( فيديو ) أوبريت مواكب الوفاء الكويتي 1989 ( لوحة السُّودان )

(عدل بواسطة ياسر معتصم on 11-08-2010, 06:30 PM)
(عدل بواسطة ياسر معتصم on 11-08-2010, 08:35 PM)

Quote: شكرا لؤى والله اكتر خساره لى فى فيضانات القاش بكسلا كانت فقدى لهذا الشريط الذى اغلى هديه من خالى المرحوم عبد الكريم محجوب وكان معه شريط فيديو لاعتزال النجم فيصل الدخيل الله يديك العافيه ياحبيب اظن الاخ يسرى ماشافو لانو كنا بنشاكل فى الفيديو هو داير شرط الكوره وانا داير الشريط ده اللهم ارحم خالى كومه

Quote: يالؤى ياأخوى ياخى أنت إنسان من الزمن الجميل الشغل دا فيهو مجهود سودانيين مقيمون فى الكويت وزى ماقال ليك أخوى ياسر دا تحفة فنيةمتكاملة الله يديك العافية

Quote: الاخ لؤي السلام عليكم ياراجل يافنان دائمابتجيب الحاجات الجميله وزكرتنا بالزمن الجميل كنت طلبته منك رقم محمد سعيد بالرياض اسمو كان نازل في البوست حق عامر الجوهري ارجو ارساله علي العنوان ادناه [email protected]

Quote: تعرف يا لؤي بعد كل الوفاء ده من الكويتيين للسودان والسودانيين..حيث كانوا من اكبر الدول التي مدتنا بجسر إغاثة جوي ايام كارثة السيول والامطار ثم كان بيننا السفير عبد الله السريع الذي تمنى ان يدفن بالسودان..رغم كل هذا الحب وقفت حكومتنا مع صدام ايام الغزو المشؤوم.

Quote: ياخـي تـحس النّاس كُلّها بتعمل حاجاتنا أحسن منّنا نـحن

(عدل بواسطة Elfadil Sabeil on 11-09-2010, 12:54 PM)

Quote: والله العمل في قمت الروعة.

Quote: لؤي سلام الفيديو ده اوضح بكثير وشكرا لنقل المادة للبورد

Quote: ذكرتنى تلفزيون السودان زمان وايام فترة مايو تحديدا عندما كانت الفنون مزدهرة لو بتذكر فى اوبريت اسمو ( وحاتك انت يا مايو ) غناء اسماعيل حسب الدائم مع فرقة الفنون الشعبية السودانية ، اختارو من كل قبيلة من قبائل السودان رجل وامرأة بملابس القبيلة كما هى ، تتوسطهم ( العروس )

عبد الدّائـم
سلامات

ياخـي دا كلام قديـم شديد
وما فـي زمنـي أنا
يـمكن النّاس القدرك تتذكّر




تـحاياي

Quote: يا حليل السودان ....... الله يرحموا

Quote: اخي لؤي والله كتر خيرك في قمة الاحباطات الحاصله من وحده او انفصال تذكرنا بالاشياء الجميله لكن برضو لا تخلو من تذكرة. عندما اري هذا الفيديو واتذكر موقف حكومتنا من غزو الكويت اتالم اشد الالم.

Quote: وعلى ذكر هذا فقد سبق أن قدمت فرقة رضا عند زيارتها للسودان في أواخر الستينات على ما أعتقد لوحة رقصة الحمامة والأداء الرائع لأغنية الفنان الراحل صالح الضيء ( أوعى تطول البعاد) والرقصة المصاحبة الرائعة من بنات فرقة رضا المصرية ، ذاك العمل ، وهذا العمل عملان سودانيان من صنع غير سوداني ، ويمكن أن يكون هذا السؤال ( لماذا يعمل غيرنا حاجتنا أحسن منا ؟؟؟ ) موضوع بوست.

Quote: فكرتونى باللذى مضى طفولتى العشتها بهناك كانت 12 سنه فى الكويت قبال حرب الخليج بسنه فارقتها لكن لحسى ما بقدر انساها لها معز فى دواخلى خاصه برغم شوائب شعبها

Quote: الاخ لؤي تحية مقدرة طبعا انا من المغتربين المخضرمين جدا بالكويت منذ عام 1974 وعشت بها اكثر من ثلثي عمري هذا العمل الجميل والصعب جداكان لن يخرج بهذه الخصوصية لو لا مشاركة المرحومة المخرجة حورية حاكم الفنانة المرهفة التي فارقتناوهي في مقتبل شبباها وتركت بنتها مهيرة صغيرة اللهم ارحمها وادخلها جناتك -- وبعدالغزو وخروجها من الكويت عملت بمحطة ART بمصر الحاجة المحزنة جدا انه بعد شهور قليلة جدا تقف حكومة السودان مع احتلال الكويت

Quote: جميلة الحاجات دى رجعتنا الى زمن نظيف وجميل ورائع

(عدل بواسطة اكرام الصادق الحسن on 11-10-2010, 08:43 AM)

Quote: يارائع يالؤي والله نحن محتاجين كنا لحاجة تعرفنا بالسودانين قبل الغزو وتعال شوف حالنا هسع بالكويت السودانين غير مرقوب فيهم والمصرين طبعا سياده بلد اول حاجة تقدم لوظيفة يقول ليك المصري سوداني اه من دول الضد والسودانين كسلانين والكويتي تقدم السيرة الزاتية بتاعك يقول ليك نحن نيي مصري ونادر مايقول ليك يازول نحن بنعز السودانين وحقيقة هم اهل خير وقدمو لينا كتير وياهلا بهم وهم يدعموننا باعمار اهل الشرق

Quote: يا لؤي يافنان يا ظريف دحين ما بتلقى لينا تسجيل لحفلة فرقة رضا وأدائها لأغنية صالح الضي ( أوعى تطول البعاد) وكسرتها ب ( دور بينا البلد داك ) حفلة المسرح القومي بأم درمان ( تسجيل تلفزيون السودان - أبيض وأسود ) خاصة الجزئية الجميلة جداً من رقصة الحمامة حينما تحاكي فتيات فرقة رضا الحمام ( ويتقابلوا كل بنتين) ويحاكون الحمام في زغزة صغاره بالطعام بالمناقير . ( يا الله على الروعة ) . أجتهد يا لؤي واجتهدوا جميعاً علنا نحصل لذلك التسجيل . خليتك يالؤي بعافية ، وخليتكم جميعاً بعافية .

Quote: يا لؤي يا مبدع و الله دايما بتتحفنا بأجمل الأغاني الشريط ده زكرني بأيام و زمن جميل جدا يا ريتو يعود مرة تانية

أخـي شريف
صباح الـخير

إنت برضو شكلك عجوز دفعتنا
سوما دي ما معانا طبعاً




مودّتـي

Quote: يا سلااااااااااام يا لؤي ياخ مكتبتك كلها كنوز ودرر ذكرتني الشريط ده كنت محتفظه بيه وعاجبني وشلتوا معاي السودان في الاجازة اتفرجوا فيه كل البعرفه تسجيل كان اكثر من رائع ولفتة بارعة من الاشقاء في الكويت لكن على قول الاحبة السبقوني في التعليق ده كان ايام زمان زمن العلاقات السمحة والناس البتفهم معنى الدبلوماسية أسوأ هعد مرينا بيه في زمن الانقاذ قدر الفي من علاقات مع دول الجوار وغيرها من الدول العربية والأجنبية انتهى منها وقضى على القديم والجديد وربما الجاي كمان الله يجازي الكانوا السبب شكرا يا الضي يا حنين ياخ

Quote: أخي لؤي ، ياأخي ما معقول توارد خواطر جميل فعلاً وسر هذا أعتقد أن كلانا من الزمن الجميل ( عجايز) ومشاركة في الذوق والوجدان الذي شكله ذلك الزمن الجميل . يا أخي أنت رائع وحسك عالي وذوقك رفيع . حفظك الله ، وتعجز الكلمات عن الشكر والثناء يا رائع. وفي انتظار روائع قادمة إن شاء الله

يا ميـرغنـي
سلامات

ياخـي أنا والله العاجزة كلماتـي وتعابيـري عن التّقدير والإمتنان
سلمت يا عجوز
وأهديك من الـتّسجيلات النّادرة الـمرحوم سيّد خليفة
فـي فيلـم ( تـمر حنّة )

مودّتـي

Quote: تذكّر ليك إسـم الـمخرج

Quote: لؤي يا حبيب عيدكم سعيد متوقعين زيارتكم في الاجازة الطويلة دي شكراً على البوست ده (من الأمس)

عمر العزيز
سلامات
وكُلّ عام وأنتـم بألف خيـر

ما فـي طريقة للأسف
عاملين معسكر للكاس




مودّتـي

Quote: الله الله الله يا لؤي إنت راجل جميل ذكريات جميلة مدفونة في أعماق الوجدان.....تجعل العين تدمع وتحن لأيام لن ننسي ذكراها

Quote: سلام يا لؤي بالاكتر والله .. عارف يا ابو اللول ده قطع شك الحذف مشاركتي السجلتها في مسقط بحجة انه قال سوما ما كانت محجبة كويس لووووووووولز طيب ما كان ترفض التصوير من اساسه لو فعلا الكلام صاح !!!! ياخ بالله ديل ناس بتهتم ؟؟ لو بهتموا نص اهتمامك ده كان حالنا مشا لقدام بخطوات ثابتة لكن نوعية زي دي تمرض عديــــــــــل ؟ عالم تورم الكبد والفشفاش زاتو بمناسبة المرارة الفوق دي عيدكم سعيد وربنا يحقق امانيكم ان شاء الله والقابلة على امانيكم يا رب

يا سوما
صباح الـخير

إتذكّرت ليك إسـم الرّاجل
( كردش )

زولِك داك يا سوما بيكون مغيوظ من الحجاب

وإنتي طيبة يا رب
وربّنا يـحقّق الأُمنيات
ويـجعله عيد سعيد

Quote: إتذكّرت ليك إسـم الرّاجل ( كردش )

Quote: بالله ده عم كردش ؟؟!!!