دعواتكم لزميلنا المفكر د.الباقر العفيف بالشفاء العاجل
|
|
 عليكم الله دينوني 3أحزاب بس ...أول حرمة بتترشح لرئاسة الجمهورية
|
.
ثلاثة أحزاب بس لازم تضم يمين و يسار و"طوالي"
لأنوا متين في بلدنا دا إتفق اليمين واليسار والطوالي علي مرشح واحد
ولما أقول تلاتة أحزاب ما يجوني ناس حزب البهجة والمسرة وحزب التقدم وحزب الحرية المطلقة
لأنهم كلهم ما بيساووا واحد
بعدين مافي زول يقول لي برنامجك شنو
موضوع البرنامج دا حنكلف لجنة من أكبر ثلاثة أحزاب تتقدم لدعمنا للإتفاق علي الحد الأدني بينا
أهم حاجة الضحاكات (الكاش) ، حزب مفلس ما معانا . لا تقولوا لي طبقة عاملة ولا تزوجوا فقراء يغنيكم الله من فضله
MONEY TALKS
أها أنا بادرت والنشوف آخرتا مع أنصار حق المرأة جنادرة وغير جنادرة حيشيلوا شيلتي ولا يبلعوا خطاباتم ديكا
بالله عليكم نحن المضيعنا أكتر من عدم إتفاق أحزابنا كبيرها وصغيرها علي زول واحد أو برنامج واحد شنو؟
من ما إتولدت وإمكن من يوم إتولد أبوي ما سمعنا يوم أحزابنا كلها إتفقت علي برنامج وطني
وهل في حل بدون كل البلد أو سبعين في المية منه في ساعة غفلة
إنشاءالله تتفق علي برنامج للبلد ما لزول ولا لحزب او طبقة
لا تقول لي البشير ولا عبدالله علي إبراهيم ولا سلفا ولا الصادق ما لم ترشحوا وتصوتوا للوطن فكلكم ساقطون
ومدام سقوط في سقوط خليني الندخل في المولد إنشاءلله تقولوا عايرة وأدوهاسوط
علي الأقل مدام قافلة معاي يمين وشمال أحسن أطلع في النهاية بتسجيل اسمي في تاريخ السودان
كأول مرأة تترشح في المهزلة أصلها بلد بقت هاملة
برة الجو:
لو أنّي أعرف خاتمتي ما كنت بدأت
____________________________________________________________________________
|
|
 
|
|
|
|
|
|
|
 Re: عليكم الله دينوني 3أحزاب بس ...أول حرمة بتترشح لرئاسة الجمهورية (Re: ALGARADABI)
|
الأخت عبير
التحيات الزاكيات
لعله من النقاط الحاسمةالتي لامستيها في ما كتبت الإشارة لهذا الإنقسام المعيب
داخل النخب المثقفة والأحزاب الناشطة في ما يشبه التعميم علي المنطقة
أحزاب تنشطر وتتوارث الإنشطارات وتقوم بينها منذ أن كانت الحداثة تناقضات
تتضخم دون مبررات حقيقية فتعطلأي إمكانات لنمو فكر وطني أو قومي يتوحد حوله الجميع
ضمن سياق إبستيمي تاريخي متزن يحقق الإستقلال والتنمية وإستحقاقات الدولة الحديثة
حتي من دعي مع قرامشي لتجاوز قوي التوجيه الآيديولوجي السائد وتجميع قوي الحداثة
في كتلة تاريخية فشل أمام الضعف التاريخي والبنيوي الملازم للتيارات المعبرة عن النخب
الحداثية
| |
|
|
|
|
|
|
|
|
|
Re: عليكم الله دينوني 3أحزاب بس ...أول حرمة بتترشح لرئاسة الجمهورية (Re: عبير خيرى)
|
يا الله من زهجتك يا عبير!!
تعرفي نفسي أترشح
بس مش عشان عايرة وأدوها سوط
لكن لأني مؤمنة بقدرات الكثيرات من النساء
وعلى إستحياء أقول أن قدراتنا للآن أثبتت أنها أحسن من قدراتي أي ميل قاد حزب أو قاد السودان زاتو
لكن تقولي شنو
أسة يجوك ناس الهيمنة البطريكية ويمرقونا مجنونات ويلحقونا د. أحلام حسب الرسول (حسبي الله ونعم الوكيل)
أقول ليك حاجة أتشجعي وأنا معاك لغاية الحملة الإنتخابية وأي حاجة
صاح مدخرات ما عندي لكن هو القروش مشكلة؟؟
ما سمعت بالختة؟؟
| |
|
|
|
|
|
|
|
|
|
Re: عليكم الله دينوني 3أحزاب بس ...أول حرمة بتترشح لرئاسة الجمهورية (Re: شادية عبد المنعم)
|
.
شادية يا حبيبة شكراً علي حضورك الأنيق
والله أنا حاولت في بوست يرسم الجدية في قالب هزلي الإشارة لحاجات كتيرة
منها حق المرأة في بلد ربما بسبب حجم الأمية الفيه لازال متخلفاً حتي في أكثر أحزابنا تقدمية
رغم أني لا أنسي بعض المبادرات زي ناس حق مع الصديقة هالة عبدالحليم وناس جبهة الشرق البعد ما قدموا
المرأة للقيادة رجعوا ومسحوا بيها الأرض أنا كان كتبت زمان بوست عن كيف المؤتمر الوطني بهمش كوادره النسائية
يا اختي نحن لها ومشوار الميل ببدأ خطوة
برضو قصدتالإشارة للفوضي السياسية وإنتخابات ومهرجانات سياسية لا بتودي ولا بتجيب لأنها كلهاصراع
علي كعكة مخمرة.
برة الجو:
لو أني أعرف خاتمتي ما كنت بدأت
| |
|
|
|
|
|
|
|
|
|
Re: عليكم الله دينوني 3أحزاب بس ...أول حرمة بتترشح لرئاسة الجمهورية (Re: Abdel Aati)
|
.
يا عادل يا أخوي
أنا معاك إنوا نحن في حاجة لأحزاب تفسح الأمل للمرأة والشباب والأطفال
لكن تعال معاي وأنظر في الواقع
لو قيادات حزبية في الأحزاب البتطرح نفسها كبديل بتجي وتنتهك إنسانية زميلة بأبشع ما يكون
الإنتهاك وتنشر خصوصياتها علي الملأ وتظل عضوية فاعلة في أحزابها وكأنه ما حصل شيئ ياتوا أمل
تاني ممكن نتعلق بيو؟
شكراً علي مداخلتك الكريمة
برة الجو:
لو أني أعرف خاتمتي ما كنت بدأت
| |
|
|
|
|
|
|
|
|
|
Re: عليكم الله دينوني 3أحزاب بس ...أول حرمة بتترشح لرئاسة الجمهورية (Re: حمور زيادة)
|
.
ياحمور يا أخوي هو ما دايماً مشكلتنا في الحزب الحاكم
لو كان بقبل بأنه البلد دي حقته وحقت غيره كان بيملك أكبر فرصة في جمع الجميع لعمل عظيم من أجل البلد.
أنا عارفة لو رشحني المؤتمر الوطني بفوز بالتزكية لكن عشان أغني للبشير مش للسودان.
وياتوا برنامج بنفع لو عقلية الأقوي مننا اليجي ينزلنا من الكرسي
برة الجو:
لو كنت أعرف خاتمتي ما كنت بدأت
| |
|
|
|
|
|
|
|
|
|
Re: عليكم الله دينوني 3أحزاب بس ...أول حرمة بتترشح لرئاسة الجمهورية (Re: عبير خيرى)
|
يا عبير ياخ خلينا نكون واضحين
حتى الأحزاب البتجيب نساء بتجيبهم ديكور
ليه؟؟
لأن الأستعلاء الذكوري مهيمن على الساحة السياسية
كما هيمن من قبل على كافة الأوجه
مثلاً ليه عدد الرجال المتعلمين أكثر؟؟
ليه رغم أن معظم المؤسسات تخدم الموظفين بنفس المؤهلات لماذا
النساء في مواقع قيادية أقل
وهكذا
يعني حتى الأحزاب المحاولة تعمل حركة في شكل وردة بتكون وردة
صناعية لأن التمييز قائم وهو سياسة راسخة
أها قولي لي الحل شنو؟؟
عاد يا بت أمي إلا تجيبي أضانك وتجيني بي جاي دي دايرة قوة قلب
وناس حمور يمتنعون
| |
|
|
|
|
|
|
|
|
|
Re: عليكم الله دينوني 3أحزاب بس ...أول حرمة بتترشح لرئاسة الجمهورية (Re: عبير خيرى)
|
يا عبير ياخ خلينا نكون واضحين
حتى الأحزاب البتجيب نساء بتجيبهم ديكور
ليه؟؟
لأن الأستعلاء الذكوري مهيمن على الساحة السياسية
كما هيمن من قبل على كافة الأوجه
مثلاً ليه عدد الرجال المتعلمين أكثر؟؟
ليه رغم أن معظم المؤسسات تخدم الموظفين بنفس المؤهلات لماذا
النساء في مواقع قيادية أقل
وهكذا
يعني حتى الأحزاب المحاولة تعمل حركة في شكل وردة بتكون وردة
صناعية لأن التمييز قائم وهو سياسة راسخة
أها قولي لي الحل شنو؟؟
عاد يا بت أمي إلا تجيبي أضانك وتجيني بي جاي دي دايرة قوة قلب
وناس حمور يمتنعون
| |
|
|
|
|
|
|
| |
عبير خيرى
إسماعيل حميم
ALGARADABI
Sinnary
ابو جهينة
نادر الفضلى
خالد حامد الجزولي
حمور زيادة
مزمل خيرى
Abdel Aati
فتحي البحيري
محمد البشرى الخضر
ahmed haneen
فيس بوك
تويتر
انستقرام
يوتيوب
بنتيريست