دعواتكم لزميلنا المفكر د.الباقر العفيف بالشفاء العاجل
|
|
 لماذا يطالب الناس بحذف صورة جلد محمود؟
|
عندما رأيت الصورة قررت رسمها و عرضها في معرض تكون فيه أغاني محمود مالية المكان..
و سأفعل.
محمود رافع راسه في الصورة و يشبه الأبطال الأسطوريين
هو مناضل من أجل الحرية الشخصية و حقوق الإنسان
و الصورة وسام
لو كنت محمود لعلقتها في صالون بيتي
لماذا يراها الناس مهينة؟
هل لأنها تذكرهم مدى ضعفهم في وجه سلطان الحكومة الجائرة..
و تذكرهم ان طولة لسانهم و كلامهم عن الحريات، يشبه الحرث في الماء ليس إلا..
العام الآن 2009
ولا زال في السودان من يظن أن من حقه أن يؤذي الآخر بدنيا و نفسيا لأن الآخر ببساطة شرب الكحول
إنها تذكرة
فمن شاء ذكر..
سأقوم برسم صورة محمود و سأدعوكم لمعرضي في هذا المنبر..
|
|
 
|
|
|
|
|
|
|
|
Re: لماذا يطالب الناس بحذف صورة جلد محمود؟ (Re: Biraima M Adam)
|
بالله هو السودان دولة إسلامية؟
نحن لمن نقول بن لادن هو أحسن نموذج للمسلم الملتزم
بتنقنقوا ليه طيب؟
الزول ده ماسك الكتالوج و بطبق..
و إنتوا كلكم عاملين فيها مسلمين و لمن يجيبوا سيرتوا تقعدوا تقولوا ده ما الإسلام و الزول ده إرهابي
كده السودان دولة إسلامية.. ياتوا نوع بالضبط؟
| |
|
|
|
|
|
|
|
|
|
Re: لماذا يطالب الناس بحذف صورة جلد محمود؟ (Re: fadlabi)
|
سلامات فاضلابي
سواء اختلف الجمهور أو اتفق ....
حول انتماء ومقدرات محمود الفكرية والسياسية ...
هو في عين طغمة الانقاذ احد اللذين قالوا ( لا ) بالصوت العالي ...
عبر عن رأيه الصريح في ( فبركة ) غناء لدعم المجهود الحربي ...
وفي مبدأ المساهمة بصوته في ( إنقاذ ) سيد ( الإنقاذ ) من ورطته ...
فليظل رأسه عاليا وجبينه شامخا وليفخر بذلك ...
ويوما ما...سنرتشف معه ( كاسات ) الوطن ...
كل ما عليه هو المزيد من الاهتمام بصحته ...
| |
|
|
|
|
|
|
|
|
 ?? (Re: fadlabi)
|
فاضلابى
مع إحترامى الشديد لفنك
لكن....
Quote: هو مناضل من أجل الحرية الشخصية و حقوق الإنسان
|
للحرية الشخصية حدود... يعنى ما ممكن تسكر لط وتمشى تغنى أو تقود عربة مما يعرض الاخرين للأذى.
يمكنك نقد عقوبة الجلد لأى سبب من منطلقات عقائدية... لكن لا يمكن أبدا التبرير للسكر
فى مكان عام بدعوى النضال وحقوق الإنسان...
أرجو أن تتقبل وجهة نظرى بصدر رحب....
| |
|
|
|
|
|
|
|
|
|
Re: ?? (Re: ombadda)
|
عارف يا فاضلابي
لو محمود ما قبلان الصورة دي
وما راضي انها تنعرض
بتكون انتهكت حريته الشخصية برضو
اسخف زول في الموضوع ده كله
اسخف من الحكم واسخف من الجلد
الزول الصور
لو كان اخد الصورة بدون اذن وموافقة محمود
| |
|
|
|
|
|
|
|
|
|
Re: ?? (Re: ombadda)
|
أمبدة
بصدر أرحب من رحب كمان
إنت ايلني زي البجلدوا ديل كمان؟ ما الفكرة كلها في القبول ده
يا سيدي ما أختلفنا في أوروبا السكران شديد بيسوقوا البوليس حرصا على حياته و سلامته و يفكه تاني يوم
أنا مشكلتي في أنك تكون قايل روحك عندك الحق تجلد زول من أساسه.. لأي سبب
و إنك تكون قايل نفسك عندك الحق تتدخل في قراره الخاص جدا إنه يشرب و إنك تجلده عشان عمل كده
بعدين منو القال ليك الزول ده كان سايق عربية؟
و الزول كان سكران و بغني بضر الناس بشنو؟
| |
|
|
|
|
|
|
|
|
|
محاكم التفتيش (Re: fadlabi)
|
شىء مؤسف أن تظهر محاكم التفتيش فى القرن الواحد والعشرين ، وفى عصر الكمبيوتر والإنترنيت
...............الناس فى شنو ، والسلطات فى شنو ؟؟؟؟؟
راسك مرفوع يا محمود كيدا فى جلاديك !!!!
فلنقف مع محمود الفنان الذى قال لا ، ولو بأضعف الإيمان ....
تحياتى يا فاضلابى
| |
|
|
|
|
|
|
|
|
|
و لان البعض يتوهم بأنه بلا خطيئة .. فقد رماه بحجر .. (Re: fadlabi)
|
هو فنان و انسان بلا شك
له كمثل كل البشر هفوات و نزوات
جانبه الصواب فى ذلك الحفل لا شك .. لكن من كان منا بلا خطيئه فليرمه بحجر..
و لان البعض يتوهم بأنه بلا خطيئة .. فقد رماه بحجر ..
___________________________________
لن أنسى أبدا كاركتير سامى المك فى ذات يوم من الايام ..
| |
|
|
|
|
|
|
|
|
|
Re: و بال "ذهاب" أتاح فرصة ذهبية .. للصياد و الجلاد ! (Re: معاوية عوض الكريم)
|
تمام ساكت
و الله يا معاوية الصورة دي عاجباني عجب
شوف كمية المرجعيات الثقافية السودانية بس فيها كبيرة كيف
الجلد المفروض يكون ذلة
لكن ركزته و رفعة رأسه دي مخلياه زي الجالدينه في عرس جعليين قدام بنات حلوات مشلخات و بزغردن
و محولة الموضوع كله للعكس
و الإبتسامات الخايبة الفي وشوش الناس الحوله ديل
و لبسهم الكريه العسكري
يا سلام عليك يا ولد
و الله مبسوط منك بسطة
| |
|
|
|
|
|
|
|
|
|
Re: و بال "ذهاب" أتاح فرصة ذهبية .. للصياد و الجلاد ! (Re: fadlabi)
|
محمود البطل الضحيه يستحق اللجؤ السياسي لبلد تحترمه كانسان
للاسف السودان في ظل الايدلوجيه الحاليه لايحترم حق الانسان..
لو جلدوا محمود فماذا سوف يفعلون لتاركي الاسلام والمطالبين
للحريه الدينيه..
يقول ليك سقف حريات وسودان جديد واحزاب كمان ...
كسودانيين ....حقو نقوم نلف ومانكذب علي انفسنا
لانو بلدنا لاتحترم الانسان والسبب واااااضح ...
ممتاز
Good Job ya sudan
ونحن نستاهل زاتو....
فضلابي معليش ياخي
وحقيقي شئ محزن ,,,
| |
|
|
|
|
|
|
|
|
|
Re: و بال "ذهاب" أتاح فرصة ذهبية .. للصياد و الجلاد ! (Re: fadlabi)
|
فاضلابى
| Quote: و الزول كان سكران و بغني بضر الناس بشنو؟ |
الرد هنا
Quote: وصل يوم أمس إلى مدينة الفاشر الفنان محمود عبد العزيز
وفي بال الكثيرين ليلة طرب فوق العادة تذهب عنهم
مرارة النزاعات المسلحة ، آملين أن يستبدوا أصوات الرصاص
بدندنات الكمان والجيتار ... بما في ذلك رجال الشرطة أنفسهم
إجتمعوا مع المواطن العادي دون أي عناء في تنظيم الحفل
إلا أن محمود عبد العزيز قد دس السم لهذا الأمل ..فقد أتاهم مترنحا ً
لايقوي على التركيز ... وبدأ الغناء بكلمات وهتافات ودوزنات لم يدرسونها
أفراد الفرقة الموسيقية ... حينها إنهالت أمطار من الحجارة على المسرح
من قبل الجمهورالذي إنتظره طوال اليوم .. |
غير الأذى النفسى والمادى الذى وقع على العريس فى ليلة العمر.
(ولكم فى القصاص حيـــــــاة يا أولى الألباب لعلكم تتقون)
| |
|
|
|
|
|
|
|
|
|
Re: و بال "ذهاب" أتاح فرصة ذهبية .. للصياد و الجلاد ! (Re: ombadda)
|
أمبدة
قلت لي الناس طقعوه و هو أذاهم
فهمك للأذى شنو بالضبط إنت؟
كيف أثر الزول ده على سلامة أو حرية أي زول؟
بس فهمني دي
لو محمود قبضوه سايق عربية بسرعة 180 و هو سكران لكنت أول من طالب بعقابه ( أكيد ليس بالجلد)
لكن تقول لي الناس متوقعينه يغني قام غنى ليهم كعب قاموه طقعوه و جلدوه؟
عجيب و الله
| |
|
|
|
|
|
|
|
|
|
خلاص سويتو جيسص (Re: fadlabi)
|
أخذ التصور من لوحة سيدنا عيسي..وهو يحمل الكروس
فكرة غريبة.....داير تبقي محمود شنو
لا اعارض فكرك.....ولكن ما تعرض له محمود قانون بلد
غلط صاح ......دي حته تانية.؟
بريطانيا عندها قانون...محاربة الإرهاب.....إدخلوك في حبس 28 يوم من غير حتي
يسألوك..أو يقدمو ليك أي إتهام
برضو غلط صاح...دي حته تانية؟
أمريكا مربط(ربيط بي سلاسل) ليها ميئات من المتهمين لسنين في كوبا
غريبة أن يحرك حسك الفني..صورة واحد بجلدو فيهو
مقترح اللوحة.....والشعاع الطالع من راس
مضحك أكثر من إنو معبر
لا يستحق الموضوع الي الضجة....ولا قطعة الكنفاس
ولك التحية
| |
|
|
|
|
|
|
|
|
|
Re: خلاص سويتو جيسص (Re: almaskoon)
|
| Quote: لا اعارض فكرك.....ولكن ما تعرض له محمود قانون بلد |
إنت عارضته و إنتهيت يا معلم
| Quote: غريبة أن يحرك حسك الفني..صورة واحد بجلدو فيهو |
غريبة إنها ما تحرك فيك شي ..
Quote: مقترح اللوحة.....والشعاع الطالع من راس
مضحك أكثر من إنو معبر |
رأي برضو و حل إعتبار و تقدير
مشكور على وقتك و على الفيد باك
| Quote: لا يستحق الموضوع الي الضجة....ولا قطعة الكنفاس |
يستحق في رأيي أنا..
مش كانفسي و راسي؟
تحياتي برضو
| |
|
|
|
|
|
|
|
|
|
Re: خلاص سويتو جيسص (Re: fadlabi)
|
ياذول (أسم لكمة ذول دي) أرسم ساي.....وكان ألوانك كملت....تمها كاس
ولكن تبقي القضية ليست في جلد محمود
أتمني أن تتسع مداركك.......وتعتبر دا
مجرد عقاب...بمر بيهو الكثيرون كل يوم
........
ولا يحتاج أن يسيس
| |
|
|
|
|
|
|
|
|
|
Re: خلاص سويتو جيسص (Re: almaskoon)
|
المسكون دي سياسة عديييييل
أسيس ليها شنو تاني
ده دولة قايمة على غير حق المواطنة
و ما فيها احترام للحريات الشخصية
تاني السياسة دي كيف هي؟
| |
|
|
|
|
|
|
|
|
|
Re: خلاص سويتو جيسص (Re: almaskoon)
|
حديثك أخ almaskoon به شئ من الحقيقه ، يعني لو الفنان ( المدرسه ) محمود غنيَ ( هبت ثورة الإنقاذ )
أو ( إتغزلً ) شوية في حكومة الفساد دي ما كان جلدوه وما في زول كتب عنه ولا أُرسلت صورته
عبر الموبيلات ليتداولها الناس ، وممكن كان طلعوا لينا فتوي من فتاويهم العجيبه !!!
لتبرير القبض علي محمود سكران ولا حتي مسطول ولا أي شئ تاني
قلوبنا معاك يا محمود يا فنان رغم كيد الكيزان
| |
|
|
|
|
|
|
|
|
|
Re: خلاص سويتو جيسص (Re: almaskoon)
|
Quote: بريطانيا عندها قانون...محاربة الإرهاب.....إدخلوك في حبس 28 يوم من غير حتي
يسألوك..أو يقدمو ليك أي إتهام
برضو غلط صاح...دي حته تانية؟
أمريكا مربط(ربيط بي سلاسل) ليها ميئات من المتهمين لسنين في كوبا |
..
المسكون اخوي
حقو مانبرر لاخطائنا ...
خلينا نشيل الغرب من دماغنا ونفكر في الصاح لنفسنا ..
| |
|
|
|
|
|
|
|
|
|
Re: خلاص سويتو جيسص (Re: almaskoon)
|
Quote: أمبدة
قلت لي الناس طقعوه و هو أذاهم
فهمك للأذى شنو بالضبط إنت؟
كيف أثر الزول ده على سلامة أو حرية أي زول؟
بس فهمني دي
لو محمود قبضوه سايق عربية بسرعة 180 و هو سكران لكنت أول من طالب بعقابه ( أكيد ليس بالجلد)
لكن تقول لي الناس متوقعينه يغني قام غنى ليهم كعب قاموه طقعوه و جلدوه؟
عجيب و الله |
والله ياخ.. ماعارف أقول ليك شنو؟
على العموم
bye
----
| |
|
|
|
|
|
|
|
|
|
Re: خلاص سويتو جيسص (Re: Muhib)
|
| Quote: محمود بلده و جمهوره هناك |
...
صدقني يمشي ويظل جمهوره في السودان وخارج السودان
ومعظم الفنانين مغتربين وعلي اتصال بالبلد والجمهور..
واشرف له يكون اجنبي يحترمه السودان ويسكر كمان
...
السودان بلد نفاق
وربنا نفسه مااقر الشريعه لكل الشعوب
وما عشان البشر يتمسكوا بيها ..
انها الشريعه لمعرفة الخطيئه وكان لها اغراض
مستقبليه لانو الوحي كان تدريجي ..
...
حقيقي مثل الطالبان لافحين الناس جلد وقطع اوصال
..
| |
|
|
|
|
|
|
|
|
|
Re: خلاص سويتو جيسص (Re: Muhib)
|
في نقاش قصير في شتارة المعايير بين مسطولين :
- انت البشير دا ما يسلم نفسوا للمحكمة الدولية ؟
- يسلم نفسو كيف ياخ ؟ نحن ما موقعين على قانون المحكمة دي
- طيب نحنا ديل موقعين على قانون المحكمة القاعد تجلدنا كل يوم دي ؟
اسي حوتة دا موقع ؟
| |
|
|
|
|
|
|
|
|
|
Re: خلاص سويتو جيسص (Re: قيقراوي)
|
اكتر من تلاتة ارباع الناس الواقفين يحضروا في الجلد ديل بيكونوا بيشربوا و مولانا ابوكرفتة
و الزول البيجلد و الناس الكانو زعلانين في الحفلة و بيطقعوا بالحجار ..ديل بالذات اكيد
كان دافعهم السكر..السكر في السودان منتشر بنسب عالية بين الناس...جات على محمود عبد العزيز.
| |
|
|
|
|
|
|
|
|
|
محمود بطل رغم انف الحكومة وصبيانها .... (Re: سيف النصر محي الدين محمد أحمد)
|
فاضلابي ......
محمود اتجلد في دارفور ... ودي للمهاويس انتصار معنوي كبير ....
الحنك البيش مافي ليهو اي داعي الناس ديل دايرين عليهو سبب .. ولا يمشو يقبضو الناس الفي الخرطوم وعندها بارات جوة بيتوها ....
تعرف انا معاك للطيش يا صاحب ....
اما محمود ...... زاد جمال
وزاد مكانة رغم (طرطشتو ) الأخيرة دي ....
والناس البدافعو عن الحكومة .... اختشو بالله وما تقولوا لي بندافع عن الدين والحنك الطاقي ده .... الحكومة دي ما عندها دين ...
وكلامي ده حا تعرفوهو قريب ...
فاضلابي
لك كل الود وسلامنا للأسرة ..
ابو سولارا..
| |
|
|
|
|
|
|
|
|
|
Re: محمود بطل رغم انف الحكومة وصبيانها .... (Re: Osama Mohammed)
|
سلام فاضلابي
محمود مناضل او غيره انا ما بعرف و لا عاوز افتى فيها
لكنه فنان دى ما فيها غلاط , و انو جلده ده ما كان "اجراء روتينى" بيتطبق على الجميع و انما استهداف لكسره و كسر روحه و تخويف ناس تانية كتيره
للاخ المسكون
Quote: بريطانيا عندها قانون...محاربة الإرهاب.....إدخلوك في حبس 28 يوم من غير حتي
يسألوك..أو يقدمو ليك أي إتهام
برضو غلط صاح...دي حته تانية؟
أمريكا مربط(ربيط بي سلاسل) ليها ميئات من المتهمين لسنين في كوبا |
رغم انو حجة اخطاء الاخرين حجة متهافتة و ضعيفة لتبرير اخطاءك , رغما عن ده القال منو انو الناس ساكتة على المثالين الذكرتهم, الناس العندها موقف مبدئي من قصة الانتهاكات دى عارضو ما يدور فى بريطانيا و في قوانتنامو رغم انها قوانين بلاد حسب كلامك , اوباما كمثال كانت نقطة جوهرية في برنامجه الانتخابي اغلاق قوانتانامو بل ومحاسبة من قام بانتهاكات هناك , و شرع في تنفيذ ذلك و نتمنى تكتمل . الوقوف ضد المظالم ما عندو لون او بلد لو الزول مبدئي ,انتى اصلا محتج على القوانين و الاوضاع دى بسبب بريطانيا و امريكا و لان ضحاياها مسلمين و لا لموقف مبدئي رافض لانتهاكات حقوق الانسان ايا كانت و اينما كانت
بريمة المشبوه لسه بيردد في | Quote: السودان دولة إسلامية تطبق الحدود .. شرع الله. |
مع انو اسياد الكلام ده زاتو خلوهو ... التركى و لا المتورك
و مافي سبب لسحب الصورة خاصة بتبريرات وهمية , الصور حايمة مالية الايميلات و المواقع , و احسن الناس تشوف حقيقة وضعها بدل خداع الذات ده
الحقنا بالرسمة سريع
| |
|
|
|
|
|
|
|
|
|
Re: محمود بطل رغم انف الحكومة وصبيانها .... (Re: esam gabralla)
|
عصام صاحبي
أنا جاي سويسرا شهر تسعة
فأجهز لي يا فردة
و cheers
| Quote: محمود مناضل او غيره انا ما بعرف و لا عاوز افتى فيها |
يا سيدي النضال ده ما ضروري الزول يكون بعرف يحلل سياسة و عنده كتاب .. الزول ده بسلوكه الشايفاه الناس ده أعوج بعمل في نفس عمايل الpunk الغيرت أوروبا و الدنيا كلها
عشان كده أنا شايفه مناضل و punk و روك أند رول ذاتو
مشتاقين
| |
|
|
|
|
|
|
|
|
|
Re: محمود بطل رغم انف الحكومة وصبيانها .... (Re: esam gabralla)
|
الي عصام جبرالله
أنالا أبحث عن حجة أخطاء الأخرين...لتبرير جلد محمود
ولا أري أن الحكومة البريطانية أو الأمريكية غلطانة في الحالتين المزكرين
لأنه قانون..(لضرورة ما)
ووجودك في اي دوله يجب احترام قوانينها
الحكومة غلط......لا أختلف معك
لا تحتاج الي جلدة محمود لإثبات ذلك
هل وضع قانون الجلد قبل سفر محمود الي احياء الحفل؟؟؟
القانون دا ما شغال ليهو سنين....
اليوم صار محمود رمز للصمود..والحرية
يا فاضلابي أرسملك لوحة عن كجبار....ولا النازحين
ولا شهداء رمضان
والله يهونا
| |
|
|
|
|
|
|
|
|
|
رأى الكتاب والسنة! (Re: fadlabi)
|
قال تعالى (يَاأَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ وَالْأَنْصَابُ وَالْأَزْلامُ رِجْسٌ مِنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ) صدق الله العظيم
وفي الحديث عن النبي صلى الله عليه وسلم: ( إذا شرب فاجلدوه ثم إن شرب فاجلدوه ثم إن شرب فاجلدوه ثم إن شرب فاقتلوه)...
السؤال هنا.......عن مجال التطبيق كما قال (ص): { يا أيها الناس إنما أهلك من كان قبلكم أنه كان إذا سرق فيهم الضعيف أقاموا عليه الحد ، وإذا سرق فيهم الشريف تركوه ، وأيم الله لو أن فاطمة بنت محمد سرقت لقطعت يدها } .
| |
|
|
|
|
|
|
|
|
|
Re: رأى الكتاب والسنة! (Re: sourketti)
|
| Quote: وفي الحديث عن النبي صلى الله عليه وسلم: ( إذا شرب فاجلدوه ثم إن شرب فاجلدوه ثم إن شرب فاجلدوه ثم إن شرب فاقتلوه)... |
سوركتي الكلام ده إنت مؤمن بيه؟
| |
|
|
|
|
|
|
|
|
|
Re: رأى الكتاب والسنة! (Re: fadlabi)
|
فاضلابى
أنت ما قاعد تنزل السودان .. ولا شنو؟ ..
أتخيل وصلنى فى الأيميل أنه تم جلده 200 جلده.
وحد الخمر معروف 80 جلدة، لا أدرى 120 الزيادة دى من باب لو سألتم لأزيدنكم ولا شنو؟
بريمة
| |
|
|
|
|
|
|
|
|
|
Re: رأى الكتاب والسنة! (Re: fadlabi)
|
فاضلابى
| Quote: ما فهمت سبب سؤالك ده |
شيئ عادى أى زول يشتبهوا فيه مخمور .. بجلدوه فى الشارع.
هى قوانين الشريعة أن يكف المرء أذاه عن الأخرين.
بريمة
| |
|
|
|
|
|
|
|
|
|
Re: رأى الكتاب والسنة! (Re: sourketti)
|
Quote: و الله مصيبة !!!!
حتى حدود الله ؟؟؟؟ |
who gave you the right to carry out these Hidoud on other people beside yourself?
whatever made you to accept to stop enslaving other people based on the same Book is giving us the right to seek alternative to these Hidoud!
Not every thing mentioned in the Koran or any other Holy Book has to be carried over from century to another.... remember what Omer ibn Alkhatab had done when he canceled a very clear Aya ? I mean the Distribution of the War Spoils...
Please do not tell me he had special rights than other Moslems....
| |
|
|
|
|
|
|
|
|
|
Re (Re: fadlabi)
|
فعلا الصورة مؤلمة جدا لكن دى عقوبة لاحد الكبائر عليها نص شرعى واضح وصريح
اى زول يدين بالاسلام ولو على خفيف او سبق وكان بيدين بالاسلام بيعرف ان الخمر
محرمة فى الدين الاسلامى شئنا ام ابينا اما حكاية السودان غير مؤهل للتطبيق دة موضوع تانى
او ان الناس الواقفين فى الصورة بيكونوا بيسكروا او فى ناس عندهم بارات فى بيوتهم دة تبرير
غير دقيق ولايفيد النقاش
محمود مطرب جميل له قاعدة معجبين عريضة بس ليس بفنان زى الكابلى او محمد الامين
ووردى بيكتب شعر او بيلحن اغانيه اما حكاية مناضل دى ماعرفناها كيف !
للاسف هذه التصرفات يجب ان تشجب خصوصا لو كان مرتكبها شخصية مؤثرة فى قطاع عريض من
الشباب انا بصراحة متعاطف جدا مع محمود لانه تعرض لاهانة جلبها لنفسه لكن الاسوا منها
خزلانه لجمهوره الكان بيتوقع شخص فى كامل وعيه يشجيهم طربا
Quote: لكنه فنان دى ما فيها غلاط , و انو جلده ده ما كان "اجراء روتينى" بيتطبق على الجميع و انما استهداف لكسره و كسر روحه و تخويف ناس تانية كتيره
|
ياعصام جبر الله
طيب يااخى ود اللادو الترزى الفنان بتاع استاد مدنى ماكل يوم مجلود ماسمعناك يوم
دافعت عنه - على الاقل تؤازر اولاد بلدك يااخى
الاخ فاضلابى
انت قلت انك ح تكون ضد محمود لو ساق عربية ليه؟
طيب كيف تضمن انه بعد الطشمة ما يمشى يسوق حافلة الفنانين؟
| |
|
|
|
|
|
|
|
|
|
Re: Re (Re: احمد التجانى احمد)
|
| Quote: شيئ عادى أى زول يشتبهوا فيه مخمور .. بجلدوه فى الشارع |
إنت يا بريمة اولاً ازيك
ثم ثانياً
شرع الله الواحد دة بقوا يطبقوا فيهو الحدود بالاشتباه من متين ؟
قلت لي اي زول يشتبهوا فيهو يجلدوا ؟
بريمة مداخلتك دي هل انت جادي وكدة ولا جادي شديد ولا الحاصل شنو بالضبط؟
فاضلابي انا مشبه عليك بالمناسبة (هاك الاشتباه دة)
| |
|
|
|
|
|
|
|
|
|
... (Re: fadlabi)
|
عارف شئ يا فاضلابى
أول ما شفتا الصورة دمعتا,,!!
وما طالبنى حليفة
إتذكرت "الأصحاب" وحبيبة الجامعة ..إن وجدت..!!
والمواصلات العامة والزحمة وكافتريا علوم
وونسة كوبرا وعربية قرمبوز وايام الخدمة "القسرية"
ولهفة تسمع لى الزول دا
شريط جديد,,,
...
...
أه دُنيا
وكأنه من من وقعو على قانون النظام العام,,!! فى السودان!!
| |
|
|
|
|
|
|
|
|
|
Re: ... (Re: الملك)
|
بعدين يا بريمة الاشتباه دة بكون زي الساعة كم كدة بالله
باقي عندي اصحابي اقول ليهم ما يمرقوا الشارع في (تايم)
الاشتباه .
| |
|
|
|
|
|
|
|
|
|
Re: ... (Re: Tumadir)
|
40 بتاعات اللطة يا تماضر
والاربعين التانيات
20 دمغة جريح
10 كسوة مجاهدين
5 مشروح حضاري
الخمسة الاخيرات ديل بتاعين الاشتباه القالو بريمة دة
ــــــــــــــ
ويمكن العسكري برضو يكرمك بي سوطين تلاتة زيادة خير
| |
|
|
|
|
|
|
|
|
|
Re: ... (Re: خضر حسين خليل)
|
فاضلابي
بريمة دة كان جاء شيل لي منو حقي كاش داون انا ماشي انوم بالـ في راسي
قبال يشتبهوا فينا ! وركز لي بالله معاك علي القصة بتاعت الاشتباه عشان
خاطر صحبانوا البي هناك ! أجارك الله ديل علي قول همولا ما محتاجين إشتباه
زاتوا !
وبمناسبة همولا
هو زول صاحبنا شديد المهم مرة اشتبهوا فيهو في الملازمين وساقوهو بسط الامن الشامل
وهناك فقد محفظتو المهم البواليش شبكوه ليك قول كه قول كه كه كه نظام بختبروا فيهو
عاين ليهم صاحبنا كدة وقال ليهم
لا كه لا أه
أنا سكران عديل
لكن وحاتكم محفظتي دي تمرقوها لي من تحت الواطة
ــــــــــــ
أقول قولي هذا وأتركك مع برنامج الدين النصيحة دة البقدم فيهو أخانا في الله بريمة
| |
|
|
|
|
|
|
|
|
|
Re: ... (Re: الملك)
|
خضر
Quote: إنت يا بريمة اولاً ازيك
ثم ثانياً
شرع الله الواحد دة بقوا يطبقوا فيهو الحدود بالاشتباه من متين ؟
قلت لي اي زول يشتبهوا فيهو يجلدوا ؟
بريمة مداخلتك دي هل انت جادي وكدة ولا جادي شديد ولا الحاصل شنو بالضبط؟
|
أنا مع شرع الله .. لكن 200 جلدة حد الخمر .. دى أنا ما معاها ..
دا شيئ زيادة على اللزوم ..
يا أخى لو لقوك فى الشارع العام .. وعايزين يجلدوك يقولوا
لقيناه فى موضع شبهه .. وتعال شوف .. عينك ما تشوف إلا النور.
زولكم دا لو عايزنه يكتل الكنجمورو خارجوه.
بريمة
| |
|
|
|
|
|
|
|
|
|
Re: ... (Re: fadlabi)
|
والله ديل ناس معفنين بس
والله انا شخصيا
فنان ما بتعاطي ما بسمعوا
والا كان قلت فناني الأول
الجيلي الصافي
عليك الله دي بلد الزول يكون فيها واعي
وعشان شنو
معفنين بس
| |
|
|
|
|
|
|
|
|
|
Re: ... (Re: حبيب نورة)
|
أخ فاضلابي
أتفق معك في أن لا شئ يشين في ثبات محمود
في كتاب اللة لايوجد حد للخمر ....قال تعالي هي رجز من عمل الشيطان فاجتنبوة ولنة لم لم يقل أجلدوا كما هو الحال في الزنا
السودان ليست دولة مسلمة ولكنها متأسلمة وهي بعيدة كل البعد عن الإسلام الحقيقي ....
هذة هرجلة ليس إلا....
| |
|
|
|
|
|
|
|
|
|
Re: ... (Re: Haitham Elsiddiq)
|
سلام للجميع ..
الحد هو تقرير شريعة والشريعة لها شارع هو الله سبحانه وتعالى فأين شرع حد هذه الخمر في شريعته..
نهى عنها نعم وأمر الناس بإجتنابها نعم ولكن لم يقرر لها عقاب محدد فلا يجب أن نفترئ على الله بالكذب ,ذلك لأن الكذب بلسان الله أمقت من شرب الخمر نفسها ..
فلايوجد ما يمكن أن نسميه حد الخمر لأن إستخدام المفردة في حد ذاته هو تقويل ما لم يقل به الله ..
شكري المقدر أخي الفاضلابي ..
| |
|
|
|
|
|
|
|
|
|
Re: ... (Re: Ibrahim Algrefwi)
|
تماضر
Quote: كان 40
البقاهو 80 شنو؟ |
صدقت .. أنا ذهب عقلى لحد الزنا ..
لكن أنا يهمنى تطبيق الحدود .. ليه جلدوه 200 جلده!!
يعنى 40X5
والله شيئ عجيب ..!
لكن برضو أقول الزول دا لازم يلتزم قوانين البلد وإلا يكسح فى بلاد الله الواسعة ..
بريمة
| |
|
|
|
|
|
|
|
|
|
Re: ... (Re: Biraima M Adam)
|
| Quote: لكن برضو أقول الزول دا لازم يلتزم قوانين البلد وإلا يكسح فى بلاد الله الواسعة . |
ده ياخ إفتراء ليس له ما بعده ..
وعندما تقول قوانين يعني أن القول عن دولة لها كل مقومات الشرعية التي تجبر أبنائها على الإلتزام بذلك ,أين هذه الدولة التي تلتزم برعاية أراضيها ورعاياها حتى يلتزم الرعايا بالقوانين وأي قوانين نتحدث عنها هنا؟هل هي تلك التي لاتعرف لها أصل في التشريع أو العرف؟ . ياخي دولة راس نظامها مطلوب بجرائم انسانية هل تطلب انت من احد رعاياها أن يلتزم بقانون مجرم أو يكسح يشوف ليه بلد تانيه وبعدين انت قايل بلد تانية يمكن زي محمود يعيش فيها بعيدة ؟ جنوب السودان ده ما دولة تانية وقوانين ذي دي ما فيها ..
...............
| |
|
|
|
|
|
|
|
|
|
Re: ... (Re: مجاهد عبدالله)
|
أنت ذاتك لو أتيت نفس الجرم .. ح يجلدوك ح تقعد للتنظير ما تجلدونى لأنو ولأنو ..
الأفضل الزول يلتزم قوانين البلد .. حتى يجعل الله أمراً كان مفعولاً
بريمة
| |
|
|
|
|
|
|
|
|
|
Re: ... (Re: Biraima M Adam)
|
يا أخ بريمة تحياتي ..
لايمكن أن تقوم بتسويف الموضوع لذاتي وذاتك , ومحاولة وضعي في خانة تنظير أو غير , هنالك خلل كبير يجب الوقوف عنده وعلاجه وهو مصدر القانون ومبدأ سيادته , لايمكن الحديث عن القانون دون الحديث عن مبدأ سيادة القانون وإحترامه من قبل كل المتعاقدين أو كل المجتمع , في السودان بالذات الدولة لاتحترم القانون والدليل على ذلك الحروب الكثيرة المستعرة والتي أودت براس النظام أن يكون مطلوباً لدى محكمة جنائية . هنا في مثل هذه الحالة أو أي حالة آخري يجب أن ندين الدولة نفسها التي لاتحترم قوانينها وبالتالي تفقد شرعيتها في نظر الكل . أن الإدانة هي ابسط فعل يمكن أن نقدمه حتى ولو كان تنظيراً . وفي حالة محمود هل لك أن تحدثنا عن أي الإجراءات القانونية التي إتبعتها الدولة لتطبيق هذا القانون , فلو نظرت فقط من هذا الجانب أي جانب الإجراءات القانونية فسوف تجد العجب العجاب في عدم إمهال المتهم لممارسة حقوقه القانونية في الدفاع عن نفسه . أن الأزمة التي يعيشها السودان هي غياب مبدأ سيادة القانون وقبلها وهو الأهم غياب الدولة الشرعية نفسها ..
خالص الإحترام ..
| |
|
|
|
|
|
|
|
|
|
Re: ... (Re: مجاهد عبدالله)
|
مجاهد
المشكلة أنتم تنظرون لزول مخالف .. وأنجلد بأنه بطل .. صنديد .. وو
ح يبكى من الجلد ولا شنو؟
يا أخى أنا فى أمريكا لو قلت ليهم دينى يسمح لى نزوج 4 نساء ..
وعايز تتزوج أمراة أخرى .. يقولوا ليك أمش لبلد أخر مارس فيه التعدد لأن قوانين البلد ما بتسمح بذلك.
يا أخى الناس دييل عندهم قانون أسمو الشريعة .. طبقوها صاح خطأ .. هى نظرتهم لتطبيقها ..
يجب أن يلتزم بتلك القوانين أىّ سكارى .. وإلا ينجلد ويأكل جلدتو ويسكت.
بريمة
| |
|
|
|
|
|
|
|
|
|
Re: ... (Re: Biraima M Adam)
|
يعني يابريمة حا نلف كده لحدي متين ياخي في أمريكا هل المجتمع الأمريكي غير موافق على القانون ده وثانياً هل الحكومة الأمريكية غير ملتزمة بالقانون نفسه ؟ يعني إذا راس الدولة اخطأ هل عنده حصانة بتمنعه من المثول امام القانون ؟؟ شايف كيف بتنسف إفتراضاتك بنفسك .. انا اتحدث عن مصدر القانون ومبدأ سيادته وكذلك اتحدث عن شرعية الدولة نفسها متمثلة في من يطبق القانون , حالة محمود أو غيرها هي جزء من أزمة كبيرة يعيشها الشعب السوداني, وما نقوم به هنا فقط هو إدانة هذا الوضع ومحاولة تبصير للأزمة فكن معنا هو ما نبتغيه ولك مطلق الحق في أن تكون ضددنا ولكن لاتقارن بإفتراضات واهية وتعمد لتسويف للأزمة ..
خالص الإحترام ..
| |
|
|
|
|
|
|
|
|
 Re: ... (Re: مجاهد عبدالله)
|
ما فى زول بجاوبك يا مجاهد عبد الله
لانو مافى حد فى القرآن ولا فى السنة يحدد ذلك
واتحداهم.
ضياء
| |
|
|
|
|
|
|
|
|
|
Re: ... (Re: ضياء الدين ميرغني)
|
سلامات استاذ ضياء وأحوالك ..
أعلم أن لا أحد سوف يجيب ولكن عليهم أن يتداولوا السؤال في مخيلتهم عسى ولعل أن يفتح الله عليهم ببعض البصر والبصيرة ..
ودي لك ..
| |
|
|
|
|
|
|
|
|
|
Re: لماذا يطالب الناس بحذف صورة جلد محمود؟ (Re: مصعب عبدالله محمود)
|
Quote: كن برضو أقول الزول دا لازم يلتزم قوانين البلد وإلا يكسح فى بلاد الله الواسعة ..
|
ولدنا بريمه طيب يا اخي ما تبادلوا بامريكا دي .
. يا ناس الحدود ما في حد اسمه حد الخمر .
وفي الثقافه السودانيه قبال تخرمجوها الشراب دا حق الرجال.
في ثقافتنا الما بشرب الخمر الا النساء و فكي الحله .
شيخنا كان يؤم الناس للصلاه وبكتب البخرات والمحايات للسكاري ديل ذات نفسهم وبسميهم المباريك جمع مبروك .
والجلد دا برضو حق الرجال ومحمود واقف وقفه تفرح والله ليهو مني زغروده .
| |
|
|
|
|
|
|
|
|
|
Re: لماذا يطالب الناس بحذف صورة جلد محمود؟ (Re: doma)
|
العزيزة دوما
أنت محرقاك حكاية قوانين الشريعة .. لكن البلد توجهها كده.
الما قادر يلتزم يتخارج .. ويقيف لط من لحظة يركب الطياره .. مافى زول بجيب خبرو.
----------------------
أنا مع الحدود وقوانين الشريعة
بريمة
| |
|
|
|
|
|
|
|
|
|
Re: لماذا يطالب الناس بحذف صورة جلد محمود؟ (Re: Biraima M Adam)
|
| Quote: نت محرقاك حكاية قوانين الشريعة .. لكن البلد توجهها كده. |
والله يا بريمه ولدي عرفتني تب الشريعه دي ما بتندار الا لزول ملائكه وعنده جناحين . بعدين ناسنا ديل واقعين في خلق الله شبط شبطك
يوم مشيت لمحكمه في الحاج يوسف جابوهم بالكومر دخلوهم للقاضي ودقائق جابوهم جلدوهم وفيهم واحد مضروب وعينه وارمه وحالو بالبلاء تصدق برضو جلدوه والنساء اظن البائعات برضو جلدوهن هن باركات والرجال واقفين
يا اخي دي عمليه غير انسانيه يا اخي فيها اهدار لكرامه الناس وانسانيتهم .
| |
|
|
|
|
|
|
|
|
|
لماذا يطالب الناس بحذف صورة محمود؟ (Re: fadlabi)
|
أنا مع حق محمود في إنو يشرب ويتسطل ويعمل الدايرو
هو وراسو أحرار
ولا يمكن أقر تطبيق الحدود دي في يوم من الإيام
لأنو ما في زول مؤهل إنو يطبق حد من حدود الله في خلق الله
إلا يكون هو في روحو دي نبي
ويضمن لي إنو عمرو وأكرر عمرو:
لا زنى
لا شرب
لا سب دين "كمؤدي للخروج من الدين"
ودي مستحيلة في الشعب السوداني الأنا بعرفو ده ..
من ناحية تانية:
الحرية الشخصية دي زاتا عندها "حدود"
قاعد في بيتكم أشرب لمن تريّل
مع أصحابك إتسطل أقيف ديك
البيسألك غلطان
لكن شوييييية إحترام لجمهورك بيتخليك تكون متوازن في شرابك
وحريص على إنك ما تريق ماء وجهك وإحترام الناس ليك بالطريقة دي
ياخ إعتبر روحك ماشي مكان عمل
أي نعم غناي وأي شي
لكن في النهاية الغنا ده أكل عيشك
في زول بيمشي مكان عملو سكران؟
محمود الفنان
أسكر يا ود أمي
أسكر لامن تقول بس
لكن لكل شئ حدود !!
| |
|
|
|
|
|
|
|
|
|
Re: لماذا يطالب الناس بحذف صورة محمود؟ (Re: تيسير عووضة)
|
تيسير
خالص التحايا لك ..
والله يا تيسير .. أكاد أكون قرأت معظم مكتبتك منذ أن تعرفت على قلمك ..
لم أجد مداخلة أنك أخرجتى فيها ما بجوفك مثل هذه المداخلة ..!!
دفوعاتك تشيئ بكثير من العاطفه نتيجة لمنظر الصورة والجلاوزة الجلادين.
لكن يبقى الحكم حكم .. ويطبق على الجانى .. والزول ثبت أنو سكران ..
مهما كنا ضد الكيزان برضو نقول طبقوا القانون الذى وضعوه.
ولا شنو؟
بريمة
| |
|
|
|
|
|
|
|
|
|
Re: لماذا يطالب الناس بحذف صورة جلد محمود؟ (Re: fadlabi)
|
تعرف أنا أكتر حاجة مزعلاني شنو!! اللابس كرفتة وواقف كأنو بحكم على بن لادن!!! تعرف ده النوع البكون هو ذاتو بلطط وبتونس في قعدة سكر بي إنو جلد محمود عبد العزيز!!!! ملعون أبو التنقاضات !! الشريعة دي بتطبق لمن محمود يسكر والحرامية البسرقو في البلد ديل بجاهدوا في سبيل الله ولا شنو!!
أمير
| |
|
|
|
|
|
|
|
|
|
Re: لماذا يطالب الناس بحذف صورة جلد محمود؟ (Re: Ammir Mohamed)
|
Quote: السلام عليكم
قال الشيخ العثيمين رحمه الله في شرحه للأربعين - حديث 30 :
أنه لا يجوز تجاوز الحد في العقوبات، فالزاني مثلاً إذا زنا وكان بكراً فإنه يجلد مائة جلدة ويغرّب عاماً، ولا يجوز أن نزيد على مائة جلدة، ونقول يجلد مائة وخمسين مثلاً، فإن هذا محرم.
فإن قال قائل: إذا اقتصرنا على مائة جلدة ربما يكثر الزنا، وإذا زدنا يقل؟
فالجواب:أأنتم أعلم أم الله؟ وما دام الله عزّ وجل فرض مائة جلدة فلا نتجاوزها، بالاضافة إلى تغريب عام على خلاف بين العلماء في ذلك، هل يغرب أو لا، لأنه ثبت بالسنة، والخلاف في هذا معروف.
ومن هنا نعرف أن عقوبة شارب الخمر ليست حداً، ولا يمكن أن نقول: إنها حد فلو كانت حداً ما تجاوزها عمر والصحابة رضي الله عنهم،
ثم هناك دليل آخر من نفس القضية، لما استشار عمر الصحابة رضي الله عنهم ، قال عبد الرحمن بن عوف:يا أمير المؤمنين أخف الحدود ثمانون،ويعني بذلك حد القذف.
ولو كانت عقوبة شارب الخمر حداً لكان أخف الحدود أربعين، وهذا شيء واضح، لكن - سبحان الله - الفقهاء - رحمهم الله - يرونه حداً، وعند التأمل يتبين أن القول بأنه حد ضعيف، ولا يمكن لعمر رضي الله عنه ولا لغيره أن يتجاوز حد الله عزّ وجل.
------------
وقال في شرح العقيدة السفارينية:
واختلف العلماء في الخمر هل عقوبته حدٌّ أو تعزير ؟
والصحيح : أنها تعزير ،
ويدل لذلك ما يكاد يكون إجماعاً من الصحابة ،
حيث إنه لما كَثُرَ الناس في شرب الخمر جمع عمر رضي الله عنه الصحابة واستشارهم ماذا نصنع ؟ فقال عبدالرحمن بن عوف : يا أمير المؤمنين أخف الحدود ثمانون يعني فاجلد شارب الخمر هذا الجلد فأمر به عمر فارتفع إلى ثمانين جلدة [73] ،
وهذا يكاد يكون كالإجماع لأنه يقول : أخف الحدود ، يعني أن عقوبة الخمر ليست حداًّ ،
ويدل لذلك أيضاً : أنه لو كانت عقوبة الخمر حداًّ ما كان لعمر أن يغيرها ، { تلك حدود الله فلا تعتدوها } ( البقرة 229 ) ، ولهذا لو كثر في الناس الزنا نسأل الله العافية ،
هل نزيد المائة جلدة إلى مائتين مثلاً ؟
لا ، لا يمكن الحدود لا تُزاد ،
وهذا يدل على أن عقوبة شارب الخمر ليست من الحد ،
لكن المشهور عند أكثر العلماء : أنها حد |
منقول للفائدة
| |
|
|
|
|
|
|
|
|
|
Re: لماذا يطالب الناس بحذف صورة جلد محمود؟ (Re: نادر)
|
Quote: لكن ركزته و رفعة رأسه دي مخلياه زي الجالدينه في عرس جعليين قدام
بنات حلوات مشلخات و بزغردن
و محولة الموضوع كله للعكس |
بلة كان بسكر...ولما ما يلاقي حفلة ينجلد فيها
بمشي لي ناس نقطة البوليس...يقول ليهم...تعالو
طلقوا ايديكم في الضهر العشاري...دا...
فالجلد عند الجعليين كان بي سكر كان بدون سكر
لا ينظر اليه كأهانة او مذلة يا فاضلابي...
وانا انظر اليه في ضهر محمود كذلك...
| |
|
|
|
|
|
|
|
|
|
Re: لماذا يطالب الناس بحذف صورة جلد محمود؟ (Re: nazar hussien)
|
فاضلابي يا غالي..
ســلامات وإحترامات من هنا لغاية عندك..
سؤال: إنتو الشريعة دي ما فيها حد للبيقتل؟ يحرق؟ يغتصب؟
هل إنحصرت الحدود في شرب الخمر ومباراة الفنانين والناس الغلابة (يعني أبًان كروش ودقون معفيين أو الشريفين في رواية أخرى)
محمود إتجلد.. هل عم الخير والسلام والنماء دولة السودان الإسلامية العظيمة...؟
كرور الإنقاذ وما يفعله لن يعفيه مما هو آت..
شكرا فاضلابي
رجا وهي متضامنة مع أجمل وأعلى إحساس للناس الغلابة
| |
|
|
|
|
|
|
|
|
|
Re: لماذا يطالب الناس بحذف صورة جلد محمود؟ (Re: Raja)
|
| Quote: ومن هنا نعرف أن عقوبة شارب الخمر ليست حداً، ولا يمكن أن نقول: إنها حد فلو كانت حداً ما تجاوزها عمر والصحابة رضي الله عنهم، |
شكراً أستاذ ابراهيم ..
وليت الناس تعرف ذلك جيداً حتى لايذهبوا دون علم للتدخل في أمور الشارع ويفترؤن على الله الكذب وليعلم الناس والمجتمعات الإسلامية أن تقرير هذه العقوبة جاء بعد مشورة في زمن لم يكن متطور فيه العلم أو وسائل المعالجات لمثل الكثير من الإشكاليات , وهذه العقوبة هي مفهوم واقع محدد ومرحلة زمنية محددة لها رجال ومقام وذلك كان مقالها , ولابد من مقالنا وليس إجبار واقعنا على تكرير فترات زمنية مندثرة ..
| |
|
|
|
|
|
|
|
|
|
Re: لماذا يطالب الناس بحذف صورة جلد محمود؟ (Re: مجاهد عبدالله)
|
فاضلابي يا قريبي..
الفنان محمود عبدالعزيز مُستهدف من النظام منذ أن اعلن إنضمامه للحركة الشعبيَّة، وتطبيق حد الخمر عليه هدفه الحقيقي إذلاله وليس تطبيقاً لحد من حدود الله، هم أولى بأن يُطبق عليهم، ولكن هي المتاجرة بالدين وسط هذا الشعب الخانع والبليد..
ولكن يا فاضلابي محمود عبدالعزيز فنان غير مسؤول ولا يُقدر جمهوره، الآلاف يتدافعون عطشى لرؤيته وسماعه، و محمود جاييهم ما شايف قدامو؟؟ ياخ دي أنانيَّة غير مُبررة كلو كلو..
| |
|
|
|
|
|
|
|
|
|
Re: لماذا يطالب الناس بحذف صورة جلد محمود؟ (Re: Raja)
|
Quote: من ناحية تانية:
الحرية الشخصية دي زاتا عندها "حدود"
قاعد في بيتكم أشرب لمن تريّل
مع أصحابك إتسطل أقيف ديك
البيسألك غلطان
لكن شوييييية إحترام لجمهورك بيتخليك تكون متوازن في شرابك
وحريص على إنك ما تريق ماء وجهك وإحترام الناس ليك بالطريقة دي
ياخ إعتبر روحك ماشي مكان عمل
أي نعم غناي وأي شي
لكن في النهاية الغنا ده أكل عيشك
في زول بيمشي مكان عملو سكران؟
محمود الفنان
أسكر يا ود أمي
أسكر لامن تقول بس
لكن لكل شئ حدود !! |
ده اجمل ... واعقل كلام اتكتب ... تيسير عووضه الله يديك العافية
الشخصيه العامه غير باقى الناس .. واحترامك لجمهورك هو احترام لعملك ولشخصك
تسكر ماتسكر دى حاجه بينك وبين ربك وهو البيحاسبك عليها .. لكن تجى حفل عام .. واكرر عام
وانت ماقادر تقيف عشان تغنى فى نفس الوقت انا دفعت قروشى ووزمنى عشان اجى اسمع واستمتع
بعدين الجمهور ده ماعاقب محمود بعقاب اقسى من الجلد لو محمود بيفهم .
فى فنان بيرضى الجمهور يفلقو بالحجاره وهو واقف بيغنى فى المسرح ؟؟؟؟
مسيرة محمود الفنيه اعتقد انها كانت حتكون اروع بكتير واخصب مما هى عليه الان لولا " تصرفات محمود الطائشه "
لا يمر عام الا ومحمود مجلود او مكشوش او مسجون ؟؟
بعدين انا شخصيا اول مره اسمع محمود كان فى نهاية الثمانينات وهو حالق صلعة اخرجوه من الاصلاحية
للغناء فى تلك المناسبة .. يعنى ده ماجديد على محمود .
| |
|
|
|
|
|
|
| |
fadlabi
Biraima M Adam
وليد محمد المبارك
خضر حسين خليل
awad okasha
ombadda
بشير حسـن بشـير
اسعد الريفى
Tumadir
معاوية عوض الكريم
انور التكينة
Muhib
almaskoon
مها عبد الله
كمال عكود
قيقراوي
Osama Mohammed
sourketti
احمد التجانى احمد
الملك
حبيب نورة
Ibrahim Algrefwi
ضياء الدين ميرغني
doma
ابراهيم قناوي
Saber Abdelhadi
nazar hussien
Raja
Yassir Tayfour
برير احمد إبراهيم
الجيلى أحمد
فيس بوك
تويتر
انستقرام
يوتيوب
بنتيريست