|
دعواتكم لزميلنا المفكر د.الباقر العفيف بالشفاء العاجل
|
|
 Re: واخيرا ارى اسم صديقى بدر الدين شنا مع المتواجدين (Re: صديق الموج)
|
صديقي صديق الموج ..
لك التحية والاف التشكرات وانت تتفقد الاخوان الحاضرين والغائبين ..
فعلاً افتقدنا طلات الاخ بدرالدين شنا البهية من فترة طويلة جداً ..
ارجو ان يكون الداعي خيراً .. وأن يعود كما كان في سابق عهده بالمنبر
الاخ بدر الدين شنا تاني ما تطول الغيبة ..
محبتي ،،،
| |
 
|
|
|
|
|
|
|
|
Re: واخيرا ارى اسم صديقى بدر الدين شنا مع المتواجدين (Re: صديق الموج)
|
ومثلى لا يقوى على حمل البشارة..خصوصا اذا كان المبشر به فى
قامة السامق بدر الدين..شهادتى مجروحة فى الرجل حد النزف
ولكنه رجل من الزمن الاولانى...
بدر الدين باسم كل الحضور والغياب والمتشاجرين هنا والمتصالحين
والذين يودون صلحا ارحب بيك مجددا..والله لقد عادت للمنبر عافيته
مع احترامى لكل الذين يسهرون الليالى ليكحلو وجه المنبر.
بدر الدين على الطلاق مرحب بيك،،،
| |
|
|
|
|
|
|
|
|
|
Re: واخيرا ارى اسم صديقى بدر الدين شنا مع المتواجدين (Re: صديق الموج)
|
أبو أواب وأبو Ruba – عشان ما تدخلني في حيص بيص – والله لك وحشه والشوق ليك بطعم ستيم تفاح باااارده في نهار من نهارات صيفنا اللاهب ، ووحشتنا شيبتك وقمصيك المخطط زي بصات بري وشنو يعني العيال جوك ولا كتلوك يعني ما بتقدر تسرق الخط ما بتفكهم عكس الهوا وترجع ليهم يا بدر الدين ألعب غيرها ، شكلك كانت البطن طامه صحراء في حياتك وصحراء في شغلك وصحراء حيث تقيم والحمد الله أن أواب وأخوته وحرمكم المصون أحالوا جحيم حياتك إلى جنة ورافة الظلال – دي متذكره من مرحلة الأساس – طبعاً أنا قريت جالوص عشان كده بتعجبني كلمة الأساس دي – المهم مكانك محفوظ والمنبر ينتظر أخبارك وأحوالك وكل ما يمكن أن تكتبه عسي أن يشفع لك طول الغياب .
أحمد وأم أحمد وفاطمه ومحمد بيسلموا عليك ، وأحمد\ طبعاً خلاص قرح أى أصبح عاتياً وبيلبس كداره مقاس أربعين وبعد كده بجلي الكورة ثابته وهو بالعضل بس بلعب مع الجماعة لكين كورتو أخير عدمها.
مرة أنا وحبوبة أحمد – والدة الملا – متعها الله بالصحة والعافية ، ماشين مع البعض كداري وفي أثناء سيرنا وجدنا أحمد مع صبية الحي يلعبون كرة القدم وأحمد وقتها كان حارساً للمرمي فأستات والدتنا من هذه الوظيفة وقالت لحفيدها خبارك بيوقوفك آخر واحد ، عايزاهو رأس حربه
| |
|
|
|
|
|
|
|
|
|
Re: واخيرا ارى اسم صديقى بدر الدين شنا مع المتواجدين (Re: صديق الموج)
|
المطر المسيل جاكي يا نسيبتو الله أداكي
حبيبي أباذر سلامي وإكرامي
أشكرك على كلماتك الطيبات وربنا يدوم المحبة ويلمنا في بوستات خير وفي حضرة من نهوى أمثال القامة صديق الموج والعقد الفريد
الشامخ صديق الموج
| Quote: لكن هل تعلم ان غيابك حول جنتنا الى صحراء قاحلة...ياخى ما تغيب،،،، |
ما بغيب من تاني أبداً وربنا يحفظنا ويحفظكم في جنتكم الوارفة بكم
العفيف الظريف الملا عمر
| Quote: أحمد وأم أحمد وفاطمه ومحمد بيسلموا عليك |
My Regards to the Above
Thanks
إنعل ابو الإنجليزي ... عليك الله رأيك شنو؟؟؟
| |
|
|
|
|
|
|
|
|
|
Re: واخيرا ارى اسم صديقى بدر الدين شنا مع المتواجدين (Re: بدرالدين شنا)
|
رأي في شنو الإنجليزي ولا your regards زمان كان في قون في الهلال إسمو يور أوعه يكون ده يورك يا بدرالدين شنا ، بعدين يا بدر الدين شنا your regards دي جاء فيها حرف اليو ساكناً عشوائياً بعد نصب فحكمه إضغام بقنه ، لذلك وجب عليك أن تتبع your regards مش بي يا عديله يا بيضاء يا ملايكه سيري معاه ، بل يتبع ذلك for بدلاً عن to حيث أن شيخنا الكبير حاج على ود عوج الدرب قال في هذا الشأن في كتابه الشهير أب عاجات ولغة الخواجات صفحة تلاته وعشرين الـ regards جافة وليس فيها الكثير من الحنية على سمع القارئ أوالمتلقي والأصوب أن يقال my best regards أو حتى hi تشربوا بيبسي نشرب شاي كما ذكر شيخنا ونقله عنه السير ألكس ويبستر.
وفي كل الأحوال رقاردك وصلت regardless أنها مليانه حنيه أو جافه صيفاً ، وشكلك خلاص بعد التلاته الأواخر وزوجة القدر سوف تمدد إقامتك في السلطنة الزرقاء لمدة عام كامل – والله العبارة دي بتخيلك بيها زي رونالدينهو – وبرشلوكم برشلونه.
| |
|
|
|
|
|
|
| |
صديق الموج
waleedi399
سجيمان
بدرالدين شنا
THE RAIN
almulaomar
فيس بوك
تويتر
انستقرام
يوتيوب
بنتيريست