|
|
 كنت في بورتسودان و(أذهلني) مارأيت .. يامعارضي ايلا إخرسوا (صور)
|
وصلت بورتسودان فوجدتها يحييها الغمام .. ماأن وطأت قدماي ارضها حتى داعبتني نسمة حدثتني عن كثير أشياء ظننتني نسيتها .
كان آخر عهدي ببورتسودان هو العام 2005 ومنذ ذلك الحين لم تسنح لي فرصة لزيارة هذه المدينة الجميله .
حقيقة (ذهلت) للتطور الكبير الذي حدث هناك في هذه السنوات .
شوارع راقيه جداً و(مضاءه)
النظافه هي العنوان الرئيسي للمدينة
كورنيشات بهيه جداً
مستشفيات كباري مكتبات عامه
كما أن الولاية وفرت فرص عمل هائله جداً لخريجيها
والله ماوجدت أحداً إلا ويشكر ويشيد بمجهودات وإنجازات السيد ايلا وطاقم ولايته
الرجل يتفقد العمل يومياً ويطوف يومياً كل أحياء مدينة بورتسودان ليتفقد الناس ويسألهم عن أحوالهم .
سأترك الصور تحكي لكم مالم ولن أستطع وصفه بقلمي
للجميع مؤونة عشرة أعوام من الود
|
|
 
|
|
|
|
|
|
|
|
Re: كنت في بورتسودان و(أذهلني) مارأيت .. يامعارضي ايلا إخرسوا (صور) (Re: Abdulrahman Eldaw)
|
Quote: محمد فرح
مادام وصلت بورسودان اقطع البحر ولاقي حيدر الزين |
ود الضو
حيدر الزين من امبارح برسل ليو في الخاص وهو مطنشني
شكلو نطه
بعدين شايف بوستيو اتخوًر ماعارف ليه
عموماً خلينا في المهم
شوف الصور البهيه دي
دي مكتبة بورتسودان العامه
دي مستشفى الموانئ البحريه
وحقيقي لمست عمل طيب جداً في الخدمات الطبيه في المستشفيات الحكوميه
كمان تم بناء ميز عباره عن فندق خمس نجوم للاطباء
مؤونة عام من الود
| |
|
|
|
|
|
|
|
|
|
Re: كنت في بورتسودان و(أذهلني) مارأيت .. يامعارضي ايلا إخرسوا (صور) (Re: lana mahdi)
|
Quote: ذكرتني نكتة
الانقاذ ملت صواني الشوارع وفضت صواني الأكل!!!!!!!!!
وكمان فرص عمل هائلة جداً؟؟؟؟!!!!!!
موبالغة ياخي!!!!!!!!!!!! |
اخت لنا
تحياتي
إنتي من زمن الصواني
القصه حسي كلها بقت إستوبات وإشارات مرور (راجعي صور البوست ده زاتو)
عموماً لو مامصدقه أمشي أقيفي بنفسك على بورتسودان
بالمره تكوني شميتي هوا وغيرتي جو
الايام دي الجو في بورتسودان مبالغه
هاك نموذج
مؤونة عام من الود
| |
|
|
|
|
|
|
|
|
|
Re: كنت في بورتسودان و(أذهلني) مارأيت .. يامعارضي ايلا إخرسوا (صور) (Re: خدر)
|
أتيت مرة عن طريق بورتسودان 00 لم يكن بها إيلا آنذاك
ولا اعرف من يكون 00 فهذا لايهمني كثيراً
بل ما يهمني أن أحس براحة المواطن في مختلف أنحاء السودان
سال لعابي من دخل الجمارك
وكذلك العقود الضخمة لبعض شركات التنقيب عن المعادن
فوضعت يداي على رأسي
ومن ثم صفقت وبقوة
وقلت 00 هل يعقل ولاية بكل هذا الثراء الفاحش
ومواطنها جائع وأمي ؟؟
وقلت لو وجدت لدوزر بحجم المسئولين بالولاية لرميتهم جميعاً بالبحر
وليكن مايكون
وأنا أقول في هذا الكلام الموجع والمؤلم أرى أحدهم ينظر في بقوة
وكنت نزيلاً بفندق { زهران } حينها
يبدو انه من الأمن 00 والله أعلم
لكنه نظر على مضض وذهب دون أن يقول شيئاً
وأتيت مرة أخرى بعد أكثر من عشر سنوات
حقيقة هالني منظر التغيير الكبير الذي عم مدينة بورتسودان
فعلاً نظافة وطرق وارصفة وتقاطعات جيدة
أما الكورنيش فلم ازوره
لكنني سمعت عنه الكثير
بعد زيارتي الأخيرة سحبت فرامل البلدوزر حتى لايسقط على البحر
لكنني تركت محركه يعمل
وعلى أهبة الاستعداد
لكن 00 حينما أتيت لسواكن وجدتها كما هي لم يتغير شيء يذكر
وكذلك هيا وسنكات وجبيت
كلها لم تطالها لمسات إيلا
نفس الصبية المتواجدون على المطاعم والقهاوي بلا عمل
المدارس مهترئة
وكذلك الخدمات الطبية في هذه المدن المليئة بالأنين
ولاية البحر الأحمر ليست هي بورتسودان
إنما هي الكثير من أهلنا في الشرق
والذين يتطلعون لحياة أفضل
ويتطلعون لبناء المستشفيات والمدارس ورياض الأطفال
ليترك ايلا عروسته الجميلة بورتسودان
وليذهب لتلك القرى الراقدة على براكين الفقر
ليمسح لهم دموعهم
ويرتق لهم ثيابهم
ويشرب معهم قهوتهم
ويكتبوا له على الأرض اهم قضاياهم ومشاكلهم ومعاناتهم
ايلا زرع نقطة ضوء في بورتسودان
ويحتاج لأن يشعل الكثير من الشموع في قرى البني عامر والهدندوة المظلمة
فأغلب هذه المناطق هي الآن في العناية المكثفة
لاتحتاج الى تدخل جراحي فحسب
بل تحتاج للمسات من التنمية
حتى تنهض
وتجد لها موطء قدم في سلالم المستقبل وخطواته المترعة
| |
|
|
|
|
|
|
|
|
|
Re: كنت في بورتسودان و(أذهلني) مارأيت .. يامعارضي ايلا إخرسوا (صور) (Re: ابوحراز)
|
أبوحراز
تحياتي
اولاً أحيي قلمك النبيل والصادق
أمثالك إحترامهم (إجباري)
بفضل الله ولاية البحر الاحمر (عموم) تشمل نهضه كبيره جداً
الولايه كما تفضلت غنية جدا بمواردها وأتوقع ان تنهض اكثر واكثر في السنوات القادمه (بس الجماعه يسكتوا ويخلوا ايلا يشتغل) .
كما ذكرت لم تشهد سواكن وطوكر وسنكات مثل القفزه الهائله التي قفزتها بورتسودان بطبيعة الحال لانها حاضرة الولاية وهي كما يسميها اهلها (ثغر السودان الباسم) لذا كان من الضروري تجميلها وتحسينها لعكس صورة جميله عن الوطن خصوصاً وأن كثير من الاجانب يامونها .
في مجال التعليم ونسبة لان اسر كثيرة جداً بسبب الاميه لاترسل ابنائها وبناتها للمدارس فقد أنشأت الولاية برنامج التعليم مقابل الغذاء أي أن الاطفال الذين ياتون للمدارس يستلمون وجبات مجانيه ومعونات اخرى وهذا زاد نسبة الملتحقين بالمدارس في الولايه كثيراً .
اما الخدمات الصحيه فبصدق وجدت اهتماماً كبيراً بالصحه في الولاية .. مستشفيات راقيه جداً بكل المدن ومراكز متميزه للغايه وان شاءالله لي قدام حيكون في تجويد في الاداء .
بالمناسبة نص عمرك ضايع لانك مامشيت الكورنيش
في عدة (كرانيش) ببورتسودان حالياً
مااعرفهم هم (الباوره) والـ(سي لاند) وكورنيش ايتانينا
وفي كم كورنيش جاري العمل فيهم حالياً
وكلهم جميلين بل ومبهرين للغايه
الصوره دي هديه ليك
مؤونة عام من الود
| |
|
|
|
|
|
|
|
|
|
Re: كنت في بورتسودان و(أذهلني) مارأيت .. يامعارضي ايلا إخرسوا (صور) (Re: Safia Mohamed)
|
انا ما عارف الناس دي لمتين بتفكر التفكير السطحي ده .
اهم حاجة في الدنيا دي (الانســــــــــــــــــــــــــــــــــــــــــان)
عملتو شنو للبني ادمين ؟ حسستوهم انهم بني ادمين ؟ علمتوهم ؟ اكلتوهم؟ حليتو مشكلة الموية بتاعت بورتسودان؟ والكهرباء كيف ؟اي واحد ممكن يمشي في الشارع زي ما داير ويعمل الدايرو ولا البوليس والامن مالين الشوارع وكاتمين النفس ؟ فوقوا يا محمد فرح فوقو قبل ما تسرقكم السكينة البني ادم اهم حاجة في البلد والا كان حسني مبارك قعد (لحدي ما يسلمها حفيدو لعيسى).
بالجنبة كدة : مشيت الركن الهادي؟
اسامة
| |
|
|
|
|
|
|
|
|
|
Re: كنت في بورتسودان و(أذهلني) مارأيت .. يامعارضي ايلا إخرسوا (صور) (Re: ياسر السر)
|
| Quote: لك التحية الأخ محمد فرح وفعلاً حصل تغيير كبير جداً في كل نمط الحياة في بورتسودان ، لقد زرتها قبل ما يقارب 9 سنوات خلت ولكن الآن بصراحة الفرق كبير جداً ما بين هاتيك وتلك ،، والحمد لله الذي جعل هذا ممكنناً ... |
أخ ياسر
تحياتي
بورتسودان ماشاء الله أصبحت بصدق (عروس البحر الاحمر)
| Quote: في إنتظار باقي الصور ... |
أبشر وهاك الصوره دي
مؤونة عشرة أعوام من الود
| |
|
|
|
|
|
|
|
|
|
Re: كنت في بورتسودان و(أذهلني) مارأيت .. يامعارضي ايلا إخرسوا (صور) (Re: خالد العطا)
|
أخ خالد العطا
تحياتي القلبيه
حقيقي عندما زرت بورتسودان إندهشت جداً من الأصوات المعارضه (والتي بعضها تصدر من داخل المؤتمر الوطني نفسه) والتي تنادي بإسقاط إيلا ومش عارف إيه وإيلا فعل وإيلا ترك وخلافه
الرجل والله عمل شغل جميل جداً ويستحق التقدير وأتمنى من كل قلبي أن يستمر بهذا الأداء وأن لايلتفت اطلاقاً لهذه الاصوات المعارضه
مؤونة عام من الود
| |
|
|
|
|
|
|
|
|
|
Re: كنت في بورتسودان و(أذهلني) مارأيت .. يامعارضي ايلا إخرسوا (صور) (Re: Osama Mohammed)
|
| Quote: عملتو شنو للبني ادمين ؟ حسستوهم انهم بني ادمين ؟ علمتوهم ؟ اكلتوهم؟ حليتو مشكلة الموية بتاعت بورتسودان؟ والكهرباء كيف ؟اي واحد ممكن يمشي في الشارع زي ما داير ويعمل الدايرو ولا البوليس والامن مالين الشوارع وكاتمين النفس ؟ فوقوا يا محمد فرح فوقو قبل ما تسرقكم السكينة البني ادم اهم حاجة في البلد والا كان حسني مبارك قعد (لحدي ما يسلمها حفيدو لعيسى). |
ياخوي علي الطلاق ناس بورتسودان ملوك عديل كده
ماكلين شاربين خالطين مشيشيين :):)
حرم عندهم جكس يطير العقل
المهم التنميه ياحبيبنا شملت اي حاجه
وبالمناسبه من ماخشيت بورتسودان لحدي مامرقت مالاقاني عسكري غير بتوع الحركه
مافي هناك نظام عام لانها بلد سياحي
يحكى انو ايلا شاف من بيتم عسكري بعنف في ولد قاعد مع بت في المنتزه فما كان الا ان نزل ونهر العسكري نهره بورتسودان كلها سمعتها
اما عن الكهرباء فما في كهرباء بتقطع هناك حيث انه تم حل المشكله (تماماً) وطوال اقامتي مافي كهرباء قطعت .
تعال وشوف براك
دي الشيشه طبعا هناك ماممنوعه وعندهم جراك عجب
على يمينك بيت الوالي وعلى شمالك المنتزه
مؤونة عام من الود
| |
|
|
|
|
|
|
|
|
|
Re: كنت في بورتسودان و(أذهلني) مارأيت .. يامعارضي ايلا إخرسوا (صور) (Re: Safia Mohamed)
|
أخت صفية
تحياتي
انا شفت الولاية كلها
شفت ناس فقرانين شديد
وناس اميين شديد
شفت اي حاجه
لكن ده برضو مابمنع من إني أعكس التنميه الحاصله وبصدق
التنمية الحصلت في البحر الاحمر تستحق التقدير
مهرجان ايتانينا للسياحه والتسوق لوحده در على الولايه مليارات
ودي حاجه كويسه انو نشوف سياحه تدر عوائد زي دي في بلدنا
التنميه شملت الانسان قبل اي شيء
الاحياء الكانت قبل سنوات منازلها مهترئه ومكسره مثل سلبونا وابو حشيش والثوره وجدتها احياء كاملة الاناقه والجمال .. سواء في البيوت او قاطنيها .
وجدت مناشط ثقافيه راقيه جداً ضمن اعمال مهرجان ايتانينا للسياحه والتسوق
بصدق ذهلت وامن الجميع عالى إنو لو لقينا نسخ من ايلا نوزعها على باقي الولايات حنبقى حاجه تانيه في وقت بسيط جداً
هاك الصوره دي هدية
مؤونة عام من الود
| |
|
|
|
|
|
|
|
|
 Re: كنت في بورتسودان و(أذهلني) مارأيت .. يامعارضي ايلا إخرسوا (صور) (Re: سمرية)
|
محمد فرح
سلامات اخي
انا من بورسودان
هذه المدينة الام
فقط عبر هذا البوست
احي ولايها الوالي الغالي
الدكتور محمد طاهر ايلا
علي كل ماقام به ويقوم به
لتطوير هذه المدينة واعادتها
سيرتها الاولي كاجمل وانضف مدينة
في السودان....!!!!
كنت قبل سنين خلت اخجل من ذكر هذه
المدينة امام الغرباء لما حدث لها من
تدني في جميع نواحي الحياة .
الان افخر واقيف وسط البلد واهتف
انا بورسوداااااااااااااااااااااني .
بالنسبة للضواحي والارياف .....
اتمني صادقا ان تتحرك ايادي الوالي
البيضاء اليها بسرعة في اهم مرتكزين
من مرتكزات الحياة الكريمة.....
الصحة والتعليم
المستشفيات في الارياف لازالت تشكو التردي
اما التعليم فبرنامج التعليم والغذاء
اعتقد لم يأتي بالنتيجة المرجوة....!!!!
يقينا اعادة المدارس السابقة ( الداخليات )
والتي كانت سابقا ...ربما تكون الحل ....
بان يتم عمل مدرسة داخلية في سنكات مثلا
ويتم ارسال طلاب من جميع نواحي الولاية للدراسة
فيها حتي يتم تشجيع ابناء المنطقة للالتحاق بها .
الحديث عن بورسودان ذو شجون.....
وماقام ويقوم به ( ايلا ) لاينكره الا مكابر .
فله التحية
ولك مونة 8 شهور من الود
الميزانية تعابنة اليومين ديل 
| |
|
|
|
|
|
|
|
|
|
Re: كنت في بورتسودان و(أذهلني) مارأيت .. يامعارضي ايلا إخرسوا (صور) (Re: haroon diyab)
|
محمد فرح هل ايلا هو حاكم بورتسودان أم والي البحر الأحمر
دي أولاً
تاني حاجة يا كافي البلا التنمية هي الشوارع و البيوت؟
ما علينا
ثالثاً مبنية على النقطتين الفوق: إنت سمعت بي حاجة إسمها التنمية المتوازنة؟
دا ياهو الفساد البيقولو عليهو و التهميش البنفتش فيهو من زمان جبتو لينا إنت بالدليل الحي و رابطاهو ليك سمرية تحت
ناس بورتسودان آخر حلاوة و لطافة و ثراء
و ناس طوكر فقر و مجاعة و أمراض
احترموا عقول من في الأرض كي لا تلحقوا الزينين و المباركين
| |
|
|
|
|
|
|
|
|
|
Re: كنت في بورتسودان و(أذهلني) مارأيت .. يامعارضي ايلا إخرسوا (صور) (Re: khaleel)
|
لا أنسى أول مرة تطأ قدمى بورتسودان فى عام 1984 كخريج جديد التحق بمصنع شركة الاطارات الدولية (ودا مصنع لايزال يقبع فى الركن الشمالى مع البحر فى مدينة بورتسودان كان يصنع مايكفى السودان من أطارات السيارات ويصدر الفائض للخارج دا توضيح للجيل الجديد)
لا أنسى ابدا وفى حى سلبونا منظر جراكين المياة مرصوصة بالصف بجانب الحنفيات وكانت دى اول صدمة لى والصدمة الثانية هى بيوت الصفيح والاكواخ التى ماكنت أظن وحتى ذلك التاريخ بان بالسودان فقر كهذا.
ليوفق اللة كل من يمد للشرق يد البناء وأمل ان تحل مشكلة المياة حل جذرى وان يهتم بالمصانع والصناعة والاستثمار والتركيز فى هذة الاشياء التى تمثل المعين الحقيقى لكل الناس.
زرت بورتسودان بعد غيبة اكثر من عشرين عام لم أهتم بكل هذا المكياج واكثر ماألمنى وجدت المصنع الذى عملت بة وكل المصانع المجاورة لة وهى مصانع نسيج النيل الازرق ومصنع نسيج أخر ومصانع زيوت وجدتها خالية وصارت ملاذات أمنة لغراب بورتسودان.
شارك كل المغتربين الذين يسافرون بسيارتهم فى بناء بورتسودان هنالك رسم ثابت على كل عربة افراج مؤقت 200ريال لمالية البحر الاحمر و150 ريال سعودى اومايعادلة لمحلية سواكن .ولكن سواكن مدينة مثال للفقر .
لية ماعارف
| |
|
|
|
|
|
|
|
|
|
Re: كنت في بورتسودان و(أذهلني) مارأيت .. يامعارضي ايلا إخرسوا (صور) (Re: Mohammed Ahmed Saeed)
|
Quote: مافي هناك نظام عام لانها بلد سياحي
يحكى انو ايلا شاف من بيتم عسكري بعنف في ولد قاعد مع بت في المنتزه فما كان الا ان نزل ونهر العسكري نهره |
الله عليك يا محمد لمّا تتجلي كدة ياخ
يعني السياحة بتحلل الجكيس وشراب الشيشة والحاجات البتجيب الكفوة في الخرطوم؟؟
ده من يات كتاب ؟؟
نطالب كمواطنين الحكومة بمعاملة المواطنين علي السواء وعاجلا بفتح مراكز النظام العام في بورتسودان علي أن يتولي الخبير قدو قدو هذه المهمة لاتمامها علي الوجه المطلوب
_
قلت لي ايلا نهر ليك العسكري لامن المدينة كلها سمعت...دي نهرة ولا صفارة سكة حديد
| |
|
|
|
|
|
|
|
|
|
Re: كنت في بورتسودان و(أذهلني) مارأيت .. يامعارضي ايلا إخرسوا (صور) (Re: GamarBoBa)
|
المنافق الجهلول محمد فرح
حقا ان الجاهل عدو نفسه
بالله دا كلام بيكتبه زول عنده فهم و طايوق ...
Quote: ياخوي علي الطلاق ناس بورتسودان ملوك عديل كده
ماكلين شاربين خالطين مشيشيين :):)
حرم عندهم جكس يطير العقل
المهم التنميه ياحبيبنا شملت اي حاجه
وبالمناسبه من ماخشيت بورتسودان لحدي
مامرقت مالاقاني عسكري غير بتوع الحركه
مافي هناك نظام عام لانها بلد سياحي
يحكى انو ايلا شاف من بيتم عسكري بعنف
في ولد قاعد مع بت في المنتزه فما كان
الا ان نزل ونهر العسكري نهره بورتسودان
كلها سمعتها |
على بالحرام يا محمد فرح لو كنت انا مسئؤل
بالمؤتمر الوطنى لاقمت عليك عقوبة تعذيرية
بالجلد 250 جلده بكورنيش بورتسودان العاجبك ...
حقيقة انت وصمة عار لاى حزب تنتمى اليه ...
هل تعلم ان الشيشة هى أكبر موزع للمخدرات
بمدينة بورتسودان ... و هل تعلم ان بورتسودان
شهدت اعلى معدل حوادث اغتصاب فى تاريخها
خلال الفترة الماضية بسبب شيشتك التى تبشر بها ...
و هل تعلم ان فى عهد الطاغية ايلا عرفت الولاية
أسوء عهد فساد أخلاقى و مالى فى تاريخها يقوده
وزراء و حيران ايلا ...
بورتسودان مدينة جميلة اصلا و كل مدارسها قام ببنائها
افاضل الرجال من اهل الخير الذين دمرهم واليكم الطاغية
المأفون ايلا و المدرسة الظاهرة فى صورك بناها ال البربرى ...
انتم مثل الاعلام المصرى الفاسد و معك مجموعة الهتيفة
التابعة لسقط المتاع ايلا ...
نرجو من ناس بدر الدين اسحق ان يعيدوا فحص عضويتهم
فأمثال محمد فرح عضوية ضارة بحزبها و هم مجرد حارقى بخور
و عدو عاقل خير من صديق جاهل ...
ايلا حاكم فاسد فاسد فاسد و يقود مجموعة من البلطجية
و النطائح و الفطائس ...
| |
|
|
|
|
|
|
|
|
|
Re: كنت في بورتسودان و(أذهلني) مارأيت .. يامعارضي ايلا إخرسوا (صور) (Re: طارق أحمد أبوبكر)
|
السيد محمد فرح ابو شيشة و جكس نرجو منك ان
تتقدم بطلب لواليكم السياحى بان يعيد فتح ديم
رملة و تل أبيب و رأس الشيطان و كل الطلمبات
القديمة ذى بار الضلمه و رامونا و بار اولمبيا ...
و يعيد ناس رمسيس و عبده تى و امثالهم و الكلام
كله سياحة فى سياحة و دقى يا مزيكا و ياريت لو
رجع لينا بالمرة البيرة أم جمل عشان السياحة
تزدهر ....
على بالحرام انا ما كنت قايل ناس المؤتمر الوطنى
ديل مهيصين كده و بيحبو السياحة للدرجة دى ...
... قال سياحة قال ...
| |
|
|
|
|
|
|
|
|
|
Re: كنت في بورتسودان و(أذهلني) مارأيت .. يامعارضي ايلا إخرسوا (صور) (Re: طارق أحمد أبوبكر)
|
الأخ/ محمد فرح
تحياتي
مفرح جداً أن نرى مدننا بهذا الجمال.
كتبت:
Quote: مهرجان ايتانينا للسياحه والتسوق لوحده در على الولايه مليارات
ودي حاجه كويسه انو نشوف سياحه تدر عوائد زي دي في بلدنا
|
طيب ...
ذهب ولاية البحر الأحمر يدر المليارات سنوياً.
المواني تدر المليارات سنوياً.
فضلاً عن المعادن والموارد الأخرى بالولاية..
ما رأيته أنت ونقلته من تحسين للمدينة
في تقديري لا يتجاوز 10% من دخل الولاية لعام واحد فقط.
ياترى أين تذهب البقية من موارد الولاية؟
| |
|
|
|
|
|
|
|
|
|
Re: كنت في بورتسودان و(أذهلني) مارأيت .. يامعارضي ايلا إخرسوا (صور) (Re: عثمان رضوان)
|
Quote: ما رأيته أنت ونقلته من تحسين للمدينة
في تقديري لا يتجاوز 10% من دخل الولاية لعام واحد فقط.
ياترى أين تذهب البقية من موارد الولاية؟ |
أخ عثمان
تحياتي
حقيقي أنا مابقدر احدد ليك دخل الولايه كم وماصرف على التنميه كم
لكن نسبة 10% دي بشوفها بسيطه جداً
لكن اتفق معك إنو دخل الولايه (خرافي) لأنو الموارد هناك كتيره جداً
مؤونة عام من الود
| |
|
|
|
|
|
|
|
|
|
Re: كنت في بورتسودان و(أذهلني) مارأيت .. يامعارضي ايلا إخرسوا (صور) (Re: طارق أحمد أبوبكر)
|
Quote: على بالحرام يا محمد فرح لو كنت انا مسئؤل
بالمؤتمر الوطنى لاقمت عليك عقوبة تعذيرية
بالجلد 250 جلده بكورنيش بورتسودان العاجبك ... |
أخ طارق
تحياتي
ياخوي اولاً المؤتمر الوطني ده ماحزب ديني عشان بدرالدين يحاسبني لأنو انا شربت جراك صافي .
المؤتمر الوطني حاجه والحركه الاسلاميه حاجه تانيه
انا انتمائي الثاني للمؤتمر الوطني
وانتمائي الاول للسودان
وحزب المؤتمر الوطني حزب سياسي يضم المسلم والمسيحي واللاديني
وحريتي الشخصيه الجن الاحمر زاتو مابقدر يسالني فيها لأنو انا عارف إني مابعمل حاجه غلط او خارج حدود اللياقه والادب .
Quote: و هل تعلم ان بورتسودان
شهدت اعلى معدل حوادث اغتصاب فى تاريخها
خلال الفترة الماضية بسبب شيشتك التى تبشر بها |
دي كيف بس
والله مااخليك اللا تفسرها لي
حسي علاقة الشيشه بالاغتصاب شنو يعني اي زول شرب شيشه مشى اغتصب بت وللا شنو
ياخوي كول كلام يخش العقل مازي بوستاتك الوهميه البتنبز فيها ايلا دي .
الشغل العملوا إيلا في بورتسودان إنت لو بقول والي 100 سنه مابتعملوا
| Quote: بورتسودان مدينة جميلة اصلا |
جميله أصلا دي مافيها كلام
لكن بورتسودان الشفتها في 2005 لم تكن تسر الناظرين إطلاقاً بل كانت عبارة عن قمامة كبيره جداً
والنقله الحصلت فيها تستحق التقدير والله
| |
|
|
|
|
|
|
|
|
|
Re: كنت في بورتسودان و(أذهلني) مارأيت .. يامعارضي ايلا إخرسوا (صور) (Re: GamarBoBa)
|
Quote: يعني السياحة بتحلل الجكيس وشراب الشيشة والحاجات البتجيب الكفوة في الخرطوم؟؟
ده من يات كتاب ؟؟ |
ده من كتاب (السياحه العصريه في دولة السودان الفتيه) للخبير السياحي محمد فرح
| Quote: نطالب كمواطنين الحكومة بمعاملة المواطنين علي السواء وعاجلا بفتح مراكز النظام العام في بورتسودان علي أن يتولي الخبير قدو قدو هذه المهمة لاتمامها علي الوجه المطلوب |
قمر بوبا
ياخوي مالك على ناس بورتسودان
للحقيقه والتاريخ
المشروع الحضاري بالسودان اثبت نجاحه تماماً
ده غير الموروث الادبي بتاعنا
والله الحمد لله لم اشهد مايخل بالاداب العامه اطلاقاً ببورتسودان
كل الفتيات محتشمات بل ومافي زول بشاغل اطلاقاً حتى في التجمعات التي تصاحب فعاليات مهرجان السياحه بتلقى الناس مستمتعه بالبرنامج والشباب قمة في الاحترام .
اعتقد إنو بعد كده يجب الغاء شرطة النظام العام بولاية الخرطوم برضو .
مؤونة عام من الود
| |
|
|
|
|
|
|
|
|
|
Re: كنت في بورتسودان و(أذهلني) مارأيت .. يامعارضي ايلا إخرسوا (صور) (Re: haroon diyab)
|
أخ هارون دياب
تحياتي يا(أحمر) ووهاج
كما اسلفت لاينكر إنجازات ايلا سوى مكابر
آخر مره زرت بورتسودان (2005)كانت الكهرباء بتقطع بالايام والمويه حدث ولاحرج
وأكبر الاسافي كانت الـ(وساخه)
سميتها حينذاك (مدينة الذباب) لأنو حين الاكل كانت اليد اليمين تاكل والشمال تهش الضبان
المدينه نفسها كانت عباره عن (كوشه ضخمه)
عشان كده ماتتخيل سعادتي كانت كيف بالنهضه الحصلت وليك حق بعد كده تفخر بي بورتسودان ، والله اثر النعمه في وشوش الناس بتشوفو
حاجه تخلي الواحد يفتخر
هناك كثير من التحديات تنتظر الوالي الهمام في مجالات الصحه والتعليم وأثق في مقدرة الرجل على معالجتها وبحمد الله الولايه إمكانياتها الان اصبحت جيده ومواردها ضخمه .
اهديك الصوره دي من الانترنت
Quote: ولك مونة 8 شهور من الود
الميزانية تعابنة اليومين ديل |
يازول انا ميزانيتي لمن (تشح) شدييييييد بدي مؤونة (سنة)
غايتو ربنا يوسعها عليك قريب ان شاءالله 
هاك المؤونة دي
مؤونة ألف عام من الود
بعد ده اتفشخر
| |
|
|
|
|
|
|
|
|
|
Re: كنت في بورتسودان و(أذهلني) مارأيت .. يامعارضي ايلا إخرسوا (صور) (Re: محمد فرح)
|
Quote: شايفه الزبيدي المكوع بي مزاااااااج ده
القروش العندو يشتري بيها الخرطوم كلها
والله اكتر حاجه حيرتني هناك خيم الزبيديه
الواحد يكون ساكن في خيمه مهلهله وتشوفي بره الخيمه يكون واقف بوكس 2010 قيمتو قريب 100 مليون
ديل بإختيارهم إتخذوا الغاب منزلاً دون القصور
مؤونة عام من الود |
الاخ محمد فرح السلام عليكم
ردك للاخت سمرية مستفز و يدل على جهلك و عدم معرفتك بالمنطقة و اهلها زد على ذلك تغيب او تجاهل للحقيقة .. اقول ليك الكلام دي و اشيد بالحصل في بورتسودان لكن ايضا ادين ما حل باهلنا بالشرق عامة من فقر و مرض وووووو .. لا احب ان اخوض في نقاش و جدل الطرف الاخر فيه غير محايد و جاي بعقلية محكومة بافكار و احكام مسبقة و لكن اقول و لعلمك الراقد في العنقريب دي ما زبيدي و لا رشيدي انما هو من فقراء طوكر الما قادرين يوفروا لقمة هنية لابنائهم و لا علاج و لا تعليم .. و بربك هل الاتصرف في بورتسودان من تجميل و هو محمود ما كان افضل جزء منه يتحول لهؤلاء الفقراء ؟؟
| |
|
|
|
|
|
|
|
|
 Re: كنت في بورتسودان و(أذهلني) مارأيت .. يامعارضي ايلا إخرسوا (صور) (Re: محمد فرح)
|
حقيقة سيرة بورتسودان والتطوير الرائع الذي حدث فيها على كل لسان الآن
والصور الواردة في البوست دا تؤكد على ذلك ..
أتمنى أن نشجع مثل هذه الإنجازات الضخمة والسعي الجاد للتغيير .. بدل محاولة التقليل ..
أتمنى أن أحظى بزيارة عروس البحر الأحمر في أقرب فرصة
ومشكور يا محمد فرح على نقلنا إلى هذه العوالم الرائعة الجمال
مؤونة عام من الود
| |
|
|
|
|
|
|
|
|
|
Re: كنت في بورتسودان و(أذهلني) مارأيت .. يامعارضي ايلا إخرسوا (صور) (Re: نادر النور آدم)
|
الاخ محمد فرح
تحياتي
Quote: حقيقة (ذهلت) للتطور الكبير الذي حدث هناك في هذه السنوات .
شوارع راقيه جداً و(مضاءه)
النظافه هي العنوان الرئيسي للمدينة
كورنيشات بهيه جداً
مستشفيات كباري مكتبات عامه
كما أن الولاية وفرت فرص عمل هائله جداً لخريجيها |
دي كله من اجل ان تكبر شركات محمد طاهر والشركات الامنية للطرق والجسور , ولكن الاهم يامحمد فرح حكيت كثير عن المباني والشوارع التي سيتفيد منها قله من الاثرياء ولم تعكس اوضاع المساكين في بصات هدل والثورة وغيرها من الاحياء الفقيرة ولم تحكي لنا عن معاناة اطفال همشكوريب وسنكات وانت تنظر اليهم من عل وهم يتسولون المسافرين وربما تكون راكب احدي السيارات الخاصة الفارهة المظلله فلم تلمح فتاتا تبيع المقاشيش والهبابات والدوم لتحفظ شرفها وحيائها من الذئاب واطفال يلوب حق الاكل وهم محرومون حقهم في العيش والحياة لان اموال العمارات والاسفلت كانت من المفترض ان تذهب للمدارس التي تعلم هولاء الاطفال ومشتفيات تعالج مرضاهم ولكنه منهج الانقاذ الموج للتنمية المظهرية ,.
مؤنة اعوام من الود القادم الق الثورة القادمة من رحم الغيب .
| |
|
|
|
|
|
|
|
|
|
Re: كنت في بورتسودان و(أذهلني) مارأيت .. يامعارضي ايلا إخرسوا (صور) (Re: خالد العطا)
|
هذا نموذج بسيط لما وصل اليه حال الولاية من دمار اخلاقى :-
زوجة رجل أعمال تسقط ضحية مبتزِّين هددوها بنشر صورها على(الفيس بوك)
2011/02/14
الاهرام
الخرطوم ـ هالة شقيلة
كشفت سيدة عن عملية ابتزاز تعرضت لها من قبل مجهولين قاموا بتهديدها بنشر صور لها حصلوا عليها من هاتفها الجوال على موقع (الفيس بوك) وقاموا بتنفيذ تهديداتهم بنشر صورتين خاصتين لها، مما جعلها ترضخ لمطالبهم وتسلمهم مبلغ (50) ألف جنيه، إلا أنهم طمعوا في المزيد مما جعلها تلجأ إلى الشرطة التي أوقفتهم. وكشفت التحقيقات أن السيدة متزوجة من رجل أعمال معروف وكانت قد فقدت هاتفها الجوال في إحدى المناسبات ولم تعر الأمر اهتماماً وبعد فترة من الزمن اتصل عليها أحد الأشخاص ليخبرها بأن هاتفها الجوال بطرفهم وقد عثروا على صورة خاصة لها سينشرونها على شبكة الإنترنت، وطالبوها بدفع مبلغ (50) ألف جنيه، ولتأكيد تهديداتهم قاموا بنشر صورتين عاديتين لها شاهدهما ابنها المقيم بمدينة بورتسودان ليتصل بشقيقه ويسأله عن تلك الصور، مما دعا السيدة إلى أن تخاف من نشر بقية الصور فقامت ببيع حليها الذهبية وتوفير المبلغ لفتاة كانت تهاتفها، وقد أرسلت إليها صبياً قام بتسلم المبلغ وغادر في هدوء، وقد ظنت السيدة أن الأمر قد انتهى عند هذا الحد ولكن بعد فترة اتصلت عليها الفتاة تطلب منها مبلغ (60) ألف جنيه أخرى، مما دعاها للجوء إلى قسم شرطة الدرجة الأولى واتخاذ إجراءات بذلك، وأولى رئيس القسم المقدم يوسف محمد أحمد الطريفي البلاغ اهتمامه، وكلف فريقاً من المباحث حاول الوصول إلى المتهمة بيد أنه لم يستطع، ليبدل الفريق خطته بالقبض على الشخص الذي يتسلم المبلغ، وفعلاً نصب له كمين أدى إلى القبض عليه وهو في طريقه لمغادرة العمارة التي تقبع فيها شقة الشاكية، وتم توقيفه على سلالمها ليتم إخضاعه للتحقيق الذي اعترف فيه بأن خاله الموجود بمدينة بورتسودان قد اتصل عليه وكلفه بالتحرك إلى الشقة وتسلم المبلغ، وقد سجل المتهم اعترافاً قضائياً بذلك، وقد حددت الشرطة مقر خاله والفتاة التي كانت تتصل على السيدة لتعمل الشرطة على القبض عليهما أمس ببورتسودان .
| |
|
|
|
|
|
|
|
|
|
Re: كنت في بورتسودان و(أذهلني) مارأيت .. يامعارضي ايلا إخرسوا (صور) (Re: خالد العطا)
|
محمد فرح اخوان .. سلام الله يغشاكم ..
Quote:
ود الضو
حيدر الزين من امبارح برسل ليو في الخاص وهو مطنشني
شكلو نطه
|
يا رجل متي ستبطل كضب ودجل والتفاف ؟أ
ارسلت لي ماسنجر شامتاً انه بوستي ثد مشي الخور وفي ظنك ان بكري قد خوره فاتيت تظن جازلاً ان سيد الحوش انتصر لك ..
ولأني لم اسجل حضور يوم الاحد وقد اتيت المنبر على عجلٍ فقرأت ترهاتك هذه وتلميحك هذا فسجلت دخول لقراءة ماسنجرك وانا متعشم انك قد اجبت دعوتي السابقة
فوجدت كلامك الذي لخصته انا اعلاه فرددت لك ووضحت اني من طالب بكري بذلك نسبة لانه خستك من هدفه في طلبي مقابلتك ووضحت ليك ايضا اني اتخلت هسع لانه ردك في البوست
عن نطتي وماسنجرك ما بيتشابهن ... انتهي !!
وهسع خذلتني تاني لا رديت ماسنجري داك لا وضحت.. فهل الباسورد لحظتها ما معاك وانا رديت لواحدتاني من محمد فرح اخوان ..؟
عموماً جزاكم الله خيراً يامحمد فرح واسرة الباسوورد
| |
|
|
|
|
|
|
|
|
|
Re: كنت في بورتسودان و(أذهلني) مارأيت .. يامعارضي ايلا إخرسوا (صور) (Re: HAIDER ALZAIN)
|
حاجه غريبه وكمان فرحان ..
بتعرف شنو انتا عن بورتسودان لعلمك المنطقه ال انتا صورتها دى من زمااااااااان كده غير الانترلوك والكوفيهات الايلاويه مسبقة الكوميشن دى ما زادت حاجه ..
ليه ما مشيت على دار النعيم وفلب والوحده والانقاذ وولع وغيرها عشان تشوف برضو واقع تانى .... ياخى البيتش ده ما فى زول بيجيهو الناس دى انشغلت وراء لقمة العبش واصبح البيتش للناس
التخمانه والورمانه من قفا الناس الغلابه شوف الكراسى فاااااااااضيه كيف منو الفاضى للزى ده ومنو العندو عشان يشرب ملك شيك ولا تركش كوفى ... دخلتوا الناس فى حيص بيص وانتو خشيتوا السوق
ليه ما تكون متصالح مع نفسك وتجيب الناس ديل Quote: انا شفت الولاية كلها
شفت ناس فقرانين شديد
وناس اميين شديد |
بدل التطبيل والكلام الممجوج والمناظر الاستفزازيه لعامة فئات الشعب الا لمن باع ضميره ونشد التقرب للمفسدين ...
محمد طاهر ايلا عن نفسى فى اكثر من بوست مدحت كثيرآ من اعماله ابان توليه ولكنه تبدل وتجبر وذاد فسادآ وافساد نكل وفتن واهدر دماء طاهره ...
ليه ما جبتا مياه السيول الى الان لم يتم سحبها وشطفها واصبحت مرتع للباعوض وغيره فى احياء لا تعد طرفيه بل وسط بورتسودان سلالاب وغيرها من الاحياء ...
ما تبقى ملكى اكتر من الملك ... ناس بورتسودان ادرى بها ....
| |
|
|
|
|
|
|
| |
محمد فرح
Abdulrahman Eldaw
Mohammed Awad
خالد عبد الله محمود
lana mahdi
وليد الطيب قسم السيد
خدر
ابوحراز
Safia Mohamed
Osama Mohammed
ياسر السر
سمرية
haroon diyab
عمران حسن صالح
khaleel
طارق أحمد أبوبكر
عثمان رضوان
محمد يوسف الزين
degna
Alfarwq
محمد خليل ساني
نادر النور آدم
يوسف السماني يوسف
HAIDER ALZAIN
حسين عوضاى
فيس بوك
تويتر
انستقرام
يوتيوب
بنتيريست