العنوان الجديد للمنبر العام
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 10-19-2017, 04:34 PM الصفحة الرئيسية

مكتبة عمر ادريس محمد(عمر ادريس محمد & فجراوى)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

صوت من الحجير مركز مروى.....فى الانتخابات الامريكيه

11-03-2004, 06:51 AM

فجراوى

تاريخ التسجيل: 08-29-2002
مجموع المشاركات: 0

للتواصل معنا

FaceBook
تويتر Twitter
YouTube


صوت من الحجير مركز مروى.....فى الانتخابات الامريكيه

    الساعه السابعه صباحا بتوقيتنا ( شرق امريكا) ايقظنى ابنى الصغير بعد ان استعد للذهاب الى المدرسه(بابا قوم عشان الانتخابات) رن جرس التلفون المتحدث من لجنة الانتخابات المحليه ... حان الوقت عليك ان تذهب للادلاء بصوتك لاتضيع الوقت,فتحت التلفزيون كلمة(انتخابات) تملأ الشاشه, دخلت الانترنت كل الاخبار والتحليلات الانتخابات الامريكه(بوش, كيرى)
    تلفون مره اخرى وسؤال جرئ هل ذهبت الى مكان الانتخابت؟ هل لديك اى مشكله؟من فضلك خلينا نعرف لو محتاج الى مساعده...!
    طرق خفيف على الباب ,شابه رقيقه ومعها ثلاثه اشخاص فى اعمار مختلفه - صباح الخير اعطتنى لسته للمرشحين من الحزب الديمقراطى

    kerry
    Edwards
    Hoeffel
    Eisehower
    Wagner
    Casey,JR
    Brady
    Waters

    تلفون للمره الثالثه - تسجيل- صوتك سيغير وجه امريكا ..! احرص على التصويت
    الثامنه صباحا ذهبت الى مكان التصويت .... مدرسه تقع على بعد خطوات خلف منزلى,فى الطريق, تذكرت اخر انتخابات فى السودان عام 86 وفوز الاستاذ عبدالله محمد احمد بدائرتنا ولن أنسى هتاف الاستاذ محجوب شريف بعد اعلان النتيجه
    (عاشت الديمقراطيه) الكلام ده ليه 18سنه..... والله عجائب,اتذكرت الحجير مركز مروى, والمنطقه الصناعيه امدرمان,وامبده والثورات....معقول ياجماعه الناس ديل نصاح ؟! انا بقيت مواطن عالمى وكمان ماشى اصوت فى امريكا عشان اغير وجه العالم؟قربت أرجع .......!فجاءه اتذكرت دارفور .القنابل ,وهواجس التدخل العسكرى فىالسودان
    كيرى
    كيرى
    كيرى
                   |Articles |News |مقالات |بيانات

11-03-2004, 07:06 AM

فجراوى

تاريخ التسجيل: 08-29-2002
مجموع المشاركات: 0

للتواصل معنا

FaceBook
تويتر Twitter
YouTube


Re: صوت من الحجير مركز مروى.....فى الانتخابات الامريكيه (Re: فجراوى)

    بعد التعب ده كلو

    الكابوى فى الطريق

    بوش 254

    كيرى 252

    الله يستر
                   |Articles |News |مقالات |بيانات

11-03-2004, 10:58 PM

شرووم
<aشرووم
تاريخ التسجيل: 04-21-2002
مجموع المشاركات: 662

للتواصل معنا

FaceBook
تويتر Twitter
YouTube


Re: صوت من الحجير مركز مروى.....فى الانتخابات الامريكيه (Re: فجراوى)

    الاخ العزيز فجراوي ،،

    كيفك يا زول انشاء الله طيب ،، مبرووووووووووك عليكم بوش وانشاء الله سنوات حافلة بالمزيد الانجازات الثورية .

    بما إنني من اهل الحجير مركز مروي كان لازم اشوف الحشر الحجير في الانتخابات الامريكية شنو ، انت يا زول داير تجيب لينا كفوة كمان ، يقوموا هسة يقولوا اهالي الحجير ديل عندهم علاقة باهالي الفلوجة ، وانه الزرقاوي ربما كان مختف في جبل كلي قيلي

    تحياتي لك اخي الكريم ،، واهنيك انك تشارك في تلك الديموقراطية واقولك انا عمري فوق للتلاتين ولي يوم اليلة ما شاركت في انتخابات لاني سنة 86 كنت دون السن القانونية وهي اول واخر انتخابات منذ مولدي فهنيئا لك

    شرووم
                   |Articles |News |مقالات |بيانات

11-04-2004, 00:10 AM

ابو يسرا
<aابو يسرا
تاريخ التسجيل: 02-21-2002
مجموع المشاركات: 1855

للتواصل معنا

FaceBook
تويتر Twitter
YouTube


Re: صوت من الحجير مركز مروى.....فى الانتخابات الامريكيه (Re: شرووم)

    العزيز فجراوي
    يصادف اليوم الافطار الجماعي لجمعية ابناء الحجير والمقل بالخرطوم وهو يوم ولا كل الايام
    جمعيتنا ديمقراطية ومنتخبة انتخاب حر ومباشر قبل عدة اشهر انعقدت الجمعية العمومية وكنت قادم لتوى من الجماهيرية فناداني العم عبد العاطي وداعة الله لاشارك فى انتخاب اللجنة التنفيذية للجمعية فاعتذرت بل قل رفضت لقناعتي انه لاديمقراطية عندنا وان اللجنة التى ستنتخب معروفة من سنين ولايمكن حدوث اى تغيير رغم محاولات بعض الشباب لاحداث تغيير ولو بسيط .نحن مجتمع ديكتاتوري للآخر لذلك من الصعب ان نتقدم للامام هل تصدق اخي فجراوي ان شهر رمضان كاد ان ينقضى ولم نقم اى ندوة بنادى الحارة الرابعة وفى السابق عندما كانت لجنتنا ديمقراطية كنا نقيم كل ثلاثة ايام ندوة ولكن ذلك الزمن الجميل ولي وليس هناك بوادر امل لعودته
    قبل فترة ذهبت لادارة الجمعية بتاعت الحجير والمقل وقلت لهم نريد منكم الدار ليوم واح لاحياء الذكري الخامسة لرحيل الباحث الفلكلوري ابن المنطقة الاستاذ محجوب كرار فتم الرفض لا لشي الا لأن الراحل كان يحرضنا نحن الشباب على التمردعلى القيادات البالية التى اخرتنا كثيراً وكان يقيم لنا الندوات فى كل مناسبة اجتماعية كنا نلتف حوله وهو يهدينا الطريق الى الديمقراطية وكيفية ممارستها
    اتمني ان يجي اليوم الذى تيقظني فيه يسرا لاخرج للادلاء بصوتى فى انتخابات جمعية الحجير او انتخاب رئيس للسودان اتمني ان يتحقق ذلك
                   |Articles |News |مقالات |بيانات

11-04-2004, 06:09 AM

فجراوى

تاريخ التسجيل: 08-29-2002
مجموع المشاركات: 0

للتواصل معنا

FaceBook
تويتر Twitter
YouTube


Re: صوت من الحجير مركز مروى.....فى الانتخابات الامريكيه (Re: فجراوى)

    الأخ العزيز
    شرووم

    رمضان كريم وشكرا على المرور والتعليق,تعرف عظمة مناطقنا ديك رغم قسوة الحياه فيها واهمالها, وهجرة الناس منها ,الا أنها تظل محفوره فى وجدان ابناؤها,اينما ذهبوا,انشاء يجى يوم جيلكم واولادنا ترجعوا وتعمروها وتعيدوا جمالها وروعتها مره اخرى
    ياريت لو كنت معانا قبل سنتين عملنا يوم خاص بالحجير فى واحده من الجامعات هنا,حشينا التمر ,وقلدنا الصايح, وسوينا القراصة ...ودقينا الطمبور.وهيصنا..ماخلينا شى

    بوش يشيل شيلتو معانا لو ما سهل علينا الأمور وخلانا قدرنا ساعدنا فى تعمير قرانا وسويناها أجمل من اى قريه فى تكساس
    وانشاء الله يجى يوم تسمع فى الاخبار انطلاق قمر صناعى من جبل(كلقيلى)غرب الحجير مركز مروى, وتشوف رئيس القريه الكونيه وقتها من على ظهر حماره يشاهدفى المنظر من درب الجمل.
    لك الود والسلام وسلم على المعاك

    (عدل بواسطة فجراوى on 11-04-2004, 06:12 AM)
    (عدل بواسطة فجراوى on 11-04-2004, 07:42 AM)

                   |Articles |News |مقالات |بيانات

11-04-2004, 07:07 AM

فجراوى

تاريخ التسجيل: 08-29-2002
مجموع المشاركات: 0

للتواصل معنا

FaceBook
تويتر Twitter
YouTube


Re: صوت من الحجير مركز مروى.....فى الانتخابات الامريكيه (Re: فجراوى)

    ألاخ العزيز

    ابو يسرا

    معزره للتأخير طبعا الزمن (مشقلب),وجودك ومعاك الشباب الرائعيين وسط الناس أكبر أمل فى عودة الزمن الجميل وازمان أجمل قادمه

    الناس ديل هنا دفعوا تمن غالى . حروب , ودموم,وتضحبات خرافيه عشان يكون عندهم نظام ديمقراطى مستقر. تعرف بعد الأنتخابات وفوز بوش أغلب الكلام كان عن أنتصار الديمقراطيه ونواقصها وكيفية تجاوز الأنقسام الموقت(كما قال كيرى) الذى احدثته المعركه الانتخابيه

    حاكم مدينتنا وهو ديمقراطى قال تعليقا على نتيجه الأنتخابات بالأمس تعاركنا كأعداء من أجل مستقبل أمريكا, واليوم أصبحنا اصدقاء ايضا من اجل مستقبل امريكا....شفت العظمه دى كيف؟ المهم يازول نحن كشعب.....ما أقل منهم والطريق قدامنا طويل وصعب لكن ما مستحيل

    رغم وصفك لحال نادى الحاره الرابعه وجمعية أبناء الحجير والمقل وأستمرار (اللوله)العتيقه....والله حسدكم عديل كده....ياخى حظك وانت تعافر فى رد الروح...تحت شمش عارفها..وانفاس ناس حميمه...وأمل يمشى ويجى

    لو عندك كتابات الراحل العظيم محجوب كرار مدنا بيها..والناس الوقفوا ضد الاحتفال بيه(سب فوقهم)

    لك المعزه
    وسلامى للجميع
                   |Articles |News |مقالات |بيانات

11-05-2004, 10:41 PM

ابو يسرا
<aابو يسرا
تاريخ التسجيل: 02-21-2002
مجموع المشاركات: 1855

للتواصل معنا

FaceBook
تويتر Twitter
YouTube


Re: صوت من الحجير مركز مروى.....فى الانتخابات الامريكيه (Re: فجراوى)

    ساعود
                   |Articles |News |مقالات |بيانات

11-06-2004, 00:30 AM

ABU QUSAI
<aABU QUSAI
تاريخ التسجيل: 08-31-2003
مجموع المشاركات: 1855

للتواصل معنا

FaceBook
تويتر Twitter
YouTube


Re: صوت من الحجير مركز مروى.....فى الانتخابات الامريكيه (Re: ابو يسرا)

    لووووووووووووووول يا عمر إدريس تشاركوا في انتخابات تغيير وجه العالم وتتكلموا عن الحجير ( آل الحجير آل ) ، وناس هولندا قالوا في قرية عندهم اسمها القرير ، اشبكونا القرير واالحجير لما تجيبوا لينا كفوة من السماء دا نقعد سنين ما نعرفها طياره واللا توماهوك . وحقيقة الولف كتال . أنا جاي من السودان وأصحابك لسه داقين الكدر من الجميعاب محطة أربعة لي بيت المال وأبوروف . ولسه يا عمر ولي بكره بنحلم بي وطن خير ديمقراطي . تحياتي لي شريكة الغربة وعيالها .
                   |Articles |News |مقالات |بيانات

11-06-2004, 05:27 AM

wadsolfab
<awadsolfab
تاريخ التسجيل: 02-07-2002
مجموع المشاركات: 300

للتواصل معنا

FaceBook
تويتر Twitter
YouTube


Re: صوت من الحجير مركز مروى.....فى الانتخابات الامريكيه (Re: فجراوى)

    صوت أخر هنا من الاراك مركز مروى من حجار بت عاشة تحديدا ينادى بالديمقراطية .
                   |Articles |News |مقالات |بيانات

11-06-2004, 10:53 AM

yasiko
<ayasiko
تاريخ التسجيل: 02-04-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: صوت من الحجير مركز مروى.....فى الانتخابات الامريكيه (Re: فجراوى)

    " يا حَـجَّــاااااااارة ما تتلمو تخلوا بوش يروق دمو"
    صوت من تحت حرازة حُمَّدنور
    ان شاء الله المسودابي التاني داك يكون غير وجه كاليفورنيا
    رغم انو ما قادر يغير "عزوبيتو"

    كل عام وانتم بخير
                   |Articles |News |مقالات |بيانات

11-06-2004, 04:04 PM

فجراوى

تاريخ التسجيل: 08-29-2002
مجموع المشاركات: 0

للتواصل معنا

FaceBook
تويتر Twitter
YouTube


Re: صوت من الحجير مركز مروى.....فى الانتخابات الامريكيه (Re: فجراوى)

    العزيز

    أبو يسرا

    تعال .....بسراع(لا.........تندهده)


    عزيزى أبو قصى
    أى ...والله الولف ...كتال كتله .اصحابى وصحابك الله يخدر ضراعاتهم كان ماهم والزكريات , وبصيص ألامل ...كنا نقبل وين ياابو حميد..؟

    يااخى الله يهديك ...أنا خلنى .. فى زمتك الدنيا دى كان ممكن تتقعد بدون

    الحجير,والقرير,المقل,أوسلى,مقاشى,الكرفاب,ألاراك (اهله بقوله اللراك),الباسا,تنقاسى,الزومه,العفاض,حزيمه ,نورى,البركل,الكرو .................وأمهاتهم العزيزات

    مروووووووووووووووى......................وكرررررررررررررررريمه

    وابومهم الفى القلب, عالى النبره السووووووووووووووووووووووووودان

    لك .....أماسى النور وأنت( تساسق)بين هنا ....وهناك


    أدنا خبرك وقت تصل


    الاخ العزيز

    ود سلفاب

    اللراك....أمانا مانضمت ...يازول

    عندنا عندكم (ختم) بكسر الخا أنشاء الله حافضنو وضامنو سمح

    نادى ....وارفع صوتك...ونحن معاك

    تشكر كتير...وتسلم


    العزيز

    Yasiko

    أبو البنيه السكره

    واحد من جيهتكم ديك وازن واقف لمبه ونايم تحت الحرازى...جاه الكومر بى عساكرو وقالو لو ....ياخينا قوم معانا على النقطه....قال لهم ياجماعه عليكم امان الله الكرعين الخرابه ديل واقفات تب...على تشيلو من (هنى) وتنزلو هناك


    المسودابى.... رفع الفراش امس...وقال طول عمرو يدافع عن القضايا الخاسره.... الله لاكسب (كيرى) واليوم المانا فيه...وقام مشى على الشغل


    لك الموده

    (عدل بواسطة فجراوى on 11-06-2004, 04:07 PM)

                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de