دعواتكم لزميلنا المفكر د.الباقر العفيف بالشفاء العاجل
|
|
 (( مسلسل يـمكن )) تقدّمه قناة النّيل الأزرق بشكل يومـي (( بطولتـي أنا دا ))
|
كُلّما أُتيـحت لـي سانـحة لـمشاهدة برامج قناة النّيل الأزرق
لاحظت بشكل ملحوظ جدّاً لأمر أدهشنـي ، فقرّرت التّركيـز عليه ومتباعته عن كثب
الأمر هو أنّ معظـم مقدّمات البـرامج فـي قناة النّيل الأزرق
يستعـملن باستـمرار وبشكل متكرّر ، كلـمة (( يـمكن ))
وكثيـراً جدّاً فـي مواضع لا علاقة لـها بعبارة ( يـمكن ) هذه
(( يـمكن )) أنا عاوزة أقول ...
(( يـمكن )) يا أُستاذ فـي حاجة مهمّة ذكرها الأخ ...
(( يـمكن )) الحلقة دي من البرنامج حانركّز فيها علـى ...
و (( يـمكن )) أنا حأجيـب مـجموعة من الفيديوهات
سجّلتها الآن من برنامج ( مساء جديد )
وبالتّأكيد (( يـمكن )) حأجيب نـماذج عديدة ومتكرّرة
لعدد من مقدّمات البـرامج الـمختلفة فـي قناة النّيل الأزرق
و (( يـمكن )) بشكل يومـي علـى مدار الأُسبوع
ويا نادين إطمئنّـي
إنتـي ما براك
عدد كبير من زميلاتِك بيتـمكّنن من نفس الـمقدرة دي
وإلـى حلقات المسلسل ...
|
|
 
|
|
|
|
|
|
|
 Re: (( مسلسل يـمكن )) تقدّمه قناة النّيل الأزرق بشكل يومـي (( بطولتـي أنا دا )) (Re: عوض عبدالله طه)
|
Quote:
يا ريتك رصدت لي معاك كمان قصة (أكيد) البيستهلو بيها اي جملة عايزين يقولوها دي
وبالذات تسابيح مبارك ومي عمر
والأفدح انو يلموها مع (يمكن) حقتك
تتخيل كتير من الاحيان الواحدة تبدأ ليك الكلام
أكيد يمكن الفنان ده كيت وكيت
|
يا عوض
سلامات
إن شاء الله أكيد يـمكن أجيب ليك كُلّ الأكيدات الـممكنة
وكُلّ اليـمكنات الأكيدة
ذكّرتنـي زمان واحد قال لـي :
نـحن ليه بنقول كتيـر :
( قام عمل ) و ( قام قال ) ؟
و ( قعد يعـمل ) و ( قعد يقول ) ؟
قُلتَ ليهو :
( أنا أُمبارح تعبان قُمتَ قعدتَ أترقّد اليوم كُلّو ) 
مودّتـي الأكيدة
| |
|
|
|
|
|
|
|
|
|
Re: (( مسلسل يـمكن )) تقدّمه قناة النّيل الأزرق بشكل يومـي (( بطولتـي أنا دا )) (Re: Al-Shaygi)
|
Quote:
لؤي يا حبيب
يمكن دي أوعى تكون كاسرة فيك ضلعة ولا أمية!!!!!
شايف أمكناتك كلها إمكن إلا واحد يمكن.......
وغادي غادي من المِكنة...
والله مشتاقين يا زول....
ياخ لامن يمكن تجي الرياض يمكن تتصل بي يمكن ألاقيك ويمكن أبل الشوق....
|
أبو الـحُسن
مشتاقيـن ياخـي
أكيـد يـمكن هـي من ناحية كاسرة فهـي يـمكن أكيـد كاسرة
لكن ضلعة ولاّ رقبة يـمكن أكيـد ما عارف
ويا سيـدي يـمكن أكيـد أكيـد حانتقابـل
وُدّي
| |
|
|
|
|
|
|
|
|
 Re: (( مسلسل يـمكن )) تقدّمه قناة النّيل الأزرق بشكل يومـي (( بطولتـي أنا دا )) (Re: ASHRAF TAHA)
|
ياجماعة براحة على البت..
بتنا دي ما بنرضى فيها..
و(حقيقة) نحنا كلنا عندنا لوازم ـ جمع لازمة ـ كلامية وحركية
لو رصدناها هنا البوست دي بمشي للصفحة السابعة..
المذيعات دي مابدوهن أي كورسات ولا تدريب..
شوفو عمر الجزلي الليهو ستين سنة في التلفزيون
لما يذيع الخبر كيف بقطِّع الكلام وبكررو..
زي لما يقول ليك: صرح محمد أحمد عز الدين مدير الهيئة القومية للغابات وحماية البيئة صرح بأن دور الهيئة..
يبقى صرَّح التانية مافي ليها أي داعي.. وده كبير المذيعين بالتلفزيون..
حتى صياغة الخبر نفسها ما فيها أي موهبة ولا إبداع.. كلمة صرَّح دي من زمن المهدية..
والناس خلوها زماااااان..
يا لؤي إنت ما بتفوِّت أي حاجة.. !!
والله تباري التلفزيونات دي يجيك مصران عاجل..
وعليك النبي شوف مذيعات هارموني..
ونسمع شنو؟؟
بدل يكون في ابتكار وبدل تقول نستريح مع الشجن والكلمة الأنيقة مع الصداح لؤي شمت
تقول ليك نسمع شنو؟؟
| |
|
|
|
|
|
|
|
|
|
Re: (( مسلسل يـمكن )) تقدّمه قناة النّيل الأزرق بشكل يومـي (( بطولتـي أنا دا )) (Re: نور الدين عثمان)
|
Quote:
العزيز لؤى كل سنة وانت طيب وربنا يجعل القادم احلى على الجميع
وكلمة يمكن وياللاه واكيد ووو من نوعية الكلام العامى اللى كل فترة زمنية معينة تلقى كلمة مستهلكة
بدرجة تحير بس صراحة انت دايما مبدع فى ملاحظاتك واطروحاتك الراقية .
وليك التحية على البوست الجميل ده .
|
نور الدّيـن
سلامات
وإنتَ طيّب
ربّنا يـحقّق الأُمنيات
وعليك الله أعفينـي من قصّة مبدع دي إنت وعمر
يـمكن الواحد بقـى يتعقّد من الكلمة دي
تـحاياي
| |
|
|
|
|
|
|
|
|
|
Re: (( مسلسل يـمكن )) تقدّمه قناة النّيل الأزرق بشكل يومـي (( بطولتـي أنا دا )) (Re: ابوبكر قسومة)
|
انا الكلمة البتعمل لي أكولة ما دي
في كلمة ماسكين فيها كل المذيعين السودانيين من زمن الطيب عبدالماجد لحدت هسي. والغريبة كلهم لقطوها حتى عمك الرشيد بدوي وعبيد
في التلفزيون في الاذاعة في برامج الصباح في اللقاءات في النشرة في أي حتة الكلمة دي الـ paste بتاعها قاعد
وهي..
(التحية)
(التحية لهذا الشعب المعطاء)
(التحية لهذا الوطن الـ...)
(التحية للطيور المغردة خارج هذا الوطن)
(التحية لفن الحقيبة)
(التحية للورد كتشنر)
| |
|
|
|
|
|
|
|
|
|
Re: (( مسلسل يـمكن )) تقدّمه قناة النّيل الأزرق بشكل يومـي (( بطولتـي أنا دا )) (Re: mamkouna)
|
Quote: الأمر هو أنّ معظـم مقدّمات البـرامج فـي قناة النّيل الأزرق
يستعـملن باستـمرار وبشكل متكرّر ، كلـمة (( يـمكن ))
وكثيـراً جدّاً فـي مواضع لا علاقة لـها بعبارة ( يـمكن ) هذه
(( يـمكن )) أنا عاوزة أقول ...
(( يـمكن )) يا أُستاذ فـي حاجة مهمّة ذكرها الأخ ...
(( يـمكن )) الحلقة دي من البرنامج حانركّز فيها علـى ...
و (( يـمكن )) أنا حأجيـب مـجموعة من الفيديوهات
سجّلتها الآن من برنامج ( مساء جديد )
وبالتّأكيد (( يـمكن )) حأجيب نـماذج عديدة ومتكرّرة
لعدد من مقدّمات البـرامج الـمختلفة فـي قناة النّيل الأزرق
و (( يـمكن )) بشكل يومـي علـى مدار الأُسبوع
ويا نادين إطمئنّـي
إنتـي ما براك
عدد كبير من زميلاتِك بيتـمكّنن من نفس الـمقدرة دي
|
.
الاخ لوي
السلام عليكم..
قرأت البوست ضحكت من أول كلمة فيه..
حقيقة هذه المسألة من زمان جدا في برنامج (مراسي الشوق) لدى المذيعة غادة عربي حتى بقى أبنائ الأربعة يعدون بالصوت العالي..
واحد
اثنين
ثلاثة
اربعة
....
...
..
..
لكن يمكن بتاعة غادة مضحكة كثيراً..مرة قالت يمكن نحن في الحلقة الفايتة قدمنا لكم.....
وفي حلقة اليوم يمكن نقدم ليكم.....
لكنني متذكر في حلقة واحدة تجاوزت غادة عربي الرقم 35 (يمكن) ..
وهي كثيراً تتحدث اكثر من الضيف.. وفي حلقة استضافة فيها استاذنا محمد موسى جبارة تكلمت اكثر مما تكلم الضيف.. وهذه تحدث عادةً في هذا البرنامج..
يبدو ان جهاز التلفزيون يعيش حالة تقشف بمعنى ان أوقف لجان الرقابة الفنية على البرامج.. ولجان التقييم الخاصة بالمذيعيين والمذيعات.
وفي السابق لا يمكن لمسألة (يمكن) أن تحدث لكن المجاملات والمصالح المشتركة بين المسؤولين في الجهاز الاعلامي لا يجعل هناك مكاناً للمهنية العالية.
| |
|
|
|
|
|
|
|
|
|
Re: (( مسلسل يـمكن )) تقدّمه قناة النّيل الأزرق بشكل يومـي (( بطولتـي أنا دا )) (Re: khalid abuahmed)
|
Quote:
الاخ لوي
السلام عليكم..
قرأت البوست ضحكت من أول كلمة فيه..
حقيقة هذه المسألة من زمان جدا في برنامج (مراسي الشوق) لدى المذيعة غادة عربي حتى بقى أبنائ الأربعة يعدون بالصوت العالي..
واحد
اثنين
ثلاثة
اربعة
....
...
..
..
لكن يمكن بتاعة غادة مضحكة كثيراً..مرة قالت يمكن نحن في الحلقة الفايتة قدمنا لكم.....
وفي حلقة اليوم يمكن نقدم ليكم.....
لكنني متذكر في حلقة واحدة تجاوزت غادة عربي الرقم 35 (يمكن) ..
وهي كثيراً تتحدث اكثر من الضيف.. وفي حلقة استضافة فيها استاذنا محمد موسى جبارة تكلمت اكثر مما تكلم الضيف.. وهذه تحدث عادةً في هذا البرنامج..
يبدو ان جهاز التلفزيون يعيش حالة تقشف بمعنى ان أوقف لجان الرقابة الفنية على البرامج.. ولجان التقييم الخاصة بالمذيعيين والمذيعات.
وفي السابق لا يمكن لمسألة (يمكن) أن تحدث لكن المجاملات والمصالح المشتركة بين المسؤولين في الجهاز الاعلامي لا يجعل هناك مكاناً للمهنية العالية.
|
أبو أحـمد
صباح الـخيـر
دي غادة عبد الـهادي ؟
زوجة شُكر الله ؟؟
ياخـي أولادك ديـل ما يـجوا يشتغلوا معاي رصد ، الحلقات كترت
العجيبة بعد شويّة حاتشوف وتـسـمع فـي فيديوهات حأضيفـها عبارة :
( يــمكن نـحن شاهدنا قبـل شويّة )
و ( يـمكن أنا قُلتَ قبـل شويّة )
يا ربـي يـمكن يكونوا ما شاهدوا ؟!
أو يـمكن تكون ما قالت ؟؟!!
يـمكن
| |
|
|
|
|
|
|
|
|
|
Re: (( مسلسل يـمكن )) تقدّمه قناة النّيل الأزرق بشكل يومـي (( بطولتـي أنا دا )) (Re: محمد يوسف الزين)
|
Quote:
انا الكلمة البتعمل لي أكولة ما دي
في كلمة ماسكين فيها كل المذيعين السودانيين من زمن الطيب عبدالماجد لحدت هسي. والغريبة كلهم لقطوها حتى عمك الرشيد بدوي وعبيد
في التلفزيون في الاذاعة في برامج الصباح في اللقاءات في النشرة في أي حتة الكلمة دي الـ paste بتاعها قاعد
وهي..
(التحية)
(التحية لهذا الشعب المعطاء)
(التحية لهذا الوطن الـ...)
(التحية للطيور المغردة خارج هذا الوطن)
(التحية لفن الحقيبة)
(التحية للورد كتشنر)
|
مـحمّد يوسف
صباح الـخيـر
الـتّحيّة ليك يا عزيزي
اللذيذة النّاس الفـي حلقات أفراح أفراح
ما قادرة تفهـم الفرق بيـن ( بـحيّي قناة النّيـل الأزرق )
و ( بـهنّـي قناة النّيـل الأزرق )
وأنا يـمكن فـي الـحتّة دي يعنـي أكيـد بـحيّيك يا مـحمّد 
| |
|
|
|
|
|
|
|
|
|
Re: (( مسلسل يـمكن )) تقدّمه قناة النّيل الأزرق بشكل يومـي (( بطولتـي أنا دا )) (Re: لؤى)
|
يا لؤي ياظريف يا صاحب البوستات الفنانة الظريفة
يا أخي ( يمكن) أنا عندي مشكلة و( يمكن) أنت كمان عندك نفس المشكلة
تعرف ( يمكن) تكون أيه هي ؟
المشكلة أنا وأنت نرى الأشياء بعين الناقد ونركز على كل كبيرة وصغيرة خاصة بقنواتنا التلفزيونية ، لذلك قل ما نستمتع بما يقدم ، لأننا نرى الأشياء بمنظور مختلف عن المشاهد العادي ، لذلك فهذه الأشياء تغض مضاجعنا و ( يمكن ) تقلقنا و ( يمكن) تقلل من متعتنا بما يقدم .
عموماً والله كان جينا لرصد الأشياء التي ( يمكن) يكون فيها رأي فهي لا تحصى ( في مجال تقديم البرامج ، في الدراما ، في البرامج الرياضية ، في نقل المباريات .... الخ )
( يمكن ) طولت عليك شوية.
أرقد عافية ( ما تقوم تترقد اليوم كله)
شكراً لك يا ظريف يا فنان .
| |
|
|
|
|
|
|
|
|
|
Re: (( مسلسل يـمكن )) تقدّمه قناة النّيل الأزرق بشكل يومـي (( بطولتـي أنا دا )) (Re: Mirghani Ali AlAmin)
|
Quote:
يا لؤي ياظريف يا صاحب البوستات الفنانة الظريفة
يا أخي ( يمكن) أنا عندي مشكلة و( يمكن) أنت كمان عندك نفس المشكلة
تعرف ( يمكن) تكون أيه هي ؟
المشكلة أنا وأنت نرى الأشياء بعين الناقد ونركز على كل كبيرة وصغيرة خاصة بقنواتنا التلفزيونية ، لذلك قل ما نستمتع بما يقدم ، لأننا نرى الأشياء بمنظور مختلف عن المشاهد العادي ، لذلك فهذه الأشياء تغض مضاجعنا و ( يمكن ) تقلقنا و ( يمكن) تقلل من متعتنا بما يقدم .
عموماً والله كان جينا لرصد الأشياء التي ( يمكن) يكون فيها رأي فهي لا تحصى ( في مجال تقديم البرامج ، في الدراما ، في البرامج الرياضية ، في نقل المباريات .... الخ )
( يمكن ) طولت عليك شوية.
أرقد عافية ( ما تقوم تترقد اليوم كله)
شكراً لك يا ظريف يا فنان .
|
ميـرغنـي العزيز
سلامات
ياخـي والله ظريـف وفنّان إنت
صدّقنـي دي تبقـى ما مشكلة
دي يـمكن تكون ميـزة
وبدون أيّ تركيـز الـيـمكنات دي لافتة جدّاً
ولافتة مضيئة كمان
وترقّب بعد دقائق فـي البوست
حاتشاهد وتـسـمع عجائب الـيـمكنات
وأهلاً بيـك فـي أيّ وقت
فـما تقوم تقعد تتـحسّس
| |
|
|
|
|
|
|
| |
لؤى
محمد عبدالرحمن محمد
عوض عبدالله طه
منتصرمحمد زكى
عمران حسن صالح
احمد الأمين على إدريس
Al-Shaygi
ليلى عز الدين
محمد النيل
saadeldin abdelrahman
haroon diyab
ASHRAF TAHA
محمد أبوالعزائم أبوالريش
ALGARADABI
نور الدين عثمان
جمال الباقر
عفاف الصادق بابكر
ابراهيم محمد الحسن
صلاح أبودية
فيصل محمد خليل
ابوبكر قسومة
محمد يوسف الزين
ندى صالح الطيب
mamkouna
khalid abuahmed
Zomrawi Alweli
Mirghani Ali AlAmin
فيس بوك
تويتر
انستقرام
يوتيوب
بنتيريست