdulla)
|
Quote: أها يا عمدة عشان ما تجي تسل لسانك الطويل ده أنا كنت عايش في (حي القنا) ..بتعرف ناس (جمال سكر) و(فريق البرنس)
عمك (حاج عبده) ده يطلع عمي ؟؟ |
خالد عويس طلعت ود حلتنا و ناس حاج عبدو الله يرحمو ديل اهلنا القراب عديل كده
اتاريهو قلم خالد عويس في جينات القنا
____________________
انت يا خالد من جماعة القولد و اللا الجبل؟
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: Yassir Tayfour)
|
| Quote: فصل الدين عن الدولة |
شكلنا كده فتنا المصريين لا غادي,
فإن عبروا ... فسوف نعبر.
شكرا ... عمدة ... على هذا الفرح السياسي
الإجتماعي الجزل ... كل مرة تزداد جمالا
بين الناس وأزداد فيك تقديرا وإحتراما .
أسع دحين بت المقاومة الإسلامية فى لبنان,
ده حالتو قفاها ... عمال وشيها كيف؟
عمدة ... بوستك لذيذ ... كما العهد بك.
... قلت لي القصة بدات من القضائية... طيب
ياخ إنت كنت ماشي وين أصلا؟
... وأبقى طيب
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: Emad Abdulla)
|
عماد.. أيها الفنان الجميل..
Quote: تشاغلت بالتطلع لما حولي - أسوة ببقية المواطنين -
على الطوار ثلاث فتيات صبايا , و كن على بعد خطواتٍ مني .. و يلبسن تلك الأزياء الصرعة ..
بناطيل و بلوزات ( لحدي هنا كويسين ) ..
أمعنتُ النظر – قلة شغلة ساكت و .. زهج , زيي زي بقية الشعب السوداني البطل -
لقيتها بناطيل عجيبات .. وفوقها بلوزات أعجب .. و بينهما تبدو البطون و الخصور و السُرر عارية من غير سؤ .
قال الرجل سائق التاكسي الغالاط أبو أخلاق نتشه .. ببساطة و هدوء :
بلد ممحونة .. اللبسة دي تعرف إسمها شنو ؟
قلت : سموها دي كمان ؟
......
إنا لله . |
أصلاً أنا من زمان كايس لي لزول يغالطني في إنه عماد عبد الله ده ما كتاب.. عشان أحلف ليهو إنه الزول ده أكتر زول كتاب هنا وفي البوردات المجاورة..
زول كتاب كتاب كتاب...
كتاب حسن أحمد؟؟
كما وأنتهز هذه السانحة المسنوحة لكي أعبر عن إعجابي الشديد بالقفلات بتاعتك يا عمدة..."إنا لله"..نسأل الله العافية..أريتو يشبه أبو...
منتهى الأناقة..أ(ناقة) وجمل زاتو كمان..
غايتو متركش تركشة شديدة..بالع حراستك وحات الرسول..
اللهم لا اعتراض في حكمك..
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: ibrahim kojan)
|
غايتو بصراحه كدا فصل الدين عن الدولة عندنا ما خايل.
لانو البنية التحتية اقصد الاساسية تمر بمنعطفات وانبعاجات وتدلادلات وانتفاخات خطيرة.
خصوصا لو شوفنا فصل الدين عن الدولة الاصلى.
عشان ناس حزب الله ما يقرعوا فينا حقو ندمج الدين فى الدولة للطيش.
بعدين ياخوى عماد الجماعة ديل فاصلين من زمااان بس نحنا ماجايبين خبر ساكت.
عماد الله يجازى محنك.
وحكومتنا الجبانة دى بدل ماتجيب لى لينا ناس حزب الله ديل على الاقل يورونا اصول الفصل.
ماليين البلد بالزرقاويين السجمانيين ديل غير قطيع الرؤوس ماعندهم شغله.تقول جزاريين.
احب حزب واموت فى المقاومة. شعار البوست.
عشان ما تقولو لى انت مااالك بى فصل الدين عن الدوله وحزب الله.
بقول ليك بحب الله وحزب الله ومقاومة ناس الله.
وان الله يحب الجمال.
| |
|
|
|
|
|
|
|
|
|
Re: ( فصل الدين عن الدولة ) .. في عز السخانة !! (Re: Sabah Hussein)
|
كان يروادني أحساس بفتح بوست خاص بعنوان أيها العلمانيون أتحدوا ...والعلماني ليس هو الملحد كما يتوهم السلفيون ..ولكنهم الذين يضعون حدا بين تغول الدين أو الذين يستخدمون سوطه لجلد المخالفين ... فالدين أيا كان هدفه تقويم مسلك الانسان ورفده يما يخدم الجماعة ,,فكل الأمم عندما يضيق بها الأفق ينادون (بالعودة الي الدين ) ..وكما يقول القباني (لكل أمة آله علي شاكلتهم ) والصين الشيوعية تقول بانها تستمد شئ من (اخلاقها ) من كونفشيوس ... كان السودان وقبل أن يبدا عده التنازلي (بخرافات النميري ) يعيش حالة استقرار اجتماعي عندما كان الدين لله والوطن للجميع ..فبأسم الدين هذا ..أزهقت ارواح تحت مسمي الجهاد ..وبأسمه شن صدام حربه ضد ايران ثم وبخط يده كان قد وضع (عبارة الله اكبر علي العلم العراقي ) وعجزت حتي الحكومة المسنودة من امريكا من (ازالته ) وشنت الاخيرة نفسها حربها ضده بذات المبرر .. الدين مطية لتهدئة النفوس عند(الحارة ) فقد أستغل اليمين المتطرف الامريكي أحداث سبتمبر 2001 باعتباره حربا دينية وعلي نسقه ثار بوش ووجد في البرية من يؤيده ...برسكوني ايطاليا وحتي بابا الفاتيكان لم يسلم من هذه الجوقه عندما أستعان في احدي خطبه براي لقسيس من القرون الوسطي مفندا (دعوة سيدنا محمد عليه الصلاة والسلام )...وهل تنشر الديانات دعواتها (بحد السيف) تلك مقولة تلقي رودود فعل واسعة .. نعم الأسلام ليس بعيدا من هذا (العنف) فما يعتبره الاسلاميون فتوحات يعتبرها الاخرون (أستعمارا ) في اوربا وربما حتي في (افريقيا) بالمقابل لم يستلسم المسيحيون فالحروب الصليبية كانت شعارات سياسية مصبوغة بالدين ...
| |
|
|
|
|
|
|
|
| |
Emad Abdulla
Omar Bob
حيدر حسن ميرغني
محمد المعتز
طلعت الطيب
أبو ساندرا
محمد سنى دفع الله
عمران حسن صالح
rosemen osman
الملك
محمد عبدالرحمن
دينا خالد
محمد البشرى الخضر
رأفت ميلاد
فارس موسى
الطيب برير يوسف
عصام علي أحمد
عبدالفتاح أبوشيمة
Nasr
khaleel
ابراهيم عدلان
Moawia Mohammed
عمر الفاروق
emad altaib
osman righeem
Rawia
رشا سالم
Mahmoud Mustafa Mahmoud
هشام المجمر
معتصم الطاهر
Yassir Tayfour
محمد أبوالعزائم أبوالريش
ALZOLZATOO
محسن خالد
Osman Musa
Raja
حسين محي الدين
Abd Alla Elhabib
خدر
HAYDER GASIM
ibrahim kojan
Sabah Hussein
mo
حمد عبد الغفار عمر
فيس بوك
تويتر
انستقرام
يوتيوب
بنتيريست