دعواتكم لزميلنا المفكر د.الباقر العفيف بالشفاء العاجل
|
|
 خيمه بت الهنا
|
سلااااااااااااام عليكن
يا خوانا انا نصبت خيمتي دي لاني زهجانه و منوتره و كمان نفسياتي مستطمه
و اسي براي ربطت راسي زي بت القرعان ورشيت الخيمه ثمن قشيتها
ثانيا بالتبادي كرشت الازيار و مليتهم و رصيت الكيزان (اللولين الشراب) اوع من الفهم الختا
ثالثا فرشت الاكاليم بي طول الخيمه و ختيت المساند
اهاااااااااااا بعد ده انا بقعد احرس الضيوف .... علن بدور قبال اناقمكم .... و زي ما قلت في عامن اول الغرض من الخيمه دي انه الناس تبتهج تفرفش و ترجع الزمن اللي كان (أول لي الزمان ارجع يا زمان)
الدعوه لي الناس الحلوه .... المواضيع يا جماعه الخير اجتماعيه .... ما بدور لي ولا كلمه في السياسه ... لا دايره اسمع أوكامبوا الكلب الخلى البشير شده مابقى رقاص الراجل التقول ما فيه عضم ... لا غيره
و اوع ثم أوع يجيني واحد من بورداب ال....... يتلولح لي.... و يقوم يفرتق الخيمه بي عكازه ...... الخيمه دي محترمه جدا .... و ما تقول لي حريات شخصيه و لا كلام فارغ ..... هاهاهاهها (عشان ود الباوقه ما يبقبق اضنين زول)
بي النسبه للاختلاط ممنوع منعاً باتًاً........... الرجال بي جهه و النسوان بي جهه ... عليكم الله ما دايره مشاكل مع ناس الامن ... يقوموا يرفعوا الناس في البكاسي .... و نبقى في البكا و الثكلي
ونسات جانبيه ما معانا ....... و ان كان الامر ما يخلاش ...
اي زول ولا زوله عنده مشكله مع اي زول يخليها بره الخيمه .... يجي كدي فريييييييييييييي ....
الزي المطلوب الزي السوداني المعروف الرجال جلاليب بيضاء مكويه .... و البنات تياب
ممكن تطرحوا مشاكلكن النفسيه و العاطفيه و الماديه و انشاء الله تجدوا الحل .... بي الذات الناس العندها بقاقات في قلبها ديل حبابببببببببن بالحيل
الاغاني مصرح بيها .... اوووووع من الاغاني الهابطه .... دي خيمه فيها انضباط ... وانا قلبي حاسي انه في بورداب طولوا من السودان و حفلات السودان و جبجات السودان ... يقوم الواحد يهز و ينفعل لمن ضهره يصل الواطه ... ونبقي في البصير و غيره و غياره.
الاولويه للضيوف في القعاد و طرح المواضيع حسب العمر .... يعني ما يقوم بوردابي موديل 2009 ... يتلامض على بوردابي موديل 2002
ح نقدم للضيوف شاي و قهوه و لقيمات و عصير باسعار رمزيه تمكنا من تشغيل الخيمه (الكهرباء الخبيثه + الحبشيتين بتاعين القهوه + الولد غسال العربات و ده مهم في حراسه العربات)
في خته ح تتعمل عشان تساعد في حل الازمه الاقتصاديه .... ح يتحدد المبلغ و الامين لاحقا .. يا خواني كان في زول داير يعرس ... ولا يسمي لي مولوده ولا يخش ليه في ركشه ولا امجاد
بس خلاااااااااااااااااااس
اتفضلوا
|
|
 
|
|
|
|
|
|
|
 Re: خيمه بت الهنا (Re: BitAlhana)
|
..
.
ما دام قلت الاولوية
خلى كبار السن يجى اول ..
اهم شئ الجبنة .. الحبشية ومعاها الجنزبيل
موضوعى العايز اناقشو ولا موضوعاتى كالاتى
الاول .. القراية غلبتنى عديل وناس السودان ديل
بقو يهتموا بالماجستير اكتر من ناس مرحلة الاساس
المواد صعبة والاساتذة فطاحلة ما بياخدوا مقدم ..
اها موضوع الماجستير الابا يخلص دا ما عارف اعمل فيهو شنو ؟؟
الغريبة ملاسي دا اكبر منى بكتير وخلص .. كيف الله اعلم
تانى شئ ..
صراحة الظاهر على مضطر انقص الاستاندر بتاعى فى خيار الزواج
والله يا بتنا .. الاجيال المتعاقبة دى بقت .. عجيبة
اى جيل اخطر من التانى شكلا للامام ومضمونا للخلف
ودا المحيرنا زاتووو ..
ما عارف الحل شنو ؟؟
يعنى الموضوع دا ماما دومه قدت اضانى فيهو والعجب
ماما فاطمة انا ما عارف الامهات ديل موضوعهم شنو معاى
الموضوع التالت .. الا بالماسنجر ..
___________
بطلى حركات ودى عشرة سنوات
شنو الللقى احبابو نسي اصحابو دى
علينا نحن انحنا بينا شمارات
وكلام كتير قلناهو اخر الليل سوا
مودتى واحترامى ..
| |
|
|
|
|
|
|
|
|
|
Re: خيمه بت الهنا (Re: Ridhaa)
|
لا حولتن الا بالله
بالله مشيت نكت البوست ده من اخر الدنيا
زكرني بس لما امشي مع الحجه السوق المركزي و تروح مني
وعينك ما تشوف الا النور
والله اظنه كان داير يمشي الخور ..... قالوا في خور جديد وده على عهدنا كان مافي
ما علينا اذ يحضرني قول الشاعر حبايبي الحلوين اهلا جوني و انا ما قايل حلوين زي ديل بيزوروني
وليام انت طبعا اكتر زول فينا صاحب و اجب و اكتر زول مواظب ... يديك العافيه على الطله
تبلدينا اللذيذ... كان عصير و لا بي الشطه (لووووووووول) ... والله مشتاقين
يعني اسي لا ماجستير لا عرس؟؟
اقع بيك و ين انا اسي؟؟ كان دايره اخطب ليك اقول شنو؟؟
ولا بس كفايه طيبه اخلاقك؟هاههاهاها
يا مان و لا يهمك ,,, بس كتر الضحاكات و تعال شوف براك
يا حليل كلام الليل واخره ؟؟؟ ما عارفين نحنا الكبرنا ولا الكلام كمل؟
و الموضوع الخاص شنو؟ اوع يكون المسيار
رضا العزيز
اييييييييييييييييك و الله زمان.... رضا طبعا كان حلال كل مشاكلنا الاسفيريه
وحاتك من اتشتتنا في الاسفير ده لا عارفه انزل غنيه و لا صوره و لا يحزنون ...
تعال يا ود امي وريني الدنيا سوت فيك شنو ... ما تنسى ولا حته
لكن برافو علي .... ده بوست شرك
للناس الحلوه و الطله الحلوه
| |
|
|
|
|
|
|
|
|
|
Re: خيمه بت الهنا (Re: Hisham Amin)
|
يا هشام كان ما شالك البنبر يشيلك راسنا من فوق
عليك الله اسي مع سقط البلد دي ما مشتهي ليك حوش كبير و عنقريب هبابي و كوز كبييييييييييييير كده
و تجيك و ريحه الجبنه و اللبن المفنن
و الونسه مع الحبان بي مززززززززززززززاج
ده كله متوفر في الخيمه و انت طبعا دفعك بي Credit Card ما دايرين حركات
ووووووووووووووب ..........نحن المقعدنا في البلد دي شنو يا ناس (وش باكي و حزين و زهجان و رمدان)
| |
|
|
|
|
|
|
|
|
 Re: خيمه بت الهنا (Re: BitAlhana)
|
بت الهنا
ذكرى الايام الجميلة
لانسانة حديقة
رائعة
اسم معنا من زمن سودان. نت
الى ايام بدايات سوادنيز اون لاين
زمن الود
الجميل
والاحساس الراقى
بت
عرفتها
وسط كل الوسائط
التقينها
كانت مساحة الفرح المنداح
بنت ولا كل البنات
لك الله يا روعة الزمن الجميل
اعيشك
مستلفا من زمن مضى
لكى الون من حسنك
وروحك الطيبة
زمن قادم
عليه ارسم الخطوات
لك الله يا ست الحسن
ومنى قلبى
المنشطر
وايمانى بقوتك
بانك فوق
تهزيمين
كل اعدئك
يا بت يا هنا
قلبى مهك
انت اكبر
من ان نحاصرك
بالدعاء
انت انسانة
حديقة
فلك الله
يا بت
يا سمحة
| |
|
|
|
|
|
|
|
|
|
Re: خيمه بت الهنا (Re: sharnobi)
|
خيمة السرور يا بت الهنا
لكن لازم تتنازلي شوية من
الشروط القاسية ده
عشان الناس تتلمةوالشباب
يهججوا شويه وامكن يطلع
من خيمتك عريس عريسين
بس راوية ما تجيك
بتبشتن حال الناس
من الجرسة وعامره
ان شاء الله
سيف الدولة
| |
|
|
|
|
|
|
|
|
|
Re: خيمه بت الهنا (Re: سيف الدولة كامل)
|
أستاذ الاساتيذ
شرنوبي العزيز .... و بدون شك انت استاذنا في العمل العام و في الوطنيه و الانتماء للوطن
وفوق هذا وذاك انت استاذ في فن العشق و الهوى
(بقيت طيبه مش؟؟؟)
يلا اسمعني و اشجني و بي ذكره الاحباب بالله ناجيني .....
رحماك نجيني بتزيل هموم البي من قاع و سجيني ......
خلي الهنا يجيني و خلي السرور في طيه زاجيني .......
غرد يا الحمام
عزبزي شرنوبي
واذا ادرك المرء عدوه ما تهيبه .......
لكن تقسو الحياه على الانسان حينما تقرر فجأه ان تلفظه من جوفها
و يتألم الانسان حين يحس ان سنين العمر تتسرب من بين أصابعه
و أمر من المرار الالم الذي يتسبب فيه شخص ما للمحبين من حوله
معليش يا شرنوبي هي أحاسيس تتسرب الى الدواخل كوباء خبيث لا شفاء منه.... تترك الشخص ينازع الموت كل لحظه دون أمل في النجاه
و لكن لاييأس من رحمة الله الا القوم الكافرون
شفتو شرنوبي ده نكد البوست ده كيف؟؟؟
لكن برضووووووووووووو ما ح ننهزم ليك .....
سمع هسسسسسسسسسسسسسسسسسسسسسسسسسسسسسس
اسي الطرب و الجبجبه جايييين
| |
|
|
|
|
|
|
|
|
|
Re: خيمه بت الهنا (Re: BitAlhana)
|
يا سيف والله راويه عسل لكن
جرسه ما بعدها جرسه
الله يرد ليها وهبتها
بعدين يا سيف شروطنا ما صعبه و انت من اسي ح نعتبرك Exceptional Case
طالما جيت مع اعمامك ديل ... هم زاتهم بيشجعوا اللعبه الحلوه و عشان كمان حضورك طاغي
تسلم
| |
|
|
|
|
|
|
|
|
|
Re: خيمه بت الهنا (Re: BitAlhana)
|
تسلمي يا بت الهنا.. وليك علي
من دغشا بدري اجي ارش الخيمة وارصص
البنابر وعندي شرقرق وجبنة بجيبهم
معاي, ونشوف الجكس ونبكي علي ايام
زمااااااااااااان واغني ليكم
حليل زمن الصبا الماضي وحليل
.........................
مودتي
| |
|
|
|
|
|
|
|
|
|
Re: خيمه بت الهنا (Re: BitAlhana)
|
حبيب نوره و حبيب الكل
كيفك وكيف نوره؟
حبابك عشره بلا كشره
عجبني بوست العمده .... مشيت هناك مره ... سودانين كميه كده
لكن في اخر شارع جامعه الدول العربيه مع شارع السودان ... في محل اسمه مناقيش
القعده فيه ترد الروح
تاني كان ماشي اديني خبر!!!!!
| |
|
|
|
|
|
|
|
|
|
Re: خيمه بت الهنا (Re: سيف الدولة كامل)
|
ستنا بت الهنا
السلام عليكم دخلنا الخيمة بي رجلنا اليمين ونقول بسم الله
انا طبعا قعاد الخيم ده مابعرف ليهو وعهدي مع الخيم من عام 88 ايام السيول والامطار اها كنا قاعدين لينا فوق خيمة من الخيم الماخمج اها واي واحد بيتو بيقع بنديهو خيمة من الخيم الموجوده عمل خيري طبعا
اها من الزمن داك ماقعدت في خيمة الا في الخليج وبتاعة الخليج دي انا مابعتبرها خيمة لانها احسن من العمارات بتاعتنا لووول بعدين قبل ماتتوهطي في الخيمة يلحقك واحد بي فناج قهوة عربية تغمطي وتشربي مرة خلاص لكن قالوا كويسة للبطن وخير قهوة مادخلت بطنك
اها نبدا الحكي ولا نشرب قهوة الحبشيتين دي في الاول بعدين بالمناسبة الحبشيتين دي الماركة ولا شغالين عليها بتين اها لو ماركة ابقي عليها قوي مايجيبو روسيتين ويعملوا ليكم زحمة في السوق .
انا مشكلتي ياستي مابعرف بوفر قروش بس ماتقولي لي كويس انت مابتقدر توفر في ناس مابتشوف القروش زاته شكلها كيف وفيها صورة منو .
اها بقبض بي هنا وفرتق فرتق فرتق مشت وين دخلت بي وين ماعارفها كدي بالله ادينا رايك اصولو انت سيدة مشورة
وزولة عزيزة علينا الموضوع ده انا مع مرتي مافتحتو خايف تقوم تقترح علي انو اسلمها القروش ههههههه يكه
وتقول لي انا بوفر ليك لانو يوم داك شايفها فاتحه الموضوع بتاع الراجل العرس في مرتو وكاتب الدور الارضي بي اسمها خايفها تقوم تعمل نظام احتياطي قانوني وكده والدنيا مامعروفة وبنات الزمن ديل طالعات سمحات والراجل عينو طايرة .
بالله شوفي لي حل للمشكلة دي بس موضوع اديها المدام ده مايكون من ضمن الاقتراحات .
معقول الجات قدمت القهوة دي شغاله معاك وانا اقول مشيت الامارات قعدت في قهوة بتاعة حبش كلها سودانيين والذ حاجة كمان بتاعة القهوة بتشرب شيشة على حسابهم من محلها هههههههههههههههههههههههههههههههه يكه شفتي البشتنة دي كيف .
كدي خلينا في موضوع التوفير
باي
زاتوووو
| |
|
|
|
|
|
|
|
|
|
Re: خيمه بت الهنا (Re: ALZOLZATOO)
|
سبف يا خوي
وحاة الخوه الاسفيريه البينا.... الكواسه الليله من الصباح
ناس كدي في الخيمه قالوا دايرين كمونيه .... مشيت اعمل ليها مجازفات
غايتوا قربت تبقى على قصه الفاتح جباره (كمونيه تاااااني)
دحين يا سيف يا خوي ... في نيويورك دي بتجيبوا الكمونيه من وين؟
------------------------------------------------
صورتك نزلتها كيف؟ خلي الغتاته
| |
|
|
|
|
|
|
|
|
|
Re: خيمه بت الهنا (Re: BitAlhana)
|
صباحاتك بيض بت الهنا
1- اضغطي علي براوز وحملي الصورة
2- اضغطي علي رفع الصورة بيظهر الرابط
بتاع الصورة,
3- اعملي كوبي ثم بيست
كمونية تانيييييييييي
تسلمي
| |
|
|
|
|
|
|
|
|
|
Re: خيمه بت الهنا (Re: سيف الدولة كامل)
|
Quote:
بطلى حركات ودى عشرة سنوات
شنو الللقى احبابو نسي اصحابو دى
علينا نحن انحنا بينا شمارات
وكلام كتير قلناهو اخر الليل سوا
مودتى واحترامى .. |
السلام عليكم ورحمة الله وبركاته
سلام لي ناس الزمن الجميل كلهم
ياتبلدينا وين مطرك ورعودك
شنو يابت الهنا
الاخبار شنو?
ليك وحشة
عندنا ليك يا صالح
محاية
اهم شئ البياض برة وبعد داك نتكلم
الحليلة
الاخبار
| |
|
|
|
|
|
|
|
|
|
Re: خيمه بت الهنا (Re: elhilayla)
|
نأثف لانه قطوعات الكهرياء تثببت في وقف حال الخيمه
وتبرع أحد الخيرين بجنريتر كاتم ثوت و ثوره
لكن رجعنا لكم زي رجوع القمره لي وطن القماري
ترقبوا الجديد و المثير
بي مناثبه حرف الثاء اتفضلوا :
نكتتتتتتتتتتتتتتتتتتتتتتتتتتتتتته
كان في واحد عنده كميه هائله من الأرانب .... كل يوم بيأكلها 20 كيلوا جزر
زهج و فلس قام كسر ليهم سنونهم و قال ليهم كده الكميه دي ح تكفيكم اسبوع
تاني يوم جاء وما لقى ولا جزره
قام يشد في شعره و يكورك وديتوا الجزر وين؟
واحد من الارانب نط و قال ليه ثويناه عثير
قرقرقررقرقر
شنو خفة الدم دي؟؟
| |
|
|
|
|
|
|
|
|
|
Re: خيمه بت الهنا (Re: BitAlhana)
|
صديقي الجميل
الزول زاتووووو
ده كله منك الايام الفاتت دي كلها بفتض في حل لي مشكلتك و كيف تلم القروش؟؟
اتذكرت انه Dr. Phill مره في برنامجه عمل بلان ظريفه و كتير من الناس عملوا بيها و نجحت
انا ح أجيبها ليك بي حذافيرها و انت تعمل بيها و ما تنسانا من صالح الدعوات
لكن الحبشيه بالغت .... على حسابهم؟؟
| |
|
|
|
|
|
|
|
|
|
Re: خيمه بت الهنا (Re: BitAlhana)
|
بت الهنا ازيك يا بت امي نعلكم طيبين ومافي زولا فيكم ابا عشاه
لي يومين حايمة في الارشيف حقي لقيت القصة دي
بعد الترحم على الطيب صالح
الرجل القبرصـي
دنيا لا يملكها من يملكها
أغنى أهليها سادتها الفقراء
العاقل من يأخذ منها ما تعطيه على استحياء
والغافل من ظن الأشياء هي الأشياء
الفيتورى
نيقوسيا في شهر يوليو كأن الخرطوم قامت مقام دمشق . الشوارع واسعة كما خططها الإنجليز ، والصحراء صحراء الخرطوم ، ولكن ذلك الصراع بين ريح الصبا وريح الدبور كما أذكره في دمشق .
وهي إنجليزية من رأسها حتى أخمص قدميها رغم كل تلك الدماء . عجبت لأنني توقعت بلدا هيليني الطابع ، إلا أن الرجل لم يمهلني حتى أوصل الفكرة إلى نهايتها . جاء وجلس بجانبي على حافة حوض السباحة . وأومأ برأسه إيماءة خفيفة فأحضروا له فنجان قهوة . قال :-
- سائح؟
- نعم ..
أحدث صوتا لم أتبين مغزاه ، كأنه يقول إن مثلي لا يستحق أن يكون سائحا في نيقوسيا ، أو أن نيقوسيا لا تستحق أن يكون مثلي سائحا فيها .
انصرفت عنه بالتمعن في امرأة وجهها مثل ملائكة روفائيل ، وجسدها كنساء لوحات قوقان . هل هي الزوجة أم المرأة الأخرى ؟ أيضا قطع على حبل تفكيري :-
- من أين ؟
- من السودان ..
- ماذا تعمل ؟
- في الحكومة ..
ضحكت لأنني في الحقيقة لا أعمل في الحكومة ، والحكومـات صـدرها
واسع على أي حال :
- أنا لا أعمل .. أملك مصنعا ..
- صحيح ؟
- لصنع أزياء النساء .
- شئ جميل .
- كونت ثروة كبيرة . اشتغلت مثل العبد . عملت ثروة . الآن لا أعمل . اقضي وقتي كله في الفراش .
- تنام ؟
- أنا أنت تمزح . ماذا يفعل الرجل في الفراش ؟
- ألا تتعب ؟
- أنت تمزح . أنظر إلى ، كم سني ؟
- أحيانا خمسون ، وسبعون أحيانا ، لكنني لم أشأ أن أساعده ، قلت له :
- سبعون .
لم يؤلمه ذلك كما قدرت ، ولكن ضحك ضحكة مجلجلة وقال :-
- خمسة وسبعون في الواقع ، ولكن ما من أحد يعطيني أكثر من خمسين ، قل الحق .
- خمسون إذا شئت .
- لماذا ؟
- تتريض .
- نعم ، في الفراش ، أطلع وأنزل . بيض وسود وحمر وصفر . كل الألوان . أوربيات وزنجيات وهنود وعرب ويهود ومسلمون ونصارى وبوذيون .
جميع الأديان .
- أنت رجل متحرر .
- نعم في الفراش ..
- وفي الخارج ؟
- أكره اليهود .
- لماذا تكره اليهود ؟
- هكذا ، لوجه الله . ثم أنهم يلعبون بحذق .
- ماذا ؟
- لعبة الموت . مارسوها منذ قرون .
- لماذا يغضبك هذا ؟
- لأنني .. لأنني .. لا يهم .
- ألا يغلبون ؟
- كلهم يستسلمون في نهاية الأمر .
- ونساؤهم ؟
- ليس أحسن منهم في الفراش . كلما ازدادت كراهيتك لهم ازدادت متعتك مع نسائهم . أنهم شعبي المختار .
- وزنوج أمريكا ؟
- لم تصل علاقتي بهم إلى درجة الكراهية . يجب أن انتبه لهم أكثر .
- والعرب ؟
- يثيرون الضحك أو الرثاء ، ويستسلمون بسهولة ، في هذه الأيام على الأقل . اللعب معهم ليس ممتعا ، لأنه من طرف واحد ..
فكرت ، لو أنهم قبلوا بقبرص ، لو أن بلفور وعدهم إياها .
ضحك الرجل القبرصي ضحكته المجلجلة وقال :
- المرأة تطيل العمر . يجب أن يبدو الرجل أصغر من سنة بعشرين سنة على الأقل ، هذه هي الشطارة .
- هل تخدع الموت ؟
- ما هو الموت ؟ شخص يلقاك صدفة ، يجلس معك . كما نجلس الآن ، ويتبسط معك في الحديث ، ربما عن الطقس أو النساء أو الأسهم في سوق المال . ثم يوصلك بأدب إلى الباب . يفتح الباب ويشير إليك أن تخرج . بعد ذلك لا تعلم .
كأن غيمة رمادية ظللت برهة فوق هذا المـكان ، لكننـي فـي تـلك
اللحظة لم أكن أعلم أن القداح تضرب وأن الرجل القبرصي يلعب معي لعبة خطرة .
اتسعت موجة الضحك فشملتني . كانت عائلة عذبة أنست لها منذ جلست ، الأب طيب الوجه ، والأم صوتها الإنجليزي مثل لحن اليزابيثى من أوتار قيثارة عريقة . أربع بنات كبراهن لا تزيد عن الثانية عشرة . كن يدخلن حوض السباحة ويخرجن ، ويضحكن ، ويعابثن أبويهن ، ويضحكن . وكانوا يبتسمون لي ، ويوسعون دائرة سعادتهم حتى شملتني . وجاءت لحظة رأيت على وجه الأب أنه يوشك أن يدعوني أن أنضم إلى مجلسهم ، في تلك اللحظة دهمني الرجل القبرصـي . قامت البنت الكبرى وخطت برشاقة نحو حوض السباحة . قال الرجل القبرصي ، والبنت توقفت فجأة كأن قوة غامضة أوقفتها ، قال :
- هذه أدفع فيها مائة جنيه إسترليني .
قلت له مذعورا :
- لماذا ؟
أشار الرجل القبرصي بذراعه إشارة بشعة .
في تلك اللحظة انكبت البنت على وجهها ، سقطت على الحجر ، وسال الدم من جبهتها . هبت العائلة الطيبة مثل طيور مذعورة واحاطوا بالبنت . فورا قمت من جنب الرجل ، وأنا اشعر نحوه بكراهية طاغية ، وجلست على مائدة بعيدا عنه . تذكرت بناتي وأمهن في بيروت وغضبت ، ورأيت أفراد العائلة الجميلة ينصرفون مبتئسين ، البنت يتشبثن بالأم ، والأم تتحامل على الأب ، فغضبت أكثر . ثم سكنت وسكنت الأشياء حولي . وانحسرت الضوضاء ، وجاء صديقي الطاهر " ود الرواسي " وجلس إلى جانبي ، على الكنبة ، أمام متجر سعيد . كان متهلل الوجه نشطا ممتلئا عافية ، قلت له :
- صحيح ليش ما كبرت أو عجزت مع أنك أكبر منهم كلهم ؟
قال :
- من وعيت على الدنيا وأنا متحرك . ما أذكر أني وقفت من الحركة . اشتغل مثل الحصان وإذا كان مافي شغل ، اخلق أي حاجة اشغل نفسي بها . أنوم وقت ما أنوم ، بدري أو وخري ، شرط اصحي على المؤذن أول ما يقول " الله أكبر الله أكبر " لصلاة الفجر .
- لكنك لا تصلى ؟
- أتشهد واستغفر بعد ما المؤذن يخلص الآذان ، وقلبي يتطمن أن الدنيا ماشية زي ما كانت . آخذ غفوة مثل نص ساعة . العجيب غفوة ما بعد الآذان تسوى عندي نوم الليل كله . بعدما اصحي كأنه صحاني منبه . أعمل الشاي واصحي فاطمة . هي تصلى صلاة الصبح .. نشرب الشاي . أنا أنزل أقابل الشمس فوق صفحة النيل وأقول لصباح آه حبابك ومرحبابك . أغيب زي ما أغيب أرجع ألقى الفطور حاضر . نقعد أنا وفاطمة وأي إنسان من عباد الله تجئ به إلينا القسمة . أكثر من خمسين سنة على هذى الحالة .
يوما ما سأسأل الطاهر ود الرواسي ، عـن قصـة زواجـه بفاطمـة
بنت جبر الدار ، إحدى أخوات محجوب الأربعة . لم يكن ولادة لنفسه ، بل كان لمحجوب ، وكان يضحك على نفسه وعلى الدنيا . هل يصبح بطلا ؟ واضح أنه إذا وجد الجد فسوف يفدى محجوب بنفسه . هل أسأله الآن ؟ لكنه قال ، وحده ، جملة صغيرة مصنوعة من نسيج حياته كلها :
" فاطمة بنت جبر الدار . هالله . الله " .
- ومحجوب ؟
ضحك الطاهر ود الرواسي ضحكة لها طعم تلك الأيام ، وذلك مدى حبه لمحجوب ، حتى ذكر اسمه يملؤه سعادة ، كأن وجود محجوب على وجه الأرض ، يجعلها أقل عدوانا ، وأكثر خيرا في نظر الطاهر ود الرواسي ضحك وقال وهو يضحك :
- محجوب حاجة تانية . محجوب معمول من طينة غير . ثم سكت وكان واضحا لي أنه لا يريد وقتها أن يقول أكثر فـي ذلك الموضوع بالـذات . بعد مدة سألته :
- عبد الحفيظ قال أنك ما دخلت الجامع في حياتك أبدا صحيح ؟
- مرة واحدة بس دخلت الجامع .
- ليش ؟ وعلشان ايش ؟
- مرة واحدة فقط . كان شتاء من الشتوات . طوبة أو أمشير ، الله أعلـم .
قلت له :
- كان في أمشير ، بعد ما دفنتم مريم بالليل .
- صحيح .. عرفت كيف ؟
- كنت معاكم موجود .
- وين ؟ ما شفتك داك الصباح ، مع أن البلد اجتمعت كلها يومداك في الجامع ؟
- كنت عند الشباك اختفى وأبين لحد ما قلتم ولا الضالين آمين .
- سبحان الله . محيميد المسكين كان يصرخ ويقول " الراجل الكان هنا راح وين ؟ "
- وبعدين ؟
فجأة طائر الأحلام طار . اختفى ود الرواسي ، واختفـت " ود حامـد "
بكل تلك الاحتمالات . وحيث كان يجلس رأيت الرجل القبرصي ، سمعت صوته فأنقبض قلبي . سمعت الصراخ والضوضاء وارتطام الماء بجوانب المسبح ، وتشكلت الأشباح على هيئة نساء عاريات ورجال عراة وأطفال يتقافزون ويتصايحون . وكان الصوت يقول :
" أدفع في هذه خمسين جنيها إسترلينيا فقط "
ضغطت عيني لأصحو أكثر ، ونظرت إلى السلعة المعروضة في السوق . كانت تلك المرأة . كانت تشرب عصير برتقال ، في اللحظة التي قال فيها الرجل القبرصي ما قال ، شرقت ، واختنقت ، وهب إليها الرجل هبت المرأة ، وجاء الخدم والسعاة ، واجتمع الناس ، وحملوها مغشيا عليها . كأنما ساحر أشار بعصاه السحرية ، فإذا بالناس ، كما خيل لي ، قد اختفوا فجأة ، والظلام أيضا كأنه كان على مقربة ينتظر إشارة من أحد ، نزل دفعة واحدة . أنا والرجل القبرصي ، وحدنا ، والضوء يلعب ألاعيبه على صفحة الماء . قال لي ، بين النور والظلام :
- بنتان أمريكيتان وصلتا هذا الصباح من نيويورك . جميلتان جدا وثريتان جدا . واحدة في الثامنة عشرة وهي لي ، والثانية في الخامسة والعشرين وهي لك . أختان ، تملكان فيلا في كايرينيا . عندي سيارة . لن تكلفك المغامرة شيئا . أسمع كلامي . لونك سيعجبهن جدا .
كانت الظلمة والضوء يتصارعان حول المسبح وعلى سطح الماء ، وكان صوت الرجل القبرصي كأنما يزود جيوش الظلام بالسلاح ، لذلك أن أقول له فليكن ، ولكن صوتا آخر خرج من حلقي ، دون إرادتي ، قلت له ، وأنا أتابع الحرب الدائرة على صفحة الماء :
- لا ، أشكرك . لم أحضر إلى نيقوسيا بحثا عن هذا . جئت لأتحدث إلى صديقي الطاهر ود الرواسي في هدوء ، لأنه رفض أن يزورني في لندن ، وأعياني لقاؤه في بيروت .
ثم ألتفت إليه ويا هول ما رأيت . هل أنا واهم أو حالم أم مجنون ؟ جريـت ، جريت لائذا بالجمع في مشرب الفندق . طلبت شرابا ما ، وشربته ، لا أذكر مذاقه ، وشربته لا أعلم ماذا كان . هدأ روعي قليلا . ولكن الرجل القبرصي جاء وجلس معي . كان يقفز على عكازين . طلب كأسا من الويسكي ، دبل . قال أنه فقد ساقه اليمنى في الحرب . أية حرب ؟ حرب من الحروب ، ماذا يهم أية حرب ؟ تهشمت ساقه الخشبية هذا الصباح . صعد جبلا .. ينتظر ساقا جديدة من لندن . صوته إنجليزي أحيانا ، وتشوبه لكنة ألمانية أحيانا ، ويبدو لي فرنسيا أحيانا ، ويستعمل كلمات أمريكية :
- هل أنت .. ؟
- لا لست أنا .. بعض الناس يحسبونني إيطاليا وبعضهم يحسبونني روسيا ، وبعضهم ألمانيا .. أسبانيا .. ومرة سألني سائح أمريكي هل أنا من بسوتولاند . تصور . ماذا يهم من أين أنا ؟ وأنت يا صاحب السعادة ؟
- لماذا تقول لي يا صاحب السعادة ؟
- لأنك إنسان مهم جدا .
- ما هي أهميتي ؟
- أنك موجود اليوم ولن تكون موجودا غدا .. ولن تتكرر .
- هذا يحدث لكل إنسان ما أهمية ذلك ؟
- ليس كل إنسان مدركا . أنت يا صاحب السعادة تدرك موضعك في الزمان والمكان .
- لا أعتقد ذلك .
شرب الكأس دفعة واحدة ووقف على ساقين سليمتين ، إلا إذا كنت واهمـا
أو حالما أو مجنونا ، وكان كأنه الرجل القبرصي . انحنى بأدب متصنع جدا، وكان وجهه كما رأيته على حافة البركة يجعلك تحس أن الحياة لا قيمة لها ، وقـال :
- لا أقول وداعا ، ولكن إلى اللقاء يا صاحب السعادة .
كانت الساعة العاشرة حين دخلت فراشي . تحايلت علـى النـوم بوسـائل
شتى ، وكنت متعبا سبحت طوال اليوم . حاولت التحدث إلى الطاهر ود الرواسي .. سألته عن قصة زواجه من فاطمة بنت جبر الدار . سألته عن حضوره صلاة الفجر في ذلك اليوم المشهود . سألته عن ذلك الغناء الذي كان يعقد ما بين الضفتين بخيوط من حرير ، بينما كان محيميد المسكين يضرب في اليم ملاحقا طيف مريم ، لكنه لم يجب . لم تسعفني الموسيقى ، ولم تسعفني القراءة . وكان يمكن أن أخرج ، أذهب إلى ملهى ، أو أتمشي ، أو أجلس في مشرب الفندق . لا حيلة لي . ثم بدأ الألم . خدر خفيف في أطراف أصابع القدمين ، أخذ يزحف تدريجيا إلى أعلى حتى كأن مخالب رهيبة تنهش البطن والصدر والظهر والـرأس ، وكأن نيران الجحيم اشتعلت مرة واحدة .
كنت أغيب عن الوعي ثم أدخل في دوامة رهيبة من الآلام والنيران ، والوجه المرعب يتراءى لي بين الغيبوبة وشبه الوعي ، ينط من مقعد إلى مقعد ، يختفي ويبين في أنحاء الغرفة . أصوات لا أفهمها تجئ من المجهول ، ووجوه لا أعرفها مكشرة ، قاتمة . ولم تكن لي حيلة . كنت واعيا بطريقة ما ، ولكن لم تكن لي حيلة أن أرفع سماعة التلفون أطلب طبيبا ، أو أنزل إلى الاستقبال في الفندق أو اصرخ مستغيثا . كانت حربا شرسة صامتة بيني وبين أقدار مجهولة . ولابد أنني انتصرت نوعا من الانتصار ، لأنني صحوت على دقات الساعة الرابعة صباحا ، والفندق والمدينة صامتين . اختفت الآلام إلا من إحساس بالإعياء واحساس بيأس شامل ، كأن الدنيا بخيرها وشرها لا تساوى جناح بعوضة . بعد ذلك نمت . في التاسعة صباحا ، حلقت الطائرة الذاهبة بي إلى بيروت فوق نيقوسيا فبدت لي مثل مقبرة قديمة .
في مساء اليوم التالي في بيروت دق جرس الباب ، وإذا امرأة متشحة بالسواد تحمل طفلا . كانت تبكي وأول جملة قالتها :
- أنا فلسطينية . ابنتي ماتت .
وقفت برهة أنظر إليها لا أدرى ماذا أقول ، ولكنـها دخلـت وجلسـت
وقالت :
" هل تتركني أرتاح وأرضع الطفل ؟ " .
بينما هي تحكى لي قصتها دق جرس الباب . أخذت البرقية وفتحتها ، وكانت المرأة الفلسطينية تحكى لي الفاجعة الكبرى ، وأنا مشغول عنها بفجيعتي . قطعت البحار والقفار ، وكنت أريد أن أعلم قبل أي شئ ، متى مات وكيف مات . أخبروني أنه عمل في الحديقة في حقله كعادته في الصباح ، وعمل الأشياء التي يعملها عادة في يومه . ولم يكن يشكو من شئ . دخل دور أقربائه ، وجلس مع أصدقائه هنا وهنا . أحضر بعض التمر في نصف نضجة وشرب به القهوة . ورد اسمي في حديثه عدة مرات ، وكان ينتظر قدومي بفارغ الصبر لأنني كتبت له أنني قادم . تعشى خفيفا كعادته ، وصلى صلاة العشاء ، ثم جاءته نذر الموت نحو الساعة العاشرة ، قبيل صلاة الفجر فاضت روحه ، وحين كانت الطائرة تحملني من نيقوسيا إلى بيروت ، كانوا قد فرقوا لتوهم من دفنه .
وقفت على قبره وقت الضحى ، وكان الرجل القبرصي جالسا على طرف القبر ، في زيه الرسمي ، يستمع إلى وأنا أدعو وابتهل . قال لي بصوت كأنه ينبع من الأرض والسماء ، ويحيط بي من النواحي كافة :
- لن تراني بعد على هذه الهيئة إلا في آخر لحظة ، حين أفتح لك الباب ، وأنحني لك بأدب ، وأقول لك " تفضل يا صاحب السعادة " . سوف تراني في أزياء أخرى مختلفة . قد تلقاني على هيئة فتاة جميلة ، تجيئـك ، وتقول لك أنها معجبة بأفكارك وآرائك ، وتحب أن تعمل معك مقابلة لصحيفة أو مجلة . أو على هيئة رئيس أو حاكم يعرض عليك وظيفة يخفق لها قلبك . أو على هيئة لعبة من ألاعيب الحياة تعطيك مالا كثيرا لم تبذل فيه جهدا . وربما على هيئة جمهور ضخم يصفق لك لسبب لا تعرفه . وربما تراني على هيئة بنت تصغرك بعشرين عاما ، تتشهاها ، تقول لك نذهب إلى كوخ منعزل في الجبل . أحترس . لن يكون أبوك موجودا في المرة القادمة ليفديك بروحه . أحترس . الأجل مسمى ، ولكننا نأخذ بعين الاعتبار المهارة في اللعب . أحترس فإنك الآن تصعد نحو قمة الجبل .
الطيب صالح
| |
|
|
|
|
|
|
|
|
|
Re: خيمه بت الهنا (Re: BitAlhana)
|
بت الهنا ...... و السرور
المحاربون القدامى
المحاربون الجدد
صباحية بنكهة قهوة خاساوية
الكهرباء عندكم فى الخيمة قاطعة
و موية الازيار حاااااارة
و الحيمة مليانة ضبان
ومان مافى زول قاعد
اها حبينا نسجل حضور صباحى و شايف دفعتى بعد بت الهنا رضا و الزول ذاتو و شرنوبى و الحليلة و تبلدينا
و كمان من الدفعات المدرسية حبيبنا استاذ سيف الدولة كامل تحياتى ليهم جميعاً
و كذلك تحية مثلها او احسن منها للاخوة المتداخلون غير الدفعة.
بت الهنا
ما تقولى لى لسع فى تلك المنافى ؟؟
| |
|
|
|
|
|
|
|
|
|
Re: خيمه بت الهنا (Re: BitAlhana)
|
مش قلت ليكم ترقبوا الجديد و المثير
اها دي دكتوره نجاة زارتنا
با دكتوره بي زيارتك خيمتنا نورت
و طبعا اذدادت الق بيك و بي روائيه الطيب صالح رحمه الله
اصلك جلابه الخير .. القصه ممتعه جدا
بس يا دكتوره حاولت افهم الفلسفه بتاعت القصه .. لانو داخلني خوف
و الروايه صعبتها اكتر!!! افتكر دي فلسفه لي الموت
ح أقراها لي المره الرابعه علني اصل لي المغزى
و طولت العمر ليكي و للحاضرين
| |
|
|
|
|
|
|
|
|
|
Re: خيمه بت الهنا (Re: BitAlhana)
|
كوستا الشفيف
خلاص الهمله كملت؟؟؟ و فضيت لينا ؟
الشغله بقت سايبه ... مش قطر دي بمشيها ... انشاء الله ترانزيت
مشتاقين و الله ... كيفك و كيف المعاك؟
بعدين كشف الحال لزومه شنو؟؟؟
قلنا جبنا جنه طييييييييييييير ... الكلام ده ما واضح يا نباش؟
ولا داير تطشش الناس؟
كوستا انا لسه في المنافي (وش باكي)
لكن المره دي جابني الشديد القوي ... بفته ليك
مودتي
| |
|
|
|
|
|
|
|
|
|
Re: خيمه بت الهنا (Re: BitAlhana)
|
| Quote: لو جبنا الكراسي دي بجاي و ختينا الازيار بي جاي |
زولنا المصنقر داك منتظر الغدا بشان كدة الكراس خاتنها كدة اها بعد الغدا ببشيلوها وينطفو البكان ..الزير خاتنو ناحية الهواء الهبابي لزوم التبريد ..الشغلة دايرة تظبيتات في المكان اكييد .. اها نشوف لينا واحد متخصص في ال ID
| |
|
|
|
|
|
|
|
|
|
Re: خيمه بت الهنا (Re: abubakr)
|
سامي عتباني
شرفت
لكن الخيمه ما خيمه
دي ما اي زول بيقدر يدخلها
خصوصا انه انا عارفه لي بوردابي داير يجي هنا و هو ولا مؤاخذه بيستعمل حلاوه كرمله
عارفها؟؟
اها زي ده انا أقع بيه وين في الخيمه السمحه دي
عليك الله نظم لي الشغلانه
لانه ابوبكر جايب ليه عمال و قال راجيين الغدا
و يا خوف قلبي من الغدا
| |
|
|
|
|
|
|
|
|
|
Re: خيمه بت الهنا (Re: BitAlhana)
|
أبوبكر
الغدا شنو؟
أوع تقول لي كمونيه تااااااااااااااااني
بعدين ينضفوا المكان بعدين دي ما ما بتقسم معاي !!!!
يجوا يتونسوا و يكبوا الحنان مع الجكس و يزوغوا ... مش كده؟
من اسي يشيلوا الكراسي ... ولا بعدين و لا ستين .... اسع ناااااااااو .... ما شايف كوستا ده نباش كيف؟
| |
|
|
|
|
|
|
|
|
|
Re: خيمه بت الهنا (Re: BitAlhana)
|
| Quote: أوع تقول لي كمونيه تااااااااااااااااني |
يابتي انا فيججي (نباتي تب ) وجني وجن الكانيبلز واكل اللحوم ...قراصة بدمعة سااااي (اورديحي بس طماطم وبصل ويمكن توم ) وكل واحد يجيب كوريتو ياخد فيها حته قراصة ( سيلف سيرفز ) وما في جغميس وناس لحيس الكيعان ما معانا ..... العشا سلطة وبلح وبعداك حولية عدييل يعني ناس الحنان يشوفو ليهم راكوبة والا مركب وقمر بوبا قريبي دة مسعول عن النظام وودالعباسية يجي بدري مش اخر الليل زي زمن اغاني واغاني ....المهم النظام لازم يكون مستتب والبنومو في الخيمة شرط اساسي ما يكون من البيشخرو ... عموما التعليمات ستنزل تباعا ...
| |
|
|
|
|
|
|
|
|
|
Re: خيمه بت الهنا (Re: BitAlhana)
|
بت الهنا
كتبت ليك مداخلة طويلة في بوست كدة بتاع برلوم قال المنبر كيمان كيمان
المهم كيف الامور
شايفك لامة العجايز الكانو زايغين كلهم بجاي
شرنوبي ده قبل كم يوم كان مهكر والله طلعنا ليه غزوة لامن هكرونا نحن
وناس رضا
والخواض
تبلدينا غايتو مواصل
وكوستا
الهلالية
زاتووو برضو متواصل
لكن يا عجايز الزول بقي لما يشوفكم بجاي في زقاق يفرح في القرية البقت فجأة مدينة اسمنت زقاقاتها من شوراعها ما مفروزة وعيالها بتكلموا لغة مختلفة خالص
كنتو وين وجيتو من وين يا ناس
بركة خيمة بت الهنا
خلي خيمتك فوقك عساها تجيب الطاشين
سلام
| |
|
|
|
|
|
|
|
|
|
Re: خيمه بت الهنا (Re: GamarBoBa)
|
Quote: خلاص الهمله كملت؟؟؟ و فضيت لينا ؟
الشغله بقت سايبه ... مش قطر دي بمشيها ... انشاء الله ترانزيت |
بت الهنا
انا شدة ما فاضى تلاقينى خاتى الكرسى جنب باب الخيمةمن دغشن بدرى
قطر بلد الخطر..... اذا مستعدة فالفرسان جاهزين
و منتظرين شماراتك الوعدتينا بيها و بالمرة نعرف اخبار المنافى
الخواض
يا بن العم العزيز سقط اسمك سهواً من قائمة المحاربين القدامى و لك العذر
ادينا اخبارك مع تحياتى الاكيدة لشخصكم
قمربوبا
مرحباً باحد رواد السايبر السودانى
و اوائل المقاتلين الاشاوس
عوداً حميداً للزمن الذى لا يعود
و بعدين يا قمر شنو حكاية عجايز دى ؟؟ ما تنفر مننا الجكس نحنا لسع شباب و عندنا عشم نطلع لينا بعروس ان شاء الله عشرينية او ثلاثينية الهوى
تحياتى
| |
|
|
|
|
|
|
|
|
|
Re: خيمه بت الهنا (Re: KOSTA)
|
السلام عليكم ناس الخيمة ،،،
الخيمة دي شايفها جابت ناس معتتين ،،
من زمن عيييييييييييك ،،،
جينا نسلم ونقول مبروكه عليكم خيمتكم ،،
| |
|
|
|
|
|
|
|
|
|
Re: خيمه بت الهنا (Re: مدثر محمد ادم)
|
كوستا عجايز دي ما المقصود منها السن
وحاتك من زمنا داك قاعدين الله ورقبتنا تجي تقول لي عايز تصطاد هنا...
ياخي ابقي طيب ونتواصل
كتر بت الهنا البتلم القدام ديل
| |
|
|
|
|
|
|
|
|
|
Re: خيمه بت الهنا (Re: GamarBoBa)
|
بت الهنا
خيمة السرور والله ، كل شوية نمر نتجدع فيها ..
كتروا الغنا ، والجكس الأربعيني فما فوق ، باقي جكس الزمن ما بنقدر ،
ولو مصرّين يشوفوا ليهم ركن يقعدوا فيهو ..
| |
|
|
|
|
|
|
|
|
|
Re: خيمه بت الهنا (Re: ودقاسم)
|
سلالالالالالالالالالالالالالالالالالالالالالالام,,,, اهل الخيمة
بركة بالشوفة,, تاني ما تقفليها وتخلينا
نتحاوم من فريق لي فريق
حلاة قندلا بتشرب في الفراوله
| |
|
|
|
|
|
|
|
|
|
Re: خيمه بت الهنا (Re: سيف الدولة كامل)
|
ناس الخيمة
صبحكم الله بالخير
و صباحية خاصة للناس الدخلت الخيمة حديثاً من ناسنا القدام: ود العباسية، ودقاسم
قمر بوبا
يا اخى خلينا نطلع لينا بعروس لقطة من خيمة بت الهنا دى
وذلك اضعف الايمان
ودقاسم
مشتاقين
يا حبيبنا اما سمعت قول الشاعر:
اذا غامرت فى شرف مروم فلا تقنع بما دون النجوم
تقول لى اربعينية ؟؟؟ عيب لى العشرينيات و الثلاثينيات ؟؟
الا اذا كنت منيش على واحدة بعينها اربعينية الهوى فذلك شأن آخر يتم بحثه داخل اروقة الخيمة
بت الهنا
الضيوف قاعدين فى السهلة و زول يجيب ليهم حاجة مافى
انتى ما شفتى نسوان سوق ليبا و سوق الناقه؟؟
خجلتونا يا عالم
| |
|
|
|
|
|
|
|
|
|
Re: خيمه بت الهنا (Re: KOSTA)
|
بكور
فيجي دي علي انا؟؟
والله خوفي أديك ضهري كده ... تقبل على المراره و أم فتفت ....
دي ما مشكله
جابت ليها نوم في الخيمه؟
بري
انت داير الخيمه بي عدتها تمشي الخور؟؟؟
نحنا عندنا Late زي بتاع الداخليات ... و بعدين اعمامك الهنا ديل كان سمعوا مبيت
ياهم الحتلوا ....
مبيت و حنان ,,,, و الله ياهو
| |
|
|
|
|
|
|
|
|
|
Re: خيمه بت الهنا (Re: BitAlhana)
|
قمر بوبا
مشتاقييييييييييييييييييييين
والله العظيم امبارح شفتك لايص في المدينه الأسمنتيه دي
قلت مالوا قمر بوبا عامل فيها ملاح تقليه (دي سمعتها جديد و عجبتني)
وما بيجي خيمتي ... اها قلت اناغمك بي المسنجر ,,, تاني قلت يا بت الخفه مافي ليها داعي
اها بركه الجيت برااااااك
واسي دبرستني بي الناس المهكرين ديل .... لموني في تلفون بكري ... الا اصدع بيه عشان يرجعهم
بي الذات شرنوبي ده ... دايره منه 2 جبنه .. 2 شيشه ...و 1 تبلدي ,,, يجي هنا يحب و يتكلم عن
العشق و الهوى ,,, و يشتت؟؟
اسي في داعي لي عجايز دي ... اها كان تتدبلوا ابقوا قابلوني!!
| |
|
|
|
|
|
|
|
|
|
Re: خيمه بت الهنا (Re: abubakr)
|
ود العباسيه
فاقدنك
لكن معتتين دي موتتني بي الضحك ... مافي ليها اي داعي ... اسحبها ... تعبتني نفسيا(وش معتت)
نغيب و نجي و انت ياك انت؟
مره مره تعال عتت بي جاي .... لووووووووووووووول يكه
| |
|
|
|
|
|
|
|
|
|
Re: خيمه بت الهنا (Re: BitAlhana)
|
ود قاسم سلامات
لكن يا خوي شكيت محنك اسي غير طفشت الجكس ما سويت شي
يعني تقول جكس اربعيني و راجيهم يجوا؟؟؟
هو انا ستها قربت ماأجي داخلاها تاني
غايتو انت و كوستا الله يكفينا شر نيتكم
| |
|
|
|
|
|
|
|
|
|
Re: خيمه بت الهنا (Re: BitAlhana)
|
سيف أخوي
مرحب بيك
صورتك في عرس صاحبكم دمااااااااااااااار
بتضمن ليك المنافسه
لوووووووووووووووول
شفت كونداليزا مفجوعه كيف؟؟؟
كنت دايره أواصل الحرب لكن بوست ود شيقوق بقى كله عذابه
خليته .. زي خيمتي دي
لكن عندي واحد شايقي دعاي جنس دعا ... ح انزله هنا
و ارسل لي ود شيقوق أقول ليه انشاء الله الدعاء ده في كونداليزا
| |
|
|
|
|
|
|
|
|
|
Re: خيمه بت الهنا (Re: BitAlhana)
|
من زمان دايرة اجي الخيمة دي لكن يادوب الله رفع القدم ..
دايرة لي قهوة من دون سكر ومعاها بخوووور
الف حمد لله على السلامة يابت امي
| |
|
|
|
|
|
|
|
|
|
Re: خيمه بت الهنا (Re: انعام حيمورة)
|
انعام قدمك لي مكه قولي اميييييييييين
و حباب اليوم الجابك
لكن قهوه من غير سكر بتنشرب؟؟
اقري و صف الزول زاتووووو فوق ....... يموت بي الضحك
وبعدين في داعي لي الرحله النيليه دي و انا مافي في البلد؟
لما كنت هناك مالكم ما بتسوا الحاجات دي؟ (وش معفرت)
مسؤوله من الخير و ين المهندس؟؟ كان بيهتم بي الحاجات دي كتير؟
تسلمي
| |
|
|
|
|
|
|
|
|
|
Re: خيمه بت الهنا (Re: BitAlhana)
|
Quote: مدثر مالك داخل حامي كده؟؟؟
معناتها السخانه شديده والله ...
ما تخاف عندنا جنريتر و مكيفات |
كان كده الواحد يمكن يفضل ويشرب قهوة
ويتونس
| |
|
|
|
|
|
|
|
|
|
Re: خيمه بت الهنا (Re: مدثر محمد ادم)
|
مدثر بركه الجيت
أسمع دي
مسطول قاعد مع مرتو حب يدلعها،،قاليها :انتي حمامة
قالت ليهو لأ، انا غزالة
قال ليها : المهم حيوانة
قرقررقرقرقررقرقرقر
أيقى قريب والله الجماعه الفوق ديل بعد شويه بيسوا العجب.....
| |
|
|
|
|
|
|
|
|
|
Re: خيمه بت الهنا (Re: صلاح أبودية)
|
مرحب بي أبو ديه
شفت الشلاقه كيف؟ البيت محروس و سته تكوس...
الشاي مقنن و لا لأ؟
حصل جربت شاي أميره الفي شارع 15؟؟ مجنوووووووووووون
لكن شايينا احلى منو ...
اتفضل بي الهنا
| |
|
|
|
|
|
|
|
|
|
Re: خيمه بت الهنا (Re: BitAlhana)
|
يا كوستا بالله لسة ما عرست...
تعال نعمل لينا فيس بوك حقنا ونصطاد سوا...
كوستا نصيحة اخوية عرس وانت كبير خالص عشان تجيب ليك ولد كبير وخلاص..مافي داعي لعرس بدري ومساسكة الشفع.
بت الهنا خيمتك دي بعد يضربوا الفول فيها شنو ..مرخمين وكدة
| |
|
|
|
|
|
|
|
|
|
Re: خيمه بت الهنا (Re: علوبه)
|
| Quote: الزي المطلوب الزي السوداني المعروف الرجال جلاليب بيضاء مكويه .... و البنات تياب |
اللللللللللللللللله يا بت الهنا كده إنتى إستثنيتينى من الدخول إلى الخيمة
بس معليش ما مشكلة نقعد برا ونسمع احاديث المدينة يمكن فى يوم من الأيام يسمح لنا بدخول الخيمة
فائق تقديرى
_______________________
ما عندى جلابية كلو كلو بالجد وما عايزها ههههههههه
| |
|
|
|
|
|
|
|
|
|
Re: خيمه بت الهنا (Re: شول اشوانق دينق)
|
والله يا بت الهنا الخيمة اليومين قاجة
بالله ما تقومي تفزي وتخلي الدار خلا
الخيمة جمعتنا بناس عزيزين ودفعة
30 سنة ما شفنا بعض اخي زميلي ودفعتي
ود فصلي الدكتور العزيز كوستا,الا
يا كوستا مالك مابي العرس, بدورنشجعك
علي قولة ود قاسم نحنا بنجكس ما فوق
الاربعين,و والله قرقرقرقر داير اموت
من الضحك يا ود قاسم بعد شويه بتقولينا
اخير فوق الخمسين,, تحياتي ليكيم جمعا
ويا اشول والله انت من هسع عندك حق
الفيتو تجي لابس الدايرو ونحنا
لاقنك وين يا منقة,
مودتييييييييييي
| |
|
|
|
|
|
|
|
|
|
Re: خيمه بت الهنا (Re: GamarBoBa)
|
سلام يا بت الهنا
Quote: ح نقدم للضيوف شاي و قهوه و لقيمات و عصير باسعار رمزيه تمكنا من تشغيل الخيمه (الكهرباء الخبيثه + الحبشيتين بتاعين القهوه + الولد غسال العربات و ده مهم في حراسه العربات)
|
يازولة اسعار شنو , ضيافتكم ضيافة ناس البندر دي البقت بالقروش,
كنت داير أوكلك في موضوع خاص كدي ... لكن مادام انتو ناس بندر خليتو بمشي على خيمة أختنا عواطـف الله يحججا ويعمر ليها
أحمد الشايقي
| |
|
|
|
|
|
|
|
|
|
Re: خيمه بت الهنا (Re: أحمد الشايقي)
|
هوووووووووي يا بت الهناء والله انا كت جاياك الا من قلتي ممنوع الاختلات الكلام ما عجبني
اسه لو فيها خلت بجي كمان كان بقت سعوديه الله بيني ما بينها
| |
|
|
|
|
|
|
|
|
|
Re: خيمه بت الهنا (Re: doma)
|
Quote: يعنى الموضوع دا ماما دومه قدت اضانى فيهو والعجب
ماما فاطمة انا ما عارف الامهات ديل موضوعهم شنو معاى |
لوووووول موضوعنا معاك دايرين نجي نهجج وناخد لينا رقصه رقصتين وكت الكرعين لسه شايلاتتنا قبال نتكسر .
| |
|
|
|
|
|
|
|
|
|
Re: خيمه بت الهنا (Re: doma)
|
عيييييييييييييييييييك انتوا بهنا وكمان ود الشايقي وسيف ودوما كمان ؟
والله اللوم بيجي بالغفلات والحسادات
Quote: كنت دايره أواصل الحرب لكن بوست ود شيقوق بقى كله عذابه
خليته .. زي خيمتي دي |
انا وهطت ليك فيك جنس درابة تاني كان بقى عرفات ما بتوصليهو
| Quote: و ارسل لي ود شيقوق أقول ليه انشاء الله الدعاء ده في كونداليزا |
قاصة قلبك وملوعاااااااااك
| |
|
|
|
|
|
|
|
|
|
Re: خيمه بت الهنا (Re: BitAlhana)
|
شول
الف مرحبتين حبابك اليوم السعيد الليله جابك
خلاص عشان خاطرك نسمح باللبس الكاجوال
و تعال صادي
في زمتك جربت الجلابيه؟؟ ولا ما عايزها ساكت
كدي خش ليك في سكروته كدي و شال مفلفل و اتصور و خلينا نحكم..
___________________________________________
ومافي شمال بدون جنوب و مافي جنوب بدون شمال
| |
|
|
|
|
|
|
|
|
|
Re: خيمه بت الهنا (Re: علوبه)
|
يا سيف سلامات
بالله كوستا دفعتك أصلوا الناس الراقيه بتتعارف
و قل لي من صديقك أقل لك من انت (ده الجابوا شنو ده اسي)
كوستا ده فردتي ياخي
بعدين كوستا قال ما معرس؟؟
قصه و أخرها لسه .... ده تفاصيله كالاتي
في زمته علني واحده
عرفي واحده
المسيار واحده
والظهر في السودان جديد ما عارفه اسمه شنو واحده
دي غير الجكس المهردم فيه ساكت
ابقى قريب
| |
|
|
|
|
|
|
|
|
|
Re: خيمه بت الهنا (Re: BitAlhana)
|
الشايقي شوق من هنا لامن يوصل نوري
بعدين شنو حركاتك دي متضامن لي مع ود شيقوق؟
كويس .... تندخر لك
الضيافه 3 أيام انت بسويها ليك أسبوع ... حلو الكلام؟؟
بعدين انت عارفني بحب الشمار .... وعواطف الله يحججا ... بس وريني داير توكلني بي شنو
أمووووووت ليك
| |
|
|
|
|
|
|
|
|
|
Re: خيمه بت الهنا (Re: BitAlhana)
|
الملك الملك
في كل حاجه
لكن سؤال انت صورتك دي ... مقلوبه ولا الدخاخين دي الناس ديل ختوا فيها حاجه؟ خلوني أشوفها مقلوبه؟؟
الليله يا البوليس
لووووووووووووووووووووووول
| |
|
|
|
|
|
|
|
|
|
Re: خيمه بت الهنا (Re: BitAlhana)
|
ماما دومه
طبعا انتي فاكهة مجالسنا ... و انا اسي بوضح كل شي ... و بتحامى بيك
اناقلت الخلط ممنوع ... ساي حركه قدام بكري
لكن عادالجماعه ديل مابنبقى بلاهم
و بيني و بينك ... بيطعموا القعده
لووووووووووووووووووووول يكه (محفوظه لي الزول زاتو)
ماما دومه انشاء الله يا حبيبه تشيلك عافيتك ... و نهجج في عرس تبلدينا كلنا... ما عندك ليه ترشيحات؟
والله شاب زي الورد ...
أبقي عافيه
| |
|
|
|
|
|
|
|
|
|
Re: خيمه بت الهنا (Re: ombadda)
|
حيموره
عندي نضم كتييييييييييير و دقاق
لكن خايفه من الخط الاحمر
بس غايتو من بعيد كده
حبيبي حمر لي ... و انا بحمر ليك ... بالحاصل بي ... و الحاصل بيك
متأكد الخيمه دي بتنفع مع الكرمله؟؟ صحيه؟؟
| |
|
|
|
|
|
|
|
|
|
Re: خيمه بت الهنا (Re: ombadda)
|
صفويه أنت وين يا أختي؟؟ ضربت لك كم مره الماما قالت لي نايمه و مره حايمه
بركه البقيتي طيبه, انا معاك في الخيمه دي و الاقربون اولى
| |
|
|
|
|
|
|
|
|
|
Re: خيمه بت الهنا (Re: Dania Elmaki)
|
ود شيقوق
انا كنت معلنه عليك الجهاد ... لكن من دخل خيمه بت الهنا فهو امن
كدي أقعد مع الحبان بي مزاج و أحكي ليناالمتعبك شنو و خلاك تتكسر في كونداليزا
وعندك الحور الحسان ...
ما سمعت ابن الباديه:
زي القمر و الله احلى من القمر ...
لووووووووووووول@ درابه
انا جعليه .... جيت خاشه برضو
و سويت كش كش كش
| |
|
|
|
|
|
|
|
|
|
Re: خيمه بت الهنا (Re: ombadda)
|
بت الهنا... والسرور
جيتك فترااااان ومتفن بغبار المشي
خليني اتكي شويه وألحقيني بكوز مويه من الزير الباااارد دا .. وختي القهوه في النار
اول تبادي .. انا عندي موضوع عرس ..
وقالوا الزول كان بقي قايم منك .. جيب ليهو سيرة العرس .. تاني بجيك راجع يقعد
ناس الخيمه ديل جايطين واي زول ينضم في موضوع براهو .. زي الاذاعات المشتركه في الموجه
انا كدي بنشتر وكان ما صنوا وسكتوا ما بفتح موضوع العرس دا
طبعا انتن الجوطه ما بتفرق معاكن .. شوف عيني دي بقعدن عشره نسوان في مكان واحد
وكل واحده تنضم في موضوع مختلف .. والعشره فاهمات ومشاركات في وقت واحد
دي كيف ؟ دا المحيرني
| |
|
|
|
|
|
|
|
|
|
Re: خيمه بت الهنا (Re: نوفل عبد الرحيم حسن)
|
علوبه الثلج ده ما ساح يا خوي تتمحرك كدي
جيب معاك بخور جاولي .... العندنا كله كملته انعام
الواحد يجي يشرب ليه جبنه بي 5 الف ,,, و يشم ليه برطمان كامل بخور بي 10 الف
شفتها فوق قالت بخور دي كيف؟؟؟
شفقتني و الله
| |
|
|
|
|
|
|
|
|
|
Re: خيمه بت الهنا (Re: BitAlhana)
|
دانيه مشتاقين و الله
أخبارك شنو ؟ و كيف ناس البيت
والله يا قولك يا نايمه يا حايمه ...
انا قلت ضيوفك جوا من الخليج ما بزعجك .... لكن مدام قعدتي في النت معناها سافروا
المهم نتلاقى في الفيس بوك نتشمشر هناك
دانيه أمسكي الخيمه دي سمح .... انا ماشه اتشاكل في بوست ود شيقوق و أجي
| |
|
|
|
|
|
|
|
|
|
Re: خيمه بت الهنا (Re: BitAlhana)
|
بت الهنا,,,, مساك الله بالخير والبركة
كوستا دفعتي وود فصلي و طارق جبريل تلميذي وبت الهنا ست خيمتي
بالله في احلي من كده,,وكوستا صاحبي قلت ليهو كان داير مكابرة
بنعرس معاه مجاملة خصوصا بعد كلامك انه لسه فينا رقشة,و الله صدقتك
ماشي في الشارع واضحك الناس قالوا الزول ده فاكه منه. والله محنه
اديك العافية والله الناس اتلمت و وان شاء الله دايما
بس ود شيقوق مكتول في حوش العمدة رايس
تسسسسسسسسسسسسسسسسسسسسسسسسسسسسسسسسسسسسسسسسسلمي
| |
|
|
|
|
|
|
|
|
|
Re: خيمه بت الهنا (Re: سيف الدولة كامل)
|
Quote: لكن معتتين دي موتتني بي الضحك ... مافي ليها اي داعي ... اسحبها ... تعبتني نفسيا(وش معتت)
|
لقيت الناس كلهم من سنة قفا نبكى ،، عشان كدا ،،
هسى خيمتكم دي يا كافى البلاء نقتها كتيرة خلاص ،،
ان شالله كورية كستر ناكلها ساكت مافى ،، ولا حتى جبجبه نجبجب بيها ،،
انتو انصار سنة ولا شنو ،،
| |
|
|
|
|
|
|
|
|
|
Re: خيمه بت الهنا (Re: ودالعباسية)
|
نوفل
عرس ,,,, أقصد سلام
عساك طيب
شفت كوز المويه ده بارد كيف لمن مندددددددي
أها اقعد فضفض يا خوي ,,, و التفين ما مشكله أسي بتاع الورنيش بيجي يدقلش بي جاي
بي مناسبه نضم النسوان :
صحبتي محسيه مشيت ليها زياره ... أخوي جاء يسوقني ... لسوء الحظ لقى اهلها كلهم بيرطنوا
قال لي الناس ديل مالهم التقول بياكلوا في قرقوش؟؟؟
لوووووووووووووول .... قطع شك خسرت أي رطاني هنا
يا ناس هدوءءءءء اذا بتريدوا نوفل عنده موضوع
نوفل أقعد عليك الله ؟؟؟؟
طيب عرس
وبعدين نضمي النسوان ده الله ليكم منه ... اسي بعد يومين بيقولوا يا ناس الفريق هوووووووووووووي
نوفل كتل في خيمة بت الهنا
عرس ... هي سلام
| |
|
|
|
|
|
|
|
|
|
Re: خيمه بت الهنا (Re: BitAlhana)
|
Ombada
فطيتك معليش ... يفطك الكعب .... قول امين
بيني و بيني قاصده ,,, اي بوست بتاع انفلونزا الخنازير انت فيه ... الحكايه شنو؟؟
على كده نعقمك و ندخلك ....
قرقرقررقرقرق
تشرب شنو؟
| |
|
|
|
|
|
|
|
|
|
Re: خيمه بت الهنا (Re: BitAlhana)
|
لازم اقعد ما دام فيها عرس ،،،
العرسان الفوق ديل البخدمهم منو ،،،
تجهيز الصيوانات ،، والضبائح ، والفنان وكدا يعنى ،،
بعد ما يخلصو بقوم اشوف لى واحده ادبل بيها ،،،
| |
|
|
|
|
|
|
|
|
|
Re: خيمه بت الهنا (Re: ودالعباسية)
|
الدبيل يسمك يا ود العباسيه
تجعجعوا ساكت من ما فتحوا البورد ده بي العرس
يوم واحد فيكم دقه صدره و دبل مافي ...
أها الخيمه دي بعد العرس بتصفي علينا أنا و ماما دومه
و الاثنين ما بننفع ..... لووووووووووووووول
| |
|
|
|
|
|
|
|
|
|
Re: خيمه بت الهنا (Re: BitAlhana)
|
Quote: صحبتي محسيه مشيت ليها زياره ... أخوي جاء يسوقني ... لسوء الحظ لقى اهلها كلهم بيرطنوا
قال لي الناس ديل مالهم التقول بياكلوا في قرقوش؟؟؟ |
هههههههه اخوك دا كان رباطابي زمان ؟
علي ذكر دي .. زميلنا في الشغل دنقلاوي كان عندو عرس اختو
الفنان بعد نص الحفله قلب غنا بالرطانه .. زملينا التاني مركب مكنة رباطابي
قال لاخو العروس يا زول نحن كده طشينا شبكه .. وين شريط الترجمه ؟
تحت تحت كده عشان ما نخرب علاقتنا مع الرطانه
اصحابي كلهم محس ودناقله .. الغريبه ناس الشغل كلهم دناقله والباقي هنود
عليك الله مش حالتي تحنن ؟
عرس مؤقت .. اقصد سلام مؤقت لحدي ما ارجع
| |
|
|
|
|
|
|
|
|
|
Re: خيمه بت الهنا (Re: نوفل عبد الرحيم حسن)
|
بت الهنا والمني
عاملة شنو
يا بت أمي مناقيش ما خشيتوا
لكن هسة انا جايي من شانتي
جمب فرغلي أكيد بتعرفيه
انتي لو في كايرو
انا أي شي بضايرو
دة العفش علي مسؤوليتي
0020142190467
| |
|
|
|
|
|
|
|
|
|
Re: خيمه بت الهنا (Re: نوفل عبد الرحيم حسن)
|
سيف أخوي :
@@@@@وكوستا صاحبي قلت ليهو كان داير مكابرة بنعرس معاه مجاملة خصوصا بعد كلامك انه لسه فينا رقشة,و الله صدقتك@@@@@@
دي مكنتك مش كده؟
انت ما سمعت؟؟
يا بنت عشرين والأيام مقبلة
ماذا تريدين من موعود نقطه و نقطتين
يا زول عرس عرسك ساكت ...
وووووووووووووووووب اوع المره تكون بتقرأ هنا ... تجي تفرتق الخيمه
تقرأ و لا تأبى
ظبط الصوره و ختها في البروفايل
| |
|
|
|
|
|
|
| |
willeim andrea
Ridhaa
Hisham Amin
sharnobi
سيف الدولة كامل
حبيب نورة
ALZOLZATOO
elhilayla
abubakr
سامى عتبانى
GamarBoBa
ودالعباسية
ودقاسم
انعام حيمورة
صلاح أبودية
الطيب شيقوق
علوبه
شول اشوانق دينق
الملك
doma
علاء الدين حيموره
ombadda
Dania Elmaki
نوفل عبد الرحيم حسن
فيس بوك
تويتر
انستقرام
يوتيوب
بنتيريست