دعواتكم لزميلنا المفكر د.الباقر العفيف بالشفاء العاجل
|
|
 ( المحلّي ) داخل عطبرة (( فيديو فضيحة ))
|
يعنـي جد هل يُعقل ؟
الإعلان دا فات علـى ناس الشّركة بتاعة الـحليب ( معاوية البرير ) ؟
وفات علـى الشّركة الـمنفّذة للإعلان ؟
وفات علـى مخرجـ/ـة الإعلان ؟
وفات علـى الـمنفتح علـى الآخر وبيقول :
بالـموز ولاّ بالفانيليا ولاّ بالشوكولاتة ولاّ عادي ولاّ مُحلّـي ؟
وفات علـى الشّاطرة البتقول :
وكمان حليب بيست عادي ومحلّـي ؟
وفات علـى القناة ؟
فات علـى كُلّ الـخلق دي ؟
يعنـي جد معقول ؟
كُلّ النّاس دي ما قادرة تفرّق
بيـن محلّـي البتتقال فـي الإعلان دي
وبيـن مُحلّـى أي ( حلو )
يعنـى كلمة مُحلّـى دي صعبة شديد كدا ؟
يا ربّـي أكون أنا الغلطان وما فاهـم الإعلان ؟
والنّاس دي صاح ؟
وهل دا إهـمال ولاّ بلادة ؟
|
|
 
|
|
|
|
|
|
|
 Re: ( المحلّي ) داخل عطبرة (( فيديو فضيحة )) (Re: لؤى)
|
لؤى يا فنان
بالطريقة دي حا تجيك ذبحة ( تسلم )
وحا تجيبها لناس كتيرين .. أعمل مطنش
واشرب حليبك من سكات
Quote: يا ربّـي أكون أنا الغلطان وما فاهـم الإعلان ؟
والنّاس دي صاح ؟
|
من الآخر كدا
إنت غلطان لأن الإعلان ينسجم هندريد بيرسنت مع واقع الحال
ومع ما هو سائد
..
بيست ريقاردز
| |
|
|
|
|
|
|
|
|
|
Re: ( المحلّي) داخل عطبرة (( فيديو فضيحة )) (Re: MOHAMMED ELSHEIKH)
|
لؤي ...... انت كنت استاذ لغة عربية ..... 
والله ماشاء الله بتلاحظ لي حاجات نحن نجي ماشيين فيها سااااااااكت ..
والغربية عندي ولدي (محمد عثمان) 6 سنوات
معجب بي بالدعاية دي اعجاب شديد خلاس
تقول ليهو ياولد جيب موية ...
يقول ليك بالموز ولا بالشكولاتة ولا محلي .....
لمن انا ذاتي بقيت لمن يقول لي يابابا داير حاجة مثلاً
اقوم اقول ليهو بالموز ولا بالشوكلاتة ......
الغريبة بقوم يقول لي يابابا ما تتعاور انا بتكلم معاك بالجد .........
| |
|
|
|
|
|
|
|
|
 Re: ( المحلّي) داخل عطبرة (( فيديو فضيحة )) (Re: omer osman)
|
Quote:
لؤي ...... انت كنت استاذ لغة عربية .....
والله ماشاء الله بتلاحظ لي حاجات نحن نجي ماشيين فيها سااااااااكت ..
والغربية عندي ولدي (محمد عثمان) 6 سنوات
معجب بي بالدعاية دي اعجاب شديد خلاس
تقول ليهو ياولد جيب موية ...
يقول ليك بالموز ولا بالشكولاتة ولا محلي .....
لمن انا ذاتي بقيت لمن يقول لي يابابا داير حاجة مثلاً
اقوم اقول ليهو بالموز ولا بالشوكلاتة ......
الغريبة بقوم يقول لي يابابا ما تتعاور انا بتكلم معاك بالجد .........
|
يا جنابو
سلامات
تقدر تقول حاجة قريبة كدا من أُستاذ عربـي دي 
ولدك مـحمّد عُثمان ( أبوي دا )  ، يبعد من القنوات دي فوراً 
ما قادر أصدّق يا جنابو النّاس دي ما قادرة تستوعب قصّة مُحلَّـى دي
وُدّي
| |
|
|
|
|
|
|
|
|
|
Re: ( المحلّي) داخل عطبرة (( فيديو فضيحة )) (Re: MOHAMMED ELSHEIKH)
|
Quote:
يا لويي انت مخك دا جوة الجمجمة بتاعتك ولا شنو؟
ياخي عادي معناتها مستورد
ومحلي يعني داخلي
بعدين
انت الوداك تفتح ةجنس الحاجات دي شنو ؟ ما عجبتك ال688 قناة التانية الا دي؟
مع تحياتي وودي
ود الشيخ
|
أخـي ودّ الشّيخ
مساء الـخيـر
نظريّتك دي ما تفتكرها ما حاصلة
فـي ناس فـي الفيسبوك إعتقدت أنّ كلـمة "مـحلّـي" فـي الإعلان صحيـحة
وأنّ إنتقادي مرتبط بكون الإعلان لزبادي مـحلّي وليس مستورد
أكيد فـي ألوف القنوات
بس تقول شنو ؟ إبتلاء
| |
|
|
|
|
|
|
|
|
|
Re: ( المحلّي ) داخل عطبرة (( فيديو فضيحة )) (Re: طه إبراهيم عبد الله)
|
طه
سلامات
أهـي دي عاملة لـي ذبـحة أكتـر من الإعلان
Quote:
من الآخر كدا
إنت غلطان لأن الإعلان ينسجم هندريد بيرسنت مع واقع الحال
ومع ما هو سائد
|
والله يا طه حاولت أطنّش
لكن مستغرب جد يعنـي
قُلنا الولد بالصّوت العجيب بليـد
أها البت العاملة ليلـى الـمغربـي دي مالـها ؟
قال مـحلّـي قال
| |
|
|
|
|
|
|
|
|
|
Re: ( المحلّي ) داخل عطبرة (( فيديو فضيحة )) (Re: احمد خليل)
|
Quote:
يا اخوانا نحن عرب بنعرف عربي احسن من
العرب (في بعض الروايات) اما في ما يخص البلادة
نحمدالله ممكن يكون عندنا بلادةو عوارة لكن ما
عندنا خباثة العرب
سلام للجميع
|
أخـي أحـمد خليـل
مساء الـخيـر
لكن بلادة زي دي ؟
تفوت علـى كُلّ النّاس دي ؟
مُـحلَّـى تبقـى مَـحلِّـي ؟
يعنـي مُسكَّر مـمكن تتعـمل مُسْكِر
ومُبَهَّر تتعـمل مُبْهِر
تـحاياي
| |
|
|
|
|
|
|
|
|
|
Re: ( المحلّي ) داخل عطبرة (( فيديو فضيحة )) (Re: عاطف عمر)
|
Quote:
تحياتي وسلامات لؤى يا فنان
"""" ياخ انا ما فاقعنى الغلط
انا فاقعنى الود النى """""
يصيبني بالإشمئزاز هذا الولد ( النى ) يا معتصم
الغلط في اللغة بتعالج
زى الولد دا يعالجوهو كيف ؟؟؟
|
يا أُستاذ عاطف
سلامات
والله فعلاً مثيـر للإشـمئزاز جدّاً
والعود الـمعووج دا ما أظن بينعدل
كوارث عـجيبة
| |
|
|
|
|
|
|
|
|
|
Re: ( المحلّي ) داخل عطبرة (( فيديو فضيحة )) (Re: أيمن دياب)
|
لؤي إزيك ياخ ...
شنو ياخ إنت من الصباح ناطي في الناس دي بالشلوت كده ...
ياخ ما يمكن قادين محلي بمعني إنو بيحلي الخشم ...!
يعني يخليهو حلو ...
ولا يخلي الزول زاااااااتو ( حلو/ حليو ) زي الفي الإعلان ده ...!
تتعدد الأسباب وفقع المرارة واااااااااااااحد ...!
| |
|
|
|
|
|
|
|
|
|
Re: ( المحلّي ) داخل عطبرة (( فيديو فضيحة )) (Re: أيمن دياب)
|
عمر عثمان حبيبنا
Quote: اقوم اقول ليهو بالموز ولا بالشوكلاتة ......
الغريبة بقوم يقول لي يابابا ما تتعاور انا بتكلم معاك بالجد ......... |
ياخي قطعت مصارينا
.
.
ابو اللول
تعرف انت لانك زول فنان ملاحظتك قوية لانك بتركز في عدة جوانب من حيث الموهبة التي تتمتع بها
ولكن بالنسبة لنا اصبحت الدعايات ممله مرات تكون شايفها قدامك والناس دي بتقول في شنو لم تركز ولم تسمع
صراحة هذه الدعاية شاهدتها كثيرا ولم الاحظ ملاحظتك
لكن خليك من الدعايات الغناء ذاتو اصبح مبشتن
تقول ليهم دا غلط يقولو ليك ناس لجنة النصوص طالبين ذلك لما نحن زاتنا حصل لينا حول في السمع
بالله راجع لي الاغنية دي عشان عايز اشد لي تلفون لفرفور
في اغنية غنى القمري على الغصون ذكرني الدر المصون
بقول فيها : عوم الوز تقلد مشيك .... في نظري فيها شوية من الركاكه
وتقريبا وحسب سمعنا القديم بتقول ( عوم الوز تشبة مشيك )
ممكن تسمعها تلقاها عند اولاد المورده
صححنا بالله
شفت اللخبطة بتعمل شنو
| |
|
|
|
|
|
|
|
|
|
Re: ( المحلّي ) داخل عطبرة (( فيديو فضيحة )) (Re: قلقو)
|
أخ لؤي
بالجد دي حاجه تغيظ شديد
الجماعه ديل غيروا معنى الكلمه نهائياً
اموال طائله جداً تنفقها كثير من الشركات في الدعايه والاعلان يتم اهدارها بواسطة اشخاص ماعندهم اي علاقه بالماركتينق.
شويييه ناس طارق نور (شركة ماسودانيه) في المنشيه ممكن يبدعوا اعلانات متميزه
مؤونة عام من الود
| |
|
|
|
|
|
|
|
|
|
Re: ( المحلّي ) داخل عطبرة (( فيديو فضيحة )) (Re: محمد فرح)
|
الله يجازي محنك يا لؤي
انا افتكرتك ببتكلم عن البطولة الرياضية القائمة اليومين دول في السودان
وقلت الزول دا جايب الدعاية الاعلانية ليه يا ربي (طبعا تسرع مني)
وبعد التمعن اكتشفت
.| Quote: انا فاقعنى الود النى .. |
والله الود دا ني نياوة عجيبة (نياوة دي صاح يا ناس اللغة العربية )
ياخي السوداني لمن يحلق الشنب بيبقى شكلوا عرص خاصة لذوي الشفاه الممطوطة
| |
|
|
|
|
|
|
|
|
 Re: ( المحلّي ) داخل عطبرة (( فيديو فضيحة )) (Re: محمد مصطفي مجذوب)
|
Quote:
يا لؤي
سلام
مالك علينا يا اخي
ده شنو النكتو لينا ده؟
هي البنيه دي وقت ما عارفة مطار الجن ده يمشوهو بي وين ... ما لقيت غير اختها البتقول ليها محلي دي ؟؟؟؟؟؟؟؟؟؟
الحكاية خلاص بقت عيني عينك ..
سمح وين ناس الرقابة ديل ... ما فيهم زول ممكن يشتغل حاجة تانيه غير مناقرة الصحفيين !
وين ناس النظام العام الواقعين في بنات الناس ...جلد ... ناس محلي ديل ما واقعين داخل دايرة اختصاصهم ؟
ووين اولاد اخونا العطا المبانيهم ماسكة سكة المطار بي جاي وجاي كاتبين ليهم يافطة يقولو فيها ممنوع الدخول لاشباه الرجال ؟
|
يا الـمـجـذوب
سلامات
تساؤلات مشروعة
ليتها تـجد إجابة أو تفسيـر مقنع
حال البلد مال
الله يصلح الأحوال
كان بتنصلح
وُدّي
| |
|
|
|
|
|
|
|
|
 Re: ( المحلّي ) داخل عطبرة (( فيديو فضيحة )) (Re: محمد فرح)
|
Quote:
أخ لؤي
بالجد دي حاجه تغيظ شديد
الجماعه ديل غيروا معنى الكلمه نهائياً
اموال طائله جداً تنفقها كثير من الشركات في الدعايه والاعلان يتم اهدارها بواسطة اشخاص ماعندهم اي علاقه بالماركتينق.
شويييه ناس طارق نور (شركة ماسودانيه) في المنشيه ممكن يبدعوا اعلانات متميزه
مؤونة عام من الود
|
الأخ مـحمّد فرح
سلامات
هو حال البلد
صرف وإنفاق بلا فهم
وسرقات وفساد وإهدار مال مؤلـم
وكذلك بواسطة أشخاص لا علاقة لـهـم بالوطنيّة
تـحاياي
| |
|
|
|
|
|
|
|
|
 Re: ( المحلّي ) داخل عطبرة (( فيديو فضيحة )) (Re: وليد عبد اللطيف)
|
Quote:
ابو اللول
تعرف انت لانك زول فنان ملاحظتك قوية لانك بتركز في عدة جوانب من حيث الموهبة التي تتمتع بها
ولكن بالنسبة لنا اصبحت الدعايات ممله مرات تكون شايفها قدامك والناس دي بتقول في شنو لم تركز ولم تسمع
صراحة هذه الدعاية شاهدتها كثيرا ولم الاحظ ملاحظتك
لكن خليك من الدعايات الغناء ذاتو اصبح مبشتن
تقول ليهم دا غلط يقولو ليك ناس لجنة النصوص طالبين ذلك لما نحن زاتنا حصل لينا حول في السمع
بالله راجع لي الاغنية دي عشان عايز اشد لي تلفون لفرفور
في اغنية غنى القمري على الغصون ذكرني الدر المصون
بقول فيها : عوم الوز تقلد مشيك .... في نظري فيها شوية من الركاكه
وتقريبا وحسب سمعنا القديم بتقول ( عوم الوز تشبة مشيك )
ممكن تسمعها تلقاها عند اولاد المورده
صححنا بالله
شفت اللخبطة بتعمل شنو
|
وليد العزيز
سلامات
إنت بس سامعها غلط يا عزيزي
هـي ما ( عوم الوز تقلِد مشيك )
هـي ( عوم الوز تقليـد مشيه )
مودّتـي
| |
|
|
|
|
|
|
|
|
|
Re: ( المحلّي ) داخل عطبرة (( فيديو فضيحة )) (Re: Dania Elmaki)
|
Quote:
قسم بالله العظيم ضغطي ارتفع,
و البنت الشينه البتعوج في شلاليفها دي يا ربي لمن شافت الاعلان قالت شنو على روحها؟
الله يسامحك يا لؤي, انا ما عندي قناة السودان عشان الضغط
|
دانية
سلامات
سلامتك
ودي واحدة من قنوات السُّودان العشرة يا دانية
تحاياي
| |
|
|
|
|
|
|
|
|
 Re: ( المحلّي ) داخل عطبرة (( فيديو فضيحة )) (Re: لؤى)
|
سلام يا لؤي .. والتحايا للمدام ولولي العهد ..
والله يا لؤي لو عايز تموت من الغيظ والقرف بالجد ..
تابع الشريط المتحرك في أيِّ قناة سودانية .. حتشوف العجب العجاب ..
يا خي دي بلادة .. وجهل .. وعوارة ما أنزل الله بها من سلطان ..
والظاهر إنه الناس المشرفين على القنوات دي ما فيهم زول بيراجع الحاجات دي نهائي ..
بالجد فاقعين مرارتنا ..
| |
|
|
|
|
|
|
|
|
|
Re: ( المحلّي ) داخل عطبرة (( فيديو فضيحة )) (Re: عبد الله كسلا)
|
لؤي ياحبيب
حياك الله
قناه النيل الازرق دي لو الشغلانيه بي الاي بي كان حظروا الاي بي بتاعك عشان تاني ما تشاهد
خليك زينا كده عشان ما ترفع ضغطك شاهد لكن ماتسمع أسع أنا بفتح النيل الازرق بتفرج بس في بنات الحور ديل لكن لو سألتني
الموضوع البيتكلموا فيهوا شنو والله أكون كذاب لو عرفتوا ليك .
| |
|
|
|
|
|
|
|
|
|
Re: ( المحلّي ) داخل عطبرة (( فيديو فضيحة )) (Re: عبد الله كسلا)
|
Quote:
سلام يا لؤي .. والتحايا للمدام ولولي العهد ..
والله يا لؤي لو عايز تموت من الغيظ والقرف بالجد ..
تابع الشريط المتحرك في أيِّ قناة سودانية .. حتشوف العجب العجاب ..
يا خي دي بلادة .. وجهل .. وعوارة ما أنزل الله بها من سلطان ..
والظاهر إنه الناس المشرفين على القنوات دي ما فيهم زول بيراجع الحاجات دي نهائي ..
بالجد فاقعين مرارتنا ..
|
كسلا يا صديقـي
سلامات
دا لو ما الـمشرفيـن البيكتبوا بعضها
الله يصلح حالنا بس
مـحبّتـي
| |
|
|
|
|
|
|
| |
لؤى
saif massad ali
معتصم الطاهر
MOHAMMED ELSHEIKH
omer osman
Yassir Tayfour
ياسر معتصم
احمد خليل
أحمد ابراهيم عثمان
محمد الامين احمد
عاطف عمر
د.محمد بابكر
Dania Elmaki
صالح عبده
وليد عبد اللطيف
قلقو
محمد فرح
Zomrawi Alweli
محمد مصطفي مجذوب
محمد أبوالعزائم أبوالريش
عبد الله كسلا
عادل الباهي عبدالرازق
فيس بوك
تويتر
انستقرام
يوتيوب
بنتيريست