دعواتكم لزميلنا المفكر د.الباقر العفيف بالشفاء العاجل
|
|
 طعم البيوت ...
|
الأمكنة ..
من أحب مخلوقات الله إلى العبد لله ..
ففيها المجاورة والإستراحة ، وفيها تلك الروح الصامتة العالية
التي تنفخ في صورتك ، فتوحي إليك وترفع من شأن مزاجك الداخلي .
وللأمكنة نفوذ بالغ على النفس ، لو كان بالنفس حـُسن إرهاف وأدب
مساكنة ..
أحببت في حياتي أمكنة عديدة ، منها شوارع ، وأزقة ، ونواصي ..
وبالطبع ، طبعاً : بيوت ..
هذا بيت قيض الله لي الأقامة فيه .. فسكن ذاكرتي ، مثلما سكنت فيه ،
قلا تعرف من الساكن ومن المسكون ..
ومن أسرار العليم الخبير اننا حين يصيبنا جزع أو تأخذنا كآبة ،
نركن إلى الأمكنة (لا البشر)، فنتذكرها ونعود إليها ..
فتأمل !
|
|
 
|
|
|
|
|
|
|
|
Re: طعم البيوت ... (Re: طلال عفيفي)
|
وأنت يا إبن آدم ، وحيث أنك لا تعرف بأي أرضِ تموت ،
ولا ماذا تكذب غداً ، عليك أن تشكر كل الأمكنة التي
ساعدت روحك أن ترتاح وساهمت في هداوة بالك ..
| |
|
|
|
|
|
|
|
|
|
Re: طعم البيوت ... (Re: طلال عفيفي)
|
الشكر موصول للأسكندرية في الشتاء ، ولشارع الجمهورية
حين يكون رائقاً ، ولمدينة الفيوم المصرية ، ولمارنجان
في مدني ، ولحي كوبر السكني ، ولألمانيا على إتساعها ،
ولمقابر أحمد شرفي " حيث ينام حسين شريف " ، ولإمتاد
شارع المك نمر بالخرطوم ..
للمقاهي ، والمسارح ..
لمنزل " أم خريف " العامر ..
لمنزلنا الجميل ..
لملاعب كمبوني ، حيث تبادلنا جوابات المحبة ورسايل الغرام ،
لأمدرمان ، وجامع الأدارسة الحفي ..
لغرفتي الصغيرة الصابرة ..
شكراً لكل الأمكنة التي إحتملتني ، انا وأصدقائي ، ومزاجي العكر ..
| |
|
|
|
|
|
|
|
|
|
Re: طعم البيوت ... (Re: طلال عفيفي)
|
مااحلى البيوت التى تربيت فيها
وامكن نتلاقى فى هذا الاحساس
انت تصوره بالكاميرا لكنى احمل صورته فى الذاكرة
ولعلى سادخل معك فى محبة وسيطها البيت
وهو بيتنا فى العباسية
لكنه مسكين تحول الى بناية حديثة
خلت من البرندات والنفاج والتكل الذى كان قائما
والرواكيب
حزينة لاجل ذلك البيت
نلتقى تانى
| |
|
|
|
|
|
|
|
|
|
Re: طعم البيوت ... (Re: Ashraf el-Halabi)
|
أشرف ..
أين ذهبت مداخلتك الفاتت ؟؟
المليئة بالأمكنة التي أحبها ؟
لماذا مسحتها الله يسألك ..
تراك يا صاحبي من عاشقي الأسكندرية ، عروس البحار ومحبوبة الناس ..
يا سلام عليك ، يا سلام ..
" بكوس " ، التي أول بها الإسكندرانيون إسم الإله " باخوس " عاشق الخمر
وسيدها ، فسموا عليها مدينتهم الشهعبية المكتظة ..
محطة الرمل ، محط الترمواي البطيء الأصفر ، ومحل شراء الكتب من عند
أخينا ممدوح الرملي ..
زنقة الستات ، حيث الملافح السود ، والسيدات والآنسات الأجمل في الدنيا ..
سيدي جابر ، الولي الصافي ، ومحطة القطار ..
كلية الفنون ، في جليم ، والبنات في أبهى ما يكون ..
وكوم الدكه .. التلة العالية ، مسكن سيدي سيد درويش ، ذلك الفنان الجميل
الذي يشبه في السودان علي المك ، صديق الناس والجزارين والأجانب والمحتاجين ؛
مقهى " باستروديس " ، ومطعم " إيليت " .. والمركز الثقافي الأسباني والأيطالي
والناس السمحين وموج البحر ..
سلام يا أشرف .. عليك ، وعلى الأسكندرية : أجمل مدن البحر .
| |
|
|
|
|
|
|
|
|
|
Re: طعم البيوت ... (Re: طلال عفيفي)
|
وأنا أقول أيه هي الحاجة الغامضة اللي بتجذبني للولا طلال!!
أتاريه تعاقب القدم على حجر أمنا إسكندرية!
أنا عشت في مدن تانية أكتر مما عشت في إسكندرية
بس احساسي بإسكندرية مختلف
أكيد لاحظت يا طلال إن إسكندرية مدينة رحيمة
مدينة تحبك دون مقابل
تغفر لك (أي والله تغفر لك)
كتير كنت بحس كأنها أمي التانية
بعد ما كتبت المداخلة الأولى، وأنا براجعها، كل مكان من الأماكن دي انفتح في ذاكرتي على سبع أماكن وفـ كل مكان ألف حبة و..
وتسألني مسحتها ليه!!
| |
|
|
|
|
|
|
|
|
|
Re: طعم البيوت ... (Re: طلال عفيفي)
|
وسيدى (المرسي ابو العباس)
وانتهى الكلام
ما اسطورة هذا الرجل الصالح
يحكى عنه اهل اسكندريه بركاته حولت القنابل الى ورق
حكتها لى ايضا سيدة اغريقيه تؤمن بمعجزاته
لم اصدق رغم سحر اسكندريه
صباحاتك فل يا( طلال)
| |
|
|
|
|
|
|
|
|
|
Re: طعم البيوت ... (Re: NAZIM IBRAHIM ALI)
|
شوف !!
وبقدرة قادر تحول البوست للكلام عن الاسكندرية !!
المهم ،
ومن كرامات سيدي " المرسي " ، أن النساء في الساحل حين يحلفن
به ، ينتهي الكلام .
سلام يا ناظم ..
| |
|
|
|
|
|
|
|
|
|
Re: طعم البيوت ... (Re: طلال عفيفي)
|
عزيزنا طلال
سلام معبق بنكهة الأمكنة الجميلة
لا أدري أين هذا المكان
و لكن في مثل هذه البقعة يطيب الجلوس إلى ما شاء الله...
ثم على صخرة أمام أي بحرٍ كان ..
في الأسكندرية
أو جمصة ..... تتأمل أمواج البحر تغازل الشاطيء
بيتنا في حي القيقر بعطبرة... بقبابه الثلاث .. و حديقته الخلفية ...
حديقة الورد في المنصورة ...
التسكع غرب أسوان على طول الشاطيء ...
كسلا ... عند نبع توتيل ..
و بوستات طلال
| |
|
|
|
|
|
|
|
|
|
Re: طعم البيوت ... (Re: طلال عفيفي)
|
تعرف يا أيمن القلعة دي كنت بحبها
وانا - بعد - غض الإهاب ، كنت مبهور
بالاحجار والمباني العالية وبحكاية
العشاء الذي حدثت بعده المذبحة ،
وكنت احاول أن اتخيل كيف قفز المملوك
الناجي بحصانه من أعلى القلعة وهرب !
حكاوي كانت تخربش خيالي ..
| |
|
|
|
|
|
|
|
|
|
Re: طعم البيوت ... (Re: طلال عفيفي)
|
ومثلك ياصديقى مجنونة أمكنة...
مثلك استحضرها واسكن اليها حين تضيق الروح
أمكنة جوة الروح تلهيك عن مرارات الواقع وتسفرك فيها وتخليك تكلم روحك
عندى كتابة مليانة امكنة كابدت المخاض فجات بنت سبعة!!
Quote: امكنة هى الملاذ حين تتعثر الخطى وتتوه هى نفرة العشق الغرس ثمراته فى دروبها
أمكنة تشتهى العودة ليها... وتشتاق لفانوس {صغير} كان شاهدا على رعشة لهيبه فى قرية تسكننى وتخدر احزانى فتنام على شجرة ليمون مابقى غير جزعها، كانت شجرة الليمون دى بتكون نديانة وصفقها بيدرش احزان الشفع اللى اتعودوا ينوموا من غير لبن وبتحكينى احلامهم وانين امهاتهم...
امكنة زى غرفنا الجالوصية ، اوضة امى حليمة اللى كنت بنوم جنبها عشان تستقر انفاسى واطرد الخوف
اشم كركار شعرها وأطمئن لدقات قلبها فتهدأ روحى الصغيرة وتنام... فى الاوضة دى وفى الركيزة الماسكة حيطانها المتهالكة فيها نحت حرف اول صبى حبيتو يوم كتب لى فى علبة كبريتة ياملاكى الطاهر/ وحكانى عن الحب العزرى وعن اوهام جميلة دغدغت قلبى الصغنون...
بيوت جالوص كتيرة حفزتنى مائة مرة، قتلتنى الاف المرات وانشدتنى حين فجيعة... بيوت شفت فيهاالامل والخوف وحسيت فيها بعض من طمأنينة احتاجها عمرى الصغير..
وبيت الخريف كان ليهو حكاية رافقتنى وعذبتنى وصقلت تجربتى وخلتنى ارفع رأسى عالى واقول لتلك البيوت عن امتنانى ومحبتى ... اقول عن دموعهم البتغسلنى فى كل مرة بلقاهم وفى كل يوم .. بيوت غاب فيها من غاب ومشى من مشى وضاع من ضاع.. وشوارع وازقة وحكايات.. احكيها الآن إن جبريل يسكننى |
ساهديك لها ياطلال حين تبلغ هذه الكتابة سن رشدها
| |
|
|
|
|
|
|
|
|
|
Re: طعم البيوت ... (Re: طلال عفيفي)
|
شكيتك على الله يا طلال عفيفي .. !!
غيرت مسار مزاجي بشكل .. مفاجيء .. !!
البوست جميل يا طلال ...
والتحية لكاميرتك الخلت البيوت دي كلها بالطعم الجميل دا !!
| |
|
|
|
|
|
|
|
|
|
Re: طعم البيوت ... (Re: سمرية)
|
شكرا يا سمريه ، وصباح الخير ..
طبعاً الصور كلها لبيت واحد من زوايا
وبتفاصيل مختلفة ..
في الصور النزلتيها ، عجبتني الصورة
التالته : السلم والشباك والباب ،
والنبات المتدلي ..
شي عجيب !
| |
|
|
|
|
|
|
|
|
|
Re: طعم البيوت ... (Re: طلال عفيفي)
|
وصباحك قرنفل ...
عرفت انها حتعجبك لانه تذوقنا( للقديم من البيوت ).. متشابه .. !!
عندي مجموعة صور كتيرة وحتعجبك كتير .. بس هسي جايطة شوية ... لكن حافتشها وانزلها ليك !!
| |
|
|
|
|
|
|
|
|
|
Re: طعم البيوت ... (Re: طلال عفيفي)
|
أيتها الطائرات
يا نوارس المعدن
خذيني الى البلد الجميل..
كان الشارع الممتد إلى نهر النيل من شارع الموردة شيخا عجوزا.
يبدأ عند طلمبة بندة و نادي الضباط و ينتهي عند دكان عوض الجيد و بيت عمي الغول أبو طارق بعتباته العالية و الهلب على بابه و علم الموردة الذي يحاكي هواء الشارع.
عندما تمشيه من بدايته إلى نهايته ستمر أولا ببيت عمي النيل ثم عمي شوقي ثم عمي عبادي و خالتي إلهام ثم خالتي كتيرة ثم المكوجي ثم عمي التوم النجار وهكذا إلى النيل. و إذا أحصيت يسارا ستمر أولا بنادي الضباط و عم جحا و خالتي روضة ثم عمي ميرغني و خالتي أميرة و التيمان ثم البيت ثم عمي مهيد و عمي جهاد و هكذا إلى النيل.
في الشارع..
أحجار قديمة ربما شهدت مالم يشهده أحدنا, علب صدئة, أشجار نيم, برك صغيرة ناتجة عن مياه الغسيل من دكان المكوجي, كلاب نحيلة و كسولة غالبا, محمد المجنون يحمل كتابا ما و يكتب كلاما بالإنجليزية.
في الشارع طائرات تعبر سماءه, سيارات تعبر أرضه, فتيات جميلات و غير جميلات, صبية يتربصون أعمدة كهرباء, طيور, أغنام, رجال يجلسون أمام بيوت, أصوات, و شمس قوية جدا.
| |
|
|
|
|
|
|
|
|
|
Re: طعم البيوت ... (Re: طلال عفيفي)
|
طلال
والمتداخلون الأعزاء
لكن البيت المصور دا عجيب يا طلال والمشكلة أنا بخيالى الواسع دا خلاص اتخيلت نفسى فيه وارتحت فيه كمان
هل هو من صعيد مصر؟؟؟؟؟؟؟
بس بالغت شوية فى : الاسكندرية فى الشتاء
أحب البحر كثيرا فهو الوحيد القادر على إبراز ما بداخلى من فرح وزعل وحب ومشاكل و........
وهو الوحيد الذى يمكننى مناقشة حوار صريح مع نفسى أمامه وتبدو الأشياء جلية أكثر عند النظر أليه
ولكنه يترك لدى بعض الأحزان ولا أجد تفسيرا لذلك
أحب غرفتى ولكن فقط عند التعب
لأنى أفضل الأماكن التى تعطى مساحة لا حد لها عند النظر والتأمل فيها لأطلق العنان لخيالى الذى أشكره فهو يأخذنى حيثما شئت
بوست جميل
مودتى
سماح
| |
|
|
|
|
|
|
|
|
|
Re: طعم البيوت ... (Re: sama7)
|
أهلاً يا سماح ..
شكراً على مشاركتك هنا ..
وطبعاً مشكورة على وصف البوست بالجميل ،
يا رب حسين ملاسي يرضى عنك 
نتلاقى تاني
| |
|
|
|
|
|
|
|
|
|
Re: طعم البيوت ... (Re: طلال عفيفي)
|
آه من الامكنه وطعمها وعبقها.الاسكندريه الام الحنون وياله من مكان وناس عارف ياطلال اليهود لمن كانوا مطاردين في العالم كلو وملفوظين الاسكندريه دي الام الفتحت صدرها وضمتهم بكل حنان.
سيدي جابر, المندره والناس الطيبين والنواة.
للحديث بقيه مقعدة
| |
|
|
|
|
|
|
|
|
|
Re: طعم البيوت ... (Re: yaser mostafa)
|
عارف يا طلال ..
أبوي الله يرحمو , دايما كان لما يزهج مننا و نحرق روحو , كان بيردد في عجمته النوبية الحلوة :
يا ولاد الـ ..... دلوكتي لو نسيب لكم خرطوم الزفت ده و نروح بلدي هناك , نبيع برسيم تحت النخل و نقعد في بيت أبويا , مش أحسن من الكلام الفاضي بتاعكم دي .
كبرت شوية و في بالي البلد و البيت اللي أبوي مستعد يسيبنا ببساطة كده عشانو .
بلد عجيبة و بيت متحف يا صاحب ..
بلد منسية غرب النيل في أقصى شمال البلاد .. يا داب عرضها إتنين كيلو من البحر لحدود الصحراء , و البيوت قصيرة و طينية مدفونة وسط النخيل القديم .
البيت بوابتو من خشب السنط .. بوابة قلعة يا طلال .. كل البيوت بواباتا زي بوابات القلاع , و نفس الخشب مصنوعة منه المراكب و العناقريب و عربية الكارو و سروج الحمير و السحارات و الطاولات .
المفتاح إسمه " الكُشُرْ " , و هو برضو عود منحوت من الخشب , و كل زول بيعرف طريقة فتح بيته براهو , و هي طريقة عجيبة يعلم الله .. تدخل المفتاح بالجنبة و تحركه فوق تحت و لجوه و تلز الباب .. يفتح زي مغارة علي بابا .
الحوش حدادي مدادي , مرتفع ناحية الغرف و منحدر ناحية البوابة و نضيييييييف , المقشاشة من سعف النخيل , و في نص الحوش شجرة لبخ من أيام قابيل و هابيل .. ظل ظليل رقراق شمس مافيهو .. ممدود و مغطي الحوش تماما و تحته عناقريب و بنابر و شوالات خيش و صفايح مرصوصة , و في وسط الضل داك الطرمبة و حوضها .
الطرمبة دي يا خينا من النحاس القديم الأصفر شديد اللمعان .. و بتطلع موية عجب .. صافية و طاعمة و باردة في عز الصيف .
يسار الحوش تلاتة قواسيب عيش , و القسيبة هي مخزن الحبوب و التمر , جنبها أكوام الواقود ( و هو الحطب المجموع من تحت البحر لإشعال النار ) و معاهم بقية ساقية قديمة ضخمة لون خشبها من لون التراب . يمين الحوش غرف جنبها غرف .. جوه الغرف عناقريب عظيمة الحجم عالية و مرفوعة عن الأرض بحجارة , و منسوجة بعناية عجيبة . طاولات و كتب و حاجات غريبة فوقها و حيطان بيضاء اللون , ظاهر فيها أثر أصابع نسوان البيت العملوها : دي يد يوّه , و دي نفيسة , و دي فافة , و دي حجة لي . الحيطان مزينة برسوم بدائية بديعة .. محفورة او ملونة لتماسيح و كفوف و جمال .. و محن يا صاحبنا .. محن .
حكمة الله و الناس , السقف مرفوع عن الحيطان بحجارة صخرية مجلوبة من الصحراء ( القعب ) ورا البلد , خوفا من دابة الأرض ما تقرض مروق العرش المصنوعة من جذوع النخل و السعف .
التُكُل ( المطبخ ) عجيب , مسود من كترة النيران الولعت جواتو سنين و سنين . صاج في ركنه اليمين و مجاوره فرن بلدي دائري بيطلع ألذ رغيف قمح في العالم , مواعين ألمونيوم ضخمة و تقبلة , كمية من الحلل النحاسية .
الرطانة الحنينة و حميمة مالية البيت و معاها ريحة شمار و تمر و حلبة و بني آدمين .. و دخان بريحة رطبة بيدي البيت حياة و طعم ..
طعم البيت داك .
تصدق يا طلال , ود ابن آدم ده كلما يكبر بيتحول و يرجع يبقى أبوه بدون ما يشعر ..
بقيت و فيني حنين للمكان داك و البيت و البلدة الساكنة في سلام ربها غرب النيل شمال البلاد .
أبوي ليهو حق في فرط شجنو ليها لما مات .
و ياخي تاني ما تفتح سير زي دي , ولا صورة بيتك العجيب الجايبو ده و نفسي أسكن فيهو , عشان الواحد ما ناقص غلغلة .
ثم إنه تلفونك : لايمكن الوصول إليه الآن ...
من تلاتة أيام ..
حوّل .
| |
|
|
|
|
|
|
|
|
|
Re: طعم البيوت ... (Re: Emad Abdulla)
|
بسسسسسسم الله الرحمن الرحيم !!
البيوت المسكونه دى بتجيبوها من وين؟؟؟
طلال ،، عليك الله ما تخوفنا برانا قلبنا مقطوع ،،
وكان مصر تصور الرووم دا ، صور لينا الفسحات
اوعك تخوفنى بالزقاقات والعروش المتهايله دى
جيب البيت من فسحتو ،، سمح ؟
ــــــــــــــــــــــ
فى ذمتكم انتو الاولاد بتعرفو طعم البيوت ؟؟؟
البيوت دى خلوها لينا نحن ،، ذبحتنا ذبح
| |
|
|
|
|
|
|
|
|
 Re: طعم البيوت ... (Re: دينا خالد)
|
| Quote: البيوت دى خلوها لينا نحن ،، ذبحتنا ذبح |
ذبحتنا بحنينها
وهمساتنا فى دجى لياليها
فتحت افقنا بفوانيسها التعبت من ملاحقة احلامنا
سندتنا لمن كترت الجروح
نلوذ بيها ونشكيها ونحكيها...
حيطانها اكثر وفاء مما نتخيل..
ولونها الهدت فيه ارواحنا الباهته البنفسج ارحم كثيرا من الوان الروح التعيسة
هى البيوت...
وماكل البيوت بيوت..
فى بيوت متهالكة لكن متماسكة بدفء حب قديم
فى سقوف متهالكة بتسندها شهقة أنثى مازالت تغزل فى خيوط الليل وعيونها تلمع بما تبقى من دمعات..
فى بيوت من غير ناس
وفى ناس من غير بيوت..
البيوت...
قالت صاحبتنا ليلى عبدالمجيد تنزل عليها كل رحمات البيوت الحنينة..
{وتواصوا بالبيوت
واحملوها كالسلحفاة على ظهوركم....}
عنى يادينا...بفتش فى بيوت ليها افق غير محدود
وحيشان تجرى فيها خيول شوقى وماتعتر ليها شوكة واقع
بيوت وقمرة ضواية تغنى للجليد المشرور قبالة قلبى..
_________________________________________________
دينا سيبى طلال فى بيوته/ بيوتنا ورافقينى الى حيث تضىء بيوت حلمى... ازيك ياصاحبة..
| |
|
|
|
|
|
|
|
|
|
Re: طعم البيوت ... (Re: Emad Abdulla)
|
عايز ترجع البلد ، وتشرب من الطرمبه يا عمده ؟؟
معناها إنت فعلاًَ عجزت ، يا حليلك !!
لكن لو مشيت بجيك والله العظيم ، أقضي معاك الويك
إند
_____________
طبعاً كلامك الفوق ده
حلو جداً يا زول ..
| |
|
|
|
|
|
|
|
|
|
Re: طعم البيوت ... (Re: yaser mostafa)
|
شكرا يا ياسر مصطفى ..
يكفي الأسكندرية أنها إحتملت بكل قلقنا وحولته إلى روح ناعمه
وزي الورد ، فأحببنا الحياة بعد أن أذاقتنا من طعم الحياة
ما يشبه العنب ..
ويكفي أنها شالتنا على حجرها وبين ساحليها حين بارت كرامتنا
بين الناس ..
| |
|
|
|
|
|
|
|
|
|
Re: طعم البيوت ... (Re: طلال عفيفي)
|
طلة ....
يعجبني اشراقك الدائم حيث تتحفنا بابداعات تعيد الينا بعض من انسانيتنا التي تطحنها عجلات زمن رمادي يكره الماضي وحاضره ممل منبت من جمال كثير في "الامكنة" " وناسنا "
واصل ايها الجميل
----------
حاشية : اتصلت بداليا واكيد سنواصل الاتصال واللقاء باذن الله
| |
|
|
|
|
|
|
|
|
|
Re: طعم البيوت ... (Re: طلال عفيفي)
|
شغل طلالى. ماركة مسجلة. بدل نقول شغل بديع. نقول شغل طلالى. طلال بن عفيفى. وليس طلال بن اى رجل اخر.
هذا البيت المبنى بفوضى مقصودة وبساطة للتمويه ، قاموس فى علم الجمال وعلم الامكنة وسحر العيش.
لا بالطبع. ما فى السودان.
رغم ان بعض شجره مشترك مع السودان: النخل والبان والبامية. تخيل بامية على الفروع قبل ان تتحول الى طبيخ فى رحلة الحياة والموت المعروفة.
البامية بزهرها وثمارها التى تشبه اصابع النساء ولهذا سماها الخواجات ladies fingers
هذا بيت بنى بالحنان والجمال. هذا بيت مسكون بالفن والظل والضوء. هذا بيت للحب.
اغلب الظن انه فى مصر. أتمنى أن يكون فى السودان ، ولكننى اشك كثيرآ ان يكون كائنآ فى السودان.
مع العلم اننا فى السودان يمكننا ان نصنع بيوتآ مثله. وأجمل منه. لو انفشعت سحابة الظلام التى ارخت سدولها منذ زمان زمين فى بلاد النيل.
طلال: من اسماء الخالق سبحانه وتعالى المصوّر.
شكرآ على الصور.
| |
|
|
|
|
|
|
|
|
|
Re: طعم البيوت ... (Re: Adil Osman)
|
سلامات يا عادل عثمان ..
كلامك الحلو الجميل دايماً ساحب الواحد من أضانو ومدخلو في أضافرينو ..
على العموم إنت الفضيل ..
البيت فعلاً ما في السودان ، لكن هو في بيئة متعاطفة جداً مع بيئة سودانية
من حيث الهواء والحرارة وروح المكان والشجر المحيط ونوع الأصوات ..
لمن كنت هناك ، كنت بفكر كتير في أمسية مليانة بالأصدقاء في فضاء هذا
المنزل تحت قمره العالي المنير ، أكيد أن الأروواح ستتقارب أكثر ..
كل سنه وإنت طيب يا صديقي ..
| |
|
|
|
|
|
|
|
|
|
Re: طعم البيوت ... (Re: خضر حسين خليل)
|
خضر ،
حنين جاك وأكل عشاك ..
عارفك مشتاق لبيوت أهلنا في النوبة الحلوة ،
البيوت المدهونة بصبغة حجارة الجبل ..
وعارفك مشتاق للخرطوم ؛ مدينة كالحة لكن لا بأس !
وعارفك مشتاق للأصحاب ، صح ؟
وعارف بتعاني في الحجاز من الجفاف والتصحر ..
أيوه عارفك ..
لكن خليك ، برضو عارف ، إننا هنا مشتاقين كأشد مايكون
ليك ، ولعفويتك ، ولحلاوة لقاك ..
| |
|
|
|
|
|
|
|
|
|
Re: طعم البيوت ... (Re: طلال عفيفي)
|
طلال
مساء الجمال الورد
صورالبيوت الفوق ,زكرتنىبيت أهلنا فى غرب أسوان وغرب سهيل,وهم ما زالوامحافظون على نمط القباب(السقف المقوس)..حقيقةلم أشاهد هذاالنمط إلا هناك..
لك التحيه والود
| |
|
|
|
|
|
|
|
|
|
Re: طعم البيوت ... (Re: طلال عفيفي)
|
الامير طلال
| Quote: الاسكندرية فى الشتاء |
ياخي انا اتكيفت كيف شديد بالاماكن وبذكر الاسكندرية في الشتاء وليالي أمشير وفول ابوربيع وفلافلو الحااااارة والقعدة على سور الترام في محطة الرمل
عفيفي
دايما مواضيعك بتملأ الفراغ
| |
|
|
|
|
|
|
|
|
|
Re: طعم البيوت ... (Re: ابو تميم)
|
أبو تميم ، صديق الليلي السكندرية الودود ..
كانت فعلا أيام جميلة مليانة بالإلف والثقافة
والنشاط والوجبات الشوارعية الشهية ..
تعرف مفروض لو تمكنا نتفق في سنه من السنين
نتلاقى كلنا في الأسكندرية ، نجلس على سور الترام
نمشي على البحر بليل ، نجيب السيكومايسين من
الإبراهيمية ونتكلم ونرسم ونكتب ونعقد الصداقات
من جديد !
| |
|
|
|
|
|
|
|
|
|
Re: طعم البيوت ... (Re: طلال عفيفي)
|
اشراقتى الحنيينه !
دفئينى بقربك دفئينى
ضمينى انت وصاحبى اللونين (الازرق ،، والطوبى )
ياخ بيت الرملة دا عجييييييييب !
فيهو دفء فعلا ما عادى ،،، مرعب ،،،
بس انا بخاف جد جد من كلام عماد والزقاقات الضيقة دى
بتوجعنى ،،،،،،،،،
ـــــــــــــــــــــــ
طلال ممكن اشوف الحمام بتاع البيت دا ؟؟؟؟؟
| |
|
|
|
|
|
|
|
|
|
Re: طعم البيوت ... (Re: دينا خالد)
|
| Quote: بس انا بخاف جد جد من كلام عماد والزقاقات الضيقة دى |
وخخخخخخخ وخخخخخخخخخخخ .. | Quote: طلال ممكن اشوف الحمام بتاع البيت دا ؟؟؟؟؟ |
آمنت بالله ..
يا دينا ياخ أنا لو في محلهم .. طوالي : يخرجون إلى الخلاء ..
يخرجون إلى الخلاء ..
ما تحرجونا .
| |
|
|
|
|
|
|
|
|
|
Re: طعم البيوت ... (Re: دينا خالد)
|
دينا يادنيا...
عن اى دفء تتحدثين؟ الجليد مشرور فى الواطة.. دفايات الدنيا كلها ماتدفىء صقعة الروح بسؤال وجودك فى هذى البيوت...
مربع بيتنا هنا ساكن سكون الموت... الثامنة مساء تبدو لاحياة هنا..لاصوت سيوسيو ولا ماعز
حتى كلابهم مبرمجة ياعزيزتى.. تنام الدنيا وكل البيوت بصحا وكلى جنون...
مافى طريقة امارس هوايتى القديمة بمغازلة القمر فى حيشانا الماهلة.. بقرة جيرنا دائما تقطع حبل افكارى.. منها لله... بس اشتقت ليها تحرك ضنبها واحس انو فى حياة...
من النافذة باريت ليك القمرة والسماء مافيها نجمة التكتح يادينا.. المجنونة جابت كميرتها وصورتها وحيطة بيتنا ظهرت وقمرة فى سواد هو هويتى البحبها..كان ذلك بعد عودتى من تلك البيوت...
وعشان تنسى جنون بقرى شوفى طعم البيت الطلالى ده... نفسى اعرف ياطلال ده كان ووين فى فيينا...فى فيينا بيوت وبيوت,,,وتابوت بيتمرد على الذاكرة...
| |
|
|
|
|
|
|
|
|
|
Re: طعم البيوت ... (Re: Ishraga Mustafa)
|
كنت أيام " مؤتمر فيننا للتشبيك النسوي " أخرج أحياناً لأتفرج في المعمورة النمسوية ،
هذه المعمورة البديعة المدهشة بالبناء والتفاصيل ..
وكان أن لمحت باب كنيسة متوسطة الإرتفاع ، بيضاء اللون ، قرميدية القبة : فشدني الباب ؛
وأول إقترابي منه ، يا إشراقة ، فتنتني مقابضه ، وتمنيت لو أدخل لأتفرج على البهو المسيحي ،
لكن الباب كان مغلقاُ !
فصورت فتحة المفتاح ...
وبرغم مرور سنوات ، أجدني محباً لهذه الصورة التي أشكرك لإيرادها ...
تقع هذه الكنيسة ، على خلفية الحي الذي أقام فيه النسوة المتشابكات في المؤتمر ،
في " فيينا " الجميلة .
ومنذ تلك الأيام يا إشراقة ، أجدني في حنين شديد ، بل في أشد الحنين ، لزيارة النمسا ،
هذه البلد الوارفة الثقافة ، شديدة المبنى ..
| |
|
|
|
|
|
|
|
|
|
Re: طعم البيوت ... (Re: دينا خالد)
|
| Quote: طلال ممكن اشوف الحمام بتاع البيت دا ؟؟؟؟؟ |
يا ريت يا دينا ، لكن أيامها لم أكن أدخل بالكاميرا
الحمام ..
لكن لقدام هخلي الحكاية دي في إعتباري ..
| |
|
|
|
|
|
|
|
|
|
Re: طعم البيوت ... (Re: طلال عفيفي)
|
طلال ,,
عارف بوستاتك دي مرات بتخوفني ,, بتشبه بيوت القزاز ,,
بخاف ادخل ليك بوست اروح راميه حاجه وكاسراها ,,
عشان كده بقيت بفضل المشاهده من بعيد لبعيد ,,
المره دي لقيت البوست بيشبه بيت الشعر ,, بيوتك الفي الصور دي
زاتا تشبه بيوت الشعر ,, فأنا خايفه اكون هسا لخبطت القافيه ولا
الوزن ولا حاجه !!
العفو غايتو ,, لكن بس قلت اقول انو البوست جميل اخر جمال ,,
وفيهو احلى الوان ,,
وفيهو صوت كده زي عزف نصير شمه !!!
شكرا ليك ,,
| |
|
|
|
|
|
|
|
|
|
Re: طعم البيوت ... (Re: د.نبراس)
|
للبيوت طعم ورايحة ومزاج ، البيوت كانت زمان زي بيوت النمل ، ناس داخلة وناس مارقة .والأبواب متاكية
مافي زول بقفل بابو دايما جاي ضيف والضيف شدة ماليه عزة كان الناس تسافر بالنهار وتصل بيوته بالليل
اول نجمة تهل براقه بسموها نجمة الضيف ..الناس هسي اتشتت شرقت وغربت البيت زمان كان ملايان ، ناس محمود وداليا وفاطنة وحسان، عمر ،واولاد يوسف ، لكن الناس
اليلية هاجرت قام ليها ريش وطارت وفضلت الله ورقبتي وحمامتين..
عاين وانت جاي والدينيا مفلله لابسة سواد الليل توب تلقى الشبابيك مضوية بالفوانيس ...
تعرف الناس صاحية ومتونسه البيوت في الليل ليها عيون مضوية وخشوم تفتح تبلع الداخل ليها ، ادخل على الناس متونسة وقدام الكوانين الشاي واللقيمات والضحك ولمن اعلا إطقطق الجمور تحتهم ، ضاحكين ومتونسين من شاي المغرب لي قراصة العــشا ، قايمين سوا ،نايمين سوا ، وفوانيسهم مولعة وانا داقش في الضلام ، فانوسي ما مولع ونسة ، وحييد ، ان وحمامتين وعش وبيت ماخد من لونو الطيني لون لبستي نجري من صباح الرحمن في الطين، نخدم في الناس الطين، لمن نتوسد الطين ..وبين المشوار والتاني ، البحر بشتاق لي وبشتاق ليهو ،اجيب الدور الأول والتاني وانا فرحان والجوز إغيظ في الموية إطرطش بره الصفايح ..داخل من بيت لي بيت . انا والموية عارف قصة كل بيت وحكايتو .. البيوت اسرار ..بيوت قانعة .
وبيوت مقنعة ..بيوت مابتبلا فيها فولة ..وبيوت كل فوله ليها كيالا ..بيوت رضية ..وبيوت هديه . وبيوت شقيانه .وبيوت مستوره .وبيوت ابوابه مفتوحة ..
وبيوت وبيوت وبيوت وبيوت ....
من مسرحية (( حكاية الطاهر )))
| |
|
|
|
|
|
|
|
|
|
Re: طعم البيوت ... (Re: عمرو كمال ابراهيم)
|
الامكنه ....
ما من مكان نتكون فيه الا ويترك بصمه حنينه علي روحنا ..
وبصمه غريبه ....للامكنه روح و رواح.. للامكنه اصوات .. تدخلنا وندخلها .. وتجعلنا اكثر التصاقا بانفسنا,, قالت العزيزه اشراقه ان الوطن هو الناس,,,
الامكنه هي ادام الناس..
تتذكر يوم ان كنا نتجول ونزور الناس .. في امكنتهم.. شئ التصق بذاكرتي .. منزل عائلة حسين شريف....منزل ابنته..
كنا صامتين حد التوجس.. كأن حسين شريف كان معنا ... انها الامكنه...انها الامكنه..
لك الود والابواب ... سنلتقي..يوما..... في مكان ما!!
ابراهيم
| |
|
|
|
|
|
|
|
|
|
Re: طعم البيوت ... (Re: دينا خالد)
|
اها انا جبت ليكم عربية بيل جيتز دى بصعوبه
وعزلت ليها بيت حدييييييييث نزل فى البوست مؤخرا عجبنى شديد
بس فضل الزول ال حيسكن معاى جووه (وجه غامز)
ـــــــــــــــــــــــــــــــ
دمث الاخلاق ،، يقدس الحياة الزوجيه ،، رسام ،، مغترب ،(وجه محمر)،
على الا يكون له اهل بالاقاليم
على الاقل عشان لما يزهج مننا ما يقول لينا ماشى بيت ابوى !!!
| |
|
|
|
|
|
|
|
|
|
Re: طعم البيوت ... (Re: طلال عفيفي)
|
حاضرة في الخاطر لا تفارقه أبداً
بكل تفاصيلها
وكل دقات قلوبها
وكل أسرار تمشت في جداراتها
وكل أحلام حامت بشقوقها
حاضرة كل الأمكنة
كل البيوت
بديع يا طلال ما اعدتنا إلى زواياه
شكراً لروحك البهية
| |
|
|
|
|
|
|
|
|
|
Re: طعم البيوت ... (Re: طلال عفيفي)
|
معروف !!
| Quote: باستثناء دينا خالد طبعا |
لقيتك استثنائى والله !!
Quote: داير يجيب صورة هنا
اليمشي يخدما بي ضراعو.
|
ياخ انت من زمن خدمة الضراع ؟؟؟ والله قديم قدم،، هسه الخدمة بقت
ضراعها الماوس !! وفى روايه ال.........
زعلانة يا معروف انك ما بتنطبق عليك ولا واحدة من الاوصاف دى
صورتك خطيرة ،، كنت ح اجازف لولا حملك لهذا السلاح الابيض !!
عاملها واضحة كده؟؟؟ ولااااااا مغتيها بى قشات ؟؟؟
| |
|
|
|
|
|
|
|
|
|
Re: طعم البيوت ... (Re: دينا خالد)
|
| Quote: ،، كنت ح اجازف لولا حملك لهذا السلاح الابيض !! |
تعرفي يا دينا العصاية دي شلتها من خالي أول ما جا امريكا هنا قبل ست
سنوات جاب معاهو كمية من العصايات قال ايه,,داير يعمل بيها علاقات,
يعني يوزعها على الناس كعربون لصداقات جديدة,الزول جاي البلد جديد,
يعني دي عصاية مسالمة بتاعت علاقات ساكت ما بتاعت شكل, أسي انا ذاتي
شايلا ساكت داير اعمل بيها علاقات.
أول قلتي
Quote: دمث الاخلاق ،، يقدس الحياة الزوجيه ،، رسام ،، مغترب ،(وجه محمر)،
على الا يكون له اهل بالاقاليم |
تاني اتراجعت
أنا خايف في النهاية شروطك ترسى على "ذكر ومسلم"
| |
|
|
|
|
|
|
|
|
|
Re: طعم البيوت ... (Re: Marouf Sanad)
|
من بيوت الدنيا العريضة ياطلال لعلك تعرف اين موقعها من خارطة روحك..
كل سنة وروحك أجمل وأمانيك محققة
____________________________________________________________________
حقوق التصوير محفوظة للانسان وولف مع امنياتى له بكريسماس أسرى سعيد
| |
|
|
|
|
|
|
|
|
|
Re: طعم البيوت ... (Re: شهاب الفاتح عثمان)
|
طلال
كل سنة وأنت أجمل
أمدر
عشقي وعشقك
أمدرمان
شعرمحمد محمد خير
من ليل ملتخ بالكوابيس والسهر
فجيت رؤاي
قالدت سوق الشجرة وأب روف والبنات
الزنكي
سوف الناقة
والناس والخدار
وقطعت حي البوستة مرفوع الكلام
ودمي ينبح ويندهك
تاوقت بي عيني اليمين
جوه الشمال
من قلبي كان نازل مطر
لون المطر كان بشبهك
عبيت مشاعري من النسيم
وزفرت طلعت الوحيح
خفت النسيم ما يجرحك
الله اذا ما ارتاح شجاي
صبح الحزن مليان ضحك
وجاني المنادي ينادي بيك
وسرت زي الضو عليك
وصرخت ياجنة بلال
عالجني ياعابدين شرف
سامحني يا استاد الهلال
الليلة يا ام درمان بشوف
كل المدن في دوب سماحتك تنهجك
زهت الفتيحاب بالشمش
واتبسمت بانت على وش أب كدوك
والعرضة غنت من مطامير الحقيبة الصادحة
هم ما بشبهوك
من يوم ولدتي العاشقين
ما شفتي يوم بيت ناس ابوك
وعشق المدن تور على جرح الغرام
غرامي ليك
خايف ... بي جمالك يشدهك
واتلملمن بنوت فريق القلعة
غنن من شعر ناس ابو صلاح
يا الله لزمني الجراح
انا ما حبيس سجن التلج
لكني مطلوق السراح
والموردة بتلعب ... على قلبي المورد بي غناك
عبد الله عشري مع بريش
جوة الشباك
بكري عثمان
والمحينة ...وزاهر السادات
وأولاد من حشاك
آل الأصم
وعوض سرور
اولاد خليفة
وزهرة النار والملاك
الليلة يوم عيد النزيف
من روحي سجاد مطرحك
| |
|
|
|
|
|
|
|
|
|
Re: طعم البيوت ... (Re: طلال عفيفي)
|
ملاسى
قصدك تقول امكن رسام بس البتنطبق وباقى الحاجات دى كلها ما اظن!!
عارفاك (فاتن حمامه) (وجه مستعد للعرس ما عايز احباط ) !
معروف عرفتها يا شديد حيدك انتهى منك
عارف ياسر عرفات كان بسوق معاهو مرتو سهى للمفاوضات المسخنة فى باريس
اخر المشيات بقى يجى براهو سالوه ليش مابقيت تجيب سهى معاك
قال ليهم خييو كترت التنازلات خفت تكون سهى جزء منها هادى المره !!!!
اها يامعروف عشان تعرف انك قدييييييم معتت
انت وين ما بقت ذكر بس كفاية
ودا كلام الترابى ولاكلام شيوعين ولا حاجة !!
والتنازلات مستمرة لما انت تصل السودان دى زاتها ماضرورى (وجه خايف من مهاجمى تراجى )
| |
|
|
|
|
|
|
|
|
|
Re: طعم البيوت ... (Re: دينا خالد)
|
| Quote: لما انت تصل السودان دى زاتها ماضرورى |
يا زولة !!!!؟؟؟
دينا .. أقول ليك قولة يا مشوطنة ..
شفتي بالحالة بتاعت ( تمييع ) المواقف الحايمة في البلد اليومين دي ..
أخير الناس تعيش أخوان اخوان ساااااااكت ..
مساء البيوت الطاعمة يا طلال ..
| |
|
|
|
|
|
|
|
|
|
Re: طعم البيوت ... (Re: Emad Abdulla)
|
| Quote: دينا .. أقول ليك قولة يا مشوطنة .. |
انا مشوطنة ولا انت زايغ من البيت السمح داك !!
وكمان ولا دمث الاخلاق ولا حاجة !! ( وجه غاضب من الطناش)
زمان كانو بقولو الكلام على الاخلاق !! هسه بقت الكلام على البيوت ؟؟
اصلو ياخوى تمييع المواقف والشبك والمشاكل
بجيبها الفقر وحراق الروح ......والمصاقرة فى البيت الضييق
والله مافى احر من وجع الضرس والبيت الضييق !
| |
|
|
|
|
|
|
|
|
|
Re: طعم البيوت ... (Re: دينا خالد)
|
..
..
. صحى اتلاقيتو.. أصابع كف
. بتتناغم تجاه الضو.!
. وغنيتو
. غنا يخش البيوت
. كاليوم.!
..
. ودا مديدا
.وايام ارحب
..
.
| |
|
|
|
|
|
|
|
|
|
Re: طعم البيوت ... (Re: دينا خالد)
|
| Quote: مافى احر من وجع الضرس والبيت الضييق |
مافي يا دينا ..
و مافي بنج .. ولا قرنفل .. ولا أبو النوم .
ولا عمك محمد طه كتّال الكلاب يريح الواحد من رفقة صوتهم الليل كله .
الله يرحمه ..
كتلتو الوحدة و المغسة .. و عضة كلب .
أوعى تبقي عمك محمد طه ..
أبقي طارق ساردينة 
| |
|
|
|
|
|
|
| |
طلال عفيفي
سلمى الشيخ سلامة
Ashraf el-Halabi
NAZIM IBRAHIM ALI
ابو جهينة
Aymen Tabir
Ishraga Mustafa
سمرية
fadlabi
sama7
حسين محي الدين
Mohamed Moatasim
Emad Abdulla
دينا خالد
abubakr
Adil Osman
خضر حسين خليل
محمد مكى محمد
ابو تميم
bent-elassied
Hussein Mallasi
محمد سنى دفع الله
عمرو كمال ابراهيم
ibrahim kojan
بله محمد الفاضل
Marouf Sanad
شهاب الفاتح عثمان
khatab
فيس بوك
تويتر
انستقرام
يوتيوب
بنتيريست