|
دعواتكم لزميلنا المفكر د.الباقر العفيف بالشفاء العاجل
|
|
 Re: عليييييييييييكم الله شوفو لينا بيت للإيجار (Re: عبير خيرى)
|
غايتو إتصلي بي ود خالتي عوض الله أحمد صباح الخير ورقمه 0912948347 وهو يقطن الشعبية بحري ومقاول وعلاقاتو حلوة في العاصمة المثلثة وهوى سيلبي طلبك، لكن ياعبير أوعك تندمي ليه ماسكنتي صالحة، أتدري أن صالحة حسب مانما لعلمي بقت أغلى حتة!! أتدري لماذا؟ لأنو المطار بي غادي وكوبري جاي عليها من الشجرة هذا بخلاف الطراوة لأنها في حتة عالية وأسأليني أنا وأيه رأيك أنا زرتها زيارة وقمت إشتريت واطة فيها.
| |
 
|
|
|
|
|
|
|
|
Re: عليييييييييييكم الله شوفو لينا بيت للإيجار (Re: Tabaldina)
|
يا عبير أنا عندى شقة فى المهندسين والله معاك زى الفل وتستاهليها يا عبير
3 غرف وصالة كبيرة ومطبخ وحمام ، مشطبة تشطيب رهييييييييييييييييييب، النجف على كيفك وديكور الجبس والابواب كيف ، واما الشبابيك مصممة ضد الذباب والباعوض وبديك معاها حوش لزوم النوم فى الهمبريب، عشان تضربى الهم بالهمبريب
وعندها كمان مواقف تدخل اربعة عربات ومجهزة بمطبخ المنيوم وعندك رقم الموبايل.
وعينك سرك بس كترى الدينارات وتعالى، ليك خصم خاص عشان اتى عوضو نشط فى المنبر.
| |
|
|
|
|
|
|
|
|
|
Re: عليييييييييييكم الله شوفو لينا بيت للإيجار (Re: م. سيد احمد قدورة)
|
الشاعر الشايقى محمد الحِبَيِّب
فى قصيدة مطلعها :
فاطمة هاك تمن التى سكبت يداك شربتها
بلَّن هديماتى الدموع شرّيتها فوق حبل الصبُر نشَّفتها
..
..
لا حدِّى ما يواجه مشكلةالايجار بحثاً عن جُحُر يأويه ورفيقة دربه :
لفّيت أفتِّش بيت ايجار
لفيت أفتش ما لقيت
لا فلى الكلاكلة ولا اركويت
لمَّن خلاص عقلى انشغل
حار بى الدليل
سوّيتها فى بيت من شِعِر سكَّنْتها !!
أملى من أعماق قلبى أن تجدى عُشاً تسكنين اليه واسرتك ..
كان بقيتى على نُص بيت بانت قولى عوك ..
| |
|
|
|
|
|
|
|
|
|
Re: عليييييييييييكم الله شوفو لينا بيت للإيجار (Re: عبير خيرى)
|
..
الاخت عبير خيري
مسكاقنا(اذا كنتي من عندينا ) .. وسلامات
قالوا واحد زيك يا عبير بيفتش ليهو على سكن وماشي في الشارع زهجاااان ...بيكلم في نفسو .. وبيشوت في الحاجات البيلقاها في الطريق ..شعر انو شات ليهو حاجة صلبة قال يشوفوها شنو فاكتشف انها راس قُلّة فخارية ..فرح شديد ..قال يمكن ده كنز من ايام الانجليز .. بدا يحفر في التراب لغاية ما طلع القلة كلها ومسكها بايديهو .. فجأة انفتحت القلة .. وبدا يطلع منها دخان .. صاحبنا خاااف ورمي القلة .. الدخان بقى يكبر .. ويكبر .. صاحبنا ارتعد من الخوف وقعد في الوطة دي ...في النهاية ظهر ليهو مارد عملاق .. وقال ليهو بصوت خشن : "شبيك ...لبيك .. انا بين ايديك ..اطلب اي حاجة عاوزها انا احققها ليك "
صاحبنا تمالك نفسو من الخوف .. وقال في نفسو دي فرصة العمر ..فقام قال للمارد بسرعة : " ..ياخي انا عاوز منك حاجة وااااحدة بس " المارد العملاق قال ليهو " يا زول انت بس اطلب انا تحت الخدمة " ... فرد صاحبنا " كل العاوزو منك تشوف لي بيت للايجار .. لي فترة طويلة بفتش لي على بيت للايجار وما لاقي " انفجر المارد في الضحك فظن صاحبنا انه قد ظفر بمراده .. ولكن الضحك استمر .. واستمر ..ووصل لدرجة هستيرية ..فخيل لصاحبنا ان المارد قد " سحلب " فسأله بشيء من الخوف : " يا باشا انت بتضحك مالك " فقال له المارد " يا عبيط ..عليك الله انا لوبعرف لي بيت للايجار كنت حتلقاني ساكن في القلة دي ؟؟ ...
ربنا يوفقك ان شاء الله ...
.
| |
|
|
|
|
|
|
| |
عبير خيرى
عبدالرحمن الحلاوي
أبو ساندرا
عزالدين آدم علي
م. سيد احمد قدورة
alfatih
محمد الأمين موسى
ابو تميم
shazaly gafar
Ahmed Mohammed Osman
محمد الامين محمد
لؤى
عاطف عمر
Mouawia El Tayeb
ود العجمى
فيس بوك
تويتر
انستقرام
يوتيوب
بنتيريست