|
دعواتكم لزميلنا المفكر د.الباقر العفيف بالشفاء العاجل
|
|
 Re: أسفاي ... ( ليه كدة يا لؤي شمت ؟ ) (Re: ابو جهينة)
|
سألني أحد العرب العاربة هنا عن كلمة ( أسفاي ) عندما أسمعْته هذه الأغنية
قلت له : هل تعني لك شيئا ..
قال : هل يقصد وا أسفي؟
قلت : هو كذلك .. و نحن في السودان نقوم بإضفاء مشاعر خاصة و دفينة فتخرج هكذا ..
ثم قلت : هل تعرف معنى واااا شريري ؟
قال لا ...
شرحت له متى ندلق هذه الكلمة .. و خاصة عندما تخرج من الحبوبات فتنتصب شلخاتهن كأيادي مرفوعة للسماء تطلب الإستجابة للدعاء ..
قلت له : و هلم كلمات تصب في باب الحسرة و التأسف و المجاملة ...
***
ببيع الدنيا.. كل الدنيا ...
| |
 
|
|
|
|
|
|
|
|
Re: أسفاي ... ( ليه كدة يا لؤي شمت ؟ ) (Re: ابو جهينة)
|
...ويحدثك الأعراب عن أن فلانا هو فنان العرب .وأن فلتكانا هو سيد الغناء العربي.ومنجم الألحان العذبة المليء بالجمال محمد عثمان وردي يسمع لحديثهم و..يرد عليهم بلحن أكثر روعة.
أستاذي جلال
الغالي لؤي
كل سنة وانتو أكثر سعادة..وربنا يطول عمر الهرم محمد وردي.
| |
|
|
|
|
|
|
|
|
|
Re: أسفاي ... ( ليه كدة يا لؤي شمت ؟ ) (Re: فتحي الصديق)
|
أخي و صديقي العزيز فتحي الصديق
تحياتي و مودتي
كل عام و إنت بألف خير
| Quote: ...ويحدثك الأعراب عن أن فلانا هو فنان العرب .وأن فلتكانا هو سيد الغناء العربي.ومنجم الألحان العذبة المليء بالجمال محمد عثمان وردي يسمع لحديثهم و..يرد عليهم بلحن أكثر روعة. |
أنا من أمبارح لغاية حسع الصباح سمعت المعزوفة دي 5 مرات ... لا مليت لا كليت ..
منتهى الروعة
لؤي .. و أسفاي لو ما رجعت ..
شكرا فتحي
| |
|
|
|
|
|
|
|
|
 Re: أسفاي ... ( ليه كدة يا لؤي شمت ؟ ) (Re: ابو جهينة)
|
الجميل دائماً ياتى من الجميل وبواسطة الجميل
كل سنة وكلاكما طيب وأهل السودان بخير والف شكر على القطعة الفنية الراقية من الأخ الصديق لؤى شمت
وفعلاً
| Quote: البركة في النجم ال في بعيد ضواي |
وليته يعود
كل سنة والجميع بخير
شول اشوانق دينق
_______________________
عد مع العام الجديد لؤى
| |
|
|
|
|
|
|
|
|
|
Re: أسفاي ... ( ليه كدة يا لؤي شمت ؟ ) (Re: شول اشوانق دينق)
|
أخي العزيز شول
تحياتي و عام سعيد و ميلاد مجيد
Quote: الجميل دائماً ياتى من الجميل وبواسطة الجميل
كل سنة وكلاكما طيب وأهل السودان بخير والف شكر على القطعة الفنية الراقية من الأخ الصديق لؤى شمت |
شكرا على مرورك البهي
تخريمة : ياخي إنت بتشبه ( أخوي ألبينو شول ) ... دينكاوي عاش و ترعرع معنا في بري اللماب في بيتنا و لا زال بالخرطوم ..
شكرا شول
| |
|
|
|
|
|
|
|
|
|
Re: أسفاي ... ( ليه كدة يا لؤي شمت ؟ ) (Re: انعام عبد الحفيظ)
|
اخى ابو جهينة
ياخى انت تغيب وتجى رامى لى حاجات بتتعبنى شديد
اولهم قولة واااشرريرى والله لى زمن بعيد ما سمعتها
ثانيا مكنونات الجمال وفمة الابداع
ما يعجز عنه الاخرون يسطره لحنا شديد قومه وهرم زمانه الاستاذ وردى
ومن ناس ديل وااسفاى ومن زى ديل وااسفاى
لك حبى وعاطر تحياتى
| |
|
|
|
|
|
|
|
|
|
Re: أسفاي ... ( ليه كدة يا لؤي شمت ؟ ) (Re: حامد محمد حامد)
|
أتضع القلم يا لؤى ..؟
أتودع صبايا الحى ..؟
أأعياك المسير أم صعبت عليك السكك..؟
يا شفاف !!
من الذى جرحك ..؟ ومن خدشك ..؟
وما ذنبنا..؟
ربما أكون آخر من عرفك ..
ولكنى لمست فيك روح الفرسان
فأنت والله فارس ...
وانا أعلم أنه هكذا يرحل الفرسان..
يرحلون عز مجدهم وبيدهم السلطان ..
يدمون قلوب العذاراء ويميلون الميزان
ظلمًا ونبلاً وقهراً وحباً دون سلوان
ويخلّفون من ورائهم الأساطير والحكيان
وفورة التراب والغبار وأثر الحصان
ولكنى أرجو أن تكون لست مثلهم..
فأنت فنان..
وطغى على فروسيتك الإنسان..
فأرجو أن تبقى..
فرسالتك الإسفيرية لم تصل لحن الختام !!
فلا تشقينا لؤى بآخر الالحان !!
| |
|
|
|
|
|
|
|
|
|
Re: أسفاي ... ( ليه كدة يا لؤي شمت ؟ ) (Re: حامد محمد حامد)
|
حامد
تحياتي و سلامي يا عزيزي
ياخى انت تغيب وتجى رامى لى حاجات بتتعبنى شديد
كلو بسبب لؤي
| Quote: اولهم قولة واااشرريرى والله لى زمن بعيد ما سمعتها |
كلمة بتوزن بيت شعر كامل مليان دعم معنوي كامل الدسم
| Quote: ثانيا مكنونات الجمال وفمة الابداع |
مكنونات جمال دفينة بتتعب الواحد و لكنها في نفس الوقت بتريحو .. ضدان زي الحلومر .. طاعم و شافي.
ما يعجز عنه الاخرون يسطره لحنا شديد قومه وهرم زمانه الاستاذ وردى
ربنا يديه الصحة و العافية
دمت لنا
| |
|
|
|
|
|
|
|
|
|
Re: أسفاي ... ( ليه كدة يا لؤي شمت ؟ ) (Re: ابو جهينة)
|
| Quote: تخريمة : ياخي إنت بتشبه ( أخوي ألبينو شول ) ... دينكاوي عاش و ترعرع معنا في بري اللماب في بيتنا و لا زال بالخرطوم .. |
استاذنا ابوجهينة ... والله ما عارف اقول شنو.
يااااااااه البينو شول زول اخوى بعرفو بلحيل وود منطقتنا "أبيى" وكمان برى اللاماب عارفو تب زقاق زقاق تصدق؟!
الزول ده زاتى انا ما لامى قيهو والزمن طال من آخر مرة إتقابلنا قرابة العشرة سنين والله!... عموماً بسال منو وبجيب ليك خبرو ولو عندك الخبر اجدعو لينا معاك يا استاذنا
كل سنة وإنت طيب
شول اشوانق دينق
| |
|
|
|
|
|
|
|
|
|
Re: أسفاي ... ( ليه كدة يا لؤي شمت ؟ ) (Re: أنور سيد ابراهيم)
|
عزيزي الأخ أنور
سلام كبير
مشكور على المرور
Quote: اتمنى ان يستجيب الاخ لؤى لكل الاخوة الذين كتبوا لعودته ..ياريييييت
علما بانّى احد الذين كتبوا..اكثر من ثلاثة مرّات
(يا لؤى ... طربنا وعادنا ما يشبه الاحلام من ذكراك )
هذا العام ..عام المحبة والتسامح والسلام ..!! هكذا نتمنّى
لذا آمل العودة ولو العربى والانجليزى ما جابك ..نقول ليك
(NOARKA KIRR ) |
أها يا لؤي
دعوة للعودة بالعربي و النوبي
دمت
| |
|
|
|
|
|
|
|
|
|
Re: أسفاي ... ( ليه كدة يا لؤي شمت ؟ ) (Re: شول اشوانق دينق)
|
أخي شول
Quote: استاذنا ابوجهينة ... والله ما عارف اقول شنو.
يااااااااه البينو شول زول اخوى بعرفو بلحيل وود منطقتنا "أبيى" وكمان برى اللاماب عارفو تب زقاق زقاق تصدق؟!
الزول ده زاتى انا ما لامى قيهو والزمن طال من آخر مرة إتقابلنا قرابة العشرة سنين والله!... عموماً بسال منو وبجيب ليك خبرو ولو عندك الخبر اجدعو لينا معاك يا استاذنا |
ألبينو ماجور شول
بنك السودان الخرطوم
لو لاقيتو قبل ما ألاقيهو ... تحياتي له و لأسرته
تحياتي
| |
|
|
|
|
|
|
|
|
|
Re: أسفاي ... ( ليه كدة يا لؤي شمت ؟ ) (Re: ابو جهينة)
|
اصوات الحان اخونا لؤى هنا فى كل مكان
خطواته مازالت عالقة هنا
متى سيفتح لؤى تلك المغاليق
ومتى ستنتقل اصوات من نادى به فى المنبر
من خانة النداء.... الى خانة الترحيب
صدقنى يالؤى الحانك تلك تبحث عن قدم وساق ...
عن من يحملها ليسمعها للاخرين....
يااخى لاتدع لقوافل الحانك العودة دونك
ورغم ذلك سنضع الحانك الاخيرة مواربة
قبل ان ننام ...
__________________
الشكر لك اخونا الاستاذ جلال وانت كما المحطات
التى تنتظر قطاراتها ....
كونوا بخير وسلام
| |
|
|
|
|
|
|
|
|
|
Re: أسفاي ... ( ليه كدة يا لؤي شمت ؟ ) (Re: ناهد بشير الطيب)
|
ناهد
كل سنة و آمالك محققة و ربنا يحفظك لأسرتك
اصوات الحان اخونا لؤى هنا فى كل مكان
خطواته مازالت عالقة هنا
متى سيفتح لؤى تلك المغاليق
ومتى ستنتقل اصوات من نادى به فى المنبر
من خانة النداء.... الى خانة الترحيب
صدقنى يالؤى الحانك تلك تبحث عن قدم وساق ...
عن من يحملها ليسمعها للاخرين....
يااخى لاتدع لقوافل الحانك العودة دونك
ورغم ذلك سنضع الحانك الاخيرة مواربة
قبل ان ننام ...
عاد أو لم يعد هذا اللؤي ... ستمثله أنامله هنا
| |
|
|
|
|
|
|
|
|
|
Re: أسفاي ... ( ليه كدة يا لؤي شمت ؟ ) (Re: انعام عبد الحفيظ)
|
أبا جهينة
العزيز جلال
سلام على روحك الطيبة
تكفي الاحزان عزفاً علي اوتار الزمن..وما اصعب أن تشعر بالضيق....وكأن المكان من حولك ... يضيق وسط حرقة الالم...وبين انهيار الدموع...وسط لحظات العذاب..وبين انطفاءات الشموع ..وسط اجواء مليئه بالمشاعر الإنسانية المتباينة..بين نظرات تعني الكثير والكثير.. وسط صمت رهيب ابلغ من الكلام..و بين الآهات وحرقة الجروح ؛!كانت لحظة الرحيل..كانت لحظة الفراق ؛مااصعب الفراق ... مااصعب لحظات الوداع نحتناها في ليلة ذات مساء طويل .. فو أسفاي !! مودتي وتحياتي
| |
|
|
|
|
|
|
|
|
|
Re: أسفاي ... ( ليه كدة يا لؤي شمت ؟ ) (Re: ابوبكر يوسف إبراهيم)
|
أخي و صديقي أبي بكر يوسف
سلام و مودة و تقدير
أما بعد
| Quote: تكفي الاحزان عزفاً علي اوتار الزمن..وما اصعب أن تشعر بالضيق....وكأن المكان من حولك ... يضيق وسط حرقة الالم...وبين انهيار الدموع...وسط لحظات العذاب..وبين انطفاءات الشموع ..وسط اجواء مليئه بالمشاعر الإنسانية المتباينة..بين نظرات تعني الكثير والكثير.. وسط صمت رهيب ابلغ من الكلام..و بين الآهات وحرقة الجروح ؛!كانت لحظة الرحيل..كانت لحظة الفراق ؛مااصعب الفراق ... مااصعب لحظات الوداع نحتناها في ليلة ذات مساء طويل .. فو أسفاي !! |
الحزن مختلطا بمثل هذا اللحن الشجي له نتيجة واحدة من نتيجتين :
إما ضاعف الحزن .. فأتعب الروح و الفؤاد
إما ... هدهد الدواخل و ربت على كتوف الحزن ...
في كل الأحوال .. أحيانا الحزن يغسل ما علق بالنفس من وقفات و هنات ..
دمتم
| |
|
|
|
|
|
|
|
|
|
Re: أسفاي ... ( ليه كدة يا لؤي شمت ؟ ) (Re: انعام عبد الحفيظ)
|
إنعام
سلام كبير و تحية مباركة و كل سنة و إنت بألف خير و أمنياتك كلها قد تحققت
أما بعد
غربة المكان تهون كثيراً أمام غربة النفس
ولتصالحك مع نفسك لا خوف عليك من غربتها
غربة المكان لها زمان وأوان
يا سلام يا إنعام
يا سلام عليك
كلام كبير من زولة فعلا عقلها يوزن دهب
عافاك الله
| |
|
|
|
|
|
|
|
|
|
Re: أسفاي ... ( ليه كدة يا لؤي شمت ؟ ) (Re: ابو جهينة)
|
أبوجهينة
حسي بالله عليك الله الجهجهة لزومه شنو؟؟؟
Quote: برااااهو الواهب العطاي
|
تبارك الذي أعطى أخونا الفنان الرائع لؤي شمت هذه الموهبة والحس الفني العالي والأنامل الماسية.
نسأله أن يحفظه ويغطي عليه...
تعرف يا جلال وأنا بسمع في المقطوعة يدي مشت على الجوال بدون ما أشعر ودقيت رقم لؤي فجائتني إبتسامته عبر الأثير قبل صوته الجميل وكلماته التي تخترق أعماقك قبل أذنك،،،
بادرته: ياخي دايماً تسوي لينا الوجع جوه العضام.
رد بتلقائيته المعهودة/ أنا برد يا حسن ياخ؟؟؟؟
ضحكنا وباركنا العام الجديد
وكل عام والجميع بخير وعافية
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
|
|
|
|
|
|
|
|
|
Re: أسفاي ... ( ليه كدة يا لؤي شمت ؟ ) (Re: Al-Shaygi)
|
الشايقي ود سيدأحمد
تحياتي
تبارك الذي أعطى أخونا الفنان الرائع لؤي شمت هذه الموهبة والحس الفني العالي والأنامل الماسية.
نسأله أن يحفظه ويغطي عليه...
آمين يا رب
تعرف يا جلال وأنا بسمع في المقطوعة يدي مشت على الجوال بدون ما أشعر ودقيت رقم لؤي فجائتني إبتسامته عبر الأثير قبل صوته الجميل وكلماته التي تخترق أعماقك قبل أذنك،،،
بادرته: ياخي دايماً تسوي لينا الوجع جوه العضام.
رد بتلقائيته المعهودة/ أنا برد يا حسن ياخ؟؟؟؟
ضحكنا وباركنا العام الجديد
إبتسامته عبر الأثير قبل صوته الجميل وكلماته التي تخترق أعماقك قبل أذنك،،،
دة كلام حلو و وصف دقيق لهذا الزول
| |
|
|
|
|
|
|
| |
ابو جهينة
فتحي الصديق
شول اشوانق دينق
انعام عبد الحفيظ
صلاح أبودية
محمد أبوالعزائم أبوالريش
ناهد بشير الطيب
السمؤال بدرالدين
Al-Shaygi
Habib_bldo
هاشم أحمد خلف الله
فيس بوك
تويتر
انستقرام
يوتيوب
بنتيريست