|
|
 بستـأذنك ..
|
.
بستأذنَك أكتب علي صحف الرحيل
تديني خاطرك يا وطن
بستأذنَك أملا المطارات بالمواعيد
البتنزل من عيونك يهتفن
بستأذنَك تديني تأشيرة خروج
للبسمة .. للروح الكفن
بستأذنك تنساني في صالة عفوك
انا اصلي مهدودة بدن
انا ما لقيتك في حلم
ولا مرقتك من خيالاتي المستفة بالمحن
بيني ما بينك غنا
بيني ما بينك دموع وابتسامات كم شجن
بستأذنك أنساها شنطة شوقي فيك
أنسى البراحات الشّقن
بستأذنك وانا مني ليك باقة حروف
راجياك علي أنيني إتراقصن
بستأذنك تقدر تشيل مني العيون
الـ من بدت في الشوف بكن
يلاك نرحل يا وطن
نغشى الشوارع في الصباحات السهن
يلاك نقالد الأمسيات .. الذكريات
الباقيات والامهات البشتهن
يلاك نسالم النيل نعافي خصل حنين
للضل رَمَن
وبستأذنك تنساها شنطة شوقي فيك
تنسى البراحات الشّقن
|
|
 
|
|
|
|
عبير خيرى
ابو جهينة
محمد عبد الماجد الصايم
فيس بوك
تويتر
انستقرام
يوتيوب
بنتيريست