بورداب الخرطوم يدعوكم الصديق العزيز لؤى شمت لحضور عقد قرانه وتناول الغذاء بمنزل السيد/ الفاتح عثمان بشارع الستين بالخرطوم وذلك غداً الجمعة الموافق 25 ديسمبر بعد صلاة الجمعة وسيصل العريس صباح غداً الجمعة لحضور مراسم العقد ويغادرنا صباح السبت يعني إقامة لمدة 24 ساعة بس وهذه بمثابة دعوة لكم جميعاً حتى تشاركوا لؤى فرحته
شكرا انعام علي الخبر السعيد , وربنا يتمم للعرسان بخير ,, وبالتاكيد حضور لؤي للسودان فرصة لبورداب الخرطوم للالتقاء به ومباركة زواجه ,, حضور من بدري باذن الله ,,,,
Quote: شكرا انعام علي الخبر السعيد , وربنا يتمم للعرسان بخير ,, وبالتاكيد حضور لؤي للسودان فرصة لبورداب الخرطوم للالتقاء به ومباركة زواجه ,, حضور من بدري باذن الله
ألف مبروك لعزيزنا أبو اللول وربنا يتمم ليكم على خير وتمشي وتجيء بالسلامة، ويا بورداب الخرطوم ما نوصيكم على العريس
وشكراً يا إنعام، وبالمناسبة يا إنعام، لؤي دا أول واحد بوردابي يبارك لي عقدي، كنت محنن وبتكلم بالتلفون لاستقبال مكالمات التهنئة، فى بص المطار ومتجهين على الطائرة، وأول ما قفلت الخط، باشرني الذي يجلس بجواري بإبتسامة عريضة ألف مبروك يا عريس، شكرته على التهنئة وبعد التدقيق الشديد فى وجهه قلت له:"هل أنت لؤي شمت بتاع سودانيز أون لاين"؟! وتم التعارف والصداقة بيننا.
وبمناسبة الخرطة المرفقة يظهر إنو رسمها دكتور شهاب، لأنها كلها صيدليات لوول.
الشقيقة انعام تعرفي لؤي ما حصل لي الشرف وقابلته ، عندي عمي عاوز دواء من السعودية ولحسن الحظ لؤي مسافر بكرة وكتر خيره تبرع بتوصيله الى الخرطوم، ان شاء الله سوف اقابله مساء اليوم في جدة . ربنا يتم له على خير وبيت مال وعيال ان شاء الله.
Quote: تعرفي لؤي ما حصل لي الشرف وقابلته ، عندي عمي عاوز دواء من السعودية ولحسن الحظ لؤي مسافر بكرة وكتر خيره تبرع بتوصيله الى الخرطوم، ان شاء الله سوف اقابله مساء اليوم في جدة . ربنا يتم له على خير وبيت مال وعيال ان شاء الله.
تسلم يا شقيق وانشاء الله تتعرف على لؤى وتدوم المعرفة ويدوم التواصل بينكما
الحمدلله انه واصل الخرطوم.. لؤي أخ عزيز جدا حتي بدون ما اقابله وجها لوجه.. مكسب كبير أحضر عقد قراو مجموعة عزيزة علي قلبي.. تمبس وداليا والآن ل}ي وعروسه.. اتمني دكتور شهاب يكون حاضر..
الف مبروك نعومى حبيبه للاخ العزيز لؤى وربنا يتتم بخير وعقبالك حبيبه وعقبال نعوم وعقبال اللهو الخفى زاتو .. تتذكرى كيف عند الخور كانت جلستنا نعومى التوقيع حضور باذن الله ...
Quote: يا ماجدة اللهو الخفي زاتو ده طبعا اخوي لزم بس مضرب عن ا لزواج لووول
تحياتي
زاتوووو
عليك الله انت عندك اخو اسمو اللهو الخفى برضو ... سبحان الله ياجماعة يخلق من الاسامى واحداربعين بس الفرق حقنا والله العظيم لامضرب ولا شيتين بس الايام دى واخد ليهو شويه راحه وهدنه .. تسلم زاتو يارب من كل شر ...
انعام يا حبيبة البى مبرووووووووك لى لؤى الضى زينة شباب الحى والعقبى لي النعومات الحبيبات والسعيدين الحظ واهاتهم رضيانت عليهم يقعوا فى النعومات شاحده ربى بركة الجمعه الجامعه والدعوى العند الله سامعة سنة الفين وعشرة دى نشد الرحال لحضور فرح انعام وانعام ويققققققوم كدى بكرى يقج الصيوان من الحلفايا لى اريزونا كيتا فى كوستاوى الملصق فى الجليد والله فرحتى كبيرة يا نعومى للضى سلامنا ليه وتهانينا عديلة وزين وعقبالكن يمة
سوما الحنينة إزيك وفاقدنك في فرح لؤى والله تسلمي يا سوما على الدعوات الحلوات ديل ويارب تفرحي بالعندك كمان قادر يا كريم سلامك ح يصل لؤى انشاء الله وهو وصل صباح اليوم وح يغادرنا صباح بكره راجع للسعودية تاني كلها يوم واحد بس ح يفرح ويفرحنا كلنا معاه تسلمي يا غالية وربنا عالم معزتك جواي قدر أيه
الف مبروك لؤي و لينا و بيت مال و عيال ربنا يحرسكم و يحفظكم *ويهنيكم ------------
يا نذير
Quote: لؤي دا أول واحد بوردابي يبارك لي عقدي، كنت محنن وبتكلم بالتلفون لاستقبال مكالمات التهنئة، فى بص المطار ومتجهين على الطائرة، وأول ما قفلت الخط، باشرني الذي يجلس بجواري بإبتسامة عريضة ألف مبروك يا عريس، شكرته على التهنئة وبعد التدقيق الشديد فى وجهه قلت له:"هل أنت لؤي شمت بتاع سودانيز أون لاين"؟! وتم التعارف والصداقة بيننا.
داك كان نبي الله الخضر! قلت لي الكلام ده وين؟
------------ * عاملين اساميكم الزي بتاعت مسلسل الأطفال دي :)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
انعام عبد الحفيظ
عاطف عمر
عبد الدائم سيد أحمد
مزمل خيرى
العوض المسلمي
النذير حجازي
naeem ali
انعام حيمورة
HAIDER ALZAIN
فايزودالقاضي
محمد عمر الفكي
عفاف الصادق بابكر
Ahmed al Qurashi
إدريس محمد إبراهيم
Muna Khugali
طارق جبريل
ماجدة عوض خوجلى
ياسر بيناوي
خالد المحرب
Ahmed Abdallah
ALZOLZATOO
Awadallah Bashir
انور التكينة
طارق ميرغني
saadeldin abdelrahman
Hisham Ibrahim
omer abdelsalam
لؤى
انستقرام
يوتيوب
بنتيريست