|
دعواتكم لزميلنا المفكر د.الباقر العفيف بالشفاء العاجل
|
|
 Re: كشف حال ومهزلة في الرّياض بالصّورة والصّوت وبالسّفنجة كمان (Re: bayan)
|
غايتو
ما بعرف كان ما اخاف الكضب السفنجة دي تخص علوية حواجب
كايسة ليها من سنة 2000
لو جبتا لينا صورة من الواجهة نشوف نخرتها مقطوعة
ولا سالمة
بقطع ليكم الشك
ويكون بحث الشايننق ستار عن سفنجتها انتهى..
وبكدا يا لؤي تكون وقفت اطول مناحة على سفنجة في تأريخ البشرية,,,
سلام يا حلوين... دا بوست عنده مستقبل زاهر..
الوداعية قالت كدا..
.....
الله يجازيكى يا بيان...
مافى زول فى البورد دا قادر يضحكنى زيك...
طلعتينى من حالة بس(حمده فى بطنه)...
| |
 
|
|
|
|
|
|
|
 Re: كشف حال ومهزلة في الرّياض بالصّورة والصّوت وبالسّفنجة كمان (Re: nour tawir)
|
الاعزاء..
وديدي - عادل رحمن- سوميتا -عبد المنعم عمر عثمان - نادية ومني خوجلي - د. معز - بيان ونور تاور
محبتي الشديدة جدا ليكم .
.
يادوبك الواحد يقدر يقول أنو اتحلحل من ( كماشة ) الارهاب الكان بيواجهو طيلة الايام السابقة 
كانت هناك محاولات ياسادتي ( لتدجيني ) مرة .. وتعرضت لمحاولات ( الخطف ) اكثر من مرة لاستعمالي كرهينة وأكون في كف عفريت
السبب:
لأن بطرفي معلومات خطيرة جدا .. تتعلق بالسفنجة موضوع النقاش 
وبما أني مفاوض خطير وبعرف التصرف في الحالات المشابهة .. وكون أن هذا الجسم الغريب ( السفنجة ) أمر بها يوميا وأنا في طريق هبوطي وصعودي من (الشقة) الكائنة بالطابق التالت - وحضوري مكانيا وسماعي باضاني دي .. لكل ابيات الغزل التي نسجت حول هذه ( الكائنة ) السفنجة برضو من بيوتات الشعر المتعرف عليها عالميا - من شعر جاهلي ومن النوع ( ابوضلفتين برضو ) ومن البحر الطويل والقصير - وشعر التفعيلة - وكل الاكسسوارات المتعلقة بالمسالة دي ..
ومن مكانتي كنعصر ( فتات جدا ) ولسانو خفيف في حالات زي دي .. وما انفع اشتغل في الاستخبارات لاني ( بفتو ) بسرعة - وبدون ما ( يعصروني - ولا يودوني الماسورة )
فقد كنت يا سادتي مستهدف ايما استهداف ..
إلي أن تم تحرك سريع من المجتمع الدولي .. ووافقت الجهات المعنية والمخول لها التصرف في مثل هذه ( الكيسات ).. فقد قامت الجهات مشكورة بإيفاد - عنصر مدرب جدا من اصحاب القبعات الزرقاء وأنا الآن اتمتع بحماية كاملة من عنصر مدرب جدا ( وخشمو أخف مني ) ويجيد كل اساليب الضغط والرشوة والابتزاز كما وضح لكم في الردود اعلاها واسفلها..
ولذلك
انا سعيد جدا أنو قدرت اتخلص من القبضة الحديدة دي ومن ( سكين ضراع اصلية ) مصنوعة من ( صحن بلي ) وارد كسلا ومنقوش عليها حروف وتعاويز من زمن التركية الاولى .. (والجفير) الخاص بيها فيهو ( منقاش )..
يعني بي صراحة ياجماعة انا كان ممكن اضيع فيها لو ما لؤي عمل لي تغطية..
غايتو يالؤي الله يخليك وانا قررت تاني كلما اشوفك في مكان يا اقرا اسمك .. اصفق ليك طوالي
بصراحة ياجماعة انا املك معلومات خطيرة عن هذه السفنجة - وعن صاحبة السفنجة وعن صاحبنا الذي كتب ما كتب فيها - وجعلها رمزية - بالرغم من البعد الجغرافي لصاحبتها.
فقط أرجو التنوية:
يا سادتي إن للحب من غير نظرة ... أو أول نظرة - أو الحب بي ريموت كنترول لسحر عجيب
واعمق حب - واسرع ريد..هو النوع الذي يتم سريعا وتمرر اجندته من خلال الاحتكاك بصاحبات السفنجات اثناء صناعة الشاي وخدمات التوصيل والخطوط المفتوحة مباشرة والقنوات السريعة بيوتات العزاءات مثالا ـ ( ويا هناي يخسي عليك ما توصلني الكوفير ) أو ( عليك الله اللبس ياتو فستان بعدين العنابي والا البصلي والا الحرجلي ) كما في بيوت الافراح نموذج آخر
باختصار سادتي .. أنتو أمام قضية مفصلية خطيرة
ربما تدرس لاحقا وتعامل ( كنظرية) ثابته لاتقل عن ( النسبية ) .. خاصة وانها تمس وجود الكائن البشري ( الشفيف ) ( ابو الميرندا ) في الغربة .. وتسلط الضوء عليه حتى ولو النور قاطع..
انا ح افتو يا شتات تعبت معاي لكن 
| |
|
|
|
|
|
|
|
|
|
Re: كشف حال ومهزلة في الرّياض بالصّورة والصّوت وبالسّفنجة كمان (Re: tmbis)
|
يا تامبا ..
وأنا سكين ود أب ضلع دا فايتاني ماشه وين ؟؟
في تآمر صريح لقوى الشر ..
وبعد تضييق الخناق على شخصنا المسكين ..
اطلب من جميع حقوق السفنجات والمنظمات المنضوية تحت لوائها ..
" طبعاً ديل شغالين في الفارغة والمليانة " ..
منحي حق اللجو إلى أي دولة سفنجية أخرى ..
خوفاً على رويحتي دي ..
وكذلك أناشد المجتمع الدولي " ديل ناس قريعتي راحت "..
بمد يد العون والمساعدات العاجلة وارسال ما أمكن من قوات لحفظ السلام السفنجي ..
أها بعد دا رميته ليكم في رقبتكم دي ..
قالوا الخواف لمة سفنجاتو ..
| |
|
|
|
|
|
|
|
|
|
Re: كشف حال ومهزلة في الرّياض بالصّورة والصّوت وبالسّفنجة كمان (Re: bayan)
|
والله يا دكتورة بيان انتي الوحيدة الجبتي التايهة ..
هي كده السفنجة كاشفة حالنا نقوم نجيب نخرتها نتم الناقصة ..
السفنجة دي تاريخه طويل ما اظن ينتهي هسي ..
لؤى دا قدر ما اجتهد ما لقى طريقة لمعرفة حقيقتها الضائعة ..
ونحن هسي عايزين ندخلها مؤسوعة السفنجات للأرقام السفنجية والبكاء الطويل وسهر الليل ..
حقوق الجعير محفوظة لتمبس وشتات ..
كوني بخير ..
| |
|
|
|
|
|
|
|
|
|
Re: كشف حال ومهزلة في الرّياض بالصّورة والصّوت وبالسّفنجة كمان (Re: bayan)
|
والله يا دكتورة بيان انتي الوحيدة الجبتي التايهة ..
هي كده السفنجة كاشفة حالنا نقوم نجيب نخرتها نتم الناقصة ..
السفنجة دي تاريخه طويل ما اظن ينتهي هسي ..
لؤى دا قدر ما اجتهد ما لقى طريقة لمعرفة حقيقتها الضائعة ..
ونحن هسي عايزين ندخلها مؤسوعة السفنجات للأرقام السفنجية والبكاء الطويل وسهر الليل ..
حقوق الجعير محفوظة لتمبس وشتات ..
كوني بخير ..
| |
|
|
|
|
|
|
|
|
 Re: كشف حال ومهزلة في الرّياض بالصّورة والصّوت وبالسّفنجة كمان (Re: لؤى)
|
اخوي لؤي شمت الدنقلاوي
سرن اقمندو
أنت الوداك لاولاد كلامهم عربي ساي شنو
كلامهم كتر نضمهم كتر حتى جكيسهم كتر كمان
الاولاد دول عندهم السفنجة دي وطاقية حمراء
انا كلما امشي اتعجب ايه علاقة السفنجة المركبية (نسبة إلى مركب نوح)
وطاقية ناس اهل العوض الحمرا
غايتو تعال لينا في الجمعية وصديق الموج حيجيب معاه التركين
عافيلقو
| |
|
|
|
|
|
|
|
|
|
Re: كشف حال ومهزلة في الرّياض بالصّورة والصّوت وبالسّفنجة كمان (Re: حمزاوي)
|
عبس .. يا فردهـ التكسر حاصل قبال ما ابو اللول يجينا .. وفراشنا لحدي الآن مدور
ماما دومـــا.. الشوق الف ونورتي الدنيا كلها ورجعتينا للزمن الجميل .. لكن السفنجة دي بعد المراجعة والفحص الدقيق ورفع البصمات لقيت انو مقطوعة من النخرة بي فوق ومربوطة بي ( سلك ) على شكل ( فيونكة ) الرجاء القيام بالمراجعة والمقارنة المطلوبة مش احتمال علوية اشلاق تكون دخلت العولمة.
مامون أحمد .. راجع الحاجات المتعلقة بالصوت في الجهاز كلو تمام... والاغنية شغالة ( تش )
أحمد عبد الله .. المسالة فيها محاولات تنويم مغنطيسي .. ما تدقس
الحارث .. ياخي انا قلت ليك المرة الفاتت عندي ( رمد ) والسخانة بتاعت اليومين دي ما بتنفع معاي والنضارة مكسورة
حمزاوي يا ابو النسب .. نحن عاملين شبكة في البيت مربوطة بي اربعة اجهزة في الغرفة عندنا جهاز خاص بيتعامل مع الحالات النادرة عاملين ليهو سوفت وير بيعالج الحالات دي .. واستحدثنا مؤخرا برنامج بيتعامل مع اي لغة في العالم يعني تجي داخل علينا الغرفة وتقول مسكاقمي ..مكبر الصوت بيرد ليك .. ويقول ليك:
كلو في محلو ابقى داخل .. عايز على العشاء شنو يا سيدي العزيز تركين والا .. سكلوب بانيه؟؟
| |
|
|
|
|
|
|
|
|
|
Re: كشف حال ومهزلة في الرّياض بالصّورة والصّوت وبالسّفنجة كمان (Re: لؤى)
|
أحسن الله عزاءكم
أولاً لو في سبب كتل الميت وخلى سيد السفنجه يجري حفيان ويخليها ليكم هو عتبتكم دي بالله دي عتبه دي ما سمعتو بالـ mob head ما دكاكينكم أقصد السوبر ماركيتس والهايبرماركتس العندكم مليانه بكل أنواع المنظفات الكيماوية لكين بيني وبينكم عتبتكم دي إلا تجيبو ليها مقاول ليقوم بإجتثاثها من الجذور ويعمل ليكم عتبه بديله ، وليهو حق عنتره يهجو المغتربين زي ماقال أبا جهينه ، وسؤالي برضو ليكم هل أصل العتبه رخام أم طوب تم تعميشه.
وبالله عليكم عتبتكم عتبه ودي تبه
المهم في سفه رخصه صاعة صينيةكمن بس شكلهاأجمل ، إتصل الآ ولا تتد رضاكم هو هدفنا:
جميعها بمقاسات وألوان مختلفة خاتين لي تموت تخلي في العتبه
| |
|
|
|
|
|
|
|
|
|
Re: كشف حال ومهزلة في الرّياض بالصّورة والصّوت وبالسّفنجة كمان (Re: almulaomar)
|
..
مولانـــا الملا عمـــر ..
| Quote: أصل العتبه رخام أم طوب تم تعميشه |
..
العتبة .. وما جاورهــا من درابزين وسياج - وحاجات تانية حامياني .. دي بتدخل تحت بند الشهر الما عندك نفقة ما تعد .. ( طوباتو ) حيث أننا بالطريقة دي بندخل في تفاصيل طبقات الارض واحتمال تجيب ليها تغول وندي طبقة الاوزوون غشوة خفيفة كدا .. ودي بتجيب لينا هوا مع ناس الجوليجيا..وعمك ريختر وادونيس ولويس باستير .. وبي كدا القصة بتفرتق ..
كل البنقدر نعملو ليك ممكن نعمل ليك خريطة كنتورية على برنامج الاوتوكاد .. وتقوم أنت ( تعمش ) العتبة يا تديها ( بوماستك ) .. يا هيد اند شولدرز .. المهم حسب مزاجك
..
نحن عايزين نثبت الواقعة بتاعت الاثار دي .. ووالاكتشاف العلمي الجديد البيوحي بوجود ( اهرامات )
أو
باقي الاطلال أو أنت عمري .. مش احتمال نكتشف أنو المنطقة المعنية بالصورة دي والسفنجة ليها علاقة بي عمرو بن كلثوم يا عمرو بن حبوبتي ( السرة بت جاد السيد )...
بعدين أنا ولؤي كنا حريصين أنو المعروضات تكون قاعده في مكانه وانا مسؤول عن الاشراف الميداني على مسرح الجريمة .. وقاعد اخد بدل بنزين وبدل ترحيل للقصة دي .. ونص كيلو ( باسطة ) يوميا بدل لياقات .. وحافز تقديري بدل .. متاعب .. وباخد كمان بدل ( مغامرة ، وبدل مخاطر ) حيث أن العتبة - وجيران العتبة وحلة ناس العتبة علي حسب علمنا فيها كـــلاب .. وفي مقولة أخرى كل كنزا حارسو جان..
..
السفنجة دي يا ملا ممكن .. نركبه ليك بص سياحي ..
بس كان ست السفنجة جات زعلت وربطت ( وش ) .. كدا بتضيع لينا ناس .. وبموتو في الرجلين..
| |
|
|
|
|
|
|
|
|
|
Re: كشف حال ومهزلة في الرّياض بالصّورة والصّوت وبالسّفنجة كمان (Re: لؤى)
|
السفنجة دي حقتي تتذكر آخر مرة نسيتها عندك يامعتصم ومعاها البنطلون والفرشة ... لكن مالها بقت قديمة كدا السفنجة دي غالية يا معتصم شوف كلام قرشو دا وقرشو الوحيد الطلع زول خبرة في السفنجات
Quote: الملاحظة الفاتت على الناس ديل كلهم
انه السفنجة دى من النوع الطبى
النوع البيعمل مساج لباطن الرجل ويجرى الدورة الدموية |
ملاحظة مهمة شديد جداً
السفنجة دي ما ليها أي علاقة ببيوت البكا الفتحوها الشباب ديل ... نحنا كمان ناس بتاعين بكا؟؟؟ علي بالحرام نقع واقفين ولا تنزل مننا نقطة دمعة.
معتصم لم لي حاجاتي دي في كيس طالما بقت عاملة فضايح.
| |
|
|
|
|
|
|
|
|
|
Re: كشف حال ومهزلة في الرّياض بالصّورة والصّوت وبالسّفنجة كمان (Re: ملكة سبأ)
|
بعد ان نبهت حبيبتنا دومة عن ان هذه السفنجة
لا تمت الى سفنجة علوية حواجب الضائعة اذ ان تلك خدرة
رغم انه متأكدة
انه علوية حواجب اسقط في يدها
وصارت مثل ناس دارفور في ابوجا
تشيل السفنجة وتقول ياها حقتها
ولا تخليها.. ربما لا توجد سفنجة ضائعة مبلغ عنها..
مرة اخرى..
وتضيع الفرصة ولا تغني ما قدرتا اقول لقيتك..
هذا ما ناحية
العتبة هي التي اثارت دهشتي ودخلتها في اسكانر
الكتورنية قالت اللون دا اكتسبته
انه صاحب العتبة غسل شقته من الركن للركن.
كما تعلمون اهمية الاركان لتف السفة..
يعني المسعلة عطرون وصعوط.
من التحقيقات الاولية
الشقة دي شقة زولا ارباب بيتلمو الناس عندو..
ومن شدة ما كريم ود ناس ممكن يجيه
زول بسفنجة ذي دي ويطلع بجزمة..
وكبر حجم السفنجة لتمويه..
فيا تمبس لو بتلبس 33 برضو ممكن تكون حقتك.. 
وعليه تدونا 48 ساعة نوريكم حقت منو..
| |
|
|
|
|
|
|
|
|
|
Re: كشف حال ومهزلة في الرّياض بالصّورة والصّوت وبالسّفنجة كمان (Re: bayan)
|
اخوتي،،
سلام
حال السودانيين في الغربة أريتو حال الجبال والحجار
والحوامة بالسفنجة شيء عادي وشقق السودانيين زمان بيعرفوها بعلم السودان هسة بالوسخ والسفنجات.
وهاكم دي ! سوداني عندو صاحبو ضابط شرطة سعودي قال ليهو أنتو يا السودانيين زمان كنتو بتلبسو لبسكم الكامل (عمة-شال - جلباب - حذاء (مركوب)) هسة بقيتوا تلبسوا ليكم حاجات عجيبة وخصوصا السفنجة الـ هي فقط للحمام لو جدت!!! وبالتأكيد أصاب السوداني كل الخجل وأبلغني أنه فرتق الصحبة!!!!
أما التانية فمطوع سعودي قابل سوداني لابس عراقي بسروال صغير وقال ليهو( والله يا السودانيين أنكم تبالغون في السنة) فاكر العراقي تقصير سنه!!
وربنا يرجع لينا تاريخنا القديم في السيره العطرة انشاء الله.
هشام
| |
|
|
|
|
|
|
| |
لؤى
الفاتح وديدي
معتصم دفع الله
adil rahman
Soumeta
tmbis
Muna Khugali
Dr. Moiz Bakhiet
bayan
nour tawir
abas
doma
Mamoun Ahmed
Ahmed Abdallah
الحارث سرالختم عبد الله
saadeldin abdelrahman
Sidig Rahama Elnour
إسماعيل وراق
قرشـــو
عمران حسن صالح
انعام عبد الحفيظ
almulaomar
ابو جهينة
Badri
ملكة سبأ
Hisham Ibrahim
فيس بوك
تويتر
انستقرام
يوتيوب
بنتيريست