مواضيع توثقية متميزة

وجاءت سَكْرَةُ ما كُنتُم منه تَحِيدُون! بقلم فتحي الضَّو
كامل إدريس لن يصبح جزولي انتفاضتنا القادمة بقلم كمال الهِدي
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
بيان من نصرالدين المهدي نائب رئيس الجبهة الثورية بخصوص اعلان قوات الدعم السريع بطلب مجندين
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-04-2016, 10:35 PM الصفحة الرئيسية

مواضيع توثقية متميزة
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

أغتيال دكتورة احلام حسب الرسول .

01-02-2009, 12:14 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
أغتيال دكتورة احلام حسب الرسول .




    أغتيال دكتورة احلام حسب الرسول
    رواية لا علاقة لها بالواقع
    *



    *
    اهداء
    الى ابى د. محمد سليمان شاهين , تعلمت منك
    الى د. احلام .. التى الهمتنى , وعشعشت فى الذاكرة الخربة

    *



    pluginspage="http://microsoft.com/windows/mediaplayer/en/download/"
    id="mediaPlayer" name="mediaPlayer" bgcolor="#000000" showcontrols="false"
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">





    (عدل بواسطة shaheen shaheen on 01-18-2009, 08:50 AM)
    (عدل بواسطة shaheen shaheen on 02-03-2009, 09:46 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-02-2009, 12:55 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    يا سندباد العصر .. ارجعْ
    لم يعد فى الحب شىءُ
    غير هذا الانتحار
    ارجع
    فان الارض شاخت
    والسنين الخُضر يأكلها البوار
    ارجع
    فان شواطىء الاحلام
    اضناها صراخ الموج من عفن البحار
    (فارق جويدة)
    ...........................................
    ...........................................
    شخصيات رئيسية فى الحدتوة :
    1 احلام حسب الرسول (احلام الصول) .. 41 عاما .. معيدة جامعية .
    2 احلام الجاك (احلام جلكنة) .. 47 عاما .. استاذة تاريخ فى ثانويات الدلنج .
    3 احلام تادرس (احلام القبطية) .. 39 عاما .. طبيبة , اخصائية نساء وتوليد .
    4 احلام الحاج (احلام البعثية) .. 41 عاما .. صحفية .
    5 احلام الطيب (احلام الشيطانة) .. 43 عاما .. سيدة اعمال .
    6 احلام مختار (احلام السمحة) .. 41 عاما .. ربة منزل .
    خريجات جامعة القاهرة فرع الخرطوم فى عام 1987 _ 1988 .
    شخصيات اخرى فى الحدتوة :
    1 الطاهر شقلا .. سياسى اسلامى .. مسؤول تنظيم القاعدة فى السودان .
    2 لبنى الطاهر .. طالبة جامعية .. ابنة الطاهر شقلا .
    3 طارق مهدى .. اسم وهمى .. عميل جهاز ال CIA فى السودان .
    4 بدرالدين العجب .. محامى .
    5 مرقص سمعان .. رجل اعمال .. زوج (احلام القبطية) .
    6 عزت طريفى .. مخرج تلفزيونى .. زوج (احلام السمحة) .
    7 ميرفت حسب الرسول .. موظفة بنك .. شقيقة احلام حسب الرسول .
    8 شاهندة .. طالبة فى الجامعة الامريكية بالقاهرة .. ابنة (احلام الشيطانة) .
    ........................................................................
    ........................................................................
    لم لا اسافر ؟
    بعد ان ضاقت بى الشطان .. وابتعد المزار
    يا ايها الوجه الذى ادمى فؤادى
    اى شىء فيك ؟
    يغرينى بهذا الانتظار
    ما زال يسكرنى شعاعك
    رغم ان الضوء فى عينى نار
    اجرى فألمح الف ظل فى خطاى
    فكيف انجو الان من هذا الحصار ؟
    لم لا اسافر ؟
    الف ارض تحتوينى
    الف متكا .. ودار
    انا لا ارى شيئا امامى
    غير اشلاء
    تطاردها العواصف .. والغبار
    (فاروق جويدة)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-02-2009, 03:25 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    ورقة من اوراق دكتورة احلام حسب الرسول كتبتها فى مصحة للامراض النفسية والعصبية قبل مقتلها فى ظروف غامضة
    اريد ان اقول وانا بكامل قواى العقلية .. ان اكبر خطاء يرقى الى مستوى الخطيئة هو نيلنا الاستقلال السياسى من الانجليز .. لقد اثبت التاريخ - انا احمل فيه اجازة دكتوراة - ان الشعب السودانى , شعب لا يستطيع حكم نفسه بنفسه .. قولوا لى من فضلكم كم نهب الانجليز طيلة فترة حكمهم 60 عاماً .. وكم نهب الوطنيين - هؤلاء الشرفاء - منذ الاستقلال حتى الان 50 عاماً .. كم قتل الانجليز من جماهير الشعب السودانى .. وكم قتل ابناء البلد من افراد شعبهم .. الى اى مدى دمر الاستعمار البيئة, ولوثوا النيل والمياه الجوفية .. والى اى مدى فعلت الحكومات الوطنية ذلك
    انا لا اتهم الاحزاب والحكومات العسكرية فقط , بل اتهم كل الشعب .. نعم كل الشعب , هو ببساطة شديدة لا يستطيع , عاجز , خانع , مستسلم .. ضربت الطفيلية فى كافة احزابه وفعاليات مجتمعه المدنى
    اننى اطالب باعلى صوتى بعودة الاستعمار الى السودان ووضعه تحت الانتداب الدولى بواسطة الامم المتحدة مدى الحياة
    ولذلك اعلنت عن تشكيل تنظيم جديد تحت اسم حركة المطالبة بانتداب دولى (حمد) .. اذا كان بتر الساق عملية مؤلمة , وكان الموت عملية بشعة , وعليك الاختيار فانك دون شك ستختار احلى المرارات
    ربما تخصصى الاكاديمى هو الذى دفعنى لاعتناق مثل هذه الافكار .. لو فهم الشخص تاريخ بلده بشكل جيد واعى , سيعرف اين الخطاء واين الصواب .. وعموما انا لا احب اسطورة ان الشعب السودانى شعب معلم وبطل وذكى .. هذا غباء وضحك على الذقون , وطق حنك لا يُسمن او يُغنى .. نحن فعلا شعب فشل .. وفعلا شعب فاشل .. وهذه ليست شتيمة , هذا توصيف اكاديمى صارم .. مثلاً لو كان هناك انسان مُتخلف ذهنياً وكتبت عنه انه شخص مُعاق عقلياً هل اصبح انسانة تشتم وتهين ؟ .. بألتاكيد لا , ويجب وضع الحقائق كما هى .
    مافيا الاحزاب السياسية هم اصحاب المصلحة الحقيقية فى ترديد عبارة ان الشعب السودانى شعب عظيم .. وطبعا طالما كانوا هم وابائهم واجدادهم قد استفادوا مادياً بعد خروج الاستعمار - واحيانا قبله - ولم نقول لهم (بغم) ومن اين لكم هذا ؟ , فنحن فى نظرهم شعب عظيم .. هؤلاء يطلبون منا الان التضحية من اجل خلق واقع على الارض يسمح لهم (1) اما باسقاط الذين يحكمون الان من اجل ان ينفردوا هم بالثروة والسلطة , (2) او السماح لهم تحت ضغط الغليان الشعبى بالمشاركة فى نهب خيرات الوطن مع الذين يحكمون
    وكل ذلك تحت شعار الوطن الغالى ومستقبل الوطن المزهر ورفاهية طبعاً جماهير الوطن الغالية على قلوبهم العاطفية الحساسة
    هم كلهم واحد , صدقونى .. هم كلهم واحد , لا فرق بين حكومة ومعارضة .. هناك (بيزنس) مشترك بينهم .. وهناك علاقات مصاهرة وصداقة مدروسة ومحسوبة .
    هناك من قال لى
    - والله يا دكتورة ننتظر الديمقراطية والشعب بعد ما يجرب كل الاحزاب ح يقتنع انو يدى صوتو لحزب يصلح لينا السودان .
    ok .. تجريب المجرب سلفا! .. بعد كم سنة ؟ .. يعنى الناس تجرب حزب (الامة) ثمانى سنوات وبعده (الاتحادى) اربع سنوات الخ الخ الخ .. هذا طريق طويل وسبق ان سرنا فيه والنتيجة عموما معروفة ذاكروا التاريخ جيدا حتى تعرفوا
    بالمناسبة ولعشاق انتظار الديمقراطية .. مافيا الاحزاب السياسية السودانية تُجيد اللعب فى بركة مياه الديمقراطية وتعرف الوسائل التى تمنع وصول من يشكل عليها خطورة - تسليم وتسلم عبدالله خليل وابراهيم عبود فى 17 نوفمبر - .. هم من يضع قوانين الانتخاب وتوزيع الدوائر الجغرافية وتسجيل اسماء المقترعين بطريقة تحفظ لهم الاغلبية الميكانيكية .. شراء الاصوات , اللعب بورقة الدين (امة, اتحادى, جبهة اسلامية) ..التزوير .. الاحتماء بالعائلات الكبيرة ذات السطوة والسوط .. حتى لو , اقول حتى لو جاء حزب يستطيع الاصلاح - وانا غير مؤمنة بذلك كما هو واضح - واستطاع الفوز فى الانتخابات فان البيان العسكرى الاول سيكون فى انتظاره من اذاعة امدرمان او اى واحدة من اذاعات ال fm .
    لان الاصلاح الحقيقى يعنى ضرب مصالح مافيا الاحزاب السياسية فى الصميم وتقديمهم جميعاً الى محاكم الثراء الحرام
    انا اتحدث عن بشر تُعانى الان - فى هذه اللحظة بالذات - .. عن جوع فى البطون .. عن دعارة من اجل دفع ثمن ايجار المنزل .. عن هجرة ونزوح وتجريف عقول .. عن مهانة (كفيل) فى بلاد بترولية .. عن تدنى فى التعليم .. عن تهميش فى ارياف الهامش .. عن ارتفاع مُعدلات الجريمة .. هؤلاء , وهم الاغلبية الساحقة بالمناسبة , ليس لديهم ترف الانتظار خمسون عاماً اخرى فى مظلة ديمقراطية وهمية - هناك ثلاث فترات ديمقراطية فاشلة فلماذا يعنى ستصبح الرابعة ناجحة , لماذا ؟ - .. ليس هناك داعى لانتظار مُخلص من السماء تحت شعار (يمكن فى زول يصلح) .. فكرتى انه ليس هناك (زول يصلح من اساسو) .. لانهم ببساطة شديدة كلهم (بايظين) ديكتاتوريين داخل احزابهم , يرفضون التنحى عن رئاسة الحزب الا بالموت , يعشقون الظهور فى قناة (الجزيرة) كانهم اساتذة ومفكرين عظماء .
    لا أمل فى النخبة السودانية .
    لا أمل فى النخبة السودانية .
    لا أمل فى النخبة السودانية .
    اتحدث عن حل واقعى وفعال وسريع .. وضع السودان تحت الانتداب الدولى مدى الحياة .
    هذا هو هدفى .. وهذه هى برامج حركتى السياسية الجديدة .
    ولهذا وضعتنى مافيا الحكومة والمعارضة فى مصحة للامراض النفسية والعصبية وقالوا اننى مريضة .. وانا اقول لهم انتم المجانين لو اعتقدتم ان نهبكم المنظم لخيرات هذه الارض الذى بداء منذ يناير 1956 سوف يستمر الى الابد .. قدموا لنا مصادر دخلكم , وارقام ثروتكم الحقيقية وتعاملاتكم البنكية , واعداد عقاراتكم فى القاهرة ولندن ودول العالم الاخرى
    من اين لكم كل هذا يا عقلاء .. من اين ؟
    د/ احلام حسب لرسول عابدين .
    .....................................
    .....................................
    وأكد الاستاذ/ بدرالدين العجب المحامى لمراسل صحيفة (الحياة) ان موكلته التى اثارت مقالاتها ضجة فى الخرطوم فى الاونة الاخيرة تتمتع بصحة ذهنية ممتازة وان قرار احتجازها فى مصحة نفسية هو قرار سياسى فى المقام الاول وليس قراراً طبياً , وناشد جمعيات حقوق الانسان فى العالم بالوقوف خلف موكلته .. محذرا من امكانية تصفيتها جسديا بوسائل طبية غامضة , واواضح ان د/ احلام قد انتابتها نوبات اغماء غريبة منذ دخولها الى المصحة .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-04-2009, 07:38 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    (1)
    (1) حكايات دكتورة احلام حسب الرسول
    - دكتورة احلام .. لو سمحتى المقرر السنة دى طويل مافى حذف ؟ .
    - لا .. عاينو انا ما بحب قصة الحذف من المقرر دى .. اى حاجة درسنها خلال العام الدراسى ممكن تجى فى الامتحان .
    - لكن يا دكتورة ..
    - مافى لكن .. انا من الاول قلتا قسم التاريخ فى الكلية هنا عشان الناس البتحب التاريخ , مش عشان العايزين شهادة جامعية وخلاص .
    نظرت لى شذراً , مضت وهى (تبرطم) بكلمات مبهمة.. اسمع انها ابنة سياسى اسلامى كبير .. يظنون ان الجميع عبيد فى مزرعة اهلهم .
    كلية الاداب جامعة النيلين , قسم تاريخ .. تاريخى الشخصى الخاص هنا بين طرقات هذه الجامعة منذ ان كانت فرع الخرطوم .. اعرفها طوبة, طوبة .. اعشق ذكرياتى فيها .. دكتوراة فى تاريخ السودان الحديث , رسالة الدكتوراة العبيطة تنام فى رفوف مكتبة الكلية .. لا احد يقرأ , لا احد يسمع بها او يهتم , مثل الاف الرسائل .. عندما ادخل مكتبة الكلية انفض عنها الغبار فى حنان , سنوات من المُعاناة المرهقة , اضع قُبلتى على غلافها الاسود السميك , هى التى جعلتنى احمل لقبى السخيف هذا – دكتورة -
    ذات مرة حضرت واحدة من الجيران وهى تحمل (حقنة) ملاريا ظنت اننى طبيبة .. شرحت لها لمدة ربع ساعة الفرق بين الطب والتاريخ - رغم ان تاريخ السودان صنعته الملاريا - , قلت لامى فى غيظ
    - والله الواحد كان مفروض يقرأ تمريض عالى مع الناس الوهم ديل .
    غدا الجمعة , يوم لقاء عصابة (الاحلامات) بعد غيبة طويلة لم نجتمع سويا منذ التخرج .. كم سنة يا ربى ؟ .. اكره الحساب .. اخاف من عد السنوات .. عادتى الشهرية اصبحت غير منتظمة
    - خايفة العادة تنقطع منى يمة .
    - تنقطع شنو يا بت .. انتى لسه صغيرة .
    يا امى الحبيبة , اعرف القلق الذى كان ينتابك قبل ان تغوصى فى بحور الشيخوخة وفقدان الذاكرة , القلق من ولد حلال تأخر كثيراً فى طرق الباب
    خوفى الانثوى من نضوب عادتى الشهرية , وخجلى من عادتى السرية
    جامعات اصبحت بدون طعم او مغزى حقيقى .. طُلاب نصفهم مسطول بمخدرات شعبية رخصية , ونصفهم الاخر لا يجد تعليم حقيقى ومعرفة نافعة
    رن هاتفى المحمول وانا فى طريقى نحو البوابة الخارجية
    - احلام الصول يا فقرية .
    صوت (احلام السمحة) بعد سنوات كثيرة فى (الدوحة) , صوت يحمل نفس نبرات الدلال القديم .. نجحت , وتُريد استعراض نجاحها على الصديقات القديمات المسكينات .. زوج وخمسة ابناء وفيلا فاخرة فى (اركويت)
    تبادلنا حوار تقليدى طويل عن الصحة والاهل والاخبار الخاصة
    - بكرة ح نكون معاك .. ايوه مفروض جلكنة تجى من الدلنج الليلة .
    كتابى الوحيد الذى نشرته من حر مالى لم يوزع سوى مئة نسخة فقط (محمد احمد المحجوب سياسى ومثقف فاشل) .. ابحاثى التى لا ينشرها احد .
    انحنيت على سيارتى (الاتوس) الصغيرة .. عادت الطالبة المشاغبة للظهور من جديد
    - عليك الله يا دكتورة احذفى لينا اى حاجة من المقرر .
    - انتى اسمك منو ؟ .
    - اسمى لبنى الطاهر .
    - طيب يا لبنى الطاهر مش احسن ليك تمشى تقرى بدل ما تتكلمى معاى ؟ .
    عندما صعدت الى السيارة وجدتها تنظر لى بطريقة غريبة غامضة , اكتشفت كم هى جميلة وذات جسد مثير
    41 عاماً
    هل لا زال جسدى مُثيراً فى عيون الأخرين ؟
    فى اى لحظة قد تصل (احلام جلكنة) الى بيتنا فى (ابوروف) هى الوحيدة فى عصابة (الاحلامات) التى احبها كثيرا .. وهى الوحيدة التى تحب التاريخ مثلى .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-04-2009, 12:53 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-04-2009, 09:00 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    (2)
    (1) حكايات احلام الجاك (احلام جلكنة)
    احلامى التى تتحقق , والرحلة الى الخرطوم هذه المرة لها طعم مختلف .. سنوات تمضى وتتسرب , تطحن ما تبقى من العافية فى الأجساد دون رحمة .. ذكريات الحنينة السكرة .. الحب الاول والاخير .. الحمل سفاحاً والاجهاض فى بيت (داية) منحرفة فى (الموردة) .. اشجار الجوافة الكبيرة والكثيرة فى بيت (احلام الصول) فى (ابوروف) وامها الحاجة (زينب) صاحبة اجمل كباية شاى باللبن فى العالم .. الخرطوم اتنين , اول تجربة جنس حقيقى ومكان فض الغشاء .. (منعم) ابن القاضى الشهير الذى زرع حيوانه المنوى فى رحمى وصرخ فى وجهى
    - امشى اطلعى بره يا خادم .
    الخرطوم اتنين .. معنى الاهانة العرقية والطبقية والانسانية .
    ايام وشهور وسنين .
    الصورة التى احملها معى ستكون مفاجأة للجميع .. بعد اخر امتحان , ذهبنا الى ستديو مصوراتى اريترى عجوز , كلنا نحن الستة (احلامات) .. جلسنا لالتقاط الصورة .. كنت انا فى الوسط وعلى يمينى جلست (احلام حسب الرسول) وعلى يسارى (احلام الطيب) وهى تحمل زهوراً بلاستيكية صفراء غبية .. خلفنا وقفت اجملنا واجمل من درست فى جامعة القاهرة فرع الخرطوم طيلة تاريخها الطويل , الدلوعة (احلام مختار) او (احلام السمحة) التى كان الطلبة ياتون اليها مثل مواسم الحج من جامعة الخرطوم والكليات التكنولوجية للفرجة على الجمال الالهى .. بجوارها وقفت (احلام الحاج) الكادر الخطابى لتنظيم (جبهة كفاح الطلبة) هى اخطر انسانة عرفتها تتحدث فى السياسة وهى التى وقفت الى جوارى فى عملية الاجهاض وحمتنى من الفضيحة .. على يسار الواقفين كانت (احلام تادرس) القبطية ذات الوجه الحزين , اكثرنا ثراءً وتهذيباً وثقافة , كان الصليب الذهبى الانيق يتدلى من العنق ناصع البياض فى تحدى مثير .
    فى لحظة التقاط الصورة مرت قطة ضخمة من بين ساقى (احلام السمحة) , صرخت وتعلقت بكتف (احلام البعثية) .. دخلنا مع الاريترى العجوز فى نقاش صاخب وطلبنا باعادة التصوير , وافق وجاء الينا بحجة ترتيب الوقفة من جديد , وقام بالضغط على مؤخرة (احلام السمحة) بشكل ظاهر ومقصود .. ضربته بعنف على خده الايمن وحدث هرج ومرج .. خرجنا ونحن نسب ونسخط , وانا اضحك من الموقف
    - غايتو اريترى ما عندو ادب .. واعصابو بايظة , الناس بقت تعبانة شديد فى البلد دى .. هاهاها .
    رجعت اليه بعد يومين , طلبت الصور , اعطانى ستة نسخ دون ان ينظر لى ورفض ان يتسلم منى اى نقود وهو يعتذر بشكل اوجعنى , عرفت عندها معنى ان تكون غريب فى بلد الغير
    وبعد كل هذه السنوات اعود وانا احمل لكل واحدة منهن نسختها الخاصة , كتبت على ظهر كل صورة بخط رقيق :
    (1988 ستديو انوار المدينة .. عصابة الاحلامات)
    عندما اقتربت (الركشة) من بيت (احلام الصول) قلت لنفسى بصوتاً عالى
    - يا ربى بتكون رجعت من الجامعة ؟ .
    رد الطفل سائق (الركشة) فى استغراب
    - نعم يا حاجة ؟ .
    - لا , ما استغنى .. ما بتكلم معاك يا ولدى .
    عندما طرقت الباب .. كانت اشجار (الجوافة) الكبيرة والكثيرة تنظر لى فى حب ومعرفة .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-04-2009, 09:54 AM

السمؤال بدرالدين
<aالسمؤال بدرالدين
تاريخ التسجيل: 02-17-2007
مجموع المشاركات: 1989

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    شاهين
    سلامات
    انت الرواية راحت مع الهكر والله شنو

    وهل توجد في المكتبات


    تسلم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-05-2009, 10:58 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    (3)
    (2) حكايات احلام حسب الرسول (احلام الصول)
    - الو .. اهلا وسهلا .
    - دكتورة احلام ؟ .
    صوت انثوى مخنوق وباكى على الطرف الاخر
    - ايوه انا احلام , معاى منو ؟ .
    - انا لبنى الطاهر .
    - لبنى الطاهر منو ؟ .
    - تلميذتك فى الجامعة .
    - انتى الزولة بتاعت حذف حاجات فى المقرر ؟ .
    - انا ذاتى .
    - يا بت انتى مجنونة ولا شنو ؟ .. لقيتى نمرتى دى اساسا وين ؟ .
    - لا .. انا بس عندى مشكلة , عشان كده اتصلت بسيادتك .
    - عندك مشكلة تمشى طبيب نفسى .. او تشوفى اخصائية اجتماعية .. اوعك تتصلى بى تانى مفهوم ؟ .
    اغلقت هاتفى المحمول وقذفت به الى مقعد قريب .
    خرجت (احلام جلكنة) وهى تضع (بشكير) اصفر ضخم على شعرها الخشن المبلول
    - فى شنو يا بت الصول ؟ .. مالك عاملة شكلة فى التلفون ؟ .
    - طلبة اخر زمن .. عايزين هم يحددوا المقرر .. دى طالبة قالوا ابوها سياسى كبير فى البلد , ما عارفة الجدعا شنو على جامعتنا دى وهى ممكن تقرأ فى احسن جامعة خاصة.. غايتو التعليم فى السودان ده بقى كلو محن .
    - بقيتى عصبية يا بت الصول .
    - اعمل شنو يا جلكنة لى فترة اعصابى تعبانة وكمان مرض امى عامل لى توتر شديد .
    - ما فى زول ظهر ؟ .
    - عليك الله يا بت .. خلاص كبرنا .
    - مالك ؟ زى قمر اربعتاشر عينى باردة عليك .. الجامعة ما فيها رجال ؟ .
    - يعنى يا احلام الجاك عايزانى اتظارف واخفف دمى عشان القى عريس .. معلون ابوهم واحد وراء التانى .
    - والله يا بت الصول .. مرات القعدة ساكت بتكون اخير من العرس بتاعى .. متزوجة من انسان وسخ وما محترم .. تخيلى مرة بت فلاتية صغيرة جات تغسل لى الهدوم , بس مرقتى للسوق وجيت راجعة لقيت السجمان طالع فوق البت .. اتفو عليهو وعلى الرجال الزيو .
    - لسه مرزوع فى ليبيا ؟ .
    - بركة سيدى الامام ما يرجع تانى منها .. بعد ما انكشح يا داب انا والبنات ارتحنا من الفضايح ووجع الراس .
    - يخصى عليك يا فقرية ما جبتيهم معاك ليه ؟ .
    - حليمة ما بتحب الخرطوم .. وسعدية من ما نهداتا قامن وهى عاملة فيها مجكسة ود عمها وما دايرة تفارقو .
    - ربنا يخليهم ليك .. المرة دى ح تقعدى معاى اسبوع كامل .
    - اسبوع شنو يا بت ؟ .. عندى مليون الف التزام فى الدلنج ببيت معاك الليلة وبكرة ويوم السبت بتحرك على الحاج يوسف وبسافر من هناك .
    - دايرة اشبع منك يا فقرية .
    - الايام جاية كتير .. المرة الجاية يا رب تكون عشان عرسك .. انتى احلام تادرس بتكون بكرة موجودة معنا ؟ .
    - كيف , دى اكتر واحدة خططت عشان اللمة دى .. وبالمناسبة قالت اتصل بيها اول ما توصلى .
    - كويس عشان عايز استشيرها عندى مشاكل فى الرحم .. هسع عليك الله لو كنا عملنا زيها وامتحنا تانى وخشينا طب مش كان اخير من التاريخ السجم ده ؟ .
    - خلى الكلام الكتير وتعالى معاى المطبخ .. عاملة ليك سمك بلطى وسلطة اسود وكستر للتحلية .. مشروع تسمين يا جلكنة احتمال ترجعى شباب تانى .
    - حليل الحاجة زينب واكل الحاجة زينب .. مشتاقة ليها شوق شديد .
    - بس ترتاحى وناكل وبعد ده تمشى تسلمى عليها عند ميرفت .
    - بالمناسبة عندى ليكم مفاجأة ب مليون جنية .. صورة ما اظن فى واحدة بتتذكرها فيكم .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-05-2009, 11:09 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    أ/ السمؤال تحيات
    الرواية موجودة فى الارشيف وهذه محاولة للتنقيح وكتابتها كاملة
    Quote: وهل توجد في المكتبات

    لم انشر حتى الان اى رواية - اقصد النشر الورقى - .
    اعتقد ان الانترنت يُتيح حرية اكبر فى النشر .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-06-2009, 07:37 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    (4)
    (1) حكايات لبنى الطاهر

    - الو اهلا وسهلا .
    - دكتورة احلام ؟ .
    اغلقت الهاتف فى وجهى .. الدكتورة الغبية , اريدها هى .. اشتهيها .. اضحك فى سرى وانا اراها تحمل اطناناً من الكتب والصحف اليومية بين يديها .. كتب , كتب , كتب , على مقاعد سيارتها الصغيرة , على سطح مكتبها الخشبى القديم فى الجامعة
    اريدها هى .. جسدها
    (اربابة) الحبشية التى عادت للحياة من جديد
    نفس (اربابة) الخالق الناطق .. القامة القصيرة , الانف الصغير الشهى مثل حبة (عنب) ناضجة , العيون المستديرة شديدة السواد , الشعر الخشن وهو يلسعنى فى الفخذ العارى
    اقاوم رغبة فى النهوض من مقاعدى اثناء المحاضرة وانا اشاهد نقطة العرق البلورية وهى تنحدر فى غموض ونداء من خلف الاذن حتى العنق الرقيق , تنادينى نقطة العرق تلك , اغمض عيونى اريد ان انهض والعقها بلسانى
    ماذا سيحدث لو اوقفتها فجأة فى فناء الجامعة امام الجميع واعتصرتها بين ذراعى حتى تبكى طلباً للرحمة ؟ .. ماذا سيحدث ؟ .. انا اطول منها كثيرا , وبالتاكيد اقوى منها كثيرا .. فقط لو تبكى من النشوة بين احضانى .. اريد ان ارفع لها ملابسها الكلاسيكية السخيفة واشاهد الوان ملابسها الداخلية , حمراء ؟ صفراء ؟ سوداء ؟ قطن طبيعى ؟ حرير صناعى ؟
    عذبت (اربابة) فى ليل (ابوظبى) المُمتد بلا نهاية .. الشقة الخالية , وامى , وزوج امى السخيف , فى واحدة من حفلات الجالية السودانية العبيطة .. اطاردها فى ارجاء الشقة .. اشعلها بالرغبة والنار .. اقرصها فى فخذها البنى المستدير بالشحم
    - أى .. أى .. يا بت اقعد ساكت , ما عندى مزاج الليلة .
    اقفز عليها بجسدى الضخم وارميها على الارض
    - لكن انا عندى مزاج الليلة .
    - أأأأخ يدى انكسر يا لبنى .
    - بقولوا يدى اتكسرت مش يدى انكسر .
    اعريها بعنف .. اضع فمى على (حلمة) النهد الصلب .. تستسلم مثل حمامة مرعوبة .. تصبح ملكى افعل فيها وبها ما اشاء .
    انتهى كل شىء فى لحظات .. خرجت لشراء اغراض البيت من (السوبر ماركت) القريب وسقطت كتلة حمراء من اللحم والدماء تحت اطارات عربة (مرسيدس) بيضاء
    حزنت عليها كما لم احزن على انسان
    امى وزوجها (العرص) كانا فى اندهاش بالغ
    - فى زول يبكى على خدامة عشان ماتت .
    - والله انتى بت مراهقة بالجد .
    فى اليوم الذى ماتت فيه , عذبتها حتى الثمالة , حتى بكت
    - عندى مزاج يا لبنى .
    - وانا ما عندى .. طيرى من وشى .
    ضربتها على بطنها بقسوة .
    - امشى اشترى حاجات الغداء يلا طيرى .
    كانت تبكى وهى خارجة .. لو كنت اعلم انها لن تعود ؟
    بكيت عليها كما لم ابكى على احد
    - أأأأى .. يدى انكسر حرام عليك .. بالراحة عليك الله .. بالراحة .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-06-2009, 07:42 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-08-2009, 08:15 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    (5)
    (1) حكايات احلام تادرس (احلام القبطية)
    عيناك على ولا ترانى
    (من الانجيل)

    عندما اغتصبنى شقيقى (حنا) ترك فى شبابى وانوثتى شرخاً مازلت اتحسسه حتى الان وانا على عتبات الاربعين
    - الو , الو .. ايوه يا جلكنة معليش عشان الشبكة تعبانة شوية ما قادرة اسمعك كويس .. مشتاقة ليك شديد يا بت يا عواليق .. شنو ؟ لا , عاينى خلى بت الصول تجيبك لى الليلة فى العيادة .. كدى ادينى بت الصول .
    جاء صوتها كالعادة رزينا واثقا من نفسه , فيه الكثير من رنة الاسى
    - وين يا قبطية ؟ .
    - والله يا بايخة حقو الواحد ما يتكلم معاك .. يعنى يا بت الصول ما قادرة تركبى عربيتك السجمانة زيك دى وتجى تزورينى ؟ .
    - والله مشغوليات يا احلام .. الحياة تلاهى .
    - عاينى هنا يا مستهبلة , عشان جلكنة دى قالت تعبانة شوية .. زى الساعة عشرة تعالوا لى العيادة اكشف عليها واشوف لو كانت محتاجة تحاليل قبل ما ترجع الدلنج .
    - ما عندك مشكلة جلكنة دى ثروة قومية لازم نحافظ عليها .. برنامج بكرة قايم فى مواعيدو ؟ .
    - تمام التمام .. يلا عشان عارفاك خايفة على الرصيد يا بخيلة , يحفظك الرب , ح اكون منتظراكم .
    كثيراً ما افكر فيهن .. هل هن سعيدات ؟ .. وايهن اكثر سعادة من الاخرى ؟ .. بل وما هى مقايس السعادة اساساً ؟
    كنا دفعة تاريخية فى قسم تاريخ .. ست طالبات كلهن (احلام) .. القريبة من القلب لنا جميعاً كانت (احلام جلكنة) هى شعلة الشلة والدينمو المحرك .. لم تكن تملك اى مسحة من الجمال فى وجهها , هى اقرب فى الشبه للرجال .. جسدها كان جميلاً
    - انا ما عندى وش .. لكن فى الجسم , مية فى المية .
    احببت فيها الاصرار ومُعاندة حياة صعبة لا ترحم الفقراء .. جلست فى البيت تربى اخوتها بعد وفاة امها وعادت للدراسة بعد ذلك , لذلك كانت تفوقنا عُمراً بسنوات , كانت تدرُس فى الجامعة وتعمل فى مصنع (طحنية) ليلاً .. حاولت ذات مرة ان اضع بعض النقود فى حقيبتها , ضربت يدى بعنف وغيظ
    - اوعى تعملى كده تانى .. انا ما شحاتة .
    عندما اغتصبنى شقيقى (حنا) ترك فى روحى دمامل واوجاع فظيعة .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-20-2009, 01:33 AM

مبارك محمد
<aمبارك محمد
تاريخ التسجيل: 12-10-2006
مجموع المشاركات: 142

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    شاهين الوارف الجميل

    تحياتي واحتراماتي المتصلة


    وجودك هنا مكسب كبير لنا وكتابتك بالتأكيد مكسب لمن يقرأها أو ينقدها .. تمنياتي لك
    نصوصك فيها قسوة ومطاردة وبطش ورائحةجمال تقربنا كثيرا من الآني والمعاصر
    لكنها لا تكتفي بذلك بل تقدم على شيء ملح وضروري وهو أنها تتجاوز الأسس الأرسطية
    والمناطق السردية المستقرة وصولا إلى اجتراح آفاق جديدة تسقط العادي والمألوف
    والناجز حيث أن كل نص به مساحة للإغواء الشعري والمنطق الحكائي
    وأحيانا فضح القهر والتوق للانفلات من القبضة الحاكمة التي تشد الكائن البشري للأرض..

    شكرا لك يا شاهين على هذا الامتاع البهى..
    حييت يا صديقى المكتظ بالطهر والنصاعة..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-08-2009, 10:43 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-08-2009, 12:11 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    (6)

    حوش (ابوروف) .. اشجار الجوافة الكثيرة والعجوز .. النوم والنظر الى النجوم فى سماء (امدرمان) .. كأن الزمن لم يجرى .. كأن السنوات لم تمضى .. اصبحنا فى حقبة الكهولة الحقيرة , نُقاوم بالصبغة اثار شعر ابيض عنيد .. تجاعيد الوجه التى ارتسمت مثل شلوخ .. البسمة التى ما عادت مثل ايام زمان , ولا حتى الحزن .. زمان كان للحزن معنى وشجن خاص , الان اصبح ثقيلاً جافاً يترك فى القلب احساساً بالوجع
    - نومتى ؟ .
    - صاحية .. الخميس ده بحب اسهر وافكر .
    - تفكرى فى شنو ؟ .
    - فى الدنيا .
    - زعلانة انك ما اتزوجتى لحدى هسع ؟ .
    - خلاص نسيت الموضوع ده , فتحتا ليهو .. عارفة يا جلكنة انا مش هسع عمرى واحد واربعين سنة , لكن لسه بمارس العادة السرية .
    - ها ها ها .. يجازى محنك يا بت الصول .
    - بالجد والله , يعنى اعمل شنو .. مرات بخجل من نفسى واقول الطالبات عندى ما بيعملوا كده .. دايرة اسأل احلام تادرس لو العادة السرية دى مضرة بالصحة .
    - هاهاها .. يا زولة ما تشتغلى ب زول , اعملى البريحك , غايتو اخير ليك من مسخرة بنات الخرطوم .. عارفة يا بت الصول انا ايام الجامعة حملتا بالحرام وعملتا عملية اجهاض .. عارفة كده ولا ما عارفة ؟ .
    - يا بت انتى مسطولة ولا شنو .. ده شنو الكلام الفارغ ده ؟ .
    - ده الحصل , خجلتا اكلمك فى الوقت داك .. انتى زولة جنك قرأية وكتب واوراق , ما عندك شغلة مع الشربكة والقذارة البتحصل بين الناس .
    - جلكنة عليك الله عندى صداع وما دايرة اعرف اى حاجة .
    - تانى يوم من زواجنا زوجى كان سكران , قال لى انتى شينة ومافيك ريحة الانوثة .. قلتا ليهو الشنا دى عارفها, لكن ريحة الانوثة دى جديدة لنج .
    - جلكنة اسكتى ما تطلعى دينى .
    - معقول يا بت الصول يكون عندى سرطان رحم ؟ .. ده يكون عقاب من ربنا .. مش كده ؟ .
    - اسمعى يا جلكنة الساعة واحدة ونص صباحا .. نومى الله يرضى عليك .
    - تصبحى على خير .. لكن لو عندى سرطان بناتى ديل يمشوا وين .
    صمت يسود, والنجوم تنظر فى استغراب من علياء شاهقة .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-13-2009, 01:26 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    (7)
    (3) حكايات احلام حسب الرسول (احلام الصول)
    اجلس فى عيادة (احلام تادرس) اتصفح عددا قديما من مجلة (حواء) المصرية .. كالعادة العيادة بسيطة وانيقة فى ذوق , مثل صاحبتها
    اول ما لفت نظرى فيها ايام معرفتنا الاولى فى الجامعة انها مسيحية .. لم اعرف قبطية قبلها , اعجبنى الصليب الذهبى الصغير , والتهذيب العالى , الانسانية التى تشع من العيون الوديعة , عرفنا بعد فترة من صداقتنا انها تنتمى الى اسرة غنية لديهم مصنع زجاج كبير
    ذات مرة فى تلك الايام البعيدة شاهدتها مصادفةً داخل سيارة (مرسيدس) فارهة , نادتنى فى تهليل وفرح حقيقى
    - ده بابا يا بت الصول .. دكتور تادرس ميخائيل .. دى صحبتى يا بابا فى الجامعة واحدة من الاحلامات الحكيت ليك عنهم .
    اخبرتنى بعدها
    - ما بحب زول يعرف انى من اسرة غنية .. عايزة اكون زيكم كده بالظبط بدون اى فرق .
    - ابوك دكتور ؟ .
    - لا .. ما طبيب .. عندو دكتوراة فى الجيولوجيا .. خلى التدريس فى جامعة الخرطوم واتفرغ للعمل الخاص .
    - عندك اخوان ؟ .
    - عندى اخت واحدة , طبيبة امراض نساء واخ اتوفى قبل ما ادخل الجامعة كان اسمو حنا .
    - وامك ؟ .
    - طبيبة اسنان .
    - ماشاء الله عليكم .. انتو اسرة راقية شديد .
    - لا .. عادى خالص , نحنا اسرة عادية جدا .
    متواضعة بشكل لا يصدق .. مثقفة
    - دى رواية فرنسية ؟ .
    البؤساء , بتاعت فيكتور هيجو .
    - بتعرفى فرنسى ؟ .
    - يعنى , شوية , شوية .. بحب اللغة الفرنسية من زمان .
    اتذكر الايام التى ماتت فيها شقيقتها (ماريا) , انقلبت بها السيارة وماتت بنزيف داخلى حاد فى المخ .. كان عندى شغف ان اراها , وعدتنى اكثر من مرة ان نذهب لها فى العيادة
    - اقول ليك سر يا بت الصول ؟ .
    - سرك فى بير يا بت يا عسل .
    - ماما ما بتحب مسلم يخش عندنا فى البيت .
    - معقول ؟ .. ليه كده ؟ .
    - ما عارفة , هى ما بتحب السودان , وما بتحب نصاحب المسلمين .
    عندما ماتت (ماريا) تغيرت هى كثيرا
    - انا يا بنات نويت امتحان تانى شهادة سودانية علمى .. واخش طب وامسك عيادة ماريا .
    (احلام السمحة) لا تحب الشخص الطموح
    - بالله يا بت الصول عاينى الاقباط ديل جبارين كيف , ما عايزة تفك عيادة اختها .
    - ده اسمو وفاء وطموح .
    قبل سنة جاءت تزورنى فى الجامعة
    - عارفة , انتى الزولة الوحيدة الشجعتينى امتحن تانى واخش طب .. ومتذكرة كويس يوم زغردتى لى عشان نجحتا .
    - يا بت ده كان زمان انتى لسه متذكرة ؟ .
    - فى حاجات ما بتتنسى يا بت الصول لو مرت مليون سنة .
    لمحت نظرة الامتنان واطياف دموع قادمة فى العيون المسيحية الطيبة .. عرفت كم هى وحيدة وفى حوجة لقلب قريب منها .. قررت ان ازورها بشكل منتظم كل اسبوع .. وها انا بعد سنة كاملة اجلس فى عيادتها .
    خرجت (احلام جلكنة) بجسدها الذى ترهل وخلفها كانت (احلام القبطية) وهما تضجان بالضحك
    - يا بت الصول شفتا قلة الادب بتاعت جلكنة .
    - حظك .
    - يا بنات ما تعملوا لى عقدة نفسية بلاش مسخرة فارغة معاكم .
    عنما ذهبت الى دورة المياه , تنهدت (احلام تادرس) بعمق
    - جلكنة عندها ورم فى الرحم لازم نعمل عملية ازالة للورم وتحليل .
    - اتكلمتى معاها ؟ .
    - بعد برنامج بكرة عشان ما تدبرس .
    ونحن فى طريق العودة الى البيت , قالت (جلكنة)
    - احتمال كبير يكون عندى المرض الكعب ؟ .
    - المرض الكعب ده كمان شنو ؟ .
    - السرطان .
    - لا حول ولا قوة .. انتى بقيتى دكتورة واحنا ما عارفين ؟ .
    - لا بالجد شايفة وش بت تادرس اتغير وهى قاعدة تكشف على .
    - يا بت مافى سرطان بيتعرف بالكشف كده ساكت .. لازم الزول يعمل تحاليل وهيصة طويلة .
    - انا الحاسة السادسة عندى ما بتغلط .
    - عليك الله بطلى هبالة وجرسة .
    وضعت شريط (زيدان ابراهيم) على الة تسجيل العربة .. اندلع الصوت السكران يترنح مع نغمات العود .. اغمضت (جلكنة) عيناها واراحت راسها على حافة المقعد
    - حليلك يا زيدان وحليل ايامنا .
    كنت اقود سيارتى وانظر لها بطرف عينى .. وجهها الرجولى الاسود كان يلمع مع اضواء السيارات القادمة فى الاتجاه المعاكس .. قلت فى سرى
    - ربنا معاك يا احلام .. ربنا معاك , انتى احسن واحدة فينا .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-14-2009, 07:35 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-14-2009, 12:30 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    (8)
    (1) حكايات احلام الحاج (احلام البعثية)

    كسرنى منظر دخول القوات الامريكية قلب العاصمة العراقية (بغداد) .. تبددت سنوات , انهارت قصور الرمال بضربة من موجة عاتية .. تبولت على نفسى , شاشة التلفاز تراقصت امام عيونى .. سقوط تمثال (صدام حسين) البرونزى الضخم وكأنه سقط مباشرة على قدمى .. تبولت على نفسى
    انكسرت شظايا .. شظايا مبعثرة
    1993 فى واحدة من الاعتقالات السخيفة والمهينة , وضعوا امامى صور زوجى (النذير) وهو عارى تماماً يمارس الجنس مع شاب فى العشرينيات من عمره يعمل عنده فى المحل التجارى
    - افتحى خشمك تانى واعملى فيها مناضلة .. بدل النضال والكلام الفارغ اتكلمى مع راجلك العيالتى ده يمكن ربنا يهديهو .
    اغلقت فمى , انكسرت شظايا .. شظايا مبعثرة .. حملت ابنى (رامى) فى كتفى وذهبت الى بيت ابى
    - طلقنى يا (النذير) .. ناس جهاز الامن صوروك انتا والولد الشغال معاك وفرجونى على الصور .
    لم يتكلم .. ارسل الورقة بعد يومين
    منذ 1993 وانا لم اعد (احلام) القديمة .. نفس الاكل والشرب , نفس الملابس , والنوم والاستيقاظ .. لكننى تغيرت .. اصبحت اخاف
    منظر اقتحام القوات الامريكية قلب (بغداد) اضاف الى الاعباء عبء التبول الا ارادى
    البس (البامبرز) مثل الاطفال الصغار وابكى على نفسى ليلاً
    - دى نهاية الزول المهتم بالشأن العام فى بلد متخلف .
    الحزب الذى تبعثر .. والحلم الذى تقلص .. حلم الامة العربية الواحدة من الخليج الهادر الى المحيط الثائر .. تبخر الى حدود منزل ابى فى (الجريف) , اصبح فقط ان ينشاء (رامى) فى جو صحى نظيف , ان يتعلم بقدر الامكان تعليماً مُحترماً ويغادر هذه (الخرابة) الى بلد اكثر انسانية واحترام
    الايمان القديم .. والهتاف القديم
    - شعب عربى واحد .. جيش عربى واحد .
    المؤمنة بالامة ذات الرسالة الخالدة .. انتهت وهى فى الحادية والاربعين من العمر الى مجرد حطام وبقايا بشرية , (رامى) هو الذى يجعلنى ارفض فكرة الانتحار
    عمود غبى فى صحيفة يومية اكثر غباءً .. كتابة بلا روح ولا حلم حقيقى
    غداً الجمعة عصراً , لقاء عصابة (الاحلامات) .. نبش فى تاريخ صداقات ماتت .. ما الفائدة ؟
    تغيرنا كثيراً
    ابكى مع صوت (عبدالكريم الكابلى) وانا اتقلب فى سريرى فى ساعات الارق الطويلة
    - تلقى الزمن غير ملامحنا
    واحنا بقينا ما احنا
    وانا الصابر على المحنة .
    انظر لنفسى فى المرآة , ولا اعرفها
    - انتى احلام الحاج ؟ .
    اردد بصوت تُغطيه طبقات كثيفة من المرارة والاكتئاب
    - واحنا بقينا ما احنا .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-15-2009, 07:48 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    (9)
    (2) حكايات احلام تادرس (احلام القبطية)

    الوحيد الذى يُهاتفنى فى هذا الوقت المزعج من الليل , هو الزوج العزيز (مرقص) من امريكا , قبل ان ارد عليه اعرف الحوار بالنص .. الطلب بالذهاب اليه , سمعت من (هيلين) ابنة خالتى انه يُواجه صعوبات مالية خطيرة هناك .. يُريد تغيير الخطط .. الذهاب الى (القاهرة) وانشاء شركة مع اقباط مصريين .. لو كان هدفه القديم من بيع بيت والدى فى الخرطوم تلاتة وعيادتى فى شارع الاربعين وارض مصنع الزجاج فى الخرطوم بحرى , هو قطع الجذور بالسودان لاسباب دينية .. فان الهدف هذه المرة من اجل النقود فقط بعد التعثر المالى فى امريكا
    - الو , اهلا مرقص .
    - نايمة ؟ .
    - الساعة عندنا واحدة ونص صباحا .
    - عارف .. لكن زمن طويل كنتى قافلة الموبايل ! .
    - معليش اتأخرت فى العيادة شوية .. وبعد كده مشيت النادى القبطى جبتا سارة ونادين من عرس واحدة صاحبتهم .
    - نويتى على شنو احلام ؟ .
    - فى شنو ؟ .
    - انك تبيعى وتجى معاى .
    - القاهرة ولا امريكا ؟ .
    - ح نكون بين هنا وهناك .
    - وسارة ونادين ؟ .
    - ديل ما بناتك يا احلام .. ديل بنات اختك ماريا .. وابوهم عايش فى الدنيا , يعنى ممكن يمشوا ليهو فى استراليا .
    - ابوهم اتزوج استرالية .. وانا عايزاهم يحبوا البلد دى يا مرقص .
    - والمسيح يا احلام انتى انسانة ما طبيعية .. اصحاب البلد المسلمين بيبيعوا وبهاجروا امريكا وانتى ما عايزة ! .
    - نحن المسيحين اسياد البلد دى يا مرقص اقراء التاريخ كويس , وموجودين فيها قبل المسلمين .. وانت عارف وضعى هنا كويس جدا .. ايجار ارض المصنع وارباح الوديعة السنوية بتعيشنا كويس جدا .
    - الفرص هنا فى امريكا احسن .
    - تعال وشغل مصنع القزاز من جديد .. افتكر دى فرصة كويسة .
    - قزاز شنو ؟ وزفت شنو يا احلام ؟ انا ما بحب بلد المسلمين الخراء دى .
    - والقاهرة ما فيها مسلمين ؟ .
    - يا احلام انا ح اكون شريك فى شركة سياحية ضخمة .. المقر ح يكون فى القاهرة وبعد كده ممكن نعيش فى اى بلد انتى عايزاها .
    - والمطلوب ؟ .
    - تمن ارض المصنع وبيت الخرطوم تلاتة والعيادة والوديعة فى بنك اسكندرية , ممكن نكون انا وانتى شركاء بحصة اكبر فى الشركة .
    - مرقص اسمعنى كويس .. احنا ما ح يكون عندنا اطفال .. لزوم المشاريع والشحططة فى امريكا والقاهرة شنو ؟ .. مرقص ارجوك انا هسع عمرى 39 وانت 45 .. احنا ما صغار عشان نبداء تانى من جديد .. حرام عليك انا محتاجة ليك شديد .. ما معقول خمسة سنين ما اشوفك فيهم غير كم شهر .. انا انسانة من لحم ودم يا مرقص .
    - انتى عمرك ما فهمتينى يا احلام .
    الساعة الواحدة والنصف صباحا .. نفس الحديث .. دون اى اضافة , يا مسيح
    - احلام انا جاى السودان بعد شهرين .. ممكن نتفاهم احسن من التلفون .. ok حبيبة ؟ .
    - ok .
    - تصبحى على خير يا ست الكل .
    الارض هى رمز المقاومة يا (مرقص) .. رمز رفض فكرة طرد الاقباط من السودان .
    (اواصل)
    ......
    شاهين.


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-15-2009, 11:04 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-15-2009, 12:18 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    ورقة من اوراق دكتورة احلام حسب الرسول كتبتها فى مصحة للامراض النفسية والعصبية قبل مقتلها فى ظروف غامضة

    المثقف السودانى .. هو من ارسله اهله وناسه لشراء الرخاء والرفاهية والامن والاستقرار لهم من السوق المجاور .. فخرج ولم يعد .. هكذا بكل بساطة , (ضرب القروش فى جيبه) .. هذا هو المثقف السودانى , خائن وجبان وابن كلب , يُحب ان يحشر كلمات انجليزية وفرنسية بين اضراسه اثناء الحديث او الكتابة فى استعراض ارعن لقدراته الثقافية والمعرفية , ولكى نقتنع انه عبقرى زمانه الاوحد
    واننا يجب ان نُعطيه النقود ليذهب لشراء الرخاء ومعاقبة الذين (شردوا) بقروش الشعب .. نُصدقه , ويذهب هو وينضم لنخبة (الشاردين) بقروشنا فى كروشهم
    دائرة لعينة لا تنتهى
    فساد ضرب فى النخبة حتى الجذور , فى الحكومة والمعارضة
    المثقف السودانى مثل قرد (داروين) يُناطح حتى يمشى على قدمين وينفرد بالنشؤ والارتقاء بعيداً عن الدهماء .. طُفيلى يعيش على الكلام المعسول الذى يبيعه للناس على ارصفة الصحف اليومية والشاشات الملونة
    فاسد وحقير
    صاحب توكيل منزوع الصلاحية
    حقير .. حقير .. حقير
    د/ احلام حسب الرسول عابدين .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-15-2009, 02:54 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    (10)
    (1) حكايات طارق مهدى

    لن افشل هذه المرة .. واتمنى ان تصبح مثل المثل الشهير (هذه بسهولة اكل قطعة من الكيك) .
    المهمة الجديدة اختراق شركة (فالكون للاستثمار المحدودة) .. صاحبها محامى متقاعد وكادر اسلامى لا يظهر فى الاجهزة الاعلامية السودانية (الطاهر حسين شقلا) .. ثعلب حقيقى فى منتصف الستينيات من عمره .. حريص بشكل مريب .. حتى فى فترة تواجد (اسامة بن لادن) بشكل علنى فى (الخرطوم) لم يتم رصد اى لقاء بين الرجلين
    ما اثار الريبة فى واشنطن هو ابتعاد هذا الثعلب عن السياسة تماما بعد 1989 , رغم انه كان قبل ذلك نجم من نجوم الجبهة الاسلامية , لماذا ؟ .. كان هذا السؤال مصدراً للقلق
    فى 1988 صدرت تعليمات بتجنيده فى جهاز ال CIA باعتباره شخصية مرشحة للصعود فى الساحة السياسية السودانية .. قبل ان نبداء التحرك تم الغاء الامر
    - تم تجنيد شخصية اكثر اهمية هنا فى الخارج , اوقفوا محاولات ضمه .. هم يستعدون لتنفيذ انقلاب عسكرى فى منتصف 1989 , احتمال نجاح الانقلاب كبير , ازرعوا عميل لمتابعة خطواته ,النسر الذهبى شخصية خطيرة ولا نثق فيه مطلقاً هو يكره الامريكان جداً , اكرر تابعوا خطواته جيداً .. (انتهى) .
    بعد جهود مضنية استطعنا زرع المحامية (جواهر) فى مكتب المحاماة الضخم الذى يمتلكه فى وسط (الخرطوم) .. استطاعت الاقتراب الى حد مدهش اصبحت زوجته الثانية .. التقارير التى كتبتها اكدت ان الانقلاب فى منتصف 1989 واكدت انه شخصية محورية فى الحركة الاسلامية السودانية
    بعد شهور قليلة ماتت (جواهر) فى حادث سير مريب
    - فقدت قناة الاتصال مع النسر الذهبى .
    - مستر طارق مهدى يتفرغ للنسر فقط .. هم حتى الان اصدقاء اوفياء لنا , ربما تحولوا الى اعداء .. استعدوا لكافة الاحتمالات عندكم فى الخرطوم .
    بعد نجاح انقلابهم العسكرى , اصبحت حركته غريبة .. روتينية .. صعبة الاختراق .
    ترك المحاماة وتفرغ لانشاء شركة تجارية .. من العمل الى البيت , من البيت للمسجد .. تزوج للمرة الثالثة , شركته الخاصة تمت احاطتها بشباب متدين مهووس
    - غريب الهدف ابتعد عن السياسة ! .
    - لماذا ؟؟ .. كانت هناك احتمالية لمعان نجمه بعد الانقلاب ؟ .
    - الوضع عندى سلبى .
    - لا تبتعد عيونكم عنه .. ربما تفرغ للجناح المسلح فى الحركة .
    الطامة الكبرى كانت فى سفره الى (اديس ابابا) قبل محاولة اغتيال (حسنى مبارك) بثلاثة اسابيع , هذه لم تظهر عندى فى التقرير الدورى , ولم ارصدها .. كيف سافر هذا الثعلب العجوز دون ان اعرف ؟ .
    قضى ايام فى العاصمة الاثيوبية ولم ارصدها .. اخر معلومة انه مريض فى منزله فى (الرياض) ولا يخرج منه !
    - مستر طارق مهدى انت فى اجازة مفتوحة .
    - ارجوكم .. اريد فرصة اخرى .. ملف النسر عندى من سنوات .. ارجوكم .
    - التعليمات واضحة .. نفذ .
    والان اعود الى العمل من جديد .. لو فشلت هذه المرة سوف اجد نفسى فى رصيف المحطة الوسطى .
    - طارق مهدى .. سوف نمنحك فرصة اخيرة .. واحدة من تحقيقات (غوانتانامو) اثبتت ان هناك اربعة اسيويين قد دخلوا السودان عن طريق شركة (فالكون) بحجة انهم عمالة اسيوية ومكثوا فى السودان فترة قصيرة .. نعتقد ان هذه الشركة هى ذراع (القاعدة) فى منطقة القرن الافريقى .. امامك فرصة اخرى .. اخترق فورا الشركة مهما كان الثمن .. وفوراً يعنى فوراً .. انت المسؤول امامى عن هذا الملف .. غامرت بمستقبلى فى الوكالة حتى اقنعهم ان تعود لهذه المهمة .. لا اريد فشل هذه المرة , مفهوم ؟ .. انا الذى جندتك للوكالة واعتبرك مثل ابنى .. لا تخذلنى ارجوك , نجاحك يعنى نجاحى , مفهوم ؟ .
    - ثق بى هذه المرة مستر ايكس .. امهلنى فترة معقولة .
    - لا فترة معقولة مستر طارق فى واشنطن يريدون نتائج ايجابية على الارض وفورا .
    من ؟ من الشخصيات التى تعمل فى (شركة فالكون) ليس لها ماضى سياسى مع التيار الاسلامى
    - احلام الطيب بانقا .
    جيد سوف ابداء الاختراق بدارسة التاريخ هذه .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-18-2009, 08:17 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    (11)
    (1) حكايات مرقص سمعان
    كيس القطن .. هكذا اناديها بينى وبين نفسى , زوجتى (احلام تادرس ميخائيل) , اخصائية نساء وتوليد وهى تعيش بدون رحِم ! , نكتة كبيرة
    كيس من القطن الابيض , كل ما فيها منفوخ .. اجفان عيونها , اردافها , نهودها , اعضائها الحميمة , كل ما فيها منفوخ .. وحيدة , عاشقة غبية لاغبياء , السودان وخدمة السودانيين .. خراء .. عندما انام معها اريد ان اضحك من اختياراتها الحمقاء .. مُتدينة , عبيطة .. من اجل ارض الخرطوم بحرى الكبيرة يا كيس قطنى تزوجتك , من اجل منزل الخرطوم تلاتة وعيادتك فى امدرمان والوديعة التى ترقد بالدولار فى بنك الاسكندرية .. الاب مات بالفشل الكلوى , والام كارهة اصيلة مثلى للمسلمين , حملت نصيبها من ميراث المقبور وهربت الى فتى فى عمر بنتها فى اصقاع (كندا) الباردة .. وبقيت مع هذه الكارثة
    عندى الجواز الامريكى .. ماذا تريد اكثر من هذا ؟
    ضربتها مرة .. نهضت من فوقها مرات وهى على حافة الوصول للذروة الجنسية .. لا فائدة .. حديد لا يلين
    - عايزك تبيعى ونهاجر من البلد دى .
    - دى بلدنا يا مرقص .
    كل الوسائل غير مجدية
    والان الفرصة الذهبية تلوح فى الافق .. مشاركة فى شركة رقيق ابيض تحت ستار السياحة .. الارباح مضمونة .. وتلك العاهرة المنفوخة تملك ما يزيد عن احتياجى
    - مش ح نقدر نستنى كتير يا مرقص .. فى اكتر من مصرى مستنى الفرصة دى .
    شركة كبيرة , تفويج روسيات الى القاهرة بحجة السياحة فى نفس توقيت تفويج خليجيين .. توفيق رأسين فى الحلال لمدة شهر بين الاقصر وشرم الشيخ وشارع الهرم .. ارباح مضمونة وشركاء لهم علاقات رائعة مع شخصيات نافذة فى الحكومة المصرية .. ابداع يا كيس قطنى .. نقود وعلاقات عامة وسفر ورؤية دنيا .. وانتى قابعة فى عيادتك فى شارع الاربعين تُرددين مقاطع من الانجيل والكشف بسعر رمزى !
    تُريدين الجنة ؟ .. سوف اقدم لك الجنة على طبق من ذهب .. ايتها المنفوخة .. يا قديسة خرجت من صفحات الكتاب المقدس .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-18-2009, 08:27 AM

Yassir Tayfour
<aYassir Tayfour
تاريخ التسجيل: 08-18-2005
مجموع المشاركات: 10894

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    شاهين يا صاحب..

    متابعة، وقراءة ممهولة، وبرضو فتناك بالقرايّة..

    __
    إتمناك العافية..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-18-2009, 01:42 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-18-2009, 03:05 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    (12)
    (2) حكايات احلام الجاك (احلام جلكنة)
    الحاجة (زينب) والدة (احلام الصول) تحولت الى مخلوق غريب .. مثل القرود الثلاثة الشهيرة , لا تسمع , ولا تُبصر , ولا تتكلم الا فى شكل فحيح غير مُترابط .. تتحدث الى اللا احد , وتحكى للفراغ فى صوت غير مسموع الا بصعوبة شديدة عن حقبة الاربعينيات وعن حى (ابوروف) عندما كان عبارة عن (خلاء) مخيف .. تتحدث عن اشخاص ماتوا قبل عشرات السنين وتطلب الذهاب لزيارتهم ! .. غريب ان تتخيل انك ستجد الشخص الذى تركته قبل سنوات هو نفسه .. فى اخر زيارة لى للعاصمة , كانت (الحاجة زينب) فى كامل اللياقة الذهنية عرفتنى على الفور وقضينا ساعات نحكى عن ايام زمان , هذه المرة عرفت معنى ان يموت الانسان وهو حى يتنفس
    اخاف من التقدم فى السن , اخاف ان اضيع فى أودية الشيخوخة ومتاهاتها النتنة .. عندما انعمت على عصابة (الاحلامات) بلقب (جلكنة) شعرت بغُصة ثقيلة وحزن باهت
    اُشاهد الأيام وهى تتسرب من بين اصابع اليدين , اُشاهد تلميذاتى وهن يتحولن الى نساء كبيرات .. جاءت واحدة تسحب فى يدها تلميذة جديدة
    - ازيك يا استاذة احلام .. انا تلميذة قديمة انتى درستينى .. ودى بتى طالبة جديدة معاكم .
    - بالله الزمن بيجرى بالسرعة دى ؟ .
    اقلق من حالتى الصحية .. هناك شىء غامض .. اخاف ان اموت قبل ان اطمئن على بناتى , فقط بناتى يا رب .. واكره ان اعيش حتى اصبح مثل والدة (احلام الصول)
    كل زيارة لى للخرطوم .. اذهب الى الاماكن التى كنا نذهب انا و (منعم) اليها.. يُدهشنى التغيير الذى يحدث للعاصمة
    - الناس دى بتجيب القروش من وين ؟ .
    عمارات تنهض .. وعمارات تختفى .. ذات مرة كتب (منعم) بخطه الركيك على حائط (دكان) مغلق فى قلب الخرطوم
    - احى انا من جسمك يا بت الجاك .
    - يا ود دى شنو قلة الادب بتاعتك دى , هسع لو زول شافك بتكتب الكلام ده يقول علينا شنو ؟
    - ده عشان لما نجى بعد عشر سنين مارين من المكان ده , نقراء الكلام العوير ده ونضحك على عوارتنا .
    وبعد سنوات طويلة مررت على المكان كانت عمارة ضخمة تنظر لى فى سخرية وهى تشير باصبعها الاوسط فى وجهى
    - طظ فيك يا عجوزة .
    فقط ان تتزوج بناتى .. وبعد ذلك فليذهب كل شىء الى الجحيم
    كل زيارة لى (للخرطوم) اتخيل اننى سوف اقابل (منعم) صدفة ,انظر الى وجهه الابيض الوسيم وينظر هو لى فى خجل ثم ينظر الى الارض فى شعور بالذنب .. كل زيارة (للخرطوم) اتخيل هذا السيناريو ومثل كل مرة لا يحدث ابدا , اضع طرف (توبى) على فمى وانا اضحك
    - والله الظاهر على سحلبتا رسمى وشعبى .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-19-2009, 08:29 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    Quote: إتمناك العافية

    ولك مثلها .. شكرا ابواليسر على مُتابعة ما اكتب .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2009, 01:43 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    (13)

    (2) حكايات احلام الحاج (احلام البعثية)
    كسرتنى لحظة دخول جحافل القوات الامريكية الى قلب العاصمة (بغداد)
    وانت يا (رامى) مركز الوجود .. انت الشمس , وانا الكوكب الذى يدور حولك بحثاً عن الضوء والمعنى
    انت مشروعى الوحدوى الجديد .. انت الهدف والمراد
    احميك ما استطعت من الاوهام الساذجة .. ازرع فيك بذرة الفردية لانها الاصح , لانها اثبتت مصداقيتها على مر الايام
    ايامى يا حبيبى (رامى) كانت وردية تطلعات لا حدود لها , عن وطن ضخم يتشكل من فسيفساء اقطار متعددة ومتنوعة , رمال الصحارى ومياه الانهار العذبة .. التقاء البترول والاراضى الزراعية الخصبة .. الكفاح المشترك والمصير الواحد .. القمح المزروع محلياً .. نزع فتيل التبعية .. كسر الانظمة الملكية والجمهورية المتعفنة .. قتل الفقر والتخلف
    وطن عربى ضخم وكبير .. قوة اقتصادية هائلة .. مشروع وحدة قديم , قبل الاتحاد الاوروبى
    سفر بالبطاقة الشخصية
    احلام .. احلام .. احلام
    اوهام .. اوهام .. اوهام
    عش حياتك يا (رامى) بعيداً عن الشعارات الجوفاء .. الشعارات يا حبيبى تذوب مثل البسكويت فى كوب شاى ساخن !
    الشعارات محطمة القلوب بامتياز !
    تزوج من فتاة احلامك .. عش حلمك وطموحك الخاص
    لا تنكسر مثلى فى مبانى جهاز امن .. او امام شاشة تلفاز
    مواطنون عراقيون يضربون صورة كبيرة للقائد (صدام حسين) بالاحذية , بينما الدبابات الامريكية تقتحم قلب العاصمة الحبيبة على قلبى .. تبولت على نفسى
    انكسرت شظايا .. شظايا مُبعثرة
    انت يا (رامى) شمسى .. شمسى التى تسطع كل يوم على ليل تعاستى الخاصة
    كم احبك يا حبيب
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-19-2009, 04:20 PM

ابراهيم قناوي
<aابراهيم قناوي
تاريخ التسجيل: 06-17-2008
مجموع المشاركات: 2086

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    السلام عليكم

    نحنا برضو متابعين

    لكن والله صراحة روحنا حرقتنا

    عدييييييييييييييييييييييييل

    ما ممكن ترش لينا كوتة كبيرة كدة

    تكون مؤونة اسبوع من القصص

    يا قول محمد فرح





    شكرا لسردك الجميل الواقعي جدا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2009, 01:56 PM

Abdlaziz Eisa
<aAbdlaziz Eisa
تاريخ التسجيل: 02-03-2007
مجموع المشاركات: 21629

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: ابراهيم قناوي)




    الأخ الروائي شاهين

    سلام
    السرد ممتع.. رغم أن الجرعة كبيرة..
    يعني مسكتنا...

    فواصل ابداعك..


    تحياتي
    عبدالعزيز
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2009, 11:30 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: ابراهيم قناوي)

    (14)

    (1) حكايات عزت الطريفى
    امشى فى الشوارع بلا هدف محدد , امشى وانا افكر .. افكر فى التغيير الذى حدث للناس , وفى التغيير الذى حدث لنفسى
    فى كل اجازة اعود فيها (للخرطوم) , اتجول مثل مخبول
    - يا نسيم ارجوك .. روح لها وحييها
    بالغرام البى .. والشجون احكيها
    بى ادب يا نسيم .. واحترام ناجيها
    لعل بالتذكار .. عطفها يعود ليها .
    تزلزلنى الاغنية , اغرق فى بحور من الذكريات .. (الهام) وهى تنطلق فى شارع النيل , حنجرتها الذهبية تحرك المياه .. اقبض على يدها
    - كده عيب يا عزت .. لا .
    - غنى لى عليك الله .
    ينداح الصوت الماسى .. ينداح بطول وعرض شارع النيل , يصل الصوت الى (الشماسة) , والعاشقين , والمنحرفين , والاسر الهاربة من صيف (الخرطوم) الملعون , تهتز اركان القصر الجمهورى
    - ان ابت او صدت .. دعها تتبع تيها
    فهى جاهلة وديعة .. رقيقة راقية نبيهة
    لا تحاول حاذر .. يا نسيم تأذيها
    فهى لسه ندية .. الحرير يدميها
    حورية نايمة وعايمة .. فى وداد والديها
    روحى بينك وبينها .. وانتا ماك داريها
    ووجدى خلفك حارس .. قلبى بين كفيها .
    اين (الهام) يا (عزت) ؟ .. اين السينما ؟ ومسرح الاراجوز المدرسى ؟ .. اين (خرطوم) الثمانينات ؟ الطالب الهارب من كلية الاقتصاد الى معهد السينما العالى فى (القاهرة) , وطالبة معهد الموسيقى والمسرح .. اين الاستاذ ؟
    - غنى .. غنى يا الهام .
    يمتد الصوت الى جزيرة (توتى) .. يرسم قوس قزح على (محس) لا يتكلمون النوبية
    - وهى نايمة وحالمة .. وروحى ساهرة عليها
    وعينى باكية وصاحية .. والمنام جافيها
    كيف يكون لو حست ؟ .. وشافت الحاميها
    والمحبة فى لوعة .. وبخشوع راجيها
    فانسحبت وقلبى .. تركته خاضع ليها .
    والان ماذا يا (عزت) ؟ مجرد مخرج نشرات اخبار وبرامج حوارية ثقلية الظل !.. هل هذه هى نهاية الاحلام ؟
    كان الاستاذ يتكلم , سحره لا يقاوم .. كلامه ينساب الى العقل .. الاستاذ , الاستاذ .
    عندما اعدموه .. تحولت (الهام) الى كتلة من العيون الحمراء
    - وااااى .. وااااى يا عزت .
    اتذكر وانا امسكها من يدها وابكى .. لا نعرف الى اين نسير والى من نذهب .. هى تبكى وانا ابكى فى قلب السوق العربى , والناس وهم ينظرون لنا فى بلادة قاتلة .. فجأةً , ودون مقدمات , افلتت يدى وانطلقت تعدو وهى تصرخ باعلى مافى صوتها الماسى
    - يا ناس يا ناس .. محمود محمد طه مات يا اولاد الكلب .. محمود محمد طه قتلوه يا اولاد الحرام .. اتحركوا معلون ابو امكم واحد وراء التانى .
    جريت خلفها فى هلع
    - الهام لا .. لا .. لا .
    انظر الى ساعتى صديقات سخيفات لزوجتى السخيفة سيهبطون علينا مثل جنود المظلات .. اصبحت لا احب المناسبات الاجتماعية .. افضل العزلة والذكريات والصمت
    - وعينى باكية وصاحية .. والمنام جافيها
    كيف يكون لو حست ؟ .. وشافت الحاميها
    والمحبة فى لوعة .. وبخشوع راجيها
    فانسحبت وقلبى .. تركته خاضع ليها .
    (اواصل)
    ......
    شاهين.

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-01-2009, 09:00 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    (15)
    (3) حكايات احلام تادرس (احلام القبطية)

    عندما اغتصبنى شقيقى (حنا) , ترك فى انوثتى شرخاً مازلت اتحسسه حتى الان وانا على عتبات الاربعين
    اليوم هو الجمعة .. عصراً سوف تلتقى عصابة (الاحلامات) .. سوف نجتمع وننظر فى اعين بعضنا البعض , نتكلم ونضحك .. كانت ايام جميلة , لماذا يُصبح الماضى دائماً اجمل من الحاضر ؟
    كنت اتمنى ان اعيش فى حقبة الاربعينيات من القرن الماضى .. (الخرطوم) كانت اجمل واكثر تسامحاً من الان .. خليط عجيب من البشر , امم متحدة مُصغرة .. سودانيين - مسلمين واقباط - , وانجليز وهنود , يونانيين وشوام , حانات مفتوحة الابواب وندوات شعرية وادبية , افندية يعملون على انشاء حركة وطنية نابضة بالاخلاص وحب الوطن , طلاب يهربون الى (مصر) , وطلاب يعودون منها حاملين بذور الماركسية , اصوات الوحدة تحت التاج الملكى المصرى ترتفع
    حلمى القديم والمتجدد على الدوام ان اكتب روايات . ان ارسم مسيرة هذا الوطن منذ عهد الممالك النوبية حتى الان , اتحمس وابداء فى الكتابة ولكننى اتراجع مهزومة
    - من سيقراء ؟ .. وما فائدة الكتابة اساساً ؟ .
    انظر الى مخطوطات روايتى المهجورة .. (زقاق صليب) , كتبت فيها اكثر من خمسين صفحة عن الدعارة الرسمية .. كتبتها قبل سنتين ولم استطع اضافة اى حرف فيها حتى هذه اللحظة
    - انتى مهجورة ومكبوتة مثلى يا زقاق صليب .
    اضع (المخدة) على وجهى , اريد للصوت ان يتوقف , ياتى عالياً, قوياً , متشنجاً , من المسجد المجوار .. صلاة الجمعة .. مكبرات صوت تقتحم الهدواء , تُشعل النار فى معتقدات الاخرين
    - يا احباب رسول الله يقول التنزيل الكريم ان اشد الناس عداوة للذين امنوا هم اليهود والنصارى .. اليهود احفاد قردة وخنازير .. والنصارى يقولون ان المسيح هو ابن الله .. اعوذ بالله من هذا الكفر الصريح .. الله لم يلد ولم يولد .. يقولون الاب والابن والروح القدس .. ولان الاسلام يفضحهم ويكشف زيف اكاذيبهم , لذلك فهم اشد الناس عداوة لنا ولكلام الله فى القرآن .
    يا حليل شيخ (عطا) الامام السابق للمسجد .. كان يملك صوتاً شجياً فى تلاوة القرآن , يجعلنى اطير من النشوة وهو يُرتل أيات من سورة (مريم)
    ( فحملته فانتبذت به مكانا قصيا* فأجاءها المخاض الى جذع النخلة قالت يا ليتنى مت قبل هذا وكنت نسيا منسيا* فنادئها من تحتها الا تحزنى قد جعل ربك تحتك سريا) .
    استيقظ على صوت ترتيله فجرا فيجعل من بقية يومى يوما منعشا .. الشيخ (عطا) واحد من رواد الطائفة (الختمية)
    - سلامتك يا شيخ عطا .. انا احلام بت المرحوم تادرس .
    نظر الى وجرت دموعه .. انحنيت وقبلت اللحية البيضاء الوقورة
    جلطة فى الدماغ حولته الى حطام
    - عايزاك تشد حيلك عشان اصحى على صوتك فى صلاة الصبح .
    ذهبوا به الى (القاهرة) ومات ودفن هناك .. وجاء هذا الامام الجديد صاحب الصوت العصبى الجهورى
    وباء الرحيل بالموت والهجرة .. لعنة تحقيق الذات بعيداً عن هنا
    من سيبقى اذاً ؟
    جميع الوجوه الطيبة تختفى .. شباب (الحِلة) الرائعين اختفوا وحل محلهم شباب صعلوك متسكع على الاعمدة وظل الحائط
    انهض متثاقلة الى (الحمام) بخطوات بطيئة .. صوت (مرقص) يُلاحقنى فى الخيال مثل فحيح (الكوبرا)
    - دى بلد المسلمين المتخلفين .
    يجب ان اتفرغ لكتابة (زقاق صليب) , يجب ان اضع فى هذه الرواية كل احباطاتى الشخصية والعامة , وقهرى الدينى .. يجب ان اكتب عن تجربة اغتصابى على يد شقيقى .. عن زواج امى من شاب اصغر منى .. يجب ان احكى عن كل ما اعرف
    وقفت عارية فى (الحمام) , وحده التجرد من الثياب يجعلنى اشعر اننى حرة
    نمت على ظهرى فى ارضية (البانيو) الرخامية الناعمة , وتركت الماء الساخن يتدفق على اللحم الابيض العارى .. اغمضت عيونى ورددت اسمى ثلاثياً
    - احلام تادرس ميخائيل .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2009, 04:12 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2009, 06:50 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    Quote: ما ممكن ترش لينا كوتة كبيرة كدة

    تكون مؤونة اسبوع من القصص

    حاااااضر يا أ/ ابراهيم
    وشكرا للمداخلة اللطيفة .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-01-2009, 11:12 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    (16)
    (3) حكايات احلام الحاج (احلام البعثية)
    - السلام عليكم ورحمة الله .. السلام عليكم ورحمة الله .
    اجلس طويلاً على سجادة الصلاة .. عندى مشكلة عدم الانتظام فى الصلاة , انقطع عنها بالشهور ثم اعود اليها من جديد .. اُصلى وحيدة , اُشعل البخور واغلق على نفسى الباب واصلى .. انا وربى , وحدنا , هو الوحيد الذى ابكى امامه الان دون خجل
    خططت ان اذهب للحج عندما ابلغ الخمسين من عمرى .. وبعد ان انطلقت الطائرات الامريكية لضرب (العراق) من داخل الاراضى السعودية غيرت رأيى
    - لن تلمس قدمى ارض تلك البلد حتى اموت .
    صورة الجندى الامريكى وهو يصعد من على ظهر المدرعة ويضع العلم الامريكى فى وجه التمثال البرونزى الكبير , قتلتنى
    - يارب .. يارب .. يارب , احفظ رامى يارب .
    لا اطلب الكثير من ربى , فقط (رامى)
    ارفض ان البس الحجاب ..ابحث عن تدين عصرى نظيف يدخل فى القلب ابتهاج وطمئنينة هادئة
    صوت (محمد عبدالوهاب) ينبعث من المذياع ويطرد عنى الضجر , يُغنى فى رصانة ابن الباشا المثقف
    - انا من ضيع فى الأوهام عمره .
    فتحت (دولاب) ملابسى .. صورة كبيرة للزعيم (جمال عبدالناصر) , صورة بالابيض والاسود , الوجه الصعيدى الرجولى , هذا هو الرجل الذى وقف العالم ضده يوم تأميم القناة .. الرفاق فى الحزب كانوا لا يحبون اعجابى به
    -انتى ناصرية ولا بعثية ؟ .
    - ناصر ده ما حق زول .. ده ملكية عامة .
    ابحث عن ملابس ذات الوان بهيجة .. يجب ان تبدو ناجحاً وسعيداً فى حياتك امام الاصدقاء القدامى .. مكياج غير صارخ , (زبدة كاكاو) خفيفة على الشفتين .. مازلت حلوة والحمد لله
    فقط تقطيبة حادة فوق العينين تجعلنى مثل (قطة) مستعدة للعراك فى اى لحظة .. زمان كنت
    اشبه الفنانة العربية (سميرة توفيق) هى بيضاء وانا سمراء , اعتقدت ان الشبه قد ضاع مع التقدم فى العمر حتى صاح ابنى (رامى)
    - ماما تعالى شوفى الزولة دى بتشبهك كيف .
    كانت (سميرة توفيق) فى تسجيل قديم على قناة (روتانا طرب) تُغنى اغانيها البدوية الشجية
    - بالجد يا رامى انا حلوة زى الزولة دى ؟ .
    ايام الحب الكبير مع (النذير) كان يرفع من روحى المعنوية كثيراً
    - انتى وسميرة توفيق عندكم جمال بدوى .
    - خلاص انتا فارس وانا نجود .
    المواصلات يوم الجمعة خالية من الازدحام .. احتاج شراء سيارة , كبرت على سخف المواصلات العامة , والاحتكاك المقصود فى المناطق الحساسة من جسدى .. وقفت وحيدة فى شارع (زلط) شبه خالى وانا اُدندن
    - انا من ضيع فى الأوهام عمره .
    (اواصل)

    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2009, 11:55 AM

ياسر الامير ابوجكة
<aياسر الامير ابوجكة
تاريخ التسجيل: 08-06-2007
مجموع المشاركات: 9

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    شاهين الرواية المبدعة (احلام حسب الرسول)


    واصل ونحن نتابع
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-01-2009, 11:58 AM

هشام آدم
<aهشام آدم
تاريخ التسجيل: 11-06-2005
مجموع المشاركات: 11747

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: ياسر الامير ابوجكة)

    عندما تقرأ قصة تجعلك تطرح سؤالاً واحداً فقط: هل هذه قصة حقيقة؟
    فاعلم عندها أنّك أمام مبدع حقيقي !!

    أتابع معك بشغف هذه القصة أستاذ : شاهين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-02-2009, 12:57 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: ياسر الامير ابوجكة)

    (17)
    (1) حكايات احلام الطيب (احلام الشيطانة)

    سخافات .. سخافات
    سخافات و (قلة شغلة) .. ما معنى هذا العبط ؟ .. لقاء الاوجه القديمة , الصداقات فى وجهة نظرى ليست صمدية .. كل مرحلة من حياتى لا احب ربطها بالتى سبقتها .. كل مرحلة لها اصدقاء ومعارف , بل حتى الاهل جعلت بينى وبينهم مسافة , لا احب انتهاك خصوصيتى , واعتقد ان نظام (النفاج) السخيف هو من بقايا تخلف المرحلة الزراعية من عمر الانسان , كيف يقبل انسان وهو فى القرن الحادى والعشرين , ان يجد جاره فوق راسه قادما اليه عن طريق (النفاج) ؟
    انتهى عصر الاسرة الممتدة .. الفردية , الفردية , هى الشعار .. كل البشرية ستتجه نحو الفردية , وانا نجحت والحمد لله , صنعت فى الجبل الاصم طريقا بواسطة اظافرى , اعتقد اننى ذكية , صحيح انا لست مثل تلك العانس الغبية (احلام الصول) التى تحشر انفها ونهودها بين صفحات الكتب ليل نهار , ولكن لدى ثقافة شفاهية ممتازة واصرار , لا احب اوراق الكتب .. من قال ان الثقافة هى القراءة ؟ .. مرحباً نحن فى القرن الحادى والعشرين , استمع جيدا للاذاعات الجادة , واتابع قنوات تلفزيونية جيدة , هكذا استطيع ان اتحدث فى اى موضوع كأننى مثقفة خطيرة .. كيف تصل الى ما تريد عن طريق اكثر الطرق راحة وسهولة .. يُدهشنى غباء متسلقى جبال (الهملايا) , لماذا لا يصلوا الى القمة مباشرةً عن طريق طائرة ؟
    شريكة ومديرة شركة (فالكون للاستثمار) .. استمتع بحياتى جيداً جداً وسراً .. تعويض سنوات الفقر الملعونة .. ايام كنت اذهب للمدرسة دون ملابس داخلية , وعندما سقطت ذات مرة وانا اجرى , انكشف المستور
    - احلام الطيب ما لبسة لباس .. ما لبسة لباس .
    طالبات سخيفات صنعن مُظاهرة صغيرة خدشتنى فى الاعماق , انا الان ارتدى ملابس داخلية فاخرة من (القاهرة) و (لندن)
    - عايزة حاجة باردة وبسكويت .
    يُمسك يدى الصغيرة ويضعها على عضوه الذكرى , اُبعدها منه
    - لا , الاول ادينى حاجة باردة وبسكويت .
    كيف تصل الى ما تريد عن طريق اقصر الطرق راحة وسهولة . هل كنت السبب فى انهيار (دكانه) البائس .. ها ها ها ها , يبدو انه يوم الذكريات القديمة
    يلمس نهودى المتكورة الصغيرة .. يد عجوز مرتجفة نافرة العروق , عرفت ابنة الحادية عشر كيف تجعلها خادمة لها
    - زح يدك من شطورى .. لو داير تهبشم ادينى قروش عشان اشترى لباسات .
    كان (لباس) اسود عليه رسم (عصفورة) بيضاء سعيدة لا تدرى الثمن الحقيقى الذى دُفع فيه
    هذه هى المرة الاخيرة التى اتورط فيه مع هذه (الشلة) السخيفة .. كم رصيد تلك المغرورة (احلام السمحة) الان فى البنك يا ترى ؟
    عندما ارتجت السيارة صرخت باعلى صوتى
    - ده شنو يا خول ؟ .
    واحدة من دروس الحياة , تعلم كيف تدافع عن نفسك بالصوت العالى والالفاظ النابية
    ترجلت من سيارتى
    - يعنى تصدمنى وانا واقفة فى الاشارة ؟ .. انتا سكران ولا مسطول .
    يجلس بكل هدواء وينظر لى
    - انا اسف , انا اسف , حصل خير يا استاذة , الصدمة بسيطة .
    - بلا بسيطة بلا زفت
    ترجل من سيارته , اله اغريقى , مفتول العضلات , جسم رياضى محترف , وسيم , فى عيونه خجل عذراء
    - انا أسف للمرة التانية .. وبعدين انا ما خول .. انا طارق مهدى رجل اعمال .
    ادهشنى هذا الهدواء القاتل وتلك الثقة الكبيرة .. انحنى يتفصح مكان الاصطدام , يرتدى بنطال ابيض انيق وضيق , عضوه التناسلى كان كأنه كرة صغيرة مُلتهبة عندما ينحنى
    - بسيطة استاذة لو عايزة نجيب بوليس حركة .. او امشى معاك اى ورشة قريبة وادفع تكاليف الرفرف والنور الخلفى .
    رددت بنرفزة
    - مافى ورشة بتكون فاتحة هسع , الليلة الجمعة .. وبعدين انا مستعجلة عندى مواعيد .
    - خلاص ده الكرت بتاعى فيهو تلفوناتى , اتصلى بى الليلة او بكرة وورينى تكاليف الصيانة , اذا ما كان عندك مانع .
    ترددت برهة , اخذت منه الكرت
    - طيب لو سمحتى ممكن نمرة تلفونك استاذة ؟ , عشان اتابع معاك الموضوع , واعتذر ليك للمرة التالتة .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-03-2009, 06:56 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    أ/ عبدالعزيز عيسى
    Quote: السرد ممتع.. رغم أن الجرعة كبيرة..

    هى رواية طويلة لذلك انشرها فى سودانيز على شكل مقاطع صغيرة .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-03-2009, 08:15 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
أغتيال احلام (Re: shaheen shaheen)

    (18)
    (2) حكايات عزت طريفى

    - يا قائد الاسطول .. تخضعلك الفرسان
    يا ذو الفخار والطول
    ارحم بنى الانسان
    مين ل سمائك يطول ؟
    ما بطولك اللمسان
    معناك شرحو بطول .
    اخرج من حالة الاكتئاب المزمن .. (الهام) , ونحن نسير فى الشوارع نلتحم مع الكتل البشرية , الانتفاضة .. مارس 1985 .. الناس تهتف بالشعارات السياسية , صراخ يشرخ الحلقوم
    - للثكنات يا عسكر مايو .
    وانا امسك (الهام) من كتفها وهى تغنى
    - انا عقلى بيك مشغول
    والناس عقول ولسان
    ما بنكر المعقول
    أمنت بالايمان .
    صرخ فينا سياسى مُتشنج , - يُحب الوطن اكثر منا ! -
    - غنوا اغانى وطنية .
    صرخت فيه (الهام) بين امواج الأصوات الهادرة
    - كل الاغانى الحلوة طعنة فى خاصرة الديكتاتورية القذرة .. نحنا حزب الجمال والروعة .
    حملتها على كتفى .. مشهد من مدرسة العبث الفنية , مُدهش للغاية , اغانى الحقيبة فى مُظاهرة سياسية !
    - تتشاف عاين وباين
    ما عرفنا ليك وصول .
    والان ماذا ؟ .. الاشياء التى ماتت , الانتفاضة و(الهام) وحلم اخراج افلام سينما سودانية .. الفوضى والقذارة التى تراكمت فى نفوس الناس وعلى الطرقات
    جرس الباب يرن .. زوجتى الفاضلة فى الكوافير , اعرف انها تريد التأخر من اجل الدخول فى مسيرة استعراضية بعد حضور الجميع , مراسم (الفشخرة) التعيسة , خزعبلات البرجوازية السودانية فى ازمنة مُعايشتها لفئات راس المال الطفيلى الكاسح , التقييم للشخص بمقدار امتلاك ادوات الاستهلاك غالية الثمن !
    التعليمات واضحة
    - خلى الشغالة الفلبينية هى التفتح الباب .
    ولكن انا من غنيت فى خضم الانتفاضة يا (قائد الاسطول) , كيف اسير على عجين التعليمات ؟
    فتحت الباب
    كانت تقف فى تردد
    - السلام عليكم .. ده مش بيت استاذ عزت طريفى ؟ .
    - انا ذاتى عزت بدون استاذ .. اتفضلى .. اهلا وسهلا .
    جمال راقى , بدوى , حزين , تُذكرنى بشخصاً ما
    - انا الظاهر جيت بدرى .
    - لا ابدا .. مرحب بيك فى اى وقت , البيت بيتك .
    - حمد الله على السلامة .. احلام ما موجودة ولا شنو ؟
    - الله يسلمك .. دقيقتين واحلام ح تكون موجودة .. انتى منو فى الاحلامات ؟ .
    - انا احلام الحاج .
    - البعثية ؟ .
    نظرت عيون مستديرة شديدة السواد فى دهشة
    - الظاهر عليك يا استاذ سمعتا عننا كتير .
    - مش قلت ليك انا ما استاذ .. انا عزت وبس .
    صمتنا برهة
    - لسه بعثية ولا الزمن غيرك ؟ .
    عرفت انها شعرت بالضيق من السؤال المُباغت والغبى
    - يعنى , احتمال .
    لا تعرف الى اين تتجه ببصرها .. اخذت تنظر لحذائها فى تفكير مثل فليسوفة اغريقية سمراء اللون وحلوة
    - تعرفى .. زمان , انا وزولة اسمها الهام كان عندنا حزب اسمو , حزب الجمال والروعة .
    رفعت وجهها الحزين فى استغراب
    - حزب حقيقى ؟ .
    - مافى حقيقة فى الدنيا دى كلها , كلها أكاذيب هبلة .. مش كده ؟ .
    رن جرس الباب من جديد , وبقي السؤال مُعلقاً فى هواء الغرفة .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-03-2009, 09:51 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
أغتيال احلام (Re: shaheen shaheen)

    Quote: واصل ونحن نتابع

    شكرا على المتابعة أ/ ياسر الامير .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-03-2009, 01:08 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
ه (Re: shaheen shaheen)

    ورقة من اوراق دكتورة احلام حسب الرسول كتبتها فى مصحة للامراض النفسية والعصبية قبل مقتلها فى ظروف غامضة
    حتى فى مجال التعليم رسم الاستعمار خطوط ابداعه .. حتى فى التعليم يا انصار السيادة الوطنية الجوفاء
    منذ ان جاء الانجليزى على ظهر الجواد الحديدى , مقتحماً الصحراء الشاسعة والجهل المنتشر .. جاءت الأستنارة على القضبان المعدنية
    وحقبة الاستعمار هى ازهى مرحلة فى تاريخ السودان الحديث على الاطلاق .. ازهى ملايين المرات من دراويش المهدية المستهبلين .. وازهى من خراء ما بعد الاستقلال القابع وحوله الذباب حتى الان
    يا حسرتى على (وادى سيدنا) و (خور طقت) و (حنتوب) يا حسرتى عليهم الان
    يا حسرتى على كلية غردون التذكارية
    يا حسرتى على مستوى الداخليات ونظام الاكل ونوعيته
    يا حسرتى
    الاستعمار هو الذى جعل ابناء الطبقات المسحوقة يتعلمون .. هو من فتح لهم طريق معرفة اللغة الانجليزية - مُفتاح التقدم والمعرفة -
    مستوى الملاعب الرياضية فى تلك المدارس , صالات الجمباز , حمامات السباحة , مستوى المناهج , التذاكر المجانية لطلاب الاقاليم فى الاجازات , المسابقات الادبية
    الان تنحرف الطالبات من اجل شراء كتاب او كراس او سندوتش فول .. الان يبتعد ابناء الطبقات المسحوقة عن التعليم الجيد غالى الثمن , بينما هم قد اقتربوا منه فى عهد الاستعمار وانتفعوا
    يجب ان نجعل من يوم 1 يناير كل عام , يوماً للحداد الوطنى
    اتحداكم جمعيا .. الاستعمار هو اجمل حقبة مرت فى تاريخ السودان .. اتحداكم بالارقام , وبالمشاريع الزراعية والصناعية , ومستوى الثقافة والابداع , ونوعية التعليم ومجانيته الحقيقية
    يا لصوص السيادة الوطنية , يا من تسربلتم بقطعة قماش اسمها (العلم)
    وانا احمل شهادة (الدكتوراة) فى تاريخ السودان الحديث , انحنى احتراماً للمستعمر الانجليزى واُقبل يديه , واقول لكم ان اكبر كارثة , كانت هى الاستقلال السياسى .. نحن شعب فاشل .. نحن شعب لا يستطيع حكم نفسه بنفسه ولنفسه .. نحن شعب عاجز .. نحن شعب خانع
    ومرحباًبالمصحة , ومرحباً بالامراض النفسية .
    د/ احلام حسب الرسول عابدين .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-04-2009, 07:48 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
أغتيال احلام (Re: shaheen shaheen)

    (19)

    (4) حكايات احلام حسب الرسول (احلام الصول)
    النفخ فى كومة الرماد .. النستولوجيا , مرض الحنين للماضى .. العقلية الشرقية الساذجة التى تبكى على حبيب سنوات غابرة , والعقلية الغربية الحديثة الحداثوية التى تمسح ب (استيكة) هذه السخافات , فى الشارع مليون شخص من الممكن ان يصبح حبيبك , فلماذا اذاً تبكى على ذلك المعتوه الذى سقط منك فى زحام الحياة ؟
    الجمعة عصراً .. بداية العرض المسرحى
    - مشتاقين , مشتاقين .
    قُبلات على الخدين واحضان .. روائح عطور وكريمات للوجه غالية الثمن تتسلل قوية للانف , روائح صابون (حمام) فرنسى , ومعطر جو امريكى .. أجساد ترهلت , وأجساد تُقاوم فى حسرة .. هرمونات انثوية فتحت الباب لمرحلة الكهولة الكئيبة , وأجراس الدورة الشهرية اعلنت دقاتها الاخيرة للرحيل الأبدى
    أثار عملية شد الوجه كانت ظاهرة على (احلام السمحة) , ملكة جمال تريد – مثل كل ملوك العالم – ان تتربع على العرش حتى الوفاة
    - الاخبار شنو ؟ يخسى عليكم يا بايخين .
    - الاولاد كيف ؟ .
    - فى ياتو مرحلة دراسية ؟ .
    - معقول يا بت الصول مافى ود حرام ظهر ؟ الرجال ديل بقوا لوايطة ولا شنو ؟ .
    - لسه انتى فى قلة ادبك دى يا شيطانة ؟ .
    - هاها ها ها ها .
    - العن ابوكم واحدة وراء التانية .. انا دايرة اكون سحاقية واجكس احلام السمحة .
    - ها ها ها ها ها .
    أكاذيب الحياة اليومية الصغيرة .. أكاذيب تبادل ارقام الهواتف التى لن تُستخدم , فُقدان التواصل الانسانى الحميم هو ضريبة الموجة الثالثة , هكذا قال (الفين توفلر) .. الانسان سيصبح صديق شخصى للشاشات ( كمبيوتر , تلفاز , سينما) .. لا لحم , ولا دم .. ولا لمسة ادمية من يد بشرية تمنحك العون بدون غرض او هدف مادى اوجنسى
    كيف يُمكن نشر مظلة من قيم الخير والانسانية والاخلاق على هذه الفوضى ؟
    هل الدين هو الحل ؟ .. كيف , وكل تاريخ الدول الدينية هو تاريخ قمع وقتل وتعذيب واستبداد ؟
    هل الموت والجنون هما الخلاص النهائى لهذا (القرد ) الذى نزل من الاشجار وتكلم ؟
    - كيف بالله يا شباب ؟ .
    - جلكنة كيف ؟ البنات انشاء الله كبروا ؟ .
    مثل خبراء لجنة وضع الامتحانات فى وزارة التربية والتعليم تتدفق الاسئلة السخيفة .
    - عاينو هنا يا بنات الكلب عندى ليكم هدية متواضعة , صورة سنة 88 , مافى زولة بتتذكرها فيكم .
    - ده شنو ؟ اوعى تقولى اليوم بتاع المصوراتى الارتيرى ؟ .
    - الزول القرص احلام السمحة فى جعبتها ؟ .
    - ها ها ها ها .. يا بنات , الراجل لو سمع هسع يقول شنو , ده طوالى طلاق بالتلاتة .
    - ستة نسخ من الصورة , كل احلام عندها واحدة وفيها اهداء منى وتاريخ يوم التصوير واسم الاستديو .
    احدثت الصورة زوبعة .. احدثت صرخات مكتومة , نشرت بهجة لطيفة .
    - سجمى اوعا دى تكون انا ؟ .
    - الكديسة تحت رجلك يا احلام السمحة .
    - ها ها ها ها .. سجمنا , بالله عوارة زهور البلاستيك دى كمان كانت قصة زمان .
    - شوفوا بت الصول , بتعاين للكاميرا فى كبرياء مشوب بالحذر تقول فيها خريجة تاريخ من اكسفورد ما الفرع بتاعت الناس السكند هاند الزينا .
    - ها ها ها ها .
    - احلام البعثية لبسة فستان امها .
    - الفستان ده يكون السبب فى احتلال العراق .
    - بالله يا جلكنة الزمن داك برضو كنتى عجوزة ؟ .
    - ايام شباب جلكنة كانوا لسه ما اخترعوا كاميرات التصوير .
    - ها ها ها ها ها .
    - يا قبطية متذكرة الزول بتاع كلية تجارة الكان داير يغير دينو عشان يتزوجك ؟ .
    - عاينو الصليب ظريف كيف فى الصورة مع رقبة القبطية .
    قلبت ظهر الصورة كان خط (احلام جلكنة) الرقيق بلون لبنى

    1988 .. ستديو أنوار المدنية .. حبيبتى بت الصول تعلمين حبى واحترامى منذ الايام البعيدة .. وما لا تعلمين اننا سنموت فى نفس العام , انا فى البداية , وانتِ من بعدى .

    رفعت بصرى وجدتها تنظر لى فى حنان وحب .. نظرة أم لابنتها .. صاحت فى صوتاً مرتفع وهى تغمز لى بعينها
    - اوعا تكون اتعقدتا يا عمو .
    - يا بنات .. يا بنات رأيكم شنو نجيب كاميرا ونتصور فى نفس نظام الصورة دى , عشان تكون نيولوك للماضى .. يلا استعدوا وننادى عزت يصورنا .
    - التاريخ يكرر نفسه رغم انف التاريخ .
    ردت (احلام البعثية) فى مرح
    - واحنا بقينا ما احنا .
    عندما سطع (فلاش) الكاميرا فى وجهى ونحن نقف فى نفس الوضع القديم , ادركت ان (احلام البعثية) قد ذكرت حكمة بشرية خالدة وليس مُجرد مقطع صغير فى أغنية
    - واحنا بقينا ما احنا .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-04-2009, 11:08 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
أغتيال احلام (Re: shaheen shaheen)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-04-2009, 11:08 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
أغتيال احلام (Re: shaheen shaheen)

    Quote: عندما تقرأ قصة تجعلك تطرح سؤالاً واحداً فقط: هل هذه قصة حقيقة؟

    عزيزى هشام آدم , الواقع الان اصبح اشد غرابة من الخيال !
    شكراًً للعبارات اللطيفة .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-04-2009, 03:36 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
أغتيال احلام (Re: shaheen shaheen)

    (20)
    (2) حكايات طارق مهدى

    - جيد مستر طارق انك بدأت فى خلق الصلة .. تحرك بحذر وسرعة , ما مدى اهمية الهدف ؟ .
    - هى غطاء على ما اعتقد , وقريباً سوف اعرف كيف بدأت علاقتها مع الشركة المذكورة .
    - ماذا تقصد بكلمة غطاء ؟ .
    - لو صحت تحقيقات غوانتانامو فان هذه الشركة تلعب دور تدريب وتحريك الخلايا النائمة من الاسيويين من أسيا الى السودان بحجة انهم عمالة منزلية وعمال نظافة ويتم اعدادهم جيداً ومن ثم ارسالهم لتنفيذ اعمال ارهابية فى المناطق التى يريدون ضربها فى العالم , نقطة ارتكاز رئيسية لهم بهذه الاهمية فى منطقة القرن الافريقى كيف يُصبح المدير العام فيها شخصية لا علاقة لها بالتيار الاسلامى المتطرف ؟ واشك ان لها علاقة بالتدين من الاساس .. اذاً الصورة فى ذهنى انهم وضعوها فى نقطة الارتكاز هذه لكى تمارس ال 5% من العمل الشرعى النظيف لابعاد اى شبهة او حتى ملاحظة ان هذه الشركة لواحد من الاسلاميين , بينما بقية الطاقم فى الشركة يقوم بتنفيذ الغرض الاصلى ال 95% دون ان تعرف او تشعر , انهم اذكياء حتى فى اختيار اسم اجنبى للشركة بعيداً عن الاسماء الاسلامية التى يحبونها .
    - هل تعتقد ان الحكومة السودانية متورطة بشكل مباشر مع شركة فالكون ؟ .
    - هم اصبحوا حكومات داخل حكومة , مراكز قوى متعددة وارتباطات اقليمية وعالمية مختلفة ومذهلة , لذلك هناك حوادث الموت الغريبة التى تحدث للشخصيات الاكثر تشدداً , هى تصفيات جسدية متبادلة تدور بينهم فى صمت وهدواء , اعتقد ان حرباً ستدور بينهم فى الشوارع يوما من الايام , لذلك اعتقد ان هناك بعض الشخصيات فى الحكومة متورطة مع نقطة ارتكاز القاعدة فى الخرطوم دون علم الشخصيات الاخرى التى ترفض مثل هذا التهور غير المدروس .. الساحة السودانية اصبحت لغزاً كبيراً مستر ايكس .
    - وكيف سيكون هدفك مفيدا لنا اذا كانت هى نفسها لا تدرى ما يدور حولها ؟ .
    - هى العين مستر ايكس , وهى الشخصية الوحيدة التى تستطيع ان تتواجد فى مقر الشركة لفترة متأخرة من الليل لتزرع اجهزة التصنت , وهى الشخصية التى تقابل النسر الذهبى والتى يمكن لها ان تقترب من سيارته وتضع فيها عبوة ناسفة عندما يأتى وقت التخلص منه دون ان يشك اى انسان على الاطلاق .
    - جيد .. جيد , يا تلميذى النجيب .. هذا يعنى انها ستحتاج الى فترة زمنية للتدريب فى حالة نجاح تجنيدها ؟ .
    - لا تقلق مستر ايكس , المهم الان هو تجنيدها .. كنت قد طلبت تقرير عن ابنتها الوحيدة التى تدرس فى القاهرة .
    - نعم , نعم .. التقرير يصلك غدا فى المساء , ما هو المدخل للهدف ؟ .
    - مدخل الوكالة الكلاسيكى الشهير الجنس والمال من خلال المراقبة اللصيقة للهدف عرفنا انها تحب الجنس بشكل جنونى مع الشباب صغار السن , لديها مكتب تجارى خاص بها بعيداً عن (فالكون) فى منطقة (امدرمان) , اعتقد ان هدف المكتب ان يكون غرفة نوم نزواتها الجنسية بعيداً عن المنازل وتساؤلات الجيران وحرصا على مظهرها الاجتماعى , واعتقد ان تصوير فيلم لها مع شاب صغير السن سيكون وسيلة ضغط ناجحة فى مجتمع مُحافظ ظاهرياً مثل السودان .. هذا طبعاً اذا لم اقوم انا شخصياً باشباع هذا الشبق .
    - ها ها ها .. تُذكرنى بشبابى .. عموما تحرك بحذر لا نريد ان يعرفوا ان هناك ادنى شك حولهم .. نحن استطعنا تغطية انباء اعتقال العنصر الذى تدرب فى السودان وتم اعتقاله فى غوانتانامو , تم تصويره فى الاعلام على انه قد مات فى حادث التفجير وبذلك هم لا يعلمون انه يغرد بين ايدينا مثل الكنار .. تذكر دائماً مستر طارق نجاحك فى هذه المهمة يعنى نجاحى انا شخصياً فى صفوف الوكالة .. لا تخذلنى ارجوك .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-08-2009, 09:57 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال احلام (Re: shaheen shaheen)

    (21)
    (3) حكايات احلام الجاك (احلام جلكنة)
    لو يعود (منعم) ! .. كان فى طرف اللسان .. لو يعود من جديد مثل (مهدى) الشيعة المُنتظر
    - كيف اليوم كان ؟ .
    - تمام التمام , انتى وش احلام السمحة ده ما شاء الله عليهو ما فيهو كرمشة واحدة بالغلط .
    - عاملة عملية شد .
    - اصلو ما معقول .. يا ربى غالية قصة الشد دى ؟ .. عشان نشد نحنا كمان .
    - احنا يا جلكنة نشد شنو ونخلى شنو ؟ .
    (الخرطوم) حلوة فى بدايات الليل .. جموع الطبقات المسحوقة تهرب الى احيائها الطرفية وتترك الساحة للسادة الجدد , لو رأيت (الخرطوم) ليلاً لحسبت ان الرخاء الاقتصادى يتدفق بين الاقدام
    - جلكنة .. احلام القبطية عايزك تغيرى البرنامج بتاع سفرك , وتقعدى شوية معنا فى الخرطوم .
    - مش قلتا ليك انا عندى المرض الكعب .
    لديها طريقة لطيفة فى قيادة السيارة الصغيرة , تتحرك بتهذيب بين مواكب سيارات السادة الجدد الفارهة
    - الناس دى بتجيب القروش من وين ؟ .
    اريد ان اهرب بالحديث بعيداً
    - ديل يا ستى حرامية السياسة والاقتصاد والمجتمع المدنى فى المعارضة والحكومة ولوردات تنظميات المهمشين بعد توقيع اتفاقيات السلام .. مافيا مرتبطة مع بعض , ناس دعونى اعيش .. اى حاجة بقت بيزنس فى البلد دى , حتى حقوق الانسان .
    - شغلى لى زيدان ابراهيم لو سمحتى .
    اغمضت عيونى .. اسندت راسى على حافة المقعد
    - انا خايفة يا بت الصول .
    وضعت يدى على فخذها المستدير الساخن .. انزلت يدها فوق يدى
    - جلكنة لو بتحبى بناتك بالجد اقعدى شوية معنا .. القصة كلها ورم فى الرحم , عملية بسيطة خالص وعادية جدا ومليون زولة عملتها قبل كده , وما لازم انو الورم يكون خبيث .. كده , كده , انتى لازم تعملى العملية والخرطوم هنا احسن ليك من الدلنج , القبطية ح تعملها ليك فى احسن مستشفى خاص ومجانا على حسابها , واحنا هنا اكتر من اهلك .. لو عشان البنات , نرسل ليهم وبيتى هو بيتك يا بت يا عويرة .
    شجية نغمات العود .. (زيدان) يُغنى للازمنة التى ذهبت ادراج الرياح .. ايام (منعم) , وايام (الخرطوم) الجميلة .. ايام كان للحب طعم العسل , للثقة والوفاء .. ايام كانت الخيانة طعنة قاسية , الان اصبحت الخيانة هى القاعدة فى الحب والزواج وتفاصيل الحياة العادية .. كل سنة يعود (السودان) خطوة للوراء من ناحية القيم الاخلاقية والعلاقات الانسانية النبيلة الصافية
    - اخونك
    ما اظن تصدق اخونك
    لو شافتا عيونك
    ايه حاصل بدونك .
    - انا مش حكيت ليك حكاية انى حملتا فى الجامعة بالحرام ؟ .
    - تانى , تانى يا جلكنة ؟ عليك الله الكلام المسيخ ده ما عندو داعى .
    - ما عارفة .. وانا جاية الخرطوم قلتا بت الصول لازم تعرف الحكاية دى .
    - اسمعى زيدان .. وبعدين تعالى هنا يا متخلفة شنو قصة نموت سويا فى نفس العام ؟ .
    - ها ها ها ها , الحاسة السادسة يا بت الصول .. وانا حلمتا كده .
    - انتى الحواس الخمسة كلها مضروبة عندك , اشمعنى يعنى السادسة تكون شغالة ؟ .
    - حلمتا اكتر من مرة انا قاعدة فى القبر ببكى وانتى جيتى بتضحكى وقلتى لى انا جيت بعدك طوالى عشان نتونس .
    - ها ها ها ها .. الله لا مرقك , يعنى ما لقيتى زولة غيرى ؟ .. وبعدين عمك الثعبان الاقرع ما اظن يخلينا نتونس براحتنا .
    - احلامى بتتحقق يا بت الصول , صدقينى .. كنتى بتضحكى فى الحلم وبتقولى فى زول قتلنى عشان ما اتكلم .
    - يا سلام على جرعة الاكتئاب بعد اليوم الظريف .. عاينى عربية احلام القبطية ورانا طوالى ح تصل معنا ابوروف وح تتكلم معاك يا جلكنة , هى الدكتورة والفاهمة ولازم نسمع كلامها, مش كده ؟ .
    - عاملين لى كمين يا بنات ؟ .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-09-2009, 08:17 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال احلام (Re: shaheen shaheen)

    (22)
    (4) حكايات احلام تادرس (احلام القبطية)
    عندما اعود وحدى فى الليل .. اعرف اننى وحيدة , اخاف من الهمجية التى تسود على شوارع الاسفلت , السرعة الجنونية لسائقى المركبات العامة .. احساس قديم اننى سوف اموت مثل شقيقتى (ماريا) بحادث سير على الطريق
    (سارة) و (نادين) هما حياتى الخاصة , الهدف النهائى بعد عبادة الرب
    تركت (مرقص) يتسلل بعيداً عن اهتماماتى .. فعلت المستحيل حتى يبقى قريباً , ان يشعر بى , ان اجده فى انتظارى عند عودتى , نتناول طعام العشاء ونحكى عن مغامرات العمل اليومية , ينام على صدرى ونحن ننظر للنجوم فى السماء المكشوفة .. لكنه رحل , يُعاقبنى لاننى اوقفت الكارثة , كارثة مصنع (تادرس للزجاج)
    - فى مشاكل مالية فى المصنع يا مرقص ؟ .
    - مشاكل مالية كيف يعنى ؟ .
    - يعنى فى شيكات مفروض تدفع من المصنع وارتدت ؟ .
    - انتى عاملة لى جواسيس فى المصنع ؟ .
    - لو سمحتا يا مرقص فى شيكات ارتدت ولا , لا ؟ .
    - دى مبالغ بسيطة يا احلام .. كان عندنا ازمة سيولة وانا قدرتا احل الموضوع .
    - وكيف يكون فى ازمة سيولة ؟ .. وليه من الاول ما اتكلمتا مع ناس الشيكات عشان ما يقدموها للبنك ؟ .. وليه اساسا انا ما اعرف انو فى ازمة سيولة فى المصنع ؟ .
    - ده تحقيق ولا شنو ؟ .
    - تحقيق ومليون تحقيق .. العمال ليهم شهرين بيصرفوا نص الماهية وبتهددهم بالفصل ومفروض يكون فى اضراب بكرة .. احسن رئيس وردية فى المصنع مشى منك .
    - اسمعى هنا , انا شغال فى المصنع ده لى اكتر من خمستاشر سنة , يعنى ما تعملى لى فاهمة , خليك فى الطب بتاعك بلاش دوشة وخراء معاك .. انا عارف بعمل شنو .
    - كيف اخلينى فى حالى ده مصنعى انا .. ده مصنع احلام تادرس ميخائيل .
    - ايوه , ايوه هى فى النهاية بتكون كده .. يعنى انا مجرد موظف هلفوت فى مصنع الهانم الدكتورة ؟ .
    - انا بكرة بجى المصنع يا مرقص .. عايزة اسمع من الناس الشغالة البيحصل شنو .
    - ده منو التافه البينقل ليك الاخبار ؟ .
    - ما عندك دخل .. المصنع ده هو بابا تادرس , هو رمز نجاحو , وانتا عارف هو كان بيحبو قدر شنو ؟ .
    - لو بكرة رجلك دخلت المصنع انا برمى ليك المفاتيح فى وشك وخليك انتى المديرة نشوف ح تعملى شنو .
    - عجبك او ما عجبك انا بكرة ح اجتمع مع العمال والمحاسب .. وبراجع كشوفات البنوك والضرائب لازم اعرف البيحصل شنو , افتكر ده من حقى .
    يضع يده على نهدى الايسر , يقبض بقوة
    - عارفة يا دكتورة , انتى مصيرك ح يكون زى امك المنحرفة ح تجرى وراء الاولاد الصغار لحدى كندا .
    احاول التخلص من يده القوية , اضربه على وجهه , (اخربش) , اصرخ
    - ماما اشرف منك يا كلب .. يا كلب , يا كلب .
    شعرت بانفاس (حنا) على عنقى فى الليل .. (حنا) المدمن , يختفى فى رحلات علاج مضنية فى (القاهرة) بين مصحات علاج الادمان , ويعود من جديد , شبح انسان , بقايا (حنا) القديم , صديق ورفيق الطفولة الجميل
    - تعالى يا احلام نمشى نتفرج على المسلمين وهم بيصلوا فى الجامع .
    - ماما ح تضربنا .
    - ما تخافى .. تعالى نمشى نتفرج .. انا معاى صليب , اول ما يسجدوا نرمى عليهم الصليب ونجرى .
    - ماما قالت المسلمين ديل اشرار ومتخلفين لو دخلنا ليهم فى المسجد ممكن يضبحونا .
    انفاس (حنا) .. يده الخشنة على صدرى
    - حنا .. حنا .. حنا ده شنو ؟ .
    اُقاوم , اضربه على وجهه , (اخربش) , لا استطيع ان اصرخ
    - كلب .. كلب .. كلب .
    - يا حيوانة .
    صرير مكابح قوية
    - ملعون ابو العلمكم السواقة , معقول تدخلى كده يمين بدون ما تعاينى ؟ .
    - معليش يا حاج انا سرحتا شوية , معليش .
    - لو ما خايفة على روحك , خافى على ارواح الناس التانيين .
    ليحفظنى الرب .. فى عقلى الباطن اعرف ان مصير (ماريا) ينتظرنى .. الموت على الاسفلت الاسود المتسخ
    اقناع (جلكنة) بالعملية والبقاء فى (الخرطوم) ارهقنى , استنزف منى جهداً ذهنياً
    انتعاش لقاء عصابة (الاحلامات) .. النظر فى عيونهن , الاستماع للثرثرة غير المفيدة والاستمتاع بها , محاولات الخروج من شرنقة العزلة والوحدة والهموم
    - الو .. سارة .. نايمين ؟ .. خلاص انتظرونى فى العشاء انا جاية فى السكة .. نادين بتذاكر ولا كالعادة قاعدة تعمل شات فى الكمبيوتر .. لكن معقولة بس يا سارة ؟ .. مليون الف مرة انا قلتا الكمبيوتر ده فى الاجازة بس , نادين دى ما دايرة تسمع الكلام ولا شنو ؟ .. خلاص , خلاص انا جاية كلها ربع ساعة .. يلا مع السلامة حبيبتى .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-09-2009, 09:15 AM

ابراهيم قناوي
<aابراهيم قناوي
تاريخ التسجيل: 06-17-2008
مجموع المشاركات: 2086

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال احلام (Re: shaheen shaheen)

    يا شاهين

    سلامات ياخي

    إنت ما شايف البوستات الدورة دي؟؟؟

    والايميلات المرشوشة ديك؟؟؟؟؟

    ياخي قالوا الدكتورة احلام حسب الرسول موجودة في م. الخرطوم

    انت وديتا متين؟؟؟

    ولا دي احلام تانية؟؟؟

    ولا الناس دي فاهمة غلط؟؟

    ولا نحنا اتلخبت علينا الاختساس ؟؟؟

    تعال ورينا الواقع من الخيال

    لو سمحت


    _________________________________

    تحياتي لك يا رايع
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-09-2009, 10:32 AM

أحمد أمين

تاريخ التسجيل: 07-27-2002
مجموع المشاركات: 3366

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال احلام (Re: ابراهيم قناوي)

    شاهين

    مدهش
    واصل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-10-2009, 11:01 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال احلام (Re: أحمد أمين)

    النص الكامل لحوار صحيفة الشرق الأوسط مع دكتورة احلام حسب الرسول عابدين
    مُراسل الصحيفة استطاع اجتياز اسوار مصحة للامراض النفسية فى العاصمة السودانية الخرطوم بعد اجراءات أمنية طويلة , واجراء حوار طويل مع وجه سودانى اثار ضجة كبيرة فى الاونة الاخيرة .. اللقاء مع الدكتورة/ احلام حسب الرسول وهى استاذة تاريخ فى واحدة من الجامعات السودانية , وهى نفسها التى اعلنت عن تشكيل تنظيم سياسى جديد يُطالب بعودة الاستعمار الى بلدها السودان , السلطات السودانية اودعتها فى مصحة للامراض النفسية والعصبية بعد أسابيع قليلة من اعلانها عن حركتها السياسية التى اطلقت عليها اسم حركة (حمد) وهى اختصار لحركة المطالبة بانتداب دولى
    الى مضابط هذا الحوار الجرىء .
    * تُطالبين يا دكتورة بعودة الاستعمار الى بلادك .. هل هذا حديث انسان عاقل ؟ .
    - وهل ما حدث فى هذا البلد منذ الاستقلال حتى الان هو من فعل انسان عاقل ؟ .. عندما اُطالب بوضع بلدى تحت الانتداب الدولى فهذا يعنى خبرات اجنبية تفيد وتستفيد وتصبح تحت اشراف ورقابة محاسبية دولية .. تضع هى الدستور والقوانين وتُشرف على توفير فرص العمل والصحة والتعليم والبنيات التحتية .. اقول لك لا فرق بين حزب الامة والمؤتمر الوطنى والشعبى والاتحادى و17 نوفمبر و25 مايو و30 يونيو .. كلهم واحد وكلهم استفادوا من خيرات هذا الوطن .. يسكنون فى ارقى مناطق الخرطوم وابنائهم تعلموا فى ارقى جامعات الخارج .. لديهم مزارع واراضى وحسابات فى بنوك الخارج .. من اين ؟ .. وبعضهم عاطل تماما عن العمل ! من اين يصرف فلان وعلان ؟ , ما هى مصادر دخلهم الحقيقية ؟ .. تجد عندنا الزعيم السياسى يركب عربة ثمنها ربع مليون دولار وهو لم يعمل فى حياته عمل معروف للجميع! .. يُسافر الزعماء عندنا الى لندن وباريس وواشنطن كل شهر وشهرين من اين ؟ .. انا استاذة جامعية منذ ما يزيد عن عشر سنوات , اعمل واجد صعوبة فى توفير ثمن رحلة علاجية الى القاهرة .. والدى عمل اكثر من اربعين عاماً ولم يستطع شراء بيت الا فى حى شعبى .
    هذه العصابة يجب ان ترحل فورا .. كلهم , كلهم دون استثناء .. وضع السودان تحت الادارة الاجنبية هو الحل الوحيد لوقف هذا النهب .. لهذا قالوا ان هذه الدكتورة مجنونة .
    * عفواً دكتورة هناك اتهام اخر بالعمالة , وسؤال لماذا ظهرت هذه الدكتورة هكذا فجأة ولم تتحدث غير الان .. يعنى انتِ لم يكن لديكِ اى نشاط سياسى معروف وظهرتِ هكذا دون اى مقدمات وبشكل مُثير للجدل والزوبعة .
    - صحيح .. لكننى اتابع بدقة ما يدور ومنذ زمن بعيد بحكم اهتمامى بالتوثيق لما حدث ويحدث .. وقد آن اوان الكلام .. اما حكاية العمالة والجنون , فهى تدل على رعب هؤلاء من الفكرة .. صدقنى حركة (حمد) امتدت فى الجامعات والمعاهد العليا بصورة ادهشتنى انا شخصياً , شعرت العصابة بخطورة ما اطرح ولذلك كان هذا الهجوم ووضعى فى مصحة للامراض النفسية واشعر انهم يُريدون تصفيتى جسدياً .. اطرح عليك سؤال , ما هو مفهوم العمالة ؟ .. هم من باع البلد سراً , ودفنوا فيها نفايات ذرية .. انا خرجت للعلن .. يا دول العالم المتقدم ويا اصحاب الاستثمارات ويا شركات العولمة الضخمة نحن نريد ان نأكل ونشرب ونعيش فى سلام وان يتم احترام ادميتنا , اذا كنتم تستطيعون ذلك تعالوا واحكمونا فى ظل عدم فساد وعدم تلويث للبيئة .. نريد للراسمالية الحقيقية النظيفة ان تاتى وليس تلك الفاسدة .
    والسيادة الوطنية يا دكتورة ؟ .
    - ماذا فعلت لنا هذه السيادة يا محترم ؟ هناك بالمناسبة كلمات فى قواميس السياسة اخذت قدسية وبريق وطهارة ليست فيها من الاساس , مثل كلمات استقلال و سيادة وطنية وقطعة قماش يطلقون عليها اسم (علم) , كل هذا استهبال فاضح وواضح .
    درسنا تاريخ مزور وزائف .. شخصيات فاشلة اصبحت فى التاريخ شخصيات عظيمة وصناع استقلال
    احكى لك حكاية طريفة تتعلق بالموضوع , ذات مرة وانا استعد لتحضير رسالة الماجستير حاولت الكتابة عن واقعة اغتيال الامام (محمد احمد المهدى) على يد خليفته (عبدالله التعايشى) .. هناك اقوال حول هذا الموضوع وحول تسميم (المهدى) بعد ستة اشهر من سقوط الخرطوم .. لن تتخيل حجم المضايقات والتهديد بعدم اجازة الرسالة , عرفت عندها انهم يريدون الاحتفاظ بهذا التاريخ المزور من اجل حاضر هو ايضاً زائف وغير حقيقى .
    نحن هنا فى السودان نُريد حياة رفاهية ورخاء .. نُريد مثل مخاليق الله مترو انفاق وسكك حديدية على طراز رفيع وتصنيع غير ملوث للبيئة ومواصلات عامة شبه مجانية ومستشفيات انسانية حديثة فى متناول الجميع .. اما حكاية السيادة الوطنية والقرار الوطنى فهى من اجل ان يظل من كان ينهب اجداده هذه البلد منذ 1956 ان يواصل هو وابنائه واحفاده نهبها الى قيام الساعة .
    * عودة الاستعمار يا دكتورة التاريخ هو الحل ؟ .
    - لو كان لديك اقتراح او حل اخر انا على استعداد لسماعه .. قلت لك هناك كلمات اخذت عكس معناها واحدة منها كلمة استعمار .. ماذا قدم لنا الانجليز ؟ هم نقلونا الى مشارف القرن العشرين .. قدموا لنا سكك حديد .. قدموا لنا تعليم مدنى راقى .. قدموا لنا افضل جهاز خدمة مدنية فى افريقيا .. ازدهرت فى ظلهم المشاريع الزراعية وفنون الغناء والشعر والصحافة الورقية .. عرفت الاسواق معهم معنى النظام والتسعيرة .. عرف السودانى معنى احترام حقوق الحيوان .. الاستعمار هو الذى خلق السودان الحديث , الانجليز هم من خلقوا السودان الحديث .. كان هناك استقرار حقيقى للمواطن السودانى .. اهتموا حتى بتدريس (الدايات) حتى لا تُعانى المرأة السودانية عند الولادة او تموت .. الاستعمار هو الذى حارب عادة الخفاض الفرعونى بقوة وشدة .. الانجليز يا سيدى قدموا خدمات جليلة لهذا البلد وحاربوا مفهوم عدم تعليم الفتاة السودانية .. تعرف انا شخصياً كانثى سودانية انحنى احتراماً للمستعمر الانجليزى .
    انظر للجانب الاخر من الصورة .. ماذا قدمت حقبة (المهدية) للسودان ؟ .. اهانوا المواطن اهانة يومية ومتعمدة وتعاملوا بعنصرية وعنجهية ضد ابناء الشمال .. حاولوا خلق توازن عرقى فى المركز قصراً بنقل اُناس من غرب السودان الى (ام درمان) بالقوة والعنف - رغم رفضهم ! -
    ادخلوا البلد فى أزمنة من الدروشة والغيبيات الدينية والدماء والفقر والجوع واحتقار بدوى ارعن للمرأة السودانية واعتبارها مجرد اداة للمتعة الجنسية .. تخيل انهم ارادوا هزيمة مصر بواسطة جيش جائع يُعانى من العطش ! مما يدل على غباء عسكرى شنيع , وكانت مجزرة يتحملون هم تبعاتها .. لم تُقدم (المهدية) اى انجاز على الارض سوى خرافة السيادة الوطنية .. لم تُقدم غير الصلوات الاجبارية ومن كان يتخلف عن ذلك كان يتم جلده جهاراً امام الناس - اى مذلة واى عار هذا - .. هذه هى انجازات الوطنيين فى بلدى .. ومع ذلك مطلوب منى وانا اُشاهد كلية غردون التذكارية والسكة الحديد ومشروع الجزيرة وشارع النيل والقصر الجمهورى ومبانى كل الوزارات والبنوك ومشاريع الرى المختلفة وتخطيط الخرطوم والخرطوم بحرى وامدرمان - قبل تدميره بواسطة عصابة الاحزاب فيما بعد - والكبارى المختلفة ومجموع القوانين العلمانية الرائعة التى شرعها المستعمر والتى تحترم حق الانسان والحيوان .. مطلوب منى بعد كل هذا ان اقول للطلبة عندى فى الجامعة ان الانجليز هم مجموعة من اللصوص والاوباش .
    افزع لو تخيلت فرضية ان دراويش (المهدية) قد انتصروا فى (كررى) وهزموا الانجليز .. تخيل كيف كان الوضع سيكون لولا حداثة الانجليز ؟ تخيلنا ونحن على عتبات القرن الحادى والعشرين نرتدى جلابيب مرقعة وسبحة ضخمة تتدلى من اعناقنا ويتم (طهور) اى اجنبى متواجد فى الوطن مثل ما فعلوا مع (سلاطين باشا) , ومن يتعاطى التمباك - تبغ شعبى - يتم جلده وسجنه , والتعليم الرسمى الوحيد هو تعليم الخلاوى .
    الانجليز هم اصحاب الفضل فى التنوير والتثقيف العقلانى والحداثة للعقل السودانى ويجب الاعتراف بذلك .. معهم وبهم عرفنا معنى أحبار المطبعة الحديثة .
    لك ان تتخيل ان فترة السيادة الوطنية فى (المهدية) كان الرجل الاول فيها يتحدث عن ان الله وملائكته لم يكن لهم هم غير الوقوف بجواره فى حروبه الغبية شرقاً وشمالاً ! فى الوقت الذى كان العالم يستيقظ فيه نحو النهضة والعقلانية كان هو غارقاً فى خُزعبلات ما وراء الطبيعة وهو يُغرق البلد فى حمامات دم ويرسل القادة ابناء الشمال للموت حتى يتخلص منهم .. (عبدالله التعايشى) هذا هو اعظم ديكتاتور سودانى وهو من الذين ساهموا فى وضع اساس التفرقة العنصرية فى السودان .
    بعد الاستقلال انعكست الاية واصبح الاقصاء من السلطة يتم بواسطة ابناء الشمال ضد ابناء الغرب والجنوب والشرق .
    الشخصيات الوطنية - وهو تعبير مهذب لعدم وطنيتهم الظاهرة - كانت شخصيات عقيمة همها الاول ممارسة لعبة تحالفات الكراسى .. فتحوا الطريق للراسمالية الطفيلية لامتصاص دم الشعب .. كانوا مُهرجى سيرك اكثر من كونهم ساسة ناضجين .. اجهضوا مع سبق الاصرار والترصد كل انجازات الاستعمار الوطنى اكثر منهم .. حافظوا بكل همة على امتيازاتهم ولمعانهم السياسى والشخصى .. وسخوا ثوب الخدمة المدنية التى كانت فى انضباط ساعة (بيج بن) الشهيرة فى لندن .. كانت بداية وطنيتهم القذرة بمذبحة عنبر (جودة) .. كان لدينا ايام الاستعمار الانجليزى الراقى والرائع معاً قطار ياتى بالدقيقة والثانية والان وبعد كل هذه السنوات من السيادة الوطنية الجوفاء والخرقاء والحمقاء - هذه ثلاثية هجائية - من الممكن ان تنتظر القطار السودانى لمدة يوم كامل , وفى النهاية لا يأتى لك .
    نحن شعب فاشل .. هذه حقيقة .. شعب لا يعرف كيفية ادراة دولة عصرية حديثة .. وهذه حقيقة اخرى .
    النخبة السودانية فى الحكومة والمعارضة نخبة فاسدة ومفسدة تعفنت ولا احد يريد دفنها حتى نمنع انتشار الجراثيم والبكتريا .. هؤلاء يا سيدى فى الحكومة والمعارضة على استعداد لبيع الغالى والرخيص من اجل منصب وزارى وحفنة من الدولارات الخضراء .
    هم ساقطون فكرياً ووطنياً .. ولو نظرت لهم ولتاريخهم الشخصى والعام ولوضعهم المادى ستعرف كم هم فاسدون .
    هناك واقسم بالله على ذلك من تأكل خيولهم (الزبيب) وهو بلا عمل او مصدر دخل معروف .
    توزيع ادوار سخيف نحن معارضة وانتم حكومة وغداً العكس .. وفى الحالتين تأكل خيولهم (الزبيب) بينما يموت نصف الشعب جوعاً فى الغابات والصحارى وارصفة المدن الاسمنتية .
    ليس هناك عيب على ما اعتقد ان نذهب للمجتمع العالمى ونقول له نحن فشلنا تعالوا ساعدونا
    انظر مثلاً (لليابان) هى دولة نهضت من ركام الرماد الذرى .. (المانيا) نهضت من بين انقاض الحرب الكونية الثانية .. (الصين) نهضت وهى صاحبة اعلى معدل كثافة سكانية .. عندنا هنا مياه وانهار واراضى خصبة وهناك جوع قاتل وعطش فى غرب السودان وشرقه واطراف العاصمة .. اى مهزلة , واى وطنية سخيفة هذه! هل بعد هذا مطلوب منى ان احب واقدس شخصيات مثل (اسماعيل الازهرى) او (محمد احمد المحجوب) .
    عندما اُطالب بوضع السودان تحت الاشراف الدولى فهذا يعنى نقل السودان الى مشارف القرن الحادى والعشرين .. ومن اجل مصلحة اجيال المستقبل .
    معاً من اجل الغاء التوكيل الباطل وغير الشرعى والمزور لوكلاء المافيا الوطنية الذى انتزعوه عُنوةً واقتداراً منذ 1956 .
    * وهل يعنى ذلك يا دكتورة ان الانجليز كانوا يعملون من اجل خاطر عيون السودان فقط ؟.. وانهم قطعوا كل تلك المسافة الطويلة فقط من اجل صناعة سودان رائع ؟ انتِ تعرفين معلومات لا احد فى العالم يعرفها ! .
    - سوف اتغاضى عن روح السخرية والاستهزاء .. ارجو ان تعاملنى باحترام .. انا اطرح افكار قابلة للنقاش .. ارفض قلة الادب فى الحديث معى .. انا استاذة جامعية تذكر هذا.
    * اعتذر بشدة دكتورة .. اعتذر لم اقصد التهكم .. اسف جداً .
    - لو تابعت حديثى جيداً لما كنت قد طرحت هذا السؤال .. اعلم ان فن السياسة وغابة المصالح الاقتصادية مجالات لا علاقة له بالحب والكراهية هذا تفكير شرقى ساذج .. انا مُدركة تماماً ان الانجليز وصلوا السودان من اجل مصلحتهم هم فى المقام الاول - تذكر ان رسالتى للدكتوراة هى فى تاريخ السودان الحديث - وانا ضد تزوير التاريخ .. ولكن هم فى المقابل قدموا لنا بمعنى ان المنفعة كانت متبادلة tit for tat .. لم يستفيدوا وتركونا فى العراء كما فعلت الحكومات الوطنية عسكرية كانت ام مدنية .. الانجليز حافظوا على البقرة التى تحلب لهم .. الاحزاب والعسكر قالوا انا ومن بعدى الطوفان
    اتحدى اى مؤرخ ان يذكر اسم ادارى انجليزى تربح من منصبه اثناء خدمته فى السودان .
    عندما اُطالب بوضع السودان تحت الاشراف والادارة الكاملة الاجنبية اقصد ان عليهم فى المُقابل خلق دولة عصرية وخطوط جوية منضبطة ومستشفى على النمط الغربى الحديث وتعليم حقيقى جاد يرتبط بخطط تنموية وغذاء صحى وفرص عمل وحرية تعبير وتصنيع غير ملوث للبيئة وفى المقابل عليهم الاستفادة ايضاً من خيرات وثروات البلد الظاهرة والمخفية .. يعنى باختصار خُذ وهات .
    اعتبرنا يا سيدى فريق كرة قدم كبير والسودان هو دار هذا النادى ونحن جلبنا مدير فنى اجنبى ليصنع لنا بطولة بين شعوب الارض وفى المقابل ياخذ هو راتب مُجزى - هذا مثال لتوضيح الفكرة اتمنى ان لا يكون مُبتذلاً - .
    * يعنى الصراع بين مُختلف الوان الطيف السياسى السودانى هو فقط تمثيلية كبيرة ؟ .
    - لا .. لا .. هو صراع حقيقى فى لحظات تاريخية معينة .. لكن ليس من اجلنا طبعاً بل من اجلهم هم ومن اجل مصالحهم الاقتصادية .
    يا جماعة نُريد الاكل معكم , والانقلابات العسكرية تقول سوف التهم الثروة والقرار الاقتصادى وحدى .. هذا هو جوهر الصراع .. حول مائدة نهب خيرات الوطن .
    عندنا مثل فى السودان يقول (يا فيها يا افسيها) وهو تلخيص بديع لروح الانتهازية الضاربة فى اعماق المجتمع , وهو ايضاً شعار الاحزاب والمؤسسة العسكرية المُقدس منذ ايام (مؤتمر الخريجين) .
    طبعاً يضيع فى هذا الصراع صغار اعضاء احزاب هذه المافيا وهم من يدفع ثمن الاعتقال والتعذيب والتشريد من الخدمة المدنية والكبار لا يلمسهم احد على الاطلاق بصورة قد تُؤدى الى ان يفقد حياته .
    ستجد فى كل فترة شعار مضحك للغاية هو شعار توحيد الجبهة الداخلية والمقصود به المشاركة فى الغنيمة بعد اليأس من الاسقاط .. وكذلك شعار توسيع مواعين السلطة .. كلها شعارات أستهبال وأشتهاء لصنع قرار اقتصادى يصب مباشرةً فى جيوبهم .. فعلوا ذلك مع (نميرى) وقبله مع (عبود) والان مع (30 يونيو) .. وحتى ايام جمعياتهم التأسيسية كان جوهر الصراع الاساسى حول القرار الاقتصادى وحول ألية اتخاذ هذا القرار .
    هذه مافيا ارتبطت مع بعضها البعض بالمصاهرة والصفقات المشبوهة و بيزنس تحت الطاولة الشهير , احياناً اضحك عندما اجد من يكتب ان ناس زمان كانوا يضحكون مع بعضهم خارج البرلمان ويشتمون بعضهم داخله .. طبعاً المسكين يظن ان هذا قمة الوعى .. هو طبعاً وعى ولكنه وعى انهم مافيا فى نفس القارب ومهما كان الاختلاف فان المصالح الاستراتيجية فى النهاية واحدة .
    بعد سقوط اى حكومة عسكرية لا احد فى الاحزاب يفتح ملفات الفساد .. لماذا ؟ لانهم هم ايضاً فاسدين .. هُناك اتفاق غير مكتوب بينهم لكنه اصبح عُرفاً سائداً واصبح مُلزماً لهم اكثر من الدستور نفسه .. يا عسكر لا تفتحوا ملفات فسادنا عند استلامكم السلطة بعد انقلاب عسكرى ونحن لن نفتح ملفات فسادكم عقب سقوطكم بعد عمراً طويل على يد انتفاضة شعبية .
    حتى بين صفوف الاحزاب الوطنية لا احد يتكلم عن فساد احد فى الحزب الاخر! .
    هم لا يريدون سيادة روح وذهنية محاربة الفساد .. مافيا تعرف كيف تحمى نفسها جيداً يا عزيزى .
    * سؤال خاص اعتذر عنه مُسبقاً .. شقيقتك الوحيدة (ميرفت حسب الرسول) ذكرت فى صحف الامس انك مريضة نفسياً منذ فترة طويلة .. وانتِ تقولين ان قرار ايداعك المصحة هو قرار سياسى فى المقام الاول ؟.
    - هذا جانب من هلع المافيا من افكارى السياسية .. هم ارادوا محاكمتى بتهمة الخيانة العظمى ولكنهم ادركوا حجم ضغوط منظمات حقوق الانسان .. اخترعوا حكاية مرضى النفسى حتى افقد اى تعاطف داخلى معى .
    عن شقيقتى (ميرفت) هى شقيقتى الوحيدة كما ذكرت وانا احبها جدا .. هى فى النهاية موظفة قطاع عام فى بنك حكومى ولديها بالتأكيد التزامات مادية تجاه ابنائها , ربما هددوها بالفصل او مارسوا معها اساليب ضغط مختلفة .
    اعيش فى حى شعبى هو حى (ابوروف) والجميع يعرف الجميع هناك من الممكن ان تسألهم , انا لم اُعانى من اى مرض نفسى طيلة حياتى .. افترض معك اننى مريضة نفسياً , اليس من حق المريض النفسى ابداء وجهات نظر فى السياسة والتصويت فى الانتخابات ؟ وتأسيس حركة سياسية ؟ .. اعتقد ان وضعى هنا هو تمهيد لتصفيتى جسدياً بعد فترة .
    * هناك يا دكتورة احزاب وحركات سياسية سودانية بدأت تظهر على استحياء , هل هناك أمل ؟ .
    - لا .. لا .. لا .. لا اعتقد ذلك .. تاريخ السودان الحديث فيه عشرات المحاولات لانشاء فعاليات سياسية .. انتهت للاسف اما بالارتماء فى احضان احزاب المافيا الكبيرة .. او بمغادرة البلد واعتزال السياسة .. او الذوبان فى بحور المعيشة وتربية الابناء .. او حتى الجنون , ولا اقصد نفسى طبعاً - تضحك بعمق - .
    نظرتى سليمة مئة فى المئة , النخبة السودانية فاشلة بالثلاثة والسوس ينخر فيها .. وضع السودان تحت الانتداب الدولى هو الحل الناجع لوقف نزيف الدم والجوع والمهانة .
    يجب امتلاك شجاعة طرد كل الممثلين من على خشبة المسرح - كفاية لحدى كده - وتسليم المفاتيح لخبرات اجنبية مشهود لها بالكفاءة فى علوم الادارة .
    * جميع الاحزاب تخلت عنك وعن قضية احتجازك فى مصحة نفسية .
    - المافيا لا تدافع الا عن اعضائها فقط .. هذا قانون معروف .
    * انتِ تشتمين الشعب السودانى .. هل هناك عاقل يشتم شعبه ؟ .
    - انت كررت كلمة عاقل كثيراً .. وانا اُكرر لك انا عاقلة تماماً .. انا لا اشتم انا اُشخص الحالة .. نخبة فاشلة وشعب لم يستطع خلق نخبة بديلة طيلة خمسين عاماً , ولن يستطيع , اذاً هو شعب فاشل وغير قادر وعاجز .. اين الشتيمة هنا ؟ .
    * هناك ساسة سودانيين ماتوا فقراء ؟ .
    - هذا صحيح .. هم لم يفهموا قواعد اللعبة التى تدور فى الخفاء والعلن .. وفى النهاية ماذا فعلوا ؟ اين هى انجازاتهم على ارض الواقع ؟ .
    * فى الختام كلمة اخيرة لمن ؟ .
    - للذين فعلت هذا من اجلهم .. صلوا من اجلى .. انثروا زهور الريحان على قبرى .. اُحب الريحان وكتب التاريخ .. واحبكم .. صلوا من اجلى .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-11-2009, 07:09 AM

Fathi Ali Mohammed
<aFathi Ali Mohammed
تاريخ التسجيل: 09-29-2008
مجموع المشاركات: 481

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال احلام (Re: shaheen shaheen)

    هل هي فعلا
    رواية لا علاقة لها بالواقع
    ؟؟

    (عدل بواسطة Fathi Ali Mohammed on 02-11-2009, 07:20 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-11-2009, 12:03 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال احلام (Re: Fathi Ali Mohammed)

    Quote: تعال ورينا الواقع من الخيال

    تحايا أ/ قناوى
    كما قلت سابقاً , الواقع اصبح اكثر غرابة من الخيال
    مودتى .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-12-2009, 09:45 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال احلام (Re: shaheen shaheen)

    Quote: مدهش

    العزيز احمد امين
    شكرا على القراءة والمتابعة .. شكرا جزيلا .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-12-2009, 03:37 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال احلام (Re: Fathi Ali Mohammed)

    (23)
    (2) حكايات لبنى الطاهر
    انا وجسدى الضخم .. جسدى الذى يشتعل فى ليالى الصيف الخانقة , انا وجسدى وتمردى
    ارصدك بالعيون .. حركاتك وسكناتك .. طريقة السير , الاستدارة السريعة .. التحديق بقوة وغضب فى وجهى
    لن اخاف منك يا (اربابة) الجديدة
    انا ابنة (الطاهر شقلا) اعرف ما اريد , واعرف كيفية الحصول عليه , علمتنى الحياة
    - انتى زولة متمردة وبت حرام .
    - شكرا يا ابوى .
    يرتسم الزبد الابيض على اطراف فمه عند الغضب
    - بت الطاهر شقلا تمشى تقراء فى جامعة النيلين ؟ .
    - دى رغبتى .
    - دى نتيجة تربية النسوان وتربية راجل امك الزى النسوان , انا مستعد انك تدرسى فى احسن جامعة هنا او بره .
    - دى رغبتى وافتكر مافى زول بسمح ليهو يحدد لى اعمل شنو وما اعمل شنو .
    تنهال الصفعة .. عنيفة , قاسية .. اى حديث معه ينتهى بهذه الصفعة , استعد لها , تعودت عليها , لا جديد تحت الشمس , يرتج جسدى قليلاً ويستعد للصفعة الجديدة
    - ارجعى لامك .. انتى عايزة اعادة تربية من جديد , وانا ح اعرف اربيك كيف يا لبنى ؟ .
    انا طائر ضجر من الحرية .. بين (الخرطوم) و (ابوظبى) حلقت بمفردى , لا احد يهتم بى , لا احد .. فى بيت ابى الحقيقى انا غريبة , وفى بيت امى الحقيقة انا غريبة !
    فقط كانت (اربابة) التى رحلت
    ارصدها من بعيد .. قبل الخروج من البوابة الرئيسية تتجه نحو (دورة المياه) تغيب فيها لمدة دقائق وبعدها الى سيارتها الصغيرة , روتينها الذى لا يتغير
    فقط عندما تهداء الحركة يا دكتورة .. عندما تقترب تباشير الامتحانات , عندما ينسحب الطلاب الى المكتبات او الى منازلهم , عندها سوف اقتحم عليك (دورة المياه) , سوف انظر باستمتاع للعيون المُتسعة من الدهشة والخوف
    - بتعملى شنو يا بت يا دكتورة ؟ .
    سوف اجعلك ترتعشين من الخوف واللذة .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-12-2009, 05:00 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال احلام (Re: shaheen shaheen)

    (24)

    - الو .
    - احلام الحاج ؟ .
    - احلام .. معاى منو لو سمحتا ؟ .
    - أأأنا عزت طريفى .
    - عزت منو معليش ؟ .
    - أأأنا زوج احلام الطيب .. انتوا كنتوا معنا اول امبارح فى أأأ ...
    - معليش .. معليش , انا اسفة جدا استاذ عزت , اهلا بيك ! , احلام كويسة ؟ .
    - لا كويسة .. انا شلتا الرقم بتاعك من تلفونها , عايز اتكلم معاك لو ما عندك مانع .
    - لا مافى مشكلة . . خير استاذ ؟ .
    - فاضية ولا مشغولة ؟ .
    - لا ما عندى حاجة مهمة .
    - عايز اعتذر ليك عشان خايف اكون ضايقتك لما اتكلمتا معاك اول امبارح .
    - ضايقتنى كيف ؟ .
    - يعنى .. لما قلتا ليك انتى لسه بعثية ؟ .. شعرت بيك زى زهجتى شوية منى .
    - ما تكون حساس استاذ عزت الس....
    - ممكن لو سمحتى , عزت بدون استاذ ؟ .
    - حاضر .. ما تكون حساس يا عزت بدون استاذ , السياسة دى فقرية والكلام فيها مرات بيعمل لى اكتئاب .
    - وبتكتبى فيها كيف ؟ .. شايف عندك عمود يومى فى جريدة الازمنة .
    - ها ها ها ها .. تعرف يا عزت , السؤال ده ما عندى ليهو اجابة .. يمكن بحكم العادة , او يمكن أكل عيش زى اى وظيفة تانية , فى كل الاحوال بشعر كده انو دى كتابة بدون شعور او ايمان قوى , ما فيها روح وايمان واحاسيس زمان .. تقدر تقول اداء واجب .
    - عارفة انا من اول امبارح قاعد افكر , انتى بتشبهى لى منو ؟ .. يا دوب اتذكرتا .
    - كوندليزا رايس ؟ .
    - ها ها ها ها .. سميرة توفيق الفنانة البدوية ايام زمان .
    - احم .. احم .. اخجلتم تواضعنا يا عزت بدون استاذ .
    - يعنى عارفة ؟ .
    - يعنى .. المعجبين بيقولوا لى كده طوالى .
    - هم كتار ولا شنو ؟ .
    - واحد بس .. واحد اسمو رامى .
    - خطيبك ؟ .
    - ولدى .
    - ربنا يخليهو ليك .
    - عارف انتا بتشبه لى منو ؟ .
    - حسين فهمى ؟ .
    - هاها ها ها .. يا مغرور .. لا .. بتشبه لى أأأأ .. جدو شعبان .
    - بتاع جنة الاطفال ؟ .
    - ها ها ها ها .
    - حرام عليك .
    - خلاص .. بتشبه لى عمر الجزلى .
    - يعنى كلها قنوات محلية .. مافى حاجة من دريم او حتى MBC .
    - انتا شغال فى ياتو قناة فى قطر بالمناسبة دى ؟ .. الجزيرة ؟ .
    - لا .. قناة ارضية ما مشهورة , مغمورة زيى كده بالظبط .
    - مهنة الاخراج , مهنة كويسة , فيها نوع من الفن الجميل .
    - ما كويسة , اصلو ما كويسة .. ده ما كان طموحى , عارفة , طموحى كان انى اكون مخرج سينما .. طموحى كان انى انقل الواقع السودانى فى مهرجانات عالمية .. سينما سودانية يا احلام ما تلفزيون سخيف ونشرات اخبار عبيطة .
    - الطموح ممكن يتحقق فى اى لحظة يا عزت .
    - انا عمرى هسع 46 سنة يا احلام .
    - احنا جيل تعيس يا عزت .. اتسرقنا فى الزحمة وما عرفنا كده الا لما رجعنا البيت والزمن فات .
    - جيل مهزوم يا احلام .. على الصعيد العام احنا اتهزمنا , احلامنا اتكسرت , بقينا نصارع على الصعيد الشخصى والفردى .. نفسك وبس , كيف تصل سفينة نوح عشان ما تموت بالطوفان , خلينا ورانا دواوين الشعر وكتب الروايات واللوحات والفلسفة وسيناريو فيلم مفروض يتعمل .. خلينا وراء ضهرنا الايمان بالناس التانيين , ما كان عندنا تفكير نشيل حتى الاحلام فى كتفنا ونطلع مركب نوح , لما الطوفان بدأ كنا فرحانيين انو اجسامنا ما اتبلت بالموية وقعدنا نصفق فى فخر لسيدنا نوح .. لو كان عندنا ذرة تفكير كان مفروض ننط فى الموية نشيل الروايات والكتب والامال ونحاول نعوم , نحاول , نحاول , نحاول , لحدى ما نغرق معاها .. الحياة بدون احلام موت .
    - ....................
    - واحدة فى حياتى زمان اسمهاالهام وهى بتموت بسرطان الدم قالت لى اوعا تتهزم يا عزت , اعمل سينما , اتكلم عن الناس .. اعمل مسرح اراجوز للاطفال فى المدارس , غنى فى المظاهرات يا قائد الاسطول .. لما ماتت كان كل شى اتغير وانتهى , مؤسسة سينما رسمية غبية فاسدة همها تعمل افلام تسجيلية عن سياسين مساطيل .. واطفال مدارس ما عايزين ثقافة , عايزين سندوتش طعمية وجزمة جديدة , واساتذة مدارس بقوا حرامية , وسياسين اتحولوا لشواذ نفسياً , لو مشيت فى مظاهرة ممكن يضربوك رصاص بكل سهولة .. قلتا لنفسى اشرد يا عزت , اجرى , اجرى .. خلى قبر الهام وهيكلها العظمى يغرق فى موية الطوفان , خلى المظاهرات , خلى اطفال المدارس , الاراجوز غرق .. جريت على سيدنا نوح قلتا ليهو ما عايز انتهى وانا بفتش على سندوتش طعمية فى البلد دى .. وبعد ما عمرى بقى 46 سنة اكتشفتا انى كان مفروض ما اطلع سفينة نوح كان مفروض اغرق مع ولده والباقيين .
    ارتفع صوت نحيب قوى , متشنج من الطرف الاخر
    - احلام انتى بتبكى ولا شنو ؟ .
    - فتحتا جرحى يا عزت .. فتحتا جرحى .. حرام عليك .
    - احلام انا اسف .. اسف جدا .
    من بعيد كان صوت (ام كلثوم) يأتى قوياً متدفقاً من مكان قريب
    - لسه فاكر
    كان زمان .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-12-2009, 07:05 PM

الواثق تاج السر عبدالله
<aالواثق تاج السر عبدالله
تاريخ التسجيل: 04-15-2004
مجموع المشاركات: 2120

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال احلام (Re: shaheen shaheen)


    نتابع .....

    و....

    نترقب ماتبقى ....

    ( مدهشة جدا )

    لك التحايا شاهين


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-19-2009, 10:42 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال احلام (Re: shaheen shaheen)


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2009, 03:54 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال احلام (Re: shaheen shaheen)

    عدل للتكرار .

    (عدل بواسطة shaheen shaheen on 05-14-2009, 04:10 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-12-2009, 07:10 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    (عدل بواسطة lana mahdi on 02-12-2009, 07:35 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-13-2009, 08:46 PM

Al-Sadig Yahya Abdall
<aAl-Sadig Yahya Abdall
تاريخ التسجيل: 05-01-2006
مجموع المشاركات: 485

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: lana mahdi)

    Quote: متابعة، وقراءة ممهولة، وبرضو فتناك بالقرايّة..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-19-2009, 09:39 AM

Khalid Saeed
<aKhalid Saeed
تاريخ التسجيل: 12-12-2005
مجموع المشاركات: 2301

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: Al-Sadig Yahya Abdall)

    المبدع شاهين ..

    أوجعتنا بهذه الحروف العميقة ..
    عريت همومونــا ..

    دم بخير،
    الأرباب
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-05-2009, 04:11 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: lana mahdi)

    (25)

    - الو , ايوه .. اهلا وسهلا .
    - استاذة احلام الطيب ؟ .. معاك طارق مهدى .
    - انتا الزول المسطول ؟ .
    - ها ها ها ها .. مسطول كيف يا استاذة ؟ .
    - ما اصلو ما معقول اكون واقفة فى الاشارة ويوم جمعة والشارع فاضى وتجى تصدمنى .
    - معليش استاذة , deeply sorry .. عندى مشاكل ومشغوليات فى الشغل بتخلى الزول سرحان .
    - قلتا لى انتا رجل اعمال .. مجال عملك شنو ؟ .
    - مش الكرت بتاعى عندك ؟ .
    - والله ما عارفة مشى وين ؟ .
    - انا عندى معرضين سيارات ليموزين واحد فى بحرى والتانى فى الخرطوم تلاتة .. مهدى ليموزين .
    - يعنى عشان كده بتصدم عربات الناس وما بيهمك .
    - ها ها ها .. لا بالمناسبة ديل معرضين صغار , يعنى ما تمساح فى المجال زى الناس التانيين .
    - تأجير ولا بيع عربات ؟ .
    - كلو يا استاذة .. بنشتغل تأجير سيارات ده عضم الشغل الاساسى وبرضو بشترى العربات السكند هاند وبعمل ليها صيانة وببيعها , يعنى سبعة صنايع والبخت ضايع .
    - تمام .. اصلو البيزنس فى السودان عايز الحركة وتفتيح المخ .
    - وسيادتك ربة منزل ولا موظفة ؟ .
    - حلوة قصة ربة منزل ولا موظفة .. انا شريكة ومديرة لشركة فالكون للاستثمار .
    - والله ؟ .. دى صدفة سعيدة استاذة , ما دايرين تأجروا عربات .
    - ها ها ها ها .. طوالى كده يا مهدى ليموزين ؟ .. ما بيعملوها كده .. شوية , شوية .
    - منكم نستفيد .. والشركة بتاعتك استيراد وتصدير ؟ .
    - لا .. انا فى مجال العمالة ؟ .
    - عمالة كيف ؟ .
    - يعنى , توريد عمالة اسيوية , فى مستشفيات خاصة بتطلب مثلا طاقم نظافة او تمريض يكون من بنغلاديش , فى برجوازية صاعدة عايزين خدامة فلبينية ومشرف على الجنينة يكون من الهند والبواب يكون من بورما , حاجات زى كده .
    - مجال ظريف ؟ .
    - والله بس متعب يا ... , معليش عليك الله الاسم منو تانى , معليش .
    - طارق يا استاذة .. طارق مهدى .
    - مجال متعب يا طارق .. الجرى فيهو كتير , الاوراق والاقامة , ولو عملوا مشكلة لازم زول من الشركة يكون متابع لكن بشكل عام مجال ماشى يتقدم .
    - طبعا هو مربوط بالانتعاش الاقتصادى .
    - والله الناس فى البلد دى عندها قروش بالكوم .. يعنى لو شفتا طلبات الناس الدايرين فلبينيات فى بيوتهم تندهش .
    - العربية عملتى فيها شنو ؟ .. عايز اعرف تكاليف الصيانة .
    - انتا اتصلتا بى عشان كده ؟ .
    - لا .. بصراحة عشان اسمع صوتك .
    - انا بالمناسبة بعرف الزول المستهبل من رنة صوتو .
    - وانا بعرف الزولة المستهبلة برضو من رنة صوتها .
    - كيف ؟ .
    - انتى قلتى الكرت بتاعى ضاع منك , وانا متأكد انو موجود معاك .. وعملتى فيها انك نسيتى اسمى , وانا متأكد انك متذكرة اسمى كويس جدا .
    - ها ها ها ها .. تفتيحة , انا ماسكة الكرت بتاعك وانا بتكلم معاك هسع , لكن تصميم الكرت ما جميل بالمناسبة الالوان فيهو ما ظريفة وما متناسقة .
    - طيب ممكن اقابلك وين عشان اعرف الالوان المناسبة .
    - تعال لى فى فالكون .
    - فالكون دى شنو ؟ .
    - مش قلنا نبطل استهبال انا قبل شوية قلتا ليك اسم الشركة بتاعتى .. فالكون للاستثمار .
    - لا .. عايز لو سمحتى مكان هادى بعيد عن زحمة الشغل .. مكان هادى نتكلم فيهو براحتنا .
    - نتكلم عن شنو ؟ .
    - يعنى .. عن تكاليف صيانة العربية , عن تصميم الوان الكرت بتاعى .
    - بس ؟ .
    - دى اجندة الاجتماع الرئيسية .. بعد داك ممكن نفتح الباب لاى اقتراح .
    - ها ها ها ها .. انتا الظاهر عليك مصيبة كبيرة , انا بحب الراجل المغامر والجرىء , ما بحب الزول المسكين لانو الحياة ما بتستحق تكون مسكين , ولا الناس ما بيستحقوا انك تكون مسكين .
    - نتقابل وين ؟
    - نتقابل وين ؟ .. نتقابل وين يا مهدى ليموزين ؟ .. انا عندى مكتب خاص بى فى امدرمان بكون موجودة فيهو بعد الساعة تلاتة ونص ممكن فى اى يوم تضرب لى اوصف ليك المكتب ونتقابل .
    - خلاص بضرب ليك الليلة بعد الساعة تلاتة .. لو ما عندك مانع ؟ .
    - انتا كارثة انسانية تمشى على قدمين , فظيع , فظيع يا مهدى ليموزين .. بالمناسبة انتا عمرك كم سنة ؟
    - 33 سنة .
    - يعنى انا اصغر منك بسنة واحدة .
    يا عجوزة .. شهادة ميلادك فى الملف الخاص بك , تفضحك 24 فبراير 1965 .
    (اواصل)
    ......
    شاهين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-06-2009, 08:10 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-19-2009, 06:41 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
أغتيال (Re: shaheen shaheen)

    شكراً للمداخلات والتعليق والقراءة
    أ/ فتحى على محمد .
    أ/ الواثق تاج السر .
    أ/ لنا مهدى .
    أ/ الصادق يحيى عبدالله .
    عاجز عن الشكر لان ما اكتب دفعكم للاهتمام والتعليق
    مودتى القلبية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-19-2009, 02:18 PM

Dr Abdelazim Abdelrahman

تاريخ التسجيل: 12-30-2004
مجموع المشاركات: 311

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال (Re: shaheen shaheen)

    هذا بدون مبالغة أجمل ما قرأت فى هذا المنبر حتى الآن .
    أتمنى أن تسعى لنشر هذه الرواية حتى تصل لأكبر عدد من القراء.
    لك الشكر يا أستاذ شاهين على هذا الأبداع .
    عبدالعظيم.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-19-2009, 06:45 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
ه (Re: shaheen shaheen)

    Quote: أوجعتنا بهذه الحروف العميقة

    أ/ خالد سيد
    وجع الجيل الذى اكتب عنه اكبر من كل الحروف .
    *
    Quote: أتمنى أن تسعى لنشر هذه الرواية حتى تصل لأكبر عدد من القراء

    شكرا د. عبد العظيم على الكلمات اللطيفة فى حقى .. اتمنى ان اجد دار نشر تقبل ما اكتب دون حذف .
    شكرا لكما .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-20-2009, 03:28 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ه (Re: shaheen shaheen)

    +
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-20-2009, 03:51 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ه (Re: خضر حسين خليل)

    Quote:


    صحيفة الشرق الاوسط :

    مراسل الصحيفة استطاع اجتياز اسوار مصحة للامراض النفسية فى الخرطوم واجراء حوار طويل مع وجه سودانى اثار ضجة كبيرة فى الاونة الاخيرة .. اللقاء مع الدكتورة/ احلام حسب الرسول وهى استاذة تاريخ فى واحدة من الجامعات السودانية , وهى نفسها التى اعلنت عن تشكيل تنظيم سياسى جديد يطالب بعودة الاستعمار الى بلدها السودان , السلطات السودانية اودعتها فى مصحة للامراض النفسية والعصبية بعد اسابيع قليلة من اعلانها عن حركتها السياسية التى اطلقت عليها اسم حركة (حمد) وهى اختصار ل حركة المطالبة بانتداب دولى

    الى مضابط هذا الحوار الجرىء .

    * تطالبين يا دكتورة بعودة الاستعمار الى بلادك هل هذا حديث انسان عاقل ؟ .

    - وهل ما حدث فى هذا البلد منذ الاستقلال حتى الان هو من فعل انسان عاقل ؟ .. عندما اطالب بوضع بلدى تحت الانتداب الدولى فهذا يعنى خبرات اجنبية تفيد وتستفيد وتصبح تحت اشراف ورقابة محاسبية دولية .. تضع هى الدستور والقوانين وتشرف على توفير فرص العمل والصحة والتعليم والبنيات التحتية .. اقول لك لا فرق بين حزب الامة والمؤتمر الوطنى والشعبى والاتحادى و17 نوفمبر و25 مايو و30 يونيو ... كلهم واحد وكلهم استفادوا من خيرات هذا الوطن .. يسكنون فى ارقى مناطق الخرطوم وابنائهم تعلموا فى ارقى جامعات الخارج .. لديهم مزارع واراضى وحسابات فى بنوك الخارج .. من اين ؟ .. وبعضهم عاطل تماما عن العمل !!! من اين يصرف فلان وعلان , ما هو مصدر دخلهم .. تجد عندنا الزعيم السياسى يركب عربة ثمنها ربع مليون دولار وهو لم يعمل فى حياته عمل معروف للجميع .. يسافر الزعماء عندنا الى لندن وباريس وواشنطن كل شهر وشهرين من اين ؟ .. انا استاذة جامعية منذ عشر سنوات وانا اعمل واجد صعوبة فى توفير ثمن رحلة علاجية الى القاهرة .. والدى عمل اكثر من اربعين عاما ولم يستطع شراء بيت إلا فى حى شعبى .

    هذه العصابة يجب ان ترحل فورا .. كلهم , كلهم دون استثناء .. وضع السودان تحت الادارة الاجنبية هو الحل الوحيد لوقف هذا النهب .. لهذا قالوا ان هذه الدكتورة مجنونة .

    * عفوا دكتورة هناك اتهام اخر بالعمالة , وسؤال لماذا ظهرت هذه الدكتورة هكذا فجأة ولم تتحدث غير الان .. يعنى انت لم يكن لديك اى نشاط سياسى معروف وظهرت دون أى مقدمات وبشكل مثير للجدل ..

    - صحيح .. لكننى اتابع بدقة ما يدور ومنذ زمن بعيد بحكم اهتمامى بالتوثيق لما حدث ويحدث .. وقد حان اوان الكلام .. اما حكاية العمالة والجنون , فهى تدل على رعب هؤلاء من الفكرة .. صدقنى حركة (حمد) امتدت فى الجامعات والمعاهد العليا بصورة ادهشتنى انا شخصيا .. شعرت العصابة بخطورة ما اطرح ولذلك كان هذا الهجوم ووضعى فى مصحة للامراض النفسية واشعر انهم يريدون تصفيتى جسديا .. ما هو مفهوم العمالة ؟ .. هم من باع البلد سرا ودفنوا فيها نفايات ذرية ... انا خرجت للعلن .. يا دول العالم المتقدم ويا اصحاب الاستثمارات ويا شركات العولمة الضخمة نحن نريد ان نأكل ونشرب ونعيش فى سلام وان يتم احترام ادميتنا , اذا كنتم تستطيعون ذلك تعالوا واحكمونا فى ظل عدم فساد وعدم تلويث للبيئة .. نريد للراسمالية الحقيقية النظيفة ان تاتى وليس تلك الفاسدة .

    * والسيادة الوطنية يا دكتورة ؟ .

    - ماذا فعلت لنا هذه السيادة يا محترم ؟ هناك كلمات فى القواميس اخذت قدسية وبريق وطهارة ليست فيها مثل استقلال و سيادة وطنية وقطعة قماش يطلقون عليها اسم (علم) .. كل هذا استهبال فاضح وواضح .

    درسنا تاريخ مزور وزائف .. شخصيات فاشلة اصبحت فى التاريخ شخصيات عظيمة وصناع استقلال

    احكى لك حكاية طريفة , ذات مرة وانا استعد لتحضير رسالة الماجستير حاولت الكتابة عن واقعة اغتيال الامام (محمد احمد المهدى) على يد خليفته (عبدالله التعايشى) .. هناك اقوال حول هذا الموضوع وحول تسميم (المهدى) بعد ستة اشهر من سقوط الخرطوم .. لن تتخيل حجم المضايقات والتهديد بعدم اجازة الرسالة و عرفت عندها انهم يريدون الاحتفاظ بهذا التاريخ المزور من اجل حاضر هو ايضا زائف وغير حقيقى ..

    نحن فى السودان نريد حياة رفاهية ورخاء .. نريد مثل مخاليق الله مترو انفاق وسكك حديدية على طراز رفيع وتصنيع غير ملوث للبيئة ومواصلات عامة شبه مجانية ومستشفيات انسانية حديثة فى متناول الجميع .. اما حكاية السيادة الوطنية والقرار الوطنى فهى من اجل ان يظل من كان ينهب اجداده هذه البلد منذ 1956 ان يواصل هو وابنائه واحفاده نهبها الى قيام الساعة .

    * عودة الاستعمار يا دكتورة التاريخ هو الحل ؟ .

    - لو كان لديك اقتراح او حل اخر انا على استعداد لسماعه ... قلت لك هناك كلمات اخذت عكس معناها واحدة منها كلمة استعمار .. ماذا قدم لنا الانجليز ؟ هم نقلونا الى مشارف القرن العشرين .. قدموا لنا سكك حديد .. قدموا لنا تعليم مدنى راقى .. قدموا لنا افضل جهاز خدمة مدنية فى افريقيا .. ازدهرت فى ظلهم المشاريع الزراعية وفنون الغناء والشعر والصحافة الورقية .. عرفت الاسواق معنى النظام والتسعيرة .. عرف السودانى معنى احترام حقوق الحيوان .. الاستعمار هو الذى خلق السودان الحديث .

    اقول لك ان الانجليز قد خلقوا السودان الحديث .. كان هناك استقرار حقيقى للمواطن السودانى .. اهتموا حتى بتدريس (الدايات) حتى لا تعانى المرأة السودانية عند الولادة او تموت .. الاستعمار هو الذى حارب عادة الخفاض الفرعونى بقوة وشدة .. الانجليز يا سيدى قدموا خدمات جليلة لهذا البلد وحاربوا مفهوم عدم تعليم الفتاة السودانية .. تعرف انا شخصيا كانثى سودانية انحنى احتراما للمستعمر الانجليزى..

    انظر للجانب الاخر من الصورة .. ماذا قدمت (المهدية) للسودان ... اهانوا المواطن اهانة يومية ومتعمدة وتعاملوا بعنصرية وعنجهية ضد ابناء ا لشمال .. حاولوا خلق توازن عرقى فى المركز قسرا بنقل اناس من غرب السودان الى امدرمان بالقوة والعنف (رغم رفضهم!!!)

    ادخلوا البلد فى حقبة من الدروشة والغيبيات الدينية والدماء والفقر والجوع واحتقار بدوى ارعن للمرأة السودانية واعتبارها مجرد اداة للمتعة الجنسية .. تخيل انهم ارادوا هزيمة مصر بواسطة جيش جائع مما يدل على غباء عسكرى شنيع وكانت مجزرة يتحملون هم تبعاتها ... لم تقدم (المهدية) اى انجاز على الارض سوى خرافة (السيادة الوطنية) .. لم تقدم غير الصلوات الاجبارية ومن كان يتخلف عن ذلك كان يتم جلده جهارا امام الناس - اى مذلة واى عار هذا - .. هذه هى انجازات الوطنيين فى بلدى .. ومع ذلك مطلوب منى وانا اشاهد كلية غردون التذكارية والسكة حديد ومشروع الجزيرة وشارع النيل والقصر الجمهورى ومبانى كل الوزارات والبنوك ومشاريع الرى المختلفة وتخطيط الخرطوم والخرطوم بحرى وامدرمان - قبل تدميره بواسطة عصابة الاحزاب فيما بعد - والكبارى المختلفة ومجموع القوانيين العلمانية الرائعة التى شرعها المستعمر والتى تحترم حق الانسان والحيوان .. مطلوب منى بعد كل هذا ان اقول للطلبة عندى فى الجامعة ان الانجليز هم مجموعة من اللصوص والاوباش .

    افزع لو تخيلت فرضية ان دراويش (المهدية) قد انتصروا فى (كررى) وهزموا الانجليز .. تخيل كيف سيكون الوضع ؟ ونحن نلبس جلابيب مرقعة وسبحة ضخمة تتدلى من اعناقنا ويتم (طهور) اى اجنبى متواجد فى الوطن مثل ما فعلوا مع (سلاطين باشا) ومن يتعاطى التمباك (تبغ شعبى) يتم جلده وسجنه .

    الانجليز هم اصحاب الفضل فى التنوير والتثقيف العقلانى والحداثة للعقل السودانى ويجب الاعتراف بذلك .. معهم وبهم عرفنا معنى احبار المطبعة .

    لك ان تتخيل ان فترة السيادة الوطنية فى (المهدية) كان الرجل الاول فيها يتحدث عن ان الله وملائكته لم يكن لهم هم غير الوقوف بجواره فى حروبه الغبية شرقا وشمالا !!! فى الوقت الذى كان العالم يستيقظ فيه نحو النهضة والعقلانية كان غارقا فى خزعبلات ما وراء الطبيعة وهو يغرق البلد فى حمامات دم ويرسل القادة ابناء الشمال للموت حتى يتخلص منهم .. (عبدالله التعايشى) هذا هو اعظم ديكتاتور سودانى وهو الذى وضع اساس التفرقة العنصرية فى السودان .

    بعد الاستقلال انعكست الاية واصبح الاقصاء من السلطة يتم بواسطة ابناء الشمال ضد ابناء الغرب والجنوب والشرق .

    الشخصيات الوطنية - وهو تعبير مهذب لعدم وطنيتهم الظاهرة - كانت شخصيات عقيمة همها الاول ممارسة لعبة تحالفات الكراسى .. فتحوا الطريق للراسمالية الطفيلية لامتصاص دم الشعب .. كانوا مهرجى سيرك اكثر من كونهم ساسة ناضجين .. اجهضوا مع سبق الاصرار والترصد كل انجازات الاستعمار الوطنى اكثر منهم ... حافظوا بكل همة على امتيازاتهم ولمعانهم السياسى والشخصى .. وسخوا ثوب الخدمة المدنية التى كانت فى انضباط ساعة (بيج بن) الشهيرة فى لندن .. كانت بداية وطنيتهم القذرة بمذبحة عنبر (جودة) .. كان لدينا ايام الاستعمار الانجليزى الراقى والرائع معا قطار ياتى بالدقيقة والثانية والان وبعد كل هذه السنوات من السيادة الوطنية الجوفاء والخرقاء والحمقاء - هذه ثلاثية هجائية - من الممكن ان تنتظر القطار السودانى عشرين ساعة وفى النهاية لا ياتى لك .

    نحن شعب فاشل .. هذه حقيقة .. شعب لا يعرف كيفية إدراة دولة عصرية حديثة .. وهذه حقيقة اخرى ..

    النخبة السودانية فى الحكومة والمعارضة نخبة فاسدة ومفسدة تعفنت ولا احد يريد دفنها حتى نمنع انتشار الجراثيم والبكتريا .. هؤلاء يا سيدى فى الحكومة والمعارضة على استعداد لبيع (لباسات) امهاتهم الداخلية من اجل منصب وزارى وحفنة من الدولارات الخضراء

    هم ساقطون فكريا ووطنيا .. لو نظرت لهم ولتاريخهم ووضعهم المادى ستعرف كم هم فاسدون

    هناك واقسم بالله على ذلك من تأكل خيولهم (الزبيب) وهو بلا عمل او مصدر دخل معروف .. من اين ؟؟؟؟ .. توزيع ادوار سخيف نحن معارضة وانتم حكومة و غدا العكس .. وفى الحالتين تأكل خيولهم (الزبيب) بينما يموت نصف الشعب جوعا فى الغابات والصحارى وارصفة المدن الاسمنتية .

    ليس هناك عيب على ما اعتقد ان نذهب للمجتمع العالمى ونقول له نحن فشلنا تعالوا ساعدونا.

    انظر الى (اليابان) هى نهضت من ركام الرماد الذرى .. (المانيا) نهضت من وسط انقاض الحرب الكونية الثانية .. (الصين) نهضت وهى صاحبة اعلى معدل كثافة سكانية .. عندنا هنا مياه وانهار واراضى خصبة وهناك جوع قاتل وعطش فى غرب السودان وشرقه واطراف العاصمة .. اى مهزلة واى وطنية وسخة هذه!!!!!!!!!!!!! هل بعد هذا مطلوب منى ان احب واقدس (اسماعيل الازهرى) مثلا او (محمد احمد المحجوب) !!!!! .

    عندما اطالب بوضع السودان تحت الاشراف الدولى فهذا يعنى نقل السودان الى مشارف القرن الحادى والعشرين .. ومن اجل مصلحة اجيال المستقبل .

    معا من اجل ا لغاء التوكيل الباطل وغير الشرعى والمزور لوكلاء المافيا الوطنية الذى انتزعوه عنوة واقتدارا منذ 1956 .

    * وهل يعنى ذلك يا دكتورة ان الانجليز كانوا يعملون من اجل خاطر عيون السودان فقط ؟.. وانهم قطعوا كل تلك المسافة الطويلة فقط من اجل صناعة سودان رائع ؟ انت تعرفين معلومات لا احد فى العالم يعرفها ! .

    - سوف اتغاضى عن روح السخرية والاستهزاء .. ارجو ان تعاملنى باحترام .. انا اطرح افكار قابلة للنقاش .. ارفض قلة الادب فى الحديث معى .. انا استاذة جامعية تذكر هذا.

    * اعتذر بشدة دكتورة .. اعتذر لم اقصد التهكم .. اسف جدا .

    - ok لو تابعت حديثى جيدا لما كنت قد طرحت هذا السؤال .. اعلم ان فن السياسة وغابة المصالح الاقتصادية مجال لا علاقة له بالحب والكراهية هذا تفكير شرقى ساذج .. انا مدركة تماما ان الانجليز وصلوا السودان من اجل مصلحتهم هم فى المقام الاول - تذكر ان رسالتى للدكتوراة هى فى تاريخ السودان الحديث - وانا ضد تزوير التاريخ .. ولكن هم فى المقابل قدموا لنا بمعنى ان المنفعة كانت متبادلة tit for tat .. لم يستفيدوا وتركونا فى العراء كما فعلت الحكومات الوطنية عسكرية كانت ام مدنية .. الانجليز حافظوا على البقرة التى تحلب لهم ... الاحزاب والعسكر قالوا انا ومن بعدى الطوفان .

    اتحدى اى مؤرخ ان يذكر اسم ادارى انجليزى تربح من منصبه اثناء خدمته فى السودان .

    اقول وضع السودان تحت الاشراف والادارة الكاملة الاجنبية وفى المقابل عليهم خلق دولة عصرية وخطوط جوية منضبطة ومستشفى على النمط الغربى الحديث وتعليم حقيقى جاد يرتبط بخطط تنموية وغذاء صحى وفرص عمل وحرية تعبير وتصنيع غير ملوث للبيئة وفى المقابل عليهم الاستفادة ايضا من خيرات وثروات البلد الظاهرة والمخفية .. يعنى باختصار خد وهات

    اعتبرنا يا سيدى فريق كرة قدم كبير والسودان هو دار هذا النادى ونحن جلبنا مدير فنى اجنبى ليصنع لنا بطولة بين شعوب الارض وفى المقابل ياخذ هو راتب مجزى - هذا مثل لتوضيح الفكرة - .

    * يعنى الصراع بين حزب الامة مثلا والاتحادى الديمقراطى والمؤتمر الوطنى والشعبى والحركة الشعبية هو فقط تمثيلية كبيرة .

    - لا .. لا .. هو صراع حقيقى فى لحظات تاريخية معينة .. لكن ليس من اجلنا طبعا بل من اجلهم هم ومن اجل مصالحهم الاقتصادية .

    يا جماعة نريد الاكل معكم والانقلابات العسكرية تقول ( ح أكل براى) بمعنى سوف التهم الثروة والقرار الاقتصادى وحدى .. هذا هو جوهر الصراع .. حول مائدة نهب خيرات الوطن

    عندنا مثل فى السودان يقول (يا فيها يا افسيها) هذا هو شعار الاحزاب والمؤسسة العسكرية منذ ايام (مؤتمر الخريجين) .

    طبعا يضيع فى هذا الصراع صغار اعضاء احزاب هذه المافيا وهم من يدفع ثمن الاعتقال والتعذيب والتشريد من الخدمة المدنية .

    الكبار لا يلمسهم احد على الاطلاق بصورة قد تودى الى ان يفقد حياته .

    ستجد فى كل فترة شعار مضحك للغاية هو شعار توحيد الجبهة الداخلية والمقصود به المشاركة فى الغنيمة بعد اليأس من الاسقاط .. وكذلك شعار توسيع مواعين السلطة .. كلها (فنجطة) استهبال واشتهاء لصنع قرار اقتصادى يصب مباشرة فى جيوبهم .. فعلوا ذلك مع (نميرى) وقبله مع (عبود) والان مع (30 يونيو) .. وحتى ايام جمعياتهم التأسيسية كان جوهر الصراع حول القرار الاقتصادى وحول الية اتخاذ هذا القرار .

    هذه مافيا ارتبطت مع بعضها البعض بالمصاهرة والصفقات المشبوهة و (بيزنس) تحت (التربيزة) ..

    احيانا اضحك عندما اجد من يكتب ان ناس زمان كانوا يضحكون مع بعضهم خارج البرلمان ويشتمون بعضهم داخله .. طبعا المسكين يظن ان هذا قمة الوعى ... هو طبعا وعى ولكنه وعى انهم مافيا فى نفس القارب ومهما كان الاختلاف فان المصالح الاستراتيجية هى فى النهاية واحدة .

    بعد سقوط اى حكومة عسكرية لا احد فى الاحزاب يفتح ملف الفساد .. لماذا ؟؟ لانهم هم ايضا فاسدون .. هناك اتفاق غير مكتوب بينهم ولكنه اصبح عرف سائد واصبح ملزم لهم اكثر من الدستور نفسه .. يا عسكر لا تفتحوا ملفات فسادنا عند استلامك السلطة بعد انقلاب عسكرى ونحن لن نفتح ملفات فسادكم بعد سقوطكم بعد عمرا طويل على يد انتفاضة شعبية ..

    حتى بين صفوف الاحزاب الوطنية لا احد يتكلم عن فساد احد فى الحزب الاخر !!! .

    هم لا يريدون سيادة روح وذهنية محاربة الفساد .. مافيا تعرف كيف تحمى نفسها جيدا يا عزيزى ..

    * سؤال خاص اعتذر عنه مسبقا .. شقيقتك الوحيدة (ميرفت حسب الرسول) ذكرت فى صحف الامس انك مريضة نفسيا منذ فترة طويلة .. وانتى تقولين ان قرار ايداعك المصحة هو قرار سياسى ؟

    - هذا جانب من هلع المافيا من افكارى السياسية ... هم ارادوا محاكمتى بتهمة الخيانة العظمى ولكنهم ادركوا حجم ضغوط منظمات حقوق الانسان .. اخترعوا حكاية مرضى النفسى حتى افقد اى تعاطف داخلى معى .

    عن شقيقتى (ميرفت) هى شقيقتى الوحيدة كما ذكرت وانا احبها جدا .. هى فى النهاية موظفة بنك حكومى وعندها التزامات مادية تجاه ابنائها , ربما هددوها بالفصل .

    اعيش فى حى شعبى هو حى (ابوروف) والجميع يعرف الجميع هناك من الممكن ان تسألهم انا لم اعانى من اى مرض نفسى طيلة حياتى .. افترض معك اننى مريضة نفسيا , اليس من حق المريض النفسى ابداء وجهات نظر فى السياسة والتصويت فى الانتخابات ؟ وتاسيس حركة سياسية ؟ .. اعتقد ان وضعى هنا هو تمهيد لتصفيتى جسديا بعد فترة .

    * هناك يا دكتورة احزاب وحركات بدات تظهر على حياء هل هناك أمل ؟ .

    - لا .. لا .. لا .. لا اعتقد ذلك .. تاريخ السودان الحديث فيه عشرات المحاولات لانشاء فعاليات سياسية .. انتهت للاسف اما بالارتماء فى احضان احزاب المافيا الكبيرة .. او بمغادرة البلد واعتزال السياسة .. او الذوبان فى بحور المعيشة وتربية الابناء .. او حتى الجنون , ولا اقصد نفسى طبعا (تضحك بعمق) ..

    o ظرتى سليمة النخبة السودانية فاشلة بالثلاثة والسوس ينخر فيها .. وضع السودان تحت الانتداب الدولى هو الحل الناجع لوقف نزيف الدم والجوع..

    يجب امتلاك شجاعة طرد كل الممثلين من على خشبة المسرح (كفاية لحدى كده) وتسليم المفاتيح لخبرات اجنبية مشهود لها بالكفاءة فى علوم الادارة .

    * جميع الاحزاب تخلت عنك وعن قضية احتجازك فى مصحة نفسية .

    - المافيا لا تدافع الا عن اعضائها فقط .. هذا قانون معروف .

    * انت تشتمين الشعب السودانى .. هل هناك عاقل يشتم شعبه ؟ .

    - انت كررت كلمة عاقل كثيرا .. وانا اكرر لك انا عاقلة تماما .. انا لا اشتم. انا اشخص الحالة .. نخبة فاشلة وشعب لم يستطع خلق نخبة بديلة طيلة خمسون عاما ولن يستطيع اذا هو شعب فاشل وغير قادر وعاجز .. اين الشتيمة هنا ؟ .

    * هناك ساسة ماتوا فقراء ؟ .

    - صحيح .. هم لم يفهموا قواعد اللعبة التى تدور فى الخفاء والعلن .. وفى النهاية ماذا فعلوا ؟ اين هى انجازاتهم ؟ .

    * فى الختام كلمة اخيرة لمن ؟ .

    - للذين فعلت هذا من اجلهم .. صلوا من اجلى .. انثروا زهور الريحان على قبرى .. احب الريحان وكتب التاريخ .. واحبكم .. صلوا من اجلى احتجازي فى مصحة نفسية .





    عزيزي شاهين
    تحياتي لك
    وصلني أعلاه علي الايميل رأيت نقله هنا لأهمية ما جاء فيه !
    لك الشكر والتقدير
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-22-2009, 00:23 AM

Dr Abdelazim Abdelrahman

تاريخ التسجيل: 12-30-2004
مجموع المشاركات: 311

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ه (Re: خضر حسين خليل)

    وين يا أستاذ شاهين!!!
    ياخى حرام عليك شحتفت روحنا تعال عليك الله سريع تم لينا الرواية دى.
    تحياتى .
    عبدالعظيم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-24-2009, 05:44 PM

Mahjob Abdalla
<aMahjob Abdalla
تاريخ التسجيل: 10-05-2006
مجموع المشاركات: 4960

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ه (Re: Dr Abdelazim Abdelrahman)

    *
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-25-2009, 02:20 AM

عبدالمجيد صالح
<aعبدالمجيد صالح
تاريخ التسجيل: 11-27-2007
مجموع المشاركات: 2904

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ه (Re: Mahjob Abdalla)

    ,
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-01-2009, 10:41 AM

إسماعيل حسن
<aإسماعيل حسن
تاريخ التسجيل: 08-09-2008
مجموع المشاركات: 441

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ه (Re: shaheen shaheen)

    Quote: عندما تقرأ قصة تجعلك تطرح سؤالاً واحداً فقط: هل هذه قصة حقيقة؟
    فاعلم عندها أنّك أمام مبدع حقيقي !!

    ليس فقط طرح السؤال بل تمت طبع لقاء الدكتورة مع صحيفة الشرق الاوسط واصبح محور نقاش يتطاير شرره بين مؤيد ومنتقد ..كيف زولة دكتورة تطالب بعودة الاستعمار؟ ولا يوجد شك ان دكتورة احلام شخصية حقيقية..
    Quote: وجع الجيل الذى اكتب عنه اكبر من كل الحروف .

    متابعين وبشغف شديد يا شاهين ايها الرائع واسع الخيال..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-17-2009, 03:41 PM

عبدالله الشقليني
<aعبدالله الشقليني
تاريخ التسجيل: 03-01-2005
مجموع المشاركات: 11493

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ه (Re: إسماعيل حسن)




    رصاص يضرِب شغاف القلب ..ويرتدْ
    لك سيدي شاهين من الشكر أجزله



    .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-28-2009, 07:45 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: حلم والله علم (Re: عبدالله الشقليني)

    يرفع فوق لتبيان الحد الفاصل ما بين الحقيقة والخيال
    كان اتلقي هذا الحد...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-06-2009, 07:20 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: حلم والله علم (Re: nazar hussien)

    مودتى وتقديرى واحترامى البالغ لكل المداخلات
    شكراً .. شكراً .. شكراً
    شكراً للأساتذة الاجلاء , تحياتى للمداخلات
    اسعدنى اى حرف كُتب فى المداخلات , اشكركم بكل تقدير
    خضر حسين خليل .. محجوب عبدالله .. عبدالمجيد صالح .. أسماعيل عبدالله .. عبدالله الشقلينى .. نزار حسين.
    اى مداخلة هى دفعة معنوية لى للاستمرار فى الكتابة
    شكراً جزيلاً .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-06-2009, 08:43 AM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: حلم والله علم (Re: shaheen shaheen)

    يا قريبي .. واصل .. تسوييق ما لدينا من منتج ممتاز واجب .. ان يشتهر عالميا انسان سوداني واحد فقط ككاتب روائي هو قصور في مقدرتنا علي التسوييق وليس لقلة في المنتج والناتج .. غياب الدولة والمؤسسات العامة والخاصة التي تسوق انتاج المبدعيين (باختلاف تخصصاتهم فنية ادبية علمية مهنية )هو الذي ساهم اساسا في هذا القصور ...ولذا العبء كبير علي المنتج ولكن ادوات الاتصال والنشر الاليكتروني اليوم هي وسيلة متاحة للتعريف بالمنتج والانتاج لحين يسر وتوفر منافذ اخري ...واصل واكييد ستصل ...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-15-2009, 09:26 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: abubakr)

    (26)

    (2) حكايات مرقص سمعان
    اسمع صوت الباب الخارجى وهو يُفتح .. اعرف انها هى القادمة , وقفت على باب (البرندة)
    - مفاجاة .
    تقف مثل كيس قطن .. ترسم علامة الصليب بسرعة
    - هجمتنى .
    - مافى حمدا للرب انى وصلتا بالسلامة ؟ .
    - هجمتنى .. قايلك حرامى .
    تظل واقفة هناك , تنظر لى دون ان تقترب , تُحاول الغبية ان تمارس معى لعبة (شارلوك هولمز) , تُحاول ان تعرف من خلال النظرات ما يدور فى العقل .. كيس قطن منفوخ
    اتجه نحوها .. اضمها بين ذراعى , ترتبك
    - مشتاق ليك يا قديسة .
    - لو مشتاق بالجد يا مرقص ما كنتا عملتا البتعملو فينى .
    نفس رائحة العطر , عطر ( تادرس ميخائيل) المقبور فى نار الجحيم , نفس شعارات (العرص) المدفون تحت الارض .. اضمها بقوة , اعرف مدى حرمانها واحتياجها
    - البنات وين ؟ .. انا جيت من المطار لقيت البيت فاضى .
    - سارة بترجع من الشغل بعد الساعة اربعة .. ونادين بتتأخر فى الجامعة عشان الامتحانات قربت .
    تبتعد عنى وكأنها تتذكر الان فقط
    - انتا مش قلتا انك ح ترجع بعد شهرين ؟ .
    يا (شارلوك هولمز) , انا اعود الان للدجاجة , تحتها تماما بيضة الذهب التى اريدها
    اعود لضمها من جديد
    - ما قدرتا يا دكتورة , شعرتا فجأة انى محتاج ليك .
    امسح على ظهرها بيدى فى نعومة , اعرف انها تحب هذه الطريقة , تجعل الشبق ينخر بين افخاذها السمينة , يبدأ صوتها فى الخوفت , ذلك الخوفت الانثوى الماكر
    - حرام عليك يا مرقص , وحاة العذراء البتعملو فينى ده حرام .
    فقط يا قديسة الكتاب المقدس , فقط لو استطعت ان انتزعك من هنا , نرحل يا حمقاء , نبتعد عن هذه القذارة , هى ليست لنا فى نهاية المطاف , لدينا الفرصة للهرب
    اهمس لها
    - مشتاق ليك والمسيح .
    تنزلق يدى من الظهر الى المؤخرة تتحرك من اليمين الى اليسار وتتوقف قليلا فى تجويف المنتصف الخلفى
    - انتى انسانة عنيدة يا احلام .
    - مفروض نحاول نفهم بعض يا مرقص .. السنين دى كلها واحنا ما قادرين نوصل ارضية مشتركة نقيف فيها سوا .
    كلام المثقفين البلهاء - الارضية المشتركة ! - , يا عاهرتى المنفوخة , النقود تتكلم وتمشى على ساقين , هى التى تدير العالم من حولك , من الخراء الى الخراء .. (يهوذا) سلم (المسيح) ولم ينشغل كثيراُ بالارضية المشتركة !
    - انتا انسان كويس يا مرقص , صدقنى معدنك كويس , لو حبيت الرب ممكن تتغير كتير .. عارف كده ؟ .
    - انا ما زول كعب يا احلام انا بس واقعى شوية , وانتى خيالية عايزنا نعيش زى الام تيريزا .. بس انا ما بقدر ابعد عنك .
    تعبت يدى من الحركة المكوكية على كرة الشحم والدهون الخلفية .. هاهاهاها , يدك داخل تجويف انثى , وهى تلقى عليك وعظ يوم (الاحد) الكنسى .. خراء , خراء , خراء , هذا هو شعار الدولة الرسمى , وهذا هو شعارى
    تعبت من الوقوف
    - انتو بيتكم ده مافيهو سرير فاضى ؟ .. عندى كلام ما ينفع يتقال الا فى السرير .
    تقرصنى فى خدى
    - قليل ادب يا ولد .. بقيت ضعيف ووشك لونو باهت , اكيد نسوان امريكا ما قصرتا معاهم .
    اكرهها عندما تحاول ان تعود الى غنج فتيات بدايات العشرين .. تتحول الى مسخرة , هل تعرف ان قطرات الانوثة قد بدأت فى الانسحاب من الجسد المنفوخ ؟ .
    - معقول اقدر اخونك مع زولة تانية يا احلام حياتى .
    تحاول الافلات من ذراعى
    - دقيقة بس استحما يا ولد .. انا جاية من بره ريحتى كلها عرق .
    - انتى عارفة كويس انا بحب ريحة عرقك .
    اتجه بها نحو اقرب (سرير) .. اتذكر فيلماً مصرياً قديماً انكسر فيه (السرير) والبطل يرقد مع البطلة .. هاهاهاها , اريد ان اضحك , يجب ان استشير طبيباً نفسياً , لماذا تنتابنى رغبة الضحك فى اللحظات الحميمة ؟
    - بتعرفى ليك دكتور امراض نفسية شاطر ؟ .
    - ليه ؟ .
    - عشان يعالجنى منك .
    اتوه فى مستنقع اللحم والشحوم , ليعطنى الرب القدرة لو كان موجوداً فى السماء
    - لا .. مرقص دقيقة .. باب الشارع مفتوح , مرقص .
    لماذا تنتابنى رغبة الضحك فى اللحظات الحميمة ؟ .
    (اواصل)
    ......
    شاهين.

    (عدل بواسطة shaheen shaheen on 09-08-2009, 11:26 AM)
    (عدل بواسطة shaheen shaheen on 09-08-2009, 11:35 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-15-2009, 09:59 AM

الواثق تاج السر عبدالله
<aالواثق تاج السر عبدالله
تاريخ التسجيل: 04-15-2004
مجموع المشاركات: 2120

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    نتابع
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-15-2009, 06:58 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: الواثق تاج السر عبدالله)

    مهندس ابوبكر .. شكرا , شكرا
    اخجلتنى بكلامك الرقيق هنا وهناك .. شكرا جزيلا
    *
    أ/ تاج السر .. شكرا
    كل التقدير والمودة لمتابعة ما اكتب
    تحياتى لكما وتقديرى العميق .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-16-2009, 05:51 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    ورقة من اوراق دكتورة احلام حسب الرسول كتبتها فى مصحة للامراض النفسية والعصبية قبل مقتلها فى ظروف غامضة

    (كررى) هى مشكلتى الشخصية .. اُحدق جيداً فيما قيل حولها , اُنقب فى دار الوثائق وفى المكتبات القديمة
    اى قيادة عسكرية رشيدة تعرف متى يجب ان تستسلم ومتى يجب ان تتراجع وترفض خوض معركة .. لا يمكن ان تدخل معركة تعرف جيداً انها ستسحق عظامك .. هذه ليست بطولة , هذا غباء متناهى
    اليابان خلال الحرب الكونية الثانية , اختارت الاستسلام , كانت خطوة ذكية للغاية , (ركوب الراس) كان سيعنى مواصلة القاء القنابل الذرية عليها وفناء اعداد اكثر من البشر
    قرار الحرب ليس قراراً شخصياً حتى يتم اعلانه بشعارات الاسد الذى يأكل النار والفارس (الضكر) (اخو البنات) .. لا يمكن ان يتم وصف ما حدث فى (كررى) الا على ان (التعايشى) قد قدم ارواح برئية دون اى داعى للمحرقة
    المساكين , حتى الية عمل (المدفع) لم يكن لديهم ادنى فكرة عنها , كانوا يعتقدون ان (حشر) الراس فى الفُوهة المعدنية المستديرة كافى لايقاف (الدانة) من الانطلاق !
    لو كان الدراويش قد انتصروا فى تلك المعركة ؟ اى دولة ظلامية كانت ستعشعش فينا ؟
    (يونس ود الدكيم) مات وهو لم يتذوق (اللحم الابيض) للملكة البريطانية
    - ان اسلمتى امنتى شرنا وزوجناك الامير يونس ود الدكيم .
    اتخيل الملكة البريطانية وهى تخضع لعملية (طهور) اجبارية .. وهى (تعوس الكسرة) وتثرثر مع الجارات (الامدرمانيات) فى انتظار عودة زوجها الغالى (ود الدكيم) المشغول بنشر تعاليم الاسلام فى ارجاء المعمورة !
    (كررى) هى مشكلتى الشخصية والاكاديمية .
    د/ احلام حسب الرسول عابدين .

    (عدل بواسطة shaheen shaheen on 09-08-2009, 11:09 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-17-2009, 07:24 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    (27)

    (4) حكايات احلام حسب الرسول (احلام الصول)

    - يلا يا جلكنة .. عشان مفروض القبطية ح تكون منتظرنا فى المستوصف الساعة خمسة .
    تجلس على سجادة الصلاة .. تضع بين رجليها الكتاب الكريم , رفعت فى وجهى عينان مغرورقتان بالماء المالح
    - ده شنو بتبكى ؟ .. يا بت يا عويرة .
    - صدق الله العظيم .
    رفعت يديها نحو السماء
    - عشان بناتى يا رب , عشان حليمة وسعدية يا رب .. بس يتزوجوا ويستقروا .. عشانهم يا رب , انا ما عايزة حاجة من الدنيا وما بطلب كتير .. ما تخلينى اموت هسع .. يا رب , يا رب .
    اجلس جوارها على الارض .. اضع راسها على صدرى
    - انتى يا جلكنة زمان ايام الجامعة كنتى بتقولى لى انا زى امك .. وهسع انا بقيت امك يا بت يا جرسة .
    - خايفة والله العظيم .. خايفة يا بت الصول على البنات , ابوهم انسان ما محترم طفشان فى ليبيا ما عارفين كان عايش ولا ميت .. ما عندهم زول غيرى , ما عندهم يا بت الصول .. والزمن قاسى ما بيرحم .
    - ح تعيشى يا جلكنة .. والله العظيم ح تعيشى , وبكرة اذكرك ونحنا بنرقص عشرة بلدى فى عرس حليمة وسعدية .. ح تعيشى وتشوفى اولاد بناتك .. صدقينى .
    - والحلم يا بت الصول ؟ .
    اصبحت لا احلم .. استيقظ صباحاً ولا اجد بقايا احلام فى الذاكرة الكسول
    - انتى انسانة متعلمة يا جلكنة , الوحيدة فينا العلمت نفسها بنفسها .. معقول استاذة تاريخ قدر الدنيا تكون مصدقة قصة الاحلام البتتحقق ؟ .. طيب الزولة الجاهلة تعمل شنو ؟ .
    هذه هى اللحظة الفارقة , نقطة الضعف البشرية .. رغم كل الضجيج والشكوى اليومية والتذمر من الحياة , يبقى التشبث هو الشعور الطبيعى .. غريزة البقاء على قيد الحياة هى الاولى فوق كل الغرائز .. الخوف من ذلك العالم الاخر , حيث الظلام و (الديدان) والوحدة الخانقة
    - عملية بسيطة زى دى تخليك كده ؟ .. زى ما قالت ليك القبطية هى عملية اقل من ساعة , وبعد اسبوعين راحة فى السرير ح تبقى زى الحصان .
    - عايزة اشوف منعم يا احلام .
    - منعم منو ؟ .. الزول الزمان داك ؟ .
    - الزول الحملتا منه بالحرام .
    - جلكنة shut up .. يلا قومى , ميرفت ح تجينا من البنك , والبعثية ح تكون هسع مع القبطية فى المستوصف .
    - غير عملية الاجهاض دى اول مرة فى حياتى اعمل عملية فى مستشفى .. اول مرة يا بت الصول .. انا الظاهر على كبرتا بالجد .
    - انتى كبرتى يا بت من زمان .
    - عايزة المصحف يكون معاى فى اوضة العملية .
    - مافى مشكلة .. قبطية ح تعمل العملية , ومصحف تحت راس المريضة .. وحدة وطنية , هاهاهاها .
    - توكلت عليك يا علام الغيوب .. توكلت عليك .. بسم الله الرحمن الرحيم .
    ونحن ننهض سوياً من سجادة الصلاة .. ادركت انها سوف تموت .
    (اواصل)
    ......
    شاهين.

    (عدل بواسطة shaheen shaheen on 09-29-2009, 10:07 AM)
    (عدل بواسطة shaheen shaheen on 09-30-2009, 12:12 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-17-2009, 08:56 AM

الطيب عبد الرحيم خلف الله
<aالطيب عبد الرحيم خلف الله
تاريخ التسجيل: 07-07-2006
مجموع المشاركات: 1030

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    Quote: غريزة البقاء على قيد الحياة هى الاولى فوق كل الغرائز


    لعلنا أخي شاهين نتلمس قدسية هذه الغريزة في أعمالك التشكيلية،

    أحببت أن أحيي من خلال أعمالك ذاكرة الإنسان الفنان شحتو في لوحته (يموت البعض لأجل الآخرين) some must die for others to live

    ولك كل مودة مستوحاة من شفافيتك.

    دمت



    (عدل بواسطة الطيب عبد الرحيم خلف الله on 05-17-2009, 10:50 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-17-2009, 01:03 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: الطيب عبد الرحيم خلف الله)

    (28)

    (1) حكايات بدرالدين العجب المحامى

    - يعنى الا نحنا نسأل عنك يا شيخنا ؟ .
    اعرف انهم لن يتركونى فى حالى .. انشبك سقف حلقى فى طرف حديد سنارتهم المدببة الحاد , اصبحت تحت رحمتهم تماما
    - ما فى انتخابات محامين قريبة !! .
    - هو انتا الا تخدم الجهاز فى انتخابات المحامين ؟ .
    لعبت معهم اللعبة الاولى .. كان الافق مسدود فى وجهى انا ابن الطبقة الكادحة , اول انتخابات للمحامين فى عهدهم , اختارونى انا العبد الفقير لله , صديق الجبهة الديمقراطية القديم فى جامعة القاهرة فرع الخرطوم .. فقط الرصد , هم قالوا لى ذلك
    - ارصد لينا بس الناس .. منو لسه شيوعى ؟ , ومنو زح من الشغلانة .. منو لسه متحمس ؟ ومنو رمى كلام السياسة وراء ضهرو ؟ .. يعنى انتا زول طموح يا بدرالدين واحنا ممكن نساعدك شديد , زول زيك لازم يكون عندو مكتب محاماة فى شارع محترم فى قلب الخرطوم مش مكتب كان اساسا دكان بقالة فى شارع واحد فى الحاج يوسف .
    لعبت معهم لعبة الرصد الاولى والثانية .. والثمن مكتب صغير انيق فى شارع (الجمهورية) .. ثم ماذا بعد هذا ؟
    هم من قالوا لى ان ابتعد
    - ما عايزين تعمل اى علاقة شخصية مع اى كادر اسلامى من المحامين .. خليك كده فى الصورة بدرالدين العجب المحامى المشهور واليسارى المتمرد على الحكومة واحزاب المعارضة , كل فترة اكتب فى الجرايد اشتم فى الحكومة وطالب بالديمقراطية واهمية الليبرالية السياسية فى الساحة الداخلية والكلام الكبير كبير بتاع خولات المعارضة .. المهم ما تتحرق .. ما عايزين اى ريحة فى انو ليك علاقة بالجهاز , يمكن نحتاج نزرعك فى مكان مهم .
    اعرف انهم لن يتركونى فى حالى
    يجلس امامى صاحب العيون الجاحظة والصوت الاجش , تتجسد فيه كل صفات رجل الامن الكلاسيكى بحذافيرها لم يبقى له الا الصحيفة اليومية المثقوبة ينظر فيها من خلال الثقب لمراقبة الناس
    - انتا غيرتا السكرتيرة ؟ .
    ابلع لُعابى بصعوبة
    - السكرتيرة الاولى سافرت مدنى .
    - سافرت بعد ما حملت منك .. ولا قبل ما تحمل منك ؟ .
    ابلع لُعابى بصعوبة
    ينشغل هو بتفحص نموذج تمثال (ابو الهول) النحاسى الموجود على سطح مكتبى
    - ده شنو ؟ .
    - تمثال ابو الهول .
    - من هنا ولا من مصر ؟ .
    - اشتريتو من مصر .. خان الخليلى .
    - لما تمشى تانى جيب لى واحد زايو هدية .. عندى بت اختى بتدرس أثار فى جامعة الخرطوم .
    ماذا يريد ؟
    - ناس الجهاز زعلانين منك شديد يا بدرالدين .. يعنى قصة المحامى البيقوم يحمل سكرتيرتو دى حاجة ما مناسبة معاك , احنا عايزنك تكون اكبر من كده مش محامى شماسى زى السماسرة الحايمين فى السوق العربى .
    - انا الموضوع ده ...
    - الموضوع ده تانى ما يتكرر .. مليون الف مرة قلنا ليك عايزنك فى صورة ما مهزوزة , مناضل شريف متحمس بيحب القضية وقلبو على البلد .. عايزين صورة المحامى اليسارى الوطنى .. الموضوع ده تانى ما يتكرر مفهوم ؟ .
    - مفهوم .
    - لو داير تلعب خليك حريف .. ما تخلى المسألة تبقى فضيحة .
    ماذا يريد ؟
    - فى زولة يا بدرالدين اسمها احلام حسب الرسول عابدين , هى خريجة الفرع سنة 1988 من كلية اداب نفس السنة بتاعتك .. بتعرف الزولة دى ؟ .
    - الفرع زمان كانت زى حوش البقر .. وما كان عندى علاقات صداقة مع ناس اداب الا ناس الجبهة الديمقراطية .
    - المهم .. الزولة دى هسع محاضر فى جامعة النيلين , هى عندها دكتوراة فى التاريخ .
    هناك مصيبة قادمة فى الطريق .. اعرف انهم لن يتركونى فى حالى
    - ده كتاب اسمو (محمد احمد المحجوب سياسى ومثقف فاشل) من تأليف البت الدكتورة احلام .. عايزك تقرأ الكتاب ده , وخلال اسبوع تحفظو لى صم .
    - ما فهمتا ! .
    - ح تفهم .. شوية , شوية .. ما تستعجل , المهم خلال اسبوع تحفظ الكتاب وبعد كده ح نتناقش .. الناس زهجانة يا بدرالدين عايزة حاجة تشغلها .. عايزين action , موضوع غير موضوع دارفور واتفاقية السلام الشامل والغلاء والبطالة والكلام المسيخ ده .
    ما الذى يحدث فى (خرطوم) الفيل القذرة ؟
    - وبعدين عليك الله لما تسافر مصر جيب لى معاك تمثال زى ده .
    (اواصل)
    ......
    شاهين.

    (عدل بواسطة shaheen shaheen on 09-29-2009, 10:22 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-17-2009, 05:52 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    (29)

    (1) حكايات شاهندة

    - الو .. اهلا مامى , انا كويسة انتى كيفك ؟ .
    - معقول يا شاهى ؟ .. مليون الف مرة قلتا ليك ما تقفلى الموبايل بتاعك .
    مذعورة , ومرعوبة .. خائفة من الذهاب للكشف الطبى , اتحدث مع امى وانا انظر فى زجاج (السنترال) المصقول , هالات سوداء رسمت شكل هلال داكن حول العينين .. هل اُخبرها بالحقيقة ؟
    - معليش مامى انا كنتا مشغولة شوية فى الجامعة والموبايل بتاعى كان فيهو مشكلة وما كنتا فاضية عشان اشترى جهاز جديد .
    - انا قربتا اجن يا شاهى .. اسبوعين بحاول اتصل بيك وما قادرة , اتصلتا بيك فى التلفون الثابت بتاع شقة الزمالك مافى زول بيرفع السماعة .
    - انا خليت شقة الزمالك .. وقاعدة هسع فى شقة فى منيل الروضة مع طالبة سودانية معاى فى business administration .
    ماذا افعل الان ؟ .. احتجزوا (جونى) فى المستشفى , اكتشفوا اصابته (بالايدز) , وانا حامل منه فى شهرى الخامس .. ثلاثة منا اكتشفوا اصابتهم (بالايدز) , لم انم جيداً منذ اسبوعين
    عناوين الصحف المصرية التى احتفظت بها , (القبض على شبكة عبدة الشيطان ) .. (طلاب فى الجامعة الامريكية , مصريين وعرب وافارقة يعبدون الشيطان) .. (طالب فى الجامعة الامريكية من السنغال يقوم بانشاء خلية لعبادة الشيطان) .. (علماء اجتماع واطباء نفسيين يحللون ظاهرة عبادة الشيطان بين قطاعات الشباب والمراهقين) .. (نيابة أمن الدولة العليا تواصل التحقيق مع الطالب السنغالى .. والكشف الطبى يثبت اصابته بمرض الايدز)
    هربت من شقة (الزمالك) .. اعرف انهم يبحثون عنى الان , اغلقت هاتفى المحمول
    - ما ح تجى مصر قريب يا ماما ؟ .. انا محتاجة ليك شديد .
    - فى شنو يا شاهندة ؟ .. صوتك تعبان حبيبتى .. انتى عيانة ؟ .
    - انا فى مشكلة كبيرة يا ماما , مشكلة كبيرة .
    - فى شنو يا شاهندة ؟ .. اتكلمى .
    - ما ح اقدر اتكلم معاك هسع , بضرب ليك باليل , لا , لا , انا بتكلم معاك من السنترال , الموبايل بتاعى لسه بايظ .. ماما خلاص ارجوك , معليش , معليش .. انا اعصابى تعبانة من المذاكرة .
    ظهيرة (القاهرة) خانقة , السيارات المتكدسة تنفس سمومها على وجهى .. اعرف انهم يبحثون عنى فى كل شبر , اعرف انهم ربما يرصدون مكالمتى مع امى فى (السودان) .
    (نرجس) الخادمة الاولى , هى التى وفرت لى هذا الغرفة الصغيرة فى (بولاق الدكرور) .. الحمد لله اننى عاملتها جيدا ووقفت معها مادياً ومعنوياً فى محنة مرضها قبل سنتين , وها هى ترد الجميل مثل اى فلاحة حرة واصيلة
    حديثى مع امى اراحنى نفسياً .. اريد ان امهد لها جبال المصائب , خطوة , خطوة .. اعرف انها قوية , امرأة خارقة , شعور داخلى عميق انها سوف تنقذنى من هذه المشكلة .
    فكرة انتقال عدوى (الايدز) الى جسدى تقتلنى .. متاعب الحمل الصحية والنفسية , ومتاعب القلق من المرض اللعين , والخوف من القاء القبض على .. فقدت وزنى خلال ايام , اصبح (بنطلون الجينز) ينزلق من خصرى بكل سهولة
    عندما خرجت من (سنترال نص البلد) واجهتنى شمس قوية حارقة , ارتديت نظارتى السوداء المصنوعة فى (ايطاليا) , وتحركت بثقة بين كتل الزحام البشرية , صوت (احلام الطيب بانقا) سيدة الأعمال القوية اعاد الى دواخلى التوازن , مع وجودها فى الدنيا اعرف ان ليس هناك مشاكل بدون حل
    وقفت امام اول (كشك) صادفنى , نظرت لصاحبه فى تحدى
    - علبة روثمان والنبى يا ريس .
    - حاضر يا سمارة .. بس اعملى حسابك التدخين ضار جدا بالصحة .
    - والنبى بلاش خفة دم .. انا مش نقصاك .
    (اواصل)
    ......
    شاهين.

    (عدل بواسطة shaheen shaheen on 09-29-2009, 10:39 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-18-2009, 09:13 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-18-2009, 02:33 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    أ/ مبارك محمد
    واولاً اعتذر لك بشدة لعدم الرد على مداخلتك , يبدو انها كُتبت بتاريخ حديث بعيدا عن التسلسل لذلك لم انتبه لها
    اعتذر بشدة , وشكرا .. شكرا على كلماتك الرقيقة
    Quote: فضح القهر والتوق للانفلات من القبضة الحاكمة التي تشد الكائن البشري للأرض

    اعجبتنى هذه العبارة فى المداخلة
    شكرا .. واعتذر لك بشدة
    *
    تحياتى أ/ الطيب عبد الرحيم
    Quote: لعلنا أخي شاهين نتلمس قدسية هذه الغريزة في أعمالك التشكيلية،

    عفواً اللوحات فى الرواية هى من اختيارى فقط وهى اعمال اخرين على الشبكة العنكبوتية .
    كل التقدير والود على المداخلة .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-19-2009, 08:40 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    (30)

    (1) حكايات الطاهر شقلا

    - يعنى اعتبر انك مرسال من الجماعة ؟ .
    - جماعة منو ؟ .. يا شيخ الطاهر انا تلميذك وبتكلم معاك عشان بحبك وبحترمك ؟ .
    - لسه فى زول بيحب زول ويحترمو فى الحركة الاسلامية ؟ .
    - السلطة غيرتنا يا شيخ .. دى غلطتكم انتم كرموز تاريخية للحركة , كان مفروض الرأى بتاع عدم الانقلاب واننا نلعب بالطريقة الديمقراطية زى التيار الاسلامى فى تركيا هو الينتصر .
    - الحصل حصل .. وبعدين ما تحاكم التاريخ بالحاضر , الوقت داك كان لازم يحصل الانقلاب , تعرف زى الثورة البلشفية فى روسيا , وبعد كده اى اخطاء بتحصل خلال الحكم بتكون اخطاء الناس ومش نتيجة استلام السلطة .
    - انا خايف عليك يا شيخ الطاهر .
    - يا مهند يا ولدى .. انا من الستينات , من ما فرغت روحى وعقلى للحركة الاسلامية وانا بمشى على الاشواك .. مستعد لاى حاجة تحصل لى , انا ما بخاف .. الحركة الاسلامية جهاد مستمر ومش كراسى وثيرة ومكاتب مكندشة وعربات وفساد وحسابات فى بنوك سويسرا .. الاسلام مستهدف عالميا .
    - لسه علاقتك كويسة مع شيخ حسن ؟ .
    - انتا فى ياتو جهاز يا مهند ؟ .
    - يا شيخ الطاهر دى اهانة انا ما بقبلها .. انا هسع ما عندى اى علاقة بالسلطة , متفرغ للمغلق بتاعى فى السجانة , ومحبط من الانقسام والكراهية والضرب تحت الحزام البيحصل لناس الحركة الاسلامية , لسه علاقتى كويسة مع الطرفين , الشباب بيثقوا فينى وطوالى بيتونسوا معاى , بسمع انهم ما مرتاحين منك .
    - الما مرتاح منو ؟ .. ناس شيخ حسن ؟ .. ولا ناس شيخ على ؟ .
    - الاتنين .
    - خلاص اعتبرونى حركة اسلامية قطاع خاص .
    - انا بتكلم بالجد يا شيخ الطاهر .. قالوا انتا ما مرن , وعندك علاقات خارجية ممكن تعمل ليهم مشاكل .
    - علاقات خارجية مع منو ؟ .
    - اتكلموا عن ايران .. واتكلموا عن اسامة بن لادن .
    - ده كلام فارغ .. يعنى لازم امشى اصلى فى البيت الابيض عشان ابقى سياسى اسلامى عصرى زيهم ؟ .
    - هم قالوا شيخ الطاهر شقلا لسه ما عارف الفرق بين التكتيك السياسى والثورية الضارة .
    - هاهاهاها .. والله العظيم دى مشكلة .. خلاص عليك الله قول ليهم يفتحوا لى مدرسة خاصة اتعلم فيها .
    - عندى شعور انهم ما مرتاحين منك عشان انتا ما فاسد .
    - الفساد ده كسر عين يا مهند .. وانا داير اعاين فى وش اى زول بعيون ما مكسورة .
    - فى زول اتكلم معاى امبارح وقال انتا واحد من الناس المرصودين على مدار 24 ساعة يوميا .
    - انا عارف .. انا عارف يا مهند , عارف تلفونى مرصود , عارف انو بيتى مراقب .. لكن مافى زول بيقدر على .
    - خلى بالك من روحك .. الناس ديل زى الاسد المجروح .
    - اى زول يفتح خشمو ويتكلم عن علاقتى مع شيخ اسامة قول ليهو قروش اسامة مشت وين .. الناس ديل يا مهند سرقوا القروش الدخلت معاهو السودان , سرقوا منه مشاريعو , ودى ما دخلت فى ميزانية الدولة , يعنى مشت وين ؟ .
    - ما عايزين نخسرك فى حادث حركة يا شيخ الطاهر .
    - هاهاهاها .. جزاك الله خير يا مهند يا ولدى .. انا بعرف اسوق كويس جدا .
    (اواصل)
    ......
    شاهين.

    (عدل بواسطة shaheen shaheen on 09-29-2009, 10:58 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-19-2009, 12:19 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    ورقة من اوراق دكتورة احلام حسب الرسول كتبتها فى مصحة للامراض النفسية والعصبية قبل مقتلها فى ظروف غامضة


    ذرات الغبار
    وعاصمة ملوثة
    هذا هو جنون نخبة السيادة الوطنية , اصحاب قطعة القماش الحمقاء الملونة التى تُرفرف اعلى القصر الجمهورى - هل يتم غسلها بصورة دورية ؟ - .. جنون سادة برنامج (صباح الخير يا وطنى) الاذاعى
    نزعوا الغطاء النباتى حول العاصمة .. الاحزمة الخضراء التى كانت تحمى من العواصف الترابية , وزعوا مناطق سكنية فى اماكنها , تركوا الناس تستقر فى مناطق مجارى السيول الطبيعية !
    اعتبروا التخطيط تراث اشتراكى بغيط !
    الان وانا اكتب , هناك فى الخارج عاصفة ترابية هوجاء .. ذكرتنى بالاعياد
    وقفة عيد فطر بعيد .. غسلنا المنزل انا و (ميرفت) , وانشغلت حاجة (زينب) مع جارة ثرثارة فى اتمام مراسم الخبيز المُرهقة .. اتخذ ابى صول البوليس المتقاعد ركنا قصيا جالسا على سجادته المزركشة وهو يودع اخر ايام الشهر الفضيل بهمهمات باكية شجية , نهضنا قرب الفجر على نفس هذه العاصفة الترابية وقد رسمتنا فى (مراتب) السرير وعلى (المخدات) كائنات رملية قادمة من كوكب (المريخ) , تحول (الخبيز) الى رمل , كنا نضحك انا و (ميرفت) عندما ننظر الى وجوه بعضنا , نضحك على بكاء امى
    - العن ابو البلد دى .
    عيد اضحى , نستعد لزيارة تعارف .. زميل (ميرفت) فى البنك , زيارة لتقديم اوراق اعتماد عريس المستقبل السعيد , حشد من الاهل وبعض الجيران المقربين , طعام وحلوى وزجاجات مياه غازية كثيرة اصطدم بها عند دخولى (المطبخ) .. اقرص (ميرفت) فى (رُكبتها) اليمنى
    - عشان احصلك فى دخلتك .
    - عقبالك يا ليمة .
    يمر الوقت ويبداء القلق
    - الناس ديل اتأخروا .. حاصل شنو ؟ .
    ثم جاء الخبر .. والدة العريس رافضة لهذا الزواج , سقطت فى اللحظة المناسبة تماماً بازمة قلبية , وحفاظاً على حياتها الغالية انسحب العريس من المشروع
    كانت لحظة قاسية , لحظة تعرف فيها اى انحطاط بشرى وصلنا اليه يا ابنة ابى وامى .. تغيرت (ميرفت) منذ ذلك اليوم , تغيرت كثيراً
    فى لحظة خروج الناس من منزلنا , هبت عاصفة ترابية , ربما حتى تُعطى للمشهد ابعاده التراجيدية المطلوبة فى مثل هذه المواقف العصية على النسيان
    (ميرفت) نظرت لنا وقالت جملتها الخالدة
    - امشوا ارموا الاكل ده فى الكوشة .
    ظللنا نداعبها طويلاً بهذه الجملة
    وحتى الان ظلت تُغلق على نفسها الباب عندما تهب العواصف الترابية
    احبها .. هى الاصغر والاحلى
    واتساءل لماذا صرحت للصحف اليومية اننى مريضة نفسيا ؟ .
    اكتب لها الان واقول كما ظللت دوماً
    - اوعى تخلى الماضى يسيطر عليك .. التاريخ الشخصى والعام يا ميرفت عشان نتعلم منه , ما عشان يتحكم فينا .
    د/ احلام حسب الرسول عابدين .

    (عدل بواسطة shaheen shaheen on 09-29-2009, 11:09 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-20-2009, 10:55 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    (31)

    (4) حكايات احلام الحاج (احلام البعثية)

    غفوت على مقعد صالة الانتظار فى المستوصف الخاص .. غفوت و (بت الصول) تتحدث معى , من المرات النادرة التى انام فيها فى مكان عام .. المرة الاولى كانت فى مبانى جهاز الامن فى واحدة من الاعتقالات المهينة , استيقظت فيها على صفة قوية فى مقدمة راسى
    - كمان نايمة يا شكشوكة ! .. لو عايزة اوضة نوم عندنا هنا جوه .
    - اوعك تضربنى او تتكلم معاى باللهجة دى .. انا انسانة محترمة .
    - يعنى زولة راجلها عيالتى , ح تكون محترمة كيف ؟ .. ما لازم تكون شكشوكة .
    غفوت ورأيت (النذير) فى المنام , لم اشعر اطلاقا انه (مثلى) .. قال لى خلال النوم المتقطع انها (نزوة) , تحدثنا بعصبية حول من يحمل اسمه الى الابد
    - رامى النذير جلال الدين .
    - احلام .. احلام .. لو تعبانة ممكن تمشى البيت .
    استيقظت على رائحة (تبغ) قوية , و (احلام الصول) تضع يدها على كتفى
    - انتى بتدخنى يا بت الصول ؟ .
    - مرة , مرة .. خاصة لما اكون قلقانة شديد .
    - غريبة اول مرة اعرف المعلومة دى ! .
    ادهشتنى المعلومة .. هى مثل جبل الثلج , اغوص فى مياه محيطها واكتشف اشياء جديدة لا تبدو على السطح
    لم تتحدث معى اطلاقا عن انها نشرت كتاب من تأليفها .. وجدته صدفة عند بائع للصحف اليومية , (محمد احمد المحجوب سياسى ومثقف فاشل) كان اسمها بخط كبير على الجانب الايمن للكتاب (د/ احلام حسب الرسول عابدين) .. صدمنى الكتاب , صدمنى الحل المقترح لفشل النخب من طلائع (البرجوازية) السودانية الداعرة , عودة (الاستعمار) من جديد .. كانت اثار الهجمة الهمجية على (العراق) طرية فى قلبى , ذهبت اليها فى الجامعة واشتبكنا فى نقاش مرير , اشتبكنا لفظيا حول مفهوم (الامبريالية) ومعنى (العولمة) , لم اشعر بنفسى الا وانا اقذف الكتاب فى وجهها
    - ده كلام فارغ , لعب عيال .. عارفة يا بت الصول مشكلة الناس الاكاديمين لما يخشوا المجال السياسى انهم بيفتكروا انو شهادات الدكتوراة دى جواز مرور عشان يفهموا الناس الاغبياء الطريق الصحيح .. والغريب انو الاكاديمين هم ذاتم ما عارفين الطريق الصحيح .
    انتفضت من على مقعدها مثل عصفور صغير يتعلم الطيران
    - بعد اذنك يا احلام الحاج .. ممكن تتفضلى بره عشان عندى محاضرة .
    - بتطردينى من مكتبك يا بت الصول ؟ .
    وانا اخرج , عرفت ان الصداقة بيننا قد انتهت .. وفى مساء نفس اليوم وجدتها بين احضانى فى منزل ابى , بكينا وتبادلنا قبلات واعتذارات راقية رقيقة , ولم نتحدث بعدها فى السياسة مطلقاً
    - ممكن تمشى البيت .
    - لا ما مشكلة , بنتظر معاك عشان جلكنة ما تزعل .
    - انا خايفة عليها يا احلام .. جلكنة دى احسن واحدة فينا .. عارفة , الذ حاجة فيها انها انسانة واقعية , ما عندها اسئلة او طلبات كتيرة فى الدنيا .
    - مرات يا بت الصول الاسئلة بتبقى عبء .. انا بحسد الناس الماشية فى الشارع , مرات كده بكون راكبة فى المواصلات واعاين للناس واقول فى سرى يا ربى ديل مرة واحدة فى حياتم فكروا فى قضية فلسفية مهمة .
    - رامى كيف ؟ .
    - تمام .. رامى ده معنى حياتى , لو ما هو انا من زمان كنتا انتحرتا .
    - عارفة , كنتا اتمنى يكون عندى ولد وبت , واحدة من احلامى القديمة المنسية , انسان يحبنى واسرة صغيرة نقعد قدام التليفزيون ونتفرج على المسلسل ونحنا بنشرب الشاى .
    - اى حاجة ممكن تتحقق .. انشاء الله .
    - too late يا بعثية .. too late .
    - يا بت بلا too late معاك .
    من بعيد كانت (احلام القبطية) تلوح لنا , ترتدى زى العمليات (الاخضر)
    رفعت اصبع يدها علامة ok .. اتجهنا نحوها فى تهليل
    - العملية نجحت ؟ .
    - يا بنات يا مطرطشات .. مع دكتورة احلام تادرس ميخائيل ما تقولوا العملية نجحت ؟ .. قولوا العملية انتهت ؟ .
    اخذنا نصفق لها فى فرح مثل اطفال يلعبون فى طين الخريف
    - احلام القبطية مغرورة .. مغرورة .. مغرورة .
    - يا بنات عيب , احنا فى مستوصف محترم .
    من نهاية الممر الطويل , شاهدت (ميرفت) شقيقة (بت الصول) تمشى مثل الانسان الالى .. ليست (ميرفت) القديمة الحلوة طالبة (اقتصاد جامعة الخرطوم) , (ميرفت) التى كانت تنظر لنا باستعلاء نحن حثالة (فرع القاهرة) , (ميرفت) التى كانت تتحدث معنا باللغة الانجليزية بعنجهية واصرار , نحن غير الناطقين بها
    - ميرفت .. العملية نجحت .
    تحمل بين يديها أكياس (فاكهة) كبيرة , وعلبة (حلوى) فاخرة
    - الف مبروك , حمدالله على سلامتها .. جلكنة زولة تستحق كل خير .
    عندها برود (انجليزى) سخيف .. منذ ان تركها من تحب بشكل جارح , وهى قد اسدلت ستار كثيف بينها وبين الاخرين , تزوجت وانجبت ولديها وظيفة مرموقة فى بنك كبير , ورغم ذلك يبدو اثر الجرح فى نغمات صوتها وطريقة مشيتها التى تشبه الانسان الالى
    صحت فيهم دون اى مناسبة بحكمتى الخالدة
    - تلقى الزمن غير ملامحنا
    واحنا بقينا ما احنا .
    نظرت لى (ميرفت) فى اندهاش
    - سبحان الله .. انا هسع كنتا بسمع فى الاغنية دى وانا سايقة العربية .
    فى هذه اللحظة رن هاتفى المحمول , نظرت لشاشته , وكما توقعت كان اسم (عزت طريفى) يتصدر الشاشة الصغيرة الملونة , دق قلبى بشدة .
    (اواصل)
    ......
    شاهين.

    (عدل بواسطة shaheen shaheen on 09-29-2009, 11:30 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-21-2009, 09:21 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    (32)

    - الو .. اهلا عزت .
    - اسف على الازعاج .. الوقت متأخر ؟ .
    - لا , لا .. الساعة يادوب تسعة الا ربع .
    - أأأ .. معليش احلام , ما عارف من اول مرة شوفتك فيها شعرت انى محتاج اتكلم معاك باستمرار , خايف انك ح تفهمينى غلط , او انك ممكن تتضايقى .
    - لا , مافى اى مضايقة .. بالمناسبة انا لو ما دايرة اتكلم مع زول ما بتحرج , بقول ليهو تانى ما تضرب لى .. انا عندى شخصية قوية .
    - اعتبر ده غرور ؟ .
    - هاهاهاها .. لا , بس دى الحقيقة .. انا برضو محتاجة صديق اتكلم معهو .. صديق يا عزت .
    - متخافى يا احلام انا ما ح اتجاوز حدود الصداقة .. انا برضو زيك كده بالظبط محتاج صديقة .
    - تعرف يا عزت فى مشكلة فى العقلية الشرقية المسلمة , اقصد من ناحية العلاقة بين الراجل والمرأة , العقلية دى بترسم اطار صارم يعنى يا تكون حب او جنس او استعداد لطلب زواج , مافى صداقة حقيقية , ودى مشكلة .
    - قبل ما اضرب ليك هسع كنتا قاعد قدام الكمبيوتر لى اكتر من خمسة ساعات بقرأ العمود بتاعك فى الجريدة رجعت للارشيف وتابعتا تقريبا اى حاجة انتى كتبتيها خلال السنة دى .
    - اى حاجة ؟ .. يا ساتر يا رب , وما جاك صداع ؟ .
    - انتى انسانة عندك قلم بديع .. انا بحب الزول البيخلط فى الكتابة بين السياسة والاسلوب الادبى .
    - احم , احم .. كده انا ح اكون مغرورة بالجد .
    - صوتك تعبان .. بالجد اوعا اكون صحيتك من النوم ؟ .
    - لا .. انا لسه بره البيت , قاعدة هسع فى مستوصف , عندنا زميلة عندها عملية بتاعت ازالة ورم فى الرحم , واحدة من عصابة الاحلامات .. احلام جلكنة .
    - ياااه .. كفارة ليها , واضح انها زولة طيبة شديد .
    - بشكل ما تتخيلو دى احسن واحدة فينا يا عزت , انسانة نادرة .. ما عندها الحقد والحسد الممكن تلقاهم فى اى انسان .
    - احلام زوجتى عارفة موضوع العملية دى ؟ .
    - يعنى .. احنا بس ما حبينا نزعج الناس , هى عملية بسيطة , عشان الخدمات الصحية هنا احسن من الدلنج اصرينا عليها انها تعملها هنا .
    - زوجتى ما بتشبهمك يا احلام .. على الاقل ما بتشبهك انتى , لا من ناحية الثقافة , لا حتى فى طريقة التفكير والكلام .
    - عزت .. احسن ما نتكلم فى الموضوع ده , ممكن ؟ .
    - هى هسع كويسة ؟ .
    - الحمدلله .. بس منتظرين تفوق من البنج .
    - انتى بتصلى يا احلام ؟ .
    - سؤال غريب ! .
    - معليش بس عشان فى عمود كنتى كتبتى فيهو كلام عن الفرق بين حب الله والخوف منه .
    - انا دايما بفرق بين الحب والخوف .. الحب هو الاسمى , والخوف ده ضعف وانتهازية , مش بس مع الرب حتى مع زوجك مع استاذك مع مديرك فى العمل .. الزول البيخاف من ربنا بدون حب حقيقى ده انسان جبان .
    - بتصلى ؟ .
    - هاهاهاها .. اصرار عجيب على سؤال غريب .
    - بعتذر ليك , عارف انو سؤال شخصى .. بس عايز اعرف تفاصيل صغيرة عن حياتك كصديق عزيز .
    - حاضر يا صديق يا عزيز .. بصراحة مرات , مرات .. لما اكون محتاجة اصلى بصلى , ما منتظمة فى الصلاة .. ما شيخة وما ملحدة , حاجة فى النص .
    - عارفة دى المرة التالتة نتكلم مع بعض .. عندى شعور انى بعرفك من سنين طويلة .
    - اخبار الحزب بتاعك شنو ؟ .
    - هاهاهاها .. حزب الجمال والروعة .. ده حزب كان فيهو اتنين انا والهام .. تتخيلى انسان فى مظاهرة سياسية يغنى اغنية حقيبة ! .
    - الذ حاجة فى الدنيا الجنون يا عزت , العقل لعنة .. هم مش بيقولوا الفنون جنون , والانسان المبدع لازم يكون عندو صامولة مفكوكة فى راسو .
    - يعنى انسان شغال مخرج نشرات اخبار وبرامج talk show سياسية فى التليفزيون يكون مبدع كيف يا احلام ؟ .
    - تانى رجعنا للاحباط ؟ .
    - انا انتهيت كمبدع من زمان يا احلام .. عندى سيناريو بكتب فيهو لى 18 سنة .. تتخيلى ؟ .. بقول يا ود يا عزت يوم من الايام ح ترجع وتعمل فيلم سودانى عظيم .. 18 سنة يا احلام بكتب .. صحيت من النوم لقيت عمرى بقى 46 سنة .
    - عارف صحبتنا دكتورة احلام القبطية عندها رواية اسمها زقاق صليب اظن بتكتب فيها اكتر من 20 سنة ! .. هاهاهاها .. هى المشكلة فينا يا عزت كجيل ؟ ولا المشكلة فى البلد الما بتحترم الابداع ؟ ولا المشكلة فى المبدع السودانى العارف انو الابداع ده كلام فارغ بدون اى تأثير ؟ .. فى المكالمة الفاتت انتا عملتا مقارنة حلوة بين سندوتش الطعمية ومسرح الاراجوز للتلميذ السودانى الفقير , ياتو فيهم الاهم ؟ .
    - انا سعيد جدا انك لسه بتكتبى يا احلام .
    - بالمناسبة انا زيك يا عزت .. بعمل حاجة ما مقتنعة بيها , تقدر تقول اكل عيش والسلام , عندى خطوط حمراء كتيرة ما بقدر اتجاوزها فى الصحافة .. والصحافة اساسا هى مهنة تجاوز اى خطوط حمراء .. مرات كتيرة بشعر انى بخون الناس يا عزت وبساهم فى لعبة اسمها ديكور الديمقراطية الزاهى , حاجة كده عشان الناس تقتنع انو فى حرية رأى فى البلد وانو الصحافة هى السلطة الرابعة , رغم انو البلد دى فيها سلطة واحدة ووحيدة .
    - كل مرة بكتشف حاجة مشتركة بتجمعنا يا احلام .
    - بس المكالمة الجاية اوعا تكتشف الذرة .. احنا ما ناقصين حصار دولى .
    - هاهاهاها .
    اجسامنا ليه جسمين ؟
    روحنا واحدة .. وكيف , اتقسمت قسمين ؟
    شى عجيب فى غرامك يا فريع ياسمين
    يا من اسرت فؤادى
    ملكتُ فى اليدين
    يا ملفت الانظار , يا ناير الخدين
    تبقى الصداقة قرابة ونكسب الودين
    شى عجيب فى غرامك يا فريع ياسمين .
    (اواصل)
    ......
    شاهين.

    (عدل بواسطة shaheen shaheen on 09-27-2009, 09:28 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-22-2009, 06:57 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-23-2009, 07:01 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    (33)

    (4) حكايات احلام الجاك (احلام جلكنة)

    لو يعود (منعم) .. كان فى طرف اللسان .. لو يعود مثل (مهدى) الشيعة المنتظر
    - انا وين ؟ .
    يخرج صوتى بصعوبة عبر الحلق الجاف , او ربما هو لا يخرج على الاطلاق
    اثار زوال المخدر من اجزاء الجسم المختلفة , ينسحب فى هدواء .. وجوه تلتف حول سريرى , اسمع عبارات ضاحكة , اصوات سمعتها من قبل
    - جلكنة يا فردة , حمدالله على السلامة .
    - يا جرسة .
    اللسان ثقيل , انظر لهم عبر اضاءة مهتزة , الم خفيف يبداء فى التصاعد من الجهة السفلى .. يد دافئة فوق جبهتى
    - انا احلام الصول يا جلكنة , العملية خلاص انتهت .
    اهز راسى
    (معتصم) الاخ غير الشقيق , سندى وعكازة الطريق , كان رجل البيت , فعلت معه المستحيل من اجل ان يواصل فى التعليم تسرب منذ مرحلة (الثانوى العام) .. فعلت معه المستحيل ليبقى بيننا فى (الدلنج) وحاجة (كلتوم) تعيش ايامها الاخيرة
    - عايز تسافر عشان تهبب شنو يا معتصم .
    - يا زولة البلد دى ما بلد مستقبل .
    - يعنى داير تمشى كده طرزان , ما عندك اى مؤهل اكاديمى , ح تشتغل شنو بره ؟ .. وبعدين امك دى بتموت , دايرنى اقيف براى فى بكاء امنا يا معتصم .
    جمع نقود بطريقة بهلوانية , وضع بوصلة مستقبله فى بلاد موجودة على (الاطلس)
    - انا مرقتا الجواز خلاص يا احلام .
    اغالب دموع , وصوت يريد الارتعاش
    - انتا بالظبط داير تسافر وين ؟ , ما معقول الكلام ده يا معتصم .
    - انا ماشى مع اصحابى يا احلام , الاول ح نمشى مصر وبعد كده جزيرة مالطا , ونقد من هناك اوروبا .
    - طيب هى الحكاية لو ساهلة كده ما اى زول يقد اوروبا .
    لديه نفس العيون التى احملها فى وجهى , عيون تنطلق منها شرارة الاصرار
    دارت الساقية ولا عودة .. وضعت بين يديها كل ما املك , حتى خاتمى الذهبى الذى كنت اعتز به
    فى ليلة باردة من شتاء 1989 انحنى على سرير امى الراقدة
    - اعفى لى يمة .. اعفى لى , شدى حيلك .
    لم ينظر لى وهو يخرج .. خاف ان يبكى بين احضانى , صغيرى الذى اكمل بالكاد عامه العشرين
    - انتظر يا معتصم اديك شال عشان الدنيا برد , ولما تصلوا الخرطوم انزولوا مع ناس نجوى فى الحاج يوسف , لحدى ما تسافروا مصر .
    عندما خرجت من غرفتى احمل بين يدى (الشال) الصوفى الملون , كان هو قد خرج , لا يريد ان يبكى
    هرولت حافية القدمين وانا اصرخ فى صباح (الدلنج) الباكر
    - الشال يا معتصم , معتصم الشال .
    كان هناك بعيدا
    - معتصم دقيقة .
    - يا احلام ارجعى البيت , فى شنو ؟ .
    امسكته بقوة , وضعت (الشال) على كتفيه
    - ده عشان تتذكرنى .
    بكينا , انهار جبل الرجولة بين احضانى , سقطت صخور الذكورة على كتفى
    - انتظرنى امشى معاك المحطة .
    - ارجعى يا احلام .. ابقى عشرة على حاجة كلتوم , انتى زولة بمية راجل .
    من الاشياء التى ندمت عليها فى حياتى , اننى لم اذهب معه الى (المحطة) .. غادر وحيداً
    كل الذين احبهم رحلوا عن طريقى .. (معتصم) و (منعم)
    - انا وين ؟ .. ومعتصم ومنعم وين ؟ .
    يخرج صوتى بصعوبة عبر الحلق الجاف , او ربما هو لا يخرج على الاطلاق
    روائح طبية قوية تتسلل لانفى .. غرفة بيضاء اللون , نظيفة .. انا الموعودة بالرحيل الابدى
    - المُصحف بتاعى وين ؟
    - تحت المخدة يا جلكنة .
    (اواصل)
    ......
    شاهين.

    (عدل بواسطة shaheen shaheen on 09-27-2009, 09:56 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-23-2009, 06:20 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    ورقة من اوراق دكتورة/ احلام حسب الرسول كتبتها فى مصحة للامراض النفسية والعصبية قبل مقتلها فى ظروف غامضة

    الاستقلال كان لعنة .. كان خطاءً .. كان كارثة
    كل الذين بكوا فى ذلك اليوم فرحاً, يبكون الان ندماً - من ظل منهم على قيد الحياة -
    تحاورت ذات يوم مع شيخ فى منتصف سبعينيات عمره , هو استاذ جامعى متقاعد , قال لى بالحرف الواحد
    - انا ما شعرت بالفخر فى البلد دى الا فى زمن الانجليز .. الانجليز ديل يا بتى ناس كانوا بيحترموا الناس .
    - وهسع رأيك شنو فى الحكم الوطنى ؟ .
    - ناس الحكم الوطنى ديل لا بيحترموا الناس , لا بيحترموا نفسهم .
    كنت اتابع انتخابات الطلبة فى الجامعة التى اعمل بها , وفى الجامعات الاخرى عبر الصحف .. دائماً كانت نسبة المشاركين متدنية قياساً للعدد الكلى , هذا هو المؤشر الواضح للرفض السلبى لكل انواع الحركات السياسية الوطنية من اليمين والوسط واليسار , دليل على الضجر
    كان يجب البحث عن تغيير جذرى .. تنظيم سياسى جديد يضع يده على الجُرح مباشرة , تنظيم ينقل ما يدور همساً فى (الونسات) الخاصة للسادة المثقفين – واحياناً خجلاً - الى ساحات العلن
    نحن شعب فاشل فى ادارة دولة
    الاستعمار هو ازهى مرحلة مرت فى كل تاريخنا
    والنتيجة كانت تأسيس حركة (حمد) .. حركة سياسية وفكرية تطالب بوضع كامل التراب السودانى تحت سلطة انتداب عالمى .. اشراف عالمى تام على ادارة الموارد المتنوعة , ونشر ثقافة الحياة الكريمة العصرية لكل فرد فيه
    انا فقط نقلت رغبة الناس على الورق .
    الناس – باستثناء النخبة العفنة - , لا يهمها غير رغيف الخبز , رغيف الخبز يا سادة وليس الطنطنة الجوفاء غير المفهمومة عن السيادة الوطنية والدستور , والعلم ذو الالوان العجيبة
    الناس تريد كل ما كان ايام الاستعمار .. وترفض كل ما كان منذ اوائل الحكم الوطنى حتى الان
    والنتيجة المنطقية هى عودة الاستعمار مرة اخرى – هكذا بكل بساطة -
    انا فقط نقلت رغبة الناس على الورق , لا اكثر ولا اقل .
    د/ احلام حسب الرسول عابدين .

    (عدل بواسطة shaheen shaheen on 09-27-2009, 09:47 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-29-2009, 05:09 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-30-2009, 06:06 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    (34)

    (2) حكايات بدرالدين العجب المحامى
    اجلسونى فى مكتبها المتواضع .. وتطوع الموظف صاحب الثياب الرثة والنظارة الطبية سميكة العدسات بالبحث عنها فى ردهات الجامعة
    جلست ارتشف كوب الشاى الساخن وانا انظر فى اندهاش لكمية الكتب الموجودة على سطح مكتبها الخشبى البائس , سمعت صوت حذاء نسائى يقترب .. ماذا يُريدون منها ؟
    وقفت تنظر لى فى تساؤل , عرفتها على الفور من صورتها فى الكتاب , فيها انوثة طاغية , اعجبنى من النظرة الاولى لون بشرتها القمحى وقامتها القصيرة , فقط لو نقصت سنتميترات قليلة لاصبحت قزم
    - اهلا واسهلا استاذ .. دكتورة احلام حسب الرسول .
    نهضت من مقعدى فى ترحيب وانا امد لها يدى
    - اهلا بيك دكتورة .. انا بدرالدين العجب المحامى .
    - انتا الزول الكتب مقالة امبارح فى جريدة الصحافة عن كتابى ؟ .
    - انا ذاتى .. وكان عندى اصرار انى اتعرف بيك .
    جلست فى مُواجهتى , علامات السعادة والرضا بالنفس كانت ظاهرة على قسمات وجهها الوسيم
    - اولا انا بشكرك استاذ بدرالدين على المقال , وعلى الكلام الجميل فى حقى .
    - لا , مفروض انا اعتذر ليك دكتورة , كتاب مهم زى كتاب محمد احمد المحجوب سياسى ومثقف فاشل صدر سنة 2001 ومااقرأهو الا قبل اسبوع .
    - هو لسه موجود فى المكتبات ؟ .
    - انا لقيتو صدفة فى امدرمان , الناس البتفرش الكتب المستعملة .. الفكرة هزتنى جدا يا دكتورة , فكرة انو مفروض الناس تقارن بين الاوضاع قبل الاستعمار والاوضاع بعد الاستعمار .
    - فكرة مجنونة ؟ .
    - بالعكس , فكرة عاقلة جدا .. ما حاولتى تكتبى تانى ؟ .
    - والله صعب يا استاذ بدرالدين , عارف ظروف النشر فى السودان وهامش الحرية المتاح ما اظن فى زول ح يقبل كلام زى ده يتنشر , انا على العموم حاولتا اكتب مقالات والنتيجة طبعا معروفة , هاهاهاها .
    ضحكة انثوية صافية .. تعود براسها للوراء قليلاً وهى تضحك
    - امبارح لما قرأيت المقال بتاعك قلتا الزول ده ح يمشى وراء الشمس .
    - الاوضاع هسع احسن يا دكتورة من زمان , يعنى ممكن ترجعى تحاولى تكتبى تانى فى الجرايد .
    - معقول ؟ .
    - انا عندى علاقات كويسة مع ناس الجرايد يا دكتورة , وفى ناس كتيرة اتصلت بى بعد المقال امبارح وقالوا عايزين يقروأ الكتاب .
    - انا ما بحب المشاكل فى الظروف دى , او يمكن ما عندى الحماس .
    - مافى اى مشاكل دكتورة ..انا محامى وبعرف اقيف معاك كويس لو حصلت ليك اى مشكلة , المهم انك تواصلى الكتابة , خسارة عقلية زيك ما تكون معروفة فى الساحة .
    (اواصل)
    ......
    شاهين.

    (عدل بواسطة shaheen shaheen on 09-29-2009, 11:47 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-03-2009, 07:19 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    (35)

    (5) حكايات احلام حسب الرسول (احلام الصول)

    مثل (فلاش) كاميرا التصوير يسطع الماضى فى ذهنى , يسطع للحظة خاطفة وسريعة ويختفى .. الهدواء الحذرالذى يسود فى ارجاء الجامعة قبل الامتحانات , تجمعات الطلاب على الحشائش الخضراء وتحت الاشجار .. اتذكر نفسى , طالبة قسم التاريخ , طالبة بلا هموم تحمل بين يديها كتاب ضخم عن الثورة الفرنسية , طالبة تعود فى المساء وتجد والدها (صول) البوليس وهو يستمع لاذاعة (لندن) تحت اشجار (الجوافة) , رائحة اختلاط الماء مع اوراق الشجر والارضية الترابية , والحاجة (زينب) عاكفة كعادتها على سجادة صلاتها الحجازية المزركشة فى تلاوة أدعية غامضة بهمهماتها الحبيبة , والفرح يكتمل لو عادت (ميرفت) فجأةً من (الداخلية) , تعلو اصواتنا فى نقاشات غير مهمة على الاطلاق
    مثل (فلاش) كاميرا التصوير يسطع الماضى فى ذهنى
    وجدت ثلاث محاولات اتصال من (احلام القبطية) على هاتفى المحمول
    - الو يا قبطية , معليش كنتا عاملة التلفون صامت عشان كان عندى اجتماع فى الكلية .
    - نتيجة التحليل بتاعت جلكنة ظهرت .
    وراء هذه الصرامة فى الحديث مُصيبة .. قلت لها فى قلق
    - خير ؟ .
    ثوانى ثقيلة من الصمت والانتظار
    - ورم خبيث .
    - كيف يعنى ؟ .
    سؤال ابله .. شعرت بدوار , استندت على حائط بجوارى
    - يعنى جلكنة عندها سرطان يا بت الصول .
    أبحث لها عن حل , عن قشة فى امواج متلاطمة , عن فنار فى ليلة حالكة السواد
    - متأكدة ؟ .
    - نتيجة التحليل قدامى يا احلام .
    عندى اصرار على التفاؤل
    - يعنى استئصال رحم ؟ .
    - لو السرطان انتشر مافى داعى نشيل الرحم , ح نعتمد على العلاج الكيماوى .
    - لحدى متين ؟ .
    - لحدى النهاية .
    يا حزنى عليكِ .. يا وجعى يا (احلام الجاك)
    - لسه ما رجعت من الحاج يوسف ؟ .
    - مفروض تصلنى فى البيت الليلة المساء .. بس ح اقول ليها شنو ؟ .. سجمى يا قبطية , اتصرف كيف ؟ .
    دموعى تجرى , اتحرك بلا هدف فى ارجاء الجامعة
    - فى امل يا قبطية ؟ .
    - لو السرطان انتشر ؟ .. لو انتشر يا احلام مفروض نصلى عشان ما تتعذب كتير .. دى احسن واحدة فينا , انسانة مكافحة ومجتهدة .
    - سجمك يا احلام الجاك , بناتك ح يعملوا شنو فى الدنيا دى .
    - بت الصول كده لا , اهم حاجة هسع هى الدعم النفسى عشان هى ما تنهار نفسيا , لازم تشعر انو الناس حولها متماسكين وانو فى امل , لازم نزرع فيها الاصرار .
    - اعمل شنو يا ربى ؟ .. اتكلم معاها كيف ؟ .
    - انا بعد ساعة بكون معاك فى ابوروف , وبتكلم انا معاها .
    اتحرك مثل مجنونة .. اتجه لدورة المياه فى خطوات مترنحة , ابحث عن علبة السجائر داخل حقيبتى بعصبية - وحده التبغ صديقى فى الازمات الحادة - .. سمعت اصوات اقدام مُسرعة من خلفى لم اهتم بها , عندما وضعت قدمى داخل غرفة دورة المياه الصغيرة والتفت لاغلاق الباب , شعرت بشخص خلفى مباشرةً , التفت فى فزع , وجدت تلك الطالبة المشاغبة تقف وهى تنظر لى فى تحدى غريب
    - ده شنو يا بت ؟ .. فى شنو ؟ .. دايرة شنو ؟ .
    - دايرة ابوسك يا دكتورة , عندك مانع ؟ .
    وضعت يديها حول خصرى بسرعة شديدة , واحتضنتى بقوة وعنف بينما كنت انظر لها فى ذهول وعدم تصديق .
    (اوصل)
    ......
    شاهين.

    (عدل بواسطة shaheen shaheen on 09-27-2009, 09:39 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-07-2009, 07:53 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    (36)

    (3) حكايات طارق مهدى
    مثل ملكة نوبية قديمة على جدران معبد أثرى مُتهالك
    مثل ملكة نوبية كانت تتحرك هناك فى نهاية صالة المغادرة , ترتدى ثوب سودانى أخضر انيق , (المُشاط) فى شعرها اضاف لها جاذبية جنسية صاخبة
    - تُعلن شركة الخطوط الجوية المصرية عن قيام رحلتها رقم 367 المُتجها الى القاهرة , وعلى السادة المسافرين ..
    استمع بنصف انتباه للصوت الانثوى الرقيق عبر المذياع الداخلى فى صالة المغادرة .. الواحدة صباحاً فى مطار (الخرطوم) , وجوه الناس عليها بقايا نعاس واجهاد .. اُراقبها بطرف عينى , والصوت الانثوى الرقيق يُكرر نداء الاقلاع بلغة انجليزية سليمة .. يجب ان ترانى هى , وضعت جسدى فى مجال زوايا رؤيتها .. لمحتنى اخيراً , اقتربت بخطوات رشيقة
    - مهدى ليموزين ؟ .
    التفت اليها , حدقت فى وجهها لثوانى قليلة – انا ممثل بارع –
    - معقول ؟ .. احلام الطيب بانقا شخصياً ! .
    صافحتنى بهدواء سيدة أعمال تثق فى نفسها كثيراً
    - كان مفروض نتقابل قبل عشرة أيام .. وكان مفروض تدفع لى تمن صيانة عربيتى .
    قلت وانا مازلت اقبض على كفها واهز يدها
    - اعتذر ليك يا احلام .. بالجد انا طلعتا وغد كبير , بس الموبايل بتاعى اتسرق بعد اخر مكالمة بينا وانا للأسف الشديد ما بحفظ ارقام التلفونات وما بعرف عنوان مكتبك بتاع امدرمان الكان مفروض نتقابل فيهو .
    - ما مشكلة يا مهدى ليموزين .. معنا فى الرحلة دى للقاهرة ؟ .
    - انتى برضو مسافرة فى الرحلة دى ؟ .
    - عندى بتى بتدرس فى الجامعة الاميركية ماشية اقعد معاها شهر .. وانتا ماشى القاهرة اجازة ولا بيزنس ؟ .
    الان يا لاعب (الشطرنج) تحرك على الرقعة
    - هاهاهاها .. ياريت لو اجازة , بيزنس يا ستى , فى واحد مصرى اسمو وهبة الدمياطى عايز يبدأ بيزنس بتاع عربيات فى السودان , هو رجل أعمال معروف فى مصر , وفى نفس الوقت عضو مجلس شعب وعندو علاقات سياسية واقتصادية رهيبة .. يعنى لو قدرتا افتح بيزنس مع زول واصل زيو , يكون ربنا بحبنى .
    ظهر بريق الاهتمام فى عيون الملكة النوبية , برافو يا لاعب (الشطرنج) حركة ذكية
    - يعنى .. يعنى زولك ده ممكن يحل لى مشكلة فى مصر .
    - خير يا احلام ؟ .. مشكلة شنو ؟ .
    - لا , بس بتى شاهندة عندها مشكلة مع ناس جهاز أمن الدولة المصرية .
    - يا ساتر يا رب .. هى مع الاخوان المسلمين ؟ .
    - هاهاهاها
    ضحكت بعصبية
    - ما للدرجة دى .. انتا كمان ما تبالغ , هى بس اتورطت مع طلاب افارقة فى موضوع سخيف بتاع ناس مراهقين .
    - مافى مشكلة يا احلام , وهبة الدمياطى ده ممكن يطلع زول من حبل المشنقة .
    - يعنى ممكن تساعدنى ؟ .
    - بالتأكيد يا احلام , دى ما محتاجة سؤال .. على الاقل يا ستى المساعدة دى تكون اعتذار عن طناشى لصيانة عربيتك .
    - انا بتكلم جد .
    - وانا برضو بتكلم جد .. اعتبرى موضوع بتك مُنتهى مهما كان حجم المشكلة , انا غير وهبة الدمياطى عندى علاقات كويسة جدا مع ناس تانى فى مصر .
    نظرت لى عيون الملكة النوبية السوداء المستديرة فى تفحص
    - انتا عايز منى شنو يا مهدى ليموزين ؟ .
    ارتبكت , حركة على رقعة (الشطرنج) لم اتوقعها
    - هاهاهاها .. عايز منك شنو ؟ .. ما عايز حاجة .
    - عرفتا اسمى الثلاثى من وين ؟ .. لما سلمتا على قلتا لى احلام الطيب بانقا .
    حركة اخرى لم اتوقعها .. امرأة شديدة الذكاء
    - ممكن نتكلم فى مصر ؟ .. افتكر ح يكون عندنا وقت طويل نتكلم فيهو براحتنا
    واصلت النظر فى عيونى مباشرةً
    - OK ما عندى مشكلة المهم تساعدنى فى موضوع بتى .
    - انتى ماعندك مشكلة , وانا برضو ما عندى مشكلة , واعتبرى بتك ماعندها مشكلة مهما كان حجم المشكلة .. حلوة دى ؟ بقت زى قصيدة شعر .
    ابتسمت فى وجهها , لم تبتسم , قلت محاولاً اعادة الجو الودى بيننا
    - انا سعيد بالصدفة السعيدة دى .
    هزت كتفها فى حركة انيقة – اهتزت معها نهودها الجميلة -
    - متأكد انها صدفة ؟ .. انتا منو يا مهدى ليموزين ؟ .. وعايز منى شنو بالظبط .. انا زولة بتاعت سوق وبحب الزول الواضح بدون لف ودوران ؟ .
    الحركة الاخيرة فى لعبة (الشطرنج) .. (كش ملك) , لم انتبه اننى ذكرت اسمها ثلاثياً
    - لما نوصل مصر ح تعرفى انا منو وعايز منك شنو بالظبط , OK ؟ .. مفروض نلحق الطيارة عشان ما نمشى القاهرة كدارى .
    ابتسمت فى وجهها .. لم تبتسم .
    (اواصل)
    ......
    شاهين.

    (عدل بواسطة shaheen shaheen on 09-08-2009, 11:49 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-07-2009, 01:38 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)

    ورقة من اوراق دكتورة احلام حسب الرسول كتبتها فى مصحة للامراض النفسية والعصبية قبل مقتلهافى ظروف غامضة

    أسهال من الاغانى الوطنية .. أسهال لزج كريه الرائحة .. أسهال يخرج من مؤخرة اجهزة المذياع والتلفاز .. أسهال عن الوطن الذى هو (قطع شك) افضل وطن فى الدنيا .. عن الشعب الافضل ويا سبحان الله من بقية مخلوقات الله التى تمشى على قدمين !
    اكره الاغانى الوطنية .. بضاعة مغشوشة .. اقول لاصدقائى
    - الاغانى دى تعبير عن العجز .. تعويض لمركب نقص حاد .
    فى دول العالم المتحضر لا توجد مثل هذه السخافات .. لا يوجد سوى النشيد الوطنى
    نحن نُمارس الافضلية عبر الاشعار والموسيقى .. نضحك على انفسنا او يضحكون علينا لا فرق .. الافضلية تتجسد فى معايير فرص العمل , فى مستوى دخل الفرد , والصحة واحترام حقوق الانسان, وحق الاعتقاد والعبادة , والمساهمة فى الثورة العلمية والتقنية العالمية , احترام المرأة , الخ
    اما تقديم وجبة الاغانى الوطنية بهذا الشكل السمج , وبهذا الالحاح العبيط فهو يعنى الافلاس التام والكامل
    أسهال الاغانى الوطنية هذا يُسبب القرف .. فقط لا غير
    ارحمونا قليلاً .
    د/ احلام حسب الرسول عابدين .

    (عدل بواسطة shaheen shaheen on 09-08-2009, 10:34 AM)
    (عدل بواسطة shaheen shaheen on 09-27-2009, 09:17 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-08-2009, 09:26 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4173

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: أغتيال دكتورة احلام حسب الرسول . (Re: shaheen shaheen)


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 2:   <<  1 2  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de