دعواتكم لزميلنا المفكر د.الباقر العفيف بالشفاء العاجل
|
|
 تقاطيع وملامح ..من نيالا ..عروس المدائن.. (2)
|
**
تقاطيع وملامح ..من نيالا ..عروس المدائن..
في هذه الحياة تعبر امامك وجوه ..
تحفر داخلك اخاديد وتشكل وجدان..
لاتستطيع محن الدهر ونوائبة ان تزيل تضاريسها
وتظل هناك ساكنة..
الى ان تحركها من مكمنها وبياتها ريح..
تهز فرع الزمان..
و ينفض عنها الغبار
تهب واقفة..
تراها راى العين ..
امامك تسير وتشير..
شخصيات ..
شخوص ورموز
مروا من امامك في لحظة ما..
لاتستطيع منهم فكاكا..
يلمسون فيك وترا..
ويحدثون عفقات تسمعها..
تحسها..
تلمسها..
تشمها..
ويعلقون دائما هناك
فى ركن كامن..
ملامح وتقاطيع تسرج ذاكرة المدينة.
تقطع الفيافي والغفار وتحملك دائما..
لتكون هناك
في مدينة ما..
مدينة على طرقاتها يعلق الانسان
ولا يستطيع منها فكاكا ..
مدينة تدين لها ..
مدينة تدين لك..
مدينة تدينك ..
تفتش عنها دائما فى تلافيف المكان والزمان والانسان..
تجدها في وجوههم ..
انهم ملامح وتقاطيع المدينة..
اكتب عنهم هنا..
اجعلنا نعيشها معك
تلك الاسماء..
......
........
لابنائها شخصيات فى ذاكرتهم..
اكتبوا عنها هنا..
لكل من عبروا بها ..
ولكل من زاروها ..
اسماء علقت بالذاكرة..
سجلها هنا
نحن نفتح هذا السفر
لندونها هنا
ونرسم التقاطيع..
نصور اللامح
ونحفرهم فى الوجدان ..
انهن وانهم... وجوههم ..
تقاطيع وملامح..
لانسان نيالا..
سجلها واكتبها هنا..
فهذا السفر مفتوح
لنطراهم بكل الخير
ونحن فى الضرا
ضرا يسع الجميع
ضرا البحير..
ضرا نيالا..
نيالا عروس المدائن..
وجيدن جيتو
*
**
|
|
 
|
|
|
|
|
|
|
 Re: تقاطيع وملامح ..من نيالا ..عروس المدائن.. (2) (Re: sumah)
|
**
*
**
*
الاخ نصر
كان اول المتداخلين
لك الشكر عزيزنا
عمدة لوس انجلوس
أرجو أن تحكي علي الرجل الجميل كامل دلالة عليه رحمة الله
وكان ردى علية
**
*
العزيز نصر
كامل دلالة
شخصية متفرده
جمعت كتير من التناقضات
ودوزنتها في هارمونية
عذبة لاتمل سماعها
كامل دلالة
هو ذلك اللحن السماوى
عن الخير والمحبة
وتسامح الاديان
انة دنيا سوف
اكتب عنة برواقة
فقد عاصرته وانا صغير
وسمعت عنة الكتير
وان الاوان لكى يضمه هذا السفر
وان الاوان
لكى ننحت تقاطيعة
والملامح..
هو ابن تلك المدينة
نيالا عروس المدائن
*
**
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: sumah)
|
**
*
كان الازهرى2
هناك..وكانت دعوتنا لة
بكل خير ان اهلا ومرحبا
كتب الازهرى
العزيز سمعة
ياخي كلامك جميل جداً وفيه دفء وكميات من الحنين .
أحكي لينا وأطربنا بحديث الذكريات .
تحياتي وتقديري لشخصك الكريم
وكتبنا نقول لة:-
**
*
عزيزى الازهرى
بيه زيارتك بوستى نور
انة فعلا الحنين
وليل الغربة
والذكريات
...
ويا الفى الغروب
ليك شوقنا طال
طال..طال...
ونحنى برضو راجين
علشان نسوح التلج
...
...
كتر الطلة
تجد ما يسرك
*
**
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: sumah)
|
ياابـوهشـام
احكـي لنـا عـن
الماضـي الجميـل
لـو بتذكـر........................
يوسـف كامل دلالة
ريمـون
علـي الشريـف
حـاجة بانة سوق امدفسـو
حـواء حسـن
عباس البرير
كمـال كردمـان
كردمـان
عبداللطيف طفيـل
بدرية و سيدةعبدالمـاجد
خـالد شاهين
العبيـد وجلـي
عـادل عــوض
اسماعيـل موسـي
| |
|
|
|
|
|
|
|
|
 Re: تقاطيع وملامح ..من نيالا ..عروس المدائن.. (2) (Re: Huda AbdelMoniem)
|
**
*
الاخت
Huda AbdelMoniem
قال المغنى
الذكرى الجميلة لو تعرف معناها
..
وقال اخر:-
الذكرى بتنفع المؤمن
وكل شىء
فى الحياة ممكن
اذا كان البريدو يحن
بنفتح ليه القلوب يسكن
انها ذكريا ..وذكريات
من تالا الصعيد..
ومن تالا السافل..
لكنها تربعت هناك
فى تلافيف الذاكره..
يوسـف كامل دلالة
ريمـون
علـي الشريـف
حـاجة بانة سوق امدفسـو
حـواء حسـن
عباس البرير
كمـال كردمـان
كردمـان
عبداللطيف طفيـل
بدرية و سيدةعبدالمـاجد
خـالد شاهين
العبيـد وجلـي
عـادل عــوض
اسماعيـل موسـي
كلهم جاينهم بالدور
بس روقوا لى المنقة
*
**
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: sumah)
|
**
*
الاخ
عبدالرازق الطالب
ناسف للحصل
نرجو مدنا بالمداخلات الاخريات
الى ذلك الحين
..قدلة يا مولاى حافي حالق على رمال برلى ..
وان شاء اللة الحلاقة تكون من عند
صالون الشباب على يد المعلم سليمان الحلاق..
Quote: ممكن المشاركة بملمح
وادي برلي..
**
*
عبدالرازق الطالب
شكرا على ملمحك الجميل
وادى برلى..
انة وردة على عروة نيالا
التى اسموها نيالا
من جمال النيل
والوانه..
اللون الازرق لون المياة
والسماء
النيل والخضرة
الخضار
الذى عذبونا بة كثيرا
واظنك تعرف النيلة
نيلة الزراق
والتى جاء منها مسمى ثوب الزراق
من اللون الازرق
انها عربية فصيحة..
انة النيل الكبير
سليل الفراديس
وهذا برلى
وادى نيالا
انة البحير
النيل والخضره
فى عام1994
عملت بالمشروع الهولندى
لادارة مصادر المياة بالسودان
انجزت فلميين سينمائيين
الاول بعنوان كسلا هبة القاش
وهو عن نهر القاش
والثانى عن وادى نيالا
بعنوان
وادى برلى ..
ابو الوديان
طول الشريط ثمانية وثلاثون دقيقة
لربما تاتى سانحة
يكون عرضة ممكنا..
اهديك هذا الملمح لوادى برلى
انظر للحرازايه..
شجرة الحراز فى عز الخريف
وولكننى فى هذا البوست
عايزك تكتب ليناعن الناس
الذين يعشوق هذا الجمال
وهم يحيطون بهذا الوادى
يرشفونة بعيونهم
تامل معى ياعبدالرازق
استقبال اهل نيالا عند جريانة
بس تامل هذة الوجوهة الفرحه
بطول هذا الوادى الساحر
..
..
.
قف تامل
الشاب الجالس على الكرسى
لربما تعرفة..
اكتب لنا عن هؤلاء
لك ودى..
*
**
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: sumah)
|
**
*
بالاحمر نعلن حالة الطوارى
اكيد مؤامره..
دى حاجةغريبة ..
البوست اتهكر يا جماعة الخير..
اين ذهبت المداخلات
يعنى الواحد يودي وشو وين هذا المساء..
خمس وعشرين مداخلة
وكم من الصور..
الحق صورة الشواء يا ابورزقة
ومطار نيالا..
اكيد فى ايدى خفية
اكيد دة الاستعمار
يا ادم يا هلباوى
مش جبنا سيرة الاداره الاهلية
ياربى الريس بكرى اعتبرها
ادارة البورد
يا نصر
خاطب ادارة البورد
في اي حد سامعة حاجة
[r]والكلام الجميل الكتبتو هنا يانهار[/r]
والاخ زول واحد اين انت
انا ما شايف حاجة
ده المعلم انهزم يا مينز
ويانادر السودانى
اعد مدحة
وتانى قول المازورة
..اقصد الفزورة بتاعت نيالا
انا ماشامى اى حاجة
والاخ امير
لااسمع لااري لااتكلم
وحالتى جهزت ليك الهدية دى
بقية العقد الفريد
من المتداخلين الذين وعدتهم
اننى جاى ساعة المسا فرد الجناح
يا بوست التقاطيع و الملامح
تبكيك الجوامع الاتبنت ضانقيل
تعالوا ياناس الحارة..
البوست دة مالو اتبشتن كدة
وقعت فيهو طيارة
ولا دقشو قطر عماد الشبلى
اصلو لاعب معانا محاورة
Quote: سمعتنا اللذيذ
اجيك بيجاي تجيني بيجاي
*
** سماعين اخوى - طيبين
انا والله ذيك كده مندهش من الحاصل ده يمكن البوست ده بشكل تهديد امنى للنظام وتم توجيه رساله لبكرى ان لا لاجترار الذكريات السعيده والتفاخر بالبحير فهى سبب البلاوى لانها فى دارفور المشكله دى انا لاحظتها منذ دخولى بوست الرائع د . اصيل حيث لم استطيع الرد ولم اجد حتى الايقونه الخاصه بالرد عموما يا سمعه الجاتك فى بوستاتك سامحتك اخير من يحولوك انت والبوست والمعاك لمحاكم الكباب والارهاب فصورة الرحله ومنظر الشيه والاقاشيه يدل على ان هنالك جرما كبابيا قد ارتكب والشواهد ما دايره ليها اثبات ولا شنو يا الطالب , ثانيا الارهاب واضح لا لبس فيه فى الصوره التى تعكس وادى برلى وهو يدخل الرهبه والتعجب الى كل من يشاهد الصوره ؟؟؟؟
انا حزين لاننى لا استطيع ان اعيد ذلك التعليق الجميل الذى كنت امل ان تكون مساهمه متواضعه لمدينه شماء فى العلى لانها اتت فى لحظه انتشاء نيالى خاص امتزجت فيها رائحة الشواء المنبعث من غابات تمبسكو ودومايه وبابا وموسى وبلبل مع انفاس جو الدقش القادم مع وادى برلى من سفوح الجميله الفاتنه جبل مره وهى تقدل فى ترفع وكبرياء طفولى عفوى خالص وتتشكل فى تموسق مدوزن فى باقه تحمل كل جماليات الطبيعه النقيه الجميله تفوح عطرا وتشع نورا وتقدل فى فرح واباء وعز وتنثر الفرح والامل ان انا نيالا االبحير المدينه التى لن تتكرر ابدا ؟؟؟
لو مداخلتى دى راحت برضو سوف اعتزل الكتابه فى المنبر الى حين
فتكم بعافيه ايوب نهار
| |
|
|
|
|
|
|
|
|
 Re: تقاطيع وملامح ..من نيالا ..عروس المدائن.. (2) (Re: sumah)
|
**
*
ايوب عثمان نهار
نحن هنا..
*
**
سماعين اخوى - طيبين
انا والله ذيك كده مندهش من الحاصل ده يمكن البوست ده بشكل تهديد امنى للنظام وتم توجيه رساله لبكرى ان لا لاجترار الذكريات السعيده والتفاخر بالبحير فهى سبب البلاوى لانها فى دارفور المشكله دى انا لاحظتها منذ دخولى بوست الرائع د . اصيل حيث لم استطيع الرد ولم اجد حتى الايقونه الخاصه بالرد عموما يا سمعه الجاتك فى بوستاتك سامحتك اخير من يحولوك انت والبوست والمعاك لمحاكم الكباب والارهاب فصورة الرحله ومنظر الشيه والاقاشيه يدل على ان هنالك جرما كبابيا قد ارتكب والشواهد ما دايره ليها اثبات ولا شنو يا الطالب , ثانيا الارهاب واضح لا لبس فيه فى الصوره التى تعكس وادى برلى وهو يدخل الرهبه والتعجب الى كل من يشاهد الصوره ؟؟؟؟
انا حزين لاننى لا استطيع ان اعيد ذلك التعليق الجميل الذى كنت امل ان تكون مساهمه متواضعه لمدينه شماء فى العلى لانها اتت فى لحظه انتشاء نيالى خاص امتزجت فيها رائحة الشواء المنبعث من غابات تمبسكو ودومايه وبابا وموسى وبلبل مع انفاس جو الدقش القادم مع وادى برلى من سفوح الجميله الفاتنه جبل مره وهى تقدل فى ترفع وكبرياء طفولى عفوى خالص وتتشكل فى تموسق مدوزن فى باقه تحمل كل جماليات الطبيعه النقيه الجميله تفوح عطرا وتشع نورا وتقدل فى فرح واباء وعز وتنثر الفرح والامل ان انا نيالا االبحير المدينه التى لن تتكرر ابدا ؟؟؟
لو مداخلتى دى راحت برضو سوف اعتزل الكتابه فى المنبر الى حين
فتكم بعافيه ايوب نهار
شكرا على كل هذا الكلم الطيب
بس ..
اعتزل الكتابه فى المنبر الى حين
اعتزال مامعنا الكورة واطة
*
**
| |
|
|
|
|
|
|
|
|
 Re: تقاطيع وملامح ..من نيالا ..عروس المدائن.. (2) (Re: sumah)
|
***
*
ياجماعة واحد واحد
كلكم تسجلوا فى دفتر الحضور
كلكم جاينكم ..
الحفلة مستمرة للصباح
ولازال الليل طفلا يحبو
ابعدوا الشباب الوراء الصيوان
وكل الجماعة الطالعين في الحيط
كلو ينزل
الا ياجماعة
البت الابسة احمر
ده ماتعتبروا شماشى
دة اخت العروس لزم
وشوبش..
100.000
والنقدة..
النقدة..
*
***
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: sumah)
|
**
*
كتب
عبدالكريم الامين احمد
اذن انه سمعة يعاقر التداعي والحضور في سيرة حكاوي المدن وسيرة الناس الطاعمة والامكنة..
والان سنجلس القرفصاء علي قارعة الاسفير نمتع نفسنا بالدهشة
ودوما في انتظارك يا سماعين
وقلنا
**
*
اخى العزيز
عبدالكريم الامين
هذا واللة كرما منك
ايها الكريم..
فانا اجتر
الذكرى منذ سنين
بعد ان وجدنا انفسنا
فجاة خارج الدائرة
دائرة الوطن وامامنا مراة
مقعرة تعكس لنا بريق الدواخل
وذاكرة كانها مراة مصقولة
ترتسم الصورة فيها ناطقة
تمد يدك اليها فتهبشها
صورة ...سورة.. لالبس فيها
ولاغموض ..
عندما اعاقرها..
تسرى النشوة فيا
اتداعى.. وانادى ..يابنات ..
نقروا الكوربيى ..
فى رفق وهاتوا الاغنيات ..
لكن اين منى ذلك المغنى العجوز
انه هناك جالس امامى
يعفق باناملة
على تلك الالة الساحرة
الة الكربى..
ينقرها..
ويذوب فيها وجدا..
يسحرنا عزفة ..
تضحكنا كلمات اغانية..
وتجلب الخفر الى وجوه العذارى..
عزارى الحى ..
يسالهم فى وداد ظاهر
هل رايتن حبيبا قد توارى..
....
والبسمة تدارى نفسها
عن عيون الناس وتبكى ..
اغنيات ...
تجلب للقلب السرور..
وروعة الاحساس..
ومغنينا العجوز ...
غرق حتى اذنية فى عالم تانى
ما شفتوه ياخلانى..
واوتار الطرب تتصاعد انغامها
يغنى مل عقيرته
عمود فندك
كسر ليه صلبى
اللة والنبى..
تنقرع منى..
كم ما تنقرع ..
نورى ليه امى ..
وانا هناك فى قمة الوعى
جالس ... وحوالى العرائس ..
لحظات كتيرة تبهرنى فيها
نصاعة الصورة ..
و تنتابنى حالة التلبس
التى اصابت ذلك النحات ..
بعد ان فرغ من تمثالة المنحوت
لسيدنا موسى ..
رجع خطوتين للوراء وعمل بوص
يعنى بالعربى كده ..
عمل قف.. تامل ..
هل تدرى ياصديقى ماذا راى ..؟؟
راى ان ما صنعت يداه لهو
حقيقة ماثله..دبت فى اوصالها الحياة
تجرى حرارتها بين يدية..
فصاح مل شدقية ..
موسى تحدث ...
موسى تحدث ..
وحينما لم يعرة اذنا صاغية..
تلبسته حالة من الهياج عصيبة
وضرب التمثال ضربة قويه وكسر فخذة
ليصير اية من ايات الفن الجميل
وعلى مر العصور ..
هناك وفى اعظم متاحف العالم
تمثال لموسى من غير ساق
ليحفظ سير الحكاية..
على مر الاجيال..
..
...
احيانا كثيرة اخال نفسى
الفكى تلفزيون..
الذى اشتهرت به المدينة.
وكان متخصصا كفكى
فى مجال كورة القدم
ويدعى الانطون..
يحكى انة يحضر طشت ملى بالماء
بعد ان يدعمه بالرقى..
التعاويذ .. والبخور..
يترك الجماعة ينظرون الكورة
يشاهدون المبارة ..
وهى تلعب امامهم قبل ميعادها
تلعب بداخل هذا الطست
ذى شاشة التلفزيون..
وان انشاء اللة فريق الصهاينة منتصر
وتصاب كل توقعاته بالفشل فياتى الرد
جاهزا.. كما الهكم..الحبوب..
الحوى والحبوب ماخلى الصهاينة
يغلبو عيال الاحلى ودة طبعا عزر مقبول
حتى فى حوادث الطائرات السودانية..
اوكما قال..
..
..
لك مدينة سير لانطوناتها..
وفقرائها.. جمع فقبر..
وتعنى الفكى..
فكى ...يمجد وتحكى عن سيرتة الحكاوى
يعرفة القاصى والدانى
ويعرف الناس كرماتة..
والتى تبلغ شاوا عظيما..
يشفى المريض ويفك المربوط..
او اقله..
انة يرووب الموية..
..
..
انا اسالك باللة
ياعبد.. يا كريم..
ان لاتتقرفص فى قارعة الطريق
لاننا نخاف عليك من القارعة..
فالقارعة ما القارعة..
وما ادراك ما القارعة..
تعال اجلس هنا جنبى ..
واحضر معك جهاز التسجيل
وكم هائل من البطاطير..
انه ليل..
سيكون مظلم و طويل ..
طويل ..
ياولدى ..
فقد عشت عمرا..
ولازلت ...
امتع نفسى بالدهشة
طبول بتدق ..
وساحات ليه فرح نور ..
وزين للحزن ..ممشى..
ايها الابن الامين..
قرب..
تعال..
ماتبتعد..
...
....
*
**
| |
|
|
|
|
|
|
|
|
 Re: تقاطيع وملامح ..من نيالا ..عروس المدائن.. (2) (Re: sumah)
|
ياجماعة واحد واحد
كلكم تسجلوا فى دفتر الحضور
كلكم جاينكم ..
الحفلة مستمرة للصباح
ولازال الليل طفلا يحبو
ابعدوا الشباب الوراء الصيوان
وكل الجماعة الطالعين في الحيط
كلو ينزل
الا ياجماعة
البت الابسة احمر
ده ماتعتبروا شماشى
دة اخت العروس لزم
وشوبش..
100.000
والنقدة..
النقدة..
الحفله حفلتنا والجكس جكسيناعضلات تبش ؟ بالله مافى واحد يقعد فى اضان الكرسى والماعندو جكسى يشوف ليهو واحده ؟؟
والماعاجبوا يشرب من البحير ..
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: sumah)
|
**
*
كتب الاخ العزيز
ادم الهلباوى
رفيق سنى الدراسة
Quote: نيالا عروس المدائن..
وجيدن جيتو
فعلا يا سمعة حقيقة هى عروس المدائن بكل ما تعنيه هذه العبارة من معنى ...
**
*
الاخ العزيز
ادم الهلباوى
عروس المدائن
ضمت بين جوانحها
شخصيات لهم قامات سوامق
سباقون لفعل الخيرات
ابوابهم مشرعة..
رجالات من الادارة الاهلية
رضعوا حب الوطن من صدور امهاتهم
ورزحوا دهرا تحت وطاة
ساس يسوس ..
وقد كنت انت قريبا منهم
فهلا حبرت لنا الصفحات
بذلك الكلم
ورصدت تاريخنا للاجيال
نحن فى انتظارك
ابرى قلمك وتعال
*
**
| |
|
|
|
|
|
|
|
|
 Re: تقاطيع وملامح ..من نيالا ..عروس المدائن.. (2) (Re: sumah)
|
**
*
نهار
ياواضحا كشمس النهار المهيب
قيتلو عافية..
انتظرنى انت والصحاب
فى قهوة دقوش..
لن اغيب عنكم كثيرا
توقعونى بين الفينة والاخري
سوف ادلف داخلا اللحظة
وفى معيتى :
رمضان عثمان مكوار
نفتح بة سجل التقاطيع
والملامح ونجلس معا نحتسى
الانقارة التى اعشقها
والتى يطلق عليها رواد المقاهي
وصانعات الشاى
فى مدينتى شيريا..
*
**
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: sumah)
|
سمعه
حبابك
نيالا المدينه الساحره تسحرك بجمالهاوطيبت اهلها
المدينه التى عشت فيها طفولتى بكل معانيها العزبه
ومازلت..............
نحن جيل الحداثه فيها
مرحبآ" بالعم رمضان" معك صاحب اشهر محل لخياطه والذى يدوزن الاناقه لكل من اتى اليه
نيالا..
تعرف رجال رسخوا فى زكرتها امثال
"على عبد القديم" صاحب المكتبه والمطبعه الشهير الذى مازال يقدم لاهلها ادوات العلم والمعرفه
وعلى بوهيه الذى وضع بصمته فيها ..
"وعم حسن سلوك" الذى يمثل الاب الروحى لكل عمال المنطقه الصناعيه
الاشهر عليها العم "احمد بيضه" الذى يعرف بالتصويروصاحب استديو رحاب
على مستوى الرياضه اخرجت نيالا
زكريا كلن وجلال ماردونا و ود الشواطين والا ننسى مكتشف المواهب الاستاذ" صلاح الجنوبى"
و فقيد الاعلام الرياضى "جوكر" و ود الزرقه وجمال رنقى والقائمه تطول........
والحديث عنها يطول لانها ستلهمك كلما توغلت فيها...
والى عوده....
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: sumah)
|
**
*
الاخ العزيز ملامح
لقد رسمت لنا ملامح
ايز مورقان ..
موظف بنك الخرطوم الشهير
الذى صار مضرب مثل ..
يقول الجميع وخاصة الموظفين
عند استقبال احد المنقولين الجدد
للعمل بالمدينة..
ان يدعوا لة انشاء اللة كسرة مورقان
ومعها كثير من الضحكات والقفشات
فى سيرة ذلك الرجل..
الذى احب المدينة فاحبتة
واحب ناسها فصار فيهم رمزا
انة رمز الحب..
حب المدن..
...
ايز مورقان ..
ضاع ماكتبته عنه
فهلا اعدت لنا رسم الملامح
فقد ضاعت بفعل فاعل ..
كتبنا لك بوست مخصوص
فى هذا الشان ..
هام الى / ...malamih..هل تصدق
لكنك كنت مشغول كما نعرف فى امر
دورة الكوره السودانية الاميركية
فهلا اعدت لنا رسم الملامح
لكى ننحت التقاطيع
ياملامح ..
ولك الشوق والريد..
*
**
| |
|
|
|
|
|
|
|
|
 Re: تقاطيع وملامح ..من نيالا ..عروس المدائن.. (2) (Re: sumah)
|
**
*
الاخ العزيز
ادم الهلباوى
عروس المدائن
ضمت بين جوانحها
شخصيات لهم قامات سوامق
سباقون لفعل الخيرات
ابوابهم مشرعة..
رجالات من الادارة الاهلية
ونحن لازالنا فى الانتظار
ولمن بعادك طال
قلنا نتصبر
الى حين طلتك
رجال من دارفور ... الوفاء بالعهد
بقلم آدم محمد إسماعيل الهلباوى
منبر دارفور للحوار والتعايش السلمي رجال من دارفور ...
الوفاء بالعهد
بسم الله الرحمن الرحيم
قال تعالى ( والعصر إن الإنسان لفي خسر *
إلا الذين آمنوا وعملوا الصالحات
وتواصوا بالحق وتواصوا بالصبر ) صدق الله العظيم .
الناظر عيسى دبكه وإبراهيم موسى مادبو
ناظرا قبيلتي الرزيقات وبنى هلبه
عرفا بالحكمة ورجاحة العقل والورع والتقوى والإنصاف
في ديارهم وبين أهليهم وما جاورهم من القبائل والديار ،
فهم من رجالات الدولة وزعماء العشائر في دارفور ،
كانا مثالا للعفة والتعايش السلمي ،
فقد كانت بينهم صداقة ومودة وحميمية
علاوة على الجيرة والصلة الرحمية التي تربط فيما بينهما
من علائق مسؤولة ومتينة .
يروى أنه في مرة من المرات
سرقت أبقار من دار الرزيقات بكميات كبيرة وتضرر أصحابها
وتظلموا لدى ناظرهم مادبو ،
فما كان منه إلا أن دعا العمد والمشايخ للمشورة
في هذا الأمر الكبير في دياره والتي من المفترض عليه حمايتها ،
فحدد موعدا وطلب من معاونيه وقاصي الأثر البحث عن هذه الأبقار
وأن يأتيه خبرهن خلال ثلاثة أيام فقط ،
وبدأ البحث عن الأبقار يمينا وشمالا وأخيرا وقبل أن ينقضي الميعاد المحدد
جاءه الخبر بأن الأبقار دخلت دار بنى هلبة
وقد تحمس من تحمس لدخولها بغية الأبقار ،
فما كان منه إلا أن طلب من معاونيه
الرجوع إليه بعد التأكد من أنها فعلا دخلت هنالك
والعودة إلى الضعين عاصمته التليدة على الفور .
ومن ثم أرسل خطابا إلى ناظر عموم بنى هلبة مفاده :
الأخ الكريم الناظر عيسى دبكه ...
السلام عليكم ورحمة الله وبركاته ..
عندك خارجين شالوا بار أهلي ودخلوا بها دارك ..
الشورى شورتك والرأي رأيك وتقبل سلام أهل الضعين ..
أخوك الناظر إبراهيم موسى مادبو .
فما كان من الناظر عيسى دبكة
الا أن رد تلك الرسالة بآلاتي :
الأخ المحترم الناظر براهيم مادبو ...
السلام عليكم ورحمة الله وبركاته ...
خطابك وصل وشرحه صار معلوم لدينا ...
إن شاء الله يا عبد الله بعد أسبوع واحد فقط
تصلك الأ بقار والمعتدين ...
إن عاقبتهم فذلك شأنك وذاك جزاءهم
وإن تعفوا وتصفح فهم أهلك ورعيتك ..
الشورى شورتك والرأي رأيك وتقبلوا سلام الأهل ...
أخوك الناظر عيسى دبكه .
على الفور دعا دبكه عمده ومشايخه
وطلب منهم أن يأتوه بأصحاب الفعلة النكراء خلال خمسة أيام فقط ،
وبدأ البحث وفى اليوم الرابع
جاءه خبرا به براهين ذلك انهم لم يجدوا أثرا للأبقار
لكن في سوق من الأسواق فلان ول فلان ومعاه خمسة من الجماعة
ذبحوا ثورين ووزعوا لحومها كرامة لأهل ذلك السوق وشربوا
الناس كلهم شاى على حسابهم ،
فما كان منه إلا أن طلب أن يأتوا بهم أليه
فاعترف الجناة بفعلتهم تلك
وبعد التأكد من ذلك أمر بأن يغرم كل من أكل لحما
من تلك الثيران أن يدفع ثورين ومن شرب كوبا من الشاى عجلة رباع
كعقاب لأهل ذلك السوق لعدم إبلاغه بما دار فيه
و ما حدث فيه من حدث غير مألوف ذلك اليوم ،
حتى إذا ما حدث مثل ذلك مستقبلا
تجى جارى جرى مبلغا دون أن تأكل شيئا
يصيبك منه مثل ما أصاب الربع من أهل ذلك السوق ...
أبوك يا الهادى الصعب القبيل تبراه الشعبة والجنزير ..
فرسه حدية وعروسه بنية سمح المال السيدا ما بيابا بيه ..
وبذلك وصلت الأبقار وسارقيها إلى الناظر مادبو فى الميعاد المحدد .
حي الوادي بمدينة نيالا حي عريق
يضم أهل نيالا الأصليين
تحديدا يمتد من البيطرى الغربي سابقا مباني الموظفين
جوار القيادة العامة الحالية إلى البيطري شرقا ،
حيث أنه قبل أن يصير بوضعه الحالي
ألان كانت أرضه مضارب لقبيلة بنى هلبة
وبعضا من الرزيقات أقاموا عليه فرقانهم
وترعى فيه قطعانهم حيث كانوا يمدون نيالا
في بداية نشأتها بالألبان واللحوم ،
وعندما تدفق إليها التجار وموظفي الدولة
وكلهم من أبناء النيل حيينها ،
سعوا في أن يحولوا بنى هلبة
من هذا المكان ضفة وادي ود برلى الشهير
شمالا إلى أماكن أخرى ويكون هذا المكان
سكنا لهم حتى ينعموا بالهواء الطلق
والعيش فيه حيث أن هذا الشاطئ يشابه بيئة النيل
ولا يختلف عنه كثيرا ليطفئ مابهم من شوق وحنين ،
ودخلوا مع بنى هلبة في صراع كاد أن يخلق فتنة كبرى ،
مما دعى الحاكم في ذاك الوقت من دعوة النظار
وزعماء العشائر والموظفين والتجار
للنظر في هذا الموضوع والبت فيه ،
فما كان من الناظر إبراهيم مادبو
إلا أن يجرى حوارا ومشورة مع الناظر عيسى دبكة
أن يرضى بترحيل أهله جنوبا على الضفة الأخرى من الوادي
ومن معه من الرزيقات الذين رفضوا ذلك ونشقوا شمالا ،
وافق الناظر عيسى دبكه بترحيل أهله
واشترط أن يكون هذا المكان لأهل نيالا الأساسيين
حتى يكونون قريبين من مورد الماء
ويستطيعون الوصول إلى المركز مشيا على الأقدام
وعلى التجار والموظفين أن يعمروا ذلك المكان الجديد
( حي السينما ) حاليا لما لهم من مقدرة وإمكانيات
في تعمير تلك الأرض التي أعدوها لهؤلاء حيث أن الدولة ترحلهم
والتجار يمتلكون السيارات ويستطيعون ذلك ووافق الحاكم
على ذلك بشرط أن يكون حي الوادي لكل أهل نيالا ،
وطلب من بنى هلبه التحول إلى الضفة الثانية جنوب الوادي
فما كان من بنى هلبة إلا أن يسموا أحيائهم جنوب الوادي
( كوريا وتكساس ) الحاليتين..
نتيجة للغضب يعنون بذلك من أرادهم بسوء فليأت إليهم
والوادي حد فاصل وذلك بإحدى عباراتهم المعهودة عندهم
( طق جرب ) ومن أحيائهم أيضا جنوب كوريا
حي الحمرة أم دم جوار مقر إذاعة نيالا الحالية .
نتيجة لذلك كان حي الوادي النواة الأولى لمدينة نيالا.
ويحوى بداخله ويضم كل قبائل دارفور
( بنى هلبة ، الرزيقات ، الفور، الهبانية ،
البرنو ، التعايشة ، الفلاته ، الهبانية ،
البرقو ، السلامات ، القمر ، المعالية ،
الحوطية ، المساليت
وكل ناس نيالا الطيبين فى حى الوادي )
بدليل أن منازل النظار وزعماء العشائر
واعيان نيالا فى هذا الحي العريق مثال
( وكيل عموم نظارة بنى هلبة ، الناظر محمود مادبو ،
اليمنقاى آدم تيمة ، الناظر على الغالي ،
عمدة البرقو إبراهيم أبو سعديه ،
ضامن الفلاتا زكريا أبو القاسم ،
شيخ البرنو أبو أيسا ، عمدة الحوطية احمد طويل ،
شيخ الهوسا يعقوب أحمد وضامن التعايشة الكبرو وكثيرين غيرهم )
مما اغضب ذلك التجار وفى تحد قوى
وواضح أقاموا حيا راقيا بالطوب والأسمنت ( حي السينما ) حاليا
مما جعل الناس في حي الوادي أن يطلقوا عليه ( حي رجال بانو )
وذلك لتخطيطه وجماله الأخاذ وتسهيلاته الهائلة .
بذلك يكون لهؤلاء الشيخين القائدين الجليلين يدا بيضاء في إقامة
وتثبيت حي الوادي لأهله كما ساهموا فى تعمير مدينة نيالا
العاصمة الثانية لولايات دارفور الكبرى بإضافة أحياء جديده .
حيث ما مات إبن آدم وانقطع من هذه الدنيا إلا من ثلاث
الأولي فعلتهم تلك والثانية روايتي هذه
فأنا منهم واليهم نسأل الله لهم الرحمة والمغفرة إنه هو الغفور الرحيم .
تلك بعض من مآثر أجدادنا وآباؤنا علهم عاشوا حتى يجدوا لنا
مخرجا مما نحن فيه اليوم من تناطح وصراع لا يخدم غرض
بين أبنائهم تضررت منه دارفور واهلها من ذبح وتشرد
وعدم تنمية وحب للذات ، بينما كل السودان العظيم
وأهله يتنادون للسلام ..
اللهم أنت السلام ومنك السلام
ونسألك لدارفور وأهلها السلام
والاستقرار ولكل السودان وأهله
الطمأنينة والاعتدال أنت نعم المولى ونعم النصير .
آدم محمد إسماعيل الهلباوى
*
**
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: sumah)
|
sumah
بسم الله الرحمن الرحيم
السلام عليكم ورحمة الله وبركاته
تتعامد الطائرة في سماء نيالا....فتري الخضرة تكسها من القبل الاربعة...وديان صغيرة تفترق وتلتقي في حواشيها.......ابقار واغنام وابل تسرح في تلك البقعة الخضراء كملاعب القولف النيوزيلاندية.....تشاهد جبلا صغيرا يتمدد طوليا من الشمال الي الجنوب...خلف هذا الجبيل تقع نيالا البحير غرب الجبيل.....تتناثر احياءه الممتدة من حي الجبل وطيبة شرقا الي حي النهضة والسلام والجير غربا.....ثم تكساس وكوريا جنوبا...الي حي الرياض والكنغو شمالا....مدينة ساحرة يسكنها الجن.....تحت هذا الجبل ترقد بحيرة كبيرة من المياه......نواصل
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: A.Razek Althalib)
|
**
*
الاخ/
عبدالرازق الطالب
وكل الاخوان المتداخلين ..
والمتابعين والقراء الكرام..
الفنان الدارفورى الكلو احساس..
يبلغكم التحيات الطيبات..
وبقول ليكم كلكم..
..
..
شكرا عزيزى سمعة..
ساشارك باذن الله فى هذا لبوست الرائع
ولدى اخر صور للراحل جوكر..
قبل وفاته باسبوعين..
(له الرحمة)
وايضا لبعض الشخصيات ..
من رحلتى الاخيره لنيالا..
ولكنى مرهق الان..
وانت ونيالا ساهرتو بى..
وغدا مغادر الى شيكاغو للمهرجان..
ولكنى سانتهز اى سانحه للمتابعه..
والمشاركه ..
وانا واهل نيالا..
نشكر لك هذا المجهود..
ونقدر وفائك الكبير..
بحجم قلبك الذى يسع كل اهالى نيالا..
بل دارفور..
والسودان..
عمر احساس
رسالة عبر الماسنجر رايت ان اشرككم
اهلى وعشيرتى فراتها
فلكم الود ولة العتبى..
*
**
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: sumah)
|
**
*
نجح جوكر فى ان يكون اذاعة متحركة
وبظهور المسجلات اخذت فنيات جوكر
ابعادا اخرى ..
صارت هناك موسيقى
من الافلام مصاحبة للعرض الاعلانى
المقدم على شوارع المدينة
كان جوكر ومن استخدمة فى هذا
الترويج الاعلانى على قمة فهم
الحملات الدعائية بالرغم من بدائية
المعدات والاسلوب الا انها كانت
تستخدم اهم حاستين السمع والشوف
لاثراء الخيال..
فقد كانت بوسترات الافلام المكبره
الملونة بفتياتها الجميلات
اعمال للنظر لا يمكن ان تملة
مصحوبا بموسيقى الافلام
والهندية منها خاصة جعل الصورة
المتحركة للاعلان مرتبطة بوجود متلق
هو فى الغالب الاعم يسير بمحاذاتها
مما يخلق جوا من النفس العالى
تحتاجة مثل هذة اللحظات التى تربط
بين المقدم والجمهور ويكسر الحائط
الوهمى بتقديم اجابات فورية عن المعلن
للجمهور وهو ما يعرف فى علم الاعلان
بخاصية خدمات الجمهور المتواصلة..
7/24
Customer Service
ادى جوكر في حياتة
خدمة اعلانية متطوره للمدينة على
كافة الاصعدة بعد ان كان محتكرا فقط
لاعلانات السينما وحفلاتها.
الى مباريات كرة القدم والمهرجانات
الرياضية
والمناسبات القومية والسياسية
يمكن ان نطلق على جوكر..
اسم رائد فن الاعلان
المتحرك الاول فى السودان..
وبكل فخر..
..
..
*
**
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: sumah)
|
**
*
العزيز / الاخ اسماعيل
تحياتي
للعم جوكر الرحمة والمغفرة فقد
كان ركنا اساسيا في المدينة .
مرحبا بالاخ إحساس .
البوست قمة الروعة وراجع ليك
بمزاج
اخوك / الناظر
**
*
اخى لك كل الود والتحايا
الف رحمة ونور تغشاك عزيزنا
جوكر ...
ومرحبا بالناظر
اسئلة كثيره
تدور بخلدى والبحث
عن الاجابات جارى ..
عايزين مساعدتك
ماهو الاسم الحقيقى لجوكر..
ما هو الاسم الحقيقى لاطرش جوغى..
اى معلومات اضافية..
وحديثة عن هذين الاسمين..
نحن فى انتظارك وبمزاج
*
**
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: علي عبد القادر)
|
**
*
الناظر
شكرا شكرا جزيلا
عبد الله فرج الله
اطرش جوغى
طغى اسم الاطرش
فغطى على كل شى
لكن ظلت ملامح وتقاطيع الشخصية
منحوتة فى الدواخل ..
لقد كان جزء من شقاوة الطفولة
ونحن تلاميذ مدرسة نيالا الغربية
سوف احكى اليكم مغامراتنا مع
اطرش جوغى ..
عبداللة فرج اللة
شكرا لك اخى الناظر
وتحياتى للعزيز
الاخ النور حامد دقنو
ونحن فى الانتظار..
*
**
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: علي عبد القادر)
|
**
*
الناظر
شكرا شكرا جزيلا
عبد الله فرج الله
اطرش جوغى
طغى اسم الاطرش
فغطى على كل شى
لكن ظلت ملامح وتقاطيع الشخصية
منحوتة فى الدواخل ..
لقد كان جزء من شقاوة الطفولة
ونحن تلاميذ مدرسة نيالا الغربية
سوف احكى اليكم مغامراتنا مع
اطرش جوغى ..
عبداللة فرج اللة
شكرا لك اخى الناظر
وتحياتى للعزيز
الاخ النور حامد دقنو
ونحن فى الانتظار..
*
**
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: sumah)
|
**
*
عبد الله فرج الله
اطرش جوغى
كان يسكن فى منزل
ورثه عن اسرتة التى لم نرها قط ..
ولكن على ما اذكر ..
انه كانت هناك امراة عجوز
نشاهدها بعض الاحياب تعبر الشارع عند
لعبنا الكورة امام منزل عبد الصمد باى ..
ونوقف اللعب لمرورها..
يقال انها ام الاطرش ..
ونهم كثيرا ان نشكو لها ابنها..
الذى يمنعنا لعب الكرة فى تلك الناحية
ويصادر كورتنا فى احيان كثيرة
خاصة اذا عبرت السور الى داخل منزلة
يكون علينا العوض فى كورتنا..
وعندما لاتعيرنا اذنا صاغية
كنا نطلق عليها انها الطرشه ام الاطرش
المنزل يقع فى الناصية الجنوبية الشرقيه
لمنزل ال دقنو ..
العم حامد والسر دقنو..كجار ملاصق
ومن الناحية الشمالية منزل ال سعدابى ..
الباب الكبير يفتح جنوبا..على امتداد الشارع
الممتد من الغرب الى الشرق والذى كان يعرف يشارع
المستشفى..
يبدا من المستشفى او تحديدا من المحكمة الشرعية غربا
لينتهى بمدرس البنات الشمالية شرقا ذلك الزمان..
ومدرسة البنات الشمالية تلاصق مدرسة الاولاد الغربية الابتدائية
والتى تلقينا فيها ولفيف من ابناء ذلك الحى ..
والاحياء المجاورة..
الف.. باء.. تاء ..ثاء..
ابوى دقانى يعصاة
كلام افندى ولا ننسى..
*
**
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: sumah)
|
**
*
كنا مجموعة من تلاميذ نيالا الغربية
نسكن حى السوق ..
ذلك الحى الذى يعرف الان بحى الجمهورية.
كمال كردمان
عمر حامد دقنو
عوض الشمبلى
ابراهيم السر دقنو
اسماعيل عبد الصمد
صلاح حسب الرسول
ولفيف من ابناء اشلاق الجيش والبوليس..
فى رحلة العودة من المدرسة لابد من
مشاغلة مجموعة كلاب الاطرش..
ورميها بالحجارة..
واطلاق السيقان للريح
تتبعنا تلك الكلاب المدربة
التى كان اطرش جوغى يعطيها
اهتماما خاصا وحبا كبيرا..
شقاوة الطفولة ..
وانياب كلاب خطرة ..
ومارثون..
نعدى حواجزه بنجاح
لكننا نسقط فى طابور الصباح
حيث يكون فى انتظارنا فى اليوم التالى
الناظر..
والاطرش يتقدم الصفوف وينتزعنا فردا فردا
لنمثل امام المدرسة باكملها..
وناخذ علقة ساخنة على يدى
ضابط الطابور
الاستاذ خلف اللة الزيلعى
لنعيدالكرة مرة اخرى فى رحلة الاياب
ونحن نعبر من امام منزل
اطرش جوغى ..
وجولة اخرى..
*
**
| |
|
|
|
|
|
|
|
|
 Re: تقاطيع وملامح ..من نيالا ..عروس المدائن.. (2) (Re: sumah)
|
الحبيب/اسماعيل محمد الحسن
ما عارف من وين أبتدى....بس نيالا،،،آه من نيالا وذكرياتها
أنت عارف من أكتر الاسباب اللى خلتنى اقدم لعضويه المنبر، وجود ناس من نيالا ومش ناس و بس، ناس عزاز علي قلبي شديد خالد سماره، خالد أصيل، محمد علي الناظر،وانت يا اسماعيل وانشاء الله البركه فيكم فى وفاه الوالده وربنا يتغمدها برحمته
طبعا اكيد ما فاكرنى لانه المده طالت، أحنا كنا جيران فى حي الجمهوريه والباب بفتح في الباب
بس ما اتلاقينا كتير لانك طلعت بدري من نيالا وأحنا كمان الاسره كلها في أمدرمان، بس انا مقيم في الدوحه لي عشره سنوات.
ومن هنا فصاعدا حنحكى وحنقول خواطر كتيره عن نيالا
مودتى
اليسع نورين
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: Alyasa Nourain)
|
اخونا العزيز / يسع ود عمنا احمد الشيخ
سلام كتير
والله فاجاتني عديل كده وين انت يا زول زمن طويل ما
اتلاقينا . اتمني انك تكون كويس وبخير وعافية .
عشر سنوات مرت والواحد خارج الوطن . قبل سنتين
كنت في السودان فمشيت لحضور عقد قران شقيقة اخواننا
ياسين والتهامي والزنجي وحسون عبد القادر بام در مان
فكان الاخ حسون بجواري وكنا بنتونس وبنجتر الذكريات
فجاء شخص سلم علي بحراة شديدة لكني بكل اسف ما عرفتو
فبعد ما مشي سالت حسون قلت ليهو ده منو انا ما عرفتو
فقال لي والله انا ذاتي ما عرفتو لكن اسمو اسم نبي غايتو
فما قدرنا نعرف اسم النبي القاصدو حسون الا بعد الاستعانة
بالاخ هاشم عبد القادر فطلع الزول السلم علينا ابو الريش
اخوك وحسون كان قاصدك انت لكن اسم سيدنا اليسع راح عليهو.
عموما اتمني اننا نتواصل خاصة وانو في مجموعة محترمة
من اولاد نيالا اعضاء بسودانيز اون لاين وسلامي للاسرة الكريمة
مع فائق التقدير
اخوك / محمد علي عبد القادر ( الناظر )
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: هاشم ودراوي)
|
اخونا / هاشم ودراوه كما كنا نناديه
سلام
رجعتنا لزمن بعيد خلاص مدرسة جنوب دار فور
والاردية بتاعت الكاكي . يا سبحان الله ايام
ناس كرفس وعبد الوارث الامين اسمن اتنين
كانو في المدرسة واحمد التليب واسامه محمد
الحسن ومحي الدين الجلاد ومحمد سعد واحمد
السر دقنو وحسن زنقد واخرين .
ودراوه كيف احوالك انشاء الله تكون كويس
اخر مرة لاقيتك فيها علي ما اذكر انت كنت
بتدرس في معهد الكليات ان لم تخني الذكرة
دام التواصل بيننا
اخوك / محمد علي عبد القادر
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: علي عبد القادر)
|
اه يا الناظر
والله ايام يا زمان
الواحد لما يتذكر حى الجمهوريه وشارعكم ولما يرسلونا الدكان الفي ركن بيتكم ،
بدون ما تشعر تلقي دمعه نزلت علي خدك.......
عرفت انك في هولندا ليك زمن، لسه فيها ولا مشيت حته تانيه؟
طبعا اخوك كبر شديد والشكل اتغير واتزوجت وعندي أحمد4 سنوات واخته جايه في السكه شهر10
انشاء الله.
أبوالريش هسي معاي هنا في الدوحه ليه اكتر من سنه وكمان معانا الخال كمال البرير وجعفر
سماره وهيثم الزيلعى وعبد الرازق الأمين وأسعد البنان وشلة كتيره ما قادر احصرهم ليك، يعني
كأننا في نيالا ومافي غربه
أكيد...أكيد حنتقابل
مودتي
يسع
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: علي عبد القادر)
|
Ayoub Osman Nahar
تحياتي..
| Quote: انا والله ذيك كده مندهش من الحاصل ده يمكن البوست ده بشكل |
بدون مؤامرة..
البوست بشكل جمال روح ناس نيالا يا غالي..
كإمتداد طبيعي لحييكم شم النسيم الإمتدت من حينا الجمهورية ..
لأن الأرضية هنا مشتركة..
ما بين ناس ود أبو زرقة..
وفرعون وأمير..
وفرحات أخو طلال..
وعمة أمير [شم النسيم] د. عفاف الصادق [حي الوادي]..
اليومين ديل في ضيافة أمير في جدة..
موش برضو بيقولوا..
الجمال إحساس يا راقي..
لغاية ما بقا فينا عمر هنا بحسو الجميل برفقة المقفور له (الإعلامي) جوكر..
واصلو زرع الجمال يا ناس نيالا الغاليين في كل الجهات..
------
سمعة بخصوص الأطرش عندي معاه موقف طريف..
سأحاول أرسمو هنا ليكـ بالحروف..
تسلم يا غالي..
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: sumah)
|
الاخ / اليسع
سلام
شكرا للاخ / اسماعيل ود السرة الذي
اتاح لنا هذه المساحة من التلاقي.
انا لا زلت في هولندا وبقيت هولندي
في الورق .
الواحد بالجد في قمة الانبساط كونو
يلاقي اولاد حلتو واخوانو والناس
تعرف اخبار بعض في زمن الغربة
والارتحال . يا حليل نيالا يا اليسع
وياحليل ايام زمان لكن حتما حنرجع
لبلدنا واهلنا 0 عموما الوليدات
يتربوا كده في عزك . انا متزوج
وزوجتي الان في السودان 0
ابو الريش الحيوان انشاء الله يكون
كويس .وسمارة انا قبل سنتين خليتو
في الخرطوم عندو وكالة سفر .
بالله تسلم لي علي كل الاخوان المعاك
اخوك / محمد علي عبد القادر
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: sumah)
|
اسماعيل..
احترامي...
تشكـر علـي البوست الذي اتاح لى
التواصـل مـع اطيب و احنة الاسر التـي كان لـي شرف التعرف عليهـم
ابان تواجدي بمدينة نيالا
و معزرة مرة اخري...
اليسـع ...
ما تتخيل انـا مبسوطة كيف
بسماع كـل الاخبار الجميلـة ..
تحياتـي للخالـة الحبيـبة خـديجة و اميرة وكـل افراد الاسرة
احنا بولاية كلفورنيا,منذ 9 اعـوام
و الحمداللـة كلنـا بخير
الرجاء ارسـال تلفونـك او الاميـل للسمعـة علشـان نكـون علي اتصـال
سمعــة...
معزرة مرة اخري
هـــاشـــم ودراوى..
لـن اننسي طال ماحيبت علي هذة الدنيـا كرم و حب
والدتـك المراة الطيبـة و والدك الظريف و هويدا و محمد وهنـادي و عمـر
واسرة العـم الحبيـب فضل اللـة
لما قدموة لـي مـن خدمات جليلـة
رجـاء بلغهـم تحياتي و اشـواقي
و لـو ممكـن ارسـال ارقـام تلفوناتهـم
تحياتـي الـي الحبيـبة عـزة
هـدي عبدالمنعـم/البنك الاهلي السوداني فرع نيالا
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: sumah)
|
(1 )
الا طرش عندالله فرج الله او ود جوغي
كما درج الناس في نبالا علي مناداته
_________________________________
مواصلة لما بداه الاخ / اسماعيل من
كتابة عن هذا الرجل الذي يسكن حي
الجمهورية وتفصل بيننا وبينه منازل
اعمامنا عمسيب وبشير عبود وناس دقنو
فالاطرش حسبما اعلم قدم والده الي
نيالا في خمسينيات القرن الماضي و
وكما يشاع فان اصوله تركيه وامتلك
والده جوغي عقارات كثيرة في نيالا
من بينها العقار المجاور لحوش المقدوم
من الناحية الجنوبية والذي يطل علي
شارع السينما وبه الان فرن حسب الرسول
وكذلك منزل عمنا عوض بشاره .والاطرش
هو الابن الوحيد لوالده جوغي .
الاطرش شخصية صارمة وسريع الانفعال
فعندما كنا تلاميذ بمدرسة الجماهير
( الغربية سابقا ) بني الاطرش مصطبة
علي طول حائط منزله الجنوبي فكنا
بشقاوة الطفولة لا نرتاح الا بعد ان
نمشي علي مصطبة الاطرش من بدايتها
حتي نهايتها فكانت هذه الحركة تغيظ
الاطرش في البداية كان يجري خلفنا
لكنه تعب فاضطر لان يحفظ مواعيد خروجنا
من المدرسة فيقف في ركن منزله وهو
بنظراته الغاضبة ممسكا بحجر في يده
دخلنا معه في معارك كثيرة تنتهي بالشكوي
لادارة المدرسة .
الاطرش يحب الشياكة دائما مهندم تراه
يرتدي بنطلونا وغالبا معه تي شيرت واذا
ارتدي جلابيه تكون علي النسق السعودي
ذات ياقة وللمشاوير القريبة .
ونواصل
مع التقدير
الناظر
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: sumah)
|
**
*
كتب اخى الاصغر
اليسع نورين
الحبيب/اسماعيل محمد الحسن
ما عارف من وين أبتدى....بس نيالا،،،آه من نيالا وذكرياتها
أنت عارف من أكتر الاسباب اللى خلتنى اقدم لعضويه المنبر، وجود ناس من نيالا ومش ناس و بس، ناس عزاز علي قلبي شديد خالد سماره، خالد أصيل، محمد علي الناظر،وانت يا اسماعيل وانشاء الله البركه فيكم فى وفاه الوالده وربنا يتغمدها برحمته
طبعا اكيد ما فاكرنى لانه المده طالت، أحنا كنا جيران فى حي الجمهوريه والباب بفتح في الباب
بس ما اتلاقينا كتير لانك طلعت بدري من نيالا وأحنا كمان الاسره كلها في أمدرمان، بس انا مقيم في الدوحه لي عشره سنوات.
ومن هنا فصاعدا حنحكى وحنقول خواطر كتيره عن نيالا
مودتى
اليسع نورين
اليسع نورين
يا الجار الزين..
ابداك من وين ..
يا انا..
دائما هى كذلك ..
وانا ايضا نسبة لانشغالى الشديد
هذة الايام فى دراسة مكثفة..
يااللة من الدراسة..
فنحن من جماعة
من المهد الى اللحد..
نعمل شنو ما باليد حيلة
كل يوم تنفتح لنا طاقة جديده
ومعارف جديدة نعمل شنو مافى حل
ذى ما قال الفنان شوفوا ليه حلل ..
من نيالا وذكرياتها ..
اخى انا اعرف ذلك جيدا
فالذكريات صادقة ونبيلة
ناس عزاز
اكيد اكيد..
علشان كدة بنقوليك التواصل مهم ..
وانا شايف كمان اليومين ديل فى المنتدى
الناس الاعمى شايل المكسر
وبت الحبش تنبش فى الدواخل
عزاز علينا شالو نوم عينينا
وعيوننا مكحلها السواد من اثر السهر
وعيونهم
كما قال جنى
فى البت دى بتسوك عيونا ..
او كما قال..
خالد سماره، خالد أصيل،
محمد علي الناظر،وانت يا اسماعيل ..
ياخى شكرا ليك انت
ونيالا دى ما ليها طعم من غيركم
وبيقولوا البلد بية ناسا ...
..
..
الفقد واحد يا اخى ربنا يرحمها
كانت ام للجميع..
..
...
بس دى معقولة ..
نحن جيران واهل
وذكراكم محفورة فى الدواخل
بس الزمن الغدار
غدر بينا.. جار.. جار..
بس معلومة الدوحة دى انا ماعارفة
اها يلا همتك معنا ونجى عندكم فى الدوحة
اكيد بتلقوا لينا شغل
هناك...يلا همتك معانا..
يلا خليك من صاعد دى
وابدا معانا من الان
واكيد عندك خواطر وزكريات
لشخصيات حفرت تقاطيعها..
وملامحها ..
ذى ماقال الغناى
واحشنى
يالخليت ملامحك جوة ذاتى..
الا باكر لما ...
انا بحكى ليك عن الحصل
ونحن منتظريين
حكاويكم
يا نبى اللة اليسع
لك عاطر مودتى
والاشواق
قيلتو عافية..
...
*
**
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: sumah)
|
تسلم ياأجمل جار
بالجد كلام يفتح مسامات الحنين
ويجدد زكريات اجتر عليها الدهر كثيرا
لكن بعد كدا ما في حاجه بتوقفنا....
وبخصوص الدوحة...حبابك1000 ولو ما شالتك هي تشيلك عيونا انشاء الله
ولو عن الشغل ايميلي عندك، رسل لي CV as attachment وانشاء الله احنا ما بنقصر
لانه فرص العمل هنا متاحة بكثرة
مودتي
يسع
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: sumah)
|
**
*
(1 )
الا طرش عندالله فرج الله او ود جوغي
كما درج الناس في نبالا علي مناداته
_________________________________
يالناظر
واللة دى معلومات رهيبة سقطت
عن ذاكرتى الصديئة..
والمفرح انى سفت الرقم (1 )
يعنى نشمر ونستعد لعجاة الاطرش
الميزانة دركسون..
ولكلاب الاطرش ..
وماكينة الخياطة العتيقة
فهل كان الاطرش خياطا..
ام ميكانيكى ..
ام تاجر خرده ..
اتذكر انه كانت لدية طفلة صغيرة بنت
يحملها دائما معة ..
هل لازال عائشاهناك فى البحير..
نخن ننتظر على احر من الجمر ..
*
**
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: sumah)
|
**
*
كتب /
هاشم ودراوي
نيالا....................
السودان الوطن في مساحة تلك المدينة
ياها كانت المؤتمر الجامع
العاش فيها يوم واحد.......
يطراها باقي عمرو كلو
ولك الشكر يا ابو السباع لفتحك هذا البوست
اسامه وياسر وعمار اخبارهم شنو
لهم ولكل ناس نالا الف تحية
...
هاشم ودراوي
لم احظى بمشاهدتك ..
ولكن سنحت الفرصه
والتقيت بوالديك..
وعرفتهم عن قرب ..
وحكى لى مكائيل الضو..
وياسر على الشريف ..
عن ايامك فى القاهرة.
لم اتمكن من رسم اى ملمح
يكون مدخلا اليك غير
ان عزه عزيزة علينا..
وان الملامح مجسدة فى صورة الصغيرة
وانهم جيل اخر..
جيل المنافى والغفار..
هم من ندون له هذا الحكى..
وندوزن ليهم وتر الغنا
المشدود وبين البين..
نقطع فى الحكاوى سنين..
ونحكى ..
..
..
سوف نحكى الى
ان يقضى اللة امرا
كان مفعولا..
ولا شكر على واجب ..
ف نيالا وطن ..
ونيالا ساحات ليه فرح نور ..
وزين للحزن ممشى ..
وناس نجالا ..
يردون التحية باحسن منها..
وناس نجالا..
اسامه وياسر وعمار اخبارهم طيبة
سوف نحكى..
بعد حصولناعلى رقم الهاتف خاصتكم..
تحياتنا لعزه والبنت الاموره..
وغنى ليها
الليلة يومنا..
شهرنا هلا ..
لكن كلامنا لسه..
سوف ترقص ..
سوف تفهم..
ودمتم..
*
**
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: sumah)
|
( 2)
ود جوغي
________
الاخ / اسماعيل موضوع الاطرش عبد الله فرج الله
موضوع طويل تكتنفه صعوبة والصعوبة تكمن في
اننا نستخرج ما في ترسبات الذاكرة التي
اصابها الصدا اضافة إلي ان الاطرش كان ثابتا
وسط اجيال متغيرة وكل له حكايا ومواقف معه .
مواصلة لما بداته عن الاطرش ود جوغي سابقا
فالاطرش بشياكته تلك تراه في اوقات كثيرة
وهو يقود دراجته الدبل خاصة بعد العاشرة
متجها صوب السوق . وبمناسبة السوق ورث الاطرش
من والده كمية من العربات القديمة والخردة
التي جعلت من منزله مخزنا ضخما لها عربات -
مسامير - صواميل - حديد وكل ما له بالعربات
علاقة. اصبح الاطرش تاجر خردة ولكن في مزله.
لا يعرض الاطرش بضاعته ولكنه ينتظر الزبائن
لياتوا اليه ومجئ الزبون للبحث عن اسبير لدي
الاطرش يعني ان الاسبير منعدم في السوق والمصيبة
ان الاطرش ليست لديه تسعيرة محددة لكل إسبير
انا يسعر تسعيرا جزافيا (بقطع من راسو ) مما
يوقع الزبون تحت رحمته .
الاطرش يجيد فن مشاغلة البنات حريف جدا خاصة
عندما يكون مزاجه رائق فعندما يصادف فتاة تراه
يلتفت اليها ثم يكور اصابع يده ملامسا بهم
شفتيه المزمومتين راسما إبتسامة ظريفة مصدرا
صوت تفهم منه انه يقول لها انتي حلوة .
ونواصل مع التقدير
الناظر
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: sumah)
|
سمعه ،،عدت والعود أحمد
اتذكرت طرفه ظريفه ونفسي احكيها ليك
مره زمان وفي شتاء والبرد شديد، الحراميه جنونا جن في حي الجمهوريه وما كان مافي بيت في الحلة بيخلوا من السرقه، المهم عملنا اجتماعات(شباب الحلة)وقررنا نعمل دوريه كل يوم من الساعه 1 صباحا الى الخامسه منه والخطه انه نتوزع فى الاركان اتنين اتنين ولما نشوف لينا واحد غريب نخليه لحدي ما يبقي في نص الشارع ونعمل اشاره بالبطاريات ونحاصرو في النص
ومن يومها والتقول الحراميه سمعوا بيناو اختفوا نهائي
في يوم من الايام مؤذن جامع التجانيه العم تاج الدين كان ماشي يؤذن لصلاه الصبح وكان عاده قبل ما يبدأ الاذان بينفخ الميكرفون بي شده أف..أف..أف لحدى ما ناس الحلة يصحوا والحاجه دي كانت بتزهجم شديد، نواصل الشباب شافوه من بعيد واتلثموا وحاصروه وبي نهره سالوهو انت منو قال ليهم بي خوف انا تاج الدين، جاي من وين قال ليهم جاي من البيت وما شى الجامع نأذن ، واحد قال ليه تاني تقول أف قبل الاذان قال ليهم والله تاني ما نقول وكان خايف خوف شديد الشباب
سابوهو وطوالي مشى الجامع ومسك المايك وبدون أف طوالي أذن ومن يومها والناس ارتاحوا من أف...أف
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: Huda AbdelMoniem)
|
**
*
الناظر
فى انتظار اطرش جوغى
وهو على ظهر الدراجة المعدلة
اليسع
احكى عن ناس حى الجمهورية
وامام زاوية التيجانية
وما اظنك حضرت ايام البلح
بعد صلاة الجمعة..
Maia
تحياتى
لماجده وفيرى
ونحن نسال عن اخبارهم
ونشتاق كتيرا
لرؤياهم..
Huda AbdelMoniem
شكرا ما قصرتى معانا تب
فى انشغالتنا ..
وكل الاصدقاء ..
فى انتظار كتاباتكم الينا..
*
**
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: sumah)
|
العزيز اسماعيل،،
نحييك و نحيي ضيوفك الكرام في سعيكم لتعريف العالم بماضي و حاضر و مستقبل حاضرة جنوب دارفور... لا شك ان ما تقومون
به هو اضافة حقيقية للمجهود الكبير الذي شاركتم به جميعا في بوست اللدكتور/ اصيل...وجدت متعة خاصة في قراءة كل
ما جاء بالبوستين،، لكن هزني اني لم اجدا ايا من بني دفعتي مساهما. هل للامر علاقة بخلفيتنا الريفية أم ماذا؟
ودمتم
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: Al-Sadig Yahya Abdall)
|
**
*
رسالة خاصة
للعزيز الصادق يحى عبداللة
التقيك بالاحضان ياصاحبى
فابناء البحير لازالوا بخير
كنت مخطط ان اتي اليكم
بين المغيرب والعشاء
والقاكم متلمين فى الضرا
لكن نعمل شنو رفعكم للبوست
جعلنى اتيكم ظهرا
اطلع عنقريبى تحت الحرازاية الكبيره
فى طرف الوادى وافرش البروش..
وانتظر مقدمكم الميمون..
فانتم اتون لامحالة اتون
نجلس هناك ونشرب الشاى
ونبرمك بكم ومعكم..
برادك الصينى
القريافه رامينى ..
الدكتور اصيل هو رب الدار
وما نحن الا زوار
وينطبق علينا..
ياضيفنا لو زرتنا لوجدتنا
نحن الضيوف وانت رب المنزل
نحن دايرنك جبل ماتهزك ريح..
فكلنا ابناء دفعتك
بس انت نسيت
انا بتذكر انك كنت اكبر مننا
بيه كم دفعة كدة لكن ما فرقت
يعنى الصلعة دى ما مشكلة ..
اما مناحية الخلفية الريفية دى
فكلنا من تمبس كو..
يعنى لاحرج هنالك ..
و كلنا كابتن قوازه ..
ياللة كم كان يحلو لنا ان نشاغل بيها
اصدقائنا فى المدرسة من اولاد الضهارى
تعال للبندر ادخل لهذا البوست كل صباح
ونجعلك عمدة الارياف..
ارياف شنو ياخى
ياخى عمدة نيالا وضواحيها..
قرب تعال ما تبتعد..
وسجل لينا ملامحك وانحت التقاطيع..
اهلا بيك فى عروس المدائن ..
*
**
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: sumah)
|
.
الأستاذ العزيز/ إسماعيل محمد الحسن
أشكرك جزيلاً ( بشكل شخصي ) علي هذا التداعي ،
عن إحدي المدن السودانية المربوطة تاريخياً
بتقديم قامات في هذا الوطن .
ـــــــــــــــــــــــــــــــــــــــــــــــــــــــــــــ
إبن عمي ( هاشم ودراوي )
Quote: نيالا....................
السودان الوطن في مساحة تلك المدينة
ياها كانت المؤتمر الجامع
العاش فيها يوم واحد.......
يطراها باقي عمرو كلو
ولك الشكر يا ابو السباع لفتحك هذا البوست
اسامه وياسر وعمار اخبارهم شنو
لهم ولكل ناس نالا الف تحية |
أهو لفينا قرابة الـ 25 سنة
و برضو رجعنا لي سيرة نيالا و ذكرياتها .
أشواقي ..
ـــــــــــــــــــــــــــــــــــــــــــــ
الأستاذ/ علي عبد القادر
Quote: ناس كرفس وعبد الوارث الامين اسمن اتنين
كانو في المدرسة واحمد التليب واسامه محمد
الحسن ومحي الدين الجلاد ومحمد سعد واحمد
السر دقنو وحسن زنقد واخرين .
|
أظنك تعني شقيقي الأكبر : أحمد محمد عثمان كرفس
هو فعلاً كان صديق بعض من الذين ذكرتهم خصوصاً عبد الوارث الأمين
و ( صديقي العزيز ) محي الدين الجلاد كان يسبقه بعام في نيالا الثانوية .
و لكني أعتقد أن جزء منهم زاملني أنا و أشقائي الباقين .
لك و لهم التحايا من أحمد و طارق و خالد محمد عثمان كرفس .
.
معاوية كرفس
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: Al-Sadig Yahya Abdall)
|
**
*
رسالة خاصة
للعزيز الصادق يحى عبداللة
التقيك بالاحضان ياصاحبى
فابناء البحير لازالوا بخير
كنت مخطط ان اتي اليكم
بين المغيرب والعشاء
والقاكم متلمين فى الضرا
لكن نعمل شنو رفعكم للبوست
جعلنى اتيكم ظهرا
اطلع عنقريبى تحت الحرازاية الكبيره
فى طرف الوادى وافرش البروش..
وانتظر مقدمكم الميمون..
فانتم اتون لامحالة اتون
نجلس هناك ونشرب الشاى
ونبرمك بكم ومعكم..
برادك الصينى
القريافه رامينى ..
الدكتور اصيل هو رب الدار
وما نحن الا زوار
وينطبق علينا..
ياضيفنا لو زرتنا لوجدتنا
نحن الضيوف وانت رب المنزل
نحن دايرنك جبل ماتهزك ريح..
فكلنا ابناء دفعتك
بس انت نسيت
انا بتذكر انك كنت اكبر مننا
بيه كم دفعة كدة لكن ما فرقت
يعنى الصلعة دى ما مشكلة ..
اما مناحية الخلفية الريفية دى
فكلنا من تمبس كو..
يعنى لاحرج هنالك ..
و كلنا كابتن قوازه ..
ياللة كم كان يحلو لنا ان نشاغل بيها
اصدقائنا فى المدرسة من اولاد الضهارى
تعال للبندر ادخل لهذا البوست كل صباح
ونجعلك عمدة الارياف..
ارياف شنو ياخى
ياخى عمدة نيالا وضواحيها..
قرب تعال ما تبتعد..
وسجل لينا ملامحك وانحت التقاطيع..
اهلا بيك فى عروس المدائن ..
*
**
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: معاوية كرفس)
|
**
*
معاوية كرفس
لك كل ودنا والتحايا
نكتب لك..
باللون الاحمر..
اللون الاحمر..
لون الثورة المكبوتة
لون حلتنا وكل بيوتا
وبقول كلما انظر صورتك
ارى العم محمد عثمان كرفس
يؤكد لى ان هذا الشبل
ناقص شلوخ الشايقية..
وتلك الايام الخوالى
بتلك الديار العامرة بناسا
لا ادرى لماذا كلما
اذكر العم كرفس
اذكر العم زمبركس ..
اكيد منقوشة بالدواخل
سيرة نيالا و ذكرياتها ..
فهلا تداعيت هنا يا معاوية..
وافتح لنا طاقة نطل بهامعك
على عالم عروس المدائن الرحب
وجاينك تانى وبرواقه..
*
**
| |
|
|
|
|
|
|
|
|
|
Re: تقاطيع وملامح ..من نيالا ..عروس المدائن.. (2) (Re: sumah)
|
الاعزاء الاخ اسماعيل والاخت هدى
لكم خالص الود والتحايا وحقيقي سعدت بوجودي في هذا البوست الذي يحمل من الزمن الجميل الكثير والكثير جدا
ماجدة وفيري يبلغونكم خالص تحياتهم وكثير اشواقهم ، ما تتخيلوا مدى فرحتهم بان يسمعوا عنكم بعد مدة طويلة
رسلت للاخت هدى ارقام تلفوناتهم في رسالة خاصة
تمنياتي لكم بكل الخير
ولكم خالص الود
| |
|
|
|
|
|
|
| |
sumah
عبدالكريم الامين احمد
Ayoub Osman Nahar
محمد نيالا
عمر احساس
فيصل محمد خليل
A.Razek Althalib
Dr.Saeed Zakarya Saeed
عواطف ادريس اسماعيل
Alyasa Nourain
هاشم ودراوي
امير مصطفى احمد
Nasr
Al-Sadig Yahya Abdall
معاوية كرفس
خالد سمارة
ادم الهلباوى
فيس بوك
تويتر
انستقرام
يوتيوب
بنتيريست