|
دعواتكم لزميلنا المفكر د.الباقر العفيف بالشفاء العاجل
|
|
 Re: فرحنا غنينا ليك يا لؤى شمت : خالد المحرب ، يا اخى دى حنة ما منظور مثيلا !! (Re: خالد المحرب)
|
يا سلاااااااااااااااام يا بورداب الرياض الحلوين
ان شاء الله فى السمح دائما ملمومين
رجعتونى لى أحلا لمة واروع ايام كانت معاكم
ما زلت اجتر ذكراها العطرة برفقتكم يا اروع ناس
لؤي العريس مبروكة الحنة يابا
ان شاء الله ايامك كلها حنينة وخضراء
ربى يسعدك ويهنيك وبيت مال وعيال
ربنا يحفظكم انت والمدام
ويجعل البركة فى ذريتكم القادمة باذن الله
اخوي شيخ العرب ود المحرب
ياها المحرية فيك يا دخرينا
داخرينك ديمه للسمح والزين
واياكا دائما ساترنا
يا ستار العروض وسداد الدين
ام أحمد الحبيبة
ان شاء الله تحننى أحمد
شاحده ليك الله
بركة الجمعه الجامعه والدعوة العند الله سامعة
قولى آمين
فرحتوني شديد بي كرمكم وحنتكم لي الضي الحنين
ربى يفرحكم ديمة
والشكر ليكم عديلة بيضاء
| |
 
|
|
|
|
|
|
|
|
Re: فرحنا غنينا ليك يا لؤى شمت : خالد المحرب ، يا اخى دى حنة ما منظور مثيلا !! (Re: د.محمد حسن)
|
الاخ العزيز اسعد الريفي
بالفعل كان حفلا متميزا ابهجه الحضور بمشاركتهم العريس الجميل الصديق لؤي
الكل يلهج لسانه بشكر اخي خالد المحرب وحرمه المصون عفاف ابوحريره
علي المجهود الجبار الذي قاما به تجاه من احبوا واحببنا
عاطر امنياتي اخوتي وفي فرح العيال باذن الله
ودمتم ودامت الافراح...
منظرين الصور الصور الكاميرات الكتيره الكانت حايمه كك .. كرك .. دي وين....؟
خاتنها لليوم الاسود ولا ايه ..؟؟؟؟؟
| |
|
|
|
|
|
|
|
|
|
Re: فرحنا غنينا ليك يا لؤى شمت : خالد المحرب ، يا اخى دى حنة ما منظور مثيلا !! (Re: إحسان عبدالمتعال أحمد)
|
والله يا لؤي عايز أبارك ليك العرس Saudi Arabia Version
وربنا يجعل أيامك والعروس كلها سعادة وخير...
بس عندك وزيرين من وزارئك داقسين....
يعني فيها شنو لو وزير المراسم أسعد
أو وزير العلاقات الخارجية طارق دعواني...
كان دقيت سلف من الشرقية و3 ساعات وأنا عندكم...
لكن حظك وحظي كده.. نعمل شنو...
عندك وزير علاقات خارجية غتيت أو غتت على قول المصريين
عارف خميسي منمِل وعمل صهيوني.. لكنه ويحه مني
اما وزير المراسم فتحياتي وتحيات أحمد عيسى ليهو
| |
|
|
|
|
|
|
|
|
|
Re: فرحنا غنينا ليك يا لؤى شمت : خالد المحرب ، يا اخى دى حنة ما منظور مثيلا !! (Re: إدريس محمد إبراهيم)
|
ليلة من ذات الليالي
الف مبروك لؤي ربنا يتم لك على خير وتشرفنا كتير بمقابلتك
شكرا ال المحرب الاعزاء الاكارم خالد وعفاف والوليدات والبنيات
ويا خالد وعفاف نجيكم دايمافي الافراح يا رب
ونحضر فرحكم باولادكم وبناتكم الله يحفظكم جميعا
بورداب الرياض سعدنا باللقاء بعد الغياب
عادالحبيب تمبس
وعاد مو الشفيف
والمفاجأة بالنسبة لي كانت عودة حيمورة بصورة نهائية الى الرياض.
تشرفت جدا وبصورة خاصة بمقابلة الصديق الدكتور عمر الحوري واسرته الكريمة
لولا البررررررررررد لفضلت في مكاني ان شاء الله لستة الصبح .
تحيات يا اسعد الريفي
| |
|
|
|
|
|
|
|
|
|
Re: فرحنا غنينا ليك يا لؤى شمت : خالد المحرب ، يا اخى دى حنة ما منظور مثيلا !! (Re: طارق ميرغني)
|
Quote: الاخ العزيز اسعد الريفي
بالفعل كان حفلا متميزا ابهجه الحضور بمشاركتهم العريس الجميل الصديق لؤي
الكل يلهج لسانه بشكر اخي خالد المحرب وحرمه المصون عفاف ابوحريره
علي المجهود الجبار الذي قاما به تجاه من احبوا واحببنا
عاطر امنياتي اخوتي وفي فرح العيال باذن الله
ودمتم ودامت الافراح...
منظرين الصور الصور الكاميرات الكتيره الكانت حايمه كك .. كرك .. دي وين....؟
خاتنها لليوم الاسود ولا ايه ..؟؟؟؟؟ |
الاخ طارق انتو كنت زينة الحفلة انت والمدام فوزيه
| |
|
|
|
|
|
|
|
|
|
Re: فرحنا غنينا ليك يا لؤى شمت : خالد المحرب ، يا اخى دى حنة ما منظور مثيلا !! (Re: احمد العمار)
|
منذ عودتي من السودان قبل خمسة وتلاتين يوم
وراسي لافي .. أجي الشغل وارجع البيت واحساسي
قوي بأن راسي لافي وحزن مقيم ونسيت الضحك
وأوقفت الخروج من البيت إلا للضرورة القصوى
شكرا لؤي شكرا خالد شكرا عفاف على هذه اللمة
العفوية الجميلة التي رأيت فيها بوادر التعافي
من لفة الراس المعنوية بعد العودة من الوطن
الجميل (رغم التناقض في أذقته) .. شكرا أسعد
الريفي .. بس الصور كلها جميلة إلا صورتي
أنا طالع فيها أطول من اللازم
| |
|
|
|
|
|
|
|
|
|
Re: فرحنا غنينا ليك يا لؤى شمت : خالد المحرب ، يا اخى دى حنة ما منظور مثيلا !! (Re: خالد عبد الله محمود)
|
اينما يحط رحل بورداب الرياض تنثر ورود الفرح علي بساط المكان وتزهر اهازيج الحب نغمات المودة فتخيم علي المكان غيمة الالفة النابعة من دواخل النفوس النقية.
شكرا بوداب الرياض حرارة الفرح اسرجت الدفء في بردالرياض .
شكرا ابواحمد وام احمد دوما تصعنون الفرح وعقبال اولادكم .
شكرا لؤي شمت لولاك لم يكن هذا الفرح ونتمي لك حياة سعيدة.
شكرا المبدعين خلف الله ودالشيخ وياسر الحلفايا امتعتونا حتي الثمالة فناً من الزمن الجميل .
شكرا عازف الطيل بدرالدين وعازف السكسفون وليد وعازف الاورغن ادم المسيري .
شكرا اسعد الريف علي ابداع فنان عدستة التي تحمل بشارات الفرح ودلالات الجمال .
شكرا لكل الضيوف الذي كانو حضورا .
شكرا للاطفال الذين عطورا المكان فرحاً رغم برودة الطقس ولكن دفء انفاس الحضور كان اكثر جمالاً .
| |
|
|
|
|
|
|
|
|
 Re: فرحنا غنينا ليك يا لؤى شمت : خالد المحرب ، يا اخى دى حنة ما منظور مثيلا !! (Re: يوسف السماني يوسف)
|
آل المحرب ..ولؤي شمت
عطاء من يملك لمن يستحق!
حقيقة كان من حظي انا وطارق انو ظروفنا تساعد وربنا
يسهل لينا ونكون من الحضور في الامسية الجميلة دي..
كانت سعادتي غامرة وكبيرة..جزء من الفرحة كان راجع لسعادتنا بحنة
لؤي وامنياتنا ليهو ببيت الزوجية السعيد الدافيء..لأنو لؤي مازول هين
دايما مجامل ومتواصل مع الناس في الفرح وفي الحزن..وما بيقصر (ما تقصر بيهو يارب)
بس جزء كبير من جمال الامسية كان بسبب آل المحرب..وما ادراك ما آل المحرب!
ديل ناس ربنا منزلهم من السماء عشان يعلموا البشرية المحنة..
معجونين من طينةالطيبة ومسقيين من موية صافية..
خلونا نسترد ثقتنا في السوداني المليان شهامة والسودانية الاصيلة ست الضيفان
كانت ليلة من الكرم والحب والبهجة..
الله يهنيك يا لؤي في بيتك الكبير الوهيط..
والله يفتحها في وشك يا خالد المحرب شقيق ما تقبل يا راجل يا كلس..
وربي يديم عليك نعمته ويديم عليك ست بيتك..المهرة الاصيلة..عفاف المكملة الصفات..
ويطرح البركة في اولادك وبناتك الجميليين ويكفيكم شر العين والمرض الشين..
وكل من شافكم وما قرا المعوذتين..
..........
كانت ليلة جميلة لاننا لاقينا بورداب الرياض بعد غيبة طويلة..بس فقدت خالدة البدوي شديد
وحليمة ومحمد الشيخ وايمان..لعلهم عافية..
| |
|
|
|
|
|
|
| |
اسعد الريفى
لؤى
خالد المحرب
MOHAMMED ELSHEIKH
أحمد الشايقي
ابو جهينة
د.محمد حسن
علاء الدين حيموره
إحسان عبدالمتعال أحمد
Kamal Karrar
الفاتح الجنيد
أحمد الصديق
سيف بخيت موسي
إدريس محمد إبراهيم
معاذ حسن
الجندرية
Mohamed Abdelgaleel
Khalid Saeed
خالد عبد الله محمود
يوسف السماني يوسف
رشا سالم
ادريس خليفة علم الهدي
فيس بوك
تويتر
انستقرام
يوتيوب
بنتيريست