|
دعواتكم لزميلنا المفكر د.الباقر العفيف بالشفاء العاجل
|
|
 Re: نجوم اركان النقاش في نشاط الجامعة في ذلك الزمان...!!! (Re: عبدالكريم الامين احمد)
|
عندما افتت لجنة القبول القومية و وزعت جموعنا للذهاب الي قاعات جامعة الخرطوم سنة 1985
بدا جيلينا كجيل لا ادري هل حظوظه سيئة ام حسنة ولكن الشاهد باننا طلينا مع نسمات ذهاب الطاغية الرعديد جعفر نميري وانتفاضة ابريل وبدايات الديمقراطية الثانية....
ولكن الجانب الذي غاب ولم نجد له اثرا هي الاركان الشهيرة للجمهوريين بقيادة الشهيرين دالي والقراي
وكان قد تسربت في ليالي الاشواق من الذين سبقونا سخونة ودسامة هذه الاركان.... وبحضورنا كان الشهيد محمود محمد طه قد اعدمه جعفر نميري وغابت روحه وغابت معها اركان الجمهوريين التي كم تتوق الفرد منا لحضورها...
| |
 
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: عبدالكريم الامين احمد)
|
من الذاكرة
الاتجاه الاسلامي
1-صديق محمد عثمان (واعتقد بانه عضو في هذا المنبر)
2- محمد ابراهيم واذكر انه طالب في كلية الاقتصاد
3-حاج ماجد اقتصاد
4-حاج ماجد اداب
5-التجاني المشرف
6- علي عبدالفتاح
7-متحدث زائر بصورة بدات روتينة الشهيد محمد طه محمد احمد
9- الذاكرة تخونني في احد المتحدثين من الاتجاه الاسلامي كان عالي الهدو والرزانة وملتحي بلحية خفيفة
واركانه كانت تعج بالحضور (بشوية ريفرش للذاكرة ممكن نذكر اسمه لاحقا)
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: shaheen shaheen)
|
Quote: اتمنى انصاف المهندس عادل سيد احمد .. نجم الجبهة الديمقراطية فى ذلك الوقت .
فهو يستحق الانصاف لدوره فى الحركة الطلابية |
هلا يا شاهين
وحبابك
وحق صديقي الجميل عادل سيد احمد مابروح هدرا
فعادل وغيره من الكثيرين الذين كانو يثرون الحراك السياسي نقاشا واحداثا محفورين في الذاكرة
ولن ننسي تلك الايام...
وتحياتي للاخ عادل بكان ماهو قاعد
فهو اخ وصديق عالي الجمال وثوري كبير
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: عبدالكريم الامين احمد)
|
موتمر الطلاب المستقليين
وهنا تطل سيرة الدكتور المتحدث البارع احمد القرشي
(ومقولته الشهيرة عن الكيزان يفوقون سوء الظن)....
لاحقا وقبل خروجنا ظهر المهندسس محمد فاروق سليمان ابن الدويم كمتحدث زي الصاعقة باسم موتمر الطلاب المستقليين
....
صلاح شعيب من جبهة كفاح الطلبة متحدث لا يشق له غبار ومحاور بارع وزانق تاريخي للكيزان
(تري اين هذا الانسان الرائع)... بالاضافة الي امين سيد مختار
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: shaheen shaheen)
|
- | Quote: احدي الاخوات كانت نضامة خلاص (ريفرش لقدام |
)
ربما تعنى الاستاذه زينب عباس-- كليه القانون ....
** نسيت الاستاذ عبد الطيف كليه الاقتصاد الذى كان يمتاز بالهدوء والادب اثناء النقاش
** لم يبرع طلاب الاداب ككوادر خطابيه وقتها رغم قرب النشاط من كليتهم لكن اذكر الطالب محمد احمد ابو زوايد ذاك المتحدث البارع الذى يتداخل كثيرا وقتها فى الاركان التى يقيمها الكيزان معارضا واشد ما يشد المستمع اليه يومها لهجه دار حمر " بفتح الحاء والميم" التى كان يتحدث بهاوهى لهجه شاعريه وجذابه جدا تشبه زخات المطر على سقف البيوت فى الليالى وقد تسربت بصوره ما الى الاذن السودانيه عموما عبر بعض اغنيات صديق عباس وعبد الرحمن عبد الله وعبد القادر سالم ...
*** محمد جلال هاشم كان يقيم كذلك اركان حتى بعد تخرجه مثل محمد طه محمد احمد مع اختلغف موقعيهما
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: طارق الكوتش)
|
Quote: يالها من ايام يا كيكى
وكثير منهم و برغم الاختلافات السياسيه
كان الاحترام المتبادل وتقديس الزماله
شكرا اخى و صديقى كيكى على هذا البوست التوثيقى
وحنكون معاك اذا اسعفتنا الذاكره |
يا الكوتش ياخي
ومشتاقين...
وكانت ايام رائعة يا الكوتش
احداث واركان ومظاهرات وصداقات ...
وخليك قريب ياخي لزوم نعنشة الذاكرة
باقي الجلكنة خشت يا صديقي
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: عبدالكريم الامين احمد)
|
Quote: الكوز يا احمد السنيت انا اسمو اتخيل لي كان في الاداب
وطيلة سنين الجامعة ما شفت متحدث كوز من الاداب الا ابودقن داك
وحاج ماجد |
ربما تعنى واحد اسمه دفع الله وهذا يمتاز كذلك بالهدوء الشديد والادب وكذلك فى كوز تانى من الاداب اسمه على عبد اللطيف مشكلته كان طالع فى الكفر و " كيسو فاضى" لذا لم يستمر طويلا ككادر خطابى لانه كان بتزنق شديد جدا فى الاركان مع ملاحظه ان التنظيمات بالجامعه كان بتحدد بدقه من يتداخل من كوادرها فى الاركان مناقشا خصوصا عندما يكون المتحدث فى ركن الجمهوريين دالى لانه كان يصعب كسر شوكته بحكم سعه اطلاعه ومهاراته فى الحديث ....
| |
|
|
|
|
|
|
|
|
 Re: نجوم اركان النقاش في نشاط الجامعة في ذلك الزمان...!!! (Re: SHIBKA)
|
أخوكم إبراهيم عبد الحليم دفعة صاحب المنتدى بكرى ابوبكر 1984
أذكر انذاك طالب الطب اعتقد اسمه د. محمد الجميعابى اتجاه إسلامى كذلك أذكر الأنتفاضة
واعتقد غير ناهد جبرالله بنت عضو مجلس قيادة الثورة بابكر النور
وكذلك اذكر محمد طه محمد احمد اتجاه إسلامى
إبراهيم عبد الحليم
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: إبراهيم عبد الحليم)
|
Quote: أخوكم إبراهيم عبد الحليم دفعة صاحب المنتدى بكرى ابوبكر 1984
أذكر انذاك طالب الطب اعتقد اسمه د. محمد الجميعابى اتجاه إسلامى كذلك أذكر الأنتفاضة
واعتقد غير ناهد جبرالله بنت عضو مجلس قيادة الثورة بابكر النور
وكذلك اذكر محمد طه محمد احمد اتجاه إسلامى |
هلا يا ابراهيم وحبابك يا سنيرنا...
واووع كنت قاعد تقعد مع بكري ابو صلعة ده في (ضهر التور)..
لانو بكري ده كان ساكن سكنة في ضهر التور بتاع اداب ده ماعارفو كان بفكر في سودانيز اونلاين ده
ولاقاعد يعمل شنو هههههه
والجميعابي طبعا لمن جينا لقيناهو اتخرج
لكن الكيزان كانو بجيبو في اوقات الكعات...
ناهد جبرالله ايووه كانت بتاعة اركان ولكن بنت بابكر النور دي ما اتذكرتها..
انتو يا ابراهيم قدامنا بسنة احنا 85
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: SHIBKA)
|
.
.
كيكي العزيز
من أشهر الكوادر الخطابية في الجامعة كادر الجبهة الديمقراطية محجوب .
وكان في واحد تاني من الجبهة الديمقراطيةإسمه علي موسى ، وإتزوج زميلة كمان أيام الجامعةلكن ماكان حريف .
الحركة الإسلامية كان أشهر متحدثيها محمد المجذوب وعبيد الله و الناجي وياسر أبوشوك في طب .
أتذكر كان في واحد من الحركة الإسلامية زول متشوبر ومابعرف يتكلم كويس إسمه الطيب عبد الله من قانون أتذكر محجوب كان ببشتوا بشتنة السنين :)
المحايدين كان في واحد إسمه أبو الوفاء من إقتصاد .
كانت أيام ياوطني :(
.
.
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: ALazhary2)
|
Quote: من أشهر الكوادر الخطابية في الجامعة كادر الجبهة الديمقراطية محجوب .
وكان في واحد تاني من الجبهة الديمقراطيةإسمه علي موسى ، وإتزوج زميلة كمان أيام الجامعةلكن ماكان حريف .
الحركة الإسلامية كان أشهر متحدثيها محمد المجذوب وعبيد الله و الناجي وياسر أبوشوك في طب .
أتذكر كان في واحد من الحركة الإسلامية زول متشوبر ومابعرف يتكلم كويس إسمه الطيب عبد الله من قانون أتذكر محجوب كان ببشتوا بشتنة السنين :)
المحايدين كان في واحد إسمه أبو الوفاء من إقتصاد .
كانت أيام ياوطني :( |
هلا يا ابو الزهور
واحنا اتعاصرنا يا ازهري في الجامعة لاني حضرت الناس ديل كلهم وعلي موسي اتخيل لي كان طالب اداب
الاتجاه الاسلامي فرخ متحدثين كيشة كثير خلاص (انا ماعارف لييه) مع انو كان فيهم ناس مكربين شديد,,,
المحايدين طبعا كان عندهم متحدثين امام الطلاب مميزين
ابراهيم باخت
اسامة ادريس
وصحبي خالد شيخة قبل ما ينسخت ويبقي كوز هههه
واخريين كثر اتمني من الاخوان ممارسة الريفرش معانا..
بالاضافة طبعا الي حاتم رئيس الاتحاد كان يتحدث بثقة وادب عالي
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: SHIBKA)
|
Quote: واحنا في فترتنا من اشهر المتحدثين كان محمد فول
وخالد عويس كان بشوت الكولينغ (ديل ناس الامة)
في من طب شيراز او شهرزاد ما اذكر تحديدا
من زراعة كان في هيثم (الاتحاد الديمقراطي)
من زراعة كان الكولينغ لرامي جعفر من المحادين لكن ما متذكرة كان البعمل الركن منو
ديل الاتذكرتهم هسة لغاية ما اعمل ريفرش واجيكم |
هلا يا شبكة حبابك وحباب اجيال ام نخيل
ويبدو ان جليكم ده ورانا شديد وياريت كمان نذكر السنوات عشان نوثق للشباب والشابات ديل
ونديهم جزء من حقنا عليهم..
شيراز دي ياربي الاخت شيراز ابنة الشاعر العظيم محمد عبدالحي
لانو اخوها وضاح كان الدفعة الوارنا طوالي...
...
ومحمد فول ده بالله الكان محمد عادل داقي ليهو نوبة قبل كم فترة ياربي
وتحياتي العالية للاخ الجميل خالد عويس
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: صلاح ليون)
|
عبد الكريم الأمين
والله سبقتني بي دقائق بس
خلاص كنت قررت أعمل بوست بنفس المضمون ولكن بعنوان
مقارنة بين المنتدى ده وأركان النقاش في النشاط
طبعا نحن حضرنا ايام الفترة الذهبية 80-85
دالي والقراي ود/معتصم
محمد طه و صديق الزيلعي
وطبعا ركن "عمر أومو" المتخصص في الثقافة الجنسية
وصديق الأصم حق الكورة وفريق الموردة
لنا عودة بعد اجترار الكثير من الذكريات
ولابد من المقارنة مع المنتدى ده
مشكور عبد الكريم
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: الشفيع وراق عبد الرحمن)
|
Quote:
عبد الكريم الأمين
والله سبقتني بي دقائق بس
خلاص كنت قررت أعمل بوست بنفس المضمون ولكن بعنوان
مقارنة بين المنتدى ده وأركان النقاش في النشاط
طبعا نحن حضرنا ايام الفترة الذهبية 80-85
دالي والقراي ود/معتصم
محمد طه و صديق الزيلعي
وطبعا ركن "عمر أومو" المتخصص في الثقافة الجنسية
وصديق الأصم حق الكورة وفريق الموردة
لنا عودة بعد اجترار الكثير من الذكريات
ولابد من المقارنة مع المنتدى ده
مشكور عبد الكريم |
هلا يا الشفيع وحباب ناس الزمن الجميل
واقترح انو نلم جهودنا فالهدف واحد والذكريات اتية من نفس ذلك النهر الجميل ..
وانتو استمتعو بالجمهوريين وناس صديق الزيلعي وديل جينا لقينا سيرتهم ...
وبالله صحبي عمر اومو ده كان قاعد من زمنكم داك..(اركانو دايرة ليها حجاب في الاضان)
وبالتاكيد يا الشفيع هنالك مساحة واسعة للمقارنة ما بين هذا المنتدي واركان النقاش
وان اختلفت الوسائل الا ان التقاطع بينهم كثيرا وملحوظ
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: ALazhary2)
|
Quote:
أعراض زهايمر مبكر :)
.
|
هههه
بيني وبينك زهايمر تقيل وماعارف اتحرفنا كيف وقدرنا نتذكر الناس ديل...
يا ابو الزهور الجامعة دي دخلنا سنة 85 وبالله ما تسالني اتخارجت منها سنة كم
لاني بكون قعدت فيها زي ديشلون سنة كده هههه
...
ناس حزب الامة زولها التمام كان اسمو (عبد النبي) وبتاع علوم..
والناس الكيشة ديلك الزول ما بحضر ليهم من اول باص باصين بتعرف القصة مكوجنة
فساعتها بتقرر ساعتها تمشي تحضر ليك محاضرة تشوف الهندسة دي بتقول شنو هههه
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: ALazhary2)
|
Quote: غايتو يا أزهري إتلومت لوم السواد مع كيكي، هسع كان في داعي تحرج الراجل جنس الأحراج ده :)
كيكي ياجميل ياخي والله الجامعة دي لو كان في طريقة كان لحدي هسع الواحد يكون قاعد فيها ومايطلع منها كلو كلو . |
هلا يا ازهري
وياخي مافي احراج والكلام ده كبناهو انا وصحبك خليل في بوست اليوم الحار الما بندار كلو
الدروينغ العملها فينا وكل حكاوي السنتين التي راحت مع الريح..
وهي تجارب وتاريخ يا ابوالزهور نعتز بيها كثيرا لانها بالتاكيد ورغم كل شي اضافة لينا كثير ياخي..
وبالجد بعد السنين ده تكتشف بان الامور ما حتكون زابطة لو ما مشيت المحطات بجميلها وشينها...
1991 غادرت سفننا اروع الامكنة وتركنا امكنة وشخوص واصدقاء وعالم ياخي كان مدهش ورائع بالجد
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: عبدالكريم الامين احمد)
|
ساطع محمد الحاج
عن رابطة الطلبة التاصريين وعضو اللجنة التنفيذية لاتحاد الانتفاضة..
ساطع لم يكن يبرع في الحوار بقدر مقدراته الخطابية للجماهير
فكان بإمكانه إخراج مظاهرة منتصف الليل من البركس
يمكننا كذلك تصنيف بقية الكوادر الخطابية للتنظيمات (طبعا نحن جيل وراكم شوية)
من الجبهة الديمقراطية برز الحاج وراق ونزار-شفاه الله- في أركان الحوار..أما في المخاطبات فكان مامون سيد أحمد
مؤتمر المستقلين أحمد القرشي في أركان الحوار...عمر الدقير وابراهيم الشيخ للمخاطبات
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: haleem)
|
يا كيكي سلامات
يا خي الفصاحه دي كلها وطلعت من جيل ال 85 في الجامعة
اما المقوله
Quote: وهنا تطل سيرة الدكتور المتحدث البارع احمد القرشي
(ومقولته الشهيرة عن الكيزان يفوقون سوء الظن).... |
فهي مقولة للأستاذ محمود محمد طه
بان كل ما تسئ الظن في الأخوان المسلمون تجد انهم يفوقون سوء الظن العريض, هذا ما لزم تصحيحه, الغريب في الأمر لقد استخدمت هذه العبارة في هذا المنبر اليوم عدة مرات و في بوستات اخري ممكن بسيرش باسمي تجد الأستخدامات المتكرره
فعلا لقد افتقدتم فترة مؤسسي الأركان دالي و القراي, فلقد كانت فترة مليئة بالدايلكتيك
لك جل تحياتي
لطفي
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: Abu Eltayeb)
|
Quote: فهي مقولة للأستاذ محمود محمد طه
بان كل ما تسئ الظن في الأخوان المسلمون تجد انهم يفوقون سوء الظن العريض, هذا ما لزم تصحيحه, الغريب في الأمر لقد استخدمت هذه العبارة في هذا المنبر اليوم عدة مرات و في بوستات اخري ممكن بسيرش باسمي تجد الأستخدامات المتكرره
فعلا لقد افتقدتم فترة مؤسسي الأركان دالي و القراي, فلقد كانت فترة مليئة بالدايلكتيك
|
هلا يا ابو الطيب
وبعد السنين والقعاد القعدناهو في اركان نقاش الجامعة لو ما اتفاصحنا
قصتنا بتكون بايظة ومفروض نرجع من اولي برليم ههههههه
تخيل وصفت جيلنا بسوؤ الحظ كوننا لم نحضر اركان ناس الدالي والجمهوريين الرهيبة التي كان يحكون لنا بها..
واحنا ناس الجامعة دي ما شفناها الا لمن جيناها طلاب وكانت رهاب رهاب بالنسبة الينا..
وعشان كده ثقافة جيلنا في الفكر الجمهوري قليلة واعتمدت في الكثيرين علي الجهد الذاتي والاطلاع
...
احمد القرشي كان بقول المقولة دي بطريقة مميزة ومضحكة لذا ارتبطت في الذاكرة به
وهو متحدث بارع وله اركان مشوقة لمن يجي من مجمع الطب الي السنتر
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: قيقراوي)
|
Quote: يا ازهري 2 شكلنا دفعة
و عشان ما تعقد كيكي نحن استلمنا الراية منهم و عاصرناهم فترة التسليم اكيد غايتو لو ما طلعت مريت ايرج ام نخيل في الفترة 1991 - 1996 تكون بالغت |
هلا ياقيقا
وحبابك ياخي
وفعلا انتو الجيل الورانا طوالي...
وابوعفان صديقي الجميل قاعد متواجد في الدوحة وهو زمن جميل يمشي علي قدمين...
ازهري ده بكون برلومنا بالتاكيد وشايفو كابي الزوقة من حكاية سنوات الدخول دي..(اعترف يا ازهري والا لقوقلناك) هههه
ود المناقل يا قيقراوي اعتقد بانو كان تبع الحزب الاتحادي الديمقراطي وكان متحدث جيد ياااخي وصبور في النقاش....
وشيراز محمد عبدالحي لها التحية والله
وانا من ما شفت البوستات بتاعتها عرفتها بوستات زول مكرب وعارف نقاشو كويس
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: amar adam)
|
| Quote: انا كنت كادر شنو؟؟؟ عمار محمد ادممن1981 حتى 2001 عشرين سنه (خبره)؟؟؟؟؟؟؟؟؟ |
اووووه عمار العتيق
وسلامات
يازول هوووي انت كنت كادر (كعات) كبير هههه
وجهوري الصوت يا عمار وعندك (الله اكبر) لمن تقولها كانت طيور اشجار النشاط بتفرتق من اثر الصدي...
ويا عمار حكايتك كانت عجيبة خلاص
سنة(اووف) وسنة (اووون) وماعارف كنت قاعد تمشي وين وبتجي ظاهر بعد غيبة...ههههههههه
تحياتي
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: amar adam)
|
| Quote: انا كنت كادر شنو؟؟؟ عمار محمد ادممن1981 حتى 2001 عشرين سنه (خبره)؟؟؟؟؟؟؟؟؟ |
الاخ عمار
سلام
اذكر انك كنت تشارك بانتظام فى اركان النقاش كمناقش ومحاور.
احيانا تكون حادا فى النقاش الى حد بعيد
لم تكن تلتزم فى كل الاوقات بالخطاب الرسمى للاتجاه الاسلامى
دا ال سمحت بيهو الذاكرة
تحياتى
محمد مهاجر
دفعة علوم 82-87
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: haleem)
|
Quote: ساطع محمد الحاج
عن رابطة الطلبة التاصريين وعضو اللجنة التنفيذية لاتحاد الانتفاضة..
ساطع لم يكن يبرع في الحوار بقدر مقدراته الخطابية للجماهير
فكان بإمكانه إخراج مظاهرة منتصف الليل من البركس
يمكننا كذلك تصنيف بقية الكوادر الخطابية للتنظيمات (طبعا نحن جيل وراكم شوية)
من الجبهة الديمقراطية برز الحاج وراق ونزار-شفاه الله- في أركان الحوار..أما في المخاطبات فكان مامون سيد أحمد
مؤتمر المستقلين أحمد القرشي في أركان الحوار...عمر الدقير وابراهيم الشيخ للمخاطبات |
مرحب يا حليم
وانتو الدفع القبلنا طوالي
لانو احنا لمن جينا كان اتحاد الدقير انتهت دورته..
ولكن حضرناه في مخاطبة وكان متحدث بارع ويتحدث بحماس ثوري مهيب...
ساطع والحاج وراق ايضا لم نعاصرهم ولكن برضو شفناهم في مخاطبات طلابية واركان نقاش عقب التخرج
واجمل اللقات هي التي تجمع كل التنظيمات السياسية في مخاطبة واحدة وساعتها بتحس بان هنالك منافسة
بين المتحدثين لالهاب حماس الطلاب
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: عبدالكريم الامين احمد)
|
أصدقائي
المتحدثون الرئيسيون في جامعة الخرطوم في فترة التسعينيات:
حزب الأمة:
محمد الباقر
ثم جيل:
فتحي حسن عثمان (مادبو)
محمد فول
حسن إسماعيل
عمر تقراي
مهدي عبدالرحمن
شاهيناز عثمان
وشخصي الضعيف (وهذا للتصحيح فقد كنت كادرا خطابيا)
وأتى بعدنا (وعاصرنا) محمد حسن التعايشي
الاتحادي الديمقراطي
أيمن خالد
يوسف الهندي
سليمان
الجبهة الديمقراطية:
محمد الأشرف
ياسر النضيف
شيراز (وهي ابنة الشاعر محمد عبدالحي فعلا)
عبدالوهاب بوب
الحركة الإسلامية:
المرحوم علي عبدالفتاح (غايتو أنا عاصرته)
عمار
ناجي عبدالله (أحيانا)
المحايدين:
اسماعيل وادي
خالد علي الخليفة
مدني عباس مدني
مؤتمر الطلاب المستقلين:
محمد فاروق
فايز الشيخ السليك
بكري الجاك
الـ ANF
شول - على ما أذكر -
وأحيانا: رمضان
أنصار السنة
لؤي - كان الكادر الأبرز لهم في كل الجامعات
وربما فاتت على بعض الأسماء..الصديقان محمد أشرف وبكري الجاك والصديقة شيراز كلهم أعضاء هنا ويمكنهم اضافة أسماء أخرى
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: خالد عويس)
|
Quote: حزب الأمة:
محمد الباقر
ثم جيل:
فتحي حسن عثمان (مادبو)
محمد فول
حسن إسماعيل |
محمد الباقر
دفعة و البطري محمود (كلونق)
بالمناسبة اين ود الباقر و صحبي محمود
وبعدين في فترة الماجستير عاصرنا
فول
فول اخطر كادر خطابي انصاري مر على مجمع شمبات واعتقد الجامعة كان بيزنق الكيزان
وبعدين
اذكرك بركن تحت اللبخة كن المتحدث فيه فول و قبيل نهاية الركن عينك ما تشوف الا النور
هجوم شرس من حملة السيخ و الطوق و كادوا ان يفتكوا بفول و بشخصك لولا تدخل
الكوز المجاهد انذاك مين عبد عبد الحميد ما عارف
اعتقد الان يعمل في في صحيفة خال الرئيس
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: علاء الدين صلاح محمد)
|
شكراً عبد الكريم علي انعاش هذه الذكريات
من متحدثين الجبهة الديمقراطية ابراهيم فتح الرحمن ( كلية الزراعة)
و هو يتميز بسخرية شديدة و اذكر يوم كان قاعد معانا في الكلية
و كان طلاب معمار ينظفون في كليتهم
و طبعاً ناس المعمار معروفين انهم انظف طلاب و طالبات في الجامعة لبس كيف و عطور
من اجود الانواع
علق ابراهيم فتح الحمن قائلاً:(( يا جماعة الحقوا الزملاء هناك و يقصد ناس
(الجبهة الديمقراطية) لو يحموهم(أي دخلوهم الحمام) كويس بس ما يقشوهم مع الوساخة))
التحية لابراهيم و الاعتذار لزملاء المعمار
و شكراً عبد الكريم
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: Hamid Elsawi)
|
عبدالكريم
حامد الصاوي
سلام
والله البوست دا فتح ذكريات!
يا حامد، ابراهيم فتح الرحمن كان ساكن معاي في الغرفة لما كنت انا في سنة خامسة
وهو كان ورانا بسنة، انا ما زلت استغرب من اين ياتي بالمعلومات الدقيقة جدا التي
يقولها في الاركان، كان يذاكر الكورس مرة واحدة و يقعد يشرح للناس التقول كان ساكن
في المكتبة!
اظرف تعليق سمعته عنه كان من رجاء القاضي قالت لي: انت عارف ابراهيم دا حقو يجمدو في ركن
ويختو في المتحف!
انا كنت بعمل الكولينق في شمبات مع حسن عطية لارهاب الكيزان، ما حدش يهود ناحيتنا!
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: Mohammed Ibrahim Othman)
|
Quote: والله ياكيكي النشاط دا انا متابعه من صغري ..
كنت بجيء لأختي باداب قرب النشاط..
كوادر النقاش من مختلف الاحزاب.. ديل عالم تاني من المتعة ..
قدرة على الفصاحة والبيان ..
تفحص نقاط الضعف في كلام الطرف الثاني .. |
هلا يا ابو حميد
ومشتاقين يا رجل
وفعلا النشاط كان متعة والشباب كانو نابحين ولك واحد فيهم علم فوق راسه نار
وقمة المتعة عندما تقترب الانتخابات والليلة القبل التصويت الجامعة دي بتتحول الي حاجة تاني..
لقدام ممكن نتونس ايضا عن الجرائد الحائطية وتوزيعاتها وايام تركيبها والاحداث التي جرت في امام بورد الجرائد الشهير..
وممكن ندلف لجريدة اخر تسطيح بتاعة الشهير احمد شندي
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: Mohammed Ibrahim Othman)
|
كيكي ازيك:
لما دخلنا الجامعه كانت شيراز عبد الحي
ألمع نجوم أركان الجبهه الديموقراطيه
كنا برالمه بنمشي بشارع المعقدين بينما
تمشي شيراز بثقه وقوه في منتصف المين رود
وخلفها بمسافه كوادر الجبهه
كانت أركانها تكتظ بكافة التيارات السياسيه
الكل يود أن يستمع لخطاب شيراز القوي
وشجاعتها وجرأتها
تحياتي لشيراز
فقد تعلمنا منها دون أن نعرفها أو تعرفنا معني قوة الشخصيه
والثقه في النفس ..
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: mahmed alhassan)
|
Quote: كان مــن أشهر المتحدثين
أبوضفيــرة
الاعجاز في القران الكريم (لغة الارقام ) 0
أكثر ركن جماهيري للشهيد المرحوم محمد طــه محمد أحمد 0 |
هلا يا محمد
ويا سسلام علي ابو ضفيرة ياخي..
ركن باصرار عالي وجدية ومتحدث فعلا كان بارع ومصادم لايشق له غبار
وقيل بانه صراعه بداء مع الجمهوريين وياريت الاخوة الذين عاصروه قبل غياب الجمهوريين يورونا كيف كان ابو ضفيرة...؟؟
لانو لمن جينا كان عندو الاعجاز القراني والرقم ثلاثة عشر
وعامل فيهو شغل بحماس وعندو ندوات ايضا شهيرة في قاعة 102 ... حضر ليهو زي كم ندوة كده
ولكن الشاهد بانو كلامو كان عضم ومعقد
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: Hamid Elsawi)
|
Quote: و طبعاً ناس المعمار معروفين انهم انظف طلاب و طالبات في الجامعة لبس كيف و عطور
من اجود الانواع |
هلا يا حامد
ومشتاقين ياخي والشافك شاف بالتاكيد ذلك الزمن الجميل
وناس المعمار ديل المقولة اعلاه بتكون (فلد) وحقيقة لو شلنا منهم
هشام سليمان
وابو الجيب
وياسر موسي ههههههه
وتحية في حضورك ياخي للجميل عادل سيد احمد ومجتبي محسي وووليد ابوعاقلة ووليد زكريا
وابو بكر عثمان وعثمان الشين وعييييييييك شلة من اجمل الناس علي الاطلاق
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: خالد عويس)
|
| Quote: وربما فاتت على بعض الأسماء..الصديقان محمد أشرف وبكري الجاك والصديقة شيراز كلهم أعضاء هنا ويمكنهم اضافة أسماء أخرى |
شكرا يا خالد علي هذه الاضافة الشحمانة من نجوم زمانكم
وجميل كون بعض منهم متواجد في هذا المنبر فدي فرصة حتي يضيفون الكثير من حكاوي وقصص ذلك الزمان..
ووتاريخ الجامعة نتمني ان ينتبه اليه الكثير من المهتمين والموثقين ففي ردهاتها جرت احداث عديدة ومر بها طلاب موثرين
ونتمني ان نقراء بحوث علي شاكلة(تاريخ النقاش والجدل الطلابي) في هذه الجامعة ومنذ بدايتها
سيكون هذا الامر منصفا للكثيرين
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: عبدالكريم الامين احمد)
|
ياخريجين جامعة الخرطوم
ام الجامعات كانت وما زالت
فعلا شيراز هي ابنة الشاعر محمد عبد الحي
ومحمد فول هو نفس الزول الكان بتكلم عنه محمد عادل هنا قبل فترة
اما خالد عويس لك العتبي على ضعف الذاكرة لكن بتذكر انو عدي عبد الفتاح كان بغني ليك
الودعو ورحلوا جنب كافتيريا عدلان بس لي هسة ما عارفة ليه كان بقول ليك كدا
كيكي الفترة دي كانت في نهاية التسعينات لغاية 2002
ما بعرف بي وراي حصل شنو
لكن بتذكر واحنا في خامسة وجايين من لاب كيمياء لقينا جوطة وتورتات وشمع وقراطيس(بلبسوها في الراس في اعياد الميلاد)
المهم سالنا في شنو قالوا عيد ميلاد زميل (ديل كانوا من الدفع القرت لغاية تامنة ودخلت العالي طوالي)
مع العلم في نفس اللحظة كان في كولينغ للجبهة الديمقراطية بتذكر
المهم تعجبنا من الموضوع ومن حال الجامعة الحيكون
والتعليق الاول الورد من زميلنا
انو يعملوا لركن نقاش لمنو
لناس عيد الميلاد ديل..!!!
والجامعة اتغيرت
وانا في الدراسات العليا بشوف الطلبة ما ياهم طلبة زمان ولا حياتهم الطلابية زينا زمان
ويجوا القبلنا يقولوا لينا انتو ما شفتوا شي
ودا حال الدنيا
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: SHIBKA)
|
Quote: لكن بتذكر واحنا في خامسة وجايين من لاب كيمياء لقينا جوطة وتورتات وشمع وقراطيس(بلبسوها في الراس في اعياد الميلاد)
المهم سالنا في شنو قالوا عيد ميلاد زميل (ديل كانوا من الدفع القرت لغاية تامنة ودخلت العالي طوالي)
|
سبحان المغير الاحوال..
قالوا زمان في شيوعي كبير اسمو صلاح الزين طالب بفصل احدي الاخوات الحنكوشات من التنظيم لانها عملت عيد ميلاد وجابت تورتة..
اخر الزمن التورتات يحومو بيها شوارع الجامعة..
ياخ حليلك يا ابراهيم دقل...
دقل ده مهندس مساحة الان من اولاد القضارف وماشاء الله طويل وعريض ودشن..
مرة في واحدة حنكوشة عزمتو اسكريم في الكافتيريا..
اها الناس لبدت ليهو ومع كل ملعقة بياكلها من الايسكريم كان الكافتيريا كلها
بتصفق وبتصفر وبقولو ووووووووووو
ووووووووووو
لحدي ما الايسكريم انتهي
ههههههه
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: عبدالكريم الامين احمد)
|
كيكي ..
شبكة دي شكلها دفعتنا سنة 94 لأنو الوقت داك فعلاً كان المتحدث الأبرز في الجامعة هو محمد فول ..
ومحمد فول ده زول بتاع نقه مبالغ فيها و بذكر مرة ركن بتاع كيزان بجهزو ليهو أسبوع كامل جاء أستلمو محمد فول زي الما حصل حاجة لمن السيخ ظهر !!!
شيراز دي كنا بنحضر الركن بتاعها سماحة ساكت بس والله بتقول في شنو ما عارف للآن !!
الي الآن يا كيكي ما قابلتني كادر جبهة ديمقراطية شينة السر شنو في كده يا معلم و أنت الخبير في هذا المجال؟؟
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: SHIBKA)
|
ياكيكى ...
لااميل للاطلاق كثيرا ..لكن فى حالة محمد فول وحسن اسماعيل
يمكننى أن اقول انهم الابرز فى تاريخ الحركة الطلابية
فى حزب الامة ..مقدرات خطابية عاليه ومقدرة على التحليل
والاقناع تفوق أعمارهم فى ذلك الوقت ..ومحمد الاشرف الاكثر
تهذيبا والابعد عن المهاترات و مقدرات خطابية عالية ..
مؤتمر الطلاب ا لمستقلين كان يضم كوادر خطابية متميزة
وبكثرة ..محمد فاروق وبكرى الجاك وفائز السليك
وجعفر بشير وآخرين ..فى الحقيقة تنظيم قادر على انجاب المتميز
من الكوادر ... قررربت انسى عماد الامين كادر الجبهة
الديمقراطية بكلية الطيب دا زول برضو ماساهل
ومقدراتو مميزة ..
دى مداخلة سريعة ياكيكى ..كان فى زمن بنجى نفصلهم ليك
واحد واحد و(نفككهم) كمان ..
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: محمد عبدالرحمن)
|
ياخ امانة مااتلومت ..نسيت ايمن خالد ومحمد السنى
كوادر الحزب الاتحادى المتميزة .. تميز فى الخطابة
وفى ا لسلوك ..اولاد بلد حقيقيين ..تحياتى ليهم
اينما كانوا ... وناصف بشير بشير كادر حزب
البعث المحبوب من الجميع والاكثر حضورا ..
التحية ليهو ..فقد كان يعانى من مرض خبيث
كان بيننا تواصل وانقطعت اخباره عنى ..
اتمنى أن يكون قد تماثل للشفاء ...
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: محمد عبدالرحمن)
|
محجوب حسن حماد 88 سكول
الديامي الأنيق .. المتحدث اللبق
جمعتني معه صداقة في سنة البرلم
حيث شاءت الصدف أن نسكن في غرفة معاً
كان يُدير أركان النقاش بحنكة ويظل
يدور ويدور حول الكرسي وهو شاهراً أصبعه
في وجه الجميع متحدياً ..
كثيراً ما دارت بيننا نقاشات في الغرفة
واختلفنا واتفقنا وكثيراً ما كنا نختلف
ولكن دام الود بيننا..
أين أنت الآن يا صديقي؟؟
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: محمد عبدالرحمن)
|
عبد الكربم سلام
بوست جميل و ينشط فينا الذاكرة لتلكم الايام
بس نسيت واحد مهم جدا
الأستاذ ابو ضفيرة صاحب الرقم 13 و امير جماعة المؤمنين.
مرة من المرات كنا مارين و كان معانا الأخوة الظرفاء من ابناء مدني خطاب عبدالله و سعد محمد علي ، و وجدنا ابو ضفيرة و كان يقيم ركنا.
طبعا وقفنا نتفرج و نسمع و كان موضوع الركن تفسير الاية الكريمة من سورة المائدة 45 "و من لم يحكم بما انزل الله فأولائك هم الظالمون" صدق الله العظيم.
المهم ابو ضفيرة في نهاية الركن قال انه لا مخرج للأمةالإسلامية سوى ان يبايعوه أميرا للمؤمنين.
قام صاحبنا خطاب طوالي قال ليه: يا مولانا نبايعك هنا و إلا تحت الشجرة؟
زولك حدر لي خطاب حدرة طويلة جدا و لكنه واصل في كلامه.
بعداك ا إفتكرنا إنو الموضوع إنتهى.
تصدق يا كيكي الزول ده كلما نمر بيه و يشوف خطاب يحدر ليهو و كلنا لاحظنا هذا الامر.
بالمناسبة ابو ضفيرة ده مقتنع بي كلامو 100% و مستعد يقاتل فيهو.
أذكر في 18 يناير 1986 إقيم اول تابين للأستاذ محمود محمد طه "عليه رحمة الله" في نادي الاساتذة و كنا من ضمن الحضور و عندما بدأ الإحتفال إذا بأبي ضفيرة من وسط الحضور يكبر و يقذف بالكراسي و معاهوا واحد ضخم و كبير الجثة ملامحه تدل انه من طلاب غرب افريقيا الذين يدرسون في السودان.
اهها يا كيكي لازم تفرد لينا مساحة لابي ضفيرة.
و بعد ما تكمل البسوت برضو افتح واحد بي إسلوبك "علي القسمات" عن مجانين الجامعة في ذلك الزمن الجميل.
*********************
مبروك الترقية و دي المحرية فيك.
تحياتي
عمار يس
عاشق بخت الرضا
سدني استراليا
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: Ishraga Mustafa)
|
من الطرائف الجميلة عن ركن إبراهيم فتح الرحمن
طبعاً شجرة النشاط كانت مقر الأركان ، وتم قطعها
بحجة أن عميد كلية أداب شكى من إزعاج هذه الشجرة التابعة لهم إدارياً
والقريبة منهم جغرافياً، وقد تم نقل الركن لشجرة اخرى ، وقد تم قطع ذات الشجرة ، وعندها اطلق زميلنا عصام النقر نكتته المشهور--
" إبراهيم دا كما إتخرج السنة دي بكمل شجر الجامة كلوا"
ولا ننسى خنساء الكارب كمان
بنتواصل معاكم
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: سيف بخيت موسي)
|
Quote: من الطرائف الجميلة عن ركن إبراهيم فتح الرحمن
طبعاً شجرة النشاط كانت مقر الأركان ، وتم قطعها
بحجة أن عميد كلية أداب شكى من إزعاج هذه الشجرة التابعة لهم إدارياً
والقريبة منهم جغرافياً، وقد تم نقل الركن لشجرة اخرى ، وقد تم قطع ذات الشجرة ، وعندها اطلق زميلنا عصام النقر نكتته المشهور--
" إبراهيم دا كما إتخرج السنة دي بكمل شجر الجامة كلوا"
ولا ننسى خنساء الكارب كمان |
مرحب يا سيف وحبابك وحباب حكاوي وطرائف الزمن السمح,,,
وخنساء الكارب دفعتنا وهي جيل احمد عثمان عمر والعبيد من ناس قانون..
وكانت زولة ثورية وشفتها في ركن ركنين وكانت ايضا الاخت الهام عبدالخالق في نفس الفترة والكثير من الاخوات المميزات في اهتمامهن بالعمل السياسي في الجامعة
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: ريهان الريح الشاذلي)
|
| Quote: ههههههههههههههههة عليك الله كان كادر خطابي ؟؟ معناتو الركن حقه الحشد الف ..ياخي ده نباذ جنس نبذ ركنه بكون متعة عدييييل |
اتخيلي يا ريهان بكل اسف الزول ده كان ركنجي كبير..
قبيل كنت في التلفون مع محمد عبدالرحمن وسالني نفس السؤال قلت ليهو ايووه
ولكن اصبر لي لو عملت ليهو اشاعة بانو اركانو كان اركان اشاعة سااااااكت لوووووووول
....
عصام بصراحة كان مميز واركانه مرتبة
وانا بكون طالبو حسع زي ديشليون لكشر كده ح اخلصهم منو كاش حتي لو وسطت للموضوع صلاح البندر هههههه
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: Ishraga Mustafa)
|
Quote: انت من زمن ناس نزار ابو دقن وعصام جبرالله وابراهيم فتح الرحمن...
قلت لىّ عمرك كم؟ قلت لىّ فى يداية الاربعينات؟ قصص والله |
هوووي يا اشراقة هوووي انا ود متين هههه
الناس ديل لمن جينا اولي كانو كباااار وبتفاصحو في النشاط
ونزار ده حضرنا سنة واحدة تاني اختفي
عصام جبرالله ده دفعتنا لكن بكون ربت زي ديشليون سنة كده في مدني الثانوية هههههه
وابراهيم فتح الرحمن برضو كان ماشاء الله كبيررررر وبكون دفعة بدر الدين احمد موسي الفوووق دااااااك
ههههه
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: Ishraga Mustafa)
|
Quote: انت من زمن ناس نزار ابو دقن وعصام جبرالله وابراهيم فتح الرحمن...
قلت لىّ عمرك كم؟ قلت لىّ فى يداية الاربعينات؟ قصص والله |
هوووي يا اشراقة هوووي انا ود متين هههه
الناس ديل لمن جينا اولي كانو كباااار وبتفاصحو في النشاط
ونزار ده حضرنا سنة واحدة تاني اختفي
عصام جبرالله ده دفعتنا لكن بكون ربت زي ديشليون سنة كده في مدني الثانوية هههههه
وابراهيم فتح الرحمن برضو كان ماشاء الله كبيررررر وبكون دفعة بدر الدين احمد موسي الفوووق دااااااك
ههههه
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: عمار يس النور)
|
شكرا كيكي على التوثيق للناس الذين تفرقوا في الارض واحتوتهم المنافي,
Quote: الاتحاديين
طالب اعتقد بانه في القانون وبالاضافة الي الاخت مني فاروق,,, |
نعم يا كيكي كان المتحدث الرئيسي للطلاب الاتحاديين من كلية القانون في نهاية الثمانينات وبداية التسعينات,
شكله كيف الزول دا يا كيكي ؟؟
بالإضافة لمنى فاروق من شمبات وعزت من هندسـة ومحمد عثمان الفاضلابي وغيرهم كثير
كان النشاط مزدهر جدا في تلك الايام
أحمد الشايقي
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: أحمد الشايقي)
|
شكرا عبد الكريم الأمين
أنا دخلت جامعة جوبا أخريات 1984م، ولكن علاقتي مع جامعة الخرطوم قديمة وخصوصا النشاط من زمن دالي
فقد كان صديقي الرشيد كردم (مساحة) مهووسا بالنشاط
وعندما طردتنا الحرب من جوبا استقبلتنا جامعة الخرطوم كلية العلوم قسم الجيولوجيا بكل ترحاب
بكري أبو بكر كان أمامنا بسنة
ورغم درش دكاترة الجيولوجيا إلا أنني لم أكن أفوت أي سانحة لحضور ركن نقاش وخصوصا أحمد القرشي
غادرنا جامعة الخرطوم في أخريات العام 1991م.
جامعة جوبا طبعا كان لها نشاطها العريق والعتيق وكان لها كوادرها الخطابية
واذكر منهم على سبيل المثال لا الحصر :
جماعة الدعوة الإسلامية :
محمد صديق (طب)
عابدين فضل المولى (تربية)
عبد الإله كنه (طب)
الجبهة الديمقراطية:
طه كروم (طب)
محمد حلا (تربية)
أروب
جون كايرو
إنعام محمد علي (اقتصاد)
عبد اللطيف (اقتصاد)
نوال كامل
حمزة حجاج
مؤتمر الطلاب المستقلين
زاهر عبد الرحيم
المرحوم أبو زيد عبد الله قبل أن يتحول للكيزان.
جعفر دفع الله
الحاكم
عبد الرحمن (اقتصاد)
حزب الأمة
حمزة سليمان
عبد العزيز روبرت
بشير ليما تقلي (طب)
رضا منصور (تربية)
حزب البعث
محمد عثمان أبو طويل
عبد العظيم الحلبي (شندي)
رابطة الطلاب الجنوبيين
كويل
وآخرين
رابطة الطلاب الاستوائيين
نسيت
الجمهوريين
عبد الله عابدين (طب)
آسف لإدخال جامعة جوبا ... لكنه جيلنا جيل الانتفاضة
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: أحمد الشايقي)
|
Quote: نعم يا كيكي كان المتحدث الرئيسي للطلاب الاتحاديين من كلية القانون في نهاية الثمانينات وبداية التسعينات,
شكله كيف الزول دا يا كيكي ؟؟
بالإضافة لمنى فاروق من شمبات وعزت من هندسـة ومحمد عثمان الفاضلابي وغيرهم كثير
كان النشاط مزدهر جدا في تلك الايام
|
ياا احمد الشايقي
بس اوووع تقول لي..؟؟؟
يبقي فعلا السودان ده ضيق خلاص..وتكون انت يا احمد هو ود القانون القاصدو انا...
متحدث قووي ومنظم وعالي التحضير وزول وجيييييييه كده ومربوع القامة كده.....
وفرصة ياخي نحي الجميل المهندس عزت مهندس اسطوري وود هندسة علي اصولها وفنان كبير...
...
طبعا من الدفع القدامنا ضروري نحي في الاتحاديين ود اهلي (محمد ابراهيم)
عضو اتحاد عمر الدقير ولكن ما اعتقد بانو كان بتاع اركان نقاش ولكنه كان قيادي كبير في الطلاب الاتحاديين
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: عمار يس النور)
|
Quote: أذكر في 18 يناير 1986 إقيم اول تابين للأستاذ محمود محمد طه "عليه رحمة الله" في نادي الاساتذة و كنا من ضمن الحضور و عندما بدأ الإحتفال إذا بأبي ضفيرة من وسط الحضور يكبر و يقذف بالكراسي و معاهوا واحد ضخم و كبير الجثة ملامحه تدل انه من طلاب غرب افريقيا الذين يدرسون في السودان.
اهها يا كيكي لازم تفرد لينا مساحة لابي ضفيرة. |
هلا يا عمار يس
ومشتاقين يا دفعة.... دفعة طويلة الاجل وخدمة طويلة ممتازة (النيل الابيض والجامعة وعييييك) وعثمان الشين بالله وابو الطيب ومعاوية محي الدين
وكل اهل الدويم الطاعمين ياخي....
ابو ضفيرة كان رهيب وزولو الماكن الجابو معاهو اليوم داك فعلا كان زول مخيف وجهامة شديد
وانا شفتو برضو معاهو في كم مرة كده...
ويبدو انو ابو ضفيرة عندو ارتباطات وصداقات مع اخريين بستعين بيهم وهم من خارج الجماعة...وبالتحديد في المركز الاسلامي الافريقي ههههه
...
لقدام يا عمار فعلا ممكن نشوت بوست نتكلم عن صحبي عمر اومو وميرغني وبابكر وعثمان وصديق واخريين كثر من الذين كانو يجوبون طرقات الجامعة ويثرون لحظاتها وهم غير طلاب وبهاليل كبار
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: محمد عبدالرحمن)
|
Quote: لااميل للاطلاق كثيرا ..لكن فى حالة محمد فول وحسن اسماعيل
يمكننى أن اقول انهم الابرز فى تاريخ الحركة الطلابية
فى حزب الامة |
والله يا محمد تصدق
شهيتونا ركن لمحمد فول ده..
والاسم ده بصراحة زن في راسي من ما شفتو في بوستات محمد عادل
ولكن ماعارف ليه اتخيلتو زول كبير وعجوز..
ولكن بحديثكم الباهر عنه بالجد تمنيت ان يرجع الزمن لوراء ونسمع لمحمد فول ده...
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: SHIBKA)
|
Quote: خالد
انت دفعة قدام خالد عويس
وانا ورا خالد عويس
لكن اتلاقينا في الجامعة |
شبكة
فعلاً أنا الدفعة القدام عويس وكده معناها أنت دفعة ناس فريدة عبد السلام و إعتدال خليل و أميمة على و تغريد المبارك و بقية الشلة دي مش؟
تعرفي أنا دفعتكم دي بعرف فيها ناس أكتر من دفعتنا زاتو؟؟ أكيد بكون بعرفك بس طبعاً بدون الاسم الحقيقي صعب الزول يعرف
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: خالد عبد الله محمود)
|
Quote: شبكة
فعلاً أنا الدفعة القدام عويس وكده معناها أنت دفعة ناس فريدة عبد السلام و إعتدال خليل و أميمة على و تغريد المبارك و بقية الشلة دي مش؟
تعرفي أنا دفعتكم دي بعرف فيها ناس أكتر من دفعتنا زاتو؟؟ أكيد بكون بعرفك بس طبعاً بدون الاسم الحقيقي صعب الزول يعرف |
انا ياخالد بعد دفعتين من عويس
يعني الاسماء الذكرتها دي ممكن تكون الفرقة الثالثة لاني ما عرفت منهم زول
من دفعتي شباب كان عدي عبد الفتاح ومعتز والشاذلي غابات
من البنات كان في سوزان عبد الله وريم عمر وندي ابو عشر واللي اتزوجت من دفعة ناس عويس
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: SHIBKA)
|
| Quote: ولا ننسى خنساء الكارب كمان |
وماجدولين عبدالرحمن..
وطارق التقى فى كلية التربية, كنا بنستعين بيهو فى كلية البنات ايامها
---------
النقول ليك معلومة يا عبدالكريم انو جزء من تربيتى التنظيمية وكاكادر خطابى فى مجال الاسلامية
كانت على يد نزار ضمن ايادى تانية, الله يطراهم بالخير
اما ابراهيم - ود جيرانا- واول من غذى عقولنا بالقراءاة والاطلاع
واتعلمنا منو الفصاحة رغم انو الفرق بينا شهور فى العمر
زمن والله...
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: SHIBKA)
|
هلا شبكة ..
فعلاً بعرف ندي أبوعشر وناس تانين كتار بس الأسماء شوية رايحة لي ... كبرنا و كده 
تعرفي في واحدة من دفعتكم دي عاملين فيها عملية لمن حنينا عليها بعد داكـ ..
لما كنا في خامسة كنا قاعدين في بنش تحت اللبخة ومعاي واحد زميلنا أسمو أنس مالك و أنس ده شكلو صغير يعني لو قالو ليك في سادسة إبتدائي بتصدقي, هي جات مفتكرانا برالمة لأنو كان البرالمة يادوب جايين و هي البت بقت في تانية قامت قالت لينا زحو لي أقعد يا برالمة؟ طبعاً نحن ما صدقنا عملنا ليك فيها برالمة كلو كلو ... البت دي 3 ساعات بتحكي لينا عن الجامعة و بتورينا نسكن وين و ناكل في ياتو كفتريا و لفت بينا القاعات دي كلها و مفتكرانا برالمة لما جاء واحد من دفعتنا بعرفها قال ليها ياخ ديل معانا في خامسة و يلا البت فتحت بكاء وتاني بقينا في البسكتا لينا ..
غايتو كان يوم .البت نسيت أسمها لكن هي من بنات دنقلا على ما أذكر الله يطراها بالخير محل ما موجودة
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: SHIBKA)
|
ياخ بصراحة البوست بقي متعة
والاجيال لاعبة ماتش كبير ونهر الزكريات شكلو هاطل زي المطر..وشبكة وخالد ون تو يجنن
ولايزال البوست طفلا يحبو... واتفتقت الذاكرة لحاجات بالجد مدهشة..
يعني يا جعفر مع سيرة المهندس كردم اخو مهندس المساحة حيدر الراس فتح وززززززن كده اتذكرت بانو احنا قرينا سوي في النيل الابيض الثانوية وبعرفك بالحيل...
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: خالد عبد الله محمود)
|
| Quote: الي الآن يا كيكي ما قابلتني كادر جبهة ديمقراطية شينة السر شنو في كده يا معلم و أنت الخبير في هذا المجال؟؟ |
هلا باو خلد
وياخي مالك داير تدخل خالك في كركبة مع الجماعة العندهم (مطوة قرن غزال) ديل
يقومو يجقدونا ساكت مع باقي البوست ده
بصراحة كخبير سابق جكسهم كان سماحة تقول ياليل
والشينة فيهم ديك زاااتو تلقاهو منضمة وجندر وشنوشنو ومنطق..
فعشان كده البستان ملان وبشيلو من طرف وبدربو وبفكوهم يمنطقو ليك البشرية دي
....
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: عبدالكريم الامين احمد)
|
Quote: انت من زمن ناس نزار ابو دقن وعصام جبرالله وابراهيم فتح الرحمن...
قلت لىّ عمرك كم؟ قلت لىّ فى يداية الاربعينات؟ قصص والله |
هوووي يا اشراقة هوووي انا ود متين هههه
الناس ديل لمن جينا اولي كانو كباااار وبتفاصحو في النشاط
ونزار ده حضرنا سنة واحدة تاني اختفي
عصام جبرالله ده دفعتنا لكن بكون ربت زي ديشليون سنة كده في مدني الثانوية هههههه
وابراهيم فتح الرحمن برضو كان ماشاء الله كبيررررر وبكون دفعة بدر الدين احمد موسي الفوووق دااااااك
ههههه
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: عبدالكريم الامين احمد)
|
جامعة الجزيرة علي الخط
نحن دخلنا سنة 97 سنة الإجازة الشهيرة بتاعة الجهاد
كان من أشهر الكوادر التي عاصرناها
يونس جبهة كفاح الطلبة
ناصر علي الجبهة الديمقراطية
وائل خلف الله ج د ثم حق
عصمت الدسيس ج د ثم حق ثم حزب أمة
الصديقة هنادي فضل ج د
ياسر فتحي حزب أمة
قريب الله محمد الحسن الحزب الإتحادي
ولاء الدين ناصريين
عبد الله الشيخ ناصريين
بدر الدين البارون جبهة كفاح الطلبة
أواه حركة إسلامية
معتز بلال حركة إسلامية
بيلو من الفاشر حركة إسلامية
مجاهد عبد الله ناصريين
عماد إتحاديين
ثم دفعتنا
مجدي برلوم مستقليين
الشفيع ج د
محمد حسن العمدة حزب أمة
ميمي ج د
عبد الله حاج حمد ناصريين
خالد طوكر ج د
وشخصي المتواضع ناصريين كان
وف واحد من حق قرا طب الإعدادية وبحري الحكومية وهو من بحري قبليها كان جد (نسيت إسمو)
في المنبر في من خريجين جامعة الجزيرة كتير ممكن يضيفو
هنادي فضل - مجاهد عببالله - تاج الدين عبد الله ادم - خالد طوكر - محمد حسن العمدة....الخ
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: عبدالكريم الامين احمد)
|
في شمبات كان برضو عندنا :
اسامة بشير
"ابليس" عضو اتحاد الانتفاضة، جبهة ديمقراطية، واحد من اكثر طلاب الجامعة اناقة حينها
ولانه كان ابوه مغترب كان بجيب حاجات تعجز الناس. لما مشينا سنة تانية ما كانت عندي اي ارتباطات
سياسية سكنت في الطابق الخامس في داخلية اركويت و جيراننا كانوا ناس اسامة بشير و كمال "soil"
من الجبهة الديمقراطية. اول يوم الكيزان جوا ينورونا بالحاصل، قالوا لينا ناس الغرفة رقم تلاتة
ديل شيوعيين و بسكروا في اوضتم و كمان بالصباح. الصباح مشينا الحمامات لنتجهز لليوم الدراسي، فعلا
كانت في رائحة قوية جدا تنبعث من الغرفة تلاتة، واستمر الحال لفترة، لغاية ما بنيننا معاهم علاقات
ووجدنا انه اسامة بستعمل لسترين- مادة لغسيل الفم وقتل الجراثيم- فعرفنا ضلال البروباغاندا!
:ان هناك ايضا:
حاج سعيد
كان شاب متصوف يحمل عصى بنفس سلوك ابوضفيرة، يعمل ركن منتظم و يتحدث في الدين و السياسة، فجاة
انقلب واصبح بتاع خلط وبهجة ما عارف اين موقعه من السياسة الان.
عبدالرحمن محمد علي
من كوادر الكيزان، كنت اعتقد انه فاهم ومعقول، كان ايضا يقيم اركان في النشاط بالجامعة
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: Badreldin Ahmed Musa)
|
عبدالكريم
سلام
Quote: هوووي يا اشراقة هوووي انا ود متين هههه
الناس ديل لمن جينا اولي كانو كباااار وبتفاصحو في النشاط
ونزار ده حضرنا سنة واحدة تاني اختفي
عصام جبرالله ده دفعتنا لكن بكون ربت زي ديشليون سنة كده في مدني الثانوية هههههه
وابراهيم فتح الرحمن برضو كان ماشاء الله كبيررررر وبكون دفعة بدر الدين احمد موسي الفوووق دااااااك
ههههه |
هووي يا زول ابراهيم فتح الرحمن كمل القراية في مصر حتى جا شمبات، انا جاهل و سغير (ضحكة مع تغطية
الشيب الما عندو زوق و ملى شعري).
الغريبة يا عبدالكريم اني ما لاقيتك في الجامعة، كل الناس الكانوا اصحابك ديل كانوا لدرجة او اخرى
اصحابي و كنت بجي كتير السنتر و بمشي كافتيريا هندسة و الاقتصاد. كنت بلاقي اخوك احمد جمب الاداب
كتير!
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: عمار عبدالله عبدالرحمن)
|
Quote:
1983 الي 86 كنت موظفا بعمادة الطلاب .. |
مرحب يا عمار
والجامعة في الزمن ده كانت بالتاكيد اسرة واحدة
موظفين عمادة واساتذة وعاملين وطلاب وحرس واحبابنا الصفرجية...
والنشاط كان مكان مثقف للجميع بالاضافة للناس القاعدين يجو من بره
وياريت عمار ادم يواصل معانا
ويحكي لينا عن ناس الاتجاه الاسلامي باقي الناس ديل كانو غامضيين
ولابدين في كراكير مسجد الجامعة ومكاتب الاتحاد فياريت يدينا شوية كده من حاجاتهم
وحكاويهم
| |
|
|
|
|
|
|
|
|
|
Re: نجوم اركان النقاش في نشاط الجامعة في ذلك الزمان...!!! (Re: SHIBKA)
|
اها عشان ناس الجندر ما يزعلوا
كانت عندنا في شمبات:
انعام سعد، من احسن من يقودوا المظاهرات وعضو المنبر اخدت الباسورد وعملت بيه نايمة، في الحقيقة
هي التي دلتني علي منبر سودانيزاونلاين، كنت فقط ادخل صفحة الاغاني قبل ان تدلني عليه.
---------------
سهام مجمر ياخ ازيك، غالبا ما بتتذكريني لكن اتلاقينا عدة مرات في الجامعة مع عبدالعزيز محمد الحسن
| |
|
|
|
|
|
|
| |
عبدالكريم الامين احمد
shaheen shaheen
احمد الامين احمد
ابراهيم سائحون
SHIBKA
إبراهيم عبد الحليم
ALazhary2
صلاح ليون
الشفيع وراق عبد الرحمن
علاء الدين حيموره
amar adam
قيقراوي
M A Muhagir
علاء الدين صلاح محمد
Hamid Elsawi
Badreldin Ahmed Musa
mahmed alhassan
Mohammed Ibrahim Othman
خالد عبد الله محمود
محمد عبدالرحمن
عمار يس النور
Ishraga Mustafa
سيف بخيت موسي
ريهان الريح الشاذلي
أحمد الشايقي
جعفر محي الدين
محمد ادم الحسن
عمار عبدالله عبدالرحمن
Siham Elmugammar
فيس بوك
تويتر
انستقرام
يوتيوب
بنتيريست