دعواتكم لزميلنا المفكر د.الباقر العفيف بالشفاء العاجل
|
|
 ود أمدرمان .. وكلام للشارع
|
رســــالة
من إنسان ..
عنوان لرسالة .. إلى أهلي ووطني السودان
بعد الغيبة ..
جيت ما لقيتك يا سودان ..
لقيت لي فحمة ..
كتبت علي باب الديوان ..
حضرت ولم أجد الإنسان ..
لقيت ضبّان
لقيت الشارع ما هو الشارع
والضبان حاكمها الديدان
أو شيشان
والشيشة دخانها بيطلع
ريحتو أظنها زي بُن .. بان
بان ؟
بان وإندس خجول حزنان
جريت على سكة حرية
اتذكرت المدرسة .. والأستاذ
والطبشيرة الأبيض لونها ..
وكنب الخشب المضروب ..
بوهيه بلون أخضر فاتح
وست علاّنة ..
حلات التوب الظاهر من تحتو الفستان
وأستاذي فلان
حصة تاريخ محتاج أقراو
عايز أتذكر هذا المهدي
واسماعيل الأزهري كان ..
ويا عبّود أو حتى نميري
وناس الصادق
وحكم الدولة الاستيطان
وأبدا أقارن
هسه الناس اللابسه مبرقع
قصدي شرانق الديدان
تحت ضل شجرة اتلمت تقرا
وتحت المجرى
فوق الورقة
تحت عنوان الراي العام
صحافة بتفسد عقل الشفّع
(أوصي هنا بأن تكتب الصحف بالحبر الأبيض
لأن الأسود يشبهها كثيراً وبالتالي يجعل الكلمات
تتداخل علينا وذلك حرصاً على بصيرتنا)
ناس الدار .. إبن البلاّل
مليان بي هناي فكوهو وطار
وداك ود خوجلي هذا الـ... يخس
يحيا الحردلّو فيما قال
وكوم الشعرا الفاضي كلامو
قالو اتلمو في قعدة أنس
وست العرقي بتهتف بينهم
الليلة التسعيرة اختلفت
النُص بي قلمك يا شاعر
بالحمّى أريتك تنطمّا
أمّا القاضي تجيهو فريدة ..
معاها أب صلعة الأمريكي
جواب مختوم بي ختم الدولة
بيهو اتباع الشعب الدوني
فيو توقيع معروف ومميز
باسم الشعب السوداني
وناس عمّوري وعم عثمان
لبسو التيبان .. ماشين الحفلة
يراقصو أب صلعة الأمريكي
مغادر بكرة لي السودان
وإنتهت الفحمة ..
وبي فتفات من جنب الباب
أنا برضو مغادر .. تب ما راجع
يلا وداعاً يا سودان
وأسمع عنك سيل فوران
الإمضاء ..
ود أمدرمان
|
|
 
|
|
|
|
|
|
|
|
Re: ود أمدرمان .. وكلام للشارع (Re: عبير خيرى)
|
وبى فتفات فتفات الفحمة
كتب العسكر
السودان اتباع دكان
وكل الناس الفيه التمشى
تشوفلها حتة استيطان
وعمك تنقو القاعد ينقز
يقعد يحرس للدكان
وريفيقو الآخر يقعد
يحفر بئر بترول للأمريكان !
ست البنات .
| |
|
|
|
|
|
|
|
|
|
Re: ود أمدرمان .. وكلام للشارع (Re: عبير خيرى)
|
عبير بت خيري..
دخلت النت شفت العنوان..
وخفت عشان فيهو أمدرمان ..
أصلو هناك عندنا حيشان ..
قلت عبير لحقت ود قاسم في الغليان..
إلا لقيت ود أمدرمان بحكي الحاصل في السودان ..
ما لقيت لي فحمة عشان أتفشي في الجدران ..
عصرت دموع في نفس الحيطة كان توقيعي ياما تشوف كمان وكمان ..
وجدناكم ولم نحضر ...
| |
|
|
|
|
|
|
|
|
|
Re: ود أمدرمان .. وكلام للشارع (Re: عبير خيرى)
|
تحياتي للجميع ..
..
ست البنيات .. كتبت
Quote: وعمك تنقو القاعد ينقز
يقعد يحرس للدكان
وريفيقو الآخر يقعد
يحفر بئر بترول للأمريكان ! |
....
هكذا كان حال تنقو لانه نحن وانتم وهم .. :
عمك تنقو والغربة
عمك تنقو في ساعة كربة
قال حرم طلقت الغربة
سلام يا كفيل سلام يا اقامة
اعيش في امدر مرفوع القامه
لا اجي حج ولا بجي عمرة
ومافي جواز اخير بالمرة
نزل السوق شايل اللستة
وللاصحاب وقع بالدسته
شال للعازة زي كم توب
وحسب الحسبة وقال الرووب
ربط الفيديو معاهو الدش
وقال حرمت اعيش في غش
دفع الجمرك كم مليون
وعمك وشو بقي كم لون
قال يا بلدنا حنينة زمان
اية الحاصل في السودان ؟؟
رهن البيت ونزل السوق
وقال حيتاجر في الطايووق
وناس حاج دقنو الماسكة القصة
قالت عمك داير حصة ....
اصلوا الملعب هنا محجوز
وعمك ابدا ما كان كوز
وبي نص حركة وبنك البركة
عمك لاص وضرب الربكة
وقال انا بس عاوز راس مالي
عشان بالمبلغ اربي عيالي
وعمك دار ما خلا بصيرة
وكان في اول صف تاشيرة
قال يا نفط وسلام يا سلام
تكون القصة كلام في كلام ؟؟؟؟؟؟؟؟؟؟
تنقو
| |
|
|
|
|
|
|
| |
عبير خيرى
ست البنات
willeim andrea
فيس بوك
تويتر
انستقرام
يوتيوب
بنتيريست