|
دعواتكم لزميلنا المفكر د.الباقر العفيف بالشفاء العاجل
|
|
 Re: ( رجعنالك ) .. و ( سارتانا لا يرحم ) (Re: Emad Abdulla)
|
بحجم زعلي من ناس النظام العام مفرقي الجماعات وهادمي اللذات الفرتقوا حفلة البلابل .. زعلت لأنو عرفت إنك كنت في الحفلة وماشفتك يافنان .. معقولة بس ماأشوفك وحالتي كنت فوووووق في المسرح مع البلابل وكاشفة الجمهور نفر نفر ياااخ !!
 
عمدة إزيك كده 
| |
 
|
|
|
|
|
|
|
|
Re: ( رجعنالك ) .. و ( سارتانا لا يرحم ) (Re: محمد على طه الملك)
|
ود الملك .. يمسيك بالخير ..
ياخي الكرروية دي هي الجابت خيطنا .. خليك من ناس النظام العام .
بقيت مصنقر و مشدود للغنا الصاح .. من المغنيين الصاح ..
ياخي مافي زول كان قاعد في الحفلة دي ما اتهز من الطرب و النشوة رغم البرد .
كل سنة و إنت طيب يا صديقي .
| |
|
|
|
|
|
|
|
|
|
Re: ( رجعنالك ) .. و ( سارتانا لا يرحم ) (Re: نادية عثمان)
|
ندوية إزيك ياخي ..
إر هال ميندو ؟
أنا الحظي مهبب الما قابلتك .
بعدين ياخي قولي الناس ما عملت تصديق للحفلة ..
قولي الحفلة ما في نادي الجيش ( و الجيش حق الحكومة ) ..
ياخي بعد غيبة السنين دي .. و الإستفتاء العشوائي الجميل الحصل في حق ( بلابل ) الزمن الجميل ..
يكون إنتهاء الليلة الساحرة دي بهذا الأسلوب الغريب ؟
.....
أووووووووو نادية يوو ..
آي إكّ دوللي .
كل سنة و إنتي طيبة .
| |
|
|
|
|
|
|
|
|
|
Re: ( رجعنالك ) .. و ( سارتانا لا يرحم ) (Re: Emad Abdulla)
|
عمدة أنقي تود
ياخ أي دسن إيكي مشتاقري والله
بالله إن هال مندي
كمبو شديد إن شاء الله
| Quote: يكون إنتهاء الليلة الساحرة دي بهذا الأسلوب الغريب ؟ |
عارف ؟
لون المنقة دي أنا فاوضت فيها العسكر ، أي والله حنست العسكري وقربت أبكي ليهو !!
بالجد عملنا طاولة مفاوضات مع العسكر فوق المسرح وخجلت إنو البلابل يحنسوا العسكر عشان يغنوا أغنية وأحدة زيادة من أجل الشعب السوداني المحتشد في نادي الضباط !!
ياخ علاقة العساكر بالبلابل شنو ؟!!
حاجة تغيظ !!
| |
|
|
|
|
|
|
|
|
|
Re: ( رجعنالك ) .. و ( سارتانا لا يرحم ) (Re: الملك)
|
ناجي ..
تكرمس على خير ياخ ..
عِلا الفيك إنعرفت .
عامل مجنون و فاتح لي ؟
شايفك ساكي الناس النضيفة بكاميرتك دي ..
و جادع ناس وديدي و الجريفاوي .. و ناس نحنا !!
حقو الواحد يشتكيك لبقال .
شفت الليلة دي سمحة كيف ؟
و .. ليك يوم .
....
سنة حلوة يا ملك ..
و تعود عليك الأعياد بالخير ياخ .
| |
|
|
|
|
|
|
|
|
|
Re: ( رجعنالك ) .. و ( سارتانا لا يرحم ) (Re: ثروت سوار الدهب)
|
بلد المفارقات يا ثروت ..
ثم ميري كريسماس بتوقيت ( نستطيع ) .
الغريبة , و نحنا طالعين مريت على بعض " الرسميين " مواكبين للبلابل و بعض الموسيقيين ..
واحد فيهم بيقول : متعتونا يا أستاذة .. اعدتونا للزمن الجميل !!!
( الرجال الرسميون ) أيضاً سودانيون يشعرون ..
جنود مغلوبة على أمر الطاعة ..
تصدق و تؤمن بالله .. حنيت عليهم .
أعيادك حلوة يا صاحبي ..
و تصوم غربة و تفطر على وطن ..
يامين .
| |
|
|
|
|
|
|
|
|
|
Re: ( رجعنالك ) .. و ( سارتانا لا يرحم ) (Re: Osman Musa)
|
يا بو عفان ..
ياخي تعود الأيام .
عارف , في ناس كانت واقفة على حيلها طول الحفلة ..
ناس ما لقت مكان تقعد فيهو ..
ناس قاعدة فوق الحيط .. و في الآخر في ناس وقفت في المسرح خلف الفرقة الموسيقسة ..
الكبير أستاذنا محمد ميرغني كان حضور .. في ناس قالوا محمد الامين كان موجود في هذا العُرس .
- إستغربت التكريم من قبل البلابل الما شمل أستاذنا محمدية و هو حضور مع الفرقة .. في حين شمل عازفين و موسيقيين ما كانوا في الحفل !! .. عموما كانت لفتة سمحة من البلابل -
لاقيت ناس ما شفتها من سنين .. جابهم الحنين .
المدرجات كانت بترقص بالجد مع كل أغنية ..
هادية طلسم ما تزال جميلتنا التي عرفناها منذ السبعينيات ..
تتحرك بطرب راقص و تبتسم و تعادي الناس بكل الجن اللذيذ الفيها و الحيوية الدفاقة .
يا عثمان ..
في هذا البلد - يا هذا البلد - ..
في فرح غضبان و مطوطو جوه الغلب .. طاقة جبارة ساكنة و تجقجق و تغلي .
داير فرقة بس .. و تشوف كيف الفرح ممكن يغير حاجات كتيرة .
ميري كريسماس يا صاحبي .
| |
|
|
|
|
|
|
|
|
|
Re: ( رجعنالك ) .. و ( سارتانا لا يرحم ) (Re: Elmosley)
|
هلا يا عمدة
وهابي بلابل
ودائما عودة الزمن الجميل بدور ماكينته ولكن بوليس المرور
(ار المضر) لن يسمح له الا بالقليل.
ولكن رغم البوليس الذي لايرحم فانا لكم من الحاقدين
علي هكذا دهشة وذلك البصيص الشوووووية الذي طل في عودة البلابل
وسيرة رجعنالك
| |
|
|
|
|
|
|
|
|
|
Re: ( رجعنالك ) .. و ( سارتانا لا يرحم ) (Re: Emad Abdulla)
|
والله ياعمدتنا لازم تعرف الكيزان ديل فعلا قلوبهم صدئه يا اخي البلابل ديل مفروض يفرشوا ليهم السكه ورود ويستنوهم بالجيه ويكرموهن التكريم الذي يليق بهن.
التلفزيون يشيل ويشخبط في صورهم..
جمهورهم الواعي عايز يستمتع بأغنياتهم الخالده.
وناس سارتانا عايزين يستأنسوا بالخازووووق كما وصفهم مظفر النواب شفت الفرق كيف؟
| |
|
|
|
|
|
|
|
|
|
Re: ( رجعنالك ) .. و ( سارتانا لا يرحم ) (Re: Emad Abdulla)
|
Quote: بالجد عملنا طاولة مفاوضات مع العسكر فوق المسرح وخجلت إنو البلابل يحنسوا العسكر عشان يغنوا أغنية وأحدة زيادة من أجل الشعب السوداني المحتشد في نادي الضباط !!
|
عماد والضيوف الكرام كل سنة وانتو طيبين..
معقول يا اخوانا؟؟؟؟
| |
|
|
|
|
|
|
|
|
|
Re: ( رجعنالك ) .. و ( سارتانا لا يرحم ) (Re: فتحي الصديق)
|
يابختكم...
اضافة للناس الوصفتهم فى الحيط والمسرح كانوا فى ناس بعيدين وقريبين
و { رجعنالك عشان تاه الفرح من دارنا وانت ديار فرحنا}
سمعتها لايف من هناك..ورقصتنى بحزن لون المنقاوصدح فى ليلى صوت عنتر الفلاتى { لون المنقا أهب المنقة}
غنيت معاهن وخليت لدموعى تطرب معاى
وسواقى العمر اللى ناحت وشتلات الفرح اللى بكت فرهدت فى ليل فيينا الشتوى الساكن بلا حياة
بيكون فى غيرى كتير سمعوا وقبضوا على جمرات حنينهم واستغفروا الله وجروا غطا الشجن عليهم وطفوا اللمبة وولعات لمبات تانية, الجن الاحمر مابيقدر يطفيها..
البلابل ذاكرة وانتماء لزمن من حسن حظى انى ضمن من عاشوه بكل الجوارح...
تستاهلوا تفرحوا ياعماد
تستاهل الناس الحياة والحياة من غير غنا وطن القمارى بتاع بلابلنا مابتهفّ الروح
Quote: ( الرجال الرسميون ) أيضاً سودانيون يشعرون ..
جنود مغلوبة على أمر الطاعة ..
تصدق و تؤمن بالله .. حنيت عليهم .
|
وها انت تثبت فرضيتى..
.....
..
.
هكذا يتنفس الانسان الفنان السياسة من رئة الحب..
ليك وللغنا المحبة
| |
|
|
|
|
|
|
|
|
|
Re: ( رجعنالك ) .. و ( سارتانا لا يرحم ) (Re: Emad Abdulla)
|
يا كتر خير العسكر
طالما رضو و (منو)
للشعب بسماع غنية غنيتين للبلال
والله يستحقون عليها أرفع الأنواط
ما تبقو طماعين ياعمدة ورفاق الحزن هنا
بعدين أفروا البلابل غنو والحفلة إنتهت علي خير وبركة
موش معناها في حاجة غلط !! ؟
إنها بلاد الوطاويط
ياعمدة
وسلامي للأهل وأبلغهم عني المحبة
| |
|
|
|
|
|
|
| |
Emad Abdulla
محمد على طه الملك
الملك
حمور زيادة
Osman Musa
ثروت سوار الدهب
عبدالوهاب علي الحاج
Elmosley
عبدالكريم الامين احمد
مكي ابراهيم مكي
عبدالوهاب همت
فتحي الصديق
Ishraga Mustafa
خضر حسين خليل
Adil Osman
فيس بوك
تويتر
انستقرام
يوتيوب
بنتيريست